دعواتكم لزميلنا المفكر د.الباقر العفيف بالشفاء العاجل
|
|
 ما قلنا ليكم ضاقت لي فرج ... الله اكبر ...
|
النفط: الإنتاج يقترب من معدلات قبل الانفصال
.....................................................................
أعلنت وزارة النفط، قرب ارتفاع معدلات إنتاج السودان من البترول لتفوق معدلاته قبل انفصال الجنوب بكميات كبيرة
تتزامن مع افتتاح علي عثمان محمد طه النائب الأول لرئيس الجمهورية حقل (النجمة) الجديد اليوم بمربع (17)
على بُعد (44) كيلو جنوب حقل (بليلة) بمتوسط (10) آلاف برميل يومياً
مع توقعات بارتفاع الانتاج لما يزيد عن الـ (30) ألف برميل في اليوم. وقال المهندس محمد صالح مدير مشروع
حقل النجمة إن الإنتاج سيبدأ غداً بمتوسط (6 - 10) آلاف برميل في اليوم، وكشف محمد صالح عن وجود اكتشافات نفطية عالية في (أبو جابرة وشارف).
الرأي العام
|
|
 
|
|
|
|
|
|
|
|
Re: ما قلنا ليكم ضاقت لي فرج ... الله اكبر ... (Re: صبري طه)
|
في ماذا يُستفاد من الكروم والمنجنيز يا ود الباوقة ؟
...............................................................
في زيادة الصادر يا صبري
وكمان ضيف ليها الثروة الحيوانية التي تقدر بالملايين
جمال
ابقار
ضان
وغيرها من الانعام
الله اكبر
| |
|
|
|
|
|
|
|
|
|
Re: ما قلنا ليكم ضاقت لي فرج ... الله اكبر ... (Re: ود الباوقة)
|
يا ود الباوقه حقل ا لبرصايه (النجمه) يبعد حوالى 50 كلم من بابنوسه وناس بابنوسه معتصمين لهم 18يوم فى ميدان التحرير
ذى ما قالوا الزيت ماكان كفى اهل البيت يحرم على الجيران والناس ديل مطالبهم عادله كهربه ومويه وصحه وطرق والا بترولك دا استمراره على المحك
| |
|
|
|
|
|
|
|
|
Re: ما قلنا ليكم ضاقت لي فرج ... الله اكبر ... (Re: ود الباوقة)
|
أسأل الله أن ينعم على الشعب الوداني بمزيد من الخيرات و أن يفرج كربه..آميين
| Quote: صدقوني لن نغادر سدة الحكم الا اذا ما عاش افقر مواطن سوداني في بحبوحة |
دي غايتو أنا شخصيا ما بصدقها لأنو حتى أيام البترول كان في معدلات انتاج عالية قبل انفصال الجنوب لم يوجه للزراعة و الصناعة و الانتاج بل وجه لمجالات استهلاكية و سفر وفود و مؤتمرات و سيارات حكومية فارهة و مرتبات وظائف دستورية و أصبحنا اليوم نتحسر على ذلك.
| |
|
|
|
|
|
|
|
|
|
Re: ما قلنا ليكم ضاقت لي فرج ... الله اكبر ... (Re: الحاج حمد الحاج)
|
* ولى عهد البترول على الشباب السوداني وهو مغيب وعاقد صفقة مع أعشاب تمنحه سعادة كاذبة وتنسيه واقع مرير .
* ولى عهد البترول ونحن نرقص( القرد) على انغام الربع ( أطال الله عمره) . ونرفع أيدينا نستجدي النبق) .
* ولى عهد البترول ونحن نبحث عن انتماء فما وجدنا سوى الهلال والمريخ فأتخذنا منهم أوطانا نفرح لانتصارهما ونغضب لهزيمتهما.
* ولى عهد البترول وما نلنا منه سوى التسكع في العفراء والتبول على جدران الفلل الرئاسية واستفدنا من أناره الطرق في لعب الورق والضمنة حتى ابتسامة الصبح ..
* ولى عهد البترول ونحن نمتطي الركشات برخصة في الآداب والقانون والهندسة ،( وياريت المرور خلانا) .
* ولى عهد البترول وكنا اكبرمن التمويل الأصغر وكنا أشرف من لصوص الاتحاد اللاوطني للشباب السوداني.
* ولى عهد البترول ونحن نتوارى في النهار ، ونتلصص في الليل هربا من كلمة عطالة صعاليك.
* ولى عهد البترول ولم ننعم بوجوده فشقينا بذهابه ، عجيب امرك يابلد.
* ولى عهد البترول، ونحن نستعير من الفول ماءه ، لنسقي رغيفا يقمع سلطة الجوع الفاشية
* ولى عهد البترول والليل يستر دموع الرجال . والانكسارات القميئة.
* ولى عهد البترول ، وما نلنا منه سوى زيادة في الواردات الرديئة كالموز الصومالي والنبق الفارسي. والجوالات الصينية المضروبة.
* ولى عهد البترول الذي أستفاد منه النظام العام في استجلاب الكرباجات المستوردة , وتجنيد الجواسيس داخل الأحياء. وخرجت منه الشرطة بالسيارات الفارهة و تجميل المباني قبيحة الدواخل.
* ولى عهد البترول غير مأسوف عليه . وعلى ايامه.
* ها قد تركناك ياوطن بعد أن تم تصديرنا وإنا اليك لعائدون.
ياريتك تتمعن فى كلام الشاب المرقتوه من وطنو ده وتحاسبوا نفسكم قبل يوم الحساب وخليك من الهرطقة الكيزانية اللى انت
اول واحد عارف انها كذب فى كذب .
| |
|
|
|
|
|
|
|
|
 Re: ما قلنا ليكم ضاقت لي فرج ... الله اكبر ... (Re: الحاج حمد الحاج)
|
| Quote: الشعب صابر والقيادة مؤمنة بالله وبتطلعات شعبها |
** ود الباوقه..
** سلام ومساءك خير..
## الأولى بالأحمر إنت صادق فيها ..... وبالأخضر دى زودت المحلبيه .... الصحيح مش (وبتطلعات شعبها) إنها أهلكت شعبها##
** (اللهم أنقذنا مِمن أتوا لإنقاذنا)
** ابو محمد فؤاد - الماكيكى...
| |
|
|
|
|
|
|
|
|
|
Re: ما قلنا ليكم ضاقت لي فرج ... الله اكبر ... (Re: ود الباوقة)
|
الخرطوم : مفارقات
وصول (7) بواخر محملة بالجازولين
كشف وزير الدولة بوزارة النفط فيصل حماد عن وصول (7) بواخر محملة بـ 250 ألف طن من الجازولين ، وقال عقب لقائه لجنة النفط بالبرلمان ، ان مصفاتي الجيلي والأبيض لهما القدرة على توفير حاجة البلاد من المشتقات النفطية . ( انتهي الخبر )
| |
|
|
|
|
|
|
|
|
|
Re: ما قلنا ليكم ضاقت لي فرج ... الله اكبر ... (Re: Abd Alla Elhabib)
|
سلام يا ود الباوقة
| Quote: أعلنت وزارة النفط، قرب ارتفاع معدلات إنتاج السودان من البترول لتفوق معدلاته قبل انفصال الجنوب بكميات كبيرة تتزامن مع افتتاح علي عثمان محمد طه النائب الأول لرئيس الجمهورية حقل (النجمة) الجديد اليوم بمربع (17)على بُعد (44) كيلو جنوب حقل (بليلة) بمتوسط (10) آلاف برميل يومياً |
يا ود الباوقة خاف ربك ياخ الـ 10 الاف برميل دي ما بتمثل اي شي من الانتاج السابق والبالغ اكثر من 600 الف برميل في اليوم دة غير انتاج الابار الما كانت مسجلة من آبار الجنوب الكانو غانحين بيها جماعتك ..
| |
|
|
|
|
|
|
|
|
|
Re: ما قلنا ليكم ضاقت لي فرج ... الله اكبر ... (Re: بجاوى)
|
ود الباوقة مبروك عليكم الاكتشاف الجديد عارف البلد دى ح يكون فيها بترول كتير من جثث المفقودين الدفنوهم وكتلوهم جماعة سيدك الرئيس ..
ياخ أركز طربيع......
دا طرفي من بترولكم دا.
ياكلواا حقهم حيييين ومييتين لما يبقوا بترول ،،
ياخي وقول لي جماعتك ديل اختشوو
| |
|
|
|
|
|
|
|
|
|
Re: ما قلنا ليكم ضاقت لي فرج ... الله اكبر ... (Re: Nagat Sid Ahmed Elshiekh)
|
(وفي السماء رزقكم وما توعدون)
الصابرات روابح
يا مفرج الهموم والكروب
نسألك في هذه الليلة المباركة الشريفة ان تغدق علي عبيدك السودانيين نعمك الظاهرة والباطنة
وان تجعلهم اغني شعوب الارض يرفلون في حلل الملذات الحلال وينعطنون في متع الحياة الدنيا ويتفرغون لعبادتك اناء الليل واطراف النهار.
شيخنا عمر قول امين
| |
|
|
|
|
|
|
|
|
|
Re: ما قلنا ليكم ضاقت لي فرج ... الله اكبر ... (Re: بجاوى)
|
نسى ود الباوقة ان يبشركم ايضاً ان زراعة المكرونة فى خور بلوط حققت انتاجاً
بلغ 50 طن للفدان الواحد وان هئية البحوث الزراعية تبحث فى طريقة لتطوير المنتج
بحيث يمكن انتاج بذور مكرونة سادة و بذور محسنة لانتاج مكرونة بالكاتشب والصوص..
وفى ولاية جوب كردفان اكتشف ان هناك نوع من القونقليس وبعملية تزريع جديدة
يمكن الاستفادة منه فى انتاج اليورانيوم المخصب و الذى سوف يدخل فى الصادرات
بعد خمسة اعوام ليسد الفجوة فى الميزانية ويرتق العجز فى ميزان المدفوعات، بسد نرجوا
من الشعب السودانى سلالة سيدنا ايوب ان يصبر على الانقاذ شوية والدنيا بنوها فى ستة
ايام والمثل الدارجى يقول ((من طردها ما لحقها)) والسلام،،،
| |
|
|
|
|
|
|
|
|
|
Re: ما قلنا ليكم ضاقت لي فرج ... الله اكبر ... (Re: فتح العليم محمد أبوالقاسم)
|
| Quote: ما قلنا ليكم ضاقت لي فرج |
Quote: قناة الجزيرة :
أزمة مواصلات في الخرطوم
معاناة يومية للسودانيين بانتظار الحافلات
|
Quote: البشير :
يوجه بإيجاد حلول جادة للخطوط الجوية السودانية |
Quote: محافظ بنك السودان :
بث في مؤتمر صحفي بالبرلمان أمس تطمينات بتوفر احتياطي من النقد الأجنبي يكفي حاجة البلاد لاستيراد الوقود والقمح والسكر والأدوية ومدخلات الإنتاج خلال العام المقبل |
| Quote: الرد الرد *** كبارى و سد |
Quote: أسامة عبدالله :
09-24-2009 01:29 PM.
42 % من كهرباء سد مروي غير مستغلة :
اعتبرت وحدة تنفيذ السدود أن ما تحقق من توليد كهربائي بسد مروي قد تجاوز البرمجة الموضوعة ... |
Quote:
12-15-2012 05:57 AM
إعترف وزير السدود والكهرباء المهندس اسامة عبدالله بأخطاء صاحبت بناء سد مروي نتيجة الإستعجال والحماس بتجاوز التجارب الإنسانية بحثاً عن التوازن الطموح خاصة فى التعامل مع المواطنين . |
| |
|
|
|
|
|
|
|
|
|
Re: ما قلنا ليكم ضاقت لي فرج ... الله اكبر ... (Re: مها عبد الله)
|
سلام يا ود الباوقة
حتى لو صدقنا أحلامكم بتدفق البترول.. في نقطة مهمة جدا غايبة عنكم أو بتتجاهلوها... يا ود الباوقة يا عزيزي مشكلة الإنقاذ أبدا لم تكن في شح الموارد أو الابتلاءات كما يحلو لكم تسميتها. مشكلة الانقاذ الحقيقية في أنها نظام فاسد بصورة لا يستوعبها العقل البشري. يضاف إلى هذا الفساد غياب تام للكفاءة والمقدرة على حكم بلد كالسودان. ديل مصيبتين لو اجتمعوا في أي شخص أو نظام أو مؤسسة بجردوه تماما من استحقاق تولي أي مسئولية.
أقول ليك الكلام دا وأرجو أن تتأمله بكل هدوء وموضوعية. أخد أي مجال من مجالات الحياة تعليم.. صحة.. زراعة.. صناعة.. دفاع.. أي حاجة وشوف نوعية الكوادر البتديرها في السودان تلقاها كوادر غير مؤهلة لو اجتمع لها مال قارون لما استطاعت أن تصلح في مجالات مسئولياتها. طيب لمن تضيف لهذا العجز وعدم التأهيل الفساد غير المسبوق في تاريخ البشرية (ودا كلام بقوله بدون مبالغة) حتعرف إنه مافي أي أمل في إصلاح مالم تذهب الانقاذ وحزبها إلى مزبلة التاريخ.
دا طبعا مع التأكيد على أن هذا النظام نظام كذوب ولو شفت البترول مدفق من المواسير فسأتردد مليون مرة قبل أن أصدق كلمة مما يقوله.
| |
|
|
|
|
|
|
|
|
|
Re: ما قلنا ليكم ضاقت لي فرج ... الله اكبر ... (Re: ود الباوقة)
|
Quote: صدقوني لن نغادر سدة الحكم الا اذا ما عاش افقر مواطن سوداني في بحبوحة
من الماكل والمشرب والرفاهية
|
ود الباوقة يعنى نعتبر كلام ربيع ده هو ما سيؤول اليه الوضع فى 2014 يعنى
سنشاهد تزاحم فى وسائل النقل المتجهة للسودان بعد أن ينهى مئات الآلاف من مغتربى
الخليج تعاقداتهم ويصطفون أمام وكالات السفر من أجل الحصول على تذكرة .
| |
|
|
|
|
|
|
|
|
|
Re: ما قلنا ليكم ضاقت لي فرج ... الله اكبر ... (Re: صديق الموج)
|
الحبيب ودالباوقة - سلام
والقادم أبهى وأجمل ... وسودانا فوق بإذن الله
لكن مسئول من الخير .. ود كوبر .. ود عمك دا حكايتو شنو معاك
يأكل معاك في صحن واحد... ويمسح كفينو في جرايدو
لكن كلامو دا ما سمح تب تب تب ... والبتة
| Quote: فرجك بالحدية الما تجيبو راجع يا فقر،،، |
تحياتي
| |
|
|
|
|
|
|
|
|
|
Re: ما قلنا ليكم ضاقت لي فرج ... الله اكبر ... (Re: حمد إبراهيم محمد)
|
الحبيب ودالباوقة - سلام
والقادم أبهى وأجمل ... وسودانا فوق بإذن الله
.........................................................................
حبيبنا حمد
وباذن الله فوق فوق سودانا فوق
رغم كيد الاعداء المتربصين
لكن مسئول من الخير .. ود كوبر .. ود عمك دا حكايتو شنو معاك
يأكل معاك في صحن واحد... ويمسح كفينو في جرايدو
لكن كلامو دا ما سمح تب تب تب ... والبتة
..................................................................
دا اكل مع ناس الحركة الشعبية يعني ممسح وشيهو بي مرقة
نسال الله السلامة
| |
|
|
|
|
|
|
| |
ABUHUSSEIN
)
الفاتح علي التوم
صديق عيسى صالح
عبداللطيف خليل محمد على
الفاضل يسن عثمان
Deng
نور الدين عثمان
الحاج حمد الحاج
الشفيع وراق عبد الرحمن
أسامه الكرور
عبدالكريم أحمد الامين
ناذر محمد الخليفة
وضاحة
معاوية المدير
د.محمد بابكر
الطيب شيقوق
Abd Alla Elhabib
فتح العليم محمد أبوالقاسم
بجاوى
Nagat Sid Ahmed Elshiekh
Azhari Mohamed
عبد اللطيف السيدح
صديق الموج
محمد الرفاعى
مها عبد الله
Elawad
جمال خضر
حمد إبراهيم محمد
حبيب نورة
فيس بوك
تويتر
انستقرام
يوتيوب
بنتيريست