|
بروتوكول يسمح للسوداني العلاج في مصر كالمصريين .. ..
|
قام وزير الصحة السوداني بحر ادريس ابوقردة والمصري د. محمد مصطفي حامد بتوقيع بروتوكول تنفيذي في المجال الصحي من اهم بنوده السماح لمواطني الدولتين العلاج في الدولة الاخري كمواطنين مما يتيح المجال للمريــــــض السوداني تلقي العلاج واجراء العمليات الجراحية الكبيرة باسعار مناسبة اسوة بالمصريين .
|
|
|
|
|
|
|
|
Re: بروتوكول يسمح للسوداني العلاج في مصر كالمصريين .. .. (Re: بدر الدين اسحاق احمد)
|
من زمان الكلام دا
وحتى يتعالجوا فى المستشفيات الحكومية
والمستشفيات والعيادات الخاصة بنفس أسعار المواطن المصرى
زد على ذلك إنه لا يخضعون لمسألة الحجز الطويل بل نفس وقت حضورهم العيادة الخاصة
أو المستشفى رأسا يتم الكشف عليهم والقيام بالإجراءات لهم
كما ,ان الفنادق الحكومية الراقية وغيرها من سياحية وخلافه
ينزل بها السودانى بمثل أسعار المواطن المصرى
أذكر 70 جنيه كان سنة 1993 للسودانى والمصرى بينما
الأجنبى يدفع 300 دولار أمريكى
وبعدين ياما فى إتفاقيات بين إتحاد المعلمين السودانى والمصرى
على العلاج فى مستشفى إتحاد المعلمين بسعر مخفض مثل المعلم المصرى
وفى العيادات برضه ز وهذا أيضا ينطبق على كثير من الإتحادات
فى البلدين
شكرا من إفترع البوست لكن الوزير دا قول ليه قوم لف دا ما موضوع
جديد واللا مكسب جديد
صديق ضرار
| |
|
|
|
|
|
|
Re: بروتوكول يسمح للسوداني العلاج في مصر كالمصريين .. .. (Re: Abdlaziz Eisa)
|
انا داير اعرف حاجة واحدة بس مصر البتتكلموا عنها ياها مصر الواحدة ولا مصرا تانية ،،،
كنت بتابع بصورة منتظمة برنامج اسمو واحد من الناس للاعلامي المصري د.عمرو الليثي،،، من البرنامج وصلت لنتيجة انو الشعب المصري معظمه فقراء ومراضى وساكنين سكنى غير ادمية ،، طيب يا ابو قردة هسي انت فرحان عشان البرتكول لعلاج السودانيين في مصر ،، كدى اول حاجة خلي المصريين انفسهم تعالجوا ،، وبدل برتكول العلاج شوفوا الحاجات الاهم العالقة بيننا وبين مصر ،،
لا نحن بنقدر نوفر ليهم علاج ولا هم بقدروا برضهم ،،، دا شغل بتاع شو فقط ،،
احترامي لصاحب البوست والمتداخلين
| |
|
|
|
|
|
|
Re: بروتوكول يسمح للسوداني العلاج في مصر كالمصريين .. .. (Re: علي دفع الله)
|
Quote: الوزير دا قول ليه قوم لف دا ما موضوع
جديد واللا مكسب جديد
|
الموضوع قديم طبعا ولكن البرتوكول جديد وتوقيعه يعني التنفيذالفوري والفائدة للمريض السوداني كبيرة طبعا لان المستشفيات هنا تعالج المصريين باسعار اقل من النصف للاجنبي .. واذا حرصت وزارة الصحة بمتابعة التنفيذ فان الامر سيكون مكسبا للسودانيين .
| |
|
|
|
|
|
|
Re: بروتوكول يسمح للسوداني العلاج في مصر كالمصريين .. .. (Re: فايزودالقاضي)
|
فايز ود القاضي سلامات .. يا اخي مالك طيب مابتعبرنا لما تجي مصر ؟ المهم الفرق في العلاج بين المصري والسوداني كبير جدا ونحن بنجي للمستشفيات بنشوف انه ارخص من السودان وخلاص بس الفرق في وكبير كمان بس علي الله المصريين ينفذوا البرتوكول .. في السياحة في حديث معروف هنا ان السوداني يعامل معاملة المصري من زمان بس الحقيقة ماكدة .. في حديقة الحيوانات ممكن السوداني يعامل زي المصري في بعض الاحيان ومرات لا حسب مزاج الحارس .. وفي برج القاهرة السوداني اجنبي والفرق كبير في الدخول 70 جميه و20 جنيه للمصري مثلا ..
| |
|
|
|
|
|
|
Re: بروتوكول يسمح للسوداني العلاج في مصر كالمصريين .. .. (Re: baha eassa)
|
Quote: في حديقة الحيوانات ممكن السوداني يعامل زي المصري في بعض الاحيان ومرات لا حسب مزاج الحارس .. |
يعنى لازم يمشو جنينة الحيوانات ما فى السودان مالية البلد ومنها من يمشى على قدمان برضو ؟؟ يا بهاء الموضوع انو الفكى (كان فكى سابق ) ابو قرضة ما حب يرجع فاضى قال يشيل ليهو ورق معاهو فى يدو وبس اسع انا بمشى الطبيب النفسى وبتعامل زى وزى اى ( مجنون) تانى فما شايف اى فرق ،، ام بخصوصو الامراض التانية فما عارف لانى لسه ما جانى اى مرض تانى غير التهاب الكلى وبرضو زى اى مريض اخر ،،، اذن ما هو الجديد فى ابتسامة ابو قرضة النورا قرب يحرق الصورة ؟؟؟؟
قاسم المهداوى خارج النص ماف برتكول بتاع مفاعل نووى مثلا او انشاء مستشفى لعلاج السرطان او مكافحة الملاريا ، والكوليرا ولا كـــــــــــــــــــــــــيف ؟؟؟
| |
|
|
|
|
|
|
Re: بروتوكول يسمح للسوداني العلاج في مصر كالمصريين .. .. (Re: قاسم المهداوى)
|
Quote: لسه ما جانى اى مرض تانى غير التهاب الكلى وبرضو زى اى مريض اخر ،،، اذن ما هو الجديد فى ابتسامة ابو قرضة النورا قرب يحرق الصورة ؟؟؟؟
|
ياريت الكويس نقول كويس زي ما نازلين في الكعب ليل ونهار شتم؟؟ ولاشنو وبعدين انت مامشيت مستشفي يعني ماعارف انو في ناس بتعاني من رسوم العلاج ؟ يا مهداوي انت محتاج للعلاج اكتر من المفاعل البتقولو دة
| |
|
|
|
|
|
|
Re: بروتوكول يسمح للسوداني العلاج في مصر كالمصريين .. .. (Re: baha eassa)
|
Quote: اسع انا بمشى الطبيب النفسى وبتعامل زى وزى اى ( مجنون) تانى |
وللتاكيد هنا اتيناك بالخبر اليقين ولا علشان لقيت مجنون قمت كبيت الزوغة يا بهاء العلاج فى كل المراكز الصحية من وحتى رابعة العدوية بنفس السعر ( التسعيرة موحدة ) ام المستشفيات الخاصة فتلك اقصوصة خارج دائرة الفكى ابو قرضة ولا كــــــــــــيف ؟؟؟
قاسم المهداوى
| |
|
|
|
|
|
|
Re: بروتوكول يسمح للسوداني العلاج في مصر كالمصريين .. .. (Re: baha eassa)
|
يا بهاء سلامات
الكلام دا ما ح يحقق فرق لانو من زمان واقع ,,لكن المشكلة دايما في انو المريض السوداني الفي حالة حرجة ح يجبر
انو يقدم للقسم الخاص في المستشفي المعني زيو زي المصري لانو الخدمة في المستشفي العام ممكن تدخلوا في نفس دوامة الانتظار وغيرها
هنا في مصر في تأمين صحي لكتير من المرضي من الصعب جدا تطبيقه بالنسبة للسودانيين الا عبر شركات ويكون المريض السوداني دافع مقابل الخدمة
المريض المصري في المستشفي العام بدفع برضوا ما لم يكون عنده تأمين صحي ومع انخفاض سعر الجنيه السوداني ح تكون الخدمة دي عالية جدا
مثال ليها لو المقابلة كانت ب 50 جنيه للاخصائي زمان وهي كانت تعادل 25 جنيه سوداني الان هي تعادل 70 جنيه واكتر ,,,
في حاجة بتشكل فرق بين السودان ومصر انو هنا لو لقيت توجيه سليم ح تلقي كتير من الحاجات الانت محتاجه ليها بطريقة كويسة
ولو رحت ح تقول يا ريت لو ضبحوني في السودان
بعدين ابوقردة دا مفروض انو يبطل الفارغة دي ويمشي يلحق النظام الصحي التيسوووهو فيهو دا
وهو مسؤل منوا لانو فرط في الخدمة الاتحادية وفكاها لمامون حميدة السمسار بطيب خاطر للاسف ابو قردة مثال
ونموزج لبيع المسؤلية امام الانقاذيين مقابل انو يستمر مع ضعف موقفوا السياسي عشان كدا ما ح يقدر يفتح خشموا
في انهيار المستشفيات الفي العاصمةاو الاقاليم ومفروض يدفع قروش الاطباء الما لاقين حقهم ومرتباتهم في
مصر ومهددين بانهم يطردوهم من السكن بتاعهم دا زوووول ضيع الكتير وح تقع في راسه كل المشاكل والفشل البيحصل دا
| |
|
|
|
|
|
|
|