|
|
 كتبو:- علاءالدين عثمان اللحيمر رابعة بنين الكنبة اللونانية
|
طالما السجم في رمادو نقولو تاني:-
في الخريف
علاء تلميذ في السنة الرابعة من مرحلة الأساس في موضوع إنشاء جاب ورقة
وقلم واتعنقل في نص العنقريب وكتب وصفاً للخريف. في الخريف تكورك الرعدة
وتهب الكتاحة وتهطل الأمطار من السماء وتقطع الموية في المواسير....
في الخريف تقطع الكهربا وتجي المطر ليلاً ونحن راقدين في الحوش...
ونخم المراتب والمخدات وندخل الأوض..ثم تقيف المطر شوية ونخم
المخدات ونرجع الحوش.. ثم تكب المطر تاني مرة ونخم المراتب والمخدات
وندخل الأوض.... وفي الخريف تكتر المطر النقناقة وتنقنق معاها أمي
وتقول(دي مطر شنو دي؟... الا دايره تقيف ،ولا دايره تكب عديل.؟...) وفي االخريف
تجينا جارتنا علوية الشمشارة كل صباح وتسعلنا(اها.. المطر سوت عليكم كيفن؟.). ث
م تدخل اوضتنا الفي النص وتعاين للسقف وتخلعنا وتخوفنا وتقطع قلبنا وتقول لنا(وحات
الله أوضتكم دي لو جات مطر تانية ان ما وقعت فوقكم... لوموني) والمطر تجي والاوضة
ما تقع ونحن ما نلوم علوية... في الخريف يصبح الصباح.. وتتكون الترع في الشوارع ويقع
بيت ناس عماد صاحبي زي السنة الفات.. في الخريف يفرح طلاب مدرستنا عشان حيطة
المدرسة ح تقع وح يقعن فصول رابعة وخامسة وتامنة والمدرسة تقفل زي السنة الفاتت.. في الخريف
ينشط عمال المحلية فيمرقو ال###### والتراب من الخور الكبير في طرف الخور.. ثم يجي هوا ويرجع
ال###### والتراب للخور...ثم يجي عمال المحلية ويمرقوهو في طرف الخور ثم يجي هوا... ثم يجي
مهندس المحلية ويغز كوعو مستفسراً ويقول (يا ربي الخور دا القاعد يردمو ويملاهو تراب شنو؟)
وفي الخريف تقوم ترعة في ميدان حلتنا البهناك داك...وتغرق فيها جريوات ######ة ناس صاحبي امير زي السنة الفاتت..
..وفي الخريف يكتر القعو... والبعوضة والناموس.. والضبان... والقعو من المغرب لحدوت الصباح يكورك ويشترك مع البعوض ف
ي عزف سيمفونية (سهر الجداد ولا نومو) وفي الخريف نكون نحن الجداد كما نحن دائماً، وفي الخريف يرجع ابوي من الشغل وجلابيتو
مليانة طين.. وتكون رشتو عربية وهو ماشي بكرعيهو بموية المطرة تحضر ليهو امي زيت سمسم وملح... عشان كرعيهو ح يكونن
موجعاتنو من النطيط من طوبة لي طوبة وهو يحاول ان يعبر ترع شوارع الخرتوم.. وفي الخريف تتاور أبوي الرطوبة.. لكن برضو
برطوبتو دي كل يوم يمشي الشغل الصباح... في الخريف رهف أختي تجيها مراريا زي السنة الفاتت.. ويجيبو ليها قرينفروت.. وانا اقيف
جنبها واقول ليها (اديني قرينفوتاية)وهي تقول لي (ان جنيت ما بديك معاي..) وفي الخريف اغفِل امي وآكل من القرين حق رهف اختي بالدس...
في الخريف يكمل الفول من دكان عبدالسلام الجنبنا بدري... ودائماً نبيت القوا كتبو:- علاءالدين عثمان اللحيمر رابعة بنين الكنبة اللونانية
من صفحة
Mohamed Aued
في الفيسبوك
|
|
  
|
|
|
|
|
|
|
|
Re: كتبو:- علاءالدين عثمان اللحيمر رابعة بنين الكنبة اللونانية (Re: فيصل محمد خليل)
|
في الخريف تكورك الرعدة
وتهب الكتاحة وتهطل الأمطار من السماء وتقطع الموية في المواسير....
في الخريف تقطع الكهربا وتجي المطر ليلاً ونحن راقدين في الحوش...
ونخم المراتب والمخدات وندخل الأوض..ثم تقيف المطر شوية ونخم
المخدات ونرجع الحوش.. ثم تكب المطر تاني مرة ونخم المراتب والمخدات
وندخل الأوض...
-------------------------------
مية المية
| |
|
|
|
|
|
|
| |
فيصل محمد خليل
خالد العبيد
الفاضل يسن عثمان
محمد عبد الماجد الصايم
Asim Fageary
فيس بوك
تويتر
انستقرام
يوتيوب
بنتيريست