|
|
 يلا علينا جاى البوصة الواحدة ب 17 دولار .. لا تدعو الفرصة تفوتكم
|
اتصل بى ابن عمى من السودان يريد أن أرسل له شاشة تلفزيون LG مقاس 32 بوصة LCD طبعا للاستعمال المنزلى ولتبديل التلفزيون الكبير ( الموديلات القديمة ) وأخطرته بأن سعر التلفزيون ب 1200 درهم أى ما يعادل مليون وتسعمائة وعشرون ألف جنيه سودانى 1920 جنيه بالجديد وفرح فرحا شديدا وقال لى قبل أن ترسل التلفزيون دعنى أذهب الى الجمارك بمطار الخرطوم للتأكد من قيمة الجمارك وبمقابلته لضابط الجمارك أفاده بأن البوصة الواحدة ب17 دولار بمعنى 32X 17 = 544 يعنى الاجمالى لل32 بوصة 544 دولار يتم ضربها ب 4900 جنيه ليكون اجمالى الجمارك للشاشة مقاس 32 كالآتى 2665600 اتنين مليون وستمائة خمسة وستون ألف وستمائة جنيه .... لماذا هذا التخبط واللا معقول والغير منطقى أن تكون الجمارك ضعف سعر الشراء .... أو لم يكن هذا الحرام بعينه أو لم يكن هذا الظلم بعينه للمواطن السودانى الكريم .... كلمة البوصة ب 17 دولار تذكرنى بكوم الطماطم والبصل والليمون
|
|
 
|
|
|
|
|
|
|
 Re: يلا علينا جاى البوصة الواحدة ب 17 دولار .. لا تدعو الفرصة تفوتكم (Re: بهاء الدين سليمان)
|
لفائدة الأخ كاتب البوست ولفائدة الجميع يتم حساب الرسوم الجمركية لشاشة تلفزيون مقاس 32 بوصة كالآتى بغض النظر عن المنشأ والموديل
اولا يتم تقييم البوصة بمبلغ 14 دولار ويتم ضرب القيمة فى المقاس والمبلغ الناتج يتم ضربه فى 102% ومن ثم يتم تحويل الناتج الى جنيه سودانى بضربه فى 4.42
ويتم تحصيل الرسوم كالآتى:
40% رسوم وارد
30% رسوم اضافية ( ودى ضريبة جديدة)
13% ضريبة تنمية
17% ضريبة قيمة مضافة ( vat )
2% ودى اسمها ( BPT ) وما عارف معناها شنو المهم تدفعها وكراعك فوق رقبتك
.
.
.
وياخى الرسوم الجمركية بقت حاجة لا تطاق وضباط الجمارك نفسهم ما مقتنعين بيها لكن دى تعليمات وزارة المالية ومافى مفر من ان يطبقوها وياخى وزير المالية كلما يتزنق بجى جارى على الجمارك...
وما عندى اى مانع فى الاجابة على اى استفسار لتعم الفائدة الجميع فى المنبر او حتى على الايميل......
واخوكم ضابط جمارك سابق خدمة ثلاثون عاما وفى 2006 تمت احالتى للمعاش بسبب شنو والله ده المحيرنى علما بأن سن المعاش كان باقى لى منها 14 سنة . لكن الله غالب
وحاليا الحمد لله املك مكتب تخليص جمركى بجمارك الحاويات بسوبا
وده الايميل بتاعى [email protected]
وياخى دى فرصة كبيرة الواحد يعمل دعاية للمكتب
| |
|
|
|
|
|
|
|
|
|
Re: يلا علينا جاى البوصة الواحدة ب 17 دولار .. لا تدعو الفرصة تفوتكم (Re: صلاح الدين ابراهيم الفضل)
|
بهاء الدين ..سلام
ناس الجمارك ديل زمان كانو مسحلبين عديل .. هسع وكت تطوروا دايرين يتفلسفو ويبقو شغالين بالبوصة كان زولك يقول ليهم قيسوهو اكان بتعرفو تقيسوهو كيف
زمان قبال الناس تعرف الكمبيوتر وما كنت لاقي لي واحد في الخرطوم قلت اجمع لي واحد اشتغل بيهو . وانا جاي من سفرية من اخر الدنيا وضاربني صداع بعيد عنك ما قادر افتح عيني وداخل الحفره ديك .. شافعة من بنات الجمارك شافت الشنطة عجبتها وافتكرت فيها شيلة مدنكلة . اكان اخلاص منها واللا حساده ما عارف.... قامت ..فتحت الشنطه لقت فيها 2 بورتس ومروحة و2 هار ديسك وMother Board, وبعض الوصلات
البت ..بحلقت في الشنطة مسافة وما عرفت الموضوع شنو .. قامت بي كل بساطة قالت لي يا سيد الاسبيرات ده حقت شنو؟
قلت ليها ده Accessories .. قالت لي سيسورو ده شنو كمان ....ما ياهادي اسبيرات ظاهره
قلت ليها صحي اسبيرات بتاعة سفنجة زي الجابوكي بيها من الضهاري ..
البت زعلت ..من حكاية الضهاري ونادت ليها واحد .. يسد عين الشمس و قالت ليهو بي ضحكة من بتاعة الجماعه اياهم تعال شوف الراجل ده حاشي شنطتو شنو وبقول لي بتاعة السفنجه الجابوكي بيها من الضهاري
| |
|
|
|
|
|
|
|
|
 Re: يلا علينا جاى البوصة الواحدة ب 17 دولار .. لا تدعو الفرصة تفوتكم (Re: محمد مصطفي مجذوب)
|
اخى محمد مصطفى المجذوب
اصدقك فى كل كلمة قلتها وممكن جدا حاجات زى دى تكون حصلت لانو الضابط زمان ما كان مؤهل وحالو كحال غيره من الموظفين .....
لكن وللامانة اليوم ضابط الجمارك مؤهل تأهيلا كاملا وتطورت الجمارك بشكل مذهل واصبح يدار العمل فيها بالكمبيوتر والشبكات وحتى الخطابات لمختلف المعاملات يسلموك صورة من معاملتك للمتابعة فقط اما الصورة الأصلية تذهب لجهة معاملتك بالشبكة الى اى محطة جمركية داخل السودان وانت لسة ما اتحركت من محلك ... والجمارك حاليا تستخدم نظام الاسيكودا العالمية فى كل معاملاتها وهو نظام متطور و دقيق جدا ومريح للضابط والعميل......... والله هسى لو خميت ليك تراب وحجار من البلد الجايى منها وجيت اى محطة جمركية تلقى ما يقابلها من التقييم الجمركى بكبسة زرفقط .............. لكن عجبتنى عبارة ( جابك من الضهارى دى )
| |
|
|
|
|
|
|
|
|
|
Re: يلا علينا جاى البوصة الواحدة ب 17 دولار .. لا تدعو الفرصة تفوتكم (Re: بهاء الدين سليمان)
|
الأخوة الأفاضل السلام عليكم
سؤال للأخ صلاح.. نسمع كثيرا عن مجمع حاويات سوبا ولكنى شخصيا لاأعرف
طرقة عمله وكيف تصل اليه البضائع. بمعنى كيف ارسل مثلا غسالة وتلفزيون
وثلاجة لأهلى من قطر وكيف يتم تخليص هذه البضائع.. لدى خالى طاهر عبد الرحيم الطاهر
واظنك تعرفه ايضا لديه مكتب تخليص مع ابن عمتى نجيب جلال واظنك تعرفه ببورتسودان
كيف استفيد انا كمغترب من خدماتهما لك الشكر مقدما
| |
|
|
|
|
|
|
|
|
|
Re: يلا علينا جاى البوصة الواحدة ب 17 دولار .. لا تدعو الفرصة تفوتكم (Re: شمس الدين ساتى)
|
| Quote: وبمقابلته لضابط الجمارك أفاده بأن البوصة الواحدة ب17 دولار بمعنى 32X 17 = 544 يعنى الاجمالى لل32 بوصة 544 دولار يتم ضربها ب 4900 جنيه ليكون اجمالى الجمارك للشاشة مقاس 32 كالآتى 2665600 اتنين مليون وستمائة خمسة وستون ألف وستمائة جنيه |
بهاء الدين ......سلام
يا زول كلم زولك ده يدفع قبال الحرامية دى يحاسبوك بعدد المشاهدة
الحا تشوفهم كان الله مد فى عميرك قال جمارك وقانون قال!!
| |
|
|
|
|
|
|
|
 Re: يلا علينا جاى البوصة الواحدة ب 17 دولار .. لا تدعو الفرصة تفوتكم (Re: شمس الدين ساتى)
|
Quote: سؤال للأخ صلاح.. نسمع كثيرا عن مجمع حاويات سوبا ولكنى شخصيا لاأعرف
طرقة عمله وكيف تصل اليه البضائع. بمعنى كيف ارسل مثلا غسالة وتلفزيون
وثلاجة لأهلى من قطر وكيف يتم تخليص هذه البضائع.. لدى خالى طاهر عبد الرحيم الطاهر
واظنك تعرفه ايضا لديه مكتب تخليص مع ابن عمتى نجيب جلال واظنك تعرفه ببورتسودان
كيف استفيد انا كمغترب من خدماتهما لك الشكر مقدما |
الأخ شمس الدين
مجمع الحاويات وكما هو واضح من الإسم عبارة عن حظيرة جمركية بمساحة ضخمة جدا تقع جنوب مستشفى سوبا الجامعى وغرب شارع الخرطوم - مدنى...
طريقة وصول الحاوية لداخل الحظيرة يتم كالآتى:
يقوم المورد او صاحب الحاوية بتسليم مستنداته ( ثلاثة صور اصلية من بوليصة الشحن + الفواتير وكشف التعبئة + فورم IM الصادرمن البنك+ شهادة منشأ البضاعة + الرقم التعريفى الضريبى للمورد ) والحاجات دى فى حالة البضائع التجارية أما بالنسبة للامتعة الشخصية فيتم تسليم المخلص فقط الصور الاصلية الثلاثة + اقرار بمحتويات الكونتينر ومن ثم يرسل المخلص فقط البوالص للمكتب الذى يتعامل معه فى بورتسودان للتأكد من وصول الحاوية واستلام اذن التسليم من وكيل شركة الشحن ويتم ارساله للمخلص فى سوبا بالفاكس او الايميل وهنا يقوم المخلص فى سوبا بارفاق اذن التسليم مع بقية المستندات ويقوم بادخال البيانات فى الشبكة ودى ممكن من مكتبه فى سوبا او داخل الخرطوم او حتى من منزله وفى اى وقت خلال ال 24 ساعة طالما شبكة الانترنت متوفرة ويقوم بارسال نمرة الشهادة التى يحصل عليها من هذه العملية مرة اخرى الى المخلص فى
بورتسودان الذى يقوم بدوره بتقديمها لجمارك بورتسودان ليحصل على الافراج والاذن بنقل الحاوية للخرطوم وادخالها الحظيرة بسوبا حيث يتم وزن الحاوية واصدار شهادة بالوزن وانزالها وهنا يقوم المخلص بتقديم مستنداته للجمارك للكشف وارسال الشهادة لقسم التعريفة الجمركية بسوبا للتقييم وتحديد الرسوم الجمركية عليها والافراج عن الحاوية بعد تسديد الرسوم واستيفاء الشهادات من الجهات ذات الصلة .( والعملية دى كلها لا تستغرق اكثر من 48 ساعة ) وطبعا الجمارك ادخلت نظام النافذة الواحدة حيث تتم كل الاجراءات فى صالة واحدة وهو نظام مريح ودقيق جدا وسريع .
اما بخصوص الاشياء التى تود ارسالها لاسرتك فدى طبعا حاجات بسيطة جدا ولا يمكن شحنها فى حاوية خاصة ولكن يمكن الاستفادة من نظام الشحن بالحاويات المشتركة وهو نظام معمول به فى سوبا وعنده قسم خاص وعليك الشحن عن طريق هذا النظام من شركات الشحن البحرى فى البلد المقيم بها واعطاءهم اسم وعنوان وتلفون المستلم والاتصال بالمستلم فى الخرطوم للمتابعة وما علي المستلم الا دفع الرسوم الجمركية وبقية الاتعاب واستلام الطرود المشحونة بكل سهولة .وعمنا الطاهر عبدالرحيم علم على رأسه نار ومعروف للجميع وكذلك ابنه مجدى .
ارجو ان اكون قد اوفيت وجاهز لأى استفسارات
| |
|
|
|
|
|
|
|
|
 Re: يلا علينا جاى البوصة الواحدة ب 17 دولار .. لا تدعو الفرصة تفوتكم (Re: خالد حامد الجزولي)
|
Quote: قلت ليها صحي اسبيرات بتاعة سفنجة زي الجابوكي بيها من الضهاري ..
البت زعلت ..من حكاية الضهاري ونادت ليها واحد .. يسد عين الشمس و قالت ليهو بي ضحكة من بتاعة الجماعه اياهم تعال شوف الراجل ده حاشي شنطتو شنو وبقول لي بتاعة السفنجه الجابوكي بيها من الضهاري |
سلوك استعلائي متوقع من أي زول راسو فاضي وأخلاقياتو في الحضيض وفاكر انو "الضهاري" مذمة أو نقيصة في حق المنتمين ليها ...
أحسنت يا دكتور ... ربنا يخسف بى "الجماعة اياهم" سابع أرض ...
... المهم ....
| |
|
|
|
|
|
|
|
|
 Re: يلا علينا جاى البوصة الواحدة ب 17 دولار .. لا تدعو الفرصة تفوتكم (Re: بشير أحمد)
|
| Quote: لكن عجبتنى عبارة ( جابك من الضهارى دى ) |
يا صلاح الفضل نلف ليك بوصتين تفطر بيهن في ضل اللوفتهانزا؟
ياخي انتو بتشيلوا جمارك ليه أصلاً؟
الجمارك دي كانوا بيشيلوها زمان زمن البنوك بتفتح اعتمادات لموردي الاسبيرات وبنك السودان بيغطي العملة الحرة والمسألة دي بتكلف الدولة ...
هسى السودان كل المستوردين بيستوردوا بالموارد الذاتية ... والبنوك السودانية اعتمادها زيرو ... وانتو لسة بتشيلوا جمارك؟ على شنو؟
نصب واحتيال رسمي يعلم الله ... هسى الدولة بتقدم شنو للتلفزيون 32 بوصة مقابل الجمارك دي؟
(زمان لو تلفزيونك أو في الحقيقة الرادي خسر ... ناس الأغا بيستوردوا اسبيرات الأليكترونيات Not Accessories بالعملة الحرة بتاعة الدولة)
... المهم ....
| |
|
|
|
|
|
|
|
|
 Re: يلا علينا جاى البوصة الواحدة ب 17 دولار .. لا تدعو الفرصة تفوتكم (Re: خالد حامد الجزولي)
|
| Quote: بفتش لي في اصدقاء كنا معاً في ميز خور كلاب (عام 89 تقريباً). |
الأخ خالد
انت البوديك ميزات الجمارك شنو ؟
ارشح انك جمركى سابق ... او قريبك كان ساكن فى الميز !! على كل حال مرحب بكم فى كل ميزات الجمارك بالسودان
بالنسبة لسؤالك عن اصدقائك الجمركيين أعرفهم جميعا حق المعرفة
1/ اظنك تقصد محمد حسن دهب وهو حاليا برتبة لواء وهو الشخص الثانى فى الجمارك وكنت أعمل تحت ادارته فى عامى 2003 / 2004 برسوم الانتاج بحرى
أو شقيقه الفاتح حسن دهب وهو حاليا برتبة عقيد فى رئاسة الجمارك وعملنا سويا بجمارك وادى حلفا
اما خالد حسن دهب ما سمعت بيهو واذا كان فعلا جمركى بيكون شقيقهم
2/ اظنك تقصد بخيت مكى بخيت وهو حاليا بالمعاش
3/ ياسر حيدر من انشط الجمركيين وما عارف حاليا دربو وين
أما حاتم فعندنا كمية من الحواتم حتى حاتم الطائى عندنا ...... وفعلا بتذكر واحد اسمو حاتم بابكر كان قد هاجر لامريكا ولكنه الآن عاد وحاليا يعمل فى مجال التخليص بمطار الخرطوم
| |
|
|
|
|
|
|
| |
بهاء الدين سليمان
محمد إبراهيم علي
صلاح الدين ابراهيم الفضل
محمد مصطفي مجذوب
صديق الموج
خالد حامد الجزولي
تبارك شيخ الدين جبريل
بشير أحمد
فيس بوك
تويتر
انستقرام
يوتيوب
بنتيريست