كتب الكاتب الفاتح جبرا المتوفرة بمعرض الدوحة
|
|
 هل من فاعل خير لبناء مسجد فى بيرمنجهام للجالية السودانية ؟؟
|
بعد الاذن اللازم من صاحب الحوش الاخ بكرى أبوبكر وإذا الامر خارج دستور وقوانين الحوش فعليه أن يسحب البوست وفوراً .
الاخوان الاعزاء المسلمين الاخيار أهل المال وأهل البر وأهل الخير أرجو أن تساعدونا فى أمر بناء مسجدأو شراء مكان يصلح لكى يكون مسجد للجالية السودانية بيرمنجهام والسبب أخوانى الاعزاء أننا فى بيرمنجهام ورغم أننا جالية كبيرة ولكن السياسة قاتلها الله فرقتنا الى مجموعات لا يجمعها إلا الاتراح أو الاعياد أو بعض مناسبات الافراح فى مساجد وقاعات الجاليات الاخرى للأسف !!!!.
كل الجاليات المسلمة لديها مساجد ومركز ومدارس وقاعات إلا الجالية السودانية !!.
هذا الامر منى بصفتى الشخصية وعندما أجد أهل الخير سوف أختار من كل بقاع السودان الاخيار الذين يتولون هذا الامر وهم (من الاقوياء والامناء ونحسبهم من أهل الثقة والامانة إن شاء الله )
من يجد جهه أو جمعية أو رجل بر وإحسان أو شيخ أو أمير يرغب فى بناء أو شراء مسجد عليه أن يبادر بتوضيح ذلك وسوف أعطية تكاليف الامر وتفاصيله والتى سوف تكون جاهزة خلال 24 ساعة إذا وجد المبلغ فالمعروض على قفا ماتشيل بس ينقصنا المال أسأل الله أن يتم هذا الامر ، وتعلمون جميعاً الحديث من بنى لله مسجداً ولو على مفحص قطاه بنى الله له بيتاً فى الجنة .
ختاماً الساعى للخير كفاعل الخير وأسأل الله أن نكون من أهل الخير وبارك الله فيكم ونفع بكم ,
|
|
 
|
|
|
|
|
|
|
|
Re: هل من فاعل خير لبناء مسجد فى بيرمنجهام للجالية السودانية ؟؟ (Re: على جويلى)
|
| Quote: من يجد جهه أو جمعية أو رجل بر وإحسان أو شيخ أو أمير يرغب فى بناء أو شراء مسجد عليه أن يبادر بتوضيح ذلك وسوف أعطية تكاليف الامر وتفاصيله والتى سوف تكون جاهزة خلال 24 ساعة إذا وجد المبلغ فالمعروض على قفا ماتشيل بس ينقصنا المال أسأل الله أن يتم هذا الامر ، وتعلمون جميعاً الحديث من بنى لله مسجداً ولو على مفحص قطاه بنى الله له بيتاً فى الجنة . |
الأخ المحترم بشرى
السلام عليكم
تُشكر لسعيكم الطيب في هذا الخير العظيم
ونسأل الله القبول منك هذا السعي
ولبقيةالإخوة الذين معك
يا ود السقاي والله ليتنا نملك هذا المبلغ فنرسله لكم يا كرام "على دايرة المليم.."!
ولكن عندنا معلومات عسى الله أن يبارك فيها..
أعرف عدد من الإخوة في فرنسا وكندا وغيرها عندهم تعامل-في مجال بناء مساجدهم أو مؤسساتهم-مع جمعية
قطر الخيرية http://qcharity.com/
وكذلك جمعية "عيد بن محمد آل ثاني الخيرية"
http://www.eidcharity.net/
و
مؤسسة "راف" الخيرية:
http://raf-thani.com/
ولو أنكم تخيّرتم القدوم أثناء الشهر الفضيل لكان أفضل..أو في أي وقت مناسب
المهم حاولوا نسّقوا معهم..ويا حبّذا لو جاء مندوب/أو مناديب منكم شخصيا لعرض
هذه المطالب التي هي واجب على كل مسلم قادر القيام بها-وليس تفضّلا منهم
وفقكم الله
| |
|
|
|
|
|
|
|
|
|
Re: هل من فاعل خير لبناء مسجد فى بيرمنجهام للجالية السودانية ؟؟ (Re: عماد موسى محمد)
|
الاخ بشرى تحياتي ،،
بنفس حماسك للعمل الخيري دا يا ريت تشوف لين مساحة للتبرع من اي جمعية بالمرة كدى للمسجدبتاعكم و70 قرية اتدمرت في ولاية سنار الدندر،،،
زي ما طالبوا ناس الجابرية في قصيدة حميد (دايرين بوسطة ومدرسة وسطى وشفخانة وسوق منضبطة) لكن اصر بلة الطاهر على حسب الله ممثل الجماعة يبني جامع ،،
ورد عليه حميد باسم سكان الجابرية ،،( اااخ تالت جامع في الجابرية)
لحدت ما يصل لمرحلة (الله بنعبدو في اي حتة ) بس حوجتنا كانت في المدرسة والشفخانة
فممكن لو وصلتك التبرعات دي تحول مسارها لاعمار ما تدمر من قرى ومدارس ومستشفيات في ارض الوطن الدمار ،، ويا ناس بيرنجهام اعبدوا الله في اي حتة ،،
دا مجرد اقتراح ،،،
احترامي
| |
|
|
|
|
|
|
|
|
|
Re: هل من فاعل خير لبناء مسجد فى بيرمنجهام للجالية السودانية ؟؟ (Re: علي دفع الله)
|
علي دفع الله كتب:
Quote: بنفس حماسك للعمل الخيري دا يا ريت تشوف لين مساحة للتبرع من اي جمعية بالمرة كدى للمسجدبتاعكم و70 قرية اتدمرت في ولاية سنار الدندر،،،
زي ما طالبوا ناس الجابرية في قصيدة حميد (دايرين بوسطة ومدرسة وسطى وشفخانة وسوق منضبطة) لكن اصر بلة الطاهر على حسب الله ممثل الجماعة يبني جامع ،،
ورد عليه حميد باسم سكان الجابرية ،،( اااخ تالت جامع في الجابرية)
لحدت ما يصل لمرحلة (الله بنعبدو في اي حتة ) بس حوجتنا كانت في المدرسة والشفخانة
فممكن لو وصلتك التبرعات دي تحول مسارها لاعمار ما تدمر من قرى ومدارس ومستشفيات في ارض الوطن الدمار ،، ويا ناس بيرنجهام اعبدوا الله في اي حتة ،،
دا مجرد اقتراح ،،،
احترامي |
معليش يا استاذ علي..إيه التناقض هنا؟!! الداير يبني
مسجد ببني شفخانة..ببني مدرسة..ما شايف في أي
"صراع"! بين الموضوعين ..مسجد عشان يعبدو ربنا فيهو..ومستوصف/شفخانة
عشان يتعالجو فيهو..ومدرسة عشان يأخذوا العلم فيها..
؟So what بس كلمة"الله بنعبدو في أي حتة" دي كلمة"مطاطة" تحتمل"البراءة-؟!!
وتحتمل التحقير..وتحتمل "الاستهانة" بأهمية بناء المساجد..
ولو على قولك دا -مافي مسلم بنى مسجد..والله رجّعتني ورا زماان زمن الشيوعية
زمان كان بيضحكو على الشباب في جامعة الخرطوم وهم بيصلّوا..والله صحي!!
الشيوعيين ديل غنّايم زاتو ماات..!!وهم لسّع "متشعلقين" فيها!!
بعدين طيب يا عليّ ..رسولنا اللي قال"وجُعلت لي الأرض مسجدا وطهورا..مش هو نفسو-صلى الله عليه وسلم- اللي أول عمل عملو في المدينة إنّ بنى مسجدا؟؟!!
يا جماعة ماتعملوا صراع من مافي!!
غايتو المسلم ما بيعيش تناقض تب ما بين مسجد وشفخانة!!
لأنو أفقو واااسع..وبيعرف إنو الشريعة جات بتحقيق
الضرورات الخمسة لهذا الإنسان وهي حفظ: النفس والعقل والمال والدين والنسل..
وزي ما عمل الرسول..المسلمون بيعملو..شنو قولك؟
شكرا
| |
|
|
|
|
|
|
|
|
|
Re: هل من فاعل خير لبناء مسجد فى بيرمنجهام للجالية السودانية ؟؟ (Re: عماد حسين)
|
Quote: المسألة التانية يا شيخ العمدة
يبدو أن علي آدم فاكر المسالة بهذه البساطة
هناك قاعدة شرعية لضبط مسار المال، وهي: : "الوقف على شرط الوافق"
لما زول يتبرع ليك بقروش، لا يجوز لك استخدامها إلا وفق شرطه. |
بعد الإذن من أخينا المحترم ود السقاي..أشكرك يا شيخ عماد على التعليقات
وأوافقك في كلامك أعلاه..
وللعلم فإن هناك شفافية وانضباط مدهش..أقول: مدهش في مسألة التبرعات هنا في قطر خصوصا
والخليج عموما..يعني-مثلا-لايمكن أن تعطيك جمعية قطرية أموالا إلا عن طريق جمعية أخرى سودانية
تعترف بها ويكون بينهما تعامل..ومن ثم تقوم الجمعية التي في السودان بمتابعة عملية الإنشاء والبناء
للمؤسسة المطلوبة..وتقدم تقارير منتظمة بعملية البناء..واستيثاق دقيق..أوجه صرف محددة....: 1+1=2
وبالمناسبة المتبرع نفسه يتابع مشروعه الذي بناه..بالصور والتفاصيل -غير المملة!!
تقوللي شنو؟!
شكري عماد
| |
|
|
|
|
|
|
|
|
|
Re: هل من فاعل خير لبناء مسجد فى بيرمنجهام للجالية السودانية ؟؟ (Re: بشرى مبارك ود السقاى)
|
| Quote: كل الجاليات المسلمة لديها مساجد ومركز ومدارس وقاعات إلا الجالية السودانية !!. |
الحبيب الصديق بشري المبارك ...
اعلم صديقي الفاضل بشري ان (الطريق الي الجحيم محفوف بالنوايا الحسنة )
سؤالي البسيط والمباشر والمهم ماذا تقصد بالجالية السودانية ؟؟
هل فكرت بالنواحي القانونية لجمع التبرعات ؟؟ او التحدث باسم الجالية السودانية الغير موجودة ككيان
هل فكرت بمدي حساسية مصطلح (الجالية السودانية بيرمنجهام ) وانت ابن بيرمنجهام وتعرف تماماً المنازعات والتجاذبات حول مصطلح (الجالية السودانية )
ببرمنجهام ؟؟
لا اقصد ان اكون من المحبطين لك ولكن اخاف عليك من القيل القال وانت تعلم ما اقصده... عدد السودانين في بيرمنجهام كبير جدا و مدينة بيرمنجهام من اكبر 5 مدن في غرب اوربا
اكتزازا بالسودانيين الا ان السياسة والساسة وتغول المبطلين والمحبطين جعل هناك ما لا يقل عن 15 مجموعة كل منها يدعي بانها الممثل الشرعي للسودانين وكل منها استعمل مصطلح
الجالية السودانية حتي (خماسي المؤتمر الوطني) ومن يدور في كنفهم ادعي بانهم هم الجالية السودانية بيرمنجهام , علي العموم تأكد بانني وكما تعرفني حق المعرفة سوف اشد من اعضدك
واكون بجانبك ولكن اتمني ان نسعي في توحيد الجالية تحت اي مسمي او سيقة يرتضيها الجميع ,,, علماً بان اجندة الاجتماعات السابقة ومحاضرتها مازالت موجودة معي
انا اقول هذا القول لعلمي التام سوف تتطالب بتفويض من الجالية السودانية لجمع اي تبرع او استخراج تصريح واذن بناء وهنا تكمن المشكلة
واخيرا اشكر لك صنيعك ومبادرتك الرائعة
| |
|
|
|
|
|
|
|
|
Re: هل من فاعل خير لبناء مسجد فى بيرمنجهام للجالية السودانية ؟؟ (Re: طارق ضياء الدين)
|
ود السقاي
تحياتي الطيبة
يعني ضاقت ارض الله الواسعة بمسلمي ومسلمات بيرمنغهام لكي يريدون النفير من اهل الخليج
وشوف الوهابي عماد حسين ربط لك الدفع فقط في رمضان يعني بعد رمضان هذا المتبرع مافيه خير ولا بركه ؟؟
اسئلة بالله لو هذا المال ساهم به اهل الخير لوجوهه المتعددة
الداخليات للبنات والاولاد ناس عصابة الخرطوم لغوها؟؟
مساجد الداخل تحتاج للاصلاح
المستشفيات والمراكز الصحية في القري والمدن حالتها خربه؟؟؟
الصحة والتعليم وحال معيشة اهلنا ضنك وعذاب وتحتاج المساعدة
عزيزي انها دعوة خير لكن بريطانيا ليست مكانها اذا بلادنا تعاني العوذ والفقر وتحتاج للاحسان
يوجد مرضي لا يستطيعون توفير مال العلاج انظر لحالة شاعرنا العظيم الفيتوري من يتخيل انه يحتاج لمساعدة ولا يقدر الناس الي الان حسمها
| |
|
|
|
|
|
|
|
|
|
Re: هل من فاعل خير لبناء مسجد فى بيرمنجهام للجالية السودانية ؟؟ (Re: Sabri Elshareef)
|
الاخ طارق ضياء الين
توجد جالية واحدة ببيرمنغهام ورئيسها يعقوب من ابناء دارفور
اما الجالية الاخري التي كونها دكتور مهدي ومعه مجموعة وقعوا في فخ احاكته له مجموعة بعينها
واتي وعمل مع الجالية الام
اما الجالية الوهمية للمؤتمر الوطني ليست لها وجود في المدينة اللهم الا علي الورق
اما المسجد يحتاج له الجميع وطرحت الفكرة في بداية هذا الشهر مع كل الناس بالمدينة
| |
|
|
|
|
|
|
|
|
|
Re: هل من فاعل خير لبناء مسجد فى بيرمنجهام للجالية السودانية ؟؟ (Re: saif massad ali)
|
Quote: عدد السودانين في بيرمنجهام كبير جدا و مدينة بيرمنجهام من اكبر 5 مدن في غرب اوربا
اكتزازا بالسودانيين الا ان السياسة والساسة وتغول المبطلين والمحبطين جعل هناك ما لا يقل عن 15 مجموعة كل منها يدعي بانها الممثل الشرعي للسودانين وكل منها استعمل مصطلح
الجالية السودانية حتي (خماسي المؤتمر الوطني) ومن يدور في كنفهم ادعي بانهم هم الجالية السودانية بيرمنجهام |
يعنى عدد ما شاءالله لو كل سودانى ساكن فى بيرمنجهام اتبرع بفقط 10 جنيه استرلينى ممكن تبنو مسجد ومدرسة ومستشفى فى بيرمنقهام والرصيرص ولا محتاجين لخليحيين ولا سعوديين
اهم حاجة كيف توحدوا كيانكم كسودانيين وتصفوا النفوس وتقبلوا التعايش مع بعض
والا الفايده شنو فى انه نصلى مع بعض والنفوس غير نضيفة تجاه بعضنا البعض كسودانيين يعيشون فى مدينة واحدة
| |
|
|
|
|
|
|
|
|
|
Re: هل من فاعل خير لبناء مسجد فى بيرمنجهام للجالية السودانية ؟؟ (Re: saif massad ali)
|
Quote: توجد جالية واحدة ببيرمنغهام ورئيسها يعقوب من ابناء دارفور
|
الأخ سيف المساعد احترامي وتقديري
لا احب ان اخوض في الامر بعمق اكتر حتي لا يتحول البوست لحوار انصرافي ,,,, يعقوب ابو عمار صديق شخصي ورجل عزيز عليً وكذلك دكتور مهدي محمد خير لكن اسمح لي ان اقول لك ان الحقيقة غير ذلك يوجد في بيرمنجهام اكتر من 15 كيان مسجل في مجلس المدينة والكيان الذي يمثلة يعقوب ابو عمار واخرون ما هو الا كيان واحد من مجموع هذه الكيانات ... الاخ بشري المبارك حضر معي اجتماعات كثيرة داخل مجلس المدينة وهو اعلم بتفاصيل بيرمنجهام وتذكر ((ليس من سمع كمن رأى))
_____________________________________________
اما عن المؤتمر الوطني في مدينتي بيرمجنهام ولندن سوف افرد لهم بوست خاص اكشف فيه المستور عن كوادرهم
| |
|
|
|
|
|
|
|
|
|
Re: هل من فاعل خير لبناء مسجد فى بيرمنجهام للجالية السودانية ؟؟ (Re: طارق ضياء الدين)
|
على بركة الله
لا يشترط في بناء مسجد لأبناء الجالية السودانية أن يكون ذلك بعد توحيد كل كيانات الجالية
المهم ÷و أن يقوم مجموعة من الناس لتكوين جسم مسجّل في البلدية وبموجب هذا التسجيل يحق لهم جمع تبرّعات باسمهم الإعتباري
وكون المسجد لا يصلى فيه بالبطاقات ولا برسوم تسجيل فاي مسجد يبنى سيكون له أثر طيّب في نفوس أبناء الجالية السودانية
كلمة "جالية سودانية" ليس بالضرورة كيان مسجل
فكل تجمع للسودانيين خارج الوطن هو جالية سودانية في المنطقة الفلانية
تسمية بعض الناس لكياناتهم باسم "الجالية السودانية" لا يغيّر من حقيقة الكلمة ومعناها الأصلي
استخيروا وتوكلوا على الله
| |
|
|
|
|
|
|
|
|
|
Re: هل من فاعل خير لبناء مسجد فى بيرمنجهام للجالية السودانية ؟؟ (Re: Frankly)
|
الاخوان الكرام الذين تداخلوا (والله لما لقيت المتداخلين وصلوا العدد الكبير ده حمدت الله كثيراً بأننى سوف أجد أفكار والحمد لله وجدت ) .
كل من شارك وحتى من أختلفوا فى بعض أفكارهم أقول لكم أن قصدى وجود جسم يضم كل السودانين فى الصلاة والعبادة إجتماعياً وثقافياً ونبعد السياسة وعندنا نلتقى فى الصلاة وفى الاتراح فهذا يكفى لمزيد من طىء الصفحات الاليمة التى سودتها الحكومات والسياسه .
من ردوا أرى أن عدد مقدر منهم من بيرمنجهام وأروبا .
أقول للأخ الذى يتحدث عن مسجد الاخ جعفر (ستليت سابقاً ) نعم سمعت به منذ فتره ولو رأى النور أمامى لما كتبت هذا الاقتراح .
أخوانى أقسم بالله العظيم أننى لم أشاور أى شخص وكتبت هذا الامر بصورة منفردة !! ومن يعرفنى جيداً وعاشرنى يعرف ماذا أقصد فأنا زاهد جداً فى هذه الفانية لا أجرى وراء منصب ولا سلطة ولا حزب والله العظيم كان فى متناول يدى عندما كنت رئيس قسم شرطة العيلفون أن أكون الان صاحب عمارة أو أكثر ولكن هل ينفعك ذلك فى الاخرة !!؟؟ إردت أن يكون هناك صرح سودانى سميه بأى تسمية تعجبك وأردت أن أصل الى جمعيات خيرية وبعد أن تعطينى الضوء الاخضر هناك أكثر من جهه تساعد من وكالات عقارية وغيرة فى تجهيز الصور من المعروض وأيضاً يمكننا أن نطرق بلدية بيرمنجهام بعد أن نضمن الجهة التى تتحمل الدفع ,
أنما الاعمال بالنيات ولكل أمرى ما نوى لم أنتمى لحزب من قبل ولا أنوى إن شاء الله جزبى السودان ودينى الاسلام ورسولى محمد صلى الله عليه وسلم .
مناداتى ببناء مسجد لا تمنع أهل الخير فى كل مكان لتقديم خيرهم لأهل السودان فى كل المجالات ويا على دفع الله قبل خمس أيام كتبت موضوع مداخلة على بوست الاخ الطيب شيقوق وربط زيارة الشيخ زايد بن سلطان آل نهيان للسودان فى العام 1971م بالدندر بالحدث الاخير وناشدت أولادة والحاكم الحالى بمد يد المساعدة فأرجو مراجعة البوست .
ختاماً الاخ طارق ضياء الدين لعل الوالدة على الصحة وندعو ليها بالشفاء وأنت أدعو لنا بالتوفيق فى مشروع المسجد وأشكرك على الثقة ولكن (لا تتحس كثيراً من حكاية إسم الجالية السودانية فمكننى إن شاء المولى أن أغير الاسم لأى إسم أخر لا يكون مصدر حساسية لك !!) أعلم حبك لبيرمنجهام ولكن إذا كان حبك لبيرمنجهام دنيوى فأربطة بحب للأخرة يرتبط بمساهمتك فى بناء المسجد حتى ننعم بيت فى الجنة جميعاً وهل هناك نعمه أكبر من بيت فى الجنة !!!فإذا كان الفرد منا وأسرته يفرح ببيت الكاونسيل البى الايجار فمابالك ببيت فى الجنة مدفوع فيهو كل شىء حتى الحور العيين !!أوعدنا يارب . وأخيراً الناوى والدال على الخير كفاعله ونسأل الله أن نكون من أهل الخير وأشكركم على مشاركاتكم ، وأرجو أن تبعدوها من الرد والرد الاخر وتتركوا البوست الى أن يصل الى غاياته والهدف المنشود والله من وراء القصد وهو الهادى الى سواء السبيل.
| |
|
|
|
|
|
|
|
|
|
Re: هل من فاعل خير لبناء مسجد فى بيرمنجهام للجالية السودانية ؟؟ (Re: بشرى مبارك ود السقاى)
|
Quote:
العبيط صبري الشريف
أمشي غير الحفاظات حقت حمودي |
الاخ مبارك السقاي
تحياتي من هنا لحدي قري والقري المجاورة
بالله اقرا تعليق هذا الوهابي عماد حسين وشوف الشتيمة وبرضو بوصي اشان تقابل اثرياء الخليج لبناء جامع ؟؟
وعاين جوامع الوهابية بتربي مثل هذا الوهابي او اسم الدلع والغش انصار سنة
الاموال احوج بها اهلنا يا اهلي برمنغهام وغيرها لا خير ان لم نسد فرقات الجوع والمسغبه التي فعلتها حكومة الاسلام السياسي والغش والكذب
يا وهابي عماد حسين انت هنا خير مثال لاخلاق الوهابية شتيمة وبعدها اهدار دماء وتكفييير كما فعل الوهابي التكفيري زميلك عماد موسي محمد والشاعر الوهابي الطقي ذكره الله بالخير
| |
|
|
|
|
|
|
|
|
|
Re: هل من فاعل خير لبناء مسجد فى بيرمنجهام للجالية السودانية ؟؟ (Re: Sabri Elshareef)
|
يا صبرى يا أخوى أنا كتبت بوست من أجل التبرع لمسجد فى بيرمنجهام !! يا أخوى بارك الله فيك ما (تفتل لى البوست ) وعليك الله أفتح ليك موضوع للوهابية بعيداً من البوست ده وأشكرك على مرورك ولكن البوست (غير قابل للفتل ) لأن أمره واضح !!! من أكثر الاشياء التى تجعلنى أتردد فى الدخول والردود أن كثيراً من الردود لا داعى لها ومكرره بدرجة تجييب القرف .
| |
|
|
|
|
|
|
|
|
|
Re: هل من فاعل خير لبناء مسجد فى بيرمنجهام للجالية السودانية ؟؟ (Re: بشرى مبارك ود السقاى)
|
الاخ بشري
انت فتحت بوست لبناء جامع وانا قلت لا ضرورة للشحدة ان من خليج او غيره توجد مشاريع الناس احوج لها
بعدين اتي هذا الوهابي الارهابي عماد حسين قال قول بائس
هل انت تنصر اخاك حتي ولو هو ظالم مخير الله ؟؟
انا اتحدث عن ان الفكرة من اساسها غير صائبة طالما يراد لها الهبة وفي رمضان لان المسلم بكون سخي
وبعد رمضان يعود لعدم السخا
عموما قل لهذا الوهابي ان يتادب
| |
|
|
|
|
|
|
|
|
|
Re: هل من فاعل خير لبناء مسجد فى بيرمنجهام للجالية السودانية ؟؟ (Re: عماد موسى محمد)
|
.قال أبو حيان:
{ومن يؤت الحكمة} قرأ الجمهور مبنيًا للمفعول الذي لم يسم فاعله، وهو ضمير: من، وهو المفعول الأول: ليؤت. وقرأ يعقوب: ومن يؤت، بكسر التاء مبنيًا للفاعل. قال الزمخشري: بمعنى ومن يؤته الله. انتهى.
فإن أراد تفسير المعنى فهو صحيح، وإن أراد تفسير الإعراب فليس كذلك، ليس في يؤت ضمير نصب حذف، بل مفعوله مقدّم بفعل الشرط، كما تقول: أيًا تعط درهمًا أعطه درهمًا.
وقرأ الأعمش: {ومن يؤته الحكمة}، بإثبات الضمير الذي هو المفعول الأول: ليؤت، والفاعل في هذه القراءة ضمير مستكن في: يؤت، عائد على الله تعالى.
وكرر ذكر الحكمة ولم يضمرها لكونها في جملة أخرى، وللاعتناء بها، والتنبيه على شرفها وفضلها وخصالها.
{فقد أوتي خيرًا كثيرًا} هذا جواب الشرط، والفعل الماضي المصحوب: بقد، الواقع جوابًا للشرط في الظاهر قد يكون ماضي اللفظ، مستقبل المعنى. كهذا.
فهو الجواب حقيقة، وقد يكون ماضي اللفظ والمعنى، كقوله تعالى: {وإن يكذبوك فقد كذبت رسل من قبلك} فتكذيب الرسل واقع فيما مضى من الزمان، وإذا كان كذلك فلا يمكن أن يكون جواب الشرط، لأن الشرط مستقبل، وما ترتب على المستقبل مستقبل، فالجواب في الحقيقة إنما هو محذوف، ودل هذا عليه، التقدير: وإن يكذبوك فتسلّ، فقد كذبت رسل من قبلك، فحالك مع قومك كحالهم مع قومهم.
قال الزمخشري: وخيرًا كثيرًا، تنكير تعظيم، كأنه قال: فقد أوتي أيّ خير كثير. انتهى.
وهذا الذي ذكره يستدعي أن في لسان العرب تنكير تعظيم، ويحتاج إلى الدليل على ثبوته وتقديره، أي خير كثير، إنما هو على أن يجعل خير صفة لخير محذوف، أي: فقد أوتي خيرًا، أي خير كثير.
ويحتاج إلى إثبات مثل هذا التركيب من لسان العرب، وذلك أن المحفوظ أنه إذا وصف بأي، فإنما تضاف للفظ مثل الموصوف، تقول: مررت برجل أي رجل كما قال الشاعر:
دعوت امرأً أيّ امرىء فأجابني ** وكنت وإياه ملاذًا وموئلا
| |
|
|
|
|
|
|
|
|
|
Re: هل من فاعل خير لبناء مسجد فى بيرمنجهام للجالية السودانية ؟؟ (Re: saif massad ali)
|
ود العيلفون إسمو الشاذلى ويوم الاحد قابلتو فى ختمة العزاء فى مسجد الاكراد لوفاة والدة كمال بشارة ونسيبة حميد كسلا آها إنت كنت وييين لما الزاكى عمل الختمة ؟؟؟؟.
والشاذلى ده أنا فى عرسو قريت قصيدة بى إسمو وأربعة قصائد للعيلفون لآننى كنت رئيس قسم شرطة العيلفون 1988م 1990م!! تكون إنت قلت إسمى غلط !!!! . وكدى نتقابل يوم الجمعة إن شاء الله قبل الصلاة بنصف ساعة ولو كل الذين ذكرتهم (من أبناء دارفور تحديداً ) قالوا ليك مانعرف الزوول ده أنا برجع المانيا بون وأستقر هناك !!وأكان طلع بعرفونى رأيك شنو ؟؟؟
| |
|
|
|
|
|
|
|
|
|
Re: هل من فاعل خير لبناء مسجد فى بيرمنجهام للجالية السودانية ؟؟ (Re: بشرى مبارك ود السقاى)
|
يا سيف مساعد على !!طييب بأختصار قول لى عبدالله يحى بتعرف (جنابو بشرى !!!) أجيييك من الاخر .
وقول لى سيف كوكو بتعرف (الاستاذ بشرى مبارك ؟؟ وكان قال ليكم قصة أى نبى فى العشرة الاواخر فى رمضان فى مسجد أمانة معاذ الخيرية بيرمنجهام ؟؟؟) .
وهل يا سيف مساعد على صليت معانا التراويح فى الامانة مع الامام المصرى والسعودى ؟؟؟وهل صليت الجمعة التى خطب فيها الشيخ رجب زكى المصرى خطيب ميدان التحرير بالقاهرة ؟؟؟.
| |
|
|
|
|
|
|
| |
بشرى مبارك ود السقاى
على جويلى
عماد حسين
علي دفع الله
saif massad ali
طارق ضياء الدين
محمد زكريا
Frankly
فيس بوك
تويتر
انستقرام
يوتيوب
بنتيريست