|
|
 للمتزوجين فقط.. ( بعض الأوكسجـــــــين يا سيدتى )
|
قرات هذه الابيات يوم 22/3/1997 فى جريدة الشرق الاوسط...ووجدتنى احتفظ بها حتى تاريخه...
اريد ان اسمع الرأي و الرأي الآخر...وبصراحه...
هل الزواج قيد...؟
كم من الزمن يمكن ان يشعر الزوج بان قرار زواجه كان الاصوب حين اتخاذه...؟
وهل الزوجة الذكية هي التي لا تضيق الخناق علي الزوج ام العكس ...؟
وهذه هى الابيات الشهيرة ..
قالوا تزوج..
فاستجبت لمنطق المتزوجين..
واضفت ماء للطحين..
وغُصت فى ذاك العجين..
اصبحت فى القفص المذهب متعة المتفرجين..
يا انتِ..يا قيداً من الاسفنج رِفقاً بالسجين..
قالت: تدلل !
ما الذى اهديكَ فى ذكرى الزواج ؟
قلت بعض الأوكسجـــــــين..
|
|
  
|
|
|
|
|
|
|
|
Re: للمتزوجين فقط.. ( بعض الأوكسجـــــــين يا سيدتى ) (Re: يحي قباني)
|
قال ليك كان في " ازواج " متلمين في حفله و اخر بهجة و انسجام ...
اها في نص الحفله قالو يعملو زي مسابقات و أسأله
اها السؤال كان أي راجل بسمع كلام مرته او بيخاف منها ... يقوم علي حيلو و يتقدم خطوتين ...
قال ليك الحفلة كلها قامت حيلها و اتقدمت خطوتين ... الا واحد بس ...
التصفيق الحاد قاليك ... وطلعوهو المسرح يدوهو جايزه ... وقامو سألوهو
بالله تورينا كيف انت ما قمت مع العالم دي ؟؟؟ ...
قال ليهم والله القصة كلها انو المدام قالت لي لو اتحركت من كرسيك الليلة بوريك شغلك ..
| |
|
|
|
|
|
|
|
|
|
Re: للمتزوجين فقط.. ( بعض الأوكسجـــــــين يا سيدتى ) (Re: يحي قباني)
|
| Quote: قال ليهم والله القصة كلها انو المدام قالت لي لو اتحركت من كرسيك الليلة بوريك شغلك .. |
 تعرف يا يحيى الما بخاف من مرتو زول ما طبيعى
والله قدقدناها وحمنا فى حتت الواحد هسة لامن يتذكرا لامن شعرة جلدو ت###### .. لكن الدخلنها فينا النسوان ما مرقت .. فى سبعة بيوت ما شفناها
يوم ماشين بالعربية جهات بوابة عبد القيوم .. سايق ود عمى الله يرحمو .. مبهدل طالع من البك أيام الجرد ومرتو والدة فى الدايات (اللى هى لأختى) .. لقينا ليك جوز خالط كده وماشين والأيادى متشابكة .. فرمل قدامم وقال للولد (يا زول ما كدة بس .. فيها دايات وجنس بلاو) .. قبال الولد يفوق داس البنزين
| |
|
|
|
|
|
|
|
|
|
Re: للمتزوجين فقط.. ( بعض الأوكسجـــــــين يا سيدتى ) (Re: يحي قباني)
|
Quote: هههههههههههههههاااااااااااااااااىىىىىىىىىىىىىىىىىىىى , ما طبيعى قلت لى , عفيت منك يا أم ميلاد .
سلامات يا قبة ياخ صاحبك فرش طوالى . |
يا سعادتك ... نفهم شنو حسي ؟؟؟ شمتان في رأفت ... ولا لقيت ليك مخاوي ؟؟؟
تحياتي يا حبيب ... والله الواضح ما فاضح ... اخير من ناس كتيرة ...
زي كل القرو البوست ده ... وزول فيهم قام اتقدم خطوتين مافي ... مكانك سر ....
غايتو نستني شويتين ... امكن بابا بيغسل العدّه ...
| |
|
|
|
|
|
|
|
|
|
Re: للمتزوجين فقط.. ( بعض الأوكسجـــــــين يا سيدتى ) (Re: يحي قباني)
|
Quote: يا سعادتك ... نفهم شنو حسي ؟؟؟ شمتان في رأفت ... ولا لقيت ليك مخاوي ؟؟؟
|
والله يا هندسة من حيث الشماتة شمتان للآخر , لأنو صاحبنا ده كان داسيها وكمان فرحان بزميل جديد ينضم
لنادى الفارشين , ياخ المراة السودانية مخلوق براهو وتستحق القيادة عن جدارة طالما انها تؤدى واجبها تجاه
أسرتها وبيتها على اكمل وجه , قول لى الاكسجين دايرين بيهو شنو , وبينى وبينك نحن لو ادونا فرصة للأكسجين
بنمشى نفتش ثانى أكسيد الكربون ما الطبع شين ياهندسة .
| |
|
|
|
|
|
|
|
|
|
Re: للمتزوجين فقط.. ( بعض الأوكسجـــــــين يا سيدتى ) (Re: فيصل عثمان الحسن)
|
Quote: والله يا هندسة من حيث الشماتة شمتان للآخر , لأنو صاحبنا ده كان داسيها وكمان فرحان بزميل جديد ينضم
لنادى الفارشين , ياخ المراة السودانية مخلوق براهو وتستحق القيادة عن جدارة طالما انها تؤدى واجبها تجاه
أسرتها وبيتها على اكمل وجه , قول لى الاكسجين دايرين بيهو شنو , وبينى وبينك نحن لو ادونا فرصة للأكسجين
بنمشى نفتش ثانى أكسيد الكربون ما الطبع شين ياهندسة . |
لقيتك فقري و دبلوماسي لكن يا فيصل ... الظاهرالمدام من قراء المنبر ده ...
والمرأه السودانية فعلاً مخلوق براهو ... " ما تسألني كيف " ....
اسمع الكنديين هنا عندهم قصة دايما بيحكوها عن الرجل الطلع ليهو جنّي صالح وقال ليهو اطلب اي شي ربنا بيحققو ليك لانك رجل صالح
اها قام طلب منو انو يبني ليهو شارع من كندا لغاية تحت ما يوصل الكاريبي لانو نفسه يمشي هناك و بيخاف من الطيارات
الجني قال ليهو يا زول ده طلب مستحيل و لا برفعو ليك لي فوق ولا شي ... مشاكل و بروتوكولات و حروب ...
انسي انسي ... شوف ليك حاجة تانية اسهل من كده ...
قام الرجل الصالح سكت و فكر ... وقال للجني ياخي طيب ممكن تشرحو لي عقل المرأه ده مكون كيف و كيف ممكن ارضيها ؟؟
الجني قال ليهو ... انت الشارع داك قلت لي دايره خط واحد ولا خطين ماشي جاي ؟؟؟؟
| |
|
|
|
|
|
|
|
|
|
Re: للمتزوجين فقط.. ( بعض الأوكسجـــــــين يا سيدتى ) (Re: يحي قباني)
|
يا قباني .. ياسلام
بتدور تقول
لاك البتمشي
جمب الحيط
وماك من ناس
زِعيط ومعيط
البصُرو العين
ويشطحو وينطحو
يشاكلو ست البيت
لا بتغسل صحون
لا بتهوفر ولا بتنفض
ولا بتمرق زبالة
اكان رضيت والا ابيت
ولاك سواق المدام
للحنانه .. للكوفير
لي سوق الخضار
تلقط في الطماطم
تكوس اللحم والزيت
ولاك... وكتين الملاواه
البعاند بحرد
ينوم جيعان
ولا بيقول يا ريت
احنا يا زول بي صراحة كدي نسوانا حريما مش مثقفات وبس ديل من ثقافتهم ساكنات في حوش البكري ده سكن عديل …
ونسوانا هديات ورضيات ولا بيركبن جن عديل من كلام التحاريش البخرب عليهن بيوتن ويعصي رجالن ..
الرجاله تطير .. يا اخي
وبصراحة كدي .. ده اخر فرصة تاني .. لو سويت جنس فعلتك ده مش انت براك ..لا..لا.. انت ولسته طويلة من فلان و…و……و… والبكري ابوبكر
كلكم لا داير معاكم صحبه ولا بعرفكم
الله الغني
احنا كبرنا وما بنقدر علي الحبس الانفرادي وبيوت الاشباح وحاجات تاني مافي داعي لذكرها
قال ايه قال اوكسجين
وقال ايه قال داير يسمع الراي الاخر ..راي شنو يا اخي انت ما سمعت بلا يفتأ ومالك بالمدينة
| |
|
|
|
|
|
|
|
|
|
Re: للمتزوجين فقط.. ( بعض الأوكسجـــــــين يا سيدتى ) (Re: محمد مصطفي مجذوب)
|
ود المجذوب ... الخوّاف ربي عياله ... والله عاقل ...
و الله انا من قبيل اقول بوستي ده شكلو حيضرب الرقم القياسي في عدد المشاهدات و عدم الردود ...
الناس متضايره ... وقاعد اتخيّل ليك في كمية عيون بتحمّر ... وكترة انامل دايرة تكتب و تقول الجواها ... وقافلة علي مغستها ...
بس قاعدين زى اهل القبور ... لا البرّه عارف الداخلها ... لا الجوة بقدر يقول الحقيقة يوصلها ...
يا جماعة كلها شوية نقة وحردة ... ما فيها حاجة ...
| |
|
|
|
|
|
|
|
|
|
Re: للمتزوجين فقط.. ( بعض الأوكسجـــــــين يا سيدتى ) (Re: محمد مصطفي مجذوب)
|
Marriage quotes 03
There was a man who said, "I never knew what happiness was until I got married...and then it was too late!"
Love is one long sweet dream, and marriage is the alarm clock.
They say when a man holds a woman's hand before marriage, it is love; after marriage, it is self-defense.
When a newly married man looks happy, we know why. But when a ten-year married man looks happy, we wonder why.
There was this lover who said that he would go through hell for her. They got married, and now he is going through hell.
A Code of Honor: Never approach a friend's girlfriend or wife with mischief as your goal. There are just too many women in the world to justify that sort of dishonorable behavior. Unless she's really attractive. -- Bruce Friedman
A coward is a hero with a wife, kids, and a mortgage. -- Marvin Kitman
A gentleman is one who never swears at his wife while ladies are present.
A husband is living proof that a wife can take a joke.
A husband is what's left of the lover after the nerve has been extracted. -- Helen Rowland
| |
|
|
|
|
|
|
|
|
|
Re: للمتزوجين فقط.. ( بعض الأوكسجـــــــين يا سيدتى ) (Re: Afraa Sanad)
|
Quote: هههههههههههههههاااااااااااااااااىىىىىىىىىىىىىىىىىىىى , ما طبيعى قلت لى , عفيت منك يا أم ميلاد .
سلامات يا قبة ياخ صاحبك فرش طوالى . |
| Quote: يا سعادتك ... نفهم شنو حسي ؟؟؟ شمتان في رأفت ... ولا لقيت ليك مخاوي ؟؟؟ |
دبل كيك عالية يا يحيى .. عالم مترجلة على الفاضى ما ديرين يعترفو
ما شفتو جرا واطى كيف
Quote: قول لى الاكسجين دايرين بيهو شنو , وبينى وبينك نحن لو ادونا فرصة للأكسجين
بنمشى نفتش ثانى أكسيد الكربون ما الطبع شين ياهندسة . |
الطبع شين يا جنابو ولّ الحجة بتقرا معاك هنا
| |
|
|
|
|
|
|
|
|
|
Re: للمتزوجين فقط.. ( بعض الأوكسجـــــــين يا سيدتى ) (Re: رأفت ميلاد)
|
| Quote: They say when a man holds a woman's hand before marriage, it is love; after marriage, it is self-defense. |
سلامات يا عفراء سند
أحكى ليك نكتة خواجات حكتا لى بتى
الولد بيحكى لأبوهو مندهش (فى المدرسة قالوا لينا .. فى أفريقيا الراجل ما بعرف المره الا بعد الزواح) .. رد الأب بدون أهتمام (مافى أفريقيا بس يا أبنى .. فى الدنيا كلها)
| |
|
|
|
|
|
|
|
|
 Re: للمتزوجين فقط.. ( بعض الأوكسجـــــــين يا سيدتى ) (Re: رأفت ميلاد)
|
.
يحي قباني
تحية وتقدير يا هندسة
بقولوا كده ........ بس ما شفنا وأحد براهوا قام كسر القيد ده
------
تبرم بعض الازواج من زوجاتهم يا حركات بكفوا بيها العين ياكمان لشي في نفس يعقوب وخصوصا لما يكون بتقرب لاخري
وده ماحكم معمم لكين الحاصل في الحالات العادية لما تكون حياة الناس ماشه عادي من غير عواصف
| |
|
|
|
|
|
|
|
|
|
Re: للمتزوجين فقط.. ( بعض الأوكسجـــــــين يا سيدتى ) (Re: عبد الناصر الخطيب)
|
| Quote: Love is one long sweet dream, and marriage is the alarm clock |
عفراء سند ...
جبتي لينا كلام الحكماء ... لكن داير كلامك انتي ...
والله in a serious note يا عفراء ...
انا بفتكر انو العلاقة بين الزوج والزوجة السودانيين العايشين في الخليج ... كوم ... والعايشين في اوروبا و امريكا كوم ... والكومين ...بيعملوا كوم براهم ... والازواج العايشين في السودان كوم تاني
قولي لي كيف ؟؟؟ .... اهاااا
نبدا من السودان ... الحياة رغم كبدها و عذابها ...الا انو لمة الاهل بتشغل الناس ... يعني الزوجة كان زوجها وداها بيت اهلها وقام فات مع اصحابه ... ما بتفرق كتير
بالعكس مرات بتكون مادايراهو يجي بدري وهي مبسوطة مع اهلها ... وما في حساب مشيت وين ... والنقة اياها ...
اها تجي لي ناس الخليج ...معظم الزوجات ما شغالات وقاعدات في البيوت ...الا القليل زي الدكتورات و بعض المدرسات " علي الاقل ده في السعودية " ...
الزوجة قاعده بين اربع حيطان ... تضطر تساهر بالليل في المسلسلات ... والصباح تضرب النوم لغاية قريب مواعيد جية الزوج من دوامه " ناس الدوامين " ...
تقوم تسوط ليها حلة سريعة ... وتتفرغ بعد داك للمسكين داك ... لغاية ما تسلمو الباب للدوام التاني ... كمان تاخد ليها تكية تاني ... وتحاسبه بالثانية ...متين خلص الدوام ...
وغشي السوبر ماركت ... ومفروض يكون في البيت الساعة كم ... يعني ما عندها شغله غيره ... فمن هنا بتجي كتمة النفس و الحوجة للاوكسجين ...
نجي لي ناسنا الهنا ...كندا و امريكا ... لو بقت ما شغالة ... كرري نفس المشهد الفي السعودية ... مع معرفة كامل حقوقها الانسانية ...
ونفس الشي ... لا اهل قراب ... لا اصحاب ...كل العالم مشغول ... اها تقوم تتفرغ للراجل الغلبان ده ... وتقعد ليهو ...
والرجل بطبعه ما بحب الخنقة ... الا من رحم ربي ... ولما يتاوق كده يقول يشم ليهو حبة هواء و حبتين اكسجين ... تقوم القيامة وما تقعد ...
جغرافيا المكان في اعتقادي ادت للكتير من المشاكل ...
| |
|
|
|
|
|
|
|
|
|
Re: للمتزوجين فقط.. ( بعض الأوكسجـــــــين يا سيدتى ) (Re: يحي قباني)
|
Quote:
There was this lover who said that he would go through hell for her. They got married, and now he is going through hell.
|
ههههههههه
الزول دا انا بعرفو:)
اخونا قباني دا شكلوا متعود علي نومة الكاوتش:)
احد الشباب الظريفين كانت تسيطر عليه فكرة ان المراة السودانية شر مستطير يجب ان تتم السيطرة عليها منذ ضربة البداية لان بنات قريتهم
يلغنن ان الرجل عبارة عن بصلة يجب "يفجخ" قبل ان يصير اصلة... وكان كثير التندر على الشباب المنبطحين وشايل حالهم..
المهم اتت زوجته من السودان وكان معدما النفس لا تتنفس بصوت عالي الا باذنه حتى ظننا انه ربح البيعة
مرت الايام وزرته بعد سنة ونص وبينما نحن جالسين نتسامر فاذا بزوجته تناديه بصوت فيه نوع من النرفزة
فهرول الاسد الهصور لها فعاتبته لانه نسي شيئا لم يحضره وامرته باحضاره فورا ... المهم اتاني
وهو باسم وقال لي ياخي النسوان ديل ما بفهموا كلو كلو كم مرة قلتا ليها تديني احترامي قدام الناس وبعدين برانا تعمل الداير تعملو:)
فعمت رائحة البصل المفجوخ ارجاء المكان:)
| |
|
|
|
|
|
|
|
|
|
Re: للمتزوجين فقط.. ( بعض الأوكسجـــــــين يا سيدتى ) (Re: حسين نوباتيا)
|
فهرول الاسد الهصور لها فعاتبته لانه نسي شيئا لم يحضره وامرته باحضاره فورا ... المهم اتاني
وهو باسم وقال لي ياخي النسوان ديل ما بفهموا كلو كلو كم مرة قلتا ليها تديني احترامي قدام الناس وبعدين برانا تعمل الداير تعملو:)
***********************************
بعد اذنك ياقبانى عايزه اعلق على كلام نوباتيا
اى امرأة تقلل من احترام زوجها امام الأخرين فبتكون عندها مشكلة فى شخصيتها
وكذلك الرجل ,,,, المفروض يكون فى ثقة وحوار واحترام متبادل بين الطرفين
نحنا اتربينا اننا نعظم الرجل فهل تربيتنا بتكون خظأ ؟؟؟؟
والله الراجل البتهرشو زوجتو امام اصحابو وهو يسكت ليها معناها عندو خلل ,,,,
رشة جريئة
اغلبية السودانيين بخافو من زوجاتهم لدرجة الرعب
مايجى واحد يتفلسف ويقول لى ده احترام ,,, الاحترام شئ والخوف شئ تانى
| |
|
|
|
|
|
|
|
|
|
Re: للمتزوجين فقط.. ( بعض الأوكسجـــــــين يا سيدتى ) (Re: منال)
|
Quote:
يحي قباني
تحية وتقدير يا هندسة
Quote: هل الزواج قيد...؟
بقولوا كده ........ بس ما شفنا وأحد براهوا قام كسر القيد ده
------
تبرم بعض الازواج من زوجاتهم يا حركات بكفوا بيها العين ياكمان لشي في نفس يعقوب وخصوصا لما يكون بتقرب لاخري
وده ماحكم معمم لكين الحاصل في الحالات العادية لما تكون حياة الناس ماشه عادي من غير عواصف |
عبدالناصر يا جميل
هو القيد ما انو الواحد مجنزر ودائرة إفك
لكن كتمة النفس و شوية الأوكسجين
الحياة أيام ابهاتنا و أمهاتنا كانت ماشة بسلاسة و يسر
أبوك يرجع من الشغل يتغدا و ياخد رقدته ... المغارب يلف عمته و بجدع ملفحته و يمرق
هل في زول بيساله وين ماشي و متين جاي؟
طبعا ممكن يشرب مع الحاجة شاي العصر و يتكلم في أمور البيت
ومافي نقة و سؤال و أنا زهجانه و محبوسة وما بنمشي أي مكان
لذلك برجع و أقول جغرافيا المكان ليها اثرها السلبي علي العلاقات الزوجية
| |
|
|
|
|
|
|
|
|
|
Re: للمتزوجين فقط.. ( بعض الأوكسجـــــــين يا سيدتى ) (Re: يحي قباني)
|
| Quote: المهم اتت زوجته من السودان وكان معدما النفس لا تتنفس بصوت عالي الا باذنه حتى ظننا انه ربح البيعة |
الفاضل حسين نوباتيا
وحياتك الكاوتش إلا تسألها هي منو ... ههههه
عارف قصة صاحبك دي المشكلة فيها السطر إلانا اقتبسته فوق ده ....
نفس شنو و معدمها شنو ... دى بيعة خسرانه و هو الخسرها بايده
احترام المرأه لزوجها من احترامه ليها واحترامه لنفسه ... و هيبة الرجل في سيطرته علي انفعالاته
صاحبك ده موضوعه انتهي وقول ليهو هاردلك ... بنات حوا كان استلموا القيادة تاني جن احمر ما بفكهم
| |
|
|
|
|
|
|
| |
يحي قباني
رأفت ميلاد
محمد مصطفي مجذوب
Afraa Sanad
حسين نوباتيا
فيس بوك
تويتر
انستقرام
يوتيوب
بنتيريست