|
|
 والله مـاليــزيــا حلــوة .. لولا الحــراميـــة! :)
|
سافرنا اجازة ماليزيا..
كانت قصيرة وحلوة..
اتفسحنا كتير لما بقينا لما الصباح يطلع نشيل هم التعب والجري.. :)
لكن لانه الحلو ما يكملش...
شفنا الجانب المظلم من السياحة في ماليزيا..
حيث تعرضنا لمحاولة السرقة (النشل)..
لولا ستر ربي....
بقينا نخاف ...مكلـ بشين في شنطنا ويدينا طول الوقت قابضة على جيوبنا
لما حكينا القصة للناس.. لقينا من تعرضوا للنشل والسرقة والاحتيال كتاااار
اتاري لما الناس كانوا بقولوا الحرامية كلهم مشوا ماليزيا كان عندهم حق ..!
|
|
 
|
|
|
|
|
|
|
|
Re: والله مـاليــزيــا حلــوة .. لولا الحــراميـــة! :) (Re: Abdelrahim Elamin)
|
دكتور عبدالرحيم الامين .. تحياتي واشواقي
Quote: طبعا سؤالك للإخت رمانا
لكن دعني أقول لك أنت وجهه مشرف للسودان
لا أنسي موقفك وخدماتك لي ولإسرتي و بدون سابق معرفة حين طلبت أنا تلك الخدمة،
فقط لأنني سوداني و تقابلنا بالصدفة في شارع العرب |
يشهد الله انك رجل اصيل ونحن لم نعمل معك الا الواجب ولا حظ كم سنه مرت علي هذا اللقاء ولكن مازالت الذكري الجميله
ونحن مجمل علاقتنا الجميله كانت من هنا وليتني التقيت الاخت رمانا ...
وعلي العموم مازلنا في انتظار الاخت رمانا ..
تحياتي يا اصيل
| |
|
|
|
|
|
|
|
 Re: والله مـاليــزيــا حلــوة .. لولا الحــراميـــة! :) (Re: اسامه خليفه)
|
الاخ Abdelrahim Elamin
سلامات
ماليزيا جميلة جدا ، خضرة على مد البصر، مولات متعددة ، حدائق ..هي فعلا معمرة كبلد سياحي
من كل حبة عملوا قبة سياحية... بمعنى من كل فكرة صغيرة خلقوا وطوروا فكرة سياحية جاذبة للزوار..
ومدرة للاموال ...
أفكار بسيطة ممكن تنفذها أي دولة .. وتعمل ليها دعاية سياحية كبيرة..
حتى بيت رئيس الوزراء عملوه متحف..
البلد كانت مليانة بالسياح العرب بجميع اللهجات.. على وجه التخصيص عرب المشرق..
وعدد كبير من السياح الايرانيين .. تعرفهم بسيماهم المكفرة واللؤم البائن في الطباع..!
وقليل جدا من السياح الغربيين .. في الغالب من نيوزيلند أو استراليا..
وأكيد الكثير من السياح الآسيويين الذين تشبه ملامحهم ملامح أصحاب البلد
كثير من العاملين بالمحلات التجارية من اندونيسيا..
وحسب ادعاء الجهات الامنية وبعض المواطنين؛ النشالين من الفلبين أو بورما ..!!
شارع العرب من الأماكن التي يكثر فيها متصيدي السياح.. !
لم تبدو علينا آثار النعمة كباقي العرب لذلك لم يتم تصيدنا في هذا الشارع..!
المطر عااادي جدا .. ومزعج في الغالب لكن من حسن الحظ إن البلد بها نظام تصريف ممتاز...
وشماسينا ما كانت بتفارقنا
الذكرني المطر إنه اليوم الوحيد القضيناه في شارع العرب كان ممطر جدا...
شكرا الأخ عبد الرحيم..
| |
|
|
|
|
|
|
|
|
|
Re: والله مـاليــزيــا حلــوة .. لولا الحــراميـــة! :) (Re: rummana)
|
اسامه خليفه سلامات
أكيد يا أخي ما كنت حتقصر أبدا لو كنا اتلاقينا.. تشكر كتير
تصدق بالله لاننا بنسمع إنه ماليزيا مليانة سودانيين (خاصة الطلبة) ..
كنا فاكرين حنلاقي عدد كبير منهم..
بس ما حصل..
مرة أو اتنين شفنا شخص أو اتنين خمَنا إنهم سياح سودانيين برضو
بس اهل الخليج كانوا مالين البلد... محل ما تقبل تلقاهم..
عرسان وأسر من خمسين شخص كده :) ..ما شاء الله
الملاحظ انه الخليجيين لما يسافروا كأسر ما بخلفوا وراهم حد ..
من الحبوبة لحد الشغالة/ات... حاجة جميلة... :)
ولا طبعا.. محاولة النشل ما كانت من سوداني...
شكلها كانت عصابة نشل .. عشان كده خفنا...
يعملوا زحمة ويلخموا الناس وواحد فيهم يقوم بالنشل أثناء اللخمة ...
الملفت جدا قلة وجود أفراد الشرطة في أماكن تجمعات السياح..
مش عارفة ليه...
شكرا أسامة
| |
|
|
|
|
|
|
|
|
|
Re: والله مـاليــزيــا حلــوة .. لولا الحــراميـــة! :) (Re: د.نجاة محمود)
|
سلام يا رمانا
ماليزيا فركة كعب مننا
بالجد بلد تستحق الزيارة
قرأت عن جسر السماء في ماليزيا يقال انه معلق في الهواء
ويقوم على عمود واحد فقط
ولاني احب الاشياء القديمة اتمنى زيارة متاحفها المتعددة الغريبة
ومنها متحف خاص بالاقمشة !
ومتحف العملات ومتحف الفنون ومتحف الجيش
----------------------
ماليزيا حلوة
لكن انا ملحتي واقفة لي في المطار !
| |
|
|
|
|
|
|
|
|
|
Re: والله مـاليــزيــا حلــوة .. لولا الحــراميـــة! :) (Re: خالد العبيد)
|
سلام رمانه
شكرا على هذا البوست الجميل
التحيه عبرك للاخ اسامه الخليفه هذا الانسان الجميل
والتحيه للاخ خالد فهمى ولكل المتداخلين
اصبحت ماليزيا هى الملاذ الآمن لكثير من المنتمين لهذا النظام
واصبحت قبلة للكثير من الدارسين من السودان واغلبهم من ابناء المنتمين لنظام الخرطوم
على حسب معلوماتنا بان الكثير من الشركات التى تتعامل مع هؤلاء الطلاب لاهم لها غير الكسب المادى
وهذا افرز الكثير من التفلتات من قبل هؤلاء الطلاب
ماهو رد القائمين على امر هذه الشركات ؟
| |
|
|
|
|
|
|
|
|
|
Re: والله مـاليــزيــا حلــوة .. لولا الحــراميـــة! :) (Re: عمر عبد الخالق سعيد)
|
الاخت/ رومانا
سلام
وسلامتك من السرقة والنشل..
ماليزيا فعلا بها طبيعة جميلة جدا وهي احدي دول جنوب شرق آسيا التي تعتبر السياحة أحد أهم مصادر دخلها..
في التسعينات كان يزورها الغربيون وسياح استراليا والصين..
بعد احداث 11 سبتمبر اصبحت ماليزيا، اندونيسيا وتايلند قبلة السياح العرب..
في الاعوام من 2005 وحتى العام الماضي بدت ظاهرة سرقات ونهب السياح وظلت تتزايد عام بعد آخر..
أذكر في العام 2006 تصدت السلطات لظاهرة خطف ممتلكات السيات في المنطقة المثلث الذهبي التي تضم شارع العرب
ونشرت أفراد الشرطة في تقاطعات الشوارع على الدراجات النارية لملاحقة اعمال الخطف..
قلت الظاهرة قليللا وبعدها تراخت السلطات لتتصاعد الظاهرة من جديد خاصة في عامي 2010 و2011م
وهناك بوستات فتحت بهذا الشأن في المنبر..
وجود السودانيين الكبير ايضا افرز بعض الاحداث المحدودة لكن لم نسمع باشتراك اي سوداني في عملية سرقة..
أسوأ حالة خطف تعرضت لها الأخت/ د. هالة في قلب كوالالمبور قبل عدة سنوات عندما اعتدي عليها راكبي دراجة نارية وسقطت على الاسفلت لعدة أمتار
لزمت على اثرها المستشفي أكثر من شهر..
الاخ د. الفاضل سبيل عضو هذا المنبر تعرض العام الماضي مع ضيوفه لعملية نهب في شارع العرب..
تبقى ماليزيا جميلة خارج كوالا لمبور..
بس يا اسامة خليفة جك ملك!!!
تحياتي
| |
|
|
|
|
|
|
|
|
|
Re: والله مـاليــزيــا حلــوة .. لولا الحــراميـــة! :) (Re: rummana)
|
الاخت رمانا .. سلام
اتمني ان تعاودي الزياره الي ماليزيا وان نلتقي ولكن يا رمانا اديتنا لطشه صغيره ..لكن يازوله ولايهمك
ماليزيا بلد جميله واهلها طيبين والجاليه السودانيه جاليه محترمه جدا ..
التحيه ليك ولضيوفك الكرام وعبرك للاخ عبدالعزيز عيسي وبنقول ليهو جك ملك ياملك ..
تحياتي
| |
|
|
|
|
|
|
|
|
|
Re: والله مـاليــزيــا حلــوة .. لولا الحــراميـــة! :) (Re: rummana)
|
د. نجاة ، خالد ، خضر ، عمر ، عبد العزيز
تحية طيبة..
للأسف لاقية مشكلة في انزال الصور لكبر حجمها...
نجاة..
ما كنت بتقصري .. يا ريت لو اتصلت بيك .. بس في الغالب كنا حنتونس في التلفون بس..!
البرامج كتيرة جدا .. الناس البنعرفهم ما قدرنا نصلهم...
المرة الجاية نبرمج إن شاء الله...
طبعا يا نجاة كانت مجرد نكتة .. لما قلت الحرامية كلهم مشوا ماليزيا وربطتهم بالنشل..
الناس بتقصد ناس الانقاذ أو المستفيدين من الانقاذ بس للاسف سمعة واحد أو اتنين ممكن يتأذوا منها ناس كتير..
عرفت انه في كتير من أهل الطلبة مقيمين في ماليزيا مع أبنائهم .. معظمهم من ناس الخليج .. الدولة بتسمح ليهم
وعرفت برضو إن المتعافي عنده ممتلكات كتيرة هناك... معلومة سمعتها من شخص مقيم..
وأي انسان عنده حق الاقامة في ماليزيا كوطن ثان عنده حق تملك عقار..
ماليزيا (كوالالمبور على الأقل) "تبدو" آمنة لكن الحقيقة انها أول مكان نسافر ليه نتعرض فيه لمحاولة السرقة..
الشخص الـ كنا بنطلع معاه مرات بسيارته وهو ماليزي صيني حكى لينا عن حوادث كتيرة..
ونبهنا بالتحديد لراكبي المواتر .. الناس بتطلع شايلة شنط اليد والكاميرات..
ناس البلد بينفوا تماما إن الماليزيين بسرقوا .. خاصة طبعا لو ركبنا تاكسي مع شخص من الملاي/الملايو :)
واعتدادهم باسلامهم كبير .. بيتبسطوا لما يعرفوا اننا سودانيين..
الماليزيين ناس هادئين جدا... حتى سواقتهم في الشوارع حسيتها هادئة رغم الزحام..
شكرا نجاة ..
| |
|
|
|
|
|
|
|
|
|
Re: والله مـاليــزيــا حلــوة .. لولا الحــراميـــة! :) (Re: rummana)
|
يا رمانة
البلد فعلاً جميلة ونظيفة
وطبيعتها حلوة
وأمطارها
وضبابها
لكن موضوع النشل القولتيهو دا ما مقياس
أنا كنت هناك مع زوجتي وأولادي
وقضيت فيها أيام جميلة
وزي ما قلتي من الصباح حايمين ندخل البيت بالليل
ومشينا كثير من المناطق خارج كوالا لامبور
مثل جنتينق وكنا نشق السحاب ونحن على الكيبل كارت
وأكلنا مما يأكلون من تلك الفواكه الغريبة
وأكلنا (ناسي قوريه داقين وتندوري وغيرها من الأكلات المحلية )
وتجولنا كثيراً في التايم إسكوير والبي بلازا والكي إل سي سي
وحديقة الحيوان تلك الضخمة التي تحتاج لأكثر من يوم حتى تتمتع بها نقطة نقطة
وضواحيها جميلة مثل نيلاي وكجان وكلان
ولديهم نوع من أنواع الفاكهة لم أستطيع أن أجربه من رائحته التي لا تطاق
ويأكلها الناس وهم يلبسون في أيديهم قفازات من أكياس البلاستيك
حتى لا تلتصق الرائحة في الأيادي
ولكنهم لا يضنون على أفوافهم من الرائحة الكريهة لتلك الفاكهة
وتجيد محلات الفواكه بكثرة خلف شارع البوكت بنتان
يجلس الناس ليأكلوا الفاكهة من البائع مباشرة على طاولات بجانب محلات البيع
ولكنها بلد جميلة
ولم نتعرض فيها لأي إستغلال أو سرقة
بالرغم من تجولي كثيراً في بعض الأحيان أنا وعديلي الذي يقيم هناك
وبأرجلنا وسط الزحام
لذلك فموضوع النشل هذا ليس ظاهرة تستحق النقاش في كوالا لامبور
مع تحياتي
| |
|
|
|
|
|
|
|
|
|
Re: والله مـاليــزيــا حلــوة .. لولا الحــراميـــة! :) (Re: Asim Fageary)
|
| Quote: اتمني ان تعاودي الزياره الي ماليزيا وان نلتقي ولكن يا رمانا اديتنا لطشه صغيره ..لكن يازوله ولايهمك |
هاهاهاها .. معقول يا أسامة أجي ابشِع بالسودانيين كلهم حتى لو سرقنا واحد فيهم..؟؟.. استغفر الله من غضب الله ..
تعرف ناس الامن محل اتعرضنا لتلك المحاولة.. حكوا لينا انه العصابات بتجي من بورما والفلبين مخصوص في المواسم السياحية للسرقات (بالتحديد النشل) ... أكيد الناس ديل من خبرتهم وشدة حرفنتهم بيقدروا يفرزوا بين السائح والمقيم...
طبعا المقيم شكله ما بيكون مفصوم بقدر لا بأس به من السذاجة .. :)
| |
|
|
|
|
|
|
|
|
|
Re: والله مـاليــزيــا حلــوة .. لولا الحــراميـــة! :) (Re: rummana)
|
خالد العبيد سلامات
ما عرفت ملحتك واقفة في المطار ليه؟ أو على الاصح ما فهمتك بتقصد شنو؟
انت مش عندك باسبورت استرالي؟ ..
أظن ماليزيا البلد الوحيد الـ سودانيين ما بحسوا فيها وفي مطارها بالضيق من حملهم الباسبورت الاخضر/ الكحلي
تاخد الفيزا من المطار - وهو مطار جميل وراقي – وكل شي يمشى بسلاسة ..
بس المهم تثبت ليهم انك ما عندك حمى صفراء أو ملاريا لو جاييهم من السودان مباشرة ...!
أو تكون سوداني ساكن في مكان تاني ...
الجسر المعلق في السماء هو الجسر الواصل بين برجي بتروناس.. Skybridge
كله معمول بالزجاج عشان كده بتحس بنفسك ماشي في الهواء ما بين الارض والسماء!
لكن عشان تقدر تاخد المشية دي لازم تصحى بدري جدا وتقيف في الصف.. لانه التذاكر محدودة وما ممكن تحجز في أي وقت تشاء..
لو اتأخرت شوية حقك راح لمدة اربعة وعشرين ساعة تاني .. وأظنها كانت تذكرة مجانية...
| |
|
|
|
|
|
|
|
|
|
Re: والله مـاليــزيــا حلــوة .. لولا الحــراميـــة! :) (Re: rummana)
|
| Quote: ما عرفت ملحتك واقفة في المطار ليه؟ أو على الاصح ما فهمتك بتقصد شنو؟ |
انا قاصد اختي وصديقتي الضلامية نجاة محمود الشهيرة بـ " بيان " !
كتير ما نتشاكل هنا في البورد
قالت ذات مرة انو انا قارش ملحتها
يعني منجضاني
رغم انو الشايقيات ماعندهن ملح التكتح
مسيخات خلقه!!
نجاة انسانة طيبة جدا
من القلائل في البورد اتمنيت الاقيهم فيس تو فيس
وتحية ليك ولنجاض
والحنينة ام سهى
| |
|
|
|
|
|
|
|
|
|
Re: والله مـاليــزيــا حلــوة .. لولا الحــراميـــة! :) (Re: rummana)
|
سلام خضر الطيب..
سؤالك ما بعرف اجابته.. لكن أكيد كل (بيزنس) القصد منه الكسب المادي .. مش؟
ما أظن أغلب الدارسين من ابناء المنتمين للنظام عارف ليه .. لانه السودانيين بيحتلوا المرتبة التانية أو التالتة من حيث عدد الطلبة الاجانب (تحديدا عرب وأفارقة) في ماليزيا .. يعني كتاااار.. ما بعرف إذا بيحصلوا عدد الطلبة السودانيين في مصر زمان ولا لا.. لكنهم أكيد كثر..
المغتربين بيسفروا عيالهم للدراسة فيها..
وماليزيا فيها مميزات بتشجع الدارسين على الدراسة فيها:
كثرة الجامعات والمعاهد عامة وخاصة ..
ورسوم الدراسة فيها نسبيا معقولة ...
وهي عموما بلد رخيصة ..
برضو وجود كليات بنظام التلات سنوات تخرج الطلبة بالدبلوما وممكن تترفع حسب اجتهاد الطالب لدرجة البكلاريوس بالتأهل لدراسة سنة رابعة ...
الناس بيفضلوها على الدول الغربية أكيد..
شكرا خضر
| |
|
|
|
|
|
|
|
|
|
Re: والله مـاليــزيــا حلــوة .. لولا الحــراميـــة! :) (Re: rummana)
|
والله كنا بنصلك في اي مكان وندعوك لبيتنا وهو قرب واحد من اكبر الشوبنق مولز هنت
المرة الجاية تجي نجيبك في مدينتنا وهي ضاحية هادئة ويسهل التحرك منها الى.كولا
وحتى انت يا بروتس جيت وما وصلتنا يا عاصم
خالد العبيد نتمنى ياخي تجينا انت وبت العم يوما ما بالجد حتسعد جدا برؤيتك
اي زول بزورنا بنفرح بيه جدا لانه بغير اينا الروتين
| |
|
|
|
|
|
|
|
|
|
Re: والله مـاليــزيــا حلــوة .. لولا الحــراميـــة! :) (Re: rummana)
|
الأخ عبد العزيز عيسى سلامات..
أسفت والله لما أصاب الأخوان من بلاوي في ماليزيا..
وشكرا على المعلومات..
زميل زوجي تم نشل أكثر من عشرة ألف دولار منه في ذات الماليزيا هذه ..
تعرف أحسن حاجة الواحد يحتفظ بفلوسه في خزانة في محل اقامته إن وجدت ويتجول بمبالغ صغيرة أو يوزعها في أماكن مختلفة..
يعني مثلا شوية في محل اقامته شوية في يده وشوية في يد زوجته...إلخ
إذا اتغلَبنا المرة الجاية، ح نستعين بناس نجاة محمود
تحياتي..
| |
|
|
|
|
|
|
|
|
|
Re: والله مـاليــزيــا حلــوة .. لولا الحــراميـــة! :) (Re: rummana)
|
أيامكم يا رمانة
إجازة سعيدة وعجوة معطونة بي عسل
ماليزيا من الأماكن الفي البال وعيد الأضحى الماضي كان الخيار بينها وبين مصر
وتغلب علي حزب المدام وعصابها لوجود أختها ( خالتهم ) فعيدنا في مصر الحافظها أكتر من أهلها
وشقي الحال يلقى العضم في الفشفاش .. ولكن لا بد من زيارة ناس نجاة محمود وإن طال السفر
صورك جميلة وترد الروح كتري منها بالله .. ولكن قدر ما اتغاتت وقعدت ابحلق في قزاز المباني
عشان أشوف إنعكاس صورة المصور ما لقيتها وقبضت الريح .
تحياتي
| |
|
|
|
|
|
|
|
|
|
Re: والله مـاليــزيــا حلــوة .. لولا الحــراميـــة! :) (Re: rummana)
|
| Quote: وحتى انت يا بروتس جيت وما وصلتنا يا عاصم |
دكتورة/ نجاة
سلام مربع
أولاً تخيلي مداخلتك دي قريتها أول مرة وما شفا الجزئية الخاصة بي
لكن أقسم بالله أنني قبل أن أسافر بفترة طويلة إتصلت عليك في تلفونك كذات مرة
ولم تردي علي مكالمتي
قد يكون رقم هاتفك تغير أو غير ذلك
لكني كنت أود أن ألتقيك
ولكن الجايات أكتر إنشاء الله قريباً سنكون بهناك
بس المرة الفاتت دي كنت بكامل أفراد أسرتي وكانت فرصة طيبة حيث كانت ببرامج عائلية
ولكن كما ذكرت إتصلت عليك قبل سفري
خالص التحايا لكم
| |
|
|
|
|
|
|
|
|
|
Re: والله مـاليــزيــا حلــوة .. لولا الحــراميـــة! :) (Re: د.نجاة محمود)
|
Quote: وأكلنا مما يأكلون من تلك الفواكه الغريبة
وأكلنا (ناسي قوريه داقين وتندوري وغيرها من الأكلات المحلية ) |
الأخ عاصم نهارك سعيد.. تعرف مداخلتك كنت عايزة أجيها بمهلة عشان نتكلم في موضوع الأكل والفواكة والروائح الغريبة... ياخ والله أنا حاسة الشم بتاعتي اتأثرت شديد في البلد السمحة ديك... :) أولا أنا بالنسبة لي الاكل كان أسوأ شيء في الرحلة كلها... أكاد أقول انه أسوأ من التعرض لمحاولة نشل... على الاقل ديك كانت مرة واحدة وعدّت... الفواكه الفي البلد شكلها غير .. يعني ما ممكن تلقاها عادي في أي سوبر ماركت تدخله في أي بلد... حاجات بشعر وحاجات بسنون وغايتو... ريحتها قوية وبتخلي ريحة المكان كله غريبة وغير مريحة... مرة كده بعد محاولات مضنية من اسرتي الجميلة حاولت أضوق فاكهة كده.. كان طعمها لا بأس به لكن برضو كنت عايزاهم يخلصوها بسرعة عشان ما اضطر أشم ريحتها في الشقة... دي بعض الصور عشان عزيزنا المتفرج ياخد فكرة أنا بتكلم عن شنو.. وبجيك راجعة أكمل باقي الكلام...
| |
|
|
|
|
|
|
|
|
|
Re: والله مـاليــزيــا حلــوة .. لولا الحــراميـــة! :) (Re: rummana)
|
يا رمانة إزيك
تعرفي في الصورة رقم إتنين من المداخلة أعلاه الفاكهة اللي لونها أحمر داكن مائل للسواد
ولمن تفتحيها بجوة عاملة زي فصوص التوم
دي فاكهة طعمها لذيذ جداً
ألذ من الباقيات أم شعر والعاملة زي الوردة
والصغيرونة البتشبه حبة الترمس لكنها بنية ديك
الأكل بس ما عرفتي تتعاملي معاهو عشان كدا ما عجبك
في مطاعم بتاعة هنود دي بتعمل أكلات جميلة وقريبة لنكهة أكلنا
وفي مطعم باكستاني في شارع بوكت بنتانق دا فيهو دجاج ومشويات على الفحم من كباب وأوصال
مع الرز الأبيض والرز البسمتي حسب إختيارك
حاجات جميلة
لكن أكتر حاجة ممكن تناسبك يمكن الحاجات المعروفة زي ماكدونالدز ودا طبعاً هو وكنتاكي موجودين بكثرة
وماكدونالدز حقهم ممتاز
| |
|
|
|
|
|
|
|
|
|
Re: والله مـاليــزيــا حلــوة .. لولا الحــراميـــة! :) (Re: Asim Fageary)
|
بس ياها يا عاصم الــ عندها فصوص دي ذاتها الاكلوني ليها بالغصب.. :)
انت عارف الفاكهة (ذات الشعر) دي بتلقاها معلبة في أي سوبر ماركت كبير في أي دولة في الخليج .. اسمها رامبوتن Rambutan
غايتو جربت الاكل من مطابخ كتيرة .. ماليزي، تايلندي، هندي، فيتنامي، صيني ... كله ما قدرت عليه
مع العلم بأني بحب الأكل الهندي والباكستاني ومتعودة عليه من أيادي صحباتي وزميلات زوجي ... وكمان شاطرة في عمل بعض أطباقه...
لكن في ماليزيا ما كان ياهو ..
بجيك تاني...
| |
|
|
|
|
|
|
| |
rummana
Abdelrahim Elamin
اسامه خليفه
خالد العبيد
خضر الطيب
عمر عبد الخالق سعيد
Abdlaziz Eisa
Asim Fageary
Kamal Karrar
فيس بوك
تويتر
انستقرام
يوتيوب
بنتيريست