|
|
|
 Re: كردفان .. بانوراما الخريف .. (صور) (Re: بريمة محمد)
|
مرحب يا ولد ابوك
وان شاء الله البركه فيكم فى الفقيده الوالده ربنا يوسدها البارده ويدخلها الجنه
صور جميله والخريف جميل ومنظر البار والغنم والخضره بس ركز على الطبيعه وخلك من الديم والطين
وجوطة الديم ادقش الفرقان والفلاة والبوادى والرهود
تحياتى وازقل لى تلفونك او اى وسيله اتصال
| |
  
|
|
|
|
|
|
|
|
Re: كردفان .. بانوراما الخريف .. (صور) (Re: ضحيه ابراهيم)
|
الاخ بريمة سلامات شكرا ليك كثير نورة صباحنا الله ينور عليك الخريف والانعام والخضرة والماء والخير الوفير
السَّاري البِتك رعودو وطلق واريبتو
مُشهاد برقو فوق خور الجواد ؤ عنيبتو
عانس البي صعيد ناس تيقا طالة غيبتو
خرفو اهلها والحارس الخليج وا سيبتو
شكرا مثني وثلاث ولك محبتي
| |
|
|
|
|
|
|
|
|
|
Re: كردفان .. بانوراما الخريف .. (صور) (Re: عبيد الطيب)
|
حمدا لله على السلامة يابريمة.
ومشكور على الصور النوستالجيك حاجة ما تخلص.
ملاحظتك عن ركود المياه سليمة. لحدي زمن ما بعيد كان الإستعدادات للخريف بتتم قبل فترة.
وكان عمال الصحة يجوا يرشوا البيوت جمكسين عشان يكافحوا البعوض وحملات التطعيم.
كان في وعي بيئي حقيقي أكبر من هسع، لكن نقول شنو غير:
يا حليل زمان وسنين زمان ياخ!
محبتي
| |
|
|
|
|
|
|
|
|
 Re: كردفان .. بانوراما الخريف .. (صور) (Re: بريمة محمد)
|
بريمة ..البركة فيكم ياحبيب ..وحمداً لله على السلامة ..
ياخي الصورة الاولى مبالغة وغاية في الجمال والروعة واسمح لي استخدمها في الفيس وفي كل مكان يمكن ان نعرض فيه جمال الطبيعة السودانية واكيد يشار الى ملتقطها ان كنت انت ...
شكرا على هذا الجمال ..
| |
|
|
|
|
|
|
|
|
|
Re: كردفان .. بانوراما الخريف .. (صور) (Re: بريمة محمد)
|
العزيز بريمة
أولا البركة فينا وفيكم، ياأخي تلفونك ما بجمع على الإطلاق أرجو ارساله على البريد الإلكتروني بالمفتاح.
أما بخصوص كردفان هذا العام الخريف وكأنه خريف الزمن السابق قبل الإنقاذ والحمد لله ربنا يجعله خريف خير ويعقبنا الآفات.
ولا يسعني إلا أن أقول في كردفان:
أبو حبل فاض ودفق معاهو السيــــــــــــــــــــل
ريح الدعاش هبَ فوق جفون بنات جانديــــــــل
والبراق دودا قبلي والهرع مزن صعيد كازقيل
دي كردفان نــوبة وبقارة وابــــالة بشدوا الحيل
تحياتي
أحمد
| |
|
|
|
|
|
|
|
|
|
Re: كردفان .. بانوراما الخريف .. (صور) (Re: بشير أحمد)
|
جبر الله كسركم أخي بريمة ...
ولكردفان في نفس المرء أشجاناً ولواعج شوق ...
بين مطر الرشاش ... وقدلات الحسان الواردات ...
مطر الرشاش الرشَّ
فووووووووووق دار كردفان الهشَّة
أنا قلبي طار وانطشَّ
ورا المراح النشَّ
الوراهو سايرات ناس عشَّة ...
تسلم وتشكر على الصور الرائعات
| |
|
|
|
|
|
|
|
|
|
Re: كردفان .. بانوراما الخريف .. (صور) (Re: عبد الباقي الجيلي)
|
الأخ بريمة
أحسن الله عزاكم
والله متعتنا بالجمال وأرحت نفوسنا من العناء وربنا يديكم نعمة الخريف على أهلنا الغبش فى كردفان
يا فاتح شد حيلك حصل باقى الدرت " تبش وعنكوليب وفول ابقوى وسلطة روب " وشاى مقنن فى ابشره عند المغيرب
تحياتى للأخ أحمد التجانى ونرجو ان يواصل النم والصور من دار الكبابيش وتنة والمزروب
لقد أحيا فينا هذا البوست ذكريات وصور لا تمحى من الخاطر والذاكرة وأماكن عزيزة وغالية و...و....
ارجو ان يظل هذا البوست مفتوحا حتى نتلقى المزيد من الابهار والمتعة
| |
|
|
|
|
|
|
|
|
|
Re: كردفان .. بانوراما الخريف .. (صور) (Re: أحمد التجاني ماهل)
|
ول أبا أحمد التجانى
مرحب بشاعرنا الكردفانى الأصيل ..
Quote: العزيز بريمة
أولا البركة فينا وفيكم، ياأخي تلفونك ما بجمع على الإطلاق أرجو ارساله على البريد الإلكتروني بالمفتاح.
أما بخصوص كردفان هذا العام الخريف وكأنه خريف الزمن السابق قبل الإنقاذ والحمد لله ربنا يجعله خريف خير ويعقبنا الآفات.
ولا يسعني إلا أن أقول في كردفان:
أبو حبل فاض ودفق معاهو السيــــــــــــــــــــل
ريح الدعاش هبَ فوق جفون بنات جانديــــــــل
والبراق دودا قبلي والهرع مزن صعيد كازقيل
دي كردفان نــوبة وبقارة وابــــالة بشدوا الحيل
تحياتي
أحمد |
دوماً رائع ..
تصدق يا أحمد لم يحالفنى الحظ، أخذت معى بطارتين للكمرة .. ولكن لسوء الحظ لم أقم بشحن البطاريات قبل المغادرة بها إلى البادية .. لقد فرصة ثمينة لتصوير قطعان من الأبل بالألاف وقطعان من عرب البقارة فى منطقة خور اب حبل .. فى منطقة
مرحال السيسبان شرق السنجكاية .. كان هدفى تصوير كيف يعانى الرحل من الأوحال فى خور أب حبل .. فى المرة القادمة سوف أحكم الخطة ..
سوف أجدع لك ولول ابا ضحية التلفون فى الماسنجر ..
بريمة
| |
|
|
|
|
|
|
|
|
|
Re: كردفان .. بانوراما الخريف .. (صور) (Re: بريمة محمد)
|
كادقلى .. فى الصورة تظهر المنطقة الشرقية للمدينة .. وهى المنطقة التى ضرب منها التمرد المدينة قبل أسابيع 8 أكتوبر الماضى .. كما يظهر فى خلفية الصورة جبل حجر المك الذى يقع فى الجهة الشمالية الشرقية من المدينة ..
ألتقطت الصورة فى الثالث من أغسطس 2012
بريمة
| |
|
|
|
|
|
|
|
|
|
Re: (Re: بريمة محمد)
|
الصورة الاولى وصورة الابل... اكاد اغرق في تعابير المكان...
كم انم جميل ياسودان
| |
|
|
|
|
|
|
|
|
|
Re: (Re: Walid Safwat)
|
العزيز بريمة
عاطر التحايا وإليك هذه الصورة من مرحاتنا عند زيارتي الأخيرة في رمضان ويظهر فيها الأربد مصقرن من العبس وهو يقرع في أمهاته وهو ما ذكرني أبيات قلتها بعد السنة الثانية لي في ديار الغربة قبل 8 سنوات وأهديها لصديقي العزيز المستشار يحي العبيد عبد الكريم والذي طرى رذاذ الحلم فينا أيام برنامجه الرائع في إذاعة كردفان:
حولين فوق ديار الغربـــــــة ما كســـــــــينا
كايســـــين لرضوة الريــــدو منوسر بـــــينا
الســــموم ونـــار الريـــد موقد لهبيها فــــينا
بنعود ليــك يا ام روبـــة كان صاح مناديــنا
| |
|
|
|
|
|
|
|
|
|
Re: (Re: أحمد التجاني ماهل)
|
الجميل بريمة شكرا كتير ومتابعين لجمالك وسياحتك بمناسبة الحمادي
لدي صديق جميل من ابناء الحمادي ومنذ ان افترقنا العام1992 لم اقابله
وانقطعت اخباره وهو من ابناء الحمادي واسمه (كولو حمزة كولو) اذا كنت تعرفه بلغة سلامي
الشاعر احمد التجاني الماهل سلامات
والاربد الكاكليت الماصع
التيس العلي أم زانوق تعلِّي الروب
اصبح عيل إحَشِّر منهن مكروب
لكم محبتي
| |
|
|
|
|
|
|
|
|
|
Re: (Re: عبيد الطيب)
|
التحية لصاحب البوست وكافة المتداخلين
كردفان الخريف قمة الروعة والخضرة والجمال وكم تغنى بها وجمالها الشعراء والفنانين وهاهو الدكتور تاج السر الحسن يقول في خريف كردفان من خلال قصيدته وادي النهود:
يا كردفانُ ياربوعُ
يا أزاهرا تضوعُ
كم خضّر الخريفُ في وديانك الجذوع
لا تحسبونا نقبر الأشواق والحنان
لا تحسبونا نجهل الأيام والإخوان
فقد رسمنا في قلوبنا سهول كردفان
حشائش (السوزيب) عندما تسوِّر المياه
وشجر (اللالوب) حينما يفيض بالحياه
و(السمبر) الأنيق حين زغرد الخريف
لن تسمعوا سوى صدى الأمطار والحفيف
فما رسمتُ صورة لوجه كردفان
لكن رسمتُ قلبيَ المغترب الولهان
سافرت في أنحائها وجُست في الديارْ
درست في الكتّـاب بين إخوة صغارْ
| |
|
|
|
|
|
|
|
|
|
Re: (Re: أحمد التجاني ماهل)
|
العزيز بريمة
وينك يا زول، وهاك هذه التحايا من الأبالة للبقارة:
إلبــــل والبــنـــــات والخيــــل
ديل جنة الشايل النهار والليل
البهديني من جنس المسائل ديل
ذنبي عليهو يا قصبة مدالق السيل
إلبل ديل سمحات هيبـــة
إلبل سلاحهن قرمصيص ما حريبة
إلبل جيابات اليوم أبو دعكيبة
سمحات يجنك في القرب واريبة.
| |
|
|
|
|
|
|
|
|
|
Re: (Re: أحمد التجاني ماهل)
|
يا سلام .. يا ول أبا أحمد
ولكم فى الأنعام جمال حين تسرحون .. والله منظر الأبل فى غاية الجمال والروعة .. ولعل نظرة صاحب الأبل الحانية، للكاكنيت تشيئ بأن العلاقة
بين الأنسان الكردفانى وثروته الحيوانية علاقة حميمية لا يستطيع من لم يربى الثروة فهمها.
زيدنا .. يا أخى أحمد من هذا الجمال الطبيعى
بريمة
| |
|
|
|
|
|
|
|
|
|
Re: (Re: أحمد التجاني ماهل)
|
وشوف شاعرنا ود جمع الله المشهور في قبيلة المجانين بالمعوتل شن قال في الجمل:
(مطموس) من بلغْ رِبْعـــانا تمَّ قَرَنْ
وضُوبَعْ للخبيبْ توراً عنـــانا مصَنْ
الزُرْقينْ فوقْ دَفَاريه كي دَفَــاق الشَّنْ
إتَ آضِيبْ الجفــاف أيام قنِيصَكْ جَنْ
براريقْ (امْ دَمـوكْ) ضُهـراً كبير وجَّنْ
وقلبَنْ همــــبريـباً محّــَننِّي مِحَنْ
وكتْ النَّوْ دخَلْ وكت البــروقْ وجَّنْ
مندورْ طرْدَة الضُّل النِّحــــاسي قَرَنْ
كتمْ صوتْ الهبوبْ نــامِنْ مطارقَه دنَنْ
(أبو السَّــاره) آ جلـيس امْ محلباً عجَّنْ
ما تبقى المَدُوكْــلَ البي الدُّقــون لِعبنْ
جبَّـــارة فريقـــكْ أبقى ليها مَسَنْ
يا دُخري الجفــــاف أم لَباسكْ جَنْ
سِمحــاتْ الايامْ كان بيضْ ماك مَشَنْ
برُومَنْ فيكْ عديـــل وايهُوهَنْ وايلُولَنْ
واسكُتْ يا عشــــانا هاكَ ليكَ لَبَنْ
| |
|
|
|
|
|
|
|
|
|
Re: (Re: أحمد التجاني ماهل)
|
مطموس) من بلغْ رِبْعـــانا تمَّ قَرَنْ
وضُوبَعْ للخبيبْ توراً عنـــانا مصَنْ
الزُرْقينْ فوقْ دَفَاريه كي دَفَــاق الشَّنْ
إتَ آضِيبْ الجفــاف أيام قنِيصَكْ جَنْ
براريقْ (امْ دَمـوكْ) ضُهـراً كبير وجَّنْ
وقلبَنْ همــــبريـباً محّــَننِّي مِحَنْ
وكتْ النَّوْ دخَلْ وكت البــروقْ وجَّنْ
مندورْ طرْدَة الضُّل النِّحــــاسي قَرَنْ
شكرا مثني وثلاث الاساتذة بريمة والتجاني وكل المتداخلين وتعظيم سلام لي كردفان كل صباح جديد نستفتح ببودستكم الرائع
والله خففتو عننا كثيرا
وسايق ضُهْرِي عام سَالاً جِروف ؤ خَورَّن
والسَّاري الحلوب مَطَراتو فاقَن ؤ دَرَّن
واصبح رابط الضحوي البِصُب واتْحَرَّن
ؤسقَّايك كسر غادي وجواسْرِك شرَّن
بِعَطْنَن فوق جواديلك تِلُوب ؤ حورَّن
وابو الجاعورة بِدقُّو الكتيرها تورَّن
والبرقة ام جرس رقَّت فحول ؤعَبَرَّن
ولي شدر العِديد ناس ام قرين بتطرَّن
دي من بواديكم الغربية (0الكبابيش) من شعر جمعة البري
لكم محبتي
| |
|
|
|
|
|
|
|
|
|
Re: (Re: عبيد الطيب)
|
الأخ عبيد الطيب
سلامات ..
Quote: الجميل بريمة شكرا كتير ومتابعين لجمالك وسياحتك بمناسبة الحمادي
لدي صديق جميل من ابناء الحمادي ومنذ ان افترقنا العام1992 لم اقابله
وانقطعت اخباره وهو من ابناء الحمادي واسمه (كولو حمزة كولو) اذا كنت تعرفه بلغة سلامي |
والله أنت ذاتك زول بادية ذى ول ابوى أحمد التجانى .. روائع ليس لها حدود .. لقد أزدان بكم البوست بصورة لا تتخيلوها ..
صديقك لم أتعرف عليه ولكن بجيب ليك الخبر اليقين .. أنتظر
تحياتى لكم وأنتم تتحفونا بهذا الجمال والروائع من شعر البادية .. تمنيت لو تكتبوا معانى الكلمات .. الناس فى المنبر (ما) كلهم ناس بادية .. مداخلاتكم ذكرتنى بكتاب الأستاذ حسن نجيلة "ذكرياتى فى البادية" .. شيئ غاية فى المتعة.
بريمة
| |
|
|
|
|
|
|
| |
بريمة محمد
الصادق ضرار
محمد احمد القاضي
خالد الرزيقي
Emad Abdulla
ضحيه ابراهيم
عبيد الطيب
الفاتح ميرغني
فيصل محمد خليل
فايزودالقاضي
أحمد التجاني ماهل
محمد سنى دفع الله
بشير أحمد
عبد الباقي الجيلي
Yahia Abd El Kareem
Elawad
Moneim Malik
Walid Safwat
فيس بوك
تويتر
انستقرام
يوتيوب
بنتيريست