|
|
|
 Re: سؤال لأهل الخبرة : ماهو أسهل طريق للهجرة من هذه البلد ..؟!!!!! (Re: Ahmed musa)
|
معاكم من مصر القريبة دي لحدود امريكا البعيدة ديك والصين
شغل ...رمتلة ... ايتها حاجة ...
ياخ معقول تتعب عمرك كله عشان تركب مسئول عربية
وتقري اولاده في تعليم خاص
وتعالجهم بره البلد
وفجاة تلقى ليك ولد مستشار سابق عنده 800 م م في شارع الستين
وهو من مواليد التمانينات ... وابوه يقول ليك والله ولدي مالاقي ليه شغل
هو ولدك لاقي وكت للشغل ... قرفتونا الله يقرفكم .....
| |
  
|
|
|
|
|
|
|
|
Re: سؤال لأهل الخبرة : ماهو أسهل طريق للهجرة من هذه البلد ..؟!!!!! (Re: Safia Mohamed)
|
الدول الاسكندنافيه فاتحه اليومين ديل
اها كيف الدبارة في دي يا الطيب
انا جادة
ـــــــــــــــــــــــــــــــــــــــــــــــــ
شووا ليكم إنتهاية (جادة) ...:)
بعدين من شوبارها خلت الإبن خضر) ونطت للأب (الطيب)
بعد ماخلت سيد البوست ونطّت للمتداخل الإسكندنافي ... :)
يا خضر ... إسكندنافية ... نت كافية ... اي آفية شو البداية
بجد قرفنا ....
تلفى وزير عامل ليه بيت حدادي مدادي ... ونحن ندفع كهربته ومويته ولحمته وخضاره
معقولة بس ....... قرف يقرفهم ويقرف سكاتنا عليهم ......
| |
|
|
|
|
|
|
|
|
|
Re: سؤال لأهل الخبرة : ماهو أسهل طريق للهجرة من هذه البلد ..؟!!!!! (Re: خضر الطيب)
|
والله حاسى بيك يا احمد
بدليل كتابتك دى ماقدرتا افهما الا بعد استخدمتا الحدس بتاع البوليس عمر
Quote: شووا ليكم إنتهاية (جادة) ...:)
بعدين من شوبارها خلت الإبن خضر) ونطت للأب (الطيب)
بعد ماخلت سيد البوست ونطّت للمتداخل الإسكندنافي ... :)
يا خضر ... إسكندنافية ... نت كافية ... اي آفية شو البداية
بجد قرفنا ....
تلفى وزير عامل ليه بيت حدادي مدادي ... ونحن ندفع كهربته ومويته ولحمته وخضاره
معقولة بس ....... قرف يقرفهم ويقرف سكاتنا عليهم ...... |
انا كنت السنه الفاتت فى السودان بعد سنوات غربه وشفتا كيف الحال
لو عاوز تبقى حرامى ساهله جدا .. لكن لو عاوز تعيش شريف عيش يا.......
الله يكون فى عون الناس بس
| |
|
|
|
|
|
|
|
|
|
Re: سؤال لأهل الخبرة : ماهو أسهل طريق للهجرة من هذه البلد ..؟!!!!! (Re: Ahmed musa)
|
بسم الله يا استاذ احمد
دي ما قريتها ولا شنو لاحظ لزمن المداخلتين
Quote: استاذ احمد بعد تلقى شوف لينا معاك بالمرة
تحياتي
صفية |
Quote: شووا ليكم إنتهاية (جادة) ...:)
بعدين من شوبارها خلت الإبن خضر) ونطت للأب (الطيب)
بعد ماخلت سيد البوست ونطّت للمتداخل الإسكندنافي ... :)
يا خضر ... إسكندنافية ... نت كافية ... اي آفية شو البداية
بجد قرفنا .... |
بس جاري للوم
عموما معذور لانك قاعد في السودان
تحياتي مرة اخرى
صفية
| |
|
|
|
|
|
|
|
|
|
Re: سؤال لأهل الخبرة : ماهو أسهل طريق للهجرة من هذه البلد ..؟!!!!! (Re: Ahmed musa)
|
سلامات يا أبو حميد .. وكيف حالك ياخي
السودان بلد يقصر العمر .. أو كما قال مستر تسو من جاو
كللنا يا أبوحميد مليانين إحباط ومدفقين .. وأنا واحد من الناس فكرت زيك كده كتيييييير أها يا محمد عمر المخارجة كيف .. وأقول ليك كمان أنا ما عندي مشكلة تأشيرة لأي حتة من الحتات البهاجروا ليها الناس .. بس حاجتين اتنين بسبتوا الزول .. وممكن إنت برضك تفكر فيهم
الحاجة الأولى : ما انقطع العشم والله يا أبوحميد . وحتى الآن ترمومتر الأمل ما صفّر ولسة في حتة جوة الجوة كدا بتقول لي الجاي ها يكون أحسن وقريييييب كدة بنشوف الهم القاعد في قلبنا دا إتخارج والبلد بقت ماشة للأحسن .. حتى لو أكون أنا واحد من الضحايا .. ما مهم .. بس المهم مازن ولدي دا لمن يكبر يلقى بلد يباهي بيها العالم .. نضيفة من أي حاجة مكرهانا في البلد دي وخلتنا نفكر نهاجر منها في يوم من الأيام
الحاجة التانية يا أحمد ودي الأهم : دايما لمن تجيني فكرة الهجرة دي بسأل نفسي سؤال واحد .. هل أنا دا .. محمد عمر دا .. أولى بالحياة الكريمة الهنية الرضية من أسرتي الصغيرة ؟ حتى لو أسرتي الصغيرة دي هاجرت معاي .. هل أنا واسرتي الصغيرة دي أولى بالحياة الكريمة الهنية الرضية من أمي ؟؟ هل أنا أولى بيها من أبوي ؟؟ هل أنا أولى بيها من أخواني وأخواتي واولاد عمي وبنات جيرانا .. أبدا .. أنا ما أولى بحياة الدعّة والرغد من الناس ديل
تحياتي
| |
|
|
|
|
|
|
|
|
|
Re: سؤال لأهل الخبرة : ماهو أسهل طريق للهجرة من هذه البلد ..؟!!!!! (Re: محمد عمر جبريل)
|
Quote: الحاجة التانية يا أحمد ودي الأهم : دايما لمن تجيني فكرة الهجرة دي بسأل نفسي سؤال واحد .. هل أنا دا .. محمد عمر دا .. أولى بالحياة الكريمة الهنية الرضية من أسرتي الصغيرة ؟ حتى لو أسرتي الصغيرة دي هاجرت معاي .. هل أنا واسرتي الصغيرة دي أولى بالحياة الكريمة الهنية الرضية من أمي ؟؟ هل أنا أولى بيها من أبوي ؟؟ هل أنا أولى بيها من أخواني وأخواتي واولاد عمي وبنات جيرانا .. أبدا .. أنا ما أولى بحياة الدعّة والرغد من الناس ديل
|
ما خليت حاجة تتقال يا محمد عمر جبريل
ربنا يحفظك و يحفظ اسرتك الصغيرة و الكبيرة
وينعدل حال البلد قادر يا كريم.....آمين
| |
|
|
|
|
|
|
|
|
|
Re: سؤال لأهل الخبرة : ماهو أسهل طريق للهجرة من هذه البلد ..؟!!!!! (Re: محمد عمر جبريل)
|
والله يا محمد انا مابحب بلدي بس ,,, انا بخاف عديل كدة لو مرقت منها
وبشوف ليك الناس البرة دي شجاعة حد الشجاعة ...
ومن ناحية عيشة هنا انا عايش والحمدلله وزي ماقلت لواحد صاحبي انا الانقاذ دي مفروض اعض عليها بالنواجذ
فيها اتزوجت وجبت عيال وعملت بيت ملك ففي منطقة كويسة وعربتين ... بطر ده موش
لكن بجد تحس بغبن وانت شايف نفسك هلكان عشان تعمل كدة او عشان تحافظ عليه
بالمقابل جأة تشوف ليك مراكز اقتصادية بتقوم قدامك ...وبتحملك انت تبعات قيامها وتبعات الحفاظ عليها
كيف ؟؟ جرب اعمل ليك اي مشروع خاص .... شوف كمية الرسوم البتقع في راسك
في النهاية بتلقى نفسك بتدفع في رسومك ورسوم شيخ فلان وود شيخ فرتاكان
بجد حاجة تقرف .....
| |
|
|
|
|
|
|
|
|
|
Re: سؤال لأهل الخبرة : ماهو أسهل طريق للهجرة من هذه البلد ..؟!!!!! (Re: محمد البشرى الخضر)
|
والله يا محمد البشرى وبجد انا بشتغل وبحس انو في كمين زول كدة مشاركني مجهودي ده
ما مشاركني بمعني بجتهدوا ...نوووووو .... قاعدين في مكيف فريون ومنتظريني ادخل دخل وهوب
وموش الكلام دي لي انا احمد موسى كشخص لا كطبقة ...شغالة سخرة لشيوخ والولاد شيوخ
هم ياكلوا
هم يتعلموا
هم يتعالجو
هم يسكنو
هم يركبو
ونحن ندفع قيمة ده كوووووووووله .... واول ما تجي الحارة نحن ندفع ثمن الدفاع عنهم
بعدين الثورة معطلنها كهنونتات داير يقعد في فريون زي فريون الشيوخ ويجو هوب
محمد ...... الهجرة .... فقط ..... هي الحل ......
| |
|
|
|
|
|
|
|
|
|
Re: سؤال لأهل الخبرة : ماهو أسهل طريق للهجرة من هذه البلد ..؟!!!!! (Re: Ahmed musa)
|
والله يا ابوحميد بعد كتبت مداخلتي و ارسلتها قريتها تاني لقيتني منظّراتي ضارب الموية الباردة و التكييف و بقول ليك امشي ثور بدل تجي تضرب التكييف معاي هنا
قلت الحق أعدّلها لكن تقول شنو بس الله غالب انشغلت في شنو ما عارف لقيتك قريتها ورديت
فا شنو انسى يا معلّم كلامي دا و هاجر هجرتك و الله يعدلها عليك و ييسّر ليك الفيه الخير
هي ثورة بتعازمو ليها كدا باقي ليك بتقوم
الله كريم غايتو
| |
|
|
|
|
|
|
|
|
|
Re: سؤال لأهل الخبرة : ماهو أسهل طريق للهجرة من هذه البلد ..؟!!!!! (Re: محمد البشرى الخضر)
|
أقول ليك سر يا ود البشرى ..؟!! انا بجد زهجتي دي عندها كمين سبب
اها انت واحد من الاسباب ... انت وقريبك الخلي الغربة وجه عمل بزنس
انا كنت متابع تداعياته لحدي ما وصل مرحلة نفسي نفسي نفسي ...
وان بقرأ كنت بحس بالضيق ... واقول ليه اي حاجة لازم تمر بولائك للحزب؟؟
وانا في سكني بري بمر ببيت مصعب الزبير وعوض احمد الجاز وقطع اخوان عمك
واراضي ولد المستشار ... وبشوف البنوك بتتضرب وتتنهب باسم الولاء وباسم الدين
والبلد تضيق يحملونا نحن العجز المالي والعجز السياسي وحتى العجز الجنسي لو وجدوا له سبيلا
| |
|
|
|
|
|
|
|
|
|
Re: سؤال لأهل الخبرة : ماهو أسهل طريق للهجرة من هذه البلد ..؟!!!!! (Re: Haju Muktar)
|
هو يقول ليك زهجان داير يهاجر من الكيزان وبلاويهم
تقولي ليهو البحب قطر ......... هسع لو طلع بحب المترو
بتختي ليهو البسطونه في جركانة الويه
الهجره قسم
والريده فهم
ــــــــــــــــــــــــــــــــــــــــــــــــــــــــــــ
والله يا هجو قريت مداخلتك دي قربت ابكي ... يعني لم تلقى زول فاهمك في ضيقك تقررررب تبكي
ولما تلقى واحد يقول ليك كية فيك باثناء ضيقك تااااني تقررررب تبكي
الله في
| |
|
|
|
|
|
|
|
|
|
Re: سؤال لأهل الخبرة : ماهو أسهل طريق للهجرة من هذه البلد ..؟!!!!! (Re: Ahmed musa)
|
Quote: والله يا هجو قريت مداخلتك دي قربت ابكي ... يعني لم تلقى زول فاهمك في ضيقك تقررررب تبكي
ولما تلقى واحد يقول ليك كية فيك باثناء ضيقك تااااني تقررررب تبكي
الله في |
عارفك بكيت بس من غير دموع
ده كلو من الغربه ...... سعبه خلاااااااااااااااا س
ما بتقدر عليها يا حنيين
بس عليك الله ما ترفع ايدك
عشان اخونا المتغرب بيطرد الناس ما يتضايق من الغربه
صحي بس
| |
|
|
|
|
|
|
|
|
|
Re: سؤال لأهل الخبرة : ماهو أسهل طريق للهجرة من هذه البلد ..؟!!!!! (Re: manal eltahir)
|
| Quote: اجماعه قولو بسم الله ..أحلي من السودان ده مافي والله...بي كيزانو وكتاحته ديل أحسن من الغربه ...تحمدوا ربكم بس ...قبل كم شهر كنت في السودان بعد 12 سنه غربه...والله لذيذ لذه قررربت ما ارجع. |
الاخت منال الطاهر سلام
الايدو في النار ما زي الايدو في المويه
وما جبرني علي المر الا الامر من المر
والسودان معليش للتشبيه بقي زي المرحاض البره عايز يخش والجوه عايز يطلع
الله يستر
| |
|
|
|
|
|
|
|
|
|
Re: سؤال لأهل الخبرة : ماهو أسهل طريق للهجرة من هذه البلد ..؟!!!!! (Re: Haju Muktar)
|
احمد موسى
السلام عليكم
والله البلد امرها محير ..الخناق يضيق يومياً
ولا بوادر انفراج ..ياخ النفق زاتو مالامين فيهو عشان نعرف فى اخرو فى ضوء ولا مافى..
محمد عمر جبريل
ان شاءالله طيب
معظم السودانيين ما بغتربو وبهاجرو قاصدين رغد العيش لذواتم وانما لتوفير الحد الادنى لمتطلبات العيش لاسرهم
ودا الحاصل بالظبط الان حيث للاسرة اكتر من عائل تلقى الاب شغال والام شغالة والبنية برضو متوظفة وبعد دا كلو الولد مغترب
ويادوبك يادوبك قادرين يعيشوا ..
غايتو نسأل الله السلامة
| |
|
|
|
|
|
|
|
|
|
Re: سؤال لأهل الخبرة : ماهو أسهل طريق للهجرة من هذه البلد ..؟!!!!! (Re: Haju Muktar)
|
سلام استاذة منال
| Quote: ياجماعه قولو بسم الله ..أحلي من السودان ده مافي والله...بي كيزانو وكتاحته ديل أحسن من الغربه ...تحمدوا ربكم بس ...قبل كم شهر كنت في السودان بعد 12 سنه غربه...والله لذيذ لذه قررربت ما ارجع.. |
I guess you are kidding
السودان في سطور:
غير الهم الاعظم وهو الفقر وتدني مستوى الدخل
السودان:
بيئة ملوثة سواء على المستوى البيئي الجغرافي يعني او مستوى محيط من تدني منظومة القيم التي تحكم العلاقات لمن اقول ملوثة ما معناتو مريضة او الكل موبوء، ولكنها تؤثر بطريقة او اخرى في اسلوب وطريقة تربية النشء
مستوى الخدمات في كل المجالات مقارنة باتفه الدول بق زيرو بق زيرو بمعنى الكلمة
العاصمة الوحيدة (اعتقد ما متاكدة) اللي ما فيها نظام صرف صحي
وعلى ذلك قيس
التعليم يا لها من مناهج تلك التي تزيد من بلادة المتلقي لها
ناهيك عن المحتوى
هي فارغة وتفرخ فراغا - الا من رحم ربي
الصحة والعلاج
اسواها هي المستشفيات الخاصة وارداها هي الحكومية وهذا المنبر يشهد بالكثير وما خفي اعظم
الترفيه:
لا يوجد متنفسات محترمة
اماكن عامة
انعدام النشاط المسرحي ناهيك عن الابداع
لا يوجد سينما
ولا حتى مولات محترمة زي باقي الدول (الا اذا اعتبرتوا عفرا مال دة مول زي مولات الدنيا)
عارفة الترفيه في السودان
يا اما متنزهات اطفال (ولا يستطيع الكل تامين مبلغ دوري لترفيه اطفاله بل مستعصية على الغالبية
او المطاعم
تقل الحركة الثقافية والابداعية من مهرجانات واسابيع
وان وجدت فهي قليلة
وتاثر تاثير مباشر بالكت على الحريات وحرية التعبير وغيره
نواذي وشنو دي احلام مستحيلة
من يحب الاشتراك في انديةرياضية من السيدات او الاطفال
فليعدو الوفا مؤلفة للاشتراك في حتات بعينها
تاني شنو في الخدمات
ايوا
في اي مكان في العالم الزبون دايما على حق الا في السودان
تدفع فلوس لتشتري خدمة رديئة ومعاها صرة وش او عدم احترام برضو ما نعمم ( في بعض الاحايين توجداماكن قليلة وقليلة جدا بتعمل بالمقهوم دي
اما كارثة الكوارث
وهي الفساد
ااي الفساد
للاسف يطال ابني الصغير قبل الكبير
وكيف ولا وهو يسمعها في كل لحطة وكل ثانية
هناي ما اشتغل عشان ما عنده واسطة
هناي بقى عندو قروش عشان ببقى لفلان او تبع فلان
في اتجاه عام عند بعض الشباب نحن تقرا ليه ما دام ما في فرص
والفرص المتاحة لابن مسئول وغيره
تعرفي لدي صديفة اتخرجت من العام 1993 ولم تحصل على عمل مناسب للان
وزيها نماذج عديدة
نادرا ما تكون الكفاءة هي المعيار في الاختيار او بالدور اذا كان في الخدمة المدنية
حتى القطاع الخاص الفرص مرسومة ومحدودة لانه نحن في حالة زواج كاثوليكي ما بين السياسة والاقتاصد
political economy
الكلام كتير والسئيات عديدة اخاف من الاطالة
ولكن اخيرا
انعدام الحريات الخاصة والعامة
ودي ممكن تؤثر على اي شيء
ابداع عطاء
حرية
في السودان لا يوجد عدل في اي شي
العندو واسطة هو سيد الموقف (دي ما بينفي انه في افراد يناضلون في مواقعهم لاداء اعمالهم بامانة ومسئولية)
الفقر الفقبر الفقر
وما تلاه من تداعيات
تفشي الجريمة
الكذب الخداع والسرقة
و و و
وشنو تاني
اخر حاجة
قول دة كلو تمام
اها شمس الله الواحدة دي ما كفاية عشان الناس تهج
ياخي دي البلد الوحيد اظنه في العالم لا يمر عليه فصول السنة الاربعة
بل منحصرين في صيف وفي بعض المناطق خريف
وآسفة للاطالة
دي مجرد خواطر
اما اذا عنيت انا اكتب عن السودان (وسيئاته)
منبر بكري دي ما حيكفي
تحياتي
يا منال
وقالو في المثل الايده في الموية ما زي اليده في النار
خارج النص:
تبادلي ( وش ضاحك)
| |
|
|
|
|
|
|
|
|
|
Re: سؤال لأهل الخبرة : ماهو أسهل طريق للهجرة من هذه البلد ..؟!!!!! (Re: Safia Mohamed)
|
قمه الإحباط يا أستاذة
Quote: Quote: السودان في سطور:
غير الهم الاعظم وهو الفقر وتدني مستوى الدخل
السودان:
بيئة ملوثة سواء على المستوى البيئي الجغرافي يعني او مستوى محيط من تدني منظومة القيم التي تحكم العلاقات لمن اقول ملوثة ما معناتو مريضة او الكل موبوء، ولكنها تؤثر بطريقة او اخرى في اسلوب وطريقة تربية النشء
مستوى الخدمات في كل المجالات مقارنة باتفه الدول بق زيرو بق زيرو بمعنى الكلمة
العاصمة الوحيدة (اعتقد ما متاكدة) اللي ما فيها نظام صرف صحي
وعلى ذلك قيس
التعليم يا لها من مناهج تلك التي تزيد من بلادة المتلقي لها
ناهيك عن المحتوى
هي فارغة وتفرخ فراغا - الا من رحم ربي
الصحة والعلاج
اسواها هي المستشفيات الخاصة وارداها هي الحكومية وهذا المنبر يشهد بالكثير وما خفي اعظم
الترفيه:
لا يوجد متنفسات محترمة
اماكن عامة
انعدام النشاط المسرحي ناهيك عن الابداع
لا يوجد سينما
ولا حتى مولات محترمة زي باقي الدول (الا اذا اعتبرتوا عفرا مال دة مول زي مولات الدنيا)
عارفة الترفيه في السودان
يا اما متنزهات اطفال (ولا يستطيع الكل تامين مبلغ دوري لترفيه اطفاله بل مستعصية على الغالبية
او المطاعم
تقل الحركة الثقافية والابداعية من مهرجانات واسابيع
وان وجدت فهي قليلة
وتاثر تاثير مباشر بالكت على الحريات وحرية التعبير وغيره
نواذي وشنو دي احلام مستحيلة
من يحب الاشتراك في انديةرياضية من السيدات او الاطفال
فليعدو الوفا مؤلفة للاشتراك في حتات بعينها
تاني شنو في الخدمات
ايوا
في اي مكان في العالم الزبون دايما على حق الا في السودان
تدفع فلوس لتشتري خدمة رديئة ومعاها صرة وش او عدم احترام برضو ما نعمم ( في بعض الاحايين توجداماكن قليلة وقليلة جدا بتعمل بالمقهوم دي
اما كارثة الكوارث
وهي الفساد
ااي الفساد
للاسف يطال ابني الصغير قبل الكبير
وكيف ولا وهو يسمعها في كل لحطة وكل ثانية
هناي ما اشتغل عشان ما عنده واسطة
هناي بقى عندو قروش عشان ببقى لفلان او تبع فلان
في اتجاه عام عند بعض الشباب نحن تقرا ليه ما دام ما في فرص
والفرص المتاحة لابن مسئول وغيره
تعرفي لدي صديفة اتخرجت من العام 1993 ولم تحصل على عمل مناسب للان
وزيها نماذج عديدة
نادرا ما تكون الكفاءة هي المعيار في الاختيار او بالدور اذا كان في الخدمة المدنية
حتى القطاع الخاص الفرص مرسومة ومحدودة لانه نحن في حالة زواج كاثوليكي ما بين السياسة والاقتاصد
political economy
الكلام كتير والسئيات عديدة اخاف من الاطالة
ولكن اخيرا
انعدام الحريات الخاصة والعامة
ودي ممكن تؤثر على اي شيء
ابداع عطاء
حرية
في السودان لا يوجد عدل في اي شي
العندو واسطة هو سيد الموقف (دي ما بينفي انه في افراد يناضلون في مواقعهم لاداء اعمالهم بامانة ومسئولية)
الفقر الفقبر الفقر
وما تلاه من تداعيات
تفشي الجريمة
الكذب الخداع والسرقة
و و و
وشنو تاني
اخر حاجة
قول دة كلو تمام
اها شمس الله الواحدة دي ما كفاية عشان الناس تهج
ياخي دي البلد الوحيد اظنه في العالم لا يمر عليه فصول السنة الاربعة
بل منحصرين في صيف وفي بعض المناطق خريف
وآسفة للاطالة
دي مجرد خواطر
اما اذا عنيت انا اكتب عن السودان (وسيئاته)
منبر بكري دي ما حيكفي
تحياتي
يا منال
وقالو في المثل الايده في الموية ما زي اليده |
|
| |
|
|
|
|
|
|
|
|
|
Re: سؤال لأهل الخبرة : ماهو أسهل طريق للهجرة من هذه البلد ..؟!!!!! (Re: الزبير صالح الزبير)
|
تحيات طيبات لصاحب البوست والمتداخلين والزوار ...
الســودان قد يكون (جميل) عند زيارته في إجازه لإسبوعين أو أقل ..
ولكن بشهادة من يعيشون هناكـ بأنه بلاد غير صالحة للعيش ..
والسبب ما ذكرته د. صفية أعلاه ..
والسبب فيما ذكرته الدكتوره هو ما يسمى بالمشروع الحضاري الذي تبنته مجموعة
لا تخاف الله وتسيئ لكل ما هو أخلاقي وإنساني فكانما ملكت البلاد والعباد..
فدمرت كل شيئ وضعت يدها فيه .. وأحالت نهار السودان ليلا كاحل السواد
ولكننا نؤمن برب يرى ويحصي كل شيئ ولا يغفل ولا ينام ...
وسينتصر لعباده في النهاية ...
___________________________________________
أستاذ أحمد أهنئكـ على خياركـ بالهجرة وأرجو لكـ التوفيق
| |
|
|
|
|
|
|
|
|
|
Re: سؤال لأهل الخبرة : ماهو أسهل طريق للهجرة من هذه البلد ..؟!!!!! (Re: Abureesh)
|
Quote: ما احباط
لكن حقائق واقعة
للاسف |
الأستاذة صفية
حضرت محاضرة للاقتصادي المعروف الاستاذ عبدة كبج قبل رمضان الماضي وكان يتحدث عن الفساد في السودان وقعد يتكلم زي ساعه عن وضع مأساوي للبلد وبدون ما اشعر قلت ليه يا استاذ انت شابكنا فساد ، غلا ، ارتفاع أسعار وشنو ما عارف بالله اختصر لينا وورينا البلد دي فيها رجا ولا نشوف لينا استراليا ولا نيوزيلندا نهاجر ليها وخلاص
أنا كنت في السودان في الفترة من 15 رمضان وحتي شهر بعد العيد كما كنت هناك في بداية هذا العام والوضع لا يخرج قيد انمله مما ذكرتية
والغريب ان هناك أشياء ممكن عملها ولا تكلف شيئا او زيادة في الصرف ولكن ولان البلد لا وجيع لها لا احد يهتم
| |
|
|
|
|
|
|
|
|
|
Re: سؤال لأهل الخبرة : ماهو أسهل طريق للهجرة من هذه البلد ..؟!!!!! (Re: الزبير صالح الزبير)
|
والله يادكتورة عفارم عليك ... بجد عبرتي عن قطاع كبير حاشي بضيق وتململ
حتى العادات الاجتماعية بسبب الضغط الاقتصادي والشعور بالكبت بدت تندثر
صاح بلدنا هي بلدنا بي ناسها وطبيعتها وامانها وكتاحتها المحببة الخ
لكن مرات كتير تحس انو زي في زول ولا جهة بلز فيك ان ارحل ارحل ارحل
حتى بقت علينا قصة كاركتير اوباما مع مبارك حاكم مصر السابق
اوباما قال ليه عليك ان تودع الشعب المصري فرد مبارك هو الشعب رايح فين
فهسع ارحل دي حتبقى على الشعب ...........
| |
|
|
|
|
|
|
|
|
|
Re: سؤال لأهل الخبرة : ماهو أسهل طريق للهجرة من هذه البلد ..؟!!!!! (Re: الزبير صالح الزبير)
|
والله يا صفصف شكلك كده موجوعه شديد...لكن برضه الظاهر كلكم ما جربتو الغربه ..أنتو قايلين هنا مافي وساطات ولا مافي تفرقه ؟ يا صفيه ما سمعتي بالناس البتموت ليها كم يوم ومافي زول يفقدهم إلا بالصدفه ؟سمعتي بالأطفال اللبشوفو أبوهم في المناسبات ..ما عايزه أقول انه السودان كويس لكن بلاد المهجر ما جنه كمان..!!!!بعدين شنو شابكني الايده في المويه...ما معناها أني بره السودان ما حاسه بالبحصل فيه..ايه النظره الضيقة دي للأمور ...بالعكس الناس البره ديل حاسين بالبحصل في البلد اكتر من الناس الجوه كمان...انا لمن كنت في السودان بضحكوا علي لمن اشحدهم يفتحوا لي تلفزيون السودان ...وكتير اصحيهم من النوم واديهم أخبار السودان وأنا هنا..
انا موافقه يا صفيه علي البدل...لكن بي دكترتها....
| |
|
|
|
|
|
|
|
|
|
Re: سؤال لأهل الخبرة : ماهو أسهل طريق للهجرة من هذه البلد ..؟!!!!! (Re: manal eltahir)
|
انا موافقه يا صفيه علي البدل...لكن بي دكترتها....
ــــــــــــــــــــــــــــــــــــــــــ
محامي ينفع يامنال ؟؟؟
تعرفي يامنال بلدنا دي زي عبية كومر جارينو بمكنة كريسيدا بنزين
البحصل انو الجسم بتهلهل والمكنة بتبوظ بعد فترة قليلة
اها المكنة كريسيدا دي هم الشعب
يعني هسع نحن الدولة رافعة يدها عن اي حاجة
حتى حبة الدعم الفي بتمن بيه على الشعب
تعرفي المجلس الاعلى للاجور قال شنو
قال مفروض الحد الادني للاجور ما يقل عن 2000 سوداني
شفتي المفارقة بين الحد الادني الحالي وهو 300 جنيه
تتوقعي شنو من مفارقة زي دي ...زول اقل شئ بيحتاج ل 2000 تلقي ماهيته 500 مثلا ؟؟؟
بتزيد الرشاوي
بتزيد الممارسات الاخلاقية الفاضحة
بتزيد المهن الهامشية
بتزيد الاختلاسات
بتزيد رغبة الناس في الكوراك بصوت عالي اااااااااااااااااااااااااااااااااه
واخطر من ده كله بتزيد عدد الايادي المرفوعة نصصصصص الليل للسماء ....
اللهم ارفع عنّا (البلاء) .... و (الإنقاذ) .....
| |
|
|
|
|
|
|
|
|
|
Re: سؤال لأهل الخبرة : ماهو أسهل طريق للهجرة من هذه البلد ..؟!!!!! (Re: Ahmed musa)
|
استاذة منال سلام
Quote: والله يا صفصف شكلك كده موجوعه شديد...لكن برضه الظاهر كلكم ما جربتو الغربه ..أنتو قايلين هنا مافي وساطات ولا مافي تفرقه ؟ يا صفيه ما سمعتي بالناس البتموت ليها كم يوم ومافي زول يفقدهم إلا بالصدفه ؟سمعتي بالأطفال اللبشوفو أبوهم في المناسبات ..ما عايزه أقول انه السودان كويس لكن بلاد المهجر ما جنه كمان..!!!!بعدين شنو شابكني الايده في المويه...ما معناها أني بره السودان ما حاسه بالبحصل فيه..ايه النظره الضيقة دي للأمور ...بالعكس الناس البره ديل حاسين بالبحصل في البلد اكتر من الناس الجوه كمان...انا لمن كنت في السودان بضحكوا علي لمن اشحدهم يفتحوا لي تلفزيون السودان ...وكتير اصحيهم من النوم واديهم أخبار السودان وأنا هنا..
انا موافقه يا صفيه علي البدل...لكن بي دكترتها.... |
والله يا منال القصة ما شخصنة قضية
انا بتكلم على حسب تشريحي للوضع
غض النظر عني
اعتقد ظروفي اتاحت لي اني اقارن بين العيشة في السودان او خارجه
منذ زمن
بعيد
يعني باختصار انا (مخضرم)
مخضرم يعني عاصر عصرين او ضدين او شيئيت مختلفين
اها انا تقريبا نص حياتي عشتها برة السودان
وحاليا مقيمة خارج السودان، مع زيارات مستمرة تقريبا كل 45 يوم بجي اسبوع
واعي تماما المعاناة التي يواجهها الانسان خارج بلده
الفرص دي للمواطنين بس
انت مفروض تمشي في الحيط
ما حتعبر عن رايك فيما يخص البلد
ساكت
نو كومنت
غير التفرقة العنصرية
اللي بنواجهها يوميا
ولكن كله يهون
طالما في قانون بيحكم علاقتي بما حولي
طالما استطيع ان اطالب بحقي
(عدا بعض الدول العربية)
تاييدي لفكرة استاذ احمد جا من
رغبتي في الهجرة
الهجرة بمعناها الاوسع
عشان الاقل اضمن
قوانين بتحميني
مخصصات لمن اصل عمر التقاعد
اضافة لنشاة اولادي في بيئة نظيفة يسودها حكم القانون وعلاقة المواطنة
دونما الفساد الذي افسدهم ويفسدهم ويزعزع باستمرار قناعاتهم
ما بين الصاح
والممارس
كل يوم وانا المح لماذا في اعينهم
لماذا لم يعطوك شاهادة ميلادي انتي يا ماما
دة القانون كرد لها
قوانين مجحفة وظالمة للمراة
وعلى علاته لا تطبق على الكل يعني ما في عدل
احساسك بالهقر والظلم
احساس بانك بتشحد حقك
غير تضييع الزمن في اللاشيء
اي معاملة تود ان تعملها في جهات حكومية لا بد ان تحفى قدماك لتحصل على حق من حقوقك وقد تحصل وقد لا
لا احد يهتم لزمنك
مثلا
ولدي الكبير
عانى ما عانى في فترة عشان يحصل على اوراقه الثبوتية
مسلسل طويل
باختصار
قضى اربعة شهور ليستطيع الحصول على باسبورت، بعد ان ضاع عليه عام دراسي كامل
لرفضه فكرة استعانة بشخص بيعرفه - مصر طالما هو مواطن مفروض يحصل على حقه من غير وساطة
شوفي دي في الحاجات البسيطة
وهلم جرا العيشة في السودان عبارة عن معاناة مستمرة
لو عاوز تشتري عيش ولا غاز ولا عاوز تطلع فيزا خروج
الاشخاص الموجودون مهمتهم تعقيد مهمتك
واهدار زمنك
في الاخر قد تحصل على الخدمة او قد لا تحصل عليها
السودان فيه حاجة واحدة مشرقة
ذكريات
صداقات
وعلاقات اهل
ودي ذاتا للاسف الشديد ابتدات تتاثر بما يجري
نقاء وصفاء العلاقات ابتدا يفقد بريقه
ايوا الطامة الكبرى
حملي للجواز السوداني
اكبر مسبة ممكن تواجهك
مرة من المرات انا واقفة في صف طويل بتاع الفيزا في مطار استكهولم
قام الزول الواقف
يعني بيعتذر لي عن التاخير
قال لي ياخي انتي مشكلتك
جوازك
سوداني
يعني نحن بنطبق في القانون وبنحتاج تدقيق اكتر لهذه الفئات
معاها ابتسامة موضحا انه يطبق القانون ويعتذر عن التاخير
نفس المشكلة في مطار دبي
الموظف بعد ان ثرت واقمت الدنيا نتيجة لتاخيري في الحصول على الفيزا
هدا من انفعالي
واعتذر لي
وقال هو بطبق القانون
ضاحكا ومعتذرا
انتي ما شاء الله عليك
جاية من صنعاء وماشة الخرطوم والاتنين لازم ندقق فيهم
شفتي كيف حتى جوازي بيبقى مسبة
مرة ماشة تركيا
كل زملائي في العمل
لا يحتاجون لفيزا
من محتلف دول العالم
الا انا
وبعد الحصول على موافقة قنصليتي في البلد المعني
اييييك مآسي كتيرة من جراء هذا الاخضر اها
ومن هنا اتى قراري
اتمنى اني اكون وضحت ليك وجهة نظري
مع تحياتي
صفية
| |
|
|
|
|
|
|
|
|
|
Re: سؤال لأهل الخبرة : ماهو أسهل طريق للهجرة من هذه البلد ..؟!!!!! (Re: Safia Mohamed)
|
د نجاة سلام
Quote: اسهل طريقة تعمل ليك اصحاب حلاقيمهم كبيرة وكضابين وعينهم قوية وسنهم ملوية
وتمشي تندسى ويجو يقولو اخذت الى جهة مجهولة ونخشى علىحياته ويدورو البورد وناس امنستي
بعداك تقد السلك تمشي اي دولةجوا ر ترررررررررا لجوء مصلح وانا مستعدة انزل
بوست اشوف ليك طهار في نواحي اسكندنافة للطفلك
في وصفات كثيرة للجوء المصلح |
ليه يعني ما في اي طريقة قانونية الزول ممكن يهاجر بيها غير الادعاء؟ على حد علمي توجد العديد من الطرق وافتكر دي قصد احمد موسى والله اعلم
الاكسيس للنوليدج بيسهل للناس كتير انها تعرف الطرق الرسمية والقانونية
في ظني كذلك
تحياتي
صفية
| |
|
|
|
|
|
|
|
|
|
Re: سؤال لأهل الخبرة : ماهو أسهل طريق للهجرة من هذه البلد ..؟!!!!! (Re: Safia Mohamed)
|
ليه يعني ما في اي طريقة قانونية الزول ممكن يهاجر بيها غير الادعاء؟ على حد علمي توجد العديد من الطرق وافتكر دي قصد احمد موسى والله اعلم
ـــــــــــــــــــــــــــــــــــــــــــــــــــــ
فعلاً ده القاصده أنا يا دكتورة ...
من الطرائف عندي صاحبي مرة لاقاني في الشات وهو في القاهرة
قال لي اديني فكرة عن الشيوعيين
سالت مالهم ؟ قال لي لا انا مقدم للجوء وقلت انا شيوعي ومضهد وخايف يسألوني عن الشيوعية وما اعرف حاجة
ضحكت ... قلت ليه والله الشيوعية دي في شيوعيين كتار جدا ماعارفين عنها حاجة
خليك مني أنا اليميني المتخلف ده
المهم ....
الإشو ...ما إتخيل لي اني حاسئ لبلدي عشان افارقها ...لو داير افارقها بفارقها بالمعروف او اعاشرها بالمعروف
والغالب ...إني مابقدر افوت بلدي ...لكن لازم الواحد مرة مرة كدة يطلعوا قرفه في القرفونا البلد
انا للعلم ما بتكلم عن نظام ...أنا بتكلم عن ممارسات صارت أقرب لأن تكون شائعة
والنظام مسئول عنها بحكم فرضية سطوته
معناها بتكلم عن نظام كامل موش ؟ يازول قول نظام كامل ... أها الفهم شنو ؟؟
| |
|
|
|
|
|
|
|
|
|
Re: سؤال لأهل الخبرة : ماهو أسهل طريق للهجرة من هذه البلد ..؟!!!!! (Re: manal eltahir)
|
| Quote: منال الطاهر : إتجاهلي المداخلة دي ... عمروا ده هازار ساي |
| Quote: أوكي يا عمرو...لكن النبي فيني الرقم الوطني ده ما دايره... |
يا اخوانا .. جد جد الرقم الوطنى كان ما عندك ناس الجوازات ما بيدوك تاشيرة خروج، والقصة دى طولت
عشان يجبروا الناس يسوهو
دى زى قصة الموية.. ما يبيعوا ليك كهرباء كان ما دفعت قروش الموية
عندى صاحبى وجارنا سيد الدكان محتار شديد.. عنده عداد كهرياء للتلاجة وبيتسحمى فى الجامع اها يقولوا ليه شنو؟
| |
|
|
|
|
|
|
|
|
|
Re: سؤال لأهل الخبرة : ماهو أسهل طريق للهجرة من هذه البلد ..؟!!!!! (Re: عمرو كمال ابراهيم)
|
زمان محمد عبدالله الريح عنده قصة
القصة قصة واحد عمل اختراع عشان يتخلص من ناس الكهرباء وعمل طاقة شمسية
المهم ناس الكهرباء انتبهو وخروا مشو احتكروا المواد الكهربائية
يعني عندك لمبة ضربت تقدم طلب ويزوروك و و و
في النهاية بعد كم زمن كدة رجع لناس الكهرباء تائبا راضخا
حاسبوه بالزمن الفات كله
قال ليهم بس انا ما استخدمت الكهرباء دي
قالوا ليه نحن مش طلعناها وكبياناها ليك في سلوكك ؟ ده ذنبك انت
هسع سيد الدكان ده مش الموية الحكومة كبتها في المواسير ؟ ده ذنبه عو
المحيرني في الحكومة دي النفس الطالع نازل ده خالاه طلقيبة كدة ليه ؟؟
| |
|
|
|
|
|
|
| |
Ahmed musa
Safia Mohamed
Albino Akoon Ibrahim Akoon
خضر الطيب
Haju Muktar
محمد عمر جبريل
Nazik Eltayeb
محمد البشرى الخضر
وضاحة
احمد الأمين على إدريس
Adil Ali
الزبير صالح الزبير
Abureesh
خالد العبيد
عمرو كمال ابراهيم
فيس بوك
تويتر
انستقرام
يوتيوب
بنتيريست