|
|
|
 Re: يوجـد خطءان فى هـذه الرسمـة - الزميل الفنان عمر دفع الله (Re: بدر الدين احمد موسى)
|
سلام و تحية،
الزير هو السودان و ليس الإنقاذ كما قال أحد الإخوة.
الطيرة البتعاين للزير من فوق و دايره تعرف كمل و لا قرب يكمل مفروض تكون علي شكل محمد أحمد السوداني الغلبان. لبس العسكري الفي الطيرة مفروض يكون للشخص الكسر الزير و حارس الجماعة ديل و هم بشيلو منو.
طبعاً ده فهم أو إعادة صياغة للرسمة، بس ما لازم تكون هي القصدها الرسام، ممكن يكون عندو فهم مختلف و كل زول ممكن يفهم بشكل مختلف و يطلع من الرسم ده بحاجة مختلفة، و أظنك تتفق معي أن هذا هو سر جمال الفن بشكل عام. الفنان يرسم أو يكتب و كل شخص يفهم ما يريد فهمه.
| |
 
|
|
|
|
|
|
|
|
Re: يوجـد خطءان فى هـذه الرسمـة - الزميل الفنان عمر دفع الله (Re: Abureesh)
|
يا أخي قومة نفسنا، و الله مشينا فيري دييب. الموضوع فيزياء! كان كدي رسامين الكاراكاتير ديل تعبو مع ناس الفيزياء. غايتو تاني الداير يبقي بتاع كاراكاتير إلا ياخد ماجستير في الفيزياء/الهندسة و بعداك يجي يرسم :-)
لكن عني نفسي لو بتاع كاراكاتير رسم المويه دي ماشه لي فوق ما حا أشوفها إنها خطأ، لانو الفكرة إنو تدفق الماء هو إهدار لموارد البلد ما تدفق الماء بمعناهو الحقيقي.
| Quote: الكاريكاتير (بالفرنسية: Caricature) هو فن ساخر من فنون الرسم، وهو صورة تبالغ في إظهار تحريف الملامح الطبيعية أو خصائص ومميزات شخص أو جسم ما، بهدف السخرية أو النقد الاجتماعي والسياسي، فن الكاريكاتير له القدرة على النقد بما يفوق المقالات والتقارير الصحفية أحياناً. والكاريكاتير اسم مشتق من الكلمة الإيطالية "كاريكير" (بالإيطالية: Caricare)، التي تعني " يبالغ، أو يحمَّل مالا يطيق "، والتي كان موسيني (M0sini) أول من استخدمها، سنة 1646. وفي القرن السابع عشر، كان جيان لورينزو برنيني Gian Lorenzo Bernini))، وهو مثّال ورسام كاركاتيري ماهر، أول من قدمها إلى المجتمع الفرنسي، حين ذهب إلى فرنسا، عام 1665. |
| |
|
|
|
|
|
|
|
|
|
Re: يوجـد خطءان فى هـذه الرسمـة - الزميل الفنان عمر دفع الله (Re: Abureesh)
|
Quote:
لكن عني نفسي لو بتاع كاراكاتير رسم المويه دي ماشه لي فوق ما حا أشوفها إنها خطأ، لانو الفكرة
إنو تدفق الماء هو إهدار لموارد البلد ما تدفق الماء بمعناهو الحقيقي.
|
أتفق مع الجاك في ما أورده.
لأن الخلاصة التي يقول عنها الرسم ، منسجمة مع الواقع ومحفزة للسخرية ، وموفقة في
التعبير من حيث الدلالة ..
ويا ود البشرى لك التحية
بخصوص الحمالات ربما قصد الفنان ركائز مصدر الثروات وتظهر الثلاث ركائز
بصورة أوضح ، بينما تظهر الركيزتين الأخريتين المنهوبات بدون تسليط
الضوء الإعلامي عليهما.
| |
|
|
|
|
|
|
|
|
Re: يوجـد خطءان فى هـذه الرسمـة - الزميل الفنان عمر دفع الله (Re: عبد المنعم ابراهيم الحاج)
|
| Quote: وانا معلن اليوم يوم التسامح فلا عليك واستدراكك مقبول وعندك 50% |
ابو الريش ماخد الموضوع بجدية هههههههه, غايتو لو ما ارجل الحمالة تاني ما قدرت الاحظ حاجة ننتظر الشباب على كدا
تحياتي منعمQuote: ربما قصد الفنان ركائز مصدر الثروات وتظهر الثلاث ركائز
بصورة أوضح ، بينما تظهر الركيزتين الأخريتين المنهوبات بدون تسليط
الضوء الإعلامي عليهما. |
ههههههه تخيّل لو بعد دا كلو جا الفنان وقال ماقاصد اي شي من افتراضاتنا دي و جات معاه كدا ساي
| |
|
|
|
|
|
|
|
|
|
Re: يوجـد خطءان فى هـذه الرسمـة - الزميل الفنان عمر دفع الله (Re: محمد البشرى الخضر)
|
| Quote: يا أخي قومة نفسنا، و الله مشينا فيري دييب. الموضوع فيزياء! كان كدي رسامين الكاراكاتير ديل تعبو مع ناس الفيزياء. غايتو تاني الداير يبقي بتاع كاراكاتير إلا ياخد ماجستير في الفيزياء/الهندسة |
هو بالله دفيق الموية كمان فيهو فيزيا
كان كدي احنا رايحين وطي
عندما كنا ندرس في مدرسة عطبرة الثانوية الجديدة كان لدي صديقي الصدوق يدرس بالحكومية القديمة وعند ما تقرر ان نحدد اي المسارات سوف نتجه ( ادبي ام علمي ) قررت الاتجاة للمسار العلمي فهو سهل ومريح وما فية قراية كتيرة وكان اساتذة الكيمياء والفيزياء مصريون يملونا السنه كلها عشرة صفحات وامتحان الفترة منهم وكذلك امتحان نهاية السنه وعند السنة الثالثة اكتشفت ان صديقي بيتكلم عن حاجات ما سمعنا بيها من قبل ولم تمر علينا ابدا ابدا وهو شابكني يا زول كيف ديل ما بتاعت اولي وتانية وشابكني ديل اساس الفيزياء وديل الف باء تاء الكيمياء وعندما لم استطيع المواكبة قررت اخير ان امتشق حسام التاريخ والجغرافيا وقلت لنفسي شكيتك يا ام الدنيا في القبل الاربع عشان بترسلي لينا اساتذة من النوعية دي
| |
|
|
|
|
|
|
|
|
|
Re: يوجـد خطءان فى هـذه الرسمـة - الزميل الفنان عمر دفع الله (Re: Mohieldein Siddig)
|
Quote: اعتقد ان الخطا الثانى هو شكل وضع الزير على الحماله فيجب ان تكون فى الجزء الاسفل من الزير اعنى ان تكون دائرة حلقة الحماله اصغر من اكبر دائرة وسط الزير.
|
محيى الدين
إجابتك صحيحـة 100% مع الف شكــر..
شكـرا لكل المتداخلين، والشكر لفناننا المبدع عمر دفع الله..
وبرضو شكرا لناس كسير التلج والمديدة حرقتنى.. ومحاولات الإيقاع والفتن بين الناس.. عمـر دفع الله سيظل مكان إحترامنا وتقديرنا لما يذله من مجهود جبار يوميا ودلق مشاعره
الثوريـة حبرا على لوحات الفن..
| |
|
|
|
|
|
|
|
|
|
Re: يوجـد خطءان فى هـذه الرسمـة - الزميل الفنان عمر دفع الله (Re: احمد محمد بشير)
|
بالجد الذكورة خصال وما حاجة.بايلوجية
يا ارباب واحمد البشير ما فضل الا تقولو سجم خشمي ويايمة ليك ممكن تمارسوا تحيزكم اللغوي النوعي ولا تثريب عليكم
لايق مع السلوك والخصال
وتذكروا ترديد الاكاذيب وتدويرها ما بخليها تبقى حقيقة وقاعدين ليكم شوكة حوت لا تفوت ولاتموت
نعري نضالكم المزعوم
سلامات ود الخالة يوم التسامح خلص ولا ناكل باسطة
غالبية رسومات ناس الكاركاتير السياسية في هذا المنبر تشبه وتذكرني بوسترات الرضاعة
هامة لطفلك و بوسترات المحافظة على الطعام بتاعة ناس الارشاد الصحي
اهم من القدرة على الرسم ان تكون ذكي ولماح وفكه ودي ما متوفرة للاسف
لكن عاد بورد من لا بورد له اي زول عنده باسورد ممكن يكون كاركتيرست ومحلل سياسي واقتصادي
| |
|
|
|
|
|
|
|
|
|
Re: يوجـد خطءان فى هـذه الرسمـة - الزميل الفنان عمر دفع الله (Re: احمد محمد بشير)
|
بالجد الذكورة خصال وما حاجة.بايلوجية
يا ارباب واحمد البشير ما فضل الا تقولو سجم خشمي ويايمة ليك ممكن تمارسوا تحيزكم اللغوي النوعي ولا تثريب عليكم
لايق مع السلوك والخصال
وتذكروا ترديد الاكاذيب وتدويرها ما بخليها تبقى حقيقة وقاعدين ليكم شوكة حوت لا تفوت ولاتموت
نعري نضالكم المزعوم
سلامات ود الخالة يوم التسامح خلص ولا ناكل باسطة
غالبية رسومات ناس الكاركاتير السياسية في هذا المنبر تشبه وتذكرني بوسترات الرضاعة
هامة لطفلك و بوسترات المحافظة على الطعام بتاعة ناس الارشاد الصحي
اهم من القدرة على الرسم ان تكون ذكي ولماح وفكه ودي ما متوفرة للاسف
لكن عاد بورد من لا بورد له اي زول عنده باسورد ممكن يكون كاركتيرست ومحلل سياسي واقتصادي
| |
|
|
|
|
|
|
| |
Abureesh
بدر الدين احمد موسى
محمد البشرى الخضر
الزبير صالح الزبير
Elsanosi Badr
احمد محمد بشير
معاوية الأرباب
صديق الموج
معاوية المدير
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست