|
|
 بعد عشرين سنه من التخرج مسافر السعوديه مغتربا
|
بتوفيق و قسمه راضى عنها سوف انتقل الى العمل الى المملكه العربيه السعوديه بعد ان قام الاصدقاء بمساعدتى فى شراء فيزا حره فى منطقه خميس مشيط بصحبه كل من حسن ومحمد ومعتصم و الباش مهندس مجدى
ذهبت الى السفاره السعوديه وقمت بعمل اللازم وقمت بعمل الفحوصات الطبيه اللازمه للدخول الى الاراضى السعوديه الطاهره ومررت بالخارجيه لتوثيق الشهادات و قمت بتوفير كميه من الصور الفوتغرافيه واشتريت جبنه وزيت سمسم و دكوه شمار وعراقى وسروال ورادى و حجار بطاريه والحصن الحصين و دعوات من امى وخالتى
تحصلت على تأشيره الخروج من جهاز شئون العاملين بالخارج بقياده النطاسى الصافى جعفر و قابلت اخينا جعفر رئيس الجاليه السودانيه فى المنطقه الشرقيه وقال انت محظوظ لانو ابو عركى عندو حفله او ما تصل تمشى معانا
رميت فى اللوترى القرعه العشوائيه للولايات المتحده الامريكه قبل سفرى و سددت كل ديونى وبعت العربيه وفتحت حساب فى بنك البركه شارع الزبير باشا فرع المغترين
مريت على سنتر الخرطوم قطعت التذكره ون وى واشتريت لى متين ريال من السوق الافرنجى وحضور المطار على طيران ناس اير مساء والسفر فجرا والوصول صباحا الى الاراضى السعوديه والشغل ما عارفو حتى الان وكل ياخد قسمتو ...
|
|
 
|
|
|
|
|
|
|
 Re: بعد عشرين سنه من التخرج مسافر السعوديه مغتربا (Re: فرح)
|
.
فرح يا زول من الزمن الجميل
زمان قبل أبقي بوردابي كنت بتابع بوستك الاسبوعي لحن الخميس
ومدام جاى المملكة البوست ده حيرجع اكتر ألق مماكان
| Quote: والشغل ما عارفو حتى الان وكل ياخد قسمتو .. |
كل زول برزقوا وربنا يوسع رزقك
البلد دي حظوظ وربنا يجعلك من المحظوظين
ليك التحية يا فرح وصادق الامنيات بالتوفيق
| |
|
|
|
|
|
|
|
|
|
Re: بعد عشرين سنه من التخرج مسافر السعوديه مغتربا (Re: فرح)
|
بالتوفيق ان شاء الله يا اخ فرح
بس معليش دي بداية قصة من نسج الخيال ولّ انت فعلا جايي السعودية ... معليش اخوك برلوم ومتلخبت شوية ... دخلتا على البروفايل حقك ولقيتك من ناس اليو اس ايه ودا لخبتني زيادة
على العموم التِحشر الزي دا ما في داعي ليهو ... اتمنى لك صادقا كل التوفيق ... انا زيك برضو ... بكنس كل حاجة ما عدا المبيدات
| |
|
|
|
|
|
|
|
|
|
Re: بعد عشرين سنه من التخرج مسافر السعوديه مغتربا (Re: مهدي صلاح)
|
اوعى يسمعك واحد زي داوود الشريان ... والله يخلي ريحة اقامتك دي طير طير ويطلع البلا الازرء على جتة فيزتك الحرة دي:
اولا ممنوع الاتجار في تاشيرات العمل
ثانيا حسب الانظمة ما في حاجة اسمها حرة ... تشتغل مع كفيلك بس
بعد ما تكمّل جولتك حول الكرة الارضية بجي بوريك الشريان دا منو
رافقتك السلامة والتوفيق في الحل والترحال
| |
|
|
|
|
|
|
|
|
|
Re: بعد عشرين سنه من التخرج مسافر السعوديه مغتربا (Re: مهدي صلاح)
|
فرح
والله نفسي كان يوم القاك واسلم عليك بالاحضان شدييييييييييييييييد لانك زول خرافي ....وسبحان الله ربنا كتبها لي ...جاي السعودية والله خبر جميل وان شاءالله نتلاقي في الحرم او المدينة علشان اسلم عليك وابكي شديد بشوفتك والله ...ياخي انت فرح كبير والله .
ربنا يكتب ليك الخير والعافية وين ماكنت وربنا يعدل طريقك ويوفقك ....
من هسع دي دا تلفوني : 0506499468 بس تعمل ليك تلفون بالله عليك كان ما اتصلت علي علشان ابل شوقي ساكت بس ....
ودعتك الله ...ومبروك العراقي الجديد والسروال والمركوب واي حاجة تاني ....
ودعتك الله يافرح
| |
|
|
|
|
|
| |
فرح
إسماعيل وراق
ابو جهينة
مهدي صلاح
Gamal Abayazid
ombadda
عبدالمنعم الزين
abdulhalim altilib
الرفاعي عبدالعاطي حجر
walid taha
ياسر السر
فيس بوك
تويتر
انستقرام
يوتيوب
بنتيريست