|
|
 الولد دا ، العمل ليهو عمل منو؟
|
كثيرا ما نسمع مثل هذا النوع من الحكي
الكثيرون حتى من النخب المستنيرة يؤمنون بمثل هذه الاشياء
اهي حقائق ام مجرد خرافات ؟
مرات الناس يقولوا ليك ( يا كافي البلاء العريس دا محكور - ذهبنا به لشيخ فلان او فكي فلان والحمد لله حرق تش )
هل هذه الاشياء معتقدات سودانية فقط ام ان هنالك شعوب في هذه المعمورة لها نفس المعتقدات ؟
هل هي عند المسلمين فقط ام انها موجود لدى الملل الاخرى؟
انها لظواهر تستحق النقاش بكل جدية .
|
|
  
|
|
|
|
|
|
|
|
Re: الولد دا ، العمل ليهو عمل منو؟ (Re: الطيب شيقوق)
|
حكى لي احد الاصدقاء الذين اصدقهم القول بانه كان يقيم هو وزوجته في محل عمله باحدى مدن السودان
قال لي بالحرف الواحد انه لا يستطيع معاشرة زوجته الا بعد ان يسافر لمنزله الخاص بقريتهم في نهاية كل اسبوع
عندما ذهب لاحد الشيوخ قال ليهو انت معمول ليك عمل في البيت الساكن فيهو في المدينة دا .
لا حول
| |
|
|
|
|
|
|
|
|
|
Re: الولد دا ، العمل ليهو عمل منو؟ (Re: الطيب شيقوق)
|
البقرة
{102}{ وَاتَّبَعُوا مَا تَتْلُو الشَّيَاطِينُ عَلَى مُلْكِ سُلَيْمَانَ وَمَا كَفَرَ سُلَيْمَانُ وَلَكِنَّ الشَّيَاطِينَ كَفَرُوا يُعَلِّمُونَ النَّاسَ السِّحْرَ وَمَا أُنْزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ وَمَا يُعَلِّمَانِ مِنْ أَحَدٍ حَتَّى يَقُولَا إِنَّمَا نَحْنُ فِتْنَةٌ فَلَا تَكْفُرْ فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ وَمَا هُمْ بِضَارِّينَ بِهِ مِنْ أَحَدٍ إِلَّا بِإِذْنِ اللَّهِ وَيَتَعَلَّمُونَ مَا يَضُرُّهُمْ وَلَا يَنْفَعُهُمْ وَلَقَدْ عَلِمُوا لَمَنِ اشْتَرَاهُ مَا لَهُ فِي الْآخِرَةِ مِنْ خَلَاقٍ وَلَبِئْسَ مَا شَرَوْا بِهِ أَنْفُسَهُمْ لَوْ كَانُوا يَعْلَمُونَ}
| |
|
|
|
|
|
|
|
|
|
Re: الولد دا ، العمل ليهو عمل منو؟ (Re: عماد الشبلي)
|
يا شبلي مالك
مـــا سمعت الشاعر القال
أندب حظي أم آمالي
ودهري قصدني مالو ومالي
وشوف الخيرة يارمالي
أظن كاتبني عند عمالي
الرمالي هو الذي يضرب القداح في الرمل
العمالي هو الذي يكتب العمل
السحر موجود وقد سحر رسول الله صلى الله عليه وسلم
ولكن يبقى كيف التعامل معه
لايجوز التعامل مع السحرة واللذين يتعاملون مع الجن والشعوذة
بل عن طريق أيات كتاب الله ومع من لهم علم بكتاب الله
يقولوا ليك عندو كُج
فوقو عمل
عندنا جدنا في شندي مرة يا شيقوق كان اليوم جمعة وهو يتجهز لصلاة الجمعة
كنَّ في البيت نساء من اهل زوجته من قرية قريبة من شندي وبعد شوية النساء لبسن ثيابهنَّ
سألهن الجد : ماشات وين يا حرموم
ردن عليه : شايلين حاج أحمد الفلاتي ( شايلين يا شبلي تعني ماشين لـــ )
قال ليهن : وشنو بتكوسن عندو حاج أحمد
ردن علي : كايسين الجنى ( اي يشحدن حاج انو يسأل الله يجبن جنى )
رد الجد وكان رجل معروف بالنصيحة وقوي الشكيمة
حاج أحمد الجنى عندو في علب ( معلب )
يا حريم رجالكن ما شايفن شغلتهم كويس .. أدخلن علي الاوضا دي عشان أوريكن الجنى بجيبو كيف
طبعاً يا شبلي القصة دي بتعجب المسنوح
| |
|
|
|
|
|
|
|
|
|
Re: الولد دا ، العمل ليهو عمل منو؟ (Re: عبدالعزيز الفاضلابى)
|
مولانا الفاضلابي
الشوق ليك بلا حدود
انت عارف اخوك مغطسين حجروا طب وعلى العلي كمان ام عبد الله السنة دي فاتت ارض الحجاز وقالت لي بالحرف الواحد ماشة الكعبة انجض الشغلانية عشان تاني سودانيز دى ما تشمها.
Quote: البقرة
{102}{ وَاتَّبَعُوا مَا تَتْلُو الشَّيَاطِينُ عَلَى مُلْكِ سُلَيْمَانَ وَمَا كَفَرَ سُلَيْمَانُ وَلَكِنَّ الشَّيَاطِينَ كَفَرُوا يُعَلِّمُونَ النَّاسَ السِّحْرَ وَمَا أُنْزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ وَمَا يُعَلِّمَانِ مِنْ أَحَدٍ حَتَّى يَقُولَا إِنَّمَا نَحْنُ فِتْنَةٌ فَلَا تَكْفُرْ فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ وَمَا هُمْ بِضَارِّينَ بِهِ مِنْ أَحَدٍ إِلَّا بِإِذْنِ اللَّهِ وَيَتَعَلَّمُونَ مَا يَضُرُّهُمْ وَلَا يَنْفَعُهُمْ وَلَقَدْ عَلِمُوا لَمَنِ اشْتَرَاهُ مَا لَهُ فِي الْآخِرَةِ مِنْ خَلَاقٍ وَلَبِئْسَ مَا شَرَوْا بِهِ أَنْفُسَهُمْ لَوْ كَانُوا يَعْلَمُونَ} |
.
طيب شن قولك هسه؟ ادينا رايك ما تخجل من بت عمك ما بتضرك طب
قالوا بنات العم عملهن بيكون Ad hoc يعني لغرض معين ولا يتجاوز هذا الغرض حتى لا يحدث آثار جانبية
الفاتح ميرغني بالله عليك ، لقيت ad hoc دي كيف معاك ؟
| |
|
|
|
|
|
|
|
|
|
Re: الولد دا ، العمل ليهو عمل منو؟ (Re: الطيب شيقوق)
|
Quote: حاج أحمد الجنى عندو في علب ( معلب )
يا حريم رجالكن ما شايفن شغلتهم كويس .. أدخلن علي الاوضا دي عشان أوريكن الجنى بجيبو كيف |
هههههههههههههها الله يجازيك يا مسنوح كدا بتودي البوست دا الزبالة طوالي
| |
|
|
|
|
|
|
|
|
|
Re: الولد دا ، العمل ليهو عمل منو؟ (Re: الطيب شيقوق)
|
واحد ليهو سنة ساكي بكري لعضوية المنبر دا
لاقاني يوم من الايام قال لي ياخ بكري دا مالو غتيت كدا ....
واحد اخونا قال ليهو راجع ام اولادك بتكون عاملة ليك عمل عشان ما تتواصل مع حمام سودانيز اونلاين دا
| |
|
|
|
|
|
|
|
|
 Re: الولد دا ، العمل ليهو عمل منو؟ (Re: الطيب شيقوق)
|
ود شيقوق سلام
ياحضرة المستشار ، العمل الليل العرس والولادة دة ترى عرفناه
المصيبة قالوا العمل والسحر دخل داركم دار العدل زاتها
حكى لى أخ محامى ، انه فى احدى القضايا فى سودانا الجميل، قالوا القاضى يكون ماشى تمام وبصحة جيدة فى المحكمة ،
بس أول ما يندهوا على قضية معينة القاضى يقوم جارى على الحمام والبطن تمشى وما يمرق الا بعد نهاية الدوام
قال ليك الحكاية دى اتكررت مع نفس القضية كم مرة فى الآخر القاضى قال ليهم القضية دى شيلوها منى مانى ماسكها تب!!
تحياتى
| |
|
|
|
|
|
|
|
|
|
Re: الولد دا ، العمل ليهو عمل منو؟ (Re: مهيرة)
|
Quote: بس أول ما يندهوا على قضية معينة القاضى يقوم جارى على الحمام والبطن تمشى وما يمرق الا بعد نهاية الدوام
قال ليك الحكاية دى اتكررت مع نفس القضية كم مرة فى الآخر القاضى قال ليهم القضية دى شيلوها منى مانى ماسكها تب!! |
هههههههههه
دا تيلتو قوية الشي شنو ؟
حبة مسهلة شيطانو ؟
قالوا ناس ماينو
يجي الحرامي ويسرق .. ولما يدور يطلع من البيت مايقدر
يقعد وشايل المسروق لما يصحو ناس البيت الصباح ويفكو وممكن بعد علقة سخنة شوية
| |
|
|
|
|
|
|
|
|
|
Re: الولد دا ، العمل ليهو عمل منو؟ (Re: خالد علي محجوب المنسي)
|
Quote: خالد المنسي
والله جدك دا
فعلا كان قوي ( الشكيمة ) |
هههههههههه
فعلاً يا شبلي كان كذلك
تزوج بعد وفاة زوجته .. واختار العروس لكن أولاده وبناته أخذتهم روح الطمع
أن يطلع للوجود من يزاحمهم في الورثة
فرفضوا المراة التي أختارها واختاروا له مراة تزوجها قبله ثلاثة رجال ولم تلد
العروس الجديدة كانت من أسرة ميسورة الحال شديد
يوم قطع الرحط
الجد دفع مئة جنيه للرحط وكانت ايامهامبلغ كبير
فصاحت مرأة من اهل العروس وقالت :
يا ودعلي نحمد الله ما قصدنا المال دايرين الجنى
فرد عليها الجد
من الليلة عدي تسعة وتسعة تستلمي بي عمتو بإذن الله
وفعلاً استجاب الله لدعوته ورزق من تلك الزوجة بولدين
وكانت حكمة الله رداً على طمع اولاده
عليه رحمة الله الجد وعندو حكاوي كتيرة
| |
|
|
|
|
|
|
|
|
|
Re: الولد دا ، العمل ليهو عمل منو؟ (Re: مهيرة)
|
د. مهيرة
Quote: حكى لى أخ محامى ، انه فى احدى القضايا فى سودانا الجميل، قالوا القاضى يكون ماشى تمام وبصحة جيدة فى المحكمة ،
بس أول ما يندهوا على قضية معينة القاضى يقوم جارى على الحمام والبطن تمشى وما يمرق الا بعد نهاية الدوام
قال ليك الحكاية دى اتكررت مع نفس القضية كم مرة فى الآخر القاضى قال ليهم القضية دى شيلوها منى مانى ماسكها تب!! |
كلامك مية المية صاح - كتر خيرك رجعتيني لحتة كانت فايتة منى
اذكر لما كنت محامي بولاية سنار في منتصف الثمانينات واواخر التسعينات كان العميل بجيني انا المحامي وبعد امسك قضيتو بجيني الجلسة الجاية بقول لي شد حيلك يا ود شيقوق انا القضية لهمتها الشيخ فلان .
كانت اغلب القضايا التي اكون موفق فيها ينسب الشكر للشيخ ، اما انا المحامي البصول وبجول ، برضي بصول وبجول ببركات ونفحات الشيخ .
ما تمشي عشان احكي ليك نوادر المحاكم مع الشيوخ
مرات بنسى وبسرح مع ناس قريتي راحت برضك ذكريني سمح؟
| |
|
|
|
|
|
|
|
|
|
Re: الولد دا ، العمل ليهو عمل منو؟ (Re: الطيب شيقوق)
|
منسي
Quote: يجي الحرامي ويسرق .. ولما يدور يطلع من البيت مايقدر
يقعد وشايل المسروق لما يصحو ناس البيت الصباح ويفكو وممكن بعد علقة سخنة شوية |
ناس البردانة ( قريتنا) عندهم ايمان قوى بانو الشيخ ممكن يجيب المطرة وكمان ممكن يمنع المطرة من الصبيب
اذكر جاتهم صبنة طولت بالحيل والعيش قرب يحرق من العطش - كان في حلتنا شيخان وهما اقرباء بعض بالمصاهرة وجيران - واحد فيهم عمرو اكتر من مية سنة لكن قاهر بالحيل والتاني خلوتو مجاورة الشيخ الكبير لكن صغير في العمر . الشيخ الصغير دا لما نجيهو نحن مع المغربية نلقى خلوتو عيادة بس اى مرة تجيهو شايلة شافعها وشايلة كمان كورتها النعومة ( النعومة دي كويرة صغيرة ) عشان الشيخ يعزم للوليد ويديها محاية في الكويرة.
الحاصل الصبنة جرت واخدت زمن وناس البردانة قرروا يجمعوا فلوس ويدوها للشيخ الصغير دا عشان يدعو ليهم ربنا يجيب ليهم المطر - فعلا جمعوا مبلغ محترم ومشوا للشيخ الصغير وعصروا ليهو المبلغ تحت التبروقة وحكوا ليهو بالعوج الفيهم . الشيخ الصغير قال ليهم خير انا من المغربية دي بسدد الخلوة وبشتغل ليكم سؤال في رب العالمين يرحمكم بمطرة .
اها الشاهد انو الشيخ الكبير زعل من ناس البردانة قال ليهم كيف تنزلوا الوليدات للمطر ( بقصد الشيخ الصغير) وانا قاعد ؟
اها يا ناس البردانة اسمعوني كويس انا حالف الوليد دا يقلّع ليكم سحابة من قدام ألحسها في السماء اعدمها الفنجان هههههههها.
والله ناس حلتنا صدقوا الكلام دا وطوالي كونوا لجنة من وجهاء القرية عشان تشيل ليها مبلغ تديهو الشيخ الكبير عشان ما يلحس السحابة .
| |
|
|
|
|
|
|
|
|
|
Re: الولد دا ، العمل ليهو عمل منو؟ (Re: الطيب شيقوق)
|
الناظر ود هارون
كيفك انت؟
| Quote: الجزئية دي بالذات ما فهمتها كويس يا شيخ العرب ... |
يعني واحدة حبت ود هارون هل يمكن للفكي يكرهها في ود هارون ويحببها في ود شيقوق؟
ممكن يكون migration of love from X to Z
نقشتها ولا لسه برة الشبكة ؟
| |
|
|
|
|
|
|
|
|
|
Re: الولد دا ، العمل ليهو عمل منو؟ (Re: الطيب شيقوق)
|
Quote: اها الشاهد انو الشيخ الكبير زعل من ناس البردانة قال ليهم كيف تنزلوا الوليدات للمطر ( بقصد الشيخ الصغير) وانا قاعد ؟
اها يا ناس البردانة اسمعوني كويس انا حالف الوليد دا يقلّع ليكم سحابة من قدام ألحسها في السماء اعدمها الفنجان هههههههها.
والله ناس حلتنا صدقوا الكلام دا وطوالي كونوا لجنة من وجهاء القرية عشان تشيل ليها مبلغ تديهو الشيخ الكبير عشان ما يلحس السحابة . |
ههههههههههههه
عندما يضل الناس عن طريق الله القويم الواحد أهو دا الحال
والجهل مصيبة
هناك كتاب يوضح كل ذلك
اسمه
( تلبيس ابليس )
كيف يزيّن أبليس لخلق الله الباطل حق .. ويؤمنوا به
ومنها قصة اللات والعزة ومناة
فهم رجال صالحين
زين لهم ابليس ان يرسموا لهم تماثيل حتى لا ينسوا .. أخيراً عبدهم الناس وتركوا الواحد الأحد
في قصة سلمان ود العوضية بحيها ليك هسي ماشي مارق مشوار وكيف زين أبليس للناس حتى يعبدوا سلمان
ودالعوضية .. ينذر له ويشد لهمالرحال للزيارة كبيت الله ويحلف به ( قسماً ) ووصل الدرجة لدرجة استعان به بعض القضاة
في محاكمهم لما وجدوا اهل تلك الديار يقسموا زوراً وبهتان في كتاب الله
الواحد منهم يقول والله الأرقط دا دقو ليك ورقة ورقة وما بخاف من قسمه هذا ويشهد زور
لكن بالشيخ ما بحلفوا
قالوا الله بمهل .. لكن الشويوخ بياخدوا حقهم ناشف ووقتي ( في ساعتو )
| |
|
|
|
|
|
|
|
|
|
Re: الولد دا ، العمل ليهو عمل منو؟ (Re: خالد علي محجوب المنسي)
|
Quote: الواحد منهم يقول والله الأرقط دا دقو ليك ورقة ورقة وما بخاف من قسمه هذا ويشهد زور
لكن بالشيخ ما بحلفوا
قالوا الله بمهل .. لكن الشويوخ بياخدوا حقهم ناشف ووقتي ( في ساعتو ) |
للشيوخ احترامهم وللشيوخ كراماتهم - لم يقصد بهذا البوست الانتقاص من قدرهم وانما لاعتقاد الكثيرين بما هو مدهش لنا ولبعض الشيوخ انفسهم .
امشي وتعال احكي ليك
| |
|
|
|
|
|
|
|
|
|
Re: الولد دا ، العمل ليهو عمل منو؟ (Re: Asim Fageary)
|
Quote: في ناس ما بيكون معمول ليهم عمل يا ود شيقوق
بس بيتماسخوا مع الناس والزول كان عاوز يجيب ليهم عريس بيغير رأيه |
وفي ناس يا عاصم اخوى لو عايزين يزوغوا من جكسوياتهم من الزواج الواحد فيهم يقول ليها والله انا عاملين لي عمل ضد زواجك
| |
|
|
|
|
|
|
|
|
|
Re: الولد دا ، العمل ليهو عمل منو؟ (Re: الطيب شيقوق)
|
شيقو شقارى,,
من ديك وعييييك,,
سلامات يا حبيبQuote: حكى لي احد الاصدقاء الذين اصدقهم القول بانه كان يقيم هو وزوجته في محل عمله باحدى مدن السودان
قال لي بالحرف الواحد انه لا يستطيع معاشرة زوجته الا بعد ان يسافر لمنزله الخاص بقريتهم في نهاية كل اسبوع
عندما ذهب لاحد الشيوخ قال ليهو انت معمول ليك عمل في البيت الساكن فيهو في المدينة دا . |
صاحبك دا فى رواية أخرى إحتمال يكون وصل لمرحلة حبة عند اللزوم!!!! ركز على موضوع آخر الأسبوع دى!!
قول ليهو كدى جرب أقعد آخر الأسبوع دا فى بيتك دا بلا أوهام معاك!!
هسه صاحبك دا شايل حالو مالك !!والله أنا خايفك تكون دا إنت زاتك !!!
| |
|
|
|
|
|
|
|
|
|
Re: الولد دا ، العمل ليهو عمل منو؟ (Re: أيمن الطيب)
|
Quote: شيقو شقارى,,
من ديك وعييييك,,
سلامات يا حبيب
Quote: حكى لي احد الاصدقاء الذين اصدقهم القول بانه كان يقيم هو وزوجته في محل عمله باحدى مدن السودان
قال لي بالحرف الواحد انه لا يستطيع معاشرة زوجته الا بعد ان يسافر لمنزله الخاص بقريتهم في نهاية كل اسبوع
عندما ذهب لاحد الشيوخ قال ليهو انت معمول ليك عمل في البيت الساكن فيهو في المدينة دا .
صاحبك دا فى رواية أخرى إحتمال يكون وصل لمرحلة حبة عند اللزوم!!!! ركز على موضوع آخر الأسبوع دى!!
قول ليهو كدى جرب أقعد آخر الأسبوع دا فى بيتك دا بلا أوهام معاك!!
هسه صاحبك دا شايل حالو مالك !!والله أنا خايفك تكون دا إنت زاتك!!! |
الموضوع لا يتعدى كونه تغيير جو
| |
|
|
|
|
|
|
|
|
|
Re: الولد دا ، العمل ليهو عمل منو؟ (Re: Asim Fageary)
|
| Quote: الموضوع لا يتعدى كونه تغيير جو |
برضو واردة يا ود فقيري
ان شاء يمسكك انت دا يا ود فقيري يخليك متطوطح كل نهاية اسبوع
بالمناسبة ذكرتني - ليك اى علاقة بالمرحوم مولانا القاضي عبد الله فقيري ؟ الله يرحمه
| |
|
|
|
|
|
|
|
|
|
Re: الولد دا ، العمل ليهو عمل منو؟ (Re: الطيب شيقوق)
|
| Quote: للشيوخ احترامهم وللشيوخ كراماتهم - لم يقصد بهذا البوست الانتقاص من قدرهم وانما لاعتقاد الكثيرين بما هو مدهش لنا ولبعض الشيوخ انفسهم . |
اخي شيقوق أنا لم انتقص من حق أحد
خليك من شيخ عارف لكتاب الله وحتى السفيه أنا إنتقص من قدره
أنا بتكلم عن كيف يزين الشيطان أعمال شيخ ( اعتقدوا أو ظنو فيه الخير حتى يضلهم عن الطريق )
وهذا هو الذي مفروض يناقش .. لا اناقش ان الشيخ هذا كذا وكذا
مثال الشيخ سلمان ودالعوضية حتى تعرف كيف يستدرج الشيطان البشر ويزين لهم حتى يعبدوا الشيخ ويوضع في مقام الخالق رب العالمين وهنا الشرك
القبة المدفون فيها رأسها غير مكتمل وفي نهاية القبة حديدتين في شكل كروس وهي من الحديد ( الكمر أستخدمت في البناء )
في هذه الحديدة توجد زجاجة كوكا كولا فيها زيت .. هناك صقر يحرس هذه الزجاجة .. وهذا الصقر في النهار مابكون موجود برجع بعد صلاو المغرب مباشرة
ولهذه الزجاجة قصة تُحكى
قيل أن أمراة كان لها غرض تحب ان يتحقق فندهت الشيخ سلمان لو تحقق أن تنذر له مبلغ من مال تضعه في مكان الزوارة
وتحقق غرضها ولم تفي بنذرها ..
وفي يوم اشترت زيت من الدكان ( وكان سعر الزيت نفس المقدار من المال الذي نذرته ) وفي طريقها لبيتها جاء ذاك الصقر
وخت منها الزجاجة ووضعها في المكان الذي فيه تلك الزجاجة ليومنا هذا ( وانا شفتها وشفت الصقر عندما ياتي المغرب وكيف وكيف يزغردنَّ له النساء ... ) والشاهد أن الناس اعتقادهم أن سلمان ودالعوضية تبين في شكل ذاك الصقر وأخذ حقه
السؤال يا من تظن أني أنتقص من حق الشيوخ ؟
هل سلمان أنقلب صقر وأخذ حقه ؟
وهل هو اساسا له حق في هذا النذر الباطل ؟
وهل هذا الاعتقاد صحيح ؟
وهل وهل
هذا ماقصدته من تلبيس أبليس للخلق حتى يعبدو المخلوق ويرفع لمكان في مقام الرب الخالق
يذبح له في قبته
ينذر له
ويحلف به
وغيرها من الأفعال التي قصد ان يضل بها الشيطان الخلق وحقق مناه
وأنت يا سعادة المستشار تظن اني انتقص من حق الشيوخ وان هذا ليس موضوع البوست
اسف لو اعتبرت اني لويت عنق البوست
لكن مفروض لو فتح موضوع للنقاش ان يتناول الموضوع من كل جوانبه
وليس الغرض ونسة وتندر
لك الاحترام والتقدير
تحياتي
| |
|
|
|
|
|
|
|
|
|
Re: الولد دا ، العمل ليهو عمل منو؟ (Re: أيمن الطيب)
|
ايمنوف
كيفك والشوق ليكم مطر
| Quote: صاحبك دا فى رواية أخرى إحتمال يكون وصل لمرحلة حبة عند اللزوم!!!! ركز على موضوع آخر الأسبوع دى!! |
دا استنتاج منطقي جدا يا ايمن
| Quote: قول ليهو كدى جرب أقعد آخر الأسبوع دا فى بيتك دا بلا أوهام معاك!! |
نان يقعد في سجم رمادو؟ انت جنيت ولا شنو؟
| Quote: هسه صاحبك دا شايل حالو مالك !!والله أنا خايفك تكون دا إنت زاتك!!! |
ههههههههها لقيتك عراف عرفة يا مسنوح
تفتيحة نامن غلط
| |
|
|
|
|
|
|
|
|
|
Re: الولد دا ، العمل ليهو عمل منو؟ (Re: الطيب شيقوق)
|
ود شيقوق وضيوفه الكرام
هاكم الدعاء دة يكفيكم شر العين والعمل والحسد
تحياتى
Quote:
دعاء العين للشيخ الشعراوى:
اللهم أبطل أثر عين أصابت جسدا فأمرضته
وأصابت جمالا فشوهته
وأصابت شعرا فأسقطته
وأصابت قلبا فأحزنته ،
وفرقت زوجين ،
ويتمت أطفال،
وأماتت أرواح .
اللهم انك قد أقدرت بعض خلقك على السحر والشر،،
ولكنك قد احتفظت لذاتك باذن الضر،،
فأعوذ بما احتفظت به مما أقدرت عليه بحق قولك) وماهم بضارين به من أحد الا باذن الله)
|
| |
|
|
|
|
|
|
|
|
|
Re: الولد دا ، العمل ليهو عمل منو؟ (Re: مهيرة)
|
الطيب
1-اسالني انت غطست وين يا خال .. شفقتنا
2- مالو بوست الحب الابدي اختفي .. انا خايف انزل بي جاي بي حكايات العمل يقوموا (الجماعه)
يغطسوا ليك حجر البوست ده ذاته .. لذلك ننتظر التابلت او قفل السيمافور
تحياتي
عمر علي حسن
| |
|
|
|
|
|
|
|
|
|
Re: الولد دا ، العمل ليهو عمل منو؟ (Re: عمر علي حسن)
|
خالي ابو امير
واللد دقينا المنبر فتاشة ما لقيناك
باقي لي الايام تترع ساي من شبعة السماية - الله يزيد ويبارك ويحفظ المولود وامه من كل شر
Quote: 1-اسالني انت غطست وين يا خال .. شفقتنا
2- مالو بوست الحب الابدي اختفي .. انا خايف انزل بي جاي بي حكايات العمل يقوموا (الجماعه)
يغطسوا ليك حجر البوست ده ذاته .. لذلك ننتظر التابلت او قفل السيمافور |
اها وين كنت غاتس ؟
يا ابوى قول كلامك ساي - انا البوست دا عندي زى المودر جمل نسيبتو كان عاش لقدلتكم ومصعتكم( يا اخوانا مرتضى بيعرف المصعة؟) فيهو بغني واكان اتلحس بغني - الهواء الاسفيري دا واسع وخالك عزابي سااااى ما عندو غير يشنق طاقيتو في الهامة ويصول ويجول في الصقيع الاسفيري دا - اكان بكري لحسو حررررررررررم اكشح ليكم واحد تاني .
يلا خالك رمى ليك التابلت عشان تنزل بحكايات العمل ولو من ...... ولا تحت .
| |
|
|
|
|
|
|
|
|
|
Re: الولد دا ، العمل ليهو عمل منو؟ (Re: الطيب شيقوق)
|
| Quote: الولد دا ، العمل ليهو عمل منو؟ |
للاسف الناس بتأخذ الموضوع ده للاستخفاف والسخرية والمزح ويعتبروا الحديث عنه أوهام وأمراض وتهيئات لا غير..
الموضوع جد خطير للغاية وجاد جداً دمرت بسببه حباة الكثيرين ومذكور في القرأن وملموس علي أرض الواقع.. لايمكن أنكاره..
المؤسف أصبحت هنالك ثقافة شائعة في السودان لمثل هذا النوع من الاعمال أكثر مرتاديها النساء..
الذين يسمونهم شيوخ أغلبهم سحرة ومشعوذين تجدهم منتشرون في الطرقات والاماكن العامة أو في أوكارهم القذرة يدمرون حياة الناس مقابل دراهم معدودة
تسوقهم أحقادهم ونفوسهم المريضة ضف الي ذلك الي جهل المجتمع بالمخاطر الجسيمة لمثل هذةه الاعمال..حسبنا اللة ونعم الوكيل نسأل السلامة
| |
|
|
|
|
|
|
|
|
|
Re: الولد دا ، العمل ليهو عمل منو؟ (Re: الطيب شيقوق)
|
أستاذ شيقوق تحياتي ـ ـ
موضوعك وكلام دكتوره مهيرة ذكرني بمحتال كسلا الذي أشاع أثناء محاكمته ـ ـ
بأنو ح يطفش القاضي دا من البلد ـ ـ
لما هاجرت من السودان بعد اكثر من عشرة سنوات من المحاكمة ـ ـ
يوم بتونس مع الوالدة متعها الله بالعافية ـ ـ
سألتني راجع متين؟
قلت ليها أرجع وين مع البلاوي البسمعا عندكم ـ ـ
قالت لي : كلام الزول الحكمتو في كسلا مشى وجاء !
اتذكرت إنها كانت جاتني زيارة في كسلا الأيام ديك ـ ـ
والاشاعة دي كانت ماليه كسلا خاصة بعد تابع مراسل جريدة الصحافة اجراءات المحاكمة ـ ـ
طبعا النسوان ما بقصرن وصلن ليها الحكاية ـ ـ
قلت ليها إن كده الراجل ماقصر معاي ـ ههه.
| |
|
|
|
|
|
|
|
|
|
Re: الولد دا ، العمل ليهو عمل منو؟ (Re: محمد على طه الملك)
|
Quote: للاسف الناس بتأخذ الموضوع ده للاستخفاف والسخرية والمزح ويعتبروا الحديث عنه أوهام وأمراض وتهيئات لا غير..
الموضوع جد خطير للغاية وجاد جداً دمرت بسببه حباة الكثيرين ومذكور في القرأن وملموس علي أرض الواقع.. لايمكن أنكاره..
المؤسف أصبحت هنالك ثقافة شائعة في السودان لمثل هذا النوع من الاعمال أكثر مرتاديها النساء..
الذين يسمونهم شيوخ أغلبهم سحرة ومشعوذين تجدهم منتشرون في الطرقات والاماكن العامة أو في أوكارهم القذرة يدمرون حياة الناس مقابل دراهم معدودة
تسوقهم أحقادهم ونفوسهم المريضة ضف الي ذلك الي جهل المجتمع بالمخاطر الجسيمة لمثل هذةه الاعمال..حسبنا اللة ونعم الوكيل نسأل السلامة |
هههههههههههه الزول دا شكلو عاملين ليهو عمل
مالك زعلان كدا قال؟ خلي الناس تمزح زي ما دايرة، تبقي كتمة وضلمة وانعتاق؟
وبعداك الدراهم دي الجابها السودان شنو ؟ نحن ناس جنية ودينار ساكت، يكون يا ربي غيرو العملة في السودان ولا شنو؟
والله تجي ترد لي رد زعل ارشك بعمل تاني سودانيز اونلاين دي ما تجي بجنبها.
| |
|
|
|
|
|
|
|
|
|
Re: الولد دا ، العمل ليهو عمل منو؟ (Re: rani)
|
يا ايهاب
كتر خيرك على المداخلة الطيبة لكن هاك كلام راني اقراهو ونشوف كان بتجينا مقبل تاني .
قال ليك :
| Quote: والله تجي ترد لي رد زعل ارشك بعمل تاني سودانيز اونلاين دي ما تجي بجنبها. |
ههههههههههههههههههههها الله يجازيك كتلتني بضحكة نامن وقعت من الكرسي يا راني
مسنوووووووووووووح انت
| |
|
|
|
|
|
|
|
|
|
Re: الولد دا ، العمل ليهو عمل منو؟ (Re: rani)
|
| Quote: والله تجي ترد لي رد زعل ارشك بعمل تاني سودانيز اونلاين دي ما تجي بجنبها. |
ههههههههههه
لا لا ياحبيب خلينا كده أحسن... أعوذ بالله..
والله الواحد وقف علي تجارب مؤلمة لناس تضرروا بشدة بسب هذا الموضوع وقادر يستشعر حجم المعاناة والالم. ....
أنا بتحدث عن الظاهرة نفسها بقت مزعجة ومنتشرة بصورة مخيفة في السودان ومستسهلة عند الكثيرين.....
وين التوعية وين دور الاعلام والمساجد في هذا الموضوع ...
| |
|
|
|
|
|
|
|
|
|
Re: الولد دا ، العمل ليهو عمل منو؟ (Re: الطيب شيقوق)
|
| Quote: يلا خالك رمى ليك التابلت عشان تنزل بحكايات العمل |
قول واحد
كنت ضابطا للقسم الجنوبي بامدرمان .. جاءتني امرأة في الاربعين ومعها ابنتها بنت الثامنة عشر
رائعة الجمال والفتنه .. قالتا لي ابونا بره وما عايز يدخل خائف من الاحراج .. قلت للحرس ناديه
فرفض الدخول .. الام وبنتها لم تجدا بدا من فتح الموضوع ..
قالت الام البت دي ليها اربعه شهور متزوجه ولسه بت .. دورت قانون العقوبات وقانون الصحه ما
لقيت فيهم اشاره لموضوع زي ده ابدا .. فقررت الدخول مباشرة في تحديد المتهم قبل تحديد التهمه
وسالت ببراءة شديده : الغلطان منو .. نهرتني الام قائلة .. اجي ؟! يعني ممكن تكون العروس ؟
قلت لها لا ادري ولكنني اود ان اتلقي كلاما محددا وصريحا .. فقالت لي : الغلطان شيخ فلان ....
ببراءة اخري سألتهما .. ده العريس ؟ نهرتني الام مرة اخري .. لا ده الفكي الكاتبين عندو العريس
دي شقاوة شنو دي .. والفكي يفتحوا ليهو بلاغ شنو ؟؟.. طيب والشاكي في هذه الحاله حقو يكون
العريس مش العروس .. يا حضرة الصول درار افندي جيب لي العريس .. وانتو ياجماعه ارجعوا
البيت لغايه مانشوف .............
اصرت الام علي البقاء .. والعروس مكسوفه شويه لكن امها ماسكاها من ايدها قعدتها ..
العريس كان بره المركز فاحضروه بسرعه .. قال انه لا يستطيع قول كل شيء ولكنه منذ الليله
الاولي وجد نفسه عاجزا عن معاشرة العروس ..
طيب هي ما ساعدتك كده والله كده
قال قدر قدرتها .. دخان ودلكه .. واشياء بسيطه .. وبعدين بكا ..
طيب ما مشيتو شهر العسل جاي والله جاي يمكن جو البيت هو السبب ..
مشينا لكن جنابك الحال في حالو
طيب قبل كده انت ما كنت عارف نفسك عندك عجز جنسي
لا جنابك انا راجل لكن الزول ده كتلني
طيب عرفتو كيف الزول ده بالذات
سكت
ياخي قول ما حيقدر يضرك اكتر من كده
لو قلت حتعملوا ليه شنو
دخلت في متاهه لاني حتي تلك اللحظه لم اكن اعرف اي ماده من القانون ممكن ان نفتح
بها بلاغ ضد الفكي .. ولكنني توكلت علي الله وقلت له .. نحن عارفين بنسوي شنو !!!!
قال العريس بعد جهد انا اسف مابقدر اتكلم .. .... وكده قفلت .. يعني كده لوما قادر او ما
عايز مافي قانون بيحاكموا .. طلبت من الصول اخذه الي مكتبه حتي اطلبه مرة اخري ..
وكنت اعلم ان الصول سيستدرجه ليعرف منه شيئا .. فهو رجل كبير وحكيم
سألت البنت وامها عن تفصيلات الخطوبه والعرس ومن له مصلحه في عدم اتمام الزواج
ولم اعثر علي شيء .. قررت اخذ القانون بيدي ومهاجمة الفكي وزي ما تجي تجي .. فاخذت
معي الصول درار وذهبنا اولا لمنزل الحكمدار يحي حسين وقلت له انني ساهاجم الفكي
واتهمه بالشعوذه والدجل والاحتيال واجره للحراسة .. فنصحني ان اذهب للقاضي لاصدار
امر تفتيش
ذهبت للقاضي ورويت له القصه بكل تفاصيلها ... ضحك .. وقال لي .. لايفلح الساحر حيث
اتي وقرأ ايات البقرة من واتبعوا ما تتلوا الشياطين علي ملك سليمان .. ووقع امر التفتيش ومعه
امر قبض ..
الجزء التاني يتبع ..
عمر علي حسن
| |
|
|
|
|
|
|
|
|
|
Re: الولد دا ، العمل ليهو عمل منو؟ (Re: عمر علي حسن)
|
مولانا الملك
Quote: موضوعك وكلام دكتوره مهيرة ذكرني بمحتال كسلا الذي أشاع أثناء محاكمته ـ ـ
بأنو ح يطفش القاضي دا من البلد ـ ـ
لما هاجرت من السودان بعد اكثر من عشرة سنوات من المحاكمة ـ ـ
يوم بتونس مع الوالدة متعها الله بالعافية ـ ـ
سألتني راجع متين؟
قلت ليها أرجع وين مع البلاوي البسمعا عندكم ـ ـ
قالت لي : كلام الزول الحكمتو في كسلا مشى وجاء !
اتذكرت إنها كانت جاتني زيارة في كسلا الأيام ديك ـ ـ
والاشاعة دي كانت ماليه كسلا خاصة بعد تابع مراسل جريدة الصحافة اجراءات المحاكمة ـ ـ
طبعا النسوان ما بقصرن وصلن ليها الحكاية ـ ـ
قلت ليها إن كده الراجل ماقصر معاي ـ ههه. |
والله يا مولانا الحاجة - ربنا يمتعها بالصحة والعافية - تكون على يقين تماما بكلام محتال كسلا وانو السبب في تطفشتك من البلد .
بختهم ناس الانقاذ شينتهم ختوها في المحتالين
| |
|
|
|
|
|
|
|
|
|
Re: الولد دا ، العمل ليهو عمل منو؟ (Re: الطيب شيقوق)
|
Quote: ذهبت للقاضي ورويت له القصه بكل تفاصيلها ... ضحك .. وقال لي .. لايفلح الساحر حيث
اتي وقرأ ايات البقرة من واتبعوا ما تتلوا الشياطين علي ملك سليمان .. ووقع امر التفتيش ومعه
امر قبض ..
الجزء التاني يتبع .. |
ما تطول يا خال موضوعك متابع من النسوان والرجال ما تشحتف روحهم
| |
|
|
|
|
|
|
|
|
|
Re: الولد دا ، العمل ليهو عمل منو؟ (Re: الطيب شيقوق)
|
| Quote: ما تطول يا خال موضوعك متابع من النسوان والرجال ما تشحتف روحهم |
الجزء الثاني
قال لي العم درار احسن ناخد معانا قوه و(نكردن) الزول ده عشان ما يهرب .. وكان يسكن في امبده وهي
ما زالت شوية بيوت وصرايف من الطين والقش ..
نزل الصول درار ونادي عليه بالمكرفون فخرج الفكي وفتح الباب ولما رأي القوه رجع واغلق الباب ..
ورأيت الصول يتراجع ويرجع القوه للخلف .. وكان يشير الي الصريف .. ولما نظرت رأيت عددا كبيرا
من الثعابين حول الصريف وبين القش وفهمت ان المعركة بدأت وانه لا تراجع عنها فاخذت المكرفون
وناديت علي الفكي وقلت له اننا سنرش الصريف بالبنزين ونشعل النار فيه اذا لم لم يسحب ثعابينه
ويخرج رافعا يديه .... واعطيته خمسه دقايق .. واستعنت بالايه الكريمه : قال القوا فلما القوا سحروا
اعين الناس واسترهبوهم وجاؤا بسحر عظيم .. ولما سمع الاية خرج رافعا يديه .. فاخبرته اننا سنفتش
الغرفه فوافق ودخلت معه ومعي الصول ولم نجد في التفتيش غير المصحف وبعض كتب التفسير وبعض
الورق الابيض والعمار (الحبر) .. وقال انه ليس ساحرا وان عمله كله بالقرآن ..
اركبته في الكومر بيني وبين الصول .. وفي الطريق سألته عن (الاعمال) التي يعملها .. قال انها (حجبات)
ومحايه .. فسألته مباشرة عن قصة العريس فقال انه عمل العمل لمصلحة العروس لان خالة العريس تريده
لابنتها وانها قالت له انها ستستاجر من يقتل العروس لو لم (يطفش) ابن اختها عنها .. فكتبه.. وقبل بان
يواجه الخاله وان يفك الكتابه عن العريس ولكن بعد ان نطلق سراحه ولا نسجنه .. وأقسم لي اننا لو سجناه
فلن يبقي بالسجن وسيلحق بنا اشياء لا قبل لنا بها ..
اجرينا المواجهه مع الخاله فاضطرت للاعتراف ..
وقررت عدم المجازفه فاخذته مباشرة للقاضي الذي حكم عليه بالغرامة 50 جنيها (وكانت قروش) ..
وستعلمون ان الفتاة الجميله وزوحها عزماني لسماية ابنهما (عمر) ..
اما الفكي فقد سفرناه الي النيجر بعد ان صدر عليه امر ابعاد اداري .. ولكنه عاد .. وقد احكي لكم مره
اخري عن كيف عثرت عليه بعد عودته
عمر علي حسن
| |
|
|
|
|
|
|
|
|
|
Re: الولد دا ، العمل ليهو عمل منو؟ (Re: الطيب شيقوق)
|
تعرف يا ابن عمي أن المسألة استفحلت بصورة ملفتة للنظر في ظل سياسة التحرير الاقتصادي والتي لم يكن المواطن السوداني مهيأ لها لا ماديا ولا معنويا ولكنه وجد نفسه في الخت ..اها بقى الكل يبحث عن طريقة ياكل بيها عيش ...فما أن تفضفض ست بيت لجارتها أو صديقتها بأمر وإلا أعطتها رقم أحد المشايخ ..وصار الشيخ والمدرس الخصوصي والحبشية من مكملات الشخشنة ..تسمع فلان كشحوهو بكشحة وفلانة لقو في حمام البيت ورقة مكتوب فيها اخرجوا اهل البيت ونجمات ومربعات ومثلثات وكتابة هيروغلافية ..ثم تبدأ رحلة البحث عن الفكي الكارب ..تسمع بالمهندس فلان وزوجته اتجها صوب كركوج ولا الشريف محمد الامين وشي في ود أبصالح وشي الشيخ حامد ابعصا وشي في طابت وشي في طيبة وشي في مناقزة بحثاً عن فك الكشحة او العمل ..القضية في كلها هوس في هوس رغم أن السحر موجود والتحصين واجب ولكن ما يجري في المجتمع اليوم صار من المسلمات بقينا زي المغاربة وسحرة نزوة في عمان ..كوم تحيات لود الضوء
| |
|
|
|
|
|
|
|
|
|
Re: الولد دا ، العمل ليهو عمل منو؟ (Re: عبدالرحمن الحلاوي)
|
| Quote: تعرف يا ابن عمي أن المسألة استفحلت بصورة ملفتة للنظر في ظل سياسة التحرير الاقتصادي والتي لم يكن المواطن السوداني مهيأ لها لا ماديا ولا معنويا ولكنه وجد نفسه في الخت ..اها بقى الكل يبحث عن طريقة ياكل بيها عيش ...فما أن تفضفض ست بيت لجارتها أو صديقتها بأمر وإلا أعطتها رقم أحد المشايخ ..وصار الشيخ والمدرس الخصوصي والحبشية من مكملات الشخشنة ..تسمع فلان كشحوهو بكشحة وفلانة لقو في حمام البيت ورقة مكتوب فيها اخرجوا اهل البيت ونجمات ومربعات ومثلثات وكتابة هيروغلافية ..ثم تبدأ رحلة البحث عن الفكي الكارب ..تسمع بالمهندس فلان وزوجته اتجها صوب كركوج ولا الشريف محمد الامين وشي في ود أبصالح وشي الشيخ حامد ابعصا وشي في طابت وشي في طيبة وشي في مناقزة بحثاً عن فك الكشحة او العمل ..القضية في كلها هوس في هوس رغم أن السحر موجود والتحصين واجب ولكن ما يجري في المجتمع اليوم صار من المسلمات بقينا زي المغاربة وسحرة نزوة في عمان ..كوم تحيات لود الضوء |
هوووووى يا الحلاوي مالك بتهبش في المشايخ -
والله معاى ود الضؤ قريبك عندو شيخيو (محمد) اصلا ما برضى كلام فوقو - ود الضؤ دا اكان عايز يسافر لو ما دق ليهو يسهل ليهو طريقو اصلا ما بسافر - وباقي لي كان بنجح في الملاحق ايام الجامعة بسبب شيخو دا .
| |
|
|
|
|
|
|
| |
الطيب شيقوق
عماد الشبلي
عبدالعزيز الفاضلابى
فيصل محمد خليل
وضاحة
خالد علي محجوب المنسي
مهيرة
rani
Mohammed Haroun
Asim Fageary
أيمن الطيب
ايهاب اسماعيل
محمد على طه الملك
عبدالرحمن الحلاوي
فيس بوك
تويتر
انستقرام
يوتيوب
بنتيريست