فضيحة ومهزلة للنظام : تصدير عمال نظافة الي .....

Quote: لا تشبهنا كسودانيين!!!!!!!!

Quote: عامل النظافة اهم شخص في المجتمع

Quote: لية علي راسنا ريشة!!!! العمل هو العمل...عامل النظافة اهم شخص في المجتمع وياريت لو عندنا عمالة نظافة بتعرف تنضف..ماكلهم بيشتغلو بقرف شديد...سبب كنكشة الانقاذ ووجودها كل هذا الزمن في نوعية المعارضة والتي لاتبدو احسن حالا من سوء النظام........

Quote: عامل النظافة اهم شخص في المجتمع

Quote: الأخ صلاح جادات تحياتي - تصدير عمال نظافة لأي سبب من الأسباب ليس مقبولاً . وذلك لأن كثير من المهن العمالية التي تناسبنا وثقافتنا في العمل لا زال بابها مفتوح في كثير من جهات العالم الواسع غير عامل نظافة .عطفاً على ثقافة من يحتاج لعامل النظافة وكيفية تعامله مع الأمر بادئ ذي بدء . ولعل ثقافة العمل لدينا وتنوع دروب العمل بالسسودان لا تعطينا معرفة عامل نظافة يعني شنو ؟ بحيراوي

Quote: وواحدة منهم تدفع نفقات دراسة شقيقها الذي يدرس طب في الهند !

(عدل بواسطة مرتضي عبد الجليل on 10-14-2012, 00:50 AM)

Quote: سوف يتم تصدير عمال النظافة الي الاردن

Quote: نعمل في بلدنا بكل انواع الاعمال اي كانت ومهما كانت اما ان نعمل خارج بلدنا في الاعمال التي تحط من قدرنا وخاصة في الدول التي تنظر الينا نظرة دونية فهذا مرفوض ولا ننكر ان هناك من تجبره الظروف علي العمل في اعمال لا تشبهنا كسودانيين ولكنها حالات فردية وقليلة اما ان يكون ذلك بعقود جماعية كبيرة فهنا الطامة الكبري

Quote: الاخ صلاح ان البشير الان ينتهج سياسة الخصخصة و من المؤسف ان البشير باع المؤسسات الى مستثمرين عرب تاكد ان الشعب السوداني سوف يعمل فى شركات اجنبية داخل السودان و الخوف يجي يوم المستثمرين العرب يطلبوا من العمال اقامات و عقود عمل لك التحية

Quote: اشعر دائما بالقرف من التوصيفات التي تحاول ان تصنف أهل السودان بأنهم فوق البشر !! السودان يا احباب اصبح يصدر اولاد وبنات مهنتهم "امتاع من يدفع" .... وقابلت في بريطانيا ما لا يقل عن 50 سوداني وسودانية يبيعون "الجنس" ويمتهنونه كمصدر دخل ..... وبعضهم يعول أسر في السودان... وواحدة منهم تدفع نفقات دراسة شقيقها الذي يدرس طب في الهند ! ..... ...... المشكلة شنو يعني ؟ احد اقربائي من الدرجة الاولي "تاجر مخدرات" معتبر .... في دولة غربية و..... ورباط كبير وعضلات تبش !! و.... انحنا عاملين زي النعام ! في البحرين كان لي خادمة اثيوبية .... امهرية من أديس ابابا ... وبعد فترة لاحظت انها تتصرف بصورة تكشف ان مستواها التعليمي متقدم .... كما لاحظت ان سلوكها بصورة عامة متقدم .... وتهتم بمتابعة تلفزيونات اجنبية .... وبالصدفة اكتشفت انها تقرأ كتاب باللغة الانكليزية !! فاتحتها في لحظة بأنني أشك في انها مجرد "خادمة منزل" .... بكت الشابة ... وفاتحتني بأنها خريجة جامعة أديس ابابا .... وهي عاطلة منذ سنوات وعندما حضر مندوب مكتب التوظيف قدمت كخادمة للمخارجة .... بالمناسبة قابلت سودانيين في السعودية واحد منهم طبيب وآخرين اصحاب مهن باسبورتاتهم وفيزا الخروج وعقد العمل كان "راعي" !! ------- خليك حريص... خليك سوداني

Quote: دكتور صلاح شكرا للمباشرة والوضوح وتبدو فعلا ان لديك تجربة عميقة في الحياة.. هؤلاء الذين يدفنون رؤوسهم في الرمال لايعلمون انهم هم المسئولون بطريقة او اخري عما حدث لشبابنا وشباتنا ...يجلسون في حمي السلطان ويصدرون الفتاوي ..بالرموت كنترول...بعدين عن الواقع وحال التشرزم حولهم....حتي الذين يدعون النضال لايملكون ادواتة.. فهم بلاتجربة ..مزيج من الوهم والخرافة والادعاء الكاذب...مستقبل بلا ملامح.. نحتاج عن نتخلي عن هذا الوهم ونتحدث عن انفسنا ..عن واقعنا..عن الدرك الذي وصلنا لة..نخرج من حالة السلف دينايل التي تعشش رؤوسنا...

Quote: الاخ صلاح جادات سلام خليني افكك ليك المساله بي طريقه تاني وهي النمط الثقافي في احتقار بعض المهن,المعروف ان منتسبي الثقافه الاسلاموعروبيه يحتقرون بعض المهن ويرونها معيبه وهي تلك المهن المرتبطه بالعمل اليدوي او المشقه او التي تتطلب تعامل مع قاذورات وغيرها,وهم هنا لا يختلفون عن التفكير العروبي العام,والملاحظ في السودان ان من يمتهنون تلك المهن من عرقيات ذات طابع افريقي,لا تري عيبا في قيمة العمل طالما كان الشخص مقتنعا به ويستر الحال ,فمهن مثل عمال النظافه او عمال الصحه في العالم المتقدم هي مهنه مثلها مثل اي مهنه لا تخضع الي مقاييس عرقيه او غيرها,ولكن نحن في السودان وتحديدا منتسبي الثقافه الاسلاموعروبيه نراها عيبا ونحتقرها لاننا ببساطه نترفع ان نعمل بها ,لذلك حين يتم التعاقد مع هكذا مهن نحس بالعار وغيرها من الاحاسيس والتي هي في الواقع لا تعبر عن كل المكونات الثقافيه لهذا الوطن ولكنها تعبر عن شريحه معينه.

Quote: الناس دايرة تتخارج من بلد الكيزان باي وسيلة,مالو عامل النظافة على الاقل يرتاح من قرف المشروع الحضارى

Quote: زي ما كان رد عدد من الزملاء المتداخلين الخيار الأول بقى كيف تطلع من السودان بعدين مسألة تشتغل شنو دي ما مهمة بقدر ما الأهم هو المخارجة ممكن الواحد يكون شغال عامل نظافة في بلد غير السودان لكن بياكل ويشرب طعام وشراب صحي خالي من التلوث وبيتلقى خدمات علاجية تليق بالإنسان وبيجد وسائل حياة أفضل ويستنشق قدر ميسر من الحرية البيخليهو يكون قاعد في بلد بتدخل الشرطة على راجل وزوجته وتقبض عليهم شنو ؟ يمشوا الأردن يشتغلوا عمال نضافة ويوم الخميس يتعيشوا مشويات ويشريوا بيرة باردة إنتوا عينكم في الفيل وبتطعنوا في ضلو يعني يموتوا وهم قاعدين بدون شغل ولا عاوزينهم يعملوا شنو

Quote: سلام للجميع فعلا كلام غريب ناس ما لاقين ياكلوا ويقول ليك العمل ما من مستوانا...!! يا ريت فعلا لو عندنا عمال نضافة بيعرفوا ينضفوا .. ونشتهر في الخارج بأننا نضيفين وساهمنا في نضافة بلد آخر.. السودانيين اشتغلوا في أعمال زي دي بل في كل شي مما عرفوا طريق الخروج من السودان يعني من سنوات طويلة.. وأحسن يمشوا كعمال نظافة وياكلوا من عرق جبينهم بدل ما يمشوا لاجئين غير شرعيين ويسببوا المشاكل في بلاد الناس ___

Quote: عصام فقيري اذا كان بالنسبة اليك مسالة تشتغل شنو ما مهمة فلغيرك مهمة يتلقي خدمات علاجية تليق بالانسان وهل يليق بالانسان تنظيف فضلات غيره ؟ ولماذا ينظف فضلات غيره ؟ عشان العشاء مشويات وبيرة باردة ( عقلك صغير خلاص ) كدي شوف عنوان البوست بتعرف نحن بنطعن في الفيل ولا في ضلو انت بتشجع الناس علي الذل من اجل بيرة باردة فمنو البطعن في الضل ؟ لماذا لا تشجعهم علي الثورة ضد الفيل بدلا من الهروب للعيش في ذل الحمامات من الافضل ان يموتوا اعزة بدلا من العيش في ذل أفة السودان ما يسمي بالمثقفين لا دور لهم في النهوض بالشعب ابدا بل دفعه للانحطاط

Quote: عشان الكلام ده كلو ينتهى والحاجات تبقى كويسة مافي حل غير الناس تزيل اسبابها حتى لو تطلب ذلك رفع السلاح ياكمان الناس تبطل تتكلم عن النخوة والرجولة والسودان والبطيخ المالين بيهو الاسافير .. قاتلوهم قاتلهم الله ورجعوا للسودان سمعته واخلاقه الاشتهر بيها .. تحياتي ،،

Quote: زميل دراسة جمعتني به دروب الحياة في زمن الصبا.. في مرة ونحن نتمشى مرينا بعامل نظافة يكنس في أحد الشوارع سلم زميلي على العامل باحترام ظاهر وقدمه لي قائلاً أعرفك على الوالد .. سلمت عليه باحترام وتقدير ومن لحظتها تعلمت احترام العمل والعمال . قبل سنين طويلة عملت في قطاع هام في دار غربتي ومعي عدد من السودانيين .. فوجئنا بتعيين شاب سوداني خريج ثانوي في وظيفة قهوجي .. مهمته عمل وتقديم الشاي والقهوة للموظفين وضيوفهم .. تعامل الزملاء مع الموقف بحساسية شديدة وكأن في الموضوع إهانة لهم ولجنسيتهم ولا أنكر أني تأثرت حينها بموقفهم وعملنا جميعاً جهدنا حتى عدلنا وضعه لوظيفة كتابية الآن ... أرى أن العمل الشريف لا يعيب .. وإن كان العامل في بلده يعمل بمقابل ضعيف إيه المشكلة في انه يعمل بالخارج وبمقابل مجزي ... كل المطلوب أن حقوق العامل تكون محفوظة وتحت رعاية بعثاتنا الدبلوماسية التي حتى الآن لا أجد لها دور يذكر في هذا الجانب

Quote: The Bureau of Labor Statistics records that the average trash collector salary is $33,760. The average hourly income for a trash collector is $16.23/hr Read more at http://www.infobarrel.com/List_of_Trash_Colle...#Gb0CBrb3pTy1aeWf.99

Quote: المدعو صلاح جادات إنت لو عندك عقد نفسية ما تفرغها في الناس قال عقلك صغير قال! عجبي أي إنسان حر في أن يختار طريقة كسبه عيشه طالما في إطار العمل الشريف يعني إنت شايف في أسوأ من الجوع ؟ تقرأ مداخلتي هذه مع مداخلة الأخ/ بدر الدين أحمد موسى الموجودة أعلاه يعني هم لوما وصلت بيهم الحالة لدرجة لم يستطيعوا معها التحمل لما قبلوا بهذه المهنة وهي أفضل من أن ينخرطوا في مشاريع السرقة التي تعرفها حق معرفة يا صاحب العقل الكبير إنت قوم لف

Quote: فعلا فضيحة مجلجلة لدولة مواردها بحجم موارد السودان ، الموضوع ليس موضوع عمل فقط ، الحكومة تريد ان تفرغ السودان من اي عاطلين ولا يهم كيف واين وماذا يعملون .. لانهم مصدر تهديدها الاول وليس المعارضة او الاحزاب .. العمل ليس فيه عيب .. لكن دعونا نكون واقعيين كم مرتب عامل النظافة في السعودية دعك من الاردن ؟ كيف سيتعامل المواطنين معهم ؟ خشوا يوتيوب وشوفو الاطفال بضربوهم وبجدعوهم بالحجار كيف .. وكيف يهينهم الكبار .. كل هولاء معرضين لدخول السجون لان اغلبهم سيرد على مثل هذه التصرفات بعنف وتعرفون جيدا قانون الدول العربية في مواجهة الاجانب من الدول الفقيرة .. فقط لو عندنا سفارات محترمة تهتم بمشاكل السودانيين كان يمكن ان يكون الموضوع اهون .. هذا من الناحية الموضوعية .. من الناحية الاخرى / العاطفية ، لن ارضى ابدا ان يعمل سوداني في مهنة عامل نظافة في دولة عربية اطلاقا .. تحياتي جميعا

Quote: اتفق مع من يقول بمنع ارسال عمال نظافة واتفق جدا مع ود القاضي بضرورة اقتلاع هذا النظام ارفض لاسباب كتيرة اولا اكيد في كوز هابر ليهو هبره من وراء مثل العقد عشان يوقع على مرتبات اقل بكثير مما يمكن له الاحتفاظ بآدميته العامل السعودية اغني من الاردن بكتير، ومرتب عامل النظافة فيها لا يكفي، فيضطر العامل بعد الانتهاء من دوامه المرهق اساسا طوالي يشيل ليهو جردل وينظف ما يقارب العشرة الى خمستاشر عربية، مع العشاء بمشي للدوام التالت، يساعد بتاع بقالة في توصيل المشتريات، يعمل شاي وقهوة ونضافة للمكاتب والمحلات التي تفتح مساءا. مع دا كله، وتلاتة وظائف، اضطروا ايضا لان يمارسوا كل الموبقات الممكنة لتحسين وضعهم المالي. مرتب عامل النضافة في السعودية حوالي الـ 400 ري ال السكن مؤمن و 200 ري ال للاكل، العامل زي ما قلنا بنضف العربية في الشهر بـ 50 ري ال، لو ضمن 15 زبون في الشهر يعني 750 ري ال وفي اوقات افراغ بلمو علب البيبسي الفاضية، طن الالمنويوم السكراب بين 300 الى 500 ريا ال دا وين ح يلقاهو في الاردن؟؟ بلد فقير جدا ونصهم اساسا مغتربين في بلاد الله شهر والتاني، والشاب ح يبدأ يفكر في طريقة يدعم بيها موقفه المالي، وهاك يا سجون وهاك يا قرف، والحقونا وكواريك وهناك مئات الشباب في السجون الاردنية، ووين انت يا بشة ويا سفيرنا

Quote: اذا صح الكلام فهذا يعني أن الدولة تعمل على افراغ البلد من الشباب بتصديرهم للمجهول. كما قال احمد ابنعوف رواتب هذه الوظيفة في الدول الخليجية الثرية متدني جدا و لا يقيم الاود فكيف به في الاردن؟ يمكن اقامة مشاريع كثيرة لتشغيل الشباب داخل السودان تحفظ كرامة الناس بدلا عن تعريضهم للانحراف خارج الحدود. ملحوظة:عمال النظافة "البلدية" في امريكا رواتبهم مرتفعة جدا و اكثر من رواتب وظائف مكتبية كثيرة.

Quote: لا يوجد عمل ######## وعمل رفيع يوجد عمل حلال وشريف او حرام ناس ماري انطوانيت ديل بالله شوفو الواقع الحقيقي لمن يكون هذا خباره آن الاوان لان يعرف السودانيين ان العمل في حد ذاته قيمة وما عيب الا العيب

Quote: أذكر مقالا طريفا للدكتور محمد عبدالله الريح (حساس محمد حساس) وهو صديق من ايام حلمنتيش ... اقترح على ما أذكر على الموظف الذى يستحى من العمل اليدوى كغسيل العربات ان يحتفظ بعمله كافندى فى الخرطوم ويغسل العربات فى بحرى وموظف بحرى يغسل عربات امردمان وموظف امدرمان يغسل عربات الخرطوم وبذلك تحل مشكلة الخجل والتعفف من العمل اليدوى الحلال... كان ذلك فى عهد مضى ولكن العمل اليدوى صار مربحا اكثر من عمل الأفندية والموظفين الذين سماهم كاتب مصرى ب "الموظفون فى الأرض" وشبههم ب "المعذبون فى الأرض" وتحضرنى طرفة أخونا النيجيرى الذى يغسل العربات والذى طلب من بروفيسور سودانى ان يدفع له عشرة الف جنيه سودانى نظير غسيل عربته فاستغرب البروفيسور وسأله: دخلك كام فى الشهر فأجابه اخونا النيجيرى: نص مليون والحمدلله فشهق اخونا البروفيسور وكاد ان يقع من طوله وقال له يا أخى بروفيسور ومحاضر جامعى مرتبى فى السنة ما بحصل دخلك فى شهر!!! فرد عليه اخونا النيجيرى: بى ظروفكم... فى حد جبركم تقروا وتشقوا؟؟؟؟؟؟؟؟؟؟؟؟؟؟ العمل اليدوى الشريف طالما دخلو كويس أحسن من مرمطة الدكاترة والبروفيسيرات...إلا إذا كانوا من ناس "الصيت ولا الغنى"!!!!!!!!!!!!!! نورالدين منان

Quote: دعونا أولا أن نتعلم النظافة العامة ( نظافة الشوارع والمرافق العامة ) بالرغم من معظم الشعب السوداني يحب النظافة الشخصية إلا أننا وللأسف نجد شوارعنا مليئة بالقاذورات أما دورات المياه (أكرمكم الله) حدث ولا حرج قمة الوساخة ومصدر لعفونة تزكم الأنوف ، ويا ريت عندنا عمالة نظافة مدربة ومؤهلة تنظف شوارع المدن بالبلاد ولا بأس من التصدير ما دام أنه عمل شريف وليس به بإنحطاط بقدر السوداني ، أتركونا من التعالي والأوهام التي نعيشها كأننا أفضل بشر . وبالمناسبة أعرف منذ أكثر من خمسة وعشرون عاماً أن هناك عمالة بمختلف المهن ضمنهم عمالة نظافة كانوا يعملون بمطار الملكة عالية بعمان . وهاكم الطرفة دي : عمنا عبد الغفور طمبل رحمه الله كان سائقا لعربة كومر الزبالة في الزمن الجميل أيام ما كانت الخرطوم نظيفة وجميلة ، وكان يمر في شوارع الصحافات وينادوه الناس : يا بتع الوساخة وكان يرد عليهم ضاحكاُ أنتو بتع الوساخة وأنا البنضفكم. نرجو أن لا نستهين بهذه المهنة الضرورية والحيوية .

Quote: الأخوان جميعا لكم جميعا احتراماتي اول وظيفة رسمية اشتغل بها في حياتي واقبض عليها راتب كانت (غسال مواعين) في الهلتون الخرطوم.. غسال مواعين غير غسال صحون.. غسال الصحون بيقيف قدام كنة غسيل، غسال المواعين، بينضف بيدينو .. الشيء الذي استغربت له بالجد حينها ،، انو كنت باخد محاضرات اسبوعية بواسطة (مستر زيفرين) في كيفية النظافة.. كمية الفيزياء والكيمياء الصرفها لي عشان يوريني كيف انظف بي طريقة سليمة وعلمية، استطيع اليوم ان احتج بها علي من هم في مستوي عالي من العلم بهذه العلوم.حاليا احرص شديد جدا ان اذكر نفسي ، واطفالي بها، وفي احايين كتيرة اتمني لو كنت اعمل بها حتي الان، علي الاقل ان رزقها حلال طاعم هنئا مريئا للطاعمين. وبعد ده في ناس شايفة النظافة مهنة حقيرة.. بالرغم انها من الدين..