|
كتب الكاتب الفاتح جبرا المتوفرة بمعرض الدوحة
|
|
 Re: كورة الأمل عطبرة دي كانت ملعوبة وووين ..؟ (Re: عبد الباقي الجيلي)
|
| Quote: هي فلسفة الاستعانة بصديق يا تامبا ...!!!! |
يعني دي سياسة الصديق وقت الضيق يا بقــة ..؟
الغريبة درون الامل الامس دا .. طلع ليهو كمية كدا من اليوزرات من الموسم دا بدا انا ما قريت ليها حاجة هنـا
معقولة اصبحت اقصى احتمالات الفلاسفة ديل بقت انو يشوفو ليهم تيم يدرن مع الهلال يا تكون عندو كورتين تلاتة يدقو في العراضة ..؟
اها
اكان لقو ليهم فريق جاب في الهلال دا قون وانتهت عليهم الكورة .. يعني بكرة الصباح يجو يعملو مظاهرات ويقلع الموقع دا من بكري ابوبكري هيم سيلف ؟؟
..
المسمار في أرض الخصم بيتحسب بي كم تعادل يا بقــة ..؟
اووعه تقولي بي تلاتة درونات .. والله كدا ازعل منك
| |
  
|
|
|
|
|
|
|
|
Re: كورة الأمل عطبرة دي كانت ملعوبة وووين ..؟ (Re: محمد البشرى الخضر)
|
Quote: كل ما الهلال يفقد نقطة تلقاهم بداعو في ريكاردو
لسة تاني درون كمان وبعد دا الدوري حقنا |
والله يا ود البشرى الثقالة بتاعت ناس الهلال دي انا عارفه كويس ..
يفرحو ليك الجماعة ديل .. وفي اللفـة يكلفتوهم ليك بي خماسية سداسية في اقرب فريق يقفلو بيهو الموسم وباقي المباريات يتموها غلاط .. والكور الباقية تبقى مسييييخة
يعني حسع دي اكان الهلال الكورة الجاية قام رشـة ليك الجماعة ديل قووول بي مسمار زي مسامر بشـة دا ـ أو زي مسمار الأمل بتاع اغنية الجرح جرحي براي .. بتضمن لي الجماعة ديل ما ح يخرخرو ..؟
..
إنت الزول البغني الأغنية بتاعت مسكين انـا ديك اسمو منـو ؟؟
والله فعلا مساكين ..
يرشوهم يفتشو لي الزول الرشاهم عشان يرش ليهم الرشاهم بي مسمار رشـة حارة جدا ..
| |
|
|
|
|
|
|
|
|
|
Re: كورة الأمل عطبرة دي كانت ملعوبة وووين ..؟ (Re: tmbis)
|
قانون نيوتن الثالث هو من قوانين الحركة التي قام بجهجهة العباد بها هذا النيوتن ..
وينص القانون على انو:
لأي مسمار مغنطيس .. المغنطيس دا لو ما خليت ليهو بالك .. عااادي جدا بخليك تعمل فيها رايح وما تظهر إلا لما الهلال يدرنو معاهو ..
الكلام الفوق دا كاتبو اسحق نيوتن طبعا ..
امـا كلام سقراط الحكيم فكان واضح جدا ..
حيث ذكر في احدى حكمـه الشهيرة .. ابان موسم من المواسم الكرويـة في السودان .
ذكر ما معناهو انو لما الهلال كان لاعب مع الخرطوم اتنين .. لما الوكت داك كان اسمه الخرتوم اتنين .. وتم فيها الرشـة الشهيرة بتاعت الكيلـة بتاعت الاقوان ..
قام سقراط الحكيم من استاد الهلال صرح بي حكمتـه الشهيرة.. اولاد الخرتوم اتنين كانو فاتحين لي ناس الهلال ..
امـا
جالليلووو .. فقد اثبت مما لا يدع مجالا للشك .. انو هدف سانية الاخير في الدقيقة كم واربعين كدا الزوووط بتاع التعادل
اثبت جالليلة انو الكورة ما كانت مدورة . الكورة دي كانت مغلووظــة عشان كدا الحضري ما شافـة ..
..
السوؤال بتاع الحلقــة :
إنتو المريخاب القاعدين يختفو ويظهرو لما الهلال يدرن .. فترة الاختفاء دي بكونو عايشين فيها كيف ..؟
اقصد من ناحية النفسيات ..؟
من النواحي الغذائية ..؟
من النواحي السلوكية .. وإلخ ..؟
اشكر السادة .. نيوتن .. وسقراط وجالليلوو .. والله لو كنتو معانا وشفتو البعملو فوقو الصفوة الايامات دي .. كان بطلتو نظريات وفلسفـة ..
كان تقعدو تتفرجو واحتمال كبير تطقعو .. وتكسرو كراسي ..
| |
|
|
|
|
|
|
|
|
|
Re: كورة الأمل عطبرة دي كانت ملعوبة وووين ..؟ (Re: وليد عبد اللطيف)
|
| Quote: تمبس بما انك هلالابي انت غارزيتو دا جادي دا شنو البعمل فيهو دا |
يا وليد ..
البعمل فيهو غارزيتو دا ما بيطلع من الآتي :
1- وصل إلى مرحلة غرور توهم بعدها انو بواسطة الهجوم الضارب العندو .. ممكن في اي لحظة يغير النتيجة لذلك في المباراة السابقة مبارة الخرطوم احتفظ بالهجوم .. والاوراق الرابحـة .. ودفع بهم دفعة واحدة في الوقت الذي شرب فيه الجهاز الفني للخرطوم نظرية غارتيو .. واصبح ورقة مكشوفة
2- توهم انو اي لاعب بالكنبة يمكن ان يدخل الملعب ويؤدي مباراة كبيرة .. وان التغيير دفعة واحدة يرهب ويضعف ويربك ويشل خطة المدرب الخصم .
3- توهم غارزيتو بأن بعض اللعيبة الذين يصر على المجازفة بهم وصناعتهم الان في خواتيم الدوري هم افضل من غيرهم ولذلك يصر على الاحتفاظ بهم في حين انهم اثبتو فشلهم في اكتر من موضع . (ايكانغا + الطاهر حماد) خارج القوس محمد أحمد الذي لم تتضح هويته حتى الان.
..
تناسى هذا الغارزيتو في ظل هذه الحماقة التي اتبعها في المباراتين الكارثتين انه :
معظم الفرق التي سيواجهها تسعىت جاهدة اما للصعود إلى الاعلى في المراتب الاولى .. أو الهروب من منطقة الخطر فلابد من الظهور امام الهلال بشكل من لا يخشى ان يفقد شي
تناسى ايضا .. ان الهلال المتصدر لروليت الدوري .. ويسعى لحسم البطولة من خلال اقرب مباراتين .. سيواجه فرق اقل احتمالاتها انها تعرقل مسيرة الهلال حتى تكتب لنفسها مجدا .. وذلك بعد ان فشل المريخ في ان يحافظ على انتصاره على الهلال ..
تناسى ايضا ان الكثير من اللعيبة الذين سيواجههم في الفرق الاخرى لعبوا بالهلال .. وسياتون لإثبات الذات او الثار المبيت .. وهذا ما فعله بالضبط سامي عبد الله بالأمس .. اضف لذلك ان الفرصة الآن مؤاتية للكثير من اللعيبة الخصوم لاثبات جدارتهم امام هجوم الهلال الضارب سوا ان كان ذلك بالعنف او بالعنف ..
سعي بقية الفرق المتبقية لتحقيق انجاز عجز فيه المريخ من تحقيقه واستغل الكثير من المدربين فرصة دفاعات الهلال المتراخية والمستوى المهزوز الذي اصبح واضح ويغري الكثير من اللاعبين تسجيل اهداف او حتى جهجهة دفاعات الهلال .. وهذا ما جا به الخرطوم الذي اعاد ترتيب صفوفه .. ليظهر لاعب واحد ويتلاعب بدفاع الهلا ويحرز هدفا .
الشي الواضح جدا هو أن ما يحدث الان من المدرب غارزيتو ما هو إلا انعكاسات ما يحدث ما بين قاعدة الهلال التشجيعية التي هتفت ضده .. وبين ما يحدث بينه وبين اكثر من لاعب بالهلال نتيجة انعكاسات مشكلة هيثم مصطفى ..
من المستفيد من كل ذلك :
اقرب المرشحين الذين يسعون بقوة من النيل من الهلال في بطولة الدوري الممتاز .. أو الكونفدرالية .. وهو النقد التقليدي .. المريخ
لكن بكل الحسابات .. لن يترك الحبل على القارب من اجل ان يعمل غارزيتو وفق خياله ..
مباراة ا لامس كانت بداية النهاية للمستوى المهزوز .. ولاستهتارات غارزيتو .. وناقوس الخطر الذي سيطيح بكل ما هو يعمل ضد الهلال وضد مصلحة الهلال .
| |
|
|
|
|
|
|
|
|
|
Re: كورة الأمل عطبرة دي كانت ملعوبة وووين ..؟ (Re: Ashraf el-Halabi)
|
داير الجد يا حلبي ..؟
والله انا القدامك دا الدلفنـه دي حارقاني ..
قووون في وكت زي دا .. حار النصيحة ليك يا الله بجيك وتسالني ..
والله انا يجيبو فيني قوون زي دا في وكت زي دا .. الهلال دا كان درن مع برشلونـة .. اجي ادق جرسو هنا دا .. وانادي كمان معاي بقية المساكين البكونو مدسوسين من بداية الدوري ..
عارف يا حلبي الوكـت الجاب فوقو الدلفين القون دا بكون المعلق في الرادي بقول شنـو ..؟
بقول:
نستهل هذه الفرصة لنشكر التيم الناقل للمباراة ..
من الاستديوهات الرئيسية .. منو كدا ما عارف ..
مايكروييف فلان الفتركاني ..
هندسة اذاعية الريح عووض ..
من الاستديو .. اكرام منو كدا ما عارف ..
..
ياخ اقوليك حاجة ..؟
المعلق زاتو اتخلع من الدلفنـه دي وقعد يتفرج تقولي الجماعة ما يزعلو ..؟
| |
|
|
|
|
|
|
|
|
 Re: كورة الأمل عطبرة دي كانت ملعوبة وووين ..؟ (Re: tmbis)
|
| Quote: إنت الزول البغني الأغنية بتاعت مسكين انـا ديك اسمو منـو ؟؟ |
مصطفي مضوي يا تمبس...
بلاي رشهم الجماعة ديل...
يشيلو ويبحتو في ...الجرايد
والمواقع....ويجيبو في القوالة...
غارزيتو قال...وهيثم قال...والبرير قال ...وجماهير الهلال قالت...
بعد ما قفلوا موضوع الدوري ودسو المفتاح في طابق شاخور
وقالوا يستعدوا للكونفدرالية...
قاموا تااااااااااني مشوا يفتشوا في المفتاح...
| |
|
|
|
|
|
|
|
|
 Re: كورة الأمل عطبرة دي كانت ملعوبة وووين ..؟ (Re: الصادق صديق سلمان)
|
Quote: صدقني زووووول منهم بجيك بي جاي مافي
ولا واحد منهم ما بجيك
خلينا نعوم في حقنا دا برانا |
والله يا الصادق عوم عوامتك ساكت الحبه دي ما بتجيك ..
جماعتك ديل عايزين .. يدخلو راسم دا بالرجاله في الطاقية الممحوقة دي .. ياخ هم ناس اترشو اول اسبوع في الدوري .. اترشو رشة كدا مؤسسة في حلتم .. مسمار قدرما نططو ما قدرو على علاجو .. وجايين عايزين المسمار الاخدوهو .. عايزين الهلال ياخدو من الامل
هم قايلين .. الهلال دا هامل ليهم ساكت ..
ياخ ديل وصلت بيهم الحالة انهم يفرحو ويفتحو البوستات مجرد ما الهلال تعادل مع فريق ما
معقولة ..؟
اها نفس الشفافية دي .. عايزين نشوفه في مباريات الهلال الجاية ..
والاشف من كدا ما عايزين الحركة بتاعت نحن في المريخ نهوى .. والحنك العاضي داك حالما الهلال يحسم ليهم الدوري بدون هزيمة
يعني هم الان قنعانين من الدوري وعارفين الكلام دا .. بقو في الطريقة بتاعت انو فريق يقوم يمسخ ليهم انجاز الهلال للممتاز بعدما مسخ ليهم سانييية قونم الكانو ح يفلقونا بيهو خمسة ستة مواسم لي قدام .
والله يا الصادق انا بقترح انو بعد ما الهلال يحسم الموسم ..
نعمل لينا معاهم مباراة بتاعت تسليم كاس .. بس على شرط سانيية ما يكون لاعب .. عشان ما يقومو يبكو لينا ساكت
| |
|
|
|
|
|
|
|
|
|
Re: كورة الأمل عطبرة دي كانت ملعوبة وووين ..؟ (Re: nazar hussien)
|
| Quote: مصطفي مضوي يا تمبس... |
ايوة يا نزار ياخ .. دا بتاع : الوليد الضيف غارزيتو كيف ..؟ جيبو لي هدومو القاعده فوق القييييف ..
ذكرني ليك بلال موسى طوالي بتاع : تلاتة سنة .. كنت زمان تصارحني وتقولي ما بريدك انا ما كان انجرح قلبي وما كان انخدعته انـا
اهـا
حسع اصحابك ديل ..بقو ما بين مسكين انا والوليد الضيف غرقتنو كيف ..؟
وكلما غارزيتو يدقس .. تجدهم كما الحال الظاهر ..
يفرحو ويجو ينططو .. ووصلت بهم الهمله والجراءة لي انهم في الفترة ما بين الشوطين يفتحو بوستات تندد بي الهلال
زمان يا نزار ناس اساسي ديل لما الواحد يفتح ليهو بوست بين الشوطين بيكون خاتي جمبو جردل بتاع موية ساقطة .. (ومــوزة) عشان يلولس فيها البوست بتاعو دا عشان تساعدو علي البلع .. قبال ما نجيهو نهاية الكورة نبلعو ليهو .. والله ناس اساسي ديل كان نبلع ليك الواحد البوست وتكتبو تعهد هنا دا تاني ما يكرر حركتو دي وتخليهو يجيب معاهو صورتين عشان تعمل ليهو بطاقة (بلاع) . عشان تاني ما يكرر الحركة بتاعتو دي
بلاي الواحد فيهم تلقاهو الليل كلو يبكي ..
حسع دي قبال ما الشوط التاني ينتهي زي الناس .. بقو يفتحو لينا في البوستات ..
ويتداعو خفافا وثقالا ... وما عارفين الجاي عليهم شنو الايامات الجاية
| |
|
|
|
|
|
|
|
|
|
Re: كورة الأمل عطبرة دي كانت ملعوبة وووين ..؟ (Re: صبري طه)
|
Quote: في حالة تعادل الهلال .. فإنّ هذا يعني في فلسفة من سمّوا أنفسهم بالصفوة
بأنّ الهلال لا يملك فريق وبأنّ الهلال لا يملك مدرّب وبأنّ الهلال لا يملك لاعبين وبأنّ
الهلال لا يملك مجلس إدارة وبأنّ الهلال لا يملك جمهور ... إلخ من الصفويات المقطوعة من الرأس ...
أمّا في حالة خسارة المريخ على مفخرته من نفس الفريق الذي تعادل معه الهلال بعطبرة
.. فإنّ هذا يعني في فلسفة من سمّوا أنفسهم بالصفوة أخطاء ارتكبها المدرّب ريكاردو الهلالابي !!! وريكاردو ضيّع الدوري .. وريكاردو أهداكم الدوري [B]... وكأنّ الدوري غريباً علينا والوصافة جديدة عليهم ...
|
مسخت عليهم باقي مباريات الدوري يا صبري...
هسي الجماعة ديل بعد كلامك دا يواصلو في البحث
عن مفتاح الدوري الدفنوه في طابق شاخور واللا ما يواصلوا؟؟؟؟
| |
|
|
|
|
|
|
|
|
|
Re: كورة الأمل عطبرة دي كانت ملعوبة وووين ..؟ (Re: nazar hussien)
|
| Quote: جماعتك ديل خفاف جدا .. الواحد فيهم تدورو يقعد يطقع فيك بالحجار .. يا كسر ليك الكراسي |
يمين اتعلمناها منكم ....
المهم.....
تشيل الدوري..... تفوز بي حمادة مدغشقر
تغلب عديد ابو عشر ستة وعشرين
كونفدرالية نهي...... نهي ..... نهي
واراهنك ..... دي طاقية مامقاس ريسينكم الغليدة دي
وحلقا ماعندكم ليهو اضان......!!!
يطرشني ماسمعتكم جيتو مطار الخرطوم شايلين ليكم كاس ......؟ سااااااااااااكت
| |
|
|
|
|
|
|
|
|
|
Re: كورة الأمل عطبرة دي كانت ملعوبة وووين ..؟ (Re: haroon diyab)
|
Quote: يطرشني ماسمعتكم جيتو مطار الخرطوم شايلين
ليكم كاس ......؟ سااااااااااااكت
|
نحن الكأسات بنشيلا منكم...انتو ديل...
كأس مانديلا بتاعكم العامل زي بيضة الديك دا ياهو
النزل تصنيفكم وجعلكم وصيفا دائما ...
خلوه اليبقي ليكم درقة لي يوم الدين...
كلما روحكم تحرقكم من فريقكم
أمشو تمروه...وختوه في طابق شاخور
| |
|
|
|
|
|
|
|
|
 Re: كورة الأمل عطبرة دي كانت ملعوبة وووين ..؟ (Re: haroon diyab)
|
| Quote: يمين اتعلمناها منكم .... |
لالا يا هارون .. ما قدر دا كمان ..
نحن ديل الاتعلمنا منكم .. والحاجة الشينة انو مفروض الناس تتعلم الحاجة الكويسة ..
ياخ كيف اتعلمتوها مننا .. ونسيت وتناسيت (طقيعكم) الشهير لي لعيبتكم .. طقيع بي بمبانو .. لو لما تدخل العجب ولطف الله بي عبادو .. والله كان القلعة دي تتحول لي معركة كرري ..
المشكلة حقكم ما بتشوفوهو بتشوفو حق الهلال بس .. والدليل قالولو .. زول مرشوش من الأمل عطبرة من السبوع الأولاني .. يجي الاسبوع الكم وعشرين يهتف للامل المدرنه مع الهلال ..
بقيتو غاية مناكم واماكلم انو الهلال يدرن ليهو مع فريق ..؟
يا لاحلامكم المتواضعة ..
| Quote: واراهنك ..... دي طاقية مامقاس ريسينكم الغليدة دي |
والله البسمع كلامك دا يا هارون .. يقول الكاس دا قافلنو في السيرفر بتاع بكري دا .. وكل سنة بتجيبو فوق .. والبسمع كلامك دا ما يتذكر رشتكم الشهيرة من الحمام الميت الجبتوهو يلعب معاكم في استادكم وقلع منكم الكاس
والبسمع كلامكم دا .. ما يشوف اقوانكم الدخلتوها في نفسكم وشرطو عينا .. انتو كنتو بتجربو في الحضري واللا شنـو..؟
..
يعني حسع دي يا هارون فقدتو الامل في الممتاز .. وبقيتو ناس كونفدرالية ساكت ..؟ ياخ الدوري لسه ما انتهى .. مش قلتو عندكم أمل ..؟
واللا تكونو راجين اهلي شندي عشان يجيب ليكم حقكم .. ويتسدى ليكم قووون سانيييه 
وبالمرة شوف لي معاك دي اووعه تقولي ما متذكرة بزعل منك كدا
| |
|
|
|
|
|
|
|
|
|
Re: كورة الأمل عطبرة دي كانت ملعوبة وووين ..؟ (Re: nazar hussien)
|
Quote: هسي الجماعة ديل بعد كلامك دا يواصلو في البحث
عن مفتاح الدوري الدفنوه في طابق شاخور واللا ما يواصلوا؟؟؟؟ |
والله يا نزار مفتاح الدوري دا إلا يبقى ليهم زي مفتاح الجنة الكنا قاعدين نفتشو في (السحليـة) لما كنا صغار
دوري شنو كمان يا نزار .؟
ياخ هم قادرين (يقحـو) لما يفتشو ليهم لي دوري ..؟
إنت كمان بقيت ما بتعرف حركات المريخـاب لما يروح ليهم الدرب واللا شنــو ..؟
| |
|
|
|
|
|
|
|
|
|
Re: كورة الأمل عطبرة دي كانت ملعوبة وووين ..؟ (Re: صبري طه)
|
Quote: في حالة تعادل الهلال .. فإنّ هذا يعني في فلسفة من سمّوا أنفسهم بالصفوة بأنّ الهلال لا يملك فريق وبأنّ الهلال لا يملك مدرّب وبأنّ الهلال لا يملك لاعبين وبأنّ الهلال لا يملك مجلس إدارة وبأنّ الهلال لا يملك جمهور ... إلخ من الصفويات المقطوعة من الرأس ...
أمّا في حالة خسارة المريخ على مفخرته من نفس الفريق الذي تعادل معه الهلال بعطبرة .. فإنّ هذا يعني في فلسفة من سمّوا أنفسهم بالصفوة أخطاء ارتكبها المدرّب ريكاردو الهلالابي !!! وريكاردو ضيّع الدوري .. وريكاردو أهداكم الدوري ... وكأنّ الدوري غريباً علينا والوصافة جديدة عليهم ... |
ردك دا يا صبري ما حاسي بيهو قاسي شويـة ..؟
والله انا لو كنت تبع الجماعة الجو شجو لينا الأمل هنا دا ومن قبلها الخرطوم .. والله اقرا كلامك دا ببكي عديل كدا
ياخ دا كلام حـار .. انا ما عارف الناس دي بتستحمل كيف .. تستحمل مسمار الأمل في القلعة .. وتستحمل مسمار سانييية في القلعة .. وتاني تجي تستحمل ليك كلامك دا ..؟
لييه ياخ اصلو شنـو ..؟
| |
|
|
|
|
|
|
|
|
|
Re: كورة الأمل عطبرة دي كانت ملعوبة وووين ..؟ (Re: طلحة عبدالله)
|
Quote: إنت كمان بقيت ما بتعرف حركات المريخـاب لما يروح ليهم الدرب واللا شنــو ..؟
|
الله...كيف ...يا تمبس..
الجماعة ديل عندهم قصاصين أتر عديل ...تلقاهم متكلين في البورد
دا..وأول ما يروح ليهم الدرب...يبلغو جنابو...وهاك يا تحريات
وينتشروا في المواقع...الفرنسية والافريقية...ومحلات الدهب...
والبلقوه لابس هلال في رأسو ساكت كان عريس كان مطهر
...يقلعو منو الهلال ويدوه طوبتين في رأسو...
ويمشو يشتكوه في لبسو للهلال دا
| |
|
|
|
|
|
|
|
|
|
Re: كورة الأمل عطبرة دي كانت ملعوبة وووين ..؟ (Re: nazar hussien)
|
يا هارون دياب
ياخ الناس ديل حكاية الكاسات المحمولة جواً دي بقت بتعمل ليهم كاروشة عديل كدا..
و الناس ديل أخوانا مهما كان .. فا حقوا نشوف ليهم مخارجة تريحهم و نرجع روح المنافسة
لأنو روح المنافسة دي هي اللي فضلت لينا في السودان
أنا بقترح نخليهم في أي رحلة خارجية إجيبو معاهم أي كاس إن شاء الله كاس ويسكي
و نحن نعتبروا كاس محمول جواً
و نحتفل معاهم كمان
رأيك مهم يا صفوة
| |
|
|
|
|
|
|
|
|
|
Re: كورة الأمل عطبرة دي كانت ملعوبة وووين ..؟ (Re: ABUHUSSEIN)
|
Quote: ردك دا يا صبري ما حاسي بيهو قاسي شويـة ..؟
والله انا لو كنت تبع الجماعة الجو شجو لينا الأمل هنا دا ومن قبلها الخرطوم .. والله اقرا كلامك دا ببكي عديل كدا
ياخ دا كلام حـار .. انا ما عارف الناس دي بتستحمل كيف .. تستحمل مسمار الأمل في القلعة .. وتستحمل مسمار سانييية في القلعة .. وتاني تجي تستحمل ليك كلامك دا ..؟
لييه ياخ اصلو شنـو ..؟ |
يا تمبس .. عليك الله شوف جنس دا ...
أخونا واحد مريخابي إنت بتعرفو .. قال لي الهلال سيطر على الممتاز عشان المريخ بعد بريمة ما جاب حارس ...
والممتاز رجع لينا بعد تسجيل الحضري (الكلام دا كان يوم الجمعة الفات دا) ...
سألتو سؤال وهو:- إذا تمّ حسم دوري هذا الموسم بالمواجهات المُباشرة ما هو الهدف الذي تمّ إحرازه سيحسم مسألة المواجهات المُباشرة دي ؟
صمت وبدأ يفكّر ولم يرد ...
فقلت له يا عزيزي هو هدف سانيه الذي أحرزه في الحضري ...
بعدها دخل لي بي حلة حمد ومرق لي بي حلة خوجلي ...
قال حارس مرمى قال !!!!!!
| |
|
|
|
|
|
|
| |
tmbis
محمد البشرى الخضر
عبد الباقي الجيلي
Ashraf el-Halabi
وليد عبد اللطيف
الصادق صديق سلمان
ABUHUSSEIN
haroon diyab
فيس بوك
تويتر
انستقرام
يوتيوب
بنتيريست