|
|
 ظواهر سلبية فى السودان - مغبووووون من الحكومة دى
|
وابداها ليكم من منع دخول الأمجاد لى المطار
دليل قاطع على انو الناس البتطلع القرارات دى بيقطعوها من دماغم ساكت
يعنى زى الزول البينوم ليك بالخيرة وتانى يوم يديك النجيضة
وهنا النجيضة بدون اعتبارات لى اى شى تانى
رجالة ، عنترية، قلة ادب ، زى ما داير تفهم افهم
(ارجع سريع يابتاع الامجاد، انت ماشى وين يازول، هوى ياخينا ماتملانا فارغة من الصباح)
يعنى اذا افترضنا انو عندى امجاد وماشى اوصل الوالدة المطار نسبة لأنها ماشة عُمرة
والأمجاد زاااااتا بتاعتى نمرتا ملاكى يعنى ولا عامة (دا القسمو لينا الله)
توقف العربية وتعتل الشنط (وفى بعض الاحيان الوالدة زاتة نسبة لعامل السن)
ولا تقوم تأجر ليك تاكسى من باب المطار لى الصالة (شوف عينى التكاسة بطلو المشاوير المارقة من المطار قبلو على المدخل بس)
عشان تنجز باقى المُهمة!!!!!
انا فى رأيى لو السيناريو دا حصل لى يمكن تانى يوم تسمعوا بى فى جريدة الدار
لأنو احتمال كبير جدآ اكون قًرشت فى الصالة بى امجادى والهلُم جرا ديل كلهم فى القزاز
|
|
 
|
|
|
|
|
|
|
 Re: ظواهر سلبية فى السودان - مغبووووون من الحكومة دى (Re: Mohammed Awad)
|
اى زول كان ضامن ليهو واحد فى الخمسة سنين الفاتو ديل يشيل شيلتو
ناس المرور شغالين تنكيت لى بلاغات من سنة اسكت عشان الآتى:
* الزول الضامنو د عندو بلاغ بتاع قيادة بى اهمال
يا اما تجيبو لينا ياتدفع عنو الغرامة (بعد داك انت وحظك)
*الزول الضامنو دا عليو مخالفتين بى ستين جنيه بالله شوفو ولا ادفع
لينا انت بعدين حاسبو بى طريقتك.
* الزول الضامنو انت القال ليك اضمنو منو زااااااتو؟؟ اسى تدفع برضو عشان نفكك
الظاهر فى فلسة حاصلة.... الغريبة الحملات شغاااااااالة
=======================================
ماتستغرب لو قالو ليك جيب لينا عربية الزول الضامنو دا
نفحصا تانى...
| |
|
|
|
|
|
|
|
|
|
Re: ظواهر سلبية فى السودان - مغبووووون من الحكومة دى (Re: Mohammed Awad)
|
تدنى الخدمات فى المصالح الحكومية..
يعنى تقريبآ الشعب السودانى دا كلو بيكون عاش التجارب دى
تمشى تطلع الرقم الوطنى الصف ما يديك الدرب
تمشى تجدد الرخصة الصف ما يديك الدرب
تمشى تفتح بلاغ الصف ما يديك الدرب
تمشى تطلع تأشيرة خروج الصف مايديك الدرب
بالكتير لو لقيت ليك محل قعاد بيكون فى الصقيعة ولا خيمة اخير منها الصقيعة
بعد دا كلو احتمال تكمٍل الصف ياقلو ليك جيب لينا ورقة ما انزل الله بها من سلطان
ولا قالوا ليك تعال بكرة وراك شنو نحنا قفلنا!!
===============================================
قبل كدا مسافر بالطيارة ومعاى الطبنجة كالعادة
بعدين مرات بتعمد انو ما يكون معاى ذخيرة (بعرف اتصرف من وين بعد داك)
والسبب انو ناس امن الطيران المدنى فى مرة عاوزين يتأكدو من سلاح واحد كدا انو مافيهو ذخيرة
انتهت القصة بأنهم فاكين طلقتين جوة صالة المُغادرة واصابة عدد واحد نفر فى الرجل...
المهم..........
سلمت الزول السلاح بعد ماقلبو كويس (طبعآ بيفتش فى التأمين ماعارفو بى وين)
قال لى ما شايل ذخيرة ليه؟؟؟ (السؤال دا كان جادى صراحة)
تفتكروا ممكن ارد عليهو اقول لى شنو؟؟
| |
|
|
|
|
|
|
|
|
|
Re: ظواهر سلبية فى السودان - مغبووووون من الحكومة دى (Re: Mohammed Awad)
|
سلامات يا محمد عوضQuote: قبل كدا مسافر بالطيارة ومعاى الطبنجة كالعادة
بعدين مرات بتعمد انو ما يكون معاى ذخيرة (بعرف اتصرف من وين بعد داك)
والسبب انو ناس امن الطيران المدنى فى مرة عاوزين يتأكدو من سلاح واحد كدا انو مافيهو ذخيرة
انتهت القصة بأنهم فاكين طلقتين جوة صالة المُغادرة واصابة عدد واحد نفر فى الرجل...
المهم..........
سلمت الزول السلاح بعد ماقلبو كويس (طبعآ بيفتش فى التأمين ماعارفو بى وين)
قال لى ما شايل ذخيرة ليه؟؟؟ (السؤال دا كان جادى صراحة)
تفتكروا ممكن ارد عليهو اقول لى شنو؟؟ |
بالنسبة للظواهر السالبة والدبل غبينة يا زول إنت كنت وين !!!!
بالنسبة لقصة السلاح والطيارة والمطار !!!!
يازول إنت جادى (بالقديم)؟؟؟
| |
|
|
|
|
|
|
|
|
|
Re: ظواهر سلبية فى السودان - مغبووووون من الحكومة دى (Re: أيمن الطيب)
|
| Quote: بالنسبة للظواهر السالبة والدبل غبينة يا زول إنت كنت وين !!!! |
ايمنوووووف
تسأل منك العافية ياخ... موجود والله يابو يمن لكن
مع جنس المحن دى نلقا فرقة نكتب كيف زاتو ما عارفين..
Quote: بالنسبة لقصة السلاح والطيارة والمطار !!!!
يازول إنت جادى (بالقديم)؟؟؟ |
وحياة خوتك المامنها اى فايدة 
ال Close Protection بتاع قمبارى (UNAMID)
سلموا السلاح وهم مغادرين الى الفاشر
وحاتك ناس امن الطيران بس عشان يجسو الطبنجة
تيف تيف عدد اتنين طلقة زى السم
دا الحالة فى واحد فيهم عامل فيها معلم وفى رواية اخرى تفشقى عديل كدا
========================================
تخيل دا امن الطيران!!!!
غايتو احتمال انا اكون غلطان
يكون الناس ديل دايرين يشوفوا المسدسات دى شغالة ولا ماشغالة ياربى
| |
|
|
|
|
|
|
|
|
|
Re: ظواهر سلبية فى السودان - مغبووووون من الحكومة دى (Re: Mohammed Awad)
|
سلام يا محمد عوض
والله انا جيت من اجازة من السودان و طوالي من قولت تيييت رحت فاتح لي بوست فش غبائن زي دا ...بعد شوية لقيت الضغط في العلالي ... نسبة للذكريات الما حلوة دييك .. و شعرت كدة بيني و بين نفسي انو دبرست في الناس اجوة الواطيين الجمرة و في الناس البرة القافليين علي الاجازات الجاايية ... فقلت اعرش علي كدة! ... يا زول اتفش زي ما داير .. اصلو البلد ديك البتدخلها في الزول اصلو ما بتطلع!
------
manubia
| |
|
|
|
|
|
|
|
|
|
Re: ظواهر سلبية فى السودان - مغبووووون من الحكومة دى (Re: مازن فيصل هلال)
|
| Quote: يا زول اتفش زي ما داير .. اصلو البلد ديك البتدخلها في الزول اصلو ما بتطلع |
العزيز مازن
والله حقيقة ياخ... نحنا والله الوحد قلبو بيتقطع من جنس الحاجات دى
الوالد عليه رحمة الله كان بيقول لى مرات الموت دا عند ناس اهون من الحياة
لأنو قطع شك رب العالمين بينصفك... لكن الناس ديل بيجيبو خبرك
تحياتى
| |
|
|
|
|
|
|
| |
Mohammed Awad
أيمن الطيب
فيس بوك
تويتر
انستقرام
يوتيوب
بنتيريست