|
|
|
 Re: أيقظ شعورك بالمحبـــة إن غفا (Re: walid taha)
|
لولا الشعور الناس كانوا كالدمى ...
وأخيراً خرجت درر أستاذي عبد الحميد العباسي ... على قبره شآبيب الرحمة ...
سلمت يا سليلة الكرام ...
أها ختينا بنبرنا وصنقرنا ...
والما عندو محبة ما عندو المحبة يا وليد طه ...
أو كما قال والدنا ... ود بدر ... رضي الله عنه ...
| |
 
|
|
|
|
|
|
|
 Re: أيقظ شعورك بالمحبـــة إن غفا (Re: Balla Musa)
|
Quote: وأخيراً خرجت درر أستاذي عبد الحميد العباسي ... على قبره شآبيب الرحمة ...
سلمت يا سليلة الكرام ...
|
أستأذن الجميع في الرد على أستاذ عبد الباقي
اولا اهلا بتلميذ الاستاذ عبدالحميد العباسي
ثانيا في فترة السنتين الاخيرات قابلت عدد من تلامذته
خلوني احس بالندم فعلا اني ماكنت في عمر يخليني اقدر استفيد واستمتع بادبه
بالرغم من غمره لنا بمحبة وعطف حكى عنها الناس بعد ذلك
ولاحظت انه كل من قابلت هنا في فرجينيا يحفظ عن ظهر قلب محاضراته-هكذا يسمون الحصص- ويحفظون حتى ونسته العادية معهم بعد كل هذه السنين
يا استاذ عبدالباقي فتحت هذا البوست وبي غضب وعبرة لتصرف إنسان تجاهي وتجاه بعض من أحب وبت ليلتي وإذ بغضبي يتلاشى ويذهب الى غير رجعة
وما أحسه الان هو بعض الشفقة على ذلك الشخص لا اكثر ولا أقل
وممكن بعد دا على راي الحلفاوي نقطع راس البوست وتسويهو مطعم
وممكن لو عندك رغبة تشارك بالعندك
رحم الله والدي وجعل قبره روضة من رياض الجنة
___
تحيا سوريا
| |
|
|
|
|
|
|
|
|
|
Re: أيقظ شعورك بالمحبـــة إن غفا (Re: Rawia)
|
سلامات راوية
| Quote: كما قال سيدنا إليا أبو ماضي |
تخيلته تبع واحد من أسيادنا المتصوفة رضوان الله عليهم
ـــــــــــــ
بعد إذنك يا راوية
 دي للمجاراة اللطيفة من د. بلة
ذكرتني فيلم "الكيف" :)
| |
|
|
|
|
|
|
|
|
 Re: أيقظ شعورك بالمحبـــة إن غفا (Re: وليد محمد المبارك)
|
شفتك بي قلبي أنا ياوليد
وشافتك الغالية وحكت لي
وردتك من يومتها وردت خالتك ذاتها معاك
عارف أنا بريدك من متين
من يوم عملت مواعيد معاي وجبت زوجتك ووليداتك للنت كافي ولاقيتني بيهم واتونسنا وإتعرفنا ببعض
إحترمتك من اليوم داك وردتك وحلفت
خوة ياوليد الا تاباها انت
_______
وتحيا سوريا
| |
|
|
|
|
|
|
|
|
|
Re: أيقظ شعورك بالمحبـــة إن غفا (Re: maia)
|
هيك هيك
بنقول يحيّى شعب سوريا الحر
كيفك يا راوية
وكل سنة وانت طيبة
رأس السنة الفات .. عيد الفطر المضى .. وعيد الأضحى الجاي دا
وكمان مولد النبي عليه الصلاة والسلام
وقد سألت راوية يوماً
هل مازلتي تذكريني ؟
تحياتي ومودتي
| |
|
|
|
|
|
|
|
|
Re: أيقظ شعورك بالمحبـــة إن غفا (Re: Rawia)
|
وبمناسبة المحبة يا رايوة
أشيل واتلفت في البورض
عشان أشوف صورك مع شريف الفحيل
____________
جاتني رجفة كدا قلت أووووع أكون أنا الزول المقصود بزعل رايوة
حاكم مرات كدا لساني بتبرا مني ...
واتذكرت أني قلت لى كلمتين تلاتة في شريف الفحيل
ثم
والله مشتاقين
| |
|
|
|
|
|
|
|
|
|
Re: أيقظ شعورك بالمحبـــة إن غفا (Re: Ridhaa)
|
زمان أول سنة جيت فيها لامريكا
قصدت مدينة هنا في فرجينيا أسمها نورفوك واخرى اسمها فرجينيا بيتش
مشيت أبدا حياتي العملية والدراسية في امريكا
سكنت في غرفة أجرتها من سيدة لبنانية
بيتها كان أشبه بالقصر .عفش ومستوى ومساحات وإمكانات
وطيبتها هي وأسرتها كانت مخلية القصر دا جنة
أسرتها دي كانوا شقيقها وبنتها وبنت اخوها وزوجها
شقيقها دا كان في نهاية الخمسينات كدا وعندو مطعم في داونتاون جنب المينا
بيخلص شغله وكل يوم الساعة سبعة مساء لازم يجي بيت أخته عشان يشرب الـ(متى)
ويلعب الطاولة
أخته بتحبه جدا فكانت حريصة انها قبل ما يطلع تحضر عشاء معتبر
العشاء دا لينا كلنا الموجودين في البيت
ياخ والله الناس ديل ماشفت اجمل منهم
المهم اول مايدخل اخوها من الباب بيقيف في نص الصالة
ويقول
تحيا سوريا
بعد مايرفع ايده اليمين بالتحية
ونسيت أقول انه بنت السيدة دي إسمها سوريا
وإنهم دروز
وفهمت من أخو السيدة انهم عندهم حلم أعظم بدولة عظمى تضم جزء من لبنان وجزء من سوريا
والجماعة ديل كغيرهم من اللبنانيين هاجروا من نهاية الخمسينات واستوطنوا امريكا لكن مانسوا حلمهم
وأخو السيدة دي جاب لي مجموعة من الكتب لما يسموا بأدباء المهجر
وجبران وإيليا من أهمهم
وعرفت قدر شنو بيعنوا ليهم في حياتهم
وعرفت انه بعد كل السنين احتفظوا بالايدنتيتي بتاعتهم
لمجرد انه ليهم حلم هناك في بلدهم
ومن هنا تحية للرجل الجاد أخو السيدة عفاف(والله ناسية إسمه)
وتحية لسوريا بنتها البت المحترمة الراقية الجميلة
وتحية لعفاف نفسها بقدر ما أغدقته على من كرم وعطف وحب فاقوا كثيييير مادفعته من أجرة للغرفة الجميلة ذات الستائر الرقيقة
وتحيا سوريا
| |
|
|
|
|
|
|
|
|
|
Re: أيقظ شعورك بالمحبـــة إن غفا (Re: Ridhaa)
|
Quote:
فاذا أسئت للأنسان قوم نفسك راجعا
وألعن الشيطان والوساس قوم صلحا |
رضا..الله يرضى عليك شيل (أبياتك) العشوائيات ديل من قدامي سريع... 
الحتة دي جاييها تخطيط...
الإصرار ما في داعي ليهو..التعويضات تصرف نقداً..وحباً وكرامة إذا بتريد..
ثم السلام على صديقتي راوية....وضيوفها .. سلاماً يمتد للعائلة كلها حتى الدروز منها..
..
.
| |
|
|
|
|
|
|
|
|
|
Re: أيقظ شعورك بالمحبـــة إن غفا (Re: Ridhaa)
|
نحكي عن المتى شوية
الـ متى او المتي (التانية منطوقة بالطريقة اللبنانية المحببة بكسر اخر الكلمة)
أعشاب من أمريكا الجنوبية تشبه الحرجل بشكل كبير
أكتشفوها اللبنانيين وارتبطت بيهم وبقت جزء اصيل من ثقافتهم
بيشربوها بادمان في لبنان ولا البرازيل ولا امريكا
كانهم من ولدوهم بيعرفوها
طريقة شربها غريبة
عندها ماعون مخصوص من الفضة ومنقوش نقش جميل
وليهو شفاط برضو من الفضة المنقوشة رفيع وفي بدايته يشبه الغليون -دا المحل البيشبو بيهو-
بيملوا الماعون دا باعشاب المتى المستوردة من امريكا الجنوبية ويكبو فيها موية مغلية وينتظروها تحل شوية وتدور بينهم
نفس الشفاط بيستعملوهو كلهم
| |
|
|
|
|
|
|
|
|
|
Re: أيقظ شعورك بالمحبـــة إن غفا (Re: Rawia)
|
Quote:
البيتين ديل واحد عضو هنا رسلهم بالماسنجر الراجل خجلان مايتداخل .
وبعدين انت اليومين ديل موضة ( الشعر ) القايم فيها دي شنو !!
ماقلت مابتعرف شعر ....
|
لو سمحت وبعد إذنكم انتو اتنين أنا عاوزة أعرف الزول منو حتى لو في الخاص
| |
|
|
|
|
|
|
|
|
 Re: أيقظ شعورك بالمحبـــة إن غفا (Re: Rawia)
|
| Quote: خبير الشعر دكتور بلة قال القصيدة تمام . |
ياخى بخبير الشعر دكتور بلة دى ذكرتنى أيامنا الكنا مع المتنبى فى حلب..
يارضا
أنا قلت رايى فى البيتين ههههههه!
بعدين محمود دا زول بتاع موسيقى
دا الفراهيدى زاتو!!
| |
|
|
|
|
|
|
|
|
|
Re: أيقظ شعورك بالمحبـــة إن غفا (Re: Balla Musa)
|
نعم فعلا الشعور يستيقظ بالمحبة والود
واسمحوا لي ان اساهم معكم بابيات ن شعر التجاني يوسف بشير:
أذن الليل يا نبي المشاعر
وغفت ضجة ونامت مزاهر
دفق العطر في صدور الروابي
مستجيشا وفاض ملء المحاسر
وسرت في الورود انفاس ريا
روحك العنبري والورد ناضر
قم لموحاك في الدجى صحوان
ندي وبين سهوان ساكر
.....................................
ومن شاعر سعودي:
لم أهواك؟ ايها المفعم النفس
شجونا وحيرة وشقاء
لحسن؟ فالحسن في البدر والزهرة
أندى وقعا وأضفى رُواء
أم لمعنى شفت مفاتنك العذبة
عنه فكاد ان يتراءى؟
فالمعاني في الكون ليست على
الانسان وقفا إلا هوى وادعاء!
...
وكلي اسف لأنني لم استطع تشكيل الكلمات فأحيانا عدم التشكيل يصعب من فهم المعنى المراد
والله يديكم العافية
| |
|
|
|
|
|
|
|
|
 Re: أيقظ شعورك بالمحبـــة إن غفا (Re: Rawia)
|
ياأخت راوية انت واحدة من الأخوات المحترمات في هذا الموقع ...
والله عنوان البوست عجبني وسكنت في البوست ...قلت أرتب القصيدة
ربما تحتفظي بيها في ارشيفك أوربما يتغنى بيها أحد الفنانين ....
البوست جميل وأتمنى أنو يواصل بدون هنات هنا وهناك تعكر صفو
البوست ومابتخلي المتابعين للبوست يركزوا فيهو لأنو حاتكون في
ردود ومداخلات بتجهجه البوست ...علما بأني كنت مركز على ترتيب
القصيدة فقط وفقا للمداخلات وكنت أتمنى عندما تكتمل القصيدة يتم
ترتيبها وحذف الأبيات الغير مرغوب فيها ...
وأكرر هدفي كان تشجيع الأعضاء لاضافة أبيات للقصيدة تتخللها مداخلاتك
لمواصلة البوست ...
تحياتي وتقديري .
| |
|
|
|
|
|
|
|
|
|
Re: أيقظ شعورك بالمحبـــة إن غفا (Re: Ridhaa)
|
شكراً راوية على التحية الخاصة ....
عاصرنا بهاء في سنته الأخيرة ...
وتنسمنا أريج والدكم ... عبقاً في أحاديث الأساتذة عنه ...
ندمت على أنني لم أعاصر والدكم لسببين ...
أولاً لما كان يردده بعض أساتذتنا على لسانه ... (كما قال أستاذنا العباسي) ... سمعتها كثيراً ...
حتى عددت نفسي من تلامذته ... غير المباشرين ... (من التابعين يعني)
والسبب الثاني حتى أستحق هذه التحية الجميلة ...
واصلي سردك الجميل ...
وكوني (راوية) العرب وصناجتهم كمان ...
و ...
كن بلسماً إن صار دهرك أرقما
و(حلاوة) إن صار غيرك (علقما)
| |
|
|
|
|
|
|
|
|
|
Re: أيقظ شعورك بالمحبـــة إن غفا (Re: Ridhaa)
|
الحبيب رضا...
Quote: البوست جميل وأتمنى أنو يواصل بدون هنات هنا وهناك تعكر صفو
البوست ومابتخلي المتابعين للبوست يركزوا فيهو لأنو حاتكون في
ردود ومداخلات بتجهجه البوست |
كلامك جميل ..ووجودك أجمل..والله صحي..
شخصياً لم أقصد مخاشنتك..وأرجو المعذرة إن كان تعليقي أساء لك بصورة أو بأخرى..
أكرر أسفي واعتذاري لك وللأستاذة راوية صاحبة البوست..
والمقام مقام "محبة" يا حبيب..
..
.
| |
|
|
|
|
|
|
|
|
|
Re: أيقظ شعورك بالمحبـــة إن غفا (Re: Rawia)
|
سلام وتحايا للكل
وكل سنة وكلنا طيبين
رفعت البوست مخصوص لتحية كل من دخل وشارك
فردا فردا
عرفانا بالمعروف واللفتة الظريفة والجو الاظرف للبوست
للاسف اليومين الفاتو كنت مشغولة
ومساهرة يومين في أحلى أمسيتين مروا على فرجينيا قريب
خاصة بتاعة أمس الاحد
حفلة عمر إحساس
الفنان الرائع بحق (أول مرة أسمع ليهو)
لغاية ما أرجع تاني ..
رضا..لسة زعلان وحردان؟؟
| |
|
|
|
|
|
|
|
|
|
Re: أيقظ شعورك بالمحبـــة إن غفا (Re: Rawia)
|
الأعزاء ...راوية ..محمود مصطفى محمود ..د. بلة
الأخوة المتداخلين ...
سلام ....
كن بلسما
كن بلسماً إن صار دهرك أرقما *** وحلاوة إن صار غيرك علقما
إن الحياة حبتك كلَّ كنوزها *** لا تبخلنَّ على الحياة ببعض ما ..
أحسنْ وإن لم تجزَ حتى بالثنا *** أيَّ الجزاء الغيثُ يبغي إن همى ؟
مَنْ ذا يكافئُ زهرةً فواحةً ؟ *** أو من يثيبُ البلبل المترنما ؟
عُدّ الكرامَ المحسنين وقِسْهُمُ بهما *** تجدْ هذينِ منهم أكرما
ياصاحِ خُذ علم المحبة عنهما *** إني وجدتُ الحبَّ علما قيما
لو لم تَفُحْ هذي ، وهذا ما شدا *** عاشتْ مذممةً وعاش مذمما
فاعمل لإسعاد السّوى وهنائهم *** إن شئت تسعد في الحياة وتنعما
أيقظ شعورك بالمحبة إن غفا *** لولا الشعور الناس كانوا كالدمى
| |
|
|
|
|
|
|
|
|
|
Re: أيقظ شعورك بالمحبـــة إن غفا (Re: Ridhaa)
|
أيقظ شعورك بالمحبة ان غفا *** لولا شعور الناس كانوا كالدمى
أحبب فيغدو الكوخ كونا نيرا*** وابغض فيمي الكون سجناً مظلما
كره الدجى فاسود الا شهبه *** بقيت لتضحك منه كيف تجهم
لو تعشق البيداءأصبح رملها زهراً، وصار سرابها الخداع ما لولم
يبقى في الأرض إلامبغض *** لتبرمت بوجوده وتبرما
==================
الشرح:-
يحذرنا الشاعر من موت أو غفوة الضمير ومشاعر الخير في نفوسنا ولو للحظة واحدة ، بل علينا
أن نبقي مشاعرنا متيقظة دوما بالحب ، فلولا هذه المشاعر لكنا مثل الألعاب التي لا حياة فيها .
أحبب الناس وتمنى الخير لهم ، تجد الدنيا واسعة مضيئة مليئة بالتفاؤل والخير ، وإن شئت أن ترى
الدنيا سجناً ضيقاً مظلماً، فجرب البغض والحقد للآخرين .
ثم يسوق الشاعر لنا أمثلة توضح تلك الفكرة ، فذلك المتشائم التجهم والذي ينظر لليل على أنه
سواد لا جمال فيه ، قد جعل الليل يبادله نفس الشعور ، فأسود في وجهه بينما الشهب تضحك من ذلك
المتجهم العابس والنور يضيء كيانها المفعم بالحب والخير للآخرين ، وانظر لصحراء كيف يتحول رملها
وصخورها وسرابها لجنة حقيقية إن هي أحبت الناس والحياة .
ويختم الشاعر قصيدته بخلاصة واقعية وهي الأرض لو خلت من المحبين ولم يبقى فيها الاالمتجهمين لضاقت به
وضاق هو بنفسه .
الفكرة الرئيسية للأبيات :
سعادة الإنسان في شعوره بالحب والخير للآخرين.
http://www.study4uae.com/vb/study4uae250/article137206
| |
|
|
|
|
|
|
| |
Rawia
وليد محمد المبارك
حافظ انقابو
محمد عبد الماجد الصايم
Asim Fageary
walid taha
عبد الباقي الجيلي
خالد عبد الله محمود
خالد علي محجوب المنسي
ناذر محمد الخليفة
عاطف عمر
Mahmoud Mustafa Mahmoud
فيس بوك
تويتر
انستقرام
يوتيوب
بنتيريست