رحلة العمر ومشوار السنين /رحلة العمر ومشوار السنين (حكاااي ياودشيقوق)

حفل دعم الجالية السودانية بمنطقة واشنطن الكبري بالفنان عمر احساس
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 19-09-2018, 11:55 AM الصفحة الرئيسية

مكتبة مجاهد عبدالله محمد علي(مجاهد عبدالله)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
29-08-2007, 05:46 AM

مجاهد عبدالله

تاريخ التسجيل: 07-11-2006
مجموع المشاركات: 3988

للتواصل معنا

FaceBook
تويتر Twitter
YouTube


رحلة العمر ومشوار السنين /رحلة العمر ومشوار السنين (حكاااي ياودشيقوق)

    Quote:

    [email protected]




    Last Update 27 اغسطس, 2007 09:49:17 PM


    --------------------------------------------------------------------------------

    رحلة العمر ومشوار السنين

    الطيب شيقوق/المحامي
    [email protected]

    (تعتريني حالة من الانجذاب الى الوطن سائحاً في معيتكم في مستقبل ماضيه الذي استشرفته واعدته نبضاً في وجداني وقلبي وتصورا في ذهني وعقلي رؤية أسعد كثيراً أن أشاطركم حقوق ملكيتها وأعباء التفكر والتدبر فيها وتمثلها والصبر على غرسها وانتظار حصادها ... عِبئان لا يطيقهما إلا الرواد العائدين من (دور) المستقبل لقيادة ظعائنهم إليه ليشاركوا جميعا في تنمية أرضه وأهله الطيبين ليغسلوا عنهم أوضار العجز التي غشت وجه شعبنا الوضئ وتبعث فيه قدرته على التمام من جديد) الدكتور محمد يوسف ابو حريرة

    (ولعل الاحتياج الدائم لعمر الطفوله وزمن الصبا والعمر والتجارب والمراحل تاخذ الانسان فى تجوال ملزم وتتشتت فى سماء الكون احاسيس الالفه والامان..وذلك الطهر البراءه...وذكريات الطفوله والدراسه لن تنمحى من خيال الذاكره ابدا..حتى تفاصيل الاشكال قد تغيب الاسماء لكن هنالك اسماء حفرت فى اخاديد الذاكره لن تنمحى..ويبدا الطواف الذى فى اجتراره يمنح دعشات تلك الانسام ويجدد خلايا الروح ويوصل مسافات العمر ليبقى ذلك الارتباط هو حلم الخيال الامانى والاحلام..وكل منا يريد ان يعود الى زمن الطفوله ورفقة الصبا عله يستطيع تعديل واصلاح مدى الرؤيا فى مستقبل عالم مضطرب..لان امان اللحظه وقتها كان قائما على احساس ذلك الامان فى البيت والحله والقريه والطريق والمدرسه ..وكان تلك رياح الزمن الجميل..) عصمت العالم

    اهلنا ايام زمان


    كان أهلنا الطيبون زمان بيعتقوا ليك بت عمك من تتأتى ( المتاتاة هى اول حركة للطفل على رجليه) بقولوا دى من الآن حقت فلان وتانى مافي حد بيقرب ليها وكانت بت عمك دى تحبس معاك الطير في البلدات وتطلع معاك في الحاحاية ( الحاحية لاهلنا الما بيعرفوها راكوبة صغيرة بيعملوها جوة البلاد بعد العيش يلبّن عشان يطلعوا فيها الوليدات والبنيات ويحاحو الطير من العيش اما بالصياح او بالفرطاق والفرطاق بيعملوهو من الزعف يشبه سوط العنج عندما تضربه بيعمل صوت زى الصاقعة بهوّب الطير) وعادة تمشى انت ومعاك اخواتك وبنات عمك حتى المعتوقة ليك لمحاحات الطير وبنكون شايلين لينا مخلاية فيها كسرة حامضة وحلوة معاها زيت وبصلات بس ودى في الخلاء الحاجات دى احلى من البيتزا والكنتاكي ليها طعم لذيذ يا اهلي . مرات أنا بشيل معاى كراس المذاكرة بحب دائما اشيل الاناشيد بتاعة الجغرافيا

    وقد ظلت حناجرنا الغضة تردد نشيداً شجياً فى كل المدن والقرى والبوادى السودانية بحماس وغبطة وحبور فى آخر كل حصة للجغرافيا فى السنة الثالثة الابتدائية ... كان هذا النشيد الذى شد نياط القلوب بأوتار لا ترتخي بكل بقاع الوطن من القولد حتى يامبيو ومن محمد قول حتى بابنوسة وفعل فى النفوس فعل السحر . ولا يزال يتوهج فينا نحن الكبار بعد مرور عشرات السنين ويبعث حنيناً وروحاً وطنية متأججة فى كل الأجيال .

    فى القولد التقيت بالصديـق
    أنعم به من فاضل ، صديقى

    خرجت أمشى معه للساقية
    ويا لها من ذكريات باقيــة

    فكم أكلت معــه الكابيدا
    وكــم سمعت اورو والودا

    ***

    ودعته والأهل والعشيرة
    ثم قصدت من هناك ريره

    نزلتها والقرشى مضيفى
    وكان ذاك فى أوان الصيف

    وجدته يسقى جموع الإبل
    من ماء بئر جره بالعجـل

    ***

    ومن هناك قمت للجفيـل
    ذات الهشاب النضر الجميل

    وكان سفري وقت الحصاد
    فســرت مع رفيقى للبــلاد

    ومر بي فيها سليمان على
    مختلف المحصول بالحب إمتلا

    ومرةً بارحت دار اهـلى
    لكي أزور صاحبى ابن الفضل

    ألفيته وأهله قد رحلـوا
    من كيلك وفى الفضـاء نزلوا

    فى بقعة تسمى بابنوسـة
    حيث اتقوا ذبابة تعيســــة

    ***

    ما زلت فى رحلاتى السعيدة
    حتى وصلت يا مبيو البعيدة

    منطقة غزيرة الاشجــار
    لما بها من كثرة الأمطــار

    قدم لى منقو طعــم البفره
    وهو لذيذ كطعام الكســـره

    ***

    وبعدها استمــر بى رحيلى
    حتى نزلت فى محمد قـــول

    وجدت فيها صاحبي حاج طاهر
    وهو فتى بفن الصيد ماهـــر

    ذهبت معه مرةً للبحـــــر
    وذقت ماء لا كماء النهــــر

    ****

    رحلــت من قول لودْ سلفاب
    لألتقى بسابع الأصحــــاب

    وصلته والقطن فى الحقل نضر
    يروى من الخزان لا من المطر

    أعجبنى من أحمد التفكيـــر
    فى كــــل ما يقوله الخبيرُ

    ***

    ولست أنسى بلدة أم درمــان
    وما بها من كثرة السكـــان

    إذا مرّ بي إدريس فى المدينة
    ويا لها من فرصـــة ثمينة

    شاهدت أكداساً من البضائــع
    وزمراً من مشتر وبــــائعْ

    ***

    وآخر الرحلات كانت أتبره
    حيث ركبت من هناك القاطره

    سرت بها فى سفر سعيد
    وكان سائقى عبد الحميـــد

    أُعجبت من تنفيذه الأوامر
    بدقة ليسلم المســـــافر

    ***

    كل له فى عيشه طريقـة
    ما كنت عنها أعرف الحقيقـة

    ولا أشك أن فى بــلادى
    ما يستحق الدرس باجتهـــاد

    فإبشر إذن يا وطني المفدي
    بالسعي مني كــي تنال المجدا








    لقد كنت محبا لسورة الفجر وليال عشر والضحى والليل إذا سجى وحفظت سورة الإنسان ذات الإيقاع الجميل قبل أن تدرس و كنت أرتل بصوت عالي وأنا في الحاحاية واخواتي يتلون خلفي و كنّ يحفظن القران بدون مدرسة .

    وا حسرة الجيل الذي لم يدرس من تلك المناهج الحلوة . كنا نترنم بالاناشيد في الخلاء بصوت عالي وأخواتي وبنت عمي( معتوقتي) بيشيلوا معاى كورس وهم في الحاحاية والصوت بهوّب الطير وبيطير من الزراعة بيمشى بعيد ويعود تاني تاني .

    بعد الدنيا تبقى عصر بنمشى نجمع العنكوليب والتبش والبامية ونشيلها في المخالي ومرات نلقى لينا حميضات قايمات بروس عشان نفرّح الاطفال و يتلقونا مــن طرف الحلة مبسوطين وفرحانين . بس الاطفال كانوا ما بطلعوا من طرف الحلـــــــــــة بعيد لانهم سامعين في الدماسات ( الزمن بين المغرب والعشاء) السوابح والشواطين بيطلعوا .
    بطرف حلتنا في عرديبة كبيره من زمن جدودنا الزمااااااااااااااان بسموها المدقة عشان بالليل قالوا بسمعوا الشواطين فيها بيدقوا حاجة زى البن والعرديبة دى انا لحدى هسه ما بقدر امشى تحتها بالليل . وقت الصبان ( انقطاع المطر) ناس حلتنا بتجمعوا بالنهار تحت ظل العرديبة دى وبيتلوا القران وبسوا كنيش كنيش ( بليلة عيش) وبيعملوها كيمان كيمان للاطفال عشان ربنا يجيب المطر.

    اها يا اخواني انا كبرت شوية وشامة بت عمى كبرت شوية . انا بقيت في رابعة اولية في السلم التعليمي الزمان ( يا حليل زمن رابعة اولية زمان الخريج منها افهم من حامل شهادة الدكتوراة اليوم وخطاطين الواحد اكان كتب ليك سطر تعاين ليهو يمين وشمال من جماله) . فزت في الامتحان وقالوا بودونى مدينة القويسي (ده اسم مدينة الدندر القديم الموجود الان على خريطة العالم وبتلقوهو في القوقل ايرس حاليا ) وكمان قالوا بسكنوني الداخلية مع اولاد البندر النضاف كانت الداخلية بتجمع اهلنا اولاد قبيلة رفاعة ومعاهم اولاد السوكى وكركوج بلد الشريف محمد الامين وكساب السكن فيها زمان الشاعر اسماعيل حسن ايام كان بيعمل في مشاريع ناس ابو العلاء عندنا هناك . اتحزمت واتلزمت وابوى حاج مضوى اكان عنده عربيه تيمس . قال للسواق دور اها ركبنا انا وابوى وعمى ابو شامة – معتوقتي- بقدام ودورنا . العربية أكان فيها لحافي الجديد وملاية جديدة واشتروا لى اول مرة في حياتي صباعين معجون ابو وردة وزمان كنا في الحلة بنسوك بالشاو والاراك مسواك الرسول (ص) . المسافة كانت كلها عشرة كيلو من حلتنا البردانة لمدينة القويسى وكانت عيون الاهل تزرف الدموع على فراقي وامى اسبوع ما أكلت وخالاتى وعماتي واقفات جنب العربيه يبكن ويعصرن لى بحنية الريال و الشلن في جيوبي والحبوبات الكنت بنــوم معاهن بهبابي الصغير المفروش بالبرش الدقة برضو بيبكن لانى كنت اكثر الاطفال سماعا لحجاويهن واكثرهم رعبا من بعض احاجيهن متل ود النمير وود ام بعلو والدودو وكنت بترسل ليهن في الهجعة للدكان اجيب ليهن زيت المسوحة وجاز اللمبة والكبريته .

    السواق زمان كان نضيف ومهندم زى مدير الجامعة اليوم وما بجالس الا الموظفين الكبار . اها دور وانا بعاين ليهو بدور كيف وبعشق كيف وبفرمل كيف واتمنيت لو بقيت سواق كمان . السائق زمان كان ما بدوهو الرخصة الا يشتغل مساعد عربيه عشرة سنوات حتى يتعلم يفك الماكينة ويحل ويربط اى جهاز في العربية وكمان يتعلم كيف يجامل الناس . رخصنا زمان في الخارج ببدلوها طوالى بدون تردد .

    اها وصلنا المدينة وقالوا يفطرونى ويودونى الداخلية فطرنا زيييييييييييييين ومشينا على الداخلية . بوابة المدرسة كبيرة ومحروسة وما بخلوك تدخل الا بعد إبراز شهادتك الدخلت بيها . طلعت الشهادة والحارس عاين فيها وعاين لى وعاين في ابوى وعمى وابتسم وقال اتفضلوا معاى . تبعناهو ودانا مكتب المسجل (زمان المدارس الوسطى فيها مسجلين زى الجامعات هسه )

    المسجل قرا الاسم ولقيناهو عنده قوائم لتوزيع الطلاب على الداخليات التلاته (الدندر والرهد وعطبرة) ولقيت نفسي في داخلية الرهد و اى داخلية كان عندها رئيس وهو عادة اكبر طالب فيها . المسجل نادى رئيس الداخلية وقال ليهو استلم عندك الطالب ده وقال لابوى وعمى انتظروا هنا ولدكم بيمشى وبيجيكم . مشيت الداخلية و كان في داخلية كل حاجة جاهزة لحافي رجعوهو لاهلي وادونى سرير سمّح مفروش ومعاهو بطانية انجليزية من الصوف ودولاب ملابس ومكتبه . رجعت لابوى وعمى وودعتهم وانا ابكى (كلها عشرة كيلو)

    كان من ضمن الطلاب الذين تم قبولهم معى من اهلي اخي ابن عمي دكتور البدرى بابكر احمد (امبلي) والذى لديه مسيرة حياته الخاصة من البادية الى لندن حيث يعمل الان طبيبا للنساء والتوليد ببريطانيا . كنا كابناء قرية واحدة نمثل مجموعة تتميز بثقافة فريدة داخل المسرح المدرسي . كنا نحاول ان ننأى بانفسنا عن ابناء المدينة الذين يقيمون معنا في الداخليات وكان لدينا راى في طريقة حديثهم وملبسهم وسلوكهم . كان هاجسنا الوحيد ان نكون في غرفة واحدة وقد كانت بداية المواجهة مع ادارة الداخلية هو كيفية ايجاد غرفة تجمعنا لوحدنا .

    لم تبدا الدراسة وقتها بصورة منتظمة في بداية العام الجديد لان الحشائش كانت تغطى مساحة كبيرة جدا من حرم المدرسة وقد جرت العادة علـــى ان تستنفر طاقات الطلاب للنظافة في بداية العام وكان لايسمح لاى طالب ان يخرج من سور الداخليات الا بعد الحصول على اذن من الرئيس العام للداخليات ولفترة زمنية تحدد من قبل الرئيس . كان همنا في الايام الاولى هو الذهاب الى السوق لشراء ملابسنا وكانت المتعة في الخروج تتمثل في امكانية مقابلة بعض من الاهل الذين ياتون للسوق اما للتسوق او لعلاج مريض في مستشفى المدينة او للحصول على عمال للعمل في مشاريع اهلنا الزراعية ومجموعة من اهلنا تاتي المدينة لشربة عبار او عبارين من المريسة وعادة تعود هذه المجموعة الأخيرة الى القرية في العصريات وكنا نجلس تحت سنطة ظليلة في لحظة عودتهم الى القرية مرورا بمدرستنا لنشاهد هولاء وهم عائدون يترنحون يمينا ويسارا ونجد فيهم ، رغم انهم هكذا ، حنان الأهل وربما يتبدد جزء من مآسي الغربة بمشاهدتهم وربما يكونوا وقتئذ مادة للحديث عنهم إلى أن يتوارون عن أنظارنا .
    كنا ننظر لعصافير الخريف تشقشق على اغصان الشجر ونلومها في البقاء هنا في المدينة طالما لديها الحرية والحركة للذهاب الى الريف .

    في الساعة الثامنة مساء يوم الجمعة الموافق للأول من يوليو لعام 1969 م رن جرس الصفرة إيذانا بحلول ساعة وجبة العشاء . كنا وقتئذ لابسين( كاجوال) عراقي ساكوبيس شفاف بلون ابيض ناصع و سراويل طويلة وطواقي مطرزة باليد . كان أبناء المدينة يلبسون الأردية والقمصان الجميلة وأحيانا بناطلين مصنوعة من مادة الترلين الأملس خالص . كان هاجسنا هو كيف نتعلم لبس الأردية ورباط الأحزمة بل حتى كيف نكشف عن ساقينا .

    كانت وجبة العشاء دسمة للغاية فيها الخبز وفيها العدس وفيها الفول وفيها الجبنة وفيها الطحنية والمربة . حسبناه يوما لاستضافتنا ولكننا أدركنا أخيرا أن الحال ستبقى هكذا . كانت بالفعل لحظة فرحة يبدد سعدها تارة العودة بذاكرتنا للريف وللوالد و الأم كيف لهما ان يجدا من ينش أغنامهما من الصباح الى المدرسيب ( محل تجمع أغنام القرية ) من سيرسلا صباحا لشراء السكر والبن ومن سيجدا ليحمل الماء على ظهر الدابة إلى عمال الزراعة ومن يحمل الكورة (نعومة) وهى مليانه بالسمن النقي لشيخ الطريقة ليعود بها مليانة محاية تكف العين وتدفع الاذى وتفتح الذهن ومن يلحظ ناقتهم الولودة وهى ترعي باطراف القرية ومن يسجل لهم اسماء النساء اللائي يشترين الزعف- تجارتهم الرئيسية منذ اكثر من خمسين عاما وحتى يومنا هذا – ولا يدفعن كل أو بعضا من القيمة ومن ومن ...
    بعد العشاء مباشرة عدنا لعنابرنا التي كان تضاء بالفوانيس وقتذاك . كانت حركتنا ليلا مابين العنابر والحمامات لكثرة الثعابين في ذلك الموسم (الدرت) فالارض طينية سوداء عادة يتصدع صطحها محدثا شروخا دافئة تمثل بيئة ممتعة للثعابين لا سيما الوشاش وابي درقة وغيرها من الحيوانات السامة ولهذا كنا نلزم اسرتنا في انتظار الساعة العاشرة مساء حيث يرن جرس النوم ليحرم بعد ذلك اى طالب من التحرك من سريرة الى اى موقع اخر . انتابنا احساس بكراهية للمدرسة وللمدنية وللتمدن وكان كل همنا محاولة الهروب ( الفزيز) من هذه البيئة لنعود لحياتنا الطبيعية في الريف حيث لا قيود على الحركة ولا تحديد لساعة النوم . تعودنا في الريف ان نسهر مع اخواننا نلعب هو لبب وشليل وين راح والرمة الحباسة دقوها في راسها لنعود بعد ذلك للنوم مع حبوباتنا في عناقريب القد الوهيطة .

    اشرقت شمسنا رتبنا امورنا و لبسنا الاردية المصنوعة من الكاكي التخين والاقمصة الناصعة البياض كان منظرا ننظر فيه بكثير الحياء والكثير من الالم لكنه داء المدنية الذى صار شرا لابد منه .

    رن جرس الطابور ليصطف جميعنا في اربعة اشرطة ترتدى زي واحد الرداء والقميص . كان الطلاب في قمة الانضباط . كان يتوسط الطلاب استاذ طويل القامة يرتدى اجمل الملابس ربما يكون اكبر شخصية شهدتها في حياتي وقتئذ.

    بعد التمام انصرفنا بهدوء تام الى الى قاعات الدراسة . كانت مكتملة البنيات . لأي منا كرسيه ودرجه وما بينها مساحات مهولة . كنا نتلفت يمين وشمال داخل القاعة فوجدنا انفسنا محاطين بابناء البندر .

    دخل علينا مدير المدرسة احسسنا فية الهيبة والجبروت . حيا الجميع وبدأ حديثه بتقديم خلفية عن المدرسة . احسست فيه شموخا وهو يتحدث عن انجازاتها في السنين الماضية كانت تضاهي كاب الجداد ولم تخرج قط عن قائمة العشر الاوائل من مدارس السودان كافة . حكى لنا كيفية انشائها وعلمنا ان للامبراطور هيلاسلاسي دوره المقدر في تاسيسها قال لنا المدير:

    كان هيلاسلاسى من حكماء القارة كان متواضعا يحب مخالطة العامة والبسطاء وكان كثيرا ما يزور الدندر فى رحلاته للصيد ..وفى احدى زياراته للدندر كان مسار موكبه - بالشارع الوحيد بالمدينة - فى طريقه للمجلس الريفى ومن ثم لمنزل الناظر يوسف العجب ويمر الموكب بالمسجد الذى كان مبنيا من القش فاصدر ضابط المجلس توجيهاته بازالة المسجد واعادة بنائه بعد انتهاء الزيارة ، واظن ان الضابط هو الريح الامين، فغضب عبد الماجد فرج - من مواطنى الدندر -غضبة مضرية واستل المسلول مدافعا عن حرمة المسجد وتمت تسوية الموضوع وذلك بان يقوم المجلس بتغطية كل المسجد بقماش الدمورية وزن عشرة واعطت المسجد شكل قبة رائعة الجمال ومنذ تلك اللحظة بدا التنفيذ فى بناء المسجد بالمواد الثابتة . لقد تمت الدعوة لجميع قبائل رفاعة لتناول الغداء مع جلالة الامبراطور فى قرية البردانة (قرية الطيب شيقوق) وكان يوما مشهودا وتبرعت قبائل رفاعة بعدد مائة بعير لجلالته . تاثر الامبراطور تاثيرا كبيرا بهذا التبرع وطلب من الناظر يوسف العجب ان يوافيه باحتياجات المنطقة العاجلة فكان رد الناظر باننا فى حاجة الى مدرسة ومستشفى وتبرع هيلاسلاسى بالمئة ناقة واكمل عليها ما تبقى من اموال وكانت بحق اعظم هدية للمنطقة لم نجدها حتى من حكامنا الوطنيين . والزائر لمدينة الدندر اليوم وفى شمال المدينة وشمال السكة حديد مباشرة يشاهد مبنى المدرسة الوسطى ومبنى المستشفى وكانهما ديدبانات واقفة لحراسة ذلك السهل الخالى من التخوم والمعالم..
    لم تكن الثنائية بين المدرسة الوسطى والمستشفي عبثا بالنسبة لي . فالمستشفي هي الوحيدة وما زالت في منطقة لا تقل مساحتها عن دولة الكويت . كانت المستشفى تجاور المدرسة الوسطى وتطل عليها من جهة الشرق والإنداية من السافل لتكتمل أضلاع المثلث بثالثة الاسافي وكان الشارع الرئيسى مملوك على الشيوع بين رواد المستشفي والانداية وعادة يكون دائم الحركة حتى ساعات الصباح و يمر به القاصدون الدواء والمتشوقون للمريسة والارزونا والعسلية ومستلزماتها المرخص بها ....... قبل قوانين سبتمبر 1983. ثمة فئة أخرى من الرومانسيين والرومانسيات الذين يجدون في حرم المستشفى مساحة ارحب للتلاقي والتلاطف فأما أن يكونوا قد رتبوا للتلاقي هنا سلفا أو كان اللقاء مجرد صدفة ، في رحابها ، تصلح أن تكون بادرة لعلاقة قد تكون مستدامة أيا كان الشكل المستدام الذي يتراضى عليه الطرفان ......
    كنا نذهب للمدرسة عند الصباح وبعد انتهاء الحصص نعجل الى الصفرة لما بها من طعام لم نجده عند اهلنا الا في مناسبات الاعراس وربما احيانا في السمايات . لم نكن ندري ان حليب البقرة المرئي وسمنة البخسة ( بضم الباء) التى تصنعها امهاتنا ، ولحمة عبد الجليل ، والدواجن التي تلتقط من حب الذرة والسمسم والدخن المشتته في حيشاننا تحتوى على مادة غذائية اجود واصح من الجبنة الهولندية والمربة البلجيكية وما كنا ندري ان وزارة التربية والتعليم بعد التشاور مع وزارة الصحة قد اختارت اغلب اغذية الداخليات لما تحتوية تلك الاغذية من مواد تقلل من عنفوان الرجولة .....

    بعد تناول وجبة الغداء يعود اولاد المدينة عادة الى عنابرهم للراحة اما نحن فنذهب للجلوس تحت ظل السنطة المجاور لشارع المستشفي علنا نقابل او نشاهد اى من اهلنا قادما من المستشفى او الانداية . كان الفاصل بين الشارع والمدرسة سور من السلك الشائك ولذا كنا نلحظ حركة المارة ونميز ملامحمهم . وكنا لا نبادر بالسلام على اى عابر الا بعد ان يبادر هو بالاقتراب من السور ومناداتنا وذلك لاننا نعلم بان الطالب وهو مصنف هكذا – ومهما كان الوضع المالي لاسرته - يعنى طالب العلم الذىمن واجب اهله ان يجودوا عليه بعطاياهم عله يتخرج ويرد الجميل في الوقت المناسب .

    وقد لاحظنا ان القادمين من الانداية يتميزون بالسخاء الينا اكثر من غيرهم و ادركنا ايضا ان ذلك لم يكن لعدم اتزان في التصرف وانما لان الحياة علمتنا ان كرم وشهامة ومروءة هولاء قد تصل الى حد تنكيس الراية او قلب الصحن (تنكيس الراية كناية على الجود الفائت حده لدرجة استحواذ كل مافي الانداية والتكرم به لكل من وطأت قدماه تلك البقعة) ( وقلب الصحن كناية على رفض ابي العريس النقطة والنقطة هى الخته في كشف العرس) لقد كانت مجالس البهجة اكثر ثراءا بالادب والشعر ولا غرو فاغلب من صنعوا تاريخنا الادبي والثقافي والفنى قد تشكلوا في تلك المجالس وصاروا اسماءا في حياتنا .

    كان الفنان زيدان ابراهيم في اوج سمعته الفنية لا يشدو الا لاسر الراسمالية الوطنية وقتذاك والتي صارت اليوم اثرا بعد عين امثال ابي العلاء وخليل عثمان ومحمد احمد ملاح و وعبد ربه في بورتسودان والنفيدى وهو وقليلون من الذين لم يهزهم ريح التغلبات السياسية ربما لان لديهم اجهزه للانذار المبكر .....

    لقدر درجت ادارة مدرسة الدندر الوسطى على اقامة احتفالات لاستقبال الطلاب الجدد على خشبة المسرح وكان لديها من فائض الاموال المخصصة لها ما يكفي لتغطية نفقات دعوة كبار الفنانين السودانيين من الخرطوم الى الدندر . ولا ننسى ان فاتورة الفنان القادم الينا تقدر بمقدار المسافة وما اذا كان الطريق معبدا ام ترابي . وحتى ان كان ترابي فان موسم الرحلة مهم جدا في زيادة او تخفيض تلك المصاريف . فالطريق الينا من الخرطوم تزيد وعورته في اعقاب موسم الخريف مباشرة لكثرة المجاري التى يسببها اثار الجمال او التراكترات ابان موسم الامطار . وليكون الدندر جاذبا لهولاء الفنانين فقد كان الاغراء الذي يقدم من قبل المدرسة هو ، بالاضافة الى المبلغ المهول المتفق حوله ، زيارة حظيرة الدندر التي تعتبر الاكبر من نوعها في العالم من حيث المساحة وطبيعة الحيوان البرى المتواجد آنئذ
    تمت دعوة وجهاء المدينة لحضور ذلك اليوم التشريفي وبالطبع فان المقاعد الامامية للحفل تخصص للناظر يوسف العجب ناظر عموم قبيلة رفاعة الشرق والمقربين اليه الذين اعتاد التشاور معهم في كل كبيرة وصغيرة امثال الحاج محمد عبد الرحيم والحاج فضل الله والعمده حجر جد الاستاذ احمد حماد ادريس الذى يتواصل معنا على دوام بكتاباته عبر هذا المنبر والحا ج الطريفي من قرية نور الجليل وهذا الاخير هو جد الشهيدة التاية ابو عاقلة الطريفي التى اقتالتها رصاصة الامن الاثمة بجامعة الخرطوم في عام 1991 .

    استهل الحفل بكلمة من ناظر المدرسة مرحبا فيها بناظر القبيله ورفاقه وجميع الحضور ويكون خطابه بمثابة تقرير سنوى عن انجازات المدرسة خلال العام المنصرم . بعد انتهاء كلمة الناظر تمنح الفرصة لناظر القبيلة ليحيي فيها ناظر المدرسة سليمان محمد احمد المنصور رحمه الله وبقية المعلمين وجميع الحضور وبعد انتهاء كلمة الناظر يغادر الناظر ورفاقه الحفل دون الانتظار لسماع الاغاني ولانهم يعتقدون ان مشهادة الفنان وهو يتمايل تقلل من شانهم .

    اعلن المايكرفون بداية الغناء وتقدمت فرقـــة الاوركسترا واخذت تعزف اغنية باب الريده انسد واكثر ما اعجبني فيها المقطع البيقول ( تمر ايام وتتعدى بالصورة الرائعة التي يطوع فيها زيدان صوته) ويقيني ان اغلب ابناء ذلك الجيل تشجيهم هذه الاغنية وتعود بذاكرتهم الى اجمل محطات مسيرة حياتهم .

    بعد ذلك ظهر الفنان الشاب الانيق زيدان والذى يوحي لك شكله وتوحي اليك هندمته بانه فنان بكل ما تحمل هذه الكلمة من معنى وقد كان مبتهجا وكانه في دمشق وقاصرينا اعجبه الحضور الذى كان يتمنى ان يشاهد فنانا يسمع صوته على الدوام في الاذاعة ولكن لم يراه الا في هذا الحفل . انحنى زيدان محييا جمهوره وكان التصفيق لا التهليل !! يهز جنبات المدرسة الاربعة .

    كنا نحن ابناء الريف اكثر جسارة من ابناء المدينة في اقتحام المواقع الامامية من المسرح بعد ان انصرف الوجهاء وناظر المدرسة . اخذ ابناء المدينة يتمايلون مع الاغنية وهم في كراسيهم وكنا نلحظ ذلك باستغراب . كان طلاب الصف الرابع اكثر انضباطا والصف الثاني والثالث اكثر تهريجا .

    بدأ الطلاب الصعود بلا حياء الى حلبة الرقص وكان ابناء السوكى وسنار واقارب المعلمين من الطلاب - الاكثر تمدنا - هم الاكثر ابداعا في فنونه خاصة رقصة رجفة الكتف ( الحت) وكان بعض من الجالسين يصرخون في الراقصين يلا ( حتو ) وحتو تعنى زمان (زيد من ايقاعك الرقصى) ونحن نعاين ساى مبسوطين لكن !!!!! لاننا شعرنا باننا قد بدانا نُحاصر بمفاهيم المدينة .

    انتهى الحفل الجميل ولا ندرى كيف الترتيب لراحة الفنان لينام هادئا من كثرة الباعوض هناك الذى لم تق منه حتى الناموسيات لاسيما وان الفنان المبتهج !! يحتاج لاكثر من طلعة للحمام ليلا.


    لم يكن ناظر قبيلة رفاعة – يوسف العجب - يولي اهتماما بزيارة اى فنان لمدينة الدندر شانه في ذلك شان بقية زعماء الادارة الاهلية في السودان . كانوا يهتمون بزيارة الروؤساء والسياسين ويصرفون على استضافتهم الغالي والنفيث وينادون لاستقبالهم عمد ومشايخ ووجهاء المنقطة . وكان اكثر العمد نفوذا وقتذاك العمدة محمد بشير ابو جن والعمدة الجعفري عمد قبيلة الحمدة والعمدة حجر عمدة قبيلة القواسمة والعمدة محمد الامين الزلغم عمدة الحلاويين . وكان من الشيوخ الشيخ المقبول و الشيخ عبد الغنى شيقوق شيخ قرية البردانه التى تعتبر اكبر قرى منطقة الدندر ويسكنها ما لا يقل عن 8 الف نسمه ينتمون لجد واحد ولحزب سياسي واحد هو الاتحادي الديموقراطى ويعرف عن هولاء التطرف في مناهضتهم لنظام الادراة الاهلية ويعود هذا الى ارتفاع عدد الخريجين فيها . من هولاء الخريجين دكتور امبلي عبد الله عجب نائب والى ولاية سنار سابقا ومولانا امبلي بابكر احمد رئيس الجهاز القضائي لولاية سنار حاليا ودكتور طه امبلي اختصاصي النساء والتوليد والاستاذ بجامعة امدرمان الاسلامية والباشمهندس ابراهيم احمد البشير شيقوق ( ابراهيم شخصية) ودكتور البدري بابكر الذى يعمل طبيبا ببريطانيا حاليا . يشتهر اهل هذه القرية بالملاحة وسرعة البديهة وتحمّل الشدائد اذ يعمل عدد لا يستهان به من شبابها الذين لم يجدوا حظا في التعليم في الزراعة في موسم الخريف والطوب على شاطي نهر الدندر وكذلك الخروج في مجموعات للعمل في الفحم في منطقة الدماذين لانعدام غابات الطلح والهجليج في منطقتهم .

    اما الوجهاء الذين اعتاد الناظر دعوتهم لاستقبال الرؤساء فهم المرحوم مبارك عبد القادر الخبير رجل البر والاحسان وهو رجل حاضر في ذاكرتي بالكثير من المواقف الرائعة . يحضرني ان قاضى المديرية زار مدينة الدندر للوقوف على تشكيل المحكمة الشعبية بالدندر وقد ورد اسم المرحوم مبارك عبد القادر الخبير من ضمن المرشحين لعضوية المحكمة وقد حاول أن يناي بنفسه عن عمل القضاء لانه يعتقد ان ( قاضيان في النار وقاض في الجنه ) وفي وقوله (ص) (لو علمتم ما في القضاء لما قضيتم في بعرة ) . و بعد محاولات مضنية قبل العم حاج مبارك ، على مضض ، ذلك التكليف .

    كان القانون الجنائي السوداني المطبق وقتها هو قانون 1925م . ووفقا لاحكام ذلك القانون فان المواقعة الجنسية بين الرجل والمراة الراضيين البالغين وغير المتزوجين لا تعد جريمة ولا يحاسب عليها قانون الا اذا كانت ماسة للحياء العام .

    رتب العم مبارك جميع اوراقه ليجلس على كرسي القضاء وكان يظن ، من فرط عفته وبراءته ، ان القضايا التي تنظرها المحكمه هي قضايا نزاعات الاراضى والسرقات والتلف والمشاجرات . لقد نادى حاجب المحكمة على اطراف اول قضية تعرض على العم مبارك الخبير وقد كانت الشاكية امراة والمتهم رجل . وعادة تبدا المحكمة بسؤال الشاكية لعرض قضيتها . ادعت الشاكية انه في يوم كذا حضر اليها المتهم وطلبها في نفسها مقابل مبلغ طراده ( 25 قرش) وبعد الانتهاء طالبته بالمبلغ الا انه تمنع عن السداد . احتار العم مبارك من طبيعة الشكوى وخر ساجدا على طاولة المحكمة واصابعه في اذنيه ولملم جميع اوراقه وغادر المحكمة بلا عودة .

    كان الحاج محمد عبد الرحيم لحكمته وادبه ورزانته هو مستشار ناظر القبيلة . يحكى عنه انه عندما قرر النميري الغاء نظام الادارة الاهلية واقالة زعماء القبائل من مناصبهم ان قال للناظر لا تكترث ، سيدي ، لهذا القرار فانت كالوادى ان امطرت السماء وسالت ماؤه فهو وادي وان امسكت السماء ماءها ولم تمطر فهو ايضا هكذا.

    كان عمنا يوسف كسلا - طيب الله ثراه - القطب الاتحادي الديموقراطى - اكثر مواطنى الدندر شراسه في مواجه الناظر يوسف العجب غير ان الاخير كان يحبه ويحرص على دعوته في كل المناسبات . والراي عندى هو ان زعماء القبائل هم اكثر حكمة ودبلوماسية مع من يجاهرون بمواجهتهم ومناصحتهم .

    مضت عشرون يوما ونحن على عامنا الدراسي وكان اليوم العشرون يوم خميس وهو اول يوم يسمح لنا فيه الخروج لقضاء عطلة نهاية الاسبوع مع اهلنا بعد ان كان الاسبوعان الماضيان من حظ طلاب داخليتي الدندر وعطبرة . كانت تغمرنا الفرحة ونحن نرتب لزيارة اهلنا الذين يقيمون على مسافة عشرة كيلو فقط من مدينة القويسى . كنا اكثر حرصا على عدم اضاعة ثانية في المدينة من الساعات المخصصة لنا لقضائها مع اهلنا في الريف . لم نجد عربة لتقلنا الى اهلنا ولم يكن في وسعنا الانتظار فقررنا السفر على رجلينا بشارع التقاطع وهو اقصر شارع بين المدينة والقرية عصي على العربات لتقاطعه مع نهر الدندر في اكثر من منعطف . وقد كان توقيتنا مناسبا لان مياه نهر الدندر التى تنحدر من الهضبة الاثيوبية كانت وقتئذ داخل حظيرة الدندر على بعد 120 كيلو من القرية وربما يستغرق اسبوعا يمر خلاله بقري الدندر الواقعة على ضفته الشرقية و هذه القري ابقرة ونور الجليل ( قرية الشهيدة التاية ابو عاقلة الطريفي) وام عقرب وود التاي ودبركي والملاسي وام ضهير والتكمبري والدقاق وود دودة وحلة فايدة وود ابو تفه وام دمور والتكينة و عمارة مشايخ الابيضاب حيث القطب الديني الذى يسلك عليهم اهلنا الطريقة القادرية وهي اى العمارة هي البقعة المباركة التى يلتقي في مسيدها جميع سكان هذه القري ايام الاعياد . وقرية ود منصور وحيواء -حيث يوجد اول كبري يربط بين الشرق والغرب -ومنها مدينة الدندر .

    اما قرى الدندر الغربية التى يمر عبرها نهر الدندر فهي ابقرة غرب والشبعانة وعبد البنات ودرابة وبيضاء وام نمل وابو هشيم ( وقد كانت خدمات التلفون تصل لهذه القرية من اوائل الخمسينات ) و ابو البنات وحلة بلة وكامراب وخميسة وود بابو ونجم الدين وعمارة ود الصديق وكسيد وكاكوم (دى فيها فلاتى كارب بيكتب للنسوان عشان ما يعرسوا فيهن تاني وانا من ضحاياه ) وقرية اللويسة والبردانة (ام القرى) ثم قرية التكينة ومنها مدينة الدندر .

    يخرج مواطنو هذه القري عادة لمشاهدة مياه نهر الدندر وهى منحدرة في طريقها لتلتقي بمياه النيل الازرق في قرية الربوة شرق واد مدنى . وعادة يقل تفاؤل اهل اى قرية ، بخريف وافر الخيرات، عندما تاتيهم مياهه نهارا وهذا سبر توارثوه من الاجداد .

    هنالك قرى تابعة لنظارة الدندر ولكنها تقع شمال المدينة اشهرها جهة غرب نهر - ام عرديب والسريفة ( قرية الاستاذ احمد حماد ادريس) والقلة وجليدات واخرى شرقه اشهرها ام حنطور وحدية وطابت حلة الشيخ السماني .

    اغلب سكان هذه القري ينتمون الى قبائل رفاعة (القواسمة والحمدة والحلاويين والغلاتيين والعقليين) بالاضافة الى الكواهلة والصواردة والضبانية الذين ينتمى اليهم الشيخ محمود ود زائد الذى تنسب اليه (تومات ود زائد) واحسب انهماهجليجتان معمرتان موجودتان في منطقة شمال شرق القضارف .

    خرجنا من الداخلية و لا بد لنا من دخول سوق المدينة لشراء بعض هدايا الاطفال مما وفرناه من الخمس وعشرين قرشا – مصاريفنا لثلاث اسابيع . كنا اكثر ميولا لشراء حلاوة (بلي) لانها تباع بكميات مهولة وباقل تكلفة وترضى اكبر عدد من الاطفال الذين يستقبلونا فرحين بعودتنا اليهم . كان كبارنا من النساء والرجال لا يرجون منا الا عودتنا سالمين واسعادنا لاطفالهم بحلاوة بلي . فمن اعطيت ابنه حبة منها وهرول فرحا لابلاغه بها فقد نلت رضاه بل ربما رضاء كل افراد الاسرة .

    بعد شراء حاجياتنا تحركنا راجلين الى القرية . كان الطريق عبارة عن دوداب تصله اشعة الشمس فاترة وربما لا تصله احيانا لانه محمي منها بالاشجار الضخمة التي تتصافح هاماتها في رؤسنا و نمشى فيه وكاننا نمشى داخل الانفاق . كنا نجد حبات اللالوب والنبق متناثرة على الطريق ناكل منها الجزء الذى لم تكن عضته القرود والكاكي (ابلانج) . وما كنا نابه لتجميع شيئ من هذه الثمار لاطفال اهلنا حتى لا نبدد عشمهم في اسعادنا نحن القادمين من المدينة بخيراتهم من هذه الثمار !!


    عبرنا نهر الدندر بعد ان قطعنا حوالى الاربعة كيلو مترات من المدينة ولا بد ان نعبره مرة اخري قبالة المشرع الذى كان يرد فيه اهلنا . كانت المسافة بين المشرعين حوالى الست كيلو مترات مشيناها في اقل من ثلاثين دقيقة . وصلنا مشرع القرية الذي كان يلامس خصرها من الجهة الغربية . كانت لنا الكثير من الذكريات والخواطر هنا في هذا المشرع . كنا اكثر تشوقا لسماع جرس الحصة الاخيرة في المدرسة لنخرج منها بكثير من الضجيج . لم يكن هذا الضجيج لدوابنا عبثا لانها تدرك تماما ان وقت سقائها في المشرع قد حان . كنا نخرج من المدرسة منشدين قصائد اليوم وكانت اجمل الاناشيد التى خلدت في ذاكرتي :
    بلادى بلادى فداك دمى
    وهبت حياتي فدى فاسلمي
    غرامك اول ما في الفؤاد
    ونجواك اخر ما في دمي
    ساحلف باسمك ما قد حييت
    تعيش بلادي ويحيي الوطن
    وكذلك انشودة ( علمي انت رجائي ......) وقد كنت اكثر ابداعا في اداء مقاطعها التي تقول (لونك الاخضر زرع لونك الاصفر ارض لون الازرق ماء .



    نواصل


    الطيب شيقوق

    المحامي


    --------------------------------------------------------------------------------



                   |Articles |News |مقالات |بيانات

29-08-2007, 09:29 AM

مجاهد عبدالله

تاريخ التسجيل: 07-11-2006
مجموع المشاركات: 3988

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    والله يا ودشيقوق اول مرة أقرأ لي حكاية بريحة وريحة جامدة ريحة ممكن تقول لي زمن طويل ما شميته وطوالي مناي اشمها وأهو الحمدلله انت حققته لي الأمنية دي طبعاً تاريخ الإنسان دائماً ببخل بيهو وبكون حاضنوا بس داخل دواخلو ونفس الإنسان كتير ما يفكر أنو يكتبوا وينشروا للناس لكن بقيف لأنو التاريخ لو نقص تفاصيل بكون مشكوك وهي الفرملة البتوقف كتير من الناس لانو في تفاصيل ليست للحكي ..المهم داير أقول أنو رحلتك كانت زاهرة وعشان كده شوفت انك لازم تكتبه وده في حد زاتو شيئ طيب يدل على نفسية جيدة ورحلة حياة حافلة بكل معتبر ..
    اول حاجة
    Quote: بيعتقوا ليك بت عمك
    والمعتوقة عندنا أنحنا اولاد البندر زي ما بتقول علينا نعرفا بأنو تكفي قدحك يعني تعرس بت عمك وطبعاً تكفي قدحك زاته جاينا من الريف لكن الخلا شنو المعتوقة تقبلوا بيها انتو ويرفضوا ناس البندر كفو القدح وقبل ما نقول السبب الرئيسي نشوف الرأي الجابو من العلم والبقول زواج الأقارب بيجيب الأمراض للذرية لكن السبب الرئيسي هو الشوف الماعندو آخر ويكون قدحك شين جداً وتحاول تتملص بأي صورة كانت حتى لو إستعنت بالشيطان ذاتو لكن المعتوقة في الريف مافي شوف غيرها وكان للداخليات البتشوفوا فيهن بنات البندر فكلام ولاد البندر ماعاجبكم حايعجبنكم بناتن كيف وولادن تقولوا عليهم ولاد صلصال بناتم تقولوا عليهم شنو؟؟؟؟؟
    وبعدين أنا متأكد أنو ريدتكم للبندر زي ريدة ولاد البندر للكسرة الحامضة (الله من الكسرة الحامضة المحشوش فيها البصل والطماطم بدون نظام والنظام المعدوم هنا في قطيع الطماطم والبصل وفيها حبة ملح وشمار ناشف وما تتغرق بالزيت وقرون القبانيط مدروشة بس) والله أكان ده زادي أحاحي الطير والبشر والهمباتة ذاتم ...
    الله يازول كدي خليني اقيف هنا وأحلم شوية بأنوا أكون أكلت الأكلة اللذيذة دي تقول لي برضو بيتزا ولا ماكـــ ....

    تخريمة لبكري أبوبكر الرجل المحترم : شوف لينا ودشيقوق ده ويـــــن يا بكري .....
                   |Articles |News |مقالات |بيانات

29-08-2007, 01:58 PM

مجاهد عبدالله

تاريخ التسجيل: 07-11-2006
مجموع المشاركات: 3988

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    Quote: فى القولد التقيت بالصديـق
    أنعم به من فاضل ، صديقى

    خرجت أمشى معه للساقية
    ويا لها من ذكريات باقيــة

    فكم أكلت معــه الكابيدا
    وكــم سمعت اورو والودا


    أهــ يا ودشيقوق إنشاءالله آهتنا كان تلاقي الست عشان تعرف مدلوله ومعناه ..
    لكن يا اخوي عندنا تراث تعليمي جميل جداً في السودان وزي ما في صاحب صاحبك صاحبك اها القصيدة بتاعت الجغرافياالفوق دي بتصاحب بين الناس قول لي كيييييف؟؟؟
    بنفس اللحن ونفس الكلمات ونفس الجغرافيا كتير من الناس تعشق القصيدة وربما أكتر حاجة في القصيدة دي أنها الوحيدة المافي استاذ في السودان بقول للطلاب عايزين نلحنه فلحنها الخالد هو المقياس على صحوبية الناس لبعض لأنو عملية التلحين الواجبة على طلاب الإبتدائي للقصائد هى احد اساليب التربية والتعليم(إلأ اسه ماعارف مع المشروع الحضاري الحاصل شنو)..وبحاول أتخيل شكل الناس البتحاحي في طير الرهو( والزي ماقالوا الطيور المابتعرف ليها خرطة)وبتكون تغني في منقو صديقي قل لا عاش من يفصلنا(وانتو بتحاحو وناس يقولو ياطير يا ماشي لي اهلنا ) شوفت الحكم دي كيف ناس خايفة على حيبوبه وناس مشتاقة لي اهله ...
    المقطع ده عندو معاي قصة جميلة طبعاً انحنا دناقله يا رسول الله فأخوك كان لمن يقولو البيت ده يرفع صوته شديد ما عارف الحكمة كانت شنو لكن بقوم بعاين ليك وكانوا البلد أقصد الفصل مافيهو زول غيري بالرغم من أنوا ماشوفت القولد لي الليلة لكن التقول شنو الساعة ديك الدناقلة منظرة مش ابوعاج فيه (ابوعاج هو الديكتاتور جعفر نميري )..
    أه لمن تجي كلمة الكابيدة كرهوني ليك بيها الجماعة في المدرسة يوماتي ولاد البندر السؤال حاقص ليهم داير يعرفوا الكابيده وطبعاً رغبة اساسًاً أنو يضوقوه مافي التقول كابيدة تصفية عجين تالت..
    ونواصل..

                   |Articles |News |مقالات |بيانات

29-08-2007, 04:51 PM

عبده عبدا لحميد جاد الله

تاريخ التسجيل: 19-08-2006
مجموع المشاركات: 2194

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    العزيز مجاهد
    تحية طيبة
    دائماً رائع وتجلب الأشياء الرائعة
    والتحية عبرك للعزيز الرائع ود شيقوق صاحب المفردات
    البديعة
    Quote: وبنكون شايلين لينا مخلاية فيها كسرة حامضة وحلوة معاها زيت وبصلات بس ودى في الخلاء الحاجات دى احلى من البيتزا والكنتاكي ليها طعم لذيذ يا اهلي

    كلامك صحيح 1000% يا ودشيقوق
                   |Articles |News |مقالات |بيانات

30-08-2007, 05:54 AM

مجاهد عبدالله

تاريخ التسجيل: 07-11-2006
مجموع المشاركات: 3988

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    Quote: والتحية عبرك للعزيز الرائع ود شيقوق صاحب المفردات
    البديعة


    عبدو المحترم سلام غشاك ولقاك ..

    يأخي انت عارف كتير من المفردات الإستخدمه عمنا ودشيقوق تلقى أي زول ممكن يشم فيها ريحة البلد وحنينه وتراث الصبا الجميل وحتى الشغلانية بتاعت محاحاة الطير عندها مثيل آخر في المدينة ولكن ناس ودشيقوق بحاحو وأنحنا في المدينة كنا نفتش لودأبرق عشان ياخد حظو من نبلة إستك العجل والحصاية القمنا بإختياره بعناية ..ونبقى محظوظين اليوم داكــ لو جات قمرية ركت في واحدة من البانات او النيمات ...وكمان ضربة حجر واحد تفج النيمة ..ودأبرق يمرق سارح... وحالف يمين من يرك هنا تاني .. وزي ناس ودشيقوق يحاحو للطير بالأصوات شيئ جغرافيا.... وشيئ قرأن نحنا كمان ياعبدو نحاول نصفرّ زي الطير عشان مايرك وعشان ما يموت ..

    ودي لكــ ...
                   |Articles |News |مقالات |بيانات

30-08-2007, 01:51 PM

مجاهد عبدالله

تاريخ التسجيل: 07-11-2006
مجموع المشاركات: 3988

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    Quote: بعد الدنيا تبقى عصر بنمشى نجمع العنكوليب والتبش والبامية ونشيلها في المخالي ومرات نلقى لينا حميضات قايمات بروس عشان نفرّح الاطفال و يتلقونا مــن طرف الحلة مبسوطين وفرحانين . بس الاطفال كانوا ما بطلعوا من طرف الحلـــــــــــة بعيد لانهم سامعين في الدماسات ( الزمن بين المغرب والعشاء) السوابح والشواطين بيطلعوا .
    بطرف حلتنا في عرديبة كبيره من زمن جدودنا الزمااااااااااااااان بسموها المدقة عشان بالليل قالوا بسمعوا الشواطين فيها بيدقوا حاجة زى البن والعرديبة دى انا لحدى هسه ما بقدر امشى تحتها بالليل . وقت الصبان ( انقطاع المطر) ناس حلتنا بتجمعوا بالنهار تحت ظل العرديبة دى وبيتلوا القران وبسوا كنيش كنيش ( بليلة عيش) وبيعملوها كيمان كيمان للاطفال عشان ربنا يجيب المطر.


    طبعاً حكي الضبانة ياهو ده لكن دحين العنكوليب إنشاءالله طاعم وماهو فخ وما ليهو شرأ ياسلام يا ودشيقوق طبعاً قصتنا مع العنكوليب وقصب السكر مربوط بالأفلام الهندية ..وكيف الليلة تزوغ من بواب السينما ومعاك عنكوليب ولا قصبة سكر وطبعاً ممنوع في السينما مخافة الأوساخ وأول حاجة لمن نشتريها نقول للبايع عليك الله العنكوليبة دي قطعه فص فص لزوم التهريب لداخل السينما عشان تستمتع بالفلم الهندي بحيث تبدأ اول حاجة بالتسالي وتمشي بعد داك للقصب ولو كنت مريش شوية تديها بيبسي .. أها دي قصتنا مع العنكوليب في البندر ..اما الدردقو او التبش كما سميته فده حكاية لوحدها .. وطبعاً ناس المدينة أهم وصية وأنحنا طلبة تديها ليك أمك من الصباح انو ما تأكلوا الدردقو البجيبو في المدرسة مخافة الأمراض وخصوصاً الشطة المصاحبة ليهو وأول حاجة الوصية الدخلت من الأضان اليمين تتخارج طوالي بالشمال ..وهــاكــ يا شطة وهاكــ يادردقو ..
    نواصل..
                   |Articles |News |مقالات |بيانات

31-08-2007, 06:31 AM

مجاهد عبدالله

تاريخ التسجيل: 07-11-2006
مجموع المشاركات: 3988

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    Quote: اها يا اخواني انا كبرت شوية وشامة بت عمى كبرت شوية . انا بقيت في رابعة اولية في السلم التعليمي الزمان ( يا حليل زمن رابعة اولية زمان الخريج منها افهم من حامل شهادة الدكتوراة اليوم وخطاطين الواحد اكان كتب ليك سطر تعاين ليهو يمين وشمال من جماله) . فزت في الامتحان وقالوا بودونى مدينة القويسي (ده اسم مدينة الدندر القديم الموجود الان على خريطة العالم وبتلقوهو في القوقل ايرس حاليا ) وكمان قالوا بسكنوني الداخلية مع اولاد البندر النضاف كانت الداخلية بتجمع اهلنا اولاد قبيلة رفاعة ومعاهم اولاد السوكى وكركوج بلد الشريف محمد الامين وكساب السكن فيها زمان الشاعر اسماعيل حسن ايام كان بيعمل في مشاريع ناس ابو العلاء عندنا هناك . اتحزمت واتلزمت وابوى حاج مضوى اكان عنده عربيه تيمس . قال للسواق دور اها ركبنا انا وابوى وعمى ابو شامة – معتوقتي- بقدام ودورنا . العربية أكان فيها لحافي الجديد وملاية جديدة واشتروا لى اول مرة في حياتي صباعين معجون ابو وردة وزمان كنا في الحلة بنسوك بالشاو والاراك مسواك الرسول (ص) . المسافة كانت كلها عشرة كيلو من حلتنا البردانة لمدينة القويسى وكانت عيون الاهل تزرف الدموع على فراقي وامى اسبوع ما أكلت وخالاتى وعماتي واقفات جنب العربيه يبكن ويعصرن لى بحنية الريال و الشلن في جيوبي والحبوبات الكنت بنــوم معاهن بهبابي الصغير المفروش بالبرش الدقة برضو بيبكن لانى كنت اكثر الاطفال سماعا لحجاويهن واكثرهم رعبا من بعض احاجيهن متل ود النمير وود ام بعلو والدودو وكنت بترسل ليهن في الهجعة للدكان اجيب ليهن زيت المسوحة وجاز اللمبة والكبريته
    .
                   |Articles |News |مقالات |بيانات

31-08-2007, 06:40 AM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    ليته يعود يا مجاهد

    شكرا لتحريضك النبيل
                   |Articles |News |مقالات |بيانات

01-09-2007, 00:45 AM

مجاهد عبدالله

تاريخ التسجيل: 07-11-2006
مجموع المشاركات: 3988

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    Quote: ليته يعود يا مجاهد

    شكرا لتحريضك النبيل


    الأسد حيدر سلام غشاك ولقاك يا محترم ..

    إنشاءالله يا حيدر يسمع منك ويرجع يعود لينا ..

    منتظرين لسه منو الكتير من الحكي البدخل الزووول في أحوال..

    بعدين رحلة العمر دي أنا متأكد إنها رحلة لكتير من الناس ...

    خالص الود أخي حيدر ...
                   |Articles |News |مقالات |بيانات

01-09-2007, 11:33 AM

مجاهد عبدالله

تاريخ التسجيل: 07-11-2006
مجموع المشاركات: 3988

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    Quote: السواق زمان كان نضيف ومهندم زى مدير الجامعة اليوم وما بجالس الا الموظفين الكبار . اها دور وانا بعاين ليهو بدور كيف وبعشق كيف وبفرمل كيف واتمنيت لو بقيت سواق كمان . السائق زمان كان ما بدوهو الرخصة الا يشتغل مساعد عربيه عشرة سنوات حتى يتعلم يفك الماكينة ويحل ويربط اى جهاز في العربية وكمان يتعلم كيف يجامل الناس . رخصنا زمان في الخارج ببدلوها طوالى بدون تردد .

    اها وصلنا المدينة وقالوا يفطرونى ويودونى الداخلية فطرنا زيييييييييييييين ومشينا على الداخلية . بوابة المدرسة كبيرة ومحروسة وما بخلوك تدخل الا بعد إبراز شهادتك الدخلت بيها . طلعت الشهادة والحارس عاين فيها وعاين لى وعاين في ابوى وعمى وابتسم وقال اتفضلوا معاى . تبعناهو ودانا مكتب المسجل (زمان المدارس الوسطى فيها مسجلين زى الجامعات هسه )


    ياســلام يالطيب على سواق زمان ..زمن السواقة فن وذوق والسواق ذاتو ما تفرزوا من المسيوق ..هي ذاته الدنيا كانت بخير .. وصحي سواق زمان بيعرف بالحيل الماكنة فك ورباط خل الدوير والعشيق والفرميل إلأ الزمن ده السواقين طارة دركسون وأبنص سااااكت ..والباقي على الله وعادي ممكن تكون مسافر من حته لحتة وتتعطل بيك العربية وتخسر يومك وسفريتك ....

    نواصل ..
                   |Articles |News |مقالات |بيانات

02-09-2007, 01:43 AM

مجاهد عبدالله

تاريخ التسجيل: 07-11-2006
مجموع المشاركات: 3988

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    Quote: اعلن المايكرفون بداية الغناء وتقدمت فرقـــة الاوركسترا واخذت تعزف اغنية باب الريده انسد واكثر ما اعجبني فيها المقطع البيقول ( تمر ايام وتتعدى بالصورة الرائعة التي يطوع فيها زيدان صوته) ويقيني ان اغلب ابناء ذلك الجيل تشجيهم هذه الاغنية وتعود بذاكرتهم الى اجمل محطات مسيرة حياتهم .


    تعدى اااااااااااااااااوتعدى الله يازيدان
    قلت لى إستقبلوكم بزيدان في المتوسط والله ياهو الإستقبال وصحي اسه عرفت معادلة انو خريج زمان بتاع المتوسط زي خريج الجامعة في الزمن ده لأنو بشوف يادوب لمن يكون في حفل إستقبال في جامعة ولا تخريج بجيبو فنان كبير زي زيدان الجاكم زمان وأسه لو الظروف كويسة ونجحت حملة حشد الأموال للجنة من لجان التخريج الجامعي تكون فرّحت أهلك لو قاموا فعلاً جابو في حفلة التخريج زيدان ابراهيم.. بعدين أذكر في المتوسط برضو زمان عندنا الجمعية الأدبية وكان لي صديق عندما يغني فتخال الذي يغني هو زيدان وليس ذلك الطالب صديقي وتخيل أنه في المتوسط وخصوصاً عندما يأتي نفس المقطع الذي أشجاك ولكن تلقفته الأيدي الأثمة من الفن وذهبت به بعيداً عنه ولو إستمر في الفن لكأن من عباقرتهم اليوم ولكن أسُتقطب من قبل الإسلاميين وتوقف عن الغناء ومازلت حزيناً له ...
                   |Articles |News |مقالات |بيانات

02-09-2007, 12:47 PM

مجاهد عبدالله

تاريخ التسجيل: 07-11-2006
مجموع المشاركات: 3988

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    Quote: وكاكوم (دى فيها فلاتى كارب بيكتب للنسوان عشان ما يعرسوا فيهن تاني وانا من ضحاياه )


    طبعاًأرتبط أخوتنا الفلاتة في الذاكرة السودانية بأعمال الفكاوة والخزعبلات والمعاملة مع أنواع الجن السفلي والعلوي بالرغم من مشاعية هذه الأعمال في الكثير من قبائل السودان إن لم يكن جلها . وهنا لابد من حق ان يقال أن الفلاتة عانوا من التهميش الكامل من قبل الحكومات السودانية وتمت معاملتهم كلاجئين بالرغم من ما يجب ان ينالوه اللأجئ من حسن رعاية وكريم معاملة.. أن الفلاتة من أكثر المجموعات في السودان التي تعمل دون كلل او ملل وإن كانت ملكية الأرض حقاً لمن فلحها وأفلح فيها فالفلاتة هم أحق بها ..

    أعلاه ملاحظة لابد منها ..

    قلت يا ودشيقوق الفكي بتاع حلة كاكوم كتبك وما خلاك تتني العرسة لا بل صرت شهيداً لمحراب سفليه غــايتو ترموا بلاويكم على خلق الله سااااكت...
    يأخي عمرك كلو من وعيت في الدنيا ومعتوقتك معاك تحاحوا للطير سوا وتلموا النبق سوا وتطقعوا سوا وتلعبوا سوا وكل شيئ سوا سوا .. وتقول لي ما قدرت تعرس تاني هي العشرة دي كيف .. وفي زول معقول يخلي روحو ويمشي يلبس ليهو روح تانية ..وهو كان كده ما كان تكون عندك رحلة عمر جميلة زي دي ..

    نواصل ..
                   |Articles |News |مقالات |بيانات

02-09-2007, 07:10 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    اها يا ود اعمي انا جيتك مسخن انعدل - كنت لاقى الصقيع ده تضرع ساااااااااااااااااااااى زولا بيقرعك مافي لكن خليني انجم شوية عشان اجيهك بالحيل
                   |Articles |News |مقالات |بيانات

02-09-2007, 07:40 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: الطيب شيقوق)

    وبعد ان نصل الى بيوتنا نعلق حقائبنا على المسامير المخصصة لها على امينة المنزل ، ان كان من الطوب او الجالوص او شعبة القطية ان كان البيت من النال . كان يمكن ان تقرأ من حجم وشكل الحقيبة الى اي مرحلة دراسية ينتمى التلميذ ، فان كانت مليئة نافخة كراساتها جميع الزوايا وبها براقع من الحبر الازرق فهذا دليل على ان التلميذ في ثالثة اورابعة ويمكن ان يعهد اليه كتابة الرسائل المنمقة كما ويمكن اجلاسه في عنقريب قعدات العرس جوار العريس لتسجيل النقطة ( النقطة هى ما يساهم به كل من اهل القرية لوالد العريس)

    كنا بعد الدروس وبعد الغداء نركب الدواب لنسقيها في المشرع وكانت كلابنا هى الاخري الاكثر سعادة وهى تلهث خلفنا للمشرع . كان المشرع مجمع يلتقى فيه اغلب اهل القرية للغسيل و حمل الماء للبيوت وصيد السمك احيانا . كنا بعد الوردة نذهب لالتقاط اجود واحلى ثمار النبق الناضجة والتي تتساقط تحت ظلال اشجار السدر الضخمة التي تنمو على شاطى النهر . كان رعاة الابل من اهل البادية الذين ياتون ايام الضمئ يتركون ابلهم على مناخها ( بفتح الميم) لأن ينجموا في ظل هذه الاشجار يتسامرون بالدوبيت والمسادير الحنينة .

    بعد أن تدحرجنا من المدلية ( حافة النهر ) لاحت إلينا مشاهد أهلنا من بعيد ، بعض يغسل في ملابسة واخرون يسقون دوابهم ومجموعة أخرى من الأطفال يلعبون على كثبان الرمال . وبعد أن تقاربت المسافة ، وتعرفوا على وجوهنا صاحوا فرحين بعودتنا. بعض من هولاء الأطفال لم ينتظر لملاقاتنا بل هرول إلى الحلة لإبلاغ الأهل بعودتنا ، واخرون منهم تناولوا منا حقائبنا وهم اكثر تركيزا بعيونهم في وجوهنا التي بدت تأخذ من سمات المدينة .

    عندما كنا على مشارف القرية لاحظنا أطفالا آخرين قادمين من داخل الحلة لاستقبالنا مبتهجين بقدومنا بعض منهم حافي القدمين لا يأبه لطعنات الضريسة المسمومة(الضريسة هي نوع من الشوك ينمو نباته جوار القرى )
    لم يكن شوقنا لابقارنا واغنامنا وكلابنا اقل شوقا من شوقنا لاهلنا . كنا نسال عن قمرية وحورية وسرية والمنادهيب ( جمع مندهوب وهي العجلة التي اقتربت من سن العشار) . كانت امي الجالسة بجواري في الهباب المفروش بالدقة ( البرش الدقة هو اجمل واغلى انواع البروش المصنوعة من الزعف) قد همست في اذني تذكرني بالعم الرضى والطيب وعبد الغني وابراهيم كبار الحلة وطلبت منى الذهاب اليهم لانهم متلهفون لرؤيتي ولكنهم بسبب العمر يصعب عليهم الوصول الى منزلنا . ذكرتني امي بالعمة زينب وشروقو وفاطمة وام الحسن ولم يكن قد غبن عن بالي لاني لا انسى الكعك والتمر والحلاوة التي يملان بها جيوبي في مناسبات اعياد رمضان والاضحى .
    خلعت العراقي الابيض الجميل من حقيبتي وكذلك السروال الطويل والفنيلة ذات الأخرام المتوازية الاضلاع . خرج من كان معي من الغرفة الى البرندة ليفسوا لى المجال حتى اغيّر ملابسي واحضروا لـــى الجردل مليان موية والطشت والليفة للحمام داخل الغرفة نفسها . تركشت الباب بالعود ، وبعد الحمام اتهندمت كويس وفتحت الباب وعاد من كان في البرندة مرة اخرى ومعهم امي التى احسست ان خوفا علىّ محبوس في احشائها ....... . اخرجت امي فتيل بت السودان من سحارتها ( السحارة هي صندوق من الخشب يستعمل لتخزين الاشياء الخاصة) . وقد تعطرت بها جبرا لخاطرها . ولإظهار شيئ من المدنية طلعت فتيل فلير دمور الاصلي من حقيبتي وقد فاحت رائحته ليتنسمها حتى من كان خارج البيت .

    تحركت مع اصدقائي لاسلم على اعمامي وعماتي كبار السن . كنا اينما جلسنا لابد من تناول كباية شربات من الليمون ، الذى قد يكون احيانا معطر ببت السودان نفسها ، لزوم المغالاه فـــي اكرامنا . كان اصدقائي الذين يرافقونى للسلام على الاهل يضحكون ويلعبون وهم يمشون معى بعفوية من بيت لاخر . لم استجب لحركاتهم وضحكاتهم تلك بل صار ينتابني احساس بالسخرية وعدم الرضا من تلك التصرفات ولكنه احساسا ظل حبيسا بدواخلي ..... صحيح انها ملابس المدنية الزائفة .

    انصبت على مجموعة من الأسئلة المتكررة من أعمامي وعماتي وكأنهم اتفقوا أن توحد أسئلتهم . كيف يا ولدى المدرسة وبتسكنوا كيف وتنوموا كيف وبأكلوكم شنو في الدوخولية ؟ وبعد هذه الأسئلة يأتي السؤال الصعب - بعد صمت ونظرة الى عرش المنزل ( حيث تعلق تواريب التبش والعشريف وقناديل العنكوليب وربما النجامة والسلوكة وتوابيرهم ( ازيارهم يعنى ) تنقع طق طق طق ) واصابعهم تعبث بالمسبحة مع همس تتحرك فيه الشفتان مع المسبحة لترتيب ذلك السؤال . ( اها يا ولدى نحن كبرنا ومتمنيين نحضر جديدك وجديد بت عمك شامة شن قولك أنت ؟
    ضحكت وفرحت وكان ردي جاهزا لان الكلام ده عندنا مو هجنقلة ( بدعة) وقلت ليهم (أدونى يا عمي مهلة شوية المغرب أبوي ذاتو قال عندو معاى كلام وما عرفتو يمكن كلامكم ده)

    نواصل
                   |Articles |News |مقالات |بيانات

02-09-2007, 08:46 PM

محمد على طه الملك
<aمحمد على طه الملك
تاريخ التسجيل: 14-03-2007
مجموع المشاركات: 9126

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: الطيب شيقوق)

    هييييع..
    البورداب جروك بي جاي..
    وانا من صباح الرحمن مصنقر راجيك بي غادي..
    عفيت منهم..
    Quote: وقلت ليهم (أدونى يا عمي مهلة شوية المغرب أبوي ذاتو قال عندو معاى كلام وما عرفتو يمكن كلامكم ده)

    دحين المغرب ما فات يا جنا..
                   |Articles |News |مقالات |بيانات

02-09-2007, 09:12 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: محمد على طه الملك)

    وبعد ان نصل الى بيوتنا نعلق حقائبنا على المسامير المخصصة لها على امينة المنزل ، ان كان من الطوب او الجالوص او شعبة القطية ان كان البيت من النال . كان يمكن ان تقرأ من حجم وشكل الحقيبة الى اي مرحلة دراسية ينتمى التلميذ ، فان كانت مليئة نافخة كراساتها جميع الزوايا وبها براقع من الحبر الازرق فهذا دليل على ان التلميذ في ثالثة اورابعة ويمكن ان يعهد اليه كتابة الرسائل المنمقة كما ويمكن اجلاسه في عنقريب قعدات العرس جوار العريس لتسجيل النقطة ( النقطة هى ما يساهم به كل من اهل القرية لوالد العريس)

    كنا بعد الدروس وبعد الغداء نركب الدواب لنسقيها في المشرع وكانت كلابنا هى الاخري الاكثر سعادة وهى تلهث خلفنا للمشرع . كان المشرع مجمع يلتقى فيه اغلب اهل القرية للغسيل و حمل الماء للبيوت وصيد السمك احيانا . كنا بعد الوردة نذهب لالتقاط اجود واحلى ثمار النبق الناضجة والتي تتساقط تحت ظلال اشجار السدر الضخمة التي تنمو على شاطى النهر . كان رعاة الابل من اهل البادية الذين ياتون ايام الضمئ يتركون ابلهم على مناخها ( بفتح الميم) لأن ينجموا في ظل هذه الاشجار يتسامرون بالدوبيت والمسادير الحنينة .

    بعد أن تدحرجنا من المدلية ( حافة النهر ) لاحت إلينا مشاهد أهلنا من بعيد ، بعض يغسل في ملابسة واخرون يسقون دوابهم ومجموعة أخرى من الأطفال يلعبون على كثبان الرمال . وبعد أن تقاربت المسافة ، وتعرفوا على وجوهنا صاحوا فرحين بعودتنا. بعض من هولاء الأطفال لم ينتظر لملاقاتنا بل هرول إلى الحلة لإبلاغ الأهل بعودتنا ، واخرون منهم تناولوا منا حقائبنا وهم اكثر تركيزا بعيونهم في وجوهنا التي بدت تأخذ من سمات المدينة .

    عندما كنا على مشارف القرية لاحظنا أطفالا آخرين قادمين من داخل الحلة لاستقبالنا مبتهجين بقدومنا بعض منهم حافي القدمين لا يأبه لطعنات الضريسة المسمومة(الضريسة هي نوع من الشوك ينمو نباته جوار القرى )
    لم يكن شوقنا لابقارنا واغنامنا وكلابنا اقل شوقا من شوقنا لاهلنا . كنا نسال عن قمرية وحورية وسرية والمنادهيب ( جمع مندهوب وهي العجلة التي اقتربت من سن العشار) . كانت امي الجالسة بجواري في الهباب المفروش بالدقة ( البرش الدقة هو اجمل واغلى انواع البروش المصنوعة من الزعف) قد همست في اذني تذكرني بالعم الرضى والطيب وعبد الغني وابراهيم كبار الحلة وطلبت منى الذهاب اليهم لانهم متلهفون لرؤيتي ولكنهم بسبب العمر يصعب عليهم الوصول الى منزلنا . ذكرتني امي بالعمة زينب وشروقو وفاطمة وام الحسن ولم يكن قد غبن عن بالي لاني لا انسى الكعك والتمر والحلاوة التي يملان بها جيوبي في مناسبات اعياد رمضان والاضحى .
    خلعت العراقي الابيض الجميل من حقيبتي وكذلك السروال الطويل والفنيلة ذات الأخرام المتوازية الاضلاع . خرج من كان معي من الغرفة الى البرندة ليفسوا لى المجال حتى اغيّر ملابسي واحضروا لـــى الجردل مليان موية والطشت والليفة للحمام داخل الغرفة نفسها . تركشت الباب بالعود ، وبعد الحمام اتهندمت كويس وفتحت الباب وعاد من كان في البرندة مرة اخرى ومعهم امي التى احسست ان خوفا علىّ محبوس في احشائها ....... . اخرجت امي فتيل بت السودان من سحارتها ( السحارة هي صندوق من الخشب يستعمل لتخزين الاشياء الخاصة) . وقد تعطرت بها جبرا لخاطرها . ولإظهار شيئ من المدنية طلعت فتيل فلير دمور الاصلي من حقيبتي وقد فاحت رائحته ليتنسمها حتى من كان خارج البيت .

    تحركت مع اصدقائي لاسلم على اعمامي وعماتي كبار السن . كنا اينما جلسنا لابد من تناول كباية شربات من الليمون ، الذى قد يكون احيانا معطر ببت السودان نفسها ، لزوم المغالاه فـــي اكرامنا . كان اصدقائي الذين يرافقونى للسلام على الاهل يضحكون ويلعبون وهم يمشون معى بعفوية من بيت لاخر . لم استجب لحركاتهم وضحكاتهم تلك بل صار ينتابني احساس بالسخرية وعدم الرضا من تلك التصرفات ولكنه احساسا ظل حبيسا بدواخلي ..... صحيح انها ملابس المدنية الزائفة .

    انصبت على مجموعة من الأسئلة المتكررة من أعمامي وعماتي وكأنهم اتفقوا أن توحد أسئلتهم . كيف يا ولدى المدرسة وبتسكنوا كيف وتنوموا كيف وبأكلوكم شنو في الدوخولية ؟ وبعد هذه الأسئلة يأتي السؤال الصعب - بعد صمت ونظرة الى عرش المنزل ( حيث تعلق تواريب التبش والعشريف وقناديل العنكوليب وربما النجامة والسلوكة وتوابيرهم ( ازيارهم يعنى ) تنقع طق طق طق ) واصابعهم تعبث بالمسبحة مع همس تتحرك فيه الشفتان مع المسبحة لترتيب ذلك السؤال . ( اها يا ولدى نحن كبرنا ومتمنيين نحضر جديدك وجديد بت عمك شامة شن قولك أنت ؟
    ضحكت وفرحت وكان ردي جاهزا لان الكلام ده عندنا مو هجنقلة ( بدعة) وقلت ليهم (أدونى يا عمي مهلة شوية المغرب أبوي ذاتو قال عندو معاى كلام وما عرفتو يمكن كلامكم ده)

    نواصل









    وبعد ان نصل الى بيوتنا نعلق حقائبنا على المسامير المخصصة لها على امينة المنزل ، ان كان من الطوب او الجالوص او شعبة القطية ان كان البيت من النال . كان يمكن ان تقرأ من حجم وشكل الحقيبة الى اي مرحلة دراسية ينتمى التلميذ ، فان كانت مليئة نافخة كراساتها جميع الزوايا وبها براقع من الحبر الازرق فهذا دليل على ان التلميذ في ثالثة اورابعة ويمكن ان يعهد اليه كتابة الرسائل المنمقة كما ويمكن اجلاسه في عنقريب قعدات العرس جوار العريس لتسجيل النقطة ( النقطة هى ما يساهم به كل من اهل القرية لوالد العريس)

    كنا بعد الدروس وبعد الغداء نركب الدواب لنسقيها في المشرع وكانت كلابنا هى الاخري الاكثر سعادة وهى تلهث خلفنا للمشرع . كان المشرع مجمع يلتقى فيه اغلب اهل القرية للغسيل و حمل الماء للبيوت وصيد السمك احيانا . كنا بعد الوردة نذهب لالتقاط اجود واحلى ثمار النبق الناضجة والتي تتساقط تحت ظلال اشجار السدر الضخمة التي تنمو على شاطى النهر . كان رعاة الابل من اهل البادية الذين ياتون ايام الضمئ يتركون ابلهم على مناخها ( بفتح الميم) لأن ينجموا في ظل هذه الاشجار يتسامرون بالدوبيت والمسادير الحنينة .

    بعد أن تدحرجنا من المدلية ( حافة النهر ) لاحت إلينا مشاهد أهلنا من بعيد ، بعض يغسل في ملابسة واخرون يسقون دوابهم ومجموعة أخرى من الأطفال يلعبون على كثبان الرمال . وبعد أن تقاربت المسافة ، وتعرفوا على وجوهنا صاحوا فرحين بعودتنا. بعض من هولاء الأطفال لم ينتظر لملاقاتنا بل هرول إلى الحلة لإبلاغ الأهل بعودتنا ، واخرون منهم تناولوا منا حقائبنا وهم اكثر تركيزا بعيونهم في وجوهنا التي بدت تأخذ من سمات المدينة .

    عندما كنا على مشارف القرية لاحظنا أطفالا آخرين قادمين من داخل الحلة لاستقبالنا مبتهجين بقدومنا بعض منهم حافي القدمين لا يأبه لطعنات الضريسة المسمومة(الضريسة هي نوع من الشوك ينمو نباته جوار القرى )
    لم يكن شوقنا لابقارنا واغنامنا وكلابنا اقل شوقا من شوقنا لاهلنا . كنا نسال عن قمرية وحورية وسرية والمنادهيب ( جمع مندهوب وهي العجلة التي اقتربت من سن العشار) . كانت امي الجالسة بجواري في الهباب المفروش بالدقة ( البرش الدقة هو اجمل واغلى انواع البروش المصنوعة من الزعف) قد همست في اذني تذكرني بالعم الرضى والطيب وعبد الغني وابراهيم كبار الحلة وطلبت منى الذهاب اليهم لانهم متلهفون لرؤيتي ولكنهم بسبب العمر يصعب عليهم الوصول الى منزلنا . ذكرتني امي بالعمة زينب وشروقو وفاطمة وام الحسن ولم يكن قد غبن عن بالي لاني لا انسى الكعك والتمر والحلاوة التي يملان بها جيوبي في مناسبات اعياد رمضان والاضحى .
    خلعت العراقي الابيض الجميل من حقيبتي وكذلك السروال الطويل والفنيلة ذات الأخرام المتوازية الاضلاع . خرج من كان معي من الغرفة الى البرندة ليفسوا لى المجال حتى اغيّر ملابسي واحضروا لـــى الجردل مليان موية والطشت والليفة للحمام داخل الغرفة نفسها . تركشت الباب بالعود ، وبعد الحمام اتهندمت كويس وفتحت الباب وعاد من كان في البرندة مرة اخرى ومعهم امي التى احسست ان خوفا علىّ محبوس في احشائها ....... . اخرجت امي فتيل بت السودان من سحارتها ( السحارة هي صندوق من الخشب يستعمل لتخزين الاشياء الخاصة) . وقد تعطرت بها جبرا لخاطرها . ولإظهار شيئ من المدنية طلعت فتيل فلير دمور الاصلي من حقيبتي وقد فاحت رائحته ليتنسمها حتى من كان خارج البيت .

    تحركت مع اصدقائي لاسلم على اعمامي وعماتي كبار السن . كنا اينما جلسنا لابد من تناول كباية شربات من الليمون ، الذى قد يكون احيانا معطر ببت السودان نفسها ، لزوم المغالاه فـــي اكرامنا . كان اصدقائي الذين يرافقونى للسلام على الاهل يضحكون ويلعبون وهم يمشون معى بعفوية من بيت لاخر . لم استجب لحركاتهم وضحكاتهم تلك بل صار ينتابني احساس بالسخرية وعدم الرضا من تلك التصرفات ولكنه احساسا ظل حبيسا بدواخلي ..... صحيح انها ملابس المدنية الزائفة .

    انصبت على مجموعة من الأسئلة المتكررة من أعمامي وعماتي وكأنهم اتفقوا أن توحد أسئلتهم . كيف يا ولدى المدرسة وبتسكنوا كيف وتنوموا كيف وبأكلوكم شنو في الدوخولية ؟ وبعد هذه الأسئلة يأتي السؤال الصعب - بعد صمت ونظرة الى عرش المنزل ( حيث تعلق تواريب التبش والعشريف وقناديل العنكوليب وربما النجامة والسلوكة وتوابيرهم ( ازيارهم يعنى ) تنقع طق طق طق ) واصابعهم تعبث بالمسبحة مع همس تتحرك فيه الشفتان مع المسبحة لترتيب ذلك السؤال . ( اها يا ولدى نحن كبرنا ومتمنيين نحضر جديدك وجديد بت عمك شامة شن قولك أنت ؟
    ضحكت وفرحت وكان ردي جاهزا لان الكلام ده عندنا مو هجنقلة ( بدعة) وقلت ليهم (أدونى يا عمي مهلة شوية المغرب أبوي ذاتو قال عندو معاى كلام وما عرفتو يمكن كلامكم ده)

    نواصل





















    وبعد ان نصل الى بيوتنا نعلق حقائبنا على المسامير المخصصة لها على امينة المنزل ، ان كان من الطوب او الجالوص او شعبة القطية ان كان البيت من النال . كان يمكن ان تقرأ من حجم وشكل الحقيبة الى اي مرحلة دراسية ينتمى التلميذ ، فان كانت مليئة نافخة كراساتها جميع الزوايا وبها براقع من الحبر الازرق فهذا دليل على ان التلميذ في ثالثة اورابعة ويمكن ان يعهد اليه كتابة الرسائل المنمقة كما ويمكن اجلاسه في عنقريب قعدات العرس جوار العريس لتسجيل النقطة ( النقطة هى ما يساهم به كل من اهل القرية لوالد العريس)

    كنا بعد الدروس وبعد الغداء نركب الدواب لنسقيها في المشرع وكانت كلابنا هى الاخري الاكثر سعادة وهى تلهث خلفنا للمشرع . كان المشرع مجمع يلتقى فيه اغلب اهل القرية للغسيل و حمل الماء للبيوت وصيد السمك احيانا . كنا بعد الوردة نذهب لالتقاط اجود واحلى ثمار النبق الناضجة والتي تتساقط تحت ظلال اشجار السدر الضخمة التي تنمو على شاطى النهر . كان رعاة الابل من اهل البادية الذين ياتون ايام الضمئ يتركون ابلهم على مناخها ( بفتح الميم) لأن ينجموا في ظل هذه الاشجار يتسامرون بالدوبيت والمسادير الحنينة .

    بعد أن تدحرجنا من المدلية ( حافة النهر ) لاحت إلينا مشاهد أهلنا من بعيد ، بعض يغسل في ملابسة واخرون يسقون دوابهم ومجموعة أخرى من الأطفال يلعبون على كثبان الرمال . وبعد أن تقاربت المسافة ، وتعرفوا على وجوهنا صاحوا فرحين بعودتنا. بعض من هولاء الأطفال لم ينتظر لملاقاتنا بل هرول إلى الحلة لإبلاغ الأهل بعودتنا ، واخرون منهم تناولوا منا حقائبنا وهم اكثر تركيزا بعيونهم في وجوهنا التي بدت تأخذ من سمات المدينة .

    عندما كنا على مشارف القرية لاحظنا أطفالا آخرين قادمين من داخل الحلة لاستقبالنا مبتهجين بقدومنا بعض منهم حافي القدمين لا يأبه لطعنات الضريسة المسمومة(الضريسة هي نوع من الشوك ينمو نباته جوار القرى )
    لم يكن شوقنا لابقارنا واغنامنا وكلابنا اقل شوقا من شوقنا لاهلنا . كنا نسال عن قمرية وحورية وسرية والمنادهيب ( جمع مندهوب وهي العجلة التي اقتربت من سن العشار) . كانت امي الجالسة بجواري في الهباب المفروش بالدقة ( البرش الدقة هو اجمل واغلى انواع البروش المصنوعة من الزعف) قد همست في اذني تذكرني بالعم الرضى والطيب وعبد الغني وابراهيم كبار الحلة وطلبت منى الذهاب اليهم لانهم متلهفون لرؤيتي ولكنهم بسبب العمر يصعب عليهم الوصول الى منزلنا . ذكرتني امي بالعمة زينب وشروقو وفاطمة وام الحسن ولم يكن قد غبن عن بالي لاني لا انسى الكعك والتمر والحلاوة التي يملان بها جيوبي في مناسبات اعياد رمضان والاضحى .
    خلعت العراقي الابيض الجميل من حقيبتي وكذلك السروال الطويل والفنيلة ذات الأخرام المتوازية الاضلاع . خرج من كان معي من الغرفة الى البرندة ليفسوا لى المجال حتى اغيّر ملابسي واحضروا لـــى الجردل مليان موية والطشت والليفة للحمام داخل الغرفة نفسها . تركشت الباب بالعود ، وبعد الحمام اتهندمت كويس وفتحت الباب وعاد من كان في البرندة مرة اخرى ومعهم امي التى احسست ان خوفا علىّ محبوس في احشائها ....... . اخرجت امي فتيل بت السودان من سحارتها ( السحارة هي صندوق من الخشب يستعمل لتخزين الاشياء الخاصة) . وقد تعطرت بها جبرا لخاطرها . ولإظهار شيئ من المدنية طلعت فتيل فلير دمور الاصلي من حقيبتي وقد فاحت رائحته ليتنسمها حتى من كان خارج البيت .

    تحركت مع اصدقائي لاسلم على اعمامي وعماتي كبار السن . كنا اينما جلسنا لابد من تناول كباية شربات من الليمون ، الذى قد يكون احيانا معطر ببت السودان نفسها ، لزوم المغالاه فـــي اكرامنا . كان اصدقائي الذين يرافقونى للسلام على الاهل يضحكون ويلعبون وهم يمشون معى بعفوية من بيت لاخر . لم استجب لحركاتهم وضحكاتهم تلك بل صار ينتابني احساس بالسخرية وعدم الرضا من تلك التصرفات ولكنه احساسا ظل حبيسا بدواخلي ..... صحيح انها ملابس المدنية الزائفة .

    انصبت على مجموعة من الأسئلة المتكررة من أعمامي وعماتي وكأنهم اتفقوا أن توحد أسئلتهم . كيف يا ولدى المدرسة وبتسكنوا كيف وتنوموا كيف وبأكلوكم شنو في الدوخولية ؟ وبعد هذه الأسئلة يأتي السؤال الصعب - بعد صمت ونظرة الى عرش المنزل ( حيث تعلق تواريب التبش والعشريف وقناديل العنكوليب وربما النجامة والسلوكة وتوابيرهم ( ازيارهم يعنى ) تنقع طق طق طق ) واصابعهم تعبث بالمسبحة مع همس تتحرك فيه الشفتان مع المسبحة لترتيب ذلك السؤال . ( اها يا ولدى نحن كبرنا ومتمنيين نحضر جديدك وجديد بت عمك شامة شن قولك أنت ؟
    ضحكت وفرحت وكان ردي جاهزا لان الكلام ده عندنا مو هجنقلة ( بدعة) وقلت ليهم (أدونى يا عمي مهلة شوية المغرب أبوي ذاتو قال عندو معاى كلام وما عرفتو يمكن كلامكم ده)

    نواصل






    ود المك ما تخاف الله ما تخلونى انجم شوية
                   |Articles |News |مقالات |بيانات

02-09-2007, 09:17 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: الطيب شيقوق)

    Quote: دحين المغرب ما فات يا جنا..


    ود المك امهل شوية حرم جاياك صواقع الا تترصد يمين وشمال
                   |Articles |News |مقالات |بيانات

02-09-2007, 09:59 PM

محمد على طه الملك
<aمحمد على طه الملك
تاريخ التسجيل: 14-03-2007
مجموع المشاركات: 9126

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: الطيب شيقوق)

    بعد ماقت الحكاية مو هجنقلة دايرنى انمهل .,
    خلاص امش انخمد وخلني إتقلب للصباح ياربي ودشيقوق ركز والا انبرش واطه؟
                   |Articles |News |مقالات |بيانات

03-09-2007, 01:59 AM

مجاهد عبدالله

تاريخ التسجيل: 07-11-2006
مجموع المشاركات: 3988

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    Quote: كنت لاقى الصقيع ده تضرع ساااااااااااااااااااااى زولا بيقرعك مافي لكن خليني انجم شوية عشان اجيهك بالحيل


    ودشيقوق حمدلله الف على السلامة وإنشاءالله المانع كان خير

    قولت لي أضرع هو كان تغيب يوم كمان عشان تلقاني كان كتبت رحلة من رحلة عمرك دي..

    أها انحنا أنعدلنا بس أبقى مارق ..

    تخريمة : وين عمنا فاروق..

    الود ..
                   |Articles |News |مقالات |بيانات

03-09-2007, 02:16 AM

مجاهد عبدالله

تاريخ التسجيل: 07-11-2006
مجموع المشاركات: 3988

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    Quote: البورداب جروك بي جاي..


    وكمان نجر ليك الدندر كلها لو لزم الأمر ..

    قلم زي ده ماشي يبعد وين يا ود الملك..

    تحياتي يا محترم ..
                   |Articles |News |مقالات |بيانات

03-09-2007, 04:51 AM

مجاهد عبدالله

تاريخ التسجيل: 07-11-2006
مجموع المشاركات: 3988

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    Quote: مما وفرناه من الخمس وعشرين قرشا – مصاريفنا لثلاث اسابيع


    قلت لي طراده كانت مصاريف تلاته أسابيع بالله شوف الزمن الجميل ده والله هسه اليشوف كلامك ده واحد من ناس تامنه يقول الرجل ده حفر البحر وشرك لأول سمكة
    التوفير كان جزء اصيل من حياة الناس التي كانت تستطيع كبح جماح حاجاته المتجددة بغرض الإستفادة من شراء شيئ مفيد وكنا عندما نوفر يكون مبلغ همنا الكتب والمستفيد الأول هو صاحب المكتبة من مالية التوفير .. ولكن في السودان اليوم وحاله المائل لايستطيع أي شخص ان يتحصل على كفايته من ضروريات الحياة لذلك كسد كل شيئ وصار الأكل والشرب هو بطل الساحة...

    نواصل ..
                   |Articles |News |مقالات |بيانات

03-09-2007, 10:13 AM

مجاهد عبدالله

تاريخ التسجيل: 07-11-2006
مجموع المشاركات: 3988

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    Quote: كان الطريق عبارة عن دوداب تصله اشعة الشمس فاترة وربما لا تصله احيانا لانه محمي منها بالاشجار الضخمة التي تتصافح هاماتها في رؤسنا و نمشى فيه وكاننا نمشى داخل الانفاق


    ياسلام على الدوداب ...
                   |Articles |News |مقالات |بيانات

03-09-2007, 10:54 AM

عبده عبدا لحميد جاد الله

تاريخ التسجيل: 19-08-2006
مجموع المشاركات: 2194

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    Quote: الطريق عبارة عن دوداب

    يا سلام على مفردات الزمن الجميل

    تحياتي يا حبيب
                   |Articles |News |مقالات |بيانات

03-09-2007, 01:48 PM

مجاهد عبدالله

تاريخ التسجيل: 07-11-2006
مجموع المشاركات: 3988

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    عبدو كيفك..

    منتظرين الهمباتي ده يزيد في الروعة كمان وكمان..
                   |Articles |News |مقالات |بيانات

03-09-2007, 04:00 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    جاييكم يا الحلوين مشغوليات كتيرة
                   |Articles |News |مقالات |بيانات

04-09-2007, 01:52 PM

مجاهد عبدالله

تاريخ التسجيل: 07-11-2006
مجموع المشاركات: 3988

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    Quote: بلادى بلادى فداك دمى
    وهبت حياتي فدى فاسلمي
    غرامك اول ما في الفؤاد
    ونجواك اخر ما في دمي
    ساحلف باسمك ما قد حييت
    تعيش بلادي ويحيي الوطن


    طبعاً حاولت أفتش لصوت مغنىّ للنشيد ده وما لقيت وغايتو النشوف أخونا ناذر لأنو البوست ده ورحلة العمر دي محتاجة للنشيد ده ..
    طبعاً النشيد ده ياودشيقوق من الأناشيد المحببة لكثير من الناس وفي مختلف الدول وله إحساس خلاب داخل الوجدان لاتستطيع ان تحدد له مقاس ولكن تناظر ضربات القلب حينما تستمع إليه تعكس تماماً بأنك مهما عملت فلن تكفي الوطن سداداً ...

    نواصل..

    تخريمة: بعدين شنو شابكنا جاي جاي أصلو متحرك من أم دافوق
                   |Articles |News |مقالات |بيانات

05-09-2007, 05:41 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    مجاهد انا نسيت حتى زمان في اغاني البنات الجميلة والحلوة مثل

    سايق العظمة سافر خلاني ليلة

    وهو ى يا ليلة هوى

    ومجاهد تمر السوق وكان قسمو ما بحوق

    نواصل
                   |Articles |News |مقالات |بيانات

05-09-2007, 09:34 AM

مجاهد عبدالله

تاريخ التسجيل: 07-11-2006
مجموع المشاركات: 3988

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    Quote: سايق العظمة سافر خلاني ليلة

    وهو ى يا ليلة هوى


    سيرة من زمن حفرو البحر

    انت ماسمعت يالراكب الليموزين الما بتعدم البنزين جيب لي معاك حنين.. وهوي يا بتاع الركشه هوي أمشي حزين...
    أها إنشاءالله ليموزين الكيبوردات بتاعك ده يجيبك لينا ,,,
                   |Articles |News |مقالات |بيانات

05-09-2007, 09:50 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    يالراكب الليموزين

    لموزين شنو يا ولد انت

    نحن زمان نركب السفنجات وكمان في التندة فوق ( التندة يا البندراوي هي المشمع الامامي الذى يحاط بدربزين عشان ما تطيح من فوق) والبوري لذيذ والعربية لما تجي في منعطف خطير السواق الماهر بيجي ماشي عاصر ابنص بياكل اللفة سايريييييييييييييييييييين وتسمع حلاوة كوز ييييييييييييييييييييييييييييييييييييييييييييييييييييييييييييييييييييييييييييييييييغ تيييييييييييييييييييييييييييييييييييت .

    بعد العربية تصل المساعد طوالىيمشى بقدام يفتح البودن عشان الماكنة تبرد ويتم موية اللديتر لو نقصت . ويراجع القربة المعلقة على صندوق العربية وملفوفة بالخيش عشان تبرد الموية الفيها .
                   |Articles |News |مقالات |بيانات

05-09-2007, 10:04 AM

مجاهد عبدالله

تاريخ التسجيل: 07-11-2006
مجموع المشاركات: 3988

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: الطيب شيقوق)

    Quote: التندة يا البندراوي هي المشمع الامامي الذى يحاط بدربزين عشان ما تطيح من فوق)


    قال على التندة قال..
    والله تلاقيك كنت تسمع في الدرابزين زي مشبك الغسيل في الحبل

    Quote: ويراجع القربة المعلقة على صندوق العربية وملفوفة بالخيش عشان تبرد الموية الفيها


    ياسلام على موية قربة الجلد البااااااااردة زمان لمن يكون رمضان في الصيف بس من نشوف لوري نمشي نتحكه براسنا في غربة الجلد المندية ..والله زمن ياحليلو أكان يرجع تاني ..
                   |Articles |News |مقالات |بيانات

05-09-2007, 10:12 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    والله تلاقيك كنت تسمع في الدرابزين زي مشبك الغسيل في الحب

    آآآآآآآآآآآآآآآ وليد ات ما خابر ولا شنو

    والله انا كنت بركب في التندة ومعاى قصب العنكوليب اكل ساااااااااااااااااااى ومشنق الطاقية ومادى رجلي الاتنين مع زجاج العربية الا السواق يقول لى رجع كرعيك خليني اشوف قدام
    وكان شفت الهواء عيييييييييييييييييييييك اكان ود بندر مدلل زيك كده اكان شقته نزلة عدييييييييييييييييل .
                   |Articles |News |مقالات |بيانات

05-09-2007, 02:41 PM

مجاهد عبدالله

تاريخ التسجيل: 07-11-2006
مجموع المشاركات: 3988

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    Quote: واحضروا لـــى الجردل مليان موية والطشت والليفة للحمام داخل الغرفة نفسها


    حمام وووب أحي (ترجمة بتصرف )


    نواصل ...
                   |Articles |News |مقالات |بيانات

07-09-2007, 07:40 AM

مجاهد عبدالله

تاريخ التسجيل: 07-11-2006
مجموع المشاركات: 3988

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    Quote: اخرجت امي فتيل بت السودان من سحارتها ( السحارة هي صندوق من الخشب يستعمل لتخزين الاشياء الخاصة) . وقد تعطرت بها جبرا لخاطرها . ولإظهار شيئ من المدنية طلعت فتيل فلير دمور الاصلي من حقيبتي وقد فاحت رائحته ليتنسمها حتى من كان خارج البيت .


    السحارة تراث وصل حد الإختفاء وكان يشكل موضع مهم بالنسبة لكثير من الأسر السودانية ودائماً ما يكون به من المتعلقات الثمينة كالذهب والعطور الغالية وكان للسحارة وقار وهيبة داخل المنزل لما كان أن يبتعد منها الأطفال حيث تشكل السحارة فضول كبير بالنسبة لهم ...
    نواصل..
                   |Articles |News |مقالات |بيانات

07-09-2007, 08:30 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    المجاهد اللذيذ
    Quote: السحارة تراث وصل حد الإختفاء وكان يشكل موضع مهم بالنسبة لكثير من الأسر السودانية ودائماً ما يكون به من المتعلقات الثمينة كالذهب والعطور الغالية وكان للسحارة وقار وهيبة داخل المنزل لما كان أن يبتعد منها الأطفال حيث تشكل السحارة فضول كبير بالنسبة لهم ...


    ههههههههههههههههههههههههه عجيب انت والله

    انا زمان كنت شويطين يا مجاهد عارف امى بتحفظ مفتاح السحارة في محفظتها ووقت تجي تصلي اقوم ادبّ ليك براااااااااااااااحة اسحب ليك المفتاح وامشى افتح السحارة ويلا الحس ليك علبة الحليب المجفف ( ده انا لحدى هسع بحبه اكان ما اخدت لى جقمة بالمعلقة اول حاجة ما بسويهو في الشاى )
                   |Articles |News |مقالات |بيانات

07-09-2007, 08:35 AM

الفاتح ميرغني
<aالفاتح ميرغني
تاريخ التسجيل: 01-03-2007
مجموع المشاركات: 7486

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: الطيب شيقوق)

    Quote: رحلة العمر ومشوار السنين/رحلة العمر ومشوار السنين(حكاااي يا ود شيقوق
    العزيز مجاهد

    حكااااااااااي الشوية دي
    ده مجنون عديل كده


    صادق تقديري ومودتي
                   |Articles |News |مقالات |بيانات

07-09-2007, 08:45 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: الفاتح ميرغني)

    الفاتح

    Quote: حكااااااااااي الشوية دي
    ده مجنون عديل كده


    هوى يا الفاتح ما تعمل لينا فيها دبلوماسي كمبيييييييييييير في طوكيو حرم تكون ركبت الحمار ؟؟ ولبست السروال وحكيت الكرو ( الفاتح تعرف الكرو؟.) وتاوقت بالصريف ؟؟؟؟؟؟؟؟؟؟؟
                   |Articles |News |مقالات |بيانات

07-09-2007, 08:49 AM

مجاهد عبدالله

تاريخ التسجيل: 07-11-2006
مجموع المشاركات: 3988

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    Quote: انا زمان كنت شويطين يا مجاهد عارف امى بتحفظ مفتاح السحارة في محفظتها ووقت تجي تصلي اقوم ادبّ ليك براااااااااااااااحة اسحب ليك المفتاح وامشى افتح السحارة ويلا الحس ليك علبة الحليب المجفف ( ده انا لحدى هسع بحبه اكان ما اخدت لى جقمة بالمعلقة اول حاجة ما بسويهو في الشاى )


    أتاري أمك كانت تعبانة معاك شديد تلقاها بقت تأخر في الصلاة حتين تمرق تسرح وبعد داك تصلي...

    وشكلك كده كنت معدم البيت نفاخ النار ياخي حتى اللبن الجاف في بلد اللبن ابوزبد مامريحو.

    (عدل بواسطة مجاهد عبدالله on 07-09-2007, 08:50 AM)

                   |Articles |News |مقالات |بيانات

07-09-2007, 08:56 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    Quote: انا زمان كنت شويطين يا مجاهد عارف امى بتحفظ مفتاح السحارة في محفظتها ووقت تجي تصلي اقوم ادبّ ليك براااااااااااااااحة اسحب ليك المفتاح وامشى افتح السحارة ويلا الحس ليك علبة الحليب المجفف ( ده انا لحدى هسع بحبه اكان ما اخدت لى جقمة بالمعلقة اول حاجة ما بسويهو في الشاى )

    The Snitch!!!!!!!!!!
                   |Articles |News |مقالات |بيانات

07-09-2007, 09:23 AM

فضيلي جماع
<aفضيلي جماع
تاريخ التسجيل: 02-01-2004
مجموع المشاركات: 6315

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: abubakr)

    لبست الجلابية الجميلة الناصعة البياض والعمة المذركشة والمركوب الما خمج ماشى صلاة الجمعة اكفر عن سيئاتي

    خليكم مع الحليب الجاف هنا بس

    جاييكم

    يا الرطاني
    والابنوسي

    لكن بعد اقلع الجلابية واتوهط ليكم بالعراقي عدييييييييييييييييييل كده

    هيييييييييييييييييييييع
                   |Articles |News |مقالات |بيانات

07-09-2007, 10:31 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    Quote: لبست الجلابية الجميلة الناصعة البياض والعمة المذركشة والمركوب الما خمج ماشى صلاة الجمعة اكفر عن سيئاتي


    اها اربط المركوب الماخمج " بالتكة " عشان واحد اسنتش ما يسنتشه وتبقي راحت السئات والمركوب ...
                   |Articles |News |مقالات |بيانات

07-09-2007, 11:41 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: abubakr)

    Quote: اها اربط المركوب الماخمج " بالتكة "


    انت قاعد الليلة بسوّد خطوتك أنجم شوية واجيك مقبل ( مقبل) لو سالت منها الفضيلي حيقول ليك :

    مكر مفر مقبل معا كجلمود صخر حطه السيل من عل

    ولو سألت منها مجاهد وليد البندر حيمشى بيك الى ما بعد بعد بعد بعد حيفا

    لكن لو ٍسالوك منها انت قطع شك تقول دى ( المقبلات) او مشهيات .

    انت عارف يا الرطاني المقبلات دى انا عندما اكون معزوم في مناسبة في حياة رجنسي او حاجاتكم الحضارية دى بس اقع ليك فيها بلع ولما يجي الاكل الرئيسي اكون استويت .
                   |Articles |News |مقالات |بيانات

09-09-2007, 02:46 AM

مجاهد عبدالله

تاريخ التسجيل: 07-11-2006
مجموع المشاركات: 3988

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    Quote: واجيك مقبل


    يعني ماصادي ..
                   |Articles |News |مقالات |بيانات

09-09-2007, 06:51 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    يعني ماصادي ..

    موك هين يا وليد ليك مستقبل مشرق

    بدك غلوتية تانية ؟
                   |Articles |News |مقالات |بيانات

09-09-2007, 01:55 PM

مجاهد عبدالله

تاريخ التسجيل: 07-11-2006
مجموع المشاركات: 3988

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    Quote: قد همست في اذني تذكرني بالعم الرضى والطيب وعبد الغني وابراهيم كبار الحلة وطلبت منى الذهاب اليهم لانهم متلهفون لرؤيتي ولكنهم بسبب العمر يصعب عليهم الوصول الى منزلنا . ذكرتني امي بالعمة زينب وشروقو وفاطمة وام الحسن ولم يكن قد غبن عن بالي لاني لا انسى الكعك والتمر والحلاوة التي يملان بها جيوبي في مناسبات اعياد رمضان والاضحى .


    التقليد أعلاه يعبر عن أصالة وأخلاق التربية السودانية الجميلة وهو أن تزور كبار السن من الأهل والحي وبه تعرف أن تواصل الناس لايخضع لأي من أشكال المجاملة ولكن التقليد درج لذلك في إحترام الكبير الذي يحسب أنك أحد أبنائه..
    وشكراً للطيب على إيراد هذا الجزء المهم...

    نواصل ...
                   |Articles |News |مقالات |بيانات

09-09-2007, 09:38 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    وينك يا عشاء البايتات الحلو
                   |Articles |News |مقالات |بيانات

10-09-2007, 02:44 PM

مجاهد عبدالله

تاريخ التسجيل: 07-11-2006
مجموع المشاركات: 3988

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    Quote: (أدونى يا عمي مهلة شوية المغرب أبوي ذاتو قال عندو معاى كلام وما عرفتو يمكن كلامكم ده)


    وتقول لي برضو فكي بتاع حلة كاكوم..
                   |Articles |News |مقالات |بيانات

10-09-2007, 04:50 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    وتقول لي برضو فكي بتاع حلة كاكوم..

    انت مسلط وواقع من السماء مليون مرة يا مسخووووووووووووووط
                   |Articles |News |مقالات |بيانات

12-09-2007, 07:33 AM

مجاهد عبدالله

تاريخ التسجيل: 07-11-2006
مجموع المشاركات: 3988

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    اين بقية الرحلةيا ودشيقوق
                   |Articles |News |مقالات |بيانات

12-09-2007, 11:50 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    مجاااااااااااااااااااهد


    كيفك

    اصبر جاييك بس شوية مشغوليات
                   |Articles |News |مقالات |بيانات

12-09-2007, 07:51 PM

عبده عبدا لحميد جاد الله

تاريخ التسجيل: 19-08-2006
مجموع المشاركات: 2194

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: الطيب شيقوق)

    الأعزاء
    مجاهد،ودشيقوق،وباشمهندس ابوبكر،الفاضل فضيلي
    تحية طيبة
    رمضان كريم

    Quote: بعد العربية تصل المساعد طوالىيمشى بقدام يفتح البودن عشان الماكنة تبرد ويتم موية اللديتر لو نقصت . ويراجع القربة المعلقة على صندوق العربية وملفوفة بالخيش عشان تبرد الموية الفيها .

    والعربية عندها مساعدين واحد المساعد الكبير والتاني مساعد الحلة(ابوقجيجة)
    وحقيقة حلتهم دائماً مسبكة ،التحية لهم يجوبون ارض الوطن بتضاريسها المختلفة
    من اجل توصيل المسافرين والبضائع لاهلنا الطيبين البسطاء
                   |Articles |News |مقالات |بيانات

13-09-2007, 10:21 AM

مجاهد عبدالله

تاريخ التسجيل: 07-11-2006
مجموع المشاركات: 3988

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    Quote: اصبر جاييك بس شوية مشغوليات


    ودشيقوق رمضان كريم يأخي وأعاده الله على بلادنا بالخير والطمأنينة ..

    أتمنى أن أرى في الرحلة بعضاً من أيام رمضان ..

    تحياتي لك ونحن في الإنتظار ..
                   |Articles |News |مقالات |بيانات

13-09-2007, 02:21 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    الاخ عبده ود جاد الله

    كتر خيرك كلام صاح المساعدية بيكونوا اتنين واحد طويل وواحد شافع برسلوهو للتابا .

    أتمنى أن أرى في الرحلة بعضاً من أيام رمضان ..

    والله يا مجاهد جنس حاجات في رمضان عيييييييييييييييييييييييييييييييييييك جاياك بس لحظات.
                   |Articles |News |مقالات |بيانات

14-09-2007, 03:05 PM

مجاهد عبدالله

تاريخ التسجيل: 07-11-2006
مجموع المشاركات: 3988

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    Quote: والعربية عندها مساعدين واحد المساعد الكبير والتاني مساعد الحلة(ابوقجيجة)
    وحقيقة حلتهم دائماً مسبكة ،التحية لهم يجوبون ارض الوطن بتضاريسها المختلفة
    من اجل توصيل المسافرين والبضائع لاهلنا الطيبين البسطاء


    والله يا عبدو زكرتني حكاية الحلة المسبكة دي بايام السودان الجميلة ..
    واسه تلقى الحلة دي مع الحاصل في السودان ده تكون مسبكة بمرقة ساااااي ..
                   |Articles |News |مقالات |بيانات

14-09-2007, 08:23 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    Quote: واسه تلقى الحلة دي مع الحاصل في السودان ده تكون مسبكة بمرقة ساااااي ..



    انت عارف يا مجاهد انا لو سالوني عن احلى السبكات - بقول احلى سبكة تكون في الخلاء وصدفة تقع ليك في عمال فحم قاعدين في تاية ( التاية هي راكوبة من القش او ربما تكون شجرة ظليييييييلة جالسين مقيللين تحتها وسابكين ليك ملاح كجيك تقيييييييل بعصيدة دخن دى والله تجنن عديييييل .

    ولو كمان طوابة ديل سبكتهم حاجة تانية .
                   |Articles |News |مقالات |بيانات

18-09-2007, 02:59 AM

مجاهد عبدالله

تاريخ التسجيل: 07-11-2006
مجموع المشاركات: 3988

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    يا ودشيقوق الرحلة دي متحركة كداري من الدندر ولاشنو لحد أسه ماجات..
                   |Articles |News |مقالات |بيانات

18-09-2007, 05:43 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    كيفك يا الابنوسي

    والله يا مجاهد انا طبعا مسئول الشئون الاجتماعية بنادي الجالية السوداني . والمغتربون وصلوا حديثا من الاجازات وهنالك برامج كتيرة واجتماعات بنعد فيها حول البرامج الصيفية . واخوك محل يمشى الناس ما بخلوني لانى بشاغل كتير والمغتربون كلهم فاقدين حنان وفاقدين الابتسامة واخوك شايل ليك عرق الابتسامة في مخاليهو وحايم بيهو محل امشى الناس الفاقدين حنان يتقالعوهو منى .

    امبارح يا مجاهد مشيت ليك زيارة لمؤسسة تعليمية رفيعة جدا ومجرد دخلت ناسك راحوا ضاحكين ومبسوطين وبقول لى واصلوا لينا في الكلام ده هو حياتنا وهو تاريخنا وهو اجمل ايام السودان وكان كل الحديث عن الونسة البسيطة الفي النت دى واى واحد يجي من السودان بقول لي اهلي كلهم متابعين كلامك الحنين ده .

    اها يا ابوى شدى حليك يمكن ربنا جاعل ليك مال آخر عمرك اصلكم الدناقلة يهود ونقوم نواصل ونعمل كتاب كبير ونروح نبيع حق الملكية الفكرية ونمشى انا وانت نصر قريشاتنا في جيوبنا ونمشى بيها بعيد في ضل شدرة بارد بعيد من الناس واى واحد يفرز كومو -
                   |Articles |News |مقالات |بيانات

20-09-2007, 01:06 PM

مجاهد عبدالله

تاريخ التسجيل: 07-11-2006
مجموع المشاركات: 3988

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    ودشيقوق كيفك بالله مع رمضان طبعاً ناس الدندر ديل بتجرسو شديد من رمضان وزي حالتك دي لمن كنا في الجامعة وخصوصاً في رمضان تلقي ودالدندر مصاقر مسواكو من يصحى لمن يفطر والله لمن تحن على شجر الأراك الحايقوم.. وظهر تب اسه معاك انت ماقادر تكتب ليك سطر وهو نان تكتبو كيف وبقيت خايف من العدسات عاد تاني إلأ تتشمع بورق اشعة عشان تتخارج من النظر الخارق ده..
    المهم يازول أقعد عافية ومنتظرين ...
                   |Articles |News |مقالات |بيانات

21-09-2007, 11:24 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    Quote: تلقي ودالدندر مصاقر مسواكو من يصحى لمن يفطر والله لمن تحن على شجر الأراك الحايقوم.. وظهر تب اسه معاك انت ماقادر تكتب ليك سطر وهو نان تكتبو كيف وبقيت خايف من العدسات عاد تاني إلأ تتشمع بورق اشعة عشان تتخارج من النظر الخارق ده..


    في العصرية يا مجاهد اما مسواك او ابريق او درابة؟؟؟؟؟؟؟؟؟
                   |Articles |News |مقالات |بيانات

21-09-2007, 02:50 PM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    Quote: اها يا ابوى شدى حليك يمكن ربنا جاعل ليك مال آخر عمرك اصلكم الدناقلة يهود ونقوم نواصل ونعمل كتاب كبير ونروح نبيع حق الملكية الفكرية ونمشى انا وانت نصر قريشاتنا في جيوبنا ونمشى بيها بعيد في ضل شدرة بارد بعيد من الناس واى واحد يفرز كومو -


    اها العرريب طلعت قريبي يهودي وهو المصدق قصة رحلة عمرك ومشوار سنينك ؟؟.. وكمان بقينا في الغش ؟انت قريشاتك بنيت بيها في ام مبدة وصرتك خاتي فيها دراب ساي عايزو يفرز معاك شنو ؟؟ لو عندك باقي قريشات كان تطلع تيمس عمك المغرز تلاتين سنة وقافل السكة ؟

    (عدل بواسطة abubakr on 21-09-2007, 02:52 PM)

                   |Articles |News |مقالات |بيانات

21-09-2007, 08:29 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: abubakr)

    Quote: وصرتك خاتي فيها دراب ساي عايزو يفرز معاك شنو


    ما تخاف الله ضحكتنى لكنك دوما تنظر بعين السخط يا مسخوط

    بالمناسبة امبارح الاخبار كلها عن غرق البردانة بفيضان نهر الدندر ماك متابع الاخبار؟ على القناة السودانية . نحن عايزين لينا سمعة ساااااااااى حتى ولو بحريقة .
                   |Articles |News |مقالات |بيانات

21-09-2007, 08:37 PM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    Quote: بالمناسبة امبارح الاخبار كلها عن غرق البردانة بفيضان نهر الدندر ماك متابع الاخبار؟ على القناة السودانية . نحن عايزين لينا سمعة ساااااااااى حتى ولو بحريقة .


    ياخي سمعة شنو .. انتي ما شفت البيوت اتماصت كيف والموية بدل ما تكب في النهر الجاف حولت البردانة الي غرقانة ....
                   |Articles |News |مقالات |بيانات

21-09-2007, 08:51 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: abubakr)

    Quote: ياخي سمعة شنو .. انتي ما شفت البيوت اتماصت كيف والموية بدل ما تكب في النهر الجاف حولت البردانة الي غرقانة ....


    انت قايل زى اهلك ديل مجرد بيوتهم اتماصت بمشوا بفرشوا في ضل الشدر ويدوروا حللهم وكانوا ما حصلت حاجة .
                   |Articles |News |مقالات |بيانات

21-09-2007, 09:04 PM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    Quote: انت قايل زى اهلك ديل مجرد بيوتهم اتماصت بمشوا بفرشوا في ضل الشدر ويدوروا حللهم وكانوا ما حصلت حاجة .

    احنا بيوتنا ما اتماصت بقيت تحت الماء لوكندات لسمك البلطي والتماسيح ويوم حننشف الموية ونرجع ليها ...
                   |Articles |News |مقالات |بيانات

21-09-2007, 09:13 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: abubakr)

    Quote: احنا بيوتنا ما اتماصت بقيت تحت الماء لوكندات لسمك البلطي والتماسيح ويوم حننشف الموية ونرجع ليها ...


    لانكم ما بتعاينوا لقدام وما حاسبين كويس وما عارفين خربانة ام بناية قش .

    بختكم بعد تنشف اى واحد يلقى بيتو مليان حوت ويخت بمبرو قدام البيت ويشنق طاقيتوا وجيب الميزان ويبيع بالكيلو سااااااااااى .
                   |Articles |News |مقالات |بيانات

24-09-2007, 09:28 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: abubakr)

    تملكني حياء مبطن بكثير من الفرحة عندما سألني والدى( أها يا ولدى نحن بقينا على عرسك على بت عمك شامة رايك شنو ؟ وتواصل قرايتك وعلينا جميع مصاريف قرايتك وبيتك عندك كلام تاني ؟ نحن دايرين نشوف جديدك وتكبر وربنا يديك الجنى ونحن جاهزين لاكلهم وشرابهم وانت ما عليك...... .. يا ولدي وتشدي حيلك في المدرسة لحدى تشبع طااااااااااب منها ؟ قول لينا رايك قبال ترجع المدرسة يا ولدى عشان من باكر نكلم صبيّن الحلة يمشوا نفير يكسروا النال عشان نبني قطيتك والصريف والكنجة و نمشي السوق نجيب الشيلة وجميع لوازم البوش ).

    كان عمري وقتها 14 سنة وكان عمر شامة 13 سنة . في اثناء حديث والدي معي لمحت شامة خارجة من منزل ابيها الى منزل الجيران متحشمة بتوب ولعل تلك كانت او مرة اراها تتحشم ولما شاهدتني واقف مع الوالد مسكت العباية بطرف اناملها وانزوت مسرعة داخل حوش العم احمد البشير وكانت تلك اول مرة تبدئي فيها مظاهر الخجل لانها ربما سمعت همسا وشعرت بحراكا غير عادي داخل الاسرة . شعرت بان الايقاع ليس هو ايقاع الامس بتلقائيته وعفويته وانما همس ولمز يرجح ان يكون موضوعه زواجها مني . لم تكن المشاورات منصبة حول موضوع هل تزوج شامة لي ام لغيري؟ لان تلك كانت مسالة محسومة وبالنسبة للوالد مضوى خط احمر فلا ابو شامة ولا ام شامة يمكنهما التعقيب عليه . ما كان بيني وشامة علاقة اثنين لم يصنعها ال مين رود (main road (او قاعات الدراسة او الزير هاوس ( الزير هاوس هي فسحة في كلية الحقوق جامعة الخرطوم عادة يلتقي فيها الطلاب والطالبات خلال فترة ما بين المحاضرتين و فيها تشكل فقاع علاقات عاطفية يفضى احيانا !! الى علاقات زوجية لم تصمد في الغالب الاعم طويلا وراح اغلبها مع مهب الريح )

    كان الزواج في جميع قرى ولاية سنار و النيل الازرق و القضارف عكّيم عديل كده فلا العريس يستشار ولا العروس ياخذ برأيها في من يتزوج بها – وكان لمواسم الخريف اثر واضح في ارتفاع او انخفاض مؤشر عدد الزيجات فان كان خريفا يفيض بالخير فهذا مؤشر على احتمال زيادة عدد قطاطي النال الجديدة في القرية وهذا كناية على زيادة عدد الزيجات الجديدة في هذا ذاك الموسم . ولعل من اهم مظاهر الموسم الخريفي الناجح في تلك المناطق هو ظهور تلك القطاطي شامخة بكثرة في اى قرية عقب موسم الخريف مباشرة ( الدرتية ) .

    يبدأ الزواج عند اهلنا عادة بالخطوبة لمن لم تكن له بنت معتوقة من الصغر وتكون اغلب العناصر الجاذبة للخطوبة هى صلة القربى ثم علاقة الصداقة الاسرية بين اهل العريس والعروس . وثمة شواهد عاصرناها تبين لنا ان ابا العريس إن كان فقيرا لا يتجرأ على خطوبة بنت الغني وانما العكس صحيح تماما .

    بعد الخطوبة سد المال ثم الشيلة وهى عبارة عن ملابس وصابون ومواد غذائية كمية من الارز ودقيق القمح ويتم حملها عادة في صواني مهولة يتبعها عدد من الوجهاء لتقديمها لاهل العروس . كانت الفلوس التي تدفع لسد المال بسيطة للغاية بحسابات اليوم حيث كانت حتى تاريخ زواجي في عام 1971 م لا تتجاوز 100 جنيه سوداني وعندما دفع والدي 120 جنية كانت حديث الناس لانها تجاوزت السقف المالوف وقتئذ .

    بعد سد المال يغلب ان تكون هنالك فترة زمنية طويلة وهي فترة ما بعد موسم الحصاد اذ يخرج اغلب شباب القرى للعمل في المشاريع الزراعية او الفحم ليعودوا في اغلب الاحوال مع مشارف الرشاش ( بداية موسم الخريف الجديد) وفي هذه الفترة يبدأ موسم الاعراس لا سيما وان جميع الاهل والاصدقاء يكونوا قد عادوا الى قراهم بجيوب منفوخة بالمال الذى حصلوا عليهم من اعمالهم الشاقة .

    تجد اغلب الشباب في هذه الفترة اي موسم الاعراس يلبسون اجمل الملابس اما لانهم مقبلون على الزواج او لان البعض الاخر يحسب انها فترة عرض لنفسه امام الفتوات اللائي ياتين للمشاركة في حفلات الزواج .

    كنت سعيدا جدا بنبأ حسم موعد زواجي ليكون في الاجازة الموسيمية ابان بدايات فصل الخريف وكنت مصمما على التوفيق بين الزواج والدراسة وكان دافعي للاستمرار في الدراسة هى مشاهد الكبار من ابناء اهلي الذين اكملوا الدراسة بالثانويات وعادوا لمهنة التدريس وكذلك خريجي الجامعات الذين كان لا يتجاوز عددهم ثلاثة من جملة 4 الف نسمة . ولعل حماس الوالد الذي كان ميسور الحال وقتئذ من اهم العوامل التى حفزتنى لاحراز احسن النتائج خلال المراحل الدراسية .

    صحيح لقد كان عمري 14 عاما ومع ذلك كنت احسب لايام الاجازة التي من المقرر ان يكون فيها زواجى بالساعة !!

    وصل نبأ خطوبتي لاساتذتي بالمرحلة الوسطى وكانوا في غاية من الدهشة لان اغلبهم نقلوا للعمل بمدرسة الدندر الوسطى من شمال الوادى او مدينة الخرطوم او المناطق الحضرية في السودان. تغير اسمى من ذلك التاريخ من الطيب الى ( العريس) وظل هذا الاسم ملازمنى في جميع المراحل الدراسية حتى جامعة الخرطوم فلا يعرف الطيب من قبل زملاء الدراسة ان لم يكنّى بعبارة العريس حتى هذا اليوم .

    كنا في المدرسة الوسطى نسكن في الداخليات (الرهد / الدندر / عطبرة ) كنت من طلاب داخلية الرهد وكان لا يسمح لنا بالخروج لزيارة اهلنا الا بعد مرور ثلاث اسابيع ( كل نهاية اسبوع كانت مخصصة لخروج ساكني اى من تلك الداخليات) – كانت هنالك ثلاث وجبات دسمة في صفرة المدرسة ) كنت معجبا جدا بالعم حسن الخير رئيس الطباخين الذى كان يحرص على ارتداء المريلة الزرقاء ساعة ترتيب الوجبات وكان معه من الطباخين الذين لن ينمحوا من ذاكرتي العم بدوى والعم مصطفي واحمد الشايقي - لم ار العم حسن يوما وهو يبتسم مع اى من الطلاب وكانت توجيهات وتعليمات العم حسن الخير لبقية الطباخين تنفذ فورا فلا احد من رفاقه يستطيع ان يرفع صوته عليه .

    كان لكل داخلية رئيسا من الطلاب يعين من قبل الاستاذ المشرف عليها . كان رؤساء الداخليات مساءلين عن اداء المهم المناطة بهم امام الرئيس العام للداخليات والذى يغلب ان يكون من اقدم طلاب المدرسة واكثرهم حزما واقواهم شخصية .

    كان الطالب طه فضل الله هو الرئيس العام للداخليات - واكاد اقسم اننى لم اره يوما مبتسما و وكنا نشاهده دوما متجولا بين الداخليات وكان لا يتحدث مع رئيس اى داخلية باللغة العربية وانما بلغة انجليزية سلسة ومتماسكة نحوا وصرفا – كنا لا نستطيع مقابلته وجها لوجه ان كان مار في اتجاهنا وانما نصمت توجسا منه حتى يغيب عن عيوننا .

    كنا نغسل ونكوى ملابسنا لوحدنا – صحيح تعلمنا فنون المكواة من اولاد البندر الذين كانوا يبدعون في تسييف الملابس . والحق يقال ان الانصهار بين الطلاب في ذلك الوقت كانت له ميزات قلما توجد اليوم فكان التواصل يمتد الى الاسر وكانت لطافة وظرافة وادب وثقافة طلاب المناطق الحضرية قد اسهمت بالكثير من تخفيف غلواء وشراسة البداوة التي استلهمناها من بيئاتنا . والشاهد هو ان الطالب الذى كان يسكن في جميع مراحله في الداخليات يختلف عن الطالب الذى كان يقيم مع اهله من حيث مقدرته في ادارة الاذمات ومن حيث كيفية درء الكوارث وينسحب هذا الى ادارة شئونه الاسرية والعائلية . ويقيني ان العلاقات التي صنعتها تلك الحقبة والحميمية التي تجسدت في وجدننا تجاه زملاء واساتذة تلك الفترة لا تضاهيها اى علاقات في المراحل التي تلتها اى في الثانوي او الجامعة . فلا اخال اى منا ينسى اى طالب عاصره خلالها حتى وان كان من المراحل الخلفية او المتقدمة ويعود ذلك الى عدة اسباب اولها انتقال الطالب من الجو الاسري الذي كان يجد فيه حرية الحركة الى مرحلة منظمة في زيّها المدرسي وسكنها ووجباتها وساعات الدراسة وحتى ساعات الرياضة . كان البرنامج اليومي يسمح بالتواصل اما من خلال قاعات الدراسة او المذاكرة المسائية او تمام الداخليات الذى يمارس مرتين في اليوم مرة بعد القيلولة واخرى عند النوم او في ميادين الرياضة .
                   |Articles |News |مقالات |بيانات

23-09-2007, 11:20 AM

مجاهد عبدالله

تاريخ التسجيل: 07-11-2006
مجموع المشاركات: 3988

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    Quote: وصرتك خاتي فيها دراب ساي عايزو يفرز معاك شنو ؟؟


    ابوبكر كيفك ورمضان..

    الخوف يكون الدراب ذاتو ما قادر يفرزو من القروش ...
                   |Articles |News |مقالات |بيانات

25-09-2007, 03:33 AM

مجاهد عبدالله

تاريخ التسجيل: 07-11-2006
مجموع المشاركات: 3988

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    Quote: ( أها يا ولدى نحن بقينا على عرسك على بت عمك شامة رايك شنو ؟ وتواصل قرايتك وعلينا جميع مصاريف قرايتك وبيتك عندك كلام تاني ؟ نحن دايرين نشوف جديدك وتكبر وربنا يديك الجنى ونحن جاهزين لاكلهم وشرابهم وانت ما عليك...... .. يا ولدي وتشدي حيلك في المدرسة لحدى تشبع طااااااااااب منها ؟ قول لينا رايك قبال ترجع المدرسة يا ولدى عشان من باكر نكلم صبيّن الحلة يمشوا نفير يكسروا النال عشان نبني قطيتك والصريف والكنجة و نمشي السوق نجيب الشيلة وجميع لوازم البوش ).


    ده الأب ولا بلاش..ياسعادتك يأخي ..

    وكيفك ورمضان ياودشيقوق ..
                   |Articles |News |مقالات |بيانات

25-09-2007, 07:53 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    مجاهد اللذيذ انت موجود كمان انا قلت خطفتك الاضواء او العدسات

    Quote: ده الأب ولا بلاش..ياسعادتك يأخي ..


    والله يا مجاهد اخوك ظل يلد من زمان وعمك يربي ساى وحياتهم كلها كانت مع جدهم ولم يقيموا معى بصورة دائمة الا بعد ان قررت اسكنهم الخرطوم وكان يوم رحيلهم من جدهم يوم حداد عديل بالنسبة لجدهم .



                   |Articles |News |مقالات |بيانات

25-09-2007, 12:51 PM

مجاهد عبدالله

تاريخ التسجيل: 07-11-2006
مجموع المشاركات: 3988

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    Quote: وكان لمواسم الخريف اثر واضح في ارتفاع او انخفاض مؤشر عدد الزيجات فان كان خريفا يفيض بالخير فهذا مؤشر على احتمال زيادة عدد قطاطي النال الجديدة في القرية وهذا كناية على زيادة عدد الزيجات الجديدة في هذا ذاك الموسم


    الفي حلاّلكم ده عرس ولا كماين طوب

    والله ذكرتني حكاية الحاجة القالت لراجله قوم فز الخلاء شوف وليداتك ديل بعمل في شنو ولمن جاها راجع قال ليها الوليدات حالتن تحنن دايرين الخريف وما ديرنوا قالت كيف عاد الكلام ده قاليها واحد زارع والتاني داقي كماين طوب..
                   |Articles |News |مقالات |بيانات

25-09-2007, 02:05 PM

محمد على طه الملك
<aمحمد على طه الملك
تاريخ التسجيل: 14-03-2007
مجموع المشاركات: 9126

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    ود شيقوق ..
    حكاية العرس دي ذكرتني بحاله مشابهة ..
    عندي قريب أبوه عرس ليه بنفس الطريقه ..
    يوم الولد ربطت معاه طلق البنيه ورسلها أهلها ..
    بعد يومين لقيت مرته في البيت وهو عادي معاها ..
    باركت اليه وسألته رجعتها متين ؟
    ضحك .. وقال أمش أسأل أبوي ..
    رجعتها بعد قال لي هو إنت كنت عرستها يامطموس عشان تطلقها؟
                   |Articles |News |مقالات |بيانات

25-09-2007, 08:02 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: محمد على طه الملك)

    جاهد الابنوسي
    كيفنك

    Quote: الفي حلاّلكم ده عرس ولا كماين طوب


    والله ابدعت في توصيفه زى كيمان الطوب بس الفرق هنا بعلقوا بيضة النام او الزينة في راس القطية
                   |Articles |News |مقالات |بيانات

25-09-2007, 08:08 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: الطيب شيقوق)

    محمد على ود طه

    Quote: حكاية العرس دي ذكرتني بحاله مشابهة ..
    عندي قريب أبوه عرس ليه بنفس الطريقه ..
    يوم الولد ربطت معاه طلق البنيه ورسلها أهلها ..
    بعد يومين لقيت مرته في البيت وهو عادي معاها ..
    باركت اليه وسألته رجعتها متين ؟
    ضحك .. وقال أمش أسأل أبوي ..
    رجعتها بعد قال لي هو إنت كنت عرستها يامطموس عشان تطلقها؟



    ده الحاصل عندنا بالضبط وكتير جدا بنفس الصيغة القلتها دي - بيقولو زمان شامة لانها شوية متينة لما المطره تنزل بتشيلني بتدخلني جوة القطية من المطرة .

    عليك الرسول ات من وين يا أمحمد ؟
                   |Articles |News |مقالات |بيانات

28-09-2007, 01:51 PM

مجاهد عبدالله

تاريخ التسجيل: 07-11-2006
مجموع المشاركات: 3988

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    Quote: وثمة شواهد عاصرناها تبين لنا ان ابا العريس إن كان فقيرا لا يتجرأ على خطوبة بنت الغني وانما العكس صحيح تماما


    هنا أثر كبير يجب أن ننظر اليه بعين الرضى ..
                   |Articles |News |مقالات |بيانات

28-09-2007, 02:14 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    Quote: هنا أثر كبير يجب أن ننظر اليه بعين الرضى ..


    يا اخوى اكان ما معرس شوف ليك بنت زولا شبعان عشان تارث وتتجدع في مال ابيها ساااااااااااى
                   |Articles |News |مقالات |بيانات

04-10-2007, 01:19 PM

مجاهد عبدالله

تاريخ التسجيل: 07-11-2006
مجموع المشاركات: 3988

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    Quote: وصل نبأ خطوبتي لاساتذتي بالمرحلة الوسطى وكانوا في غاية من الدهشة لان اغلبهم نقلوا للعمل بمدرسة الدندر الوسطى من شمال الوادى او مدينة الخرطوم او المناطق الحضرية في السودان. تغير اسمى من ذلك التاريخ من الطيب الى ( العريس) وظل هذا الاسم ملازمنى في جميع المراحل الدراسية حتى جامعة الخرطوم فلا يعرف الطيب من قبل زملاء الدراسة ان لم يكنّى بعبارة العريس حتى هذا اليوم .


    العريس لقب سعيد دوماً وهنيئاً لك به ..

    خالص الود ياعريس ..
                   |Articles |News |مقالات |بيانات

07-10-2007, 04:08 PM

مجاهد عبدالله

تاريخ التسجيل: 07-11-2006
مجموع المشاركات: 3988

للتواصل معنا

FaceBook
تويتر Twitter
YouTube


Re: رحلة العمر ومشوار السنين /رحلة العمر ومشوار السنين (حكاااي ياودشيقوق) (Re: مجاهد عبدالله)

    اين البقية ذهبت لسودانايل ولم أجد شيئاً ...
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de