من واقع إستبيان على عينة (عشوائية) في رواكيب سوق محطة (8)* ... الواضح إنك غير مكروه وربما كثير من الشعب مازال يأمل في أنك يوماً ما ستقوم بفعل ما ... لصالح البلد
ـــــــ رواكيب سوق (8) وصف للتسهيل للأجهزة الامنية عشان كمان ما يضيع مال البلد في البحث عنّي ... تبقى (ميتة) لي و(خراب ديار) للبلد ... لايجوز !!
09-29-2012, 03:40 PM
Ahmed musa Ahmed musa
تاريخ التسجيل: 07-08-2007
مجموع المشاركات: 16669
والبقولوا ليك الفيل يا مالك الزمان دايرلو رفيقة بنافقوك وبنافقو وطن كامل ... (الشعب) يريد تغيير النظام .... المرقوا كويسين ... إنجلدوا ورجعوا كعبين يا ـــ ملك الزمان ـــ القاعدين في حجورهن وحجورهم ...رافعين الأيادي ويا ويلنا من ذاك الكتاب الذي لا يغادر صغيرة ولا كبيرة إلا احصاها ...
09-29-2012, 03:45 PM
عماد الشبلي عماد الشبلي
تاريخ التسجيل: 06-08-2008
مجموع المشاركات: 8645
هل قرأت اخي الريّس للعوض المسلمي زمان .؟؟ ... هل قرأت له الآن ..؟؟ العوض المسلمي ...سوداني ... مخلص ..نشهد له بهذا ... دافع مثل كُثُر عن النظام هل قرأت له الآن ..؟؟ هل قرأت لكثيرين خنق اليأس أنفاسهم فلم يجدوا ملجأ إلا الصياح بأن لا .... العوض ...شخص .... لا يُسمن ولا يُغني من دعم ... ولكنه نموذج لفئة صارت تتسرب من بين أكف النظام سيقول لك المخلفون من الاعراب (أه... مالنا والعوض ..؟!!) ...... ......وسيقولون لك (النظام ياملك الزمان دايرلوا رفيق ) .!!! .......
ــــــــــــ أخبرني أحدهم عن ضيقكم عند ازمة كهرباء سابقة وكان الدنيا صيف .... وكم نجمات حُنان كان ذلك المُخبر سعيداً بصدق خروج ضيقك في مناسبة عزاء والد احد الوزراء ... فسعدت أنا وهذا ما حفّزني لان أفترع هذا الخيط مُبرئاً ذمتي .... حين يفرُّ المرء من اخيه وأُمه وأبيه وصاحبته وبنيه
09-29-2012, 04:23 PM
Ahmed musa Ahmed musa
تاريخ التسجيل: 07-08-2007
مجموع المشاركات: 16669
حين تقوم الساعة وناتي كما ولدتنا أمهاتنا .... ويجئ العزيز الجبّار ويُنادي (لمن المُلك اليوم) .... حينها يخر الجبابرة والملوك والحُكام سُجّداً وهم يهمهون (لله الواحد القهّار) .... حينها ستاتي وحدك وعملك ... فقط ... وشفاعة شفيع الأُمّة ... لن تجد مكتباً قيادياً ولا شورى الحزب ولا أولئك المخلفون من الأحزاب ... وشفيع الأُمة لأجل شفاعته خط خارطة طريق للحُكام (اللهم من شق على أُمّتي فأشقق عليه) نسأل الله لك ولنا الخروج من براثن هذا الدُعاء .... للحبيب المُصطفى .... والدخول بشفاعته وحينها ربما لن تجد من مستشاريك إلّانا وعدد من (أعداء الأمّة) .... الذين قالوا أن الفيل قد خرب الزرع والضرع ....
09-29-2012, 06:16 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
يا مولانا ما تشكّر لينا راكوبة البشير في الخريف الجاي علينا هو المسؤول الأول قدام الله عن الكذب و التجارة بإسمه دا غير الحلايف الكاذبة وهو المسؤول قدام شعبه عن الأخطاء العظيمة التي اضاعت ارواح و موارد البلد في حروب كان يمكن تجنبها بإتفاقيات الغاها هو نفسه ليأتي ليوقع عليها بعد هلاك المئات وهو المسؤول عن عزلة السودان وسط الأمم بشعارات كانوا هم أول من خالفوها و باعوا رفقاؤهم فيها للشيطان الذي ادعوا محاربته وهو المسؤول عن انتشار الفساد بسبب تغاضيه عن محاسبة من كشفتهم الصدفة بل و ترقيتهم ياخ نقول شنو ولاّ شنو المهم البشير غازي عودو في أي مصيبة او كارثة حاقت بالبلد و تسببت في ضيق الحال الذي نعانيه الآن و إن كان للبشير حسنة فهي حسن ظني شجاعته في تحمل مسؤوليته امام التاريخ عن كل ما جرى فما تلّيسها في معاونيه و من حوله
09-29-2012, 07:10 PM
Ahmed musa Ahmed musa
تاريخ التسجيل: 07-08-2007
مجموع المشاركات: 16669
ود البشري صاحبي ...شكلك كدة قفّلت على البوست ... :) أنا قصدي إنو الريّس عمل إنقلابين ...الاول في يونيو 89 والتاني إنقلاب القصر في رمضان ... الآن هنالك ظروف مواتية للإنقلاب الثالث الإنقلابين أوضحوا إنه ملول ناحية الاوضاع المدغمسة والان الوضع مدغمس اكتر من ايام الاحزاب واكتر من ايام الريسين اذن (شخصيته) + الوضع = إنقلاب ثالث .... نقول يااااااارب ..؟!
... ... ... وإنظر أخي الرئيس لإخوتك ...في التنظيم ...وإخوتك ...الاشقاء أين كانو .. وأين صاروا .... إسال مدير امنك الإقتصادي , إغلق عليه باب مكتبك وافتح له صدرا وأسأله ...سيخبرك بكل دقائق التغييرات التي حدثت لهؤلاء قُم بما قام به الفاروق مع واليه عمرو بن العاص ...خذ (نصف) اموالهم تطهرهم بها ..هنا ..وهناك ...
09-29-2012, 07:46 PM
حمد عبد الغفار عمر حمد عبد الغفار عمر
تاريخ التسجيل: 06-06-2008
مجموع المشاركات: 7662
Quote: الإنقلابين أوضحوا إنه ملول ناحية الاوضاع المدغمسة
ما ياهو دا شكّير راكوبة الخريف زاتها يا أحمد ياخي خليك من الفساد و الحلايف الكاذبة وغيرو وغيرو فقط الغاء اتفاق 28 يونيو و الدماء السالت بسبب الإلغاء دا و الإحتمالية الكبيرة انو يرجع ليه نفسه ويوقعو تاني من يتحمل مسؤوليته سوى البشير انقلاب تالت بتاع فنيلتك يا قول كيكي يا احمد, ياخي البشير ما فضل ليه شي يقدمه سوى الفشل و المزيد منه كدي حاول زول تاني
09-29-2012, 08:55 PM
Ahmed musa Ahmed musa
تاريخ التسجيل: 07-08-2007
مجموع المشاركات: 16669
انقلاب تالت بتاع فنيلتك يا قول كيكي يا احمد, ياخي البشير ما فضل ليه شي يقدمه سوى الفشل و المزيد منه كدي حاول زول تاني
ــــــــــــــــــــ أهاااااااااا دي العوجة زاتها ..!!! يعني بكرة بعد بكرة نبقى في .... منظمة العفو الدولية تتباع بقلق شديد محاكمة محامي سوداني ..!!! وإنتو تبقوا ناس up ....؟! يازول خلينا في ريسنا ...زي ماقال عادل إمام والنعمة إنت كويس ..!
09-30-2012, 04:27 AM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1272
عشان كدي ، اجابة ليست بالرجم ، للسؤال الاتي يعني لو قلبها حيجيب منو؟ ما واحد من اتنين - يا اخو مسلم جناح الحركة الاسلامية -يا اخو مسلم جناح المؤتمر الوطني - ويا اخ مسلم جناح امجكو.. الحقوق محفوظة للدعاية التلفزيونية (اكتر خمس دول بيتكلم معاخا االسودانيون اربعة، مصر والسعودية والامارات) محبتي
09-30-2012, 02:00 PM
Ahmed musa Ahmed musa
تاريخ التسجيل: 07-08-2007
مجموع المشاركات: 16669
ويجي جيل جديد من أبناء البلد يصلح ما خربه الآباء والأجداد.
ــــــــــــــــــــــــــــــــــ ده العمى بنية الكُحُل ظاااتو يا هاني ,... يعني هسع انا وانت وبقية البورداب والوردابيات لازمن نموت عشان البلد تنصلح .؟!! يازول كان كدة عنّها ما إنصلحت يازول ...خليها مدغمسة كدة وخلينا عايشين ....
09-30-2012, 02:30 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
لا يا مولانا قمة اليأس ياهو بوستك دا البتطلب فيه الفرج ممن تسبب في الضيق من الأساس وأن تحسب الشحم في من شحمه ورم الأمل في رفضنا التغيير للأسوأ أو على يد الأسوأ حوا والدة يا مولانا و زي ما ربنا ابتلانا بديل من مافي كمان بكرمنا بغيرهم من مافي برضك
09-30-2012, 03:18 PM
Ahmed musa Ahmed musa
تاريخ التسجيل: 07-08-2007
مجموع المشاركات: 16669
تعرف يا ود البشرى أنا بداياتي كانت زي الإسلامية ...كيف ..؟! كنا في المتوسطة بري الأميرية وكان في قروب بصلي بعد الحصص بعدها جانا وحيد إقترح نعمل ميشنس ....كل واحد يجيب حاجة من السيرة اهاااااااا كسحنا ..... جاني أستاذ إسمه بخيت وكنت مشهور في المدرسة لاني كنت في جمعية المسرح ... سالني ديل منو البصلوا معاكم ديل .؟!! إستغربت .... هل ممكن اكون خاين ..؟!!!!!! الأستاذ ده بي جدّه .؟!! وشكله كان بي جدّه ........ جلدني (17) سوط لمان اموت ما حأنساهم كل سوط بسؤال .... دي منو ...واقول ماعارف (كانت بتشبه عندي أُحدٌ أُحد) ..:) لم حصل السوط الـ(17) الما حانساه أبداً قام أستاذ عوض (برضي ما حأنساه) مسك يده قال ليه حتكتل الود ده (الود ده انا حينها) ...هو لو عارفهم كان وراك مافي زول في عمره بتحمل جلد قدر ده وكنت صغير الحجم ....كبير الإحساس بأخواني .............................وجاييك لسبب البوست ........................ (أكون كوز) .؟!!
09-30-2012, 03:28 PM
Ahmed musa Ahmed musa
تاريخ التسجيل: 07-08-2007
مجموع المشاركات: 16669
اهااااااااااا ...بعد الجلدة المكرّبة دي مرقت ...إتلقوني وحيد عثمان وخالد صالح سألوني ...حكيت .... سألوني .... حكيت .......سألوني .....حكيت ..... قالوا خلاص الوضع بقى خطر ...نحن مفروض ننقل (نشاطنا) الجامع الجنب المدرسة ونقلناه ..... وقالوا ننقلو للبيوت ونعمل حاجة كدة نسميها (أسرة) عملناها وكنا كل مرة نجتمع في بيت الكلام ده كان متين ..؟!!!! كان في التمانينات ....(طبعا حيجوك ناس أحمد داير يتلصق وما إلى ذلك) والتلصّق تهمة لا أنكرها وشرف لا ادعيه ...فانا الآن احس اكتر من كثيرين ان النظام يعيش عصر (المنسأة) وقد كتبت عن ذلك مقال ساجلبه هنا ...... (احيانا تحتاج ان تسرد وتدافع بنفس الكبيورد..!!) ........ أنا الآن يا ود البشرى في مكان لا يقبلني فيه الحاكم ولا المعارض ولا يطمئن كلاهما لي .... (وانا سعيد بذلك) .. ........ (فأنا أشعر كطائر يطير حيثما أراد )...............
09-30-2012, 03:44 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
طيب يا احمد وقت الكلام جاب الكلام هل النظام الحالي ورموزه من البشير و نافع و عبد الرحيم إلى أدنى فرد امن لا يتورع عن انتهاك حرمات المسلمين و انسانيتهم هل ديل هم الحركة الإسلامية ؟ هل ديل يمثلوا اشواقكم الزمن داك لقولة أن تكون كلمة الله هي العليا هل ديل بشبهوا من اجتمعتم على محبة الله و خاويتوهم فيه هل ديل و لدنياهم ولأجل ان يحكموا ويفسدوا استشهد الذين صدقوا ما عاهدوا الله عليه وتركوا الدنيا و المناصب والجاه و ربحوا بيعهم بإذن الله يا خوي ديل ناس دنيا ساي لا مشروع و لا منهج و لا فكرة و حتى دنياهم دي ما أجادوها وأخلصوا ونجحوا فيها بل فسدوا وأفسدوا وفشلوا و ظلموا الله حرّم الظلم على نفسه فما بالك بمن يظلم بإسمه الناس ديل خادعونا و خدعونا باسم الدين و اسم الله وما اجادوا الخداع ولا تابوا عنه
09-30-2012, 05:19 PM
Ahmed musa Ahmed musa
تاريخ التسجيل: 07-08-2007
مجموع المشاركات: 16669
طيب يا احمد وقت الكلام جاب الكلام هل النظام الحالي ورموزه من البشير و نافع و عبد الرحيم إلى أدنى فرد امن لا يتورع عن انتهاك حرمات المسلمين و انسانيتهم هل ديل هم الحركة الإسلامية ؟ هل ديل يمثلوا اشواقكم الزمن داك لقولة أن تكون كلمة الله هي العليا هل ديل بشبهوا من اجتمعتم على محبة الله و خاويتوهم فيه هل ديل و لدنياهم ولأجل ان يحكموا ويفسدوا استشهد الذين صدقوا ما عاهدوا الله عليه وتركوا الدنيا و المناصب والجاه و ربحوا بيعهم بإذن الله يا خوي ديل ناس دنيا ساي لا مشروع و لا منهج و لا فكرة و حتى دنياهم دي ما أجادوها وأخلصوا ونجحوا فيها بل فسدوا وأفسدوا وفشلوا و ظلموا الله حرّم الظلم على نفسه فما بالك بمن يظلم بإسمه الناس ديل خادعونا و خدعونا باسم الدين و اسم الله وما اجادوا الخداع ولا تابوا عنه
ـــــــــــــــــــــــــــــــــــــــــــــــــ أبوحميد ...أخوك ما وصل مرحلة لا لدنيا قد عملنا دي ...نحن ناس متوسطة وفي الثانوي بقينا ناس مسرح وثقافة و(اظن).. (واعتقد) ... (وزي في الحتة دي ) بقينا في حتة وسط بين اليمين واليسار وأقرب لليسار بحكم إحترامه لمانقوم به مقابل يمين بعتقد إننا صعاليك ... !!! دي المرحلة الفارقة في حياة أخوكـ ... (والله يا محمد ده اكتر بوست يعجبني متخيل ليك نحن قاعدين في طرف بحر وبنشرب قهوة وندردش) ...... أها دي نقطة فارقة في الحركة الإسلامية عدم إهتمامها المبكر بالثقافة والفنون لمعضلة فكرية .......ولمن إهتمت بهم إهتمت بهم بطريق خاطئ ...... ماعلينا ........نرجع فلاش باكــــ للجامع ........... و(النشاط الديني) ...
09-30-2012, 05:43 PM
Ahmed musa Ahmed musa
تاريخ التسجيل: 07-08-2007
مجموع المشاركات: 16669
في نهاية السنة الثانية من المرحلة المتوسطة جمعنا (وحيد عثمان) وهو يستعد لإمتحانات المرحلة المتوسطة وكان (وحيد) هو المسئول عن مجموعتنا .... واخبرنا بضرورة إختيار بديل له .... قال بإختيار(أمير) .... أعجبني المُسمّى .....وحصل ترشيح وتم ترشيحنا أنا و(خالد صالح) ... وفاز (خالد) بالامارة .... علينا وواصلنا اللقاءات المسائية بالبيوت والتعريف ... من الأشياء التي لم أكن احبها طريقة التعارف ... بسم الله الرحمن الرحيم أخوكم في الله أحمد موسى أخوكم في الله أحمد موسى (لم أكن أعرف لم الترديد للإسم) ولم الإصرار على كلمة أخوكم في الله .... فكنت أعتقد أن الأخوة في الله شعور وليس لفظ نقوم بترديده كأننا نشك في الامر
طالما في السودان من يسبحون بحمد سيدهم الرئيس ليلا في الصحوة والمنام والغفوة, بالسر والجهر. فحتما سيبقي ذلك الريس في كرسيه مطمئنا حتي ولو خالفه خاله ومنبره السلادل!! الريس عمره لم يقل ما قاله عند القاء كلمته عن الاتفاق او كما قال احد الاخوة هنا منذ القاء الريس للبيان الاول. فربما توجه الريس بقلبه لله ويريد التوبة وحسن الخاتمة!! فان صدقناه في اسوا ما لم نتخيله لماذا لا نعطيه فرصه ثلاثة اشهر, شهرين انتقالية لتصدير النفط وشهر واحد لرؤية اين سيذهب ذلك المرتب. وليكن الحساب بعده مثني وثلاث ورباع, مع الاحتفاظ بحق التوغل لابعد الحدود... ونتمني للريس توبة ناصحة!! فموت الرؤساء طبيعيا ارحم من اذلالهم في المحاكم قتلهم كالثعابين السامة رغم توسلاتهم التي تتقطع لها كل ذي قلي رؤوف.
10-01-2012, 09:00 AM
Ahmed musa Ahmed musa
تاريخ التسجيل: 07-08-2007
مجموع المشاركات: 16669
الريس عمره لم يقل ما قاله عند القاء كلمته عن الاتفاق او كما قال احد الاخوة هنا منذ القاء الريس للبيان الاول. فربما توجه الريس بقلبه لله ويريد التوبة وحسن الخاتمة!! فان صدقناه في اسوا ما لم نتخيله لماذا لا نعطيه فرصه ثلاثة اشهر, شهرين انتقالية لتصدير النفط وشهر واحد لرؤية اين سيذهب ذلك المرتب.
ــــــــــــــــــــــــــــــــ البينو البينو ابراهيم اكون .... ده البحاول اقوله ....طالما هنالك بدايات نخليها تكتمل ونحرض الرئيس لاحداث تغيير حقيقي يتسق والحق بمحاربة الفساد ...فالاخوة الحقيقية هي اخوة الحق ما اخوة التنظيم واطلاق الحريات فقد ولدتنا امهاتنا احراراً والمساواة كاسنان المشط إلا بالتقوى والتقوى هنا هي تقوى الله وتقوى الوطن ده لو فهمتك صاح ..!!!
10-01-2012, 09:50 AM
محمد أبوالعزائم أبوالريش محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
محمد أبوالعزائم أبوالريش ... أنقلاب القصر مطلوب وسيجد التأييد ... لو عالج عصب القضية ... فرغبات الشعب تختلف عن رغبات كثير من القوى السياسية رغبات في حياة كريمة وفي الحق في الحرية والعدالة والمساواة لا يهتم بالحاكم .... القُوى السياسية ترغب في (إزالة) النظام ولو أنزل المن والسلوى للشعب القُوى السياسية تدافع عن حقها في الحُكم من خلال دفاعها عن حقوق الشعب لانقُول بأنها لا ترغب في تهيئة بيئة أفضل للعيش ولكنها لا تضمن تلك البيئة إلا من خلال إدارتها هي للدولة .... وهذا أمر طبيعي .... ضيق الحال ...تفشي الفساد الظاهر للعيان ... كبت الحريات ... المحاباة في المعاملات...تجعل المعارضة والشعب على قلب رجل واحد ...... (أتعجبُ لمن لا يجد قوت يومه ولا يقطع الطُرقات) .......
10-01-2012, 12:07 PM
Ahmed musa Ahmed musa
تاريخ التسجيل: 07-08-2007
مجموع المشاركات: 16669
بالعودة لأخوي ود البشرى ....أقول أننا صرنا نبحث عن التعاليم الإسلامية في المعاملات فلا نجد إلا سراباً وشعارات مهترئة مثعلّقة على بنايات شاهقة ...تتنظر رجوه الشياطين تعيدها لأرض الواقع ...... فالكبرياء لله عز وجل .....{وله الكبرياء في السماوات والأرض وهو العزيز الحكيم }. فمهما تطاوّلت المباني والعمارات السوامق وقوله الحق {ولا تمش في الأرض مرحا إنك لن تخرق الأرض ولن تبلغ الجبال طولا } . للحُكام ...وللمسئولين ... أولياء الأُمور ...لمن اراد ان يرفع كلمة الله لأن تكون هي العُليا ... لا تمشو في الأرض مرحين ..... وامامكم الموتيسيكلات بأصواتها العالية كأنها تقول (لقد بلغنا الجبال طولا وزدنا عليها شئ قليل) ......... هل نحلم بيتوبية فجّة ورومانسية جماهيرية بوزراء يمشون في الأسواق وياكلون (الطعام) ..؟!!!........
10-02-2012, 05:44 PM
Ahmed musa Ahmed musa
تاريخ التسجيل: 07-08-2007
مجموع المشاركات: 16669
لسبب ما تذكرت مثل سوداني قديم يقول "الضو ما بيقولوا سو"
المصائب كثيرة يا راعي البوست: إذا البشير ما عارف الكلام البتقول فيه دا فدي مصيبة وأما إذا كان عارف وما داير يغير فالمصيبة أكبر أما إذا كان عارف وما قادر يغير فالمصيبة أكبر بما لا يقاس
10-02-2012, 09:58 PM
Ahmed musa Ahmed musa
تاريخ التسجيل: 07-08-2007
مجموع المشاركات: 16669
علي العموم فكرة الأمير الطيب والبطانة الفاسدة قصة قديمة قدم التاريخ وهي إحدي حيل سيكولوجية يلجأ إليها المغبونون المغلوب علي أمرهم ألخص ليك الموضوع إقناع أمير (الطيب) بالتخلي عن البطانة (الفاسدة) (والتي هي طبعا عزوته وسبب بقاءه في السلطة كل هذه الأعوام الكالحات ) أسهل منه الثورة عليهما معا
فالله ينصر الدولة العادلة ولو كانت كافرة ولا ينصر الدولة الفاسدة ولو كانت مسلمة
أو كما قال
10-05-2012, 06:08 AM
Ahmed musa Ahmed musa
تاريخ التسجيل: 07-08-2007
مجموع المشاركات: 16669
فالله ينصر الدولة العادلة ولو كانت كافرة ولا ينصر الدولة الفاسدة ولو كانت مسلمة
ـــــــــــــــــــ بالضبط كدة Nasr أخوي وقناعتي إن العدالة مفقودة حالياً ولو فشل الأمير (الطيب) في التخلص من البطانة (الفاسدة) فإن الشعب وللتخلص من البطانة الفاسدة سيتخلص لا محالة من الأمبر ... ولو كان طيّب
10-05-2012, 02:37 PM
Ahmed musa Ahmed musa
تاريخ التسجيل: 07-08-2007
مجموع المشاركات: 16669
مرات تقوم نص الليل وتعاين للعرش تحاول تقده وتعاين للسماء وتدعو يااااااارب ..... من من تؤتي الملك من تشاء و[ B]تنزع الملك ممن تشاء اللهم أنزع الملك من كل طاغي ومن كل فرعون ومن كل متجبر اللهم ان كان رئيسنا متكبر وفرعون متجبر فانت اعلم به اللهم ان كان كذلك فانزع الملك منه نزع عزيز مقتدر اللهم ان كنت تجري الخير على يديه فاجره على يديه واهده اللهم ان كنت ترى ان الخير في غيره فآته الملك ... اميييييييين
10-06-2012, 01:07 AM
عبد المنعم عبدالله عبد المنعم عبدالله
تاريخ التسجيل: 11-26-2004
مجموع المشاركات: 401
ود موسي كليم الله ما تقول لي كلامك ده من الخرتوم من الداخل والله لو من الداخل. انت راجل فوق الحد ولماذا يشتكي الطيب خال الرئيس من الرقابة والقبلية والطيب خال الرئيس معارض فقط اتفاقية الشيرتون وانت تتكلم وترقي عن الخورنق وسرير البشير لو صحىي توفر سقف حريات قدر ده بان مثل طرحك يجاز قبليا لكاتبه من العموم سياسة عامة لابناء ادم مش هبة لك واخرين والاجازة للنشر تتحكم فيها بن موسي وقبيلته السياسية ولونه وجنسو لدرجة هواياتو بس اظل اردد قصة الديك العوعاعي والبصلة البحمرو فيها وكل بن ادم وان طالت ٠٠٠٠٠ في الة حدباء محمول ولا يخلد بشر الا بذكراه الجميلة وشكرا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Ahmed musa
عماد الشبلي
محمد البشرى الخضر
حمد عبد الغفار عمر
جمال المنصوري
Hani Arabi Mohamed
Albino Akoon Ibrahim Akoon
محمد أبوالعزائم أبوالريش
Nasr
عبد المنعم عبدالله
فيس بوك
تويتر
انستقرام
يوتيوب
بنتيريست