|
الدنيا جمعة وسؤال بحسن نية.. أين صلاح غريبة
|
أفتقدنا الأستاذ صلاح غريبة الذى ملأ هذا المنبر في الشهور الفائتة
إنقطع عن المنبر وعن التلفاز وعن الراديو وعن شؤون المغتربين وعن جمعية السياحة وعن الخ....
عسى أن يكون بخير وحبوبته كذلك أطال الله عمرها..
|
|
|
|
|
|
|
|
Re: الدنيا جمعة وسؤال بحسن نية.. أين صلاح غريبة (Re: الزبير صالح الزبير)
|
استاذ الزبير
مساء الأنوار وعبق الأزهار
صلاح غريبة يا دوب وصل السودان بعد هجرة طويلة وكل الأبواب فتحت له على مصراعيها وتاني غربة مافي
الدكتورة كان بتعرس ليها مغترب في السودان بدرجة وزير نكلم ليها ناذر مدير اعماله يختها في الصف 💤
بس التلفزيون بقى مسييييخ والمنبر ما فيه مواضيع والساحة الخضراء نشفت في غياب غريبة.
نسال الله ان يمن على شقيقة بنعمة الشفاء. ويعود لنشاطة ملء العين والسمع
مودتي والأمنيات
| |
|
|
|
|
|
|
Re: الدنيا جمعة وسؤال بحسن نية.. أين صلاح غريبة (Re: عزيز)
|
Quote: الدكتورة كان بتعرس ليها مغترب في السودان بدرجة وزير نكلم ليها ناذر مدير اعماله يختها في الصف 💤 |
ناذر الخليفة استقال بعد طرد المدير من جهاز المغتربين دة اخر علمي قبل شهر في السودان لكن ناذر اليومين ديل بقي ما بضرب لي يمكن مشغول مع غريبة في مغامرة جديدة
| |
|
|
|
|
|
|
Re: الدنيا جمعة وسؤال بحسن نية.. أين صلاح غريبة (Re: مهدي صلاح)
|
Quote: شفناهو قبل شوية في اوتار الحنين على قناة الشروق اختير للظهور في البرنامج بصفاته التالية: اعلامي اصدقاءه في الفيس 80 الف من دعاة العودة الطوعية للمغتربين خبير في الاغتراب - 30 سنة اغتراب
واجدع ما شاء الله له ان يتجدع |
مهدي
خلال الدقائق القليلة القامة نتوقع اكثر من بوست
اولهم بعنوان
ما شفتوني في قناة الشروق كنت منور الشاشة
| |
|
|
|
|
|
|
Re: الدنيا جمعة وسؤال بحسن نية.. أين صلاح غريبة (Re: عزيز)
|
بدا صلاح غريبة مرتبا في كلامه ....ورايق وقال ان سودانيز اونلاين ساهمت في شهرته كما أصدقائه بالفيس بوك ال80 الف احسنوا استقباله ... اشاد بدكتور كرار التهامي كاجد قيادات العمل العام ابان تواجده بالرياض .حمد الله علي تجربته الكبيرة بالغربة ....
| |
|
|
|
|
|
|
Re: الدنيا جمعة وسؤال بحسن نية.. أين صلاح غريبة (Re: مهدي صلاح)
|
Quote: بدا صلاح غريبة مرتبا في كلامه ....ورايق وقال ان سودانيز اونلاين ساهمت في شهرته كما أصدقائه بالفيس بوك ال80 الف احسنوا استقباله ... اشاد بدكتور كرار التهامي كاجد قيادات العمل العام ابان تواجده بالرياض .حمد الله علي تجربته الكبيرة بالغربة .... |
ما عندك خوة وعشرة يا صلاح غريبة.
أنا أول زول أكتشفتك في الموقع وده وقدمت للناس وبعداك بقيت مشهور. تجي تتغابى العرفة كده؟
بالمناسبة. أنا برضو أول زول أكتشف ود الباوقة ، وشهرتو دي جات من عندي أنا. وفي زول تاني برضو أشتهر عن طريقي ولكنو الأيام دي غايب. إنشالله المانع خير. أنا بتكلم على أخوكم محمدE سليمان AKA الحبشي.
| |
|
|
|
|
|
|
Re: الدنيا جمعة وسؤال بحسن نية.. أين صلاح غريبة (Re: Deng)
|
يا عزيز والزبير .. شوفوا صلاح غريبة قال شنو في قناة الشروق :
Quote: ويقترح عمل معسكرات للمغتربين يذهبوا اليه بمجرد الوصول من المطار لمدة 3 اسابيع ومن بعدها يدخلوا المدينة ليتاقلموا مع السودان ,, |
يعني يا الزبير جيتك الجاية إنت واولادك أنا أقابلكم في المطار وأغتي عيونكم بي قطعة سوداء عشان ما تشوفوا السودان وطوالي أطلع بيكم على المعسكر في العيلفون أو المرخيات .. وهناك تنزلوا في خيمة عشان تتعودوا على السودان شوية شوية !!
| |
|
|
|
|
|
|
Re: الدنيا جمعة وسؤال بحسن نية.. أين صلاح غريبة (Re: ناذر محمد الخليفة)
|
Quote: يا عزيز والزبير .. شوفوا صلاح غريبة قال شنو في قناة الشروق :
Quote: ويقترح عمل معسكرات للمغتربين يذهبوا اليه بمجرد الوصول من المطار لمدة 3 اسابيع ومن بعدها يدخلوا المدينة ليتاقلموا مع السودان ,,
يعني يا الزبير جيتك الجاية إنت واولادك أنا أقابلكم في المطار وأغتي عيونكم بي قطعة سوداء عشان ما تشوفوا السودان وطوالي أطلع بيكم على المعسكر في العيلفون أو المرخيات .. وهناك تنزلوا في خيمة عشان تتعودوا على السودان شوية شوية !! |
ناذر يا صديق
الحمد لله نحن ما من فئة المغتربين نحن مهجرين واقتراح السيد المدير لا ينطبق علينا.
ناذر ما ممكن تكلم لي صلاح غريبة أبقى وكيل اعماله في الاتحاد الاوروبي 😉
| |
|
|
|
|
|
|
Re: الدنيا جمعة وسؤال بحسن نية.. أين صلاح غريبة (Re: Deng)
|
Quote: Quote: بدا صلاح غريبة مرتبا في كلامه ....ورايق وقال ان سودانيز اونلاين ساهمت في شهرته كما أصدقائه بالفيس بوك ال80 الف احسنوا استقباله ... اشاد بدكتور كرار التهامي كاجد قيادات العمل العام ابان تواجده بالرياض .حمد الله علي تجربته الكبيرة بالغربة ....
ما عندك خوة وعشرة يا صلاح غريبة.
أنا أول زول أكتشفتك في الموقع وده وقدمت للناس وبعداك بقيت مشهور. تجي تتغابى العرفة كده؟
بالمناسبة. أنا برضو أول زول أكتشف ود الباوقة ، وشهرتو دي جات من عندي أنا. وفي زول تاني برضو أشتهر عن طريقي ولكنو الأيام دي غايب. إنشالله المانع خير. أنا بتكلم على أخوكم محمدE سليمان AKA الحبشي. |
دينق
والله زمان يا صاحب
قلنا نفقد الرجل والعشرة ما بتهون. والرجل دخل بيوتنا عبر التلفاز ودخل عقولنا عبر سودانيزاونلان ودخل قلوب العذارى عبر الفيسبوك حتى بلغن ال 80 الف مكسرة
بس حقك محفوظ ناذر بكون فتح ليك حساب باسمك ( في الفيسبوك) 😄
كسرة. اليوم معنا صديقي الفنان استيقن وفرقته الرائعة في حفل بروتردام. رأيك شنو نعزمك
لك الود والأمنيات
| |
|
|
|
|
|
|
|