|
|
 حـــول مـســح المــداخـــلات ...
|
تحياتي وتقديري ...
بعض الأسئلة حول مسح المداخلات وأقصد بالتحديد مسح العضو لمداخلته ...
تلاتة حالات توقفت عندها بالتفكير:
الحالة (1)
شخص كتب مداخلة ...
اقتبسها شخص آخر ورد عليها...
قرر الشخص صاحب المداخلة بعد فترة أن يمسح ما كتب لسبب ما ..
هل هناك التزام أدبي بالنسبة لمن اقتبس أن يمسح الاقتباس والرد؟
هل هناك التزام أدبي بمسح المقتبس فقط؟
أم يبقى الحال على ما عليه .. إلا في حالة طلب مباشر من كاتب المداخلة بمسحها.. والرد..
أم لا يكون هناك أي نوع من الالتزام .. نهائي؟؟
|
|
 
|
|
|
|
|
|
|
 Re: حـــول مـســح المــداخـــلات ... (Re: rummana)
|
الحالة (2)
شخص كتب مداخلة...
قام آخر بنقل المداخلة (نقول في وورد) وكتابة رد .. ربما استغرق منه وقت في الكتابة..
عندما عاد لكتابة الرد وجد كاتب المداخلة قد مسحها...
هل يقوم بارسال المداخلة والرد عليها..؟
أم يعتبر كأن شيئا لم يكتب وينسى الموضوع...؟
ماذا لو كان الكلام في المداخلة يمسه شخصيا وبقى مكتوبا فترة واطلع عليه آخرون ورأى من المهم أن يرد عليه..!
ماذا لو كانت هناك مداخلات من آخرين وردود على نفس المداخلة المكتوبة قبل أن يرد صاحب الشأن؟
هل هناك داع لارسال المداخلة طالما الموضوع عدى والمفترض أنه انتهى...!!
| |
|
|
|
|
|
|
|
|
|
Re: حـــول مـســح المــداخـــلات ... (Re: rummana)
|
Quote: رأيي مع الخيار دا :
لا يكون هناك أي نوع من الالتزام .. نهائي |
سلام محمد البشرى
قبل أيام توقفت عند حالة زي دي والحقيقة لم أفهم بوضوح لو كان علي أن أمسح الاقتباس أو الاقتباس والرد
ولا أترك الامور على ما عليها ..
لم أغير شي بس لاني ما عرفت أعمل شنو...
| |
|
|
|
|
|
|
|
|
|
Re: حـــول مـســح المــداخـــلات ... (Re: rummana)
|
سلام رمانة وعفوا ما سلمت في البداية
الحالة التانية محيرة اعتقد عايزة تريث و التصرف حسب الحالة وليه سيد المداخلة سحبها قد يكون انتفى الموضوع أو طلع هناك خطأ ما و تنبه ليه
وزي ما قلتي قد يكون ما ورد فيها من المهم الرد عليه لو ما لسيدها للقراء على الأقل , عشان كدا افتكر إت دبندس كيس باي كيس
| |
|
|
|
|
|
|
|
|
Re: حـــول مـســح المــداخـــلات ... (Re: محمد البشرى الخضر)
|
الحالة (3)
شخص كتب مداخلة..
شخص آخر رد على المداخلة بدون اقتباسها..
بعد فترة قرر صاحب المداخلة مسحها..
هل يقوم الشخص بمسح رده لانه أصبح بدون مرجع أو رابط .. قاعد براه الله ورقبته في الصقيعة؟
أم يتركه كما هو...
ماذا لو أراد أن يمسح رده لكن صاحب المداخلة اقتبس الرد في مداخلة لاحقة؟
ماذا لو كان صاحب الرد قد احتفظ بالمداخلة وإن لم يضمنها في رده..
هل يكتبها؟ هل يعدل رده ويضيفها؟
السؤال المهم هو هل من حق شخص أن يعيد كلام إلى بوست صاحبه الأصلي كان قد تخلص منه ومسحه؟
| |
|
|
|
|
|
|
|
|
|
Re: حـــول مـســح المــداخـــلات ... (Re: rummana)
|
Quote: الحالة التانية محيرة اعتقد عايزة تريث و التصرف حسب الحالة وليه سيد المداخلة سحبها قد يكون انتفى الموضوع أو طلع هناك خطأ ما و تنبه ليه
وزي ما قلتي قد يكون ما ورد فيها من المهم الرد عليه لو ما لسيدها للقراء على الأقل , عشان كدا افتكر إت دبندس كيس باي كيس |
محمد البشرى
تعرف أنا مرة في الارشيف لقيت بوست كامل فيه صفحتين، صاحب البوست ماسح كل مداخلاته...قدر ما حاولت أجمع حاجة واضحة من البوست ما قدرت رغم أنه كان في كذا مشارك في البوست ...
هسه بكري محتفظ ببوست زي ده وزاحم بيه الارشيف لشنو ..؟ :)
| |
|
|
|
|
|
|
|
|
|
Re: حـــول مـســح المــداخـــلات ... (Re: rummana)
|
تحياتي الاخت رمانة
اعتقد ان الكلام بعد ماينشر المسح ما عندو اي معني
الواحد لو عرف انو غلط يعتذر بشجاعة وخلاص
المشكلة وين ومنو المعصوم
ويمكن ده برضو يعلمنا التريث
او على الاقل تخفيف حدة الكلام في بعض المواقف
واهلنا زمان قالو الكلمة ذي الرصاصة
| |
|
|
|
|
|
|
|
|
|
Re: حـــول مـســح المــداخـــلات ... (Re: osama fadlalla)
|
Quote: اعتقد ان الكلام بعد ماينشر المسح ما عندو اي معني
الواحد لو عرف انو غلط يعتذر بشجاعة وخلاص
المشكلة وين ومنو المعصوم
ويمكن ده برضو يعلمنا التريث
او على الاقل تخفيف حدة الكلام في بعض المواقف
واهلنا زمان قالو الكلمة ذي الرصاصة |
osama fadlalla
سلامات..
معاك حق .. غايتو الواحد المفروضات الخاتيها لنفسه كتيرة بس الالتزام بيها بصفة دائمة هو التحدي ..
| |
|
|
|
|
|
|
|
|
|
Re: حـــول مـســح المــداخـــلات ... (Re: رشا احمد)
|
يا رمانة ... المداخلة القاعدة في الصقيعة بدون مرجع ماعندها معنى .. لو صاحبها محتفظ بي المداخلة المحذوفة يختها طوالي
و بالفعل الحذف ماعندو معنى لانو في الثانية الواحدة في كمية بيكونوا قروا المداخلة و منتظرين الرد .. المنبر ما بس اعضاء .. المنبر قراء زوار و اعضاء
| |
|
|
|
|
|
|
|
|
|
Re: حـــول مـســح المــداخـــلات ... (Re: rummana)
|
رمانة صباحك خير وعافية
فى رايى يارمانة احسن تنسيها وماتردى
لانو صاحب المداخلة مدام قام مسحها فهو اتراجع وشاف انها غير لايقه
مرات كتيرة بكتب مداخلة بأستعجال او ساعة زعل ولما اراجع نفسى واشوف انها غلط بقوم بمسحها
ولو لقيت زول قام بالاقتباس برسل ليهو ماسنجر وبطلب منو مسحها بطريقه ظريفة وبحصل
سلمتى ياغالية
| |
|
|
|
|
|
|
|
|
|
Re: حـــول مـســح المــداخـــلات ... (Re: منال)
|
سلامات يارمانه
ومن محاسن الكتابة انوا في خاصية ( المشاهدة قبل النشر )
والله لو كل واحد قرا الرد بتاعو قبل ماينشروا مرة مرتين
اعتقد بانوا ماحنلقي حاجة تتمسح تاني .......
الواحد مادام كتب ... يمسح ليه .....؟
علما بان الكتابة مسئولية
المهم ....
الصاح راي والعوج برضو راي
تحاياي
| |
|
|
|
|
|
|
|
|
|
Re: حـــول مـســح المــداخـــلات ... (Re: rummana)
|
سلامات يا رمانة,,
| Quote: بعد شوية جيتي تكتبي ردك لقيت صاحبها مسحها.... |
فى حالة إحتواء المداخلة على أى نوع من الأخطاء أو وجود إساءة أو شتيمة أو كلام غير جميل ولو مبطن الأفضل أن تكون موجودة ولو لفترة حتى يعرف
ذاك المتسرع/ة أن يفكر قليلا فيما يكتبه أو يرسله,,
هنا البعض أدمن الإساءة والتجريح ويعتقد أن مسح المداخلة والإعتذار ينهى الإشكال !!!
تكتب كلام تبقى مسؤول منو حتى لو كان غير سليم ومخجل وإلا فلتتحمل نتيجة كلامك,,
ولكن فى الأغلب قد تتغير الفكرة حسب الموضوع وحسب نوع المداخلة.
تحياتى,,
| |
|
|
|
|
|
|
|
|
|
Re: حـــول مـســح المــداخـــلات ... (Re: أيمن الطيب)
|
منال ، هرون ، أيمن تحية طيبة..
Quote: فى رايى يارمانة احسن تنسيها وماتردى
لانو صاحب المداخلة مدام قام مسحها فهو اتراجع وشاف انها غير لايقه
مرات كتيرة بكتب مداخلة بأستعجال او ساعة زعل ولما اراجع نفسى واشوف انها غلط بقوم بمسحها
ولو لقيت زول قام بالاقتباس برسل ليهو ماسنجر وبطلب منو مسحها بطريقه ظريفة وبحصل |
الأخت منال
ارسال ماسنجر فكرة برضو .. لكن بيبقى السؤال الكتبته فوق.. لو جا طلب مباشر من صاحب المداخلة هل ألتزم بمسحها مع تعليقي ولا لا ؟
طيب ما في احتمال أرسل لحد وأطلب منه مسح الاقتباس وأكلمه بأسبابي لكنه ما يكون مقتنع بالمسح...
هل كتابة اعتذار عنها بدل مسحها يعتبر حل أفضل .. بدل ما أشغل نفسي بكتابة مسنجرات؟
غايتو ما عارفة رأيي شنو..
لكن بتهيأ لي لو حد رسل لي ماسنجر وطلب مني مسح الاقتباس بمسحه نزولا عند الطلب لو الموضوع ما فيه اساءة مباشرة لي...
انت بس قولي إن شاء الله ما يحصل.. الواحد لما يجي البورد ما بكون بفتش على غم واساءات وشتائم والذي منه..
شكرا منال
| |
|
|
|
|
|
|
|
|
|
Re: حـــول مـســح المــداخـــلات ... (Re: rummana)
|
Quote: ومن محاسن الكتابة انوا في خاصية ( المشاهدة قبل النشر )
والله لو كل واحد قرا الرد بتاعو قبل ماينشروا مرة مرتين
اعتقد بانوا ماحنلقي حاجة تتمسح تاني .......
الواحد مادام كتب ... يمسح ليه .....؟
علما بان الكتابة مسئولية
المهم ....
الصاح راي والعوج برضو راي |
سلام هرون دياب
تعرف باستخدام الخاصية دي تم اعدام عدد من مداخلاتي .. والله جد!
قول الحمد لله أنا اصلا ما بعرف أكتب وأنا غضبانة ..بكون كاضمة الوقت داك :)
لكن مرات كتيرة بمسح المداخلة من باب (مافي داعي أعلق)
الغريبة مرات بكون كتبت على غير العادة كلام كتير... لكن فجأة بتصيني حالة حردان المداخلة..!
أنا بتفق معاك الكتابة مسئولية .. والكلمة البتطلع ما بترجع تاني
شكرا هرون
| |
|
|
|
|
|
|
|
|
|
Re: حـــول مـســح المــداخـــلات ... (Re: rummana)
|
Quote: فى حالة إحتواء المداخلة على أى نوع من الأخطاء أو وجود إساءة أو شتيمة أو كلام غير جميل ولو مبطن الأفضل أن تكون موجودة ولو لفترة حتى يعرف
ذاك المتسرع/ة أن يفكر قليلا فيما يكتبه أو يرسله,,
هنا البعض أدمن الإساءة والتجريح ويعتقد أن مسح المداخلة والإعتذار ينهى الإشكال !!!
تكتب كلام تبقى مسؤول منو حتى لو كان غير سليم ومخجل وإلا فلتتحمل نتيجة كلامك,,
ولكن فى الأغلب قد تتغير الفكرة حسب الموضوع وحسب نوع المداخلة. |
الأخ أيمن سلامات..
التسرع والكتابة تحت تأثير الانفعال مشكلة كبيرة
عشان كده الواحد بيفكر عشرة مرات قبل ما يكتب مداخلة..
مرات باقرا كلام بيضايقني جدا... بحاول ما اتسرع في الرد
بأترك البوست واحتمال أبعد عن الكومبيوتر نهائي
لما أرجع أقرأ المداخلة ما بلقاها بتضايق كما المرة الاولى
واحتمال كمان أفهمها بصورة مختلفة ...
ردي بيعتمد على فهمي للمداخلة... فعلى شنو الاستعجال في كتابة كلام غضبان أو مسيء..
تعرف مرات الواحد يكتب مداخلة يلقى متلقي قراها بصورة مختلفة عن قصده
تكون جاد والقاريء يحسب كلامك هزل والعكس صحيح...
انت بتضحك وانت بتكتب في المداخلة ترسلها تلقى واحد شايفك غضبان .. وبرضو العكس صحيح..
القاريء يقرأ ما يفهم فقط .. كشف النوايا ده ادعاء كبير..
المهم .. ربنا يدينا حسن الخاتمة في البورد ده قبل ما نتخارج من هنا .. :)
| |
|
|
|
|
|
|
| |
rummana
محمد البشرى الخضر
osama fadlalla
رشا احمد
haroon diyab
أيمن الطيب
فيس بوك
تويتر
انستقرام
يوتيوب
بنتيريست