|
Re: الدولة الوحيدة التى لديها شارع يحمل اسمها في دولة الامارات هي : (Re: جمال المنصوري)
|
.
جنابو عمر عثمان بعد التحية ,,,
في برنامج توثيقي قبل كده اتكلم المرحوم جعفر نميري عن علاقتوا الخاصة مع الشيخ زايد أل نهيان رحمهم الله اجمعين القصة كانت عن طريق الخرطوم بورسودان والمرحلة الصعبة فيهوا ( العقبة ) وطلب نميري مبلغ من الامارات لعمل المرحلة دي من الطريق يومه أتكفل الشيخ زايد بتمويل المرحلة كاملة من الطريق والزادت كتير عن تقديرات الطلبه نميري من شيخ زايد
ما عندي صلة بالإمارات ولا مقيم فيها لكين البعرفوا علاقات السودان بالامارات من أميز العلاقات بنتمني تستمر وتستديم على نفس المنحي الايجابي
ولك اكيد التقدير
| |
|
|
|
|
|
|
Re: الدولة الوحيدة التى لديها شارع يحمل اسمها في دولة الامارات هي : (Re: عبد الناصر الخطيب)
|
في برنامج توثيقي قبل كده اتكلم المرحوم جعفر نميري عن علاقتوا الخاصة مع الشيخ زايد أل نهيان رحمهم الله اجمعين القصة كانت عن طريق الخرطوم بورسودان والمرحلة الصعبة فيهوا ( العقبة ) وطلب نميري مبلغ من الامارات لعمل المرحلة دي من الطريق يومه أتكفل الشيخ زايد بتمويل المرحلة كاملة من الطريق والزادت كتير عن تقديرات الطلبه نميري من شيخ زايد
>>>>>>>>>>>>>>>>>>>>>>>>
تحياتي ياناصر .....
حقيقة نميري قدم السبت (خبرات سودانية) وشيخ زايد لم يؤخر الاحد
وكان يكن محبة ومودة خاصة للسودان والسودانيين
| |
|
|
|
|
|
|
Re: الدولة الوحيدة التى لديها شارع يحمل اسمها في دولة الامارات هي : (Re: محمد علي البصير)
|
والله يا جنابو الكلام جاب الكلام واظن السودانيين ديل فى كل حتة فى العالم دخلها الانجليز اظن لديهم بصمات
هنا عندنا فى استراليا وبالذات مدينة ملبورن
يوجد حى اسمه كوبر وفيه سجن نفس طريقة سجن كوبر ولما سالت عن الموضوع عرفت ان الرجل الذى انشاء الحى اسمه جيمس كوبر( james coburg) ولما اُرسل الى السودان مع كتشنر للانتقام لقتل غردون انشاء حى كوبر وسجن كوبر فى السودان
والله اعلم
الشى الثانى هنالك شوارع باسم khartoum Street Dongola Street Atbara Street Tokar Street
| |
|
|
|
|
|
|
Re: الدولة الوحيدة التى لديها شارع يحمل اسمها في دولة الامارات هي : (Re: omer osman)
|
التحية لك استاذ عمر عثمان والتحية لكل من مروا من هنا... ووقفة إكبار للامارات شايف شارعك دا عفوا بوستيك دا طلعت ليهو تفرعات كتيرة ... مسكناها من الكوبري وطلعنا بي حي السودان في تكساس محل الطيارة بتقوم واوباما بينوم
آخدكم في شارع جانبي حيوصلنا لمدينتي دنقلا:
شارع دنقلا في حي الفيحاء بالعاصمة السعودية الرياض
نزار مختار ..ولد خالـ(تن) لينا التقط الصورة في الريلض وقمت انا بدوري بالرجوع لادارة التسمية والترقيم بامانة مدينة الرياض وبالاستفسار افادوني بان دنقلا المقصودة هي مدينة في السودان
| |
|
|
|
|
|
|
|