واحد وعشرين

Quote: الف رحمه ونور تنزل عليك يا ابو شهد ومؤيد وخليفة

Quote: انا كنت جد قبال تفوت بتمنى بس أتشكرك .. علي كل فرحه بقت معاك و عليها ربنا قدرك .. علي حنك الما بتنسي وعلي كل قاسم مشترك .. أرقد عليك الرحمه يا اب وجها صبوح انا ما نسيتك شان أقول بتذكرك .. و استغفر الله من النويح استغفر الله إذا غفل حرف القصيد .. أو زل من وجعي اللسان و افرطت في زعلي الشديد .. برجع و اقول زي ما يريد ربك نريد .. و الفين سلام آخر الكلام في الدنيا بعدك مافي عيد .. 23 سبتمبر كان وما زال وسيظل اجمل ذكري الف رحمه ونور تنزل عليك يا ابو شهد ومؤيد وخليفة اللهم من علينا بالصبر الجميل

Quote: جميلة يا صديقة تحياتي ونرحب بيك في هذا البراح الأسفيري .... ونسأل الله القبول لعادل وأن تكون تلك آخر الأحزان ....... وشكراً لك علي هذه القصيدة الجميلة .....

Quote: ربنا يبدل حزنك فرح وذكرى حلوة ومفرحة... ويلهمك الصبر الجميل جميلة يا هلا ...

Quote: انا كنت جد قبال تفوت بتمنى بس أتشكرك .. علي كل فرحه بقت معاك و عليها ربنا قدرك .. علي حنك الما بتنسي وعلي كل قاسم مشترك .. أرقد عليك الرحمه يا اب وجها صبوح انا ما نسيتك شان أقول بتذكرك .. و استغفر الله من النويح استغفر الله إذا غفل حرف القصيد .. أو زل من وجعي اللسان و افرطت في زعلي الشديد .. برجع و اقول زي ما يريد ربك نريد .. و الفين سلام آخر الكلام في الدنيا بعدك مافي عيد ..

Quote: ربنا يجعل ايامك مزينة بالفرح والجمال ياجميلة تعيشى وتفتكرى نورتينا ,,,

Quote: قمة الوفاء والانسانيه ياجميلة الدواخل ياسليلة الملوك رغم حزنى لفقد انسانك الجميل , سعدت بما انتجته احاسيسك الجميله اتوقع الآن بان خليلك يسمع ويحس بتلك الكلمات الرائعه وقبل تلك الكلمات المكتوبه فى هذه المساحه كان حديثك معه عبر الهاتف وهو فى سيارته يضحك ملء شدقيه من حديثك الشيق وقفشاتك الجميله قبل ان يقابل ربه بوجهه الصبوح المبتسم من آخر كلمات سمعها منك دليل على حبك الأكيد له وحبه لك ذهب جسدا ولكنه مازال موجودا بكل تفاصيله فى دواخلك النقيه ... وسيبقى الى الابد ... هو حبك عظيم تحياتى ياجميله

(عدل بواسطة جميلة ابراهيم السيد on 09-23-2012, 04:27 PM)

Quote: انا كنت جد قبال تفوت بتمنى بس أتشكرك .. علي كل فرحه بقت معاك و عليها ربنا قدرك .. علي حنك الما بتنسي وعلي كل قاسم مشترك .. أرقد عليك الرحمه يا اب وجها صبوح انا ما نسيتك شان أقول بتذكرك .. و استغفر الله من النويح استغفر الله إذا غفل حرف القصيد .. أو زل من وجعي اللسان و افرطت في زعلي الشديد .. برجع و اقول زي ما يريد ربك نريد .. و الفين سلام آخر الكلام في الدنيا بعدك مافي عيد .. 23 سبتمبر كان وما زال وسيظل اجمل ذكري الف رحمه ونور تنزل عليك يا ابو شهد ومؤيد وخليفة اللهم من علينا بالصبر الجميل

Quote: اهلا ومرحب بيك ياجميلة وسطنا وربنا يرحم عادل ويجعل مثواه الجنة يارب

Quote: الف رحمة ونور على روحه وانشالله آخر الأحزان.. ومرحب بيك وسط اهلك يا جميلة..

Quote: إعتذارك عن طبيعة مشاركتك الأولى ، مرفوض في الواقع يحق لك شكر جزيل من الأصدقاء لأنك إستهللتي تواصلك معهم بالموضوع الأكثر قربآ من إحساسك واشركتيهم في بعض إنفعالاتك ، وهذا يتسق مع الطبيعة الإجتماعية للمنبر وهي الطبيعة التي طغت على النواحي الأخرى ، ولو أجلنا النظر لوجدنا البوستات ذات الطابع الإجتماعي هي التي تستقطب مشاركات كثيرة وقبول عام نسأل الله ان يشمل عادل بشامل رحمته وعميم مغفرته وأن يجعل الجنة مثواه ونشاركك إحتفائك الدامع بالذكرى ال 21 ، الأولى بعد الغياب الفاجع وسوف تكون سنة جميلة وحميدة أن تصطحبي ذكراه معك في هذا اليوم وياريت أن تكرسي الإحتفاء بقرآءة سورة يسن من أجله بدعاء الرحمة وأن تحثي أولادكما على الحرص على الدعاء له عند كل صلاة ، وأن يفعلوا شييء فيه صدقة ترفع لراحة روحه ، فإن أقل القليل من الصدقات يصله خير كثير

Quote: جميلة يا صاحبة .... صاحبي مالو فات زي الحلم ...؟ كل يوم اقول أصحي منو ... كل يوم أتذكر و نستنا الدقاقة ديك ... اقعد اضحك و تاني احلم و اقول لازم اصحا ... عادل في كل شي الا في فراقه ... ما مهلنا و مسخ علينا الدنيا ياخي ...

Quote: نشكرك على اشراكنا فى هذه المشاعر النبيلة ياجميلة اللهم تقبله عندك فى الصالحين وأسكنه الفردوس الأعلى واجعل البركة فى ذريته شهد ومؤيد وخليفة، واجبر كسرهم وألهمهم ووالدتهم الصبر الجميل تحياتى

(عدل بواسطة جميلة ابراهيم السيد on 09-24-2012, 04:05 AM)

Quote: اللهم ارحم السبلوقة واغفر له واجعل مثواه الجنة البركة فيك ياجميلة

Quote: يا ربي هسي بكون وصل ؟؟ صحاني من السرحه ديك صوت باب اريتو و لا انطرق .. قبال أقول ان شا الله خير وقع الخبر و الهم برق ..

Quote: الصبر ياامى الصبر مافى يدنا غير القبول بقضاء الله وقدره وانا كنت اتمنى ان يكون ترحبيى بوجوك بيننا بدون احزان ... اكتبى واكتبى الكتابه بتريحك كتير ... صحيح مافى طريقة ابدا للنسيان لكن صدقينى بتخفف كتير انشالله البركه فيكم... وربنا يعوضك فى ذريته ويحفظم من كل شر واذى تسلمى يارب ...

Quote: الحبيبة جميلة جميلة كتابتك وتلامس شغاف القلب محبتي لك وربنا يرحم الراحل العزيز ويصبركم ومرحب بيك

(عدل بواسطة جميلة ابراهيم السيد on 09-24-2012, 07:04 PM)
(عدل بواسطة جميلة ابراهيم السيد on 09-24-2012, 07:06 PM)

Quote: لذكري شريط ما وقف من وقت الخبر وللأن .... عارف لو بيدوا ما كان رحل .. لانه ببساطة كان لا يحتمل ان يكون اي منا حزين ... والحمد لله رحل وهو يعرف قدرة في نفوسنا جميعا ويعلم تمام العلم انه محبوب .. رحل وهو يحبنا جميعا ... راضي .. مبتسم .. الان حان دورنا لنرتضي هذا الرحيل . اللهم ارحم عادل ومن علينا بالصبر الجميل

Quote: لا اله الا الله لا اله الا الله لا اله الا الله . . الله اصبرك وارحم عادل واغفر له . . غايتو الموت دا مشكلة ........................ الله حي

Quote: البقية في حياتك يا جميلة ـ جمل الله صبركم ، وشكراً لهذه الكتابة الصادقة

Quote: الف مرحب بيك يا جميلة وحبابك شديد في سودانيز اونلاين والمجد والخلود لروح الراحل عادل وانا للهو وانا اليه راجعون

Quote: سلام يا جميلة ومرحب بيك وبى احزانك وكلك عارفة با جميلة كلامك ده مهم شديد فعلا واحدة من الحاجات البتسند شوية و ترقد الروح لما تحرقك اكتر من الشديد الاكتر من شديد ديك انك تتذكر انك قلت لعزيزك الراحل كلمة حلوة قبال يحرد يفوت اتمنى ان يكون كل احبابنا قد ارتضوا هذا الرحيل المفاجئ لهم من هذه الدنيا بإن ارضاهم الله بمقعدهم فى الجنة و جعلهم فى زمرة الصديقين والشهداء اما رضانا نحن فداير جلد شديد وصبر مر جميلة هاتى يدك يا بت امى وخشى بلا اعتذار اللهم ارحم عادل وغادة واجعلهم فى الفردوس الاعلى من الجنة وارزقنا واياهم العفو والعافية

Quote: لك الصبر الجميل يا جميلة الجميلة عارفة كل حروف العالم ما بتساوى لحظة من لحظات غيابه معاك اللهم تقبله القبول الحسن وخلى بالك من زهورك يا اميرة ومن ورودك المعاك يازهرة الازاهير لك محبتى

Quote: نسأل الله له الرحمة والمغفرة. إنا لله وإنا إليه رآجعون. أجمل شئ إنك اليوم وسطنا أختي جميلة، فألف مرحب بيك، وأتمنى أن تجدي فينا العزاء والسلوى. اهلاً...

Quote: جميلة يا عزيزة.. أراحني وقوفك علي قدميك ورجوعك هنا .. لأننا ياغالية مهما بكينا واتقفلنا وإتحسرنا ما بنرجعهم.. هاتي همك وحزنك وارميهم علي كتوفنا جميعا هنا.. تصبري بنا كما تصبرتي بإيمانك وأطفالك.. ........ ........ له الرحمة الواسعة بإذن الله..

Quote: مرحب بيك يا جميلة .. .. له الرحمة والمغفرة ولكم الصبر الجميل

Quote: في اليوم ده ما شرقت شمس و انا لسه ما وعيت الحصل .. لا عرفتو باكر لا أمس ما تم ساعه من اتصل .. يسأل علي .. يضحك معاي ما قاللي حيفارق دناي و ضحكنا حد الخط فصل .. و قعدت بتونس براي يا ربي هسي بكون وصل ؟؟ صحاني من السرحه ديك صوت باب اريتو و لا انطرق .. قبال أقول ان شا الله خير وقع الخبر و الهم برق ..

Quote: مرحبا بك .. ربنا يأجرك في مصابك ويجعل الجنة مثواه .. ويطرح البركة فيك وفي أنجاله.

Quote: تقبله الله قبولا حسنا واسكنه فسيح الجنان وجعل البركة في ذريته والزمكم حسن العزاء كم هو جميل هذا الوفاء..........

Quote: العزيزة جميلة .. الفقد واحد .. ونفس طعم الحنظل .. شدي حيلك .. ربنما يرحمو ويغفر ليهو ويجعلو من اصحاب اليمين .. ويقويك على الفقد

Quote: في العروق ونسة سبايبك في السفر . ضحكة ربيعِك في الجفاف لشغة حنانِك في الكدر . رقصة جنونِك في الطبول تترامي زي نار الغجر . ........... مالي باركت الرماد ورسمت بي حبرو الجنون ونكشت شنطة حُزني رتبت الجروح وهمست سر أورادي في أذن السكون ؟! ............

Quote: عزيزتي جميلة اراك هنا وكأنك تنعين زوجا وتؤبنبن عزيزا لديك .. وليس لنا سوى ان نسأل له الرحمة والمغفرة وجنات الفردوس نزلا.. واذا عرفت يا عزيزتي جميلة ان هذه الدنيا الفانية ليس دار البقاء وان دار البقاء والدوام هو الدار الآخرة فسوف يخفف هذا من وقع الصدمة.. ووالله بكلماتك الحزينة هذه انما تعبرين عن الحزن الدفين الذي بين جوانحك .. وما دام عندكم اولاد فهو لم يمت... فبيدك احياء صفاته واخلاقه وعشرته بين حنايا اطفالك وتبقى ذكراه خالدة وباقية وكتري من الدعوات .. وعلمي اولادك.. والله يديك العافية