كتب الكاتب الفاتح جبرا المتوفرة بمعرض الدوحة
|
Re: لن أشاهد الفيلم ولن أسمح لأولادي وأمهم بمشاهدته (Re: Mahmoud Mustafa Mahmoud)
|
يادكتور مصطفى محمود سلامات ممكن انت ماتشوف دا تقدير ذاتى ولكم انك تحرم اولادك وامهم من مشاهدته والله دا جرم كبير فى حقهم واصلا لو ماشافوا حيقدر يميز الطالح من الصالح كيف ؟ ضرورى يشوفوه ويتناقشوا فيه وعشان مايكونوا مسلمين متعصبين ساكت وانطباعيين ينفعلوا بما ينقل اليهم دون تحليل واسمح لى اقول ليك ديل خامة ومشوع متطرفيين عاطفيين ووقود جاهز لحرق السفارات الكافرة !! عرفت انو مشكلة المعارضة مع الوعى والاستنارة اكتر من النظام وعشان كدا النظام دا حيسقط بعد مانحن نكون عظاما نخرة فىالاجداث
| |
|
|
|
|
|
|
Re: لن أشاهد الفيلم ولن أسمح لأولادي وأمهم بمشاهدته (Re: صابر عابدين)
|
يا استاذ محمود مصطفي لديك مطلق الحرية في ان تشاهد او لا تشاهد الفلم ولديك الحق في ان لا تترك اطفالك مشاهدته لانه صراحة غير صالح للاطفال لانه ملئ بالمشاهد الجنسية المقذذة ولكن كيف تفرض علي زوجتك وهي صنو لك وشخص مستقل عنك ولها رأيها كيف تفرض عليها ان لا تشاهد؟ ياأخي حرام البوست بتاعك اظهرها وكأنها انسان تابع تحدد له انت حتي قراءاتها.... ثم ان الخطورة في موقفك انك تدع غير يفكر لك بالوكالة وانت تستهلك ما يجودون لك بافكار حسب تقديراتهم الذاتية. اذا كنت محبا للنبي اطمأنك ان الفلم لا يتنقص عن ذلك مثقال ذرة.
من الواضح ان الفلم قصد منه اثارة مشاعر المسلمين. منتجو هذا الفلم المسئ علي علم تام بالاشياء التي تثير المسلمين فصوروا الرسول الكريم في هذه الاوضاع الجنسية المسيئة وفي مشهد محدد صوروا شخصية الرسول وكأنه يتحدث الي حمار. وفي مشهد آخر تكالبت علي هذه الشخصية المراد تصويرها علي انها الرسول مجموعة من النساء ضربا بالاحذية ثم مشاهد الدماء والقتل والهبل وغير ذلك من الاساءات البالفة. الذين انتجوا هذا الفلم يدرون تماما كيف ستكون رود الفعل صمموا الفلم حتي يبلغ الاستفزاز اشده ويحصلوا علي اعنف رد فعل ممكن. الهدف من هذا الفلم هو تحريك قوي الهوس الديني في العالم الاسلامي ودفعهم الي ارتكاب حماقات كبيرة يستطيعون من خلالها تحقيق أهداف سياسية محددة. في رأي ان الهدف هو تحريك مسار العلاقات الغربية مع جماعات الاسلام السياسي في العالم الاسلامي نحو وجهة محددة بالقدر الذي يجعل الغرب يعيد النظر في حساباته . انظر الي دعم الغرب للاخوان المسلمين بمصر للحد الذي دفعوا فيه المال لحملة مرسي وانظر الي الدعم المادي واللوجستي للجماعات الاسلامية بسوريا وكذلك العلاقات مع الاسلاميين الليبيين. اول نجاح حققوه منتجي الفلم هو مقتل السفير الامريكي في لبيبيا كرد فعل علي الفلم. سوف لن يكون هذا أخونا محمود مصطفي الجماعة ديل قصدوا يفكوا فينا الهوس والجوطة وهم عارفين مافي امريكي واحد بيشوف ليهم فلم مجوبك زي دا والتمثيل فيه احسن منه بتاع الاطفال ولا فيه قصة ولا وثائقي ولا اي حاجة فيه ... عملوهو وحيفكوا فينا السلفية الجهادية والطلبان والهوس والتعصب ... والصعاليك ديل حيسكوا ليك الجماعة ديل لحدي ما يفتروهم يوم فلم ويوم كتاب ويوم كاركتير ويوم مسرحية ومرة واحدي تكتب ايات في شكل تاتو ... والمظاهرات تطلع والجماعة يكسروا السفارات ويهاجموا المصالح ويقتلوا السفراء ... وتاني فلم جديد ولا كاركتير ..... نحن الخسرانيين
| |
|
|
|
|
|
|
Re: لن أشاهد الفيلم ولن أسمح لأولادي وأمهم بمشاهدته (Re: GAAFER ALI)
|
Quote: ولكن كيف تفرض علي زوجتك وهي صنو لك وشخص مستقل عنك ولها رأيها كيف تفرض عليها ان لا تشاهد؟
|
كيف؟؟
شخص مستقل عني؟؟
أقول يا أستاذ جعفر...نحن ناس خلا وشدر..
عليكم الله ما تعملوا لينا "استنارة" أكثر مما نحتمل..
"الصنو" بتاعتي دي..عندها راي حتى في مسلسل "عمر" رضي الله عنه..
أقوم أعزمها فيلم زي البتتكلموا عنه دا؟؟
أبوها وجدها مختار ود القرشي مداح الرسول عدييييييييييييل..
..
Quote: ثم ان الخطورة في موقفك انك تدع غير يفكر لك بالوكالة وانت تستهلك ما يجودون لك بافكار حسب تقديراتهم الذاتية. اذا كنت محبا للنبي اطمأنك ان الفلم لا يتنقص عن ذلك مثقال ذرة.
|
لا أحد يمكن أن يفكر بالوكالة نيابةً عني...ولا أستهلك أفكار الغير..
الدليل على كدا..هذا البوست..فكرة خاصة بي ..والموقف دا
أنا مسئول عنه حتى يوم القيامة...ولو كان غلط..النار قاااااااااااعدة...
..
.
Quote: الجماعة ديل قصدوا يفكوا فينا الهوس والجوطة وهم عارفين مافي امريكي واحد بيشوف ليهم فلم مجوبك زي دا والتمثيل فيه احسن منه بتاع الاطفال ولا فيه قصة ولا وثائقي ولا اي حاجة فيه
|
والحال كذلك،، ما تعتبرني أمريكي ولا حاجة... لكن أعفينا ياخي من مشاهدة حاجة بهذا الخواء..
شكراً لوجودك ونصحك...ولكني أرى أن من واجبي تجاهك أن أنصحك بمنع أطفالك وأمهم if any من مشاهدة
مثل هذه الترهات.. ولك التقدير ..
..
| |
|
|
|
|
|
|
Re: لن أشاهد الفيلم ولن أسمح لأولادي وأمهم بمشاهدته (Re: صابر عابدين)
|
Quote: يادكتور مصطفى محمود
|
طبعاً المنادى هنا ... أعتقد هو السبب في روح المداخلة وخاصة الجزئية دي:
Quote: عرفت انو مشكلة المعارضة مع الوعى والاستنارة اكتر من النظام وعشان كدا النظام دا حيسقط بعد مانحن نكون عظاما نخرة فىالاجداث
|
فشنو....
ما مشكلة يا صابر ياخ...والمقام مقام محبة لحضرة سيدنا النبي
وعلى طريقة حاج الماحي كمان..
استنارة بتاع فنيلتك على قول كيكي؟؟
..
.
| |
|
|
|
|
|
|
Re: لن أشاهد الفيلم ولن أسمح لأولادي وأمهم بمشاهدته (Re: Mahmoud Mustafa Mahmoud)
|
طبعا اخوانا ديل ممكن عادي يغالطوك في دينك زاتو يا " دكتور"
ياخوان الفوق هوي الدين الاسلامي البيؤمن بيهو اخونا " دكتور " محمود مصطفي محمود فيهو زي الاية دي "و أمر أهلك بالصلاة و اصطبر عليها لا نسألك رزقا نحن نرزقك و العاقبة للتقوى»" يعني في الدين الاسلامي البيؤمن بيهو الدكتور دا عادي الراجل بيأمر مرته حتي في عباداتها وبعدين الله سبحانه وتعالي في الدين البيؤمن بيهو دكتور محمود دا قال ( وقد نزل عليكم في الكتاب أن إذا سمعتم آيات الله يكفر بها ويستهزأ بها فلا تقعدوا معهم حتى يخوضوا في حديث غيره إنكم إذا مثلهم إن الله جامع المنافقين والكافرين في جهنم جميعا ) يعني الدين الاسلامي البيؤمنوا بيهو اخونا محمود ومرته واولاده والبؤمن بيهو برضو اساسي ومرته واولاده واي مسلم طبيعي ما عنده هوس بتاع استنارة وكشافات مامورين من الله انهم يتجنبوا الخوض في مسائل الاستهزاء وعدم مشاهدتها والترويج لها وعادي ممكن الراجل يأمر مرته انها ما تحضر وعادي ممكن يأمرها انها تقوم تصلي كمان
| |
|
|
|
|
|
|
Re: لن أشاهد الفيلم ولن أسمح لأولادي وأمهم بمشاهدته (Re: اساسي)
|
Quote: وعادي ممكن الراجل يأمر مرته انها ما تحضر وعادي ممكن يأمرها انها تقوم تصلي كمان
|
عادي والله..
بالعكس ما "فوكا" حاجة خالس..
الليلة غايتو يا ربطوا لينا كشافات على قول أساسي صاحبي..
يا كمان عملنا ليكم "ترشيد" استنارات ومزقنا ليكم فاتورة الكهرباء مرة واحدة..
تحياتي أساسي...وشكراً يا زول يا أصيل..
..
.
| |
|
|
|
|
|
|
Re: لن أشاهد الفيلم ولن أسمح لأولادي وأمهم بمشاهدته (Re: Mahmoud Mustafa Mahmoud)
|
الايمان هو ان تعتقد بحوجتك لله، والهوس اعتقادك بان الله من يحتاجك.. محمد فاروق
انا اشاهدت اى فلم او صورة خرجة كان الهدف منها تشوية صورة الاسلام واكون حريص جدا لمشاهدة الصورة او الفلم وطلعته بالنتجية التالية :
اولا منتج الفلم الاخير شخص فهم عقلية المسلمين والغباء ويرد السخرية من المسلمين فقط لا غير لان بصراحة الفلم عبارة عن سفاحة وانحطاط وقلت ادب ولا يستطيع اى شخص عاقل بالغ مسلم كان او مسيحى او حتى وسنى اكامل 10 دقائق من الفلم ناهيك عن ساعة او ثلاثة ساعات,
منتج الفلم الفلم الاخير : شخص غبى ومريض بالعنصرية فقط استطاع ان يحرك الشارع الاسلامى بالرموت كنترول وتحرك الاغبياء ،
القس الامريكى الذى حرق المصحف خرج من جديد فى الاضواء بعد ان خفت الاضواء من حولة يعنى بالتجاهل سوف تتوقف تلك الافلام المسئ لكن بالغضب والثورات انشاء الله السنه الجاية برضوا حنشوف فلم تالت ورابع
يعنى كل سنه حيطلع زول يطلع فلم والناس تبقى تتجارى فى الفاضى
التجاهل بس وربنا اقوى من اى بشير وممكن يدمر اى شئ وحب الرسول دا ما بثبتوا بى الحرق والضرب والكواريك
| |
|
|
|
|
|
|
Re: لن أشاهد الفيلم ولن أسمح لأولادي وأمهم بمشاهدته (Re: Mahmoud Mustafa Mahmoud)
|
Quote: ياخوان الفوق هوي الدين الاسلامي البيؤمن بيهو اخونا " دكتور " محمود مصطفي محمود فيهو زي الاية دي "و أمر أهلك بالصلاة و اصطبر عليها لا نسألك رزقا نحن نرزقك و العاقبة للتقوى»" يعني في الدين الاسلامي البيؤمن بيهو الدكتور دا عادي الراجل بيأمر مرته حتي في عباداتها وبعدين الله سبحانه وتعالي في الدين البيؤمن بيهو دكتور محمود دا قال ( وقد نزل عليكم في الكتاب أن إذا سمعتم آيات الله يكفر بها ويستهزأ بها فلا تقعدوا معهم حتى يخوضوا في حديث غيره إنكم إذا مثلهم إن الله جامع المنافقين والكافرين في جهنم جميعا ) يعني الدين الاسلامي البيؤمنوا بيهو اخونا محمود ومرته واولاده والبؤمن بيهو برضو اساسي ومرته واولاده واي مسلم طبيعي ما عنده هوس بتاع استنارة وكشافات مامورين من الله انهم يتجنبوا الخوض في مسائل الاستهزاء وعدم مشاهدتها والترويج لها وعادي ممكن الراجل يأمر مرته انها ما تحضر وعادي ممكن يأمرها انها تقوم تصلي كمان |
أساسي يا أساسي سلمت يداك ويد الدكتور محمود. تحياتي
| |
|
|
|
|
|
|
Re: لن أشاهد الفيلم ولن أسمح لأولادي وأمهم بمشاهدته (Re: Rawia)
|
غايتو يا دكتور محمود بالغتا ... والله صحي
تمنع الاطفال القصر دي مبلوعة .. ودا حقك في التربية والتوجيه
اما امهم فهي حرة فيما تختاره .. صراحة ما قدرت ابلعا يا عمك
الله يستر ما يجيك تبارك الذي بكيبورته الجدل
شكراً للمدحة الممتعة واللهم صلي على سيدنا محمد عليه الصلاة والسلام
| |
|
|
|
|
|
|
Re: لن أشاهد الفيلم ولن أسمح لأولادي وأمهم بمشاهدته (Re: حافظ انقابو)
|
يا زول اذا انت ما شاهدت الفيديو دا ولا عايز تشاهدو وطيب انت بدين وبتجرم علي اساس شنو؟!!!!
اذا انت بتعتمد علي أقوال الغير مع وجود المصدر بتبقي دي مصيبة،
لانو القران والرسول قالو تحروا، يعني ما تلفحو الكلام ساكت فتحري ياخي عسي ولعل تلقي حاجة غيرك ما شافها، لكن انت حكمت وجرمت الحاصل بكلام الغير، عاد دا اسمو كلام يا دكتور،
| |
|
|
|
|
|
|
Re: لن أشاهد الفيلم ولن أسمح لأولادي وأمهم بمشاهدته (Re: حافظ انقابو)
|
Quote: تمنع الاطفال القصر دي مبلوعة .. ودا حقك في التربية والتوجيه
اما امهم فهي حرة فيما تختاره .. صراحة ما قدرت ابلعا يا عمك
|
يعني يا حافظ موضوع الاستنارة دا برضو ماسك فيهو؟؟
الحريات الأربعة دي عندنا ليها بروتوكول خاص جداً هنا في البيت دا..
فشنو... الفيلم دا غايتو إلا يجيبوهو لينا في "سلطة خدرا"...
..
تحياتي..
..
| |
|
|
|
|
|
|
Re: لن أشاهد الفيلم ولن أسمح لأولادي وأمهم بمشاهدته (Re: محمد جلال عبدالله)
|
Quote: وأنا مستغرب في الناس البتحشروا فيما لا يخصهم ياخي زول قال ما داير يخلي زوجته وأولاده يشوفوا ياخي انت دخلك شنو ياخ؟ بخصك في شنو؟؟ |
دخلني البوست ده .... كان ممكن يمنعها بدون ما يديني علم بهذا المنع.
الأخ محمود .... هو خيارك وخيار حرمك ..... لكني شخصياً لا أوافق عليه. مشاهدة الفلم لا تنصر فكرته .... إنما تأتي بعكس ذلك تماماً
| |
|
|
|
|
|
|
Re: لن أشاهد الفيلم ولن أسمح لأولادي وأمهم بمشاهدته (Re: محمد أبوالعزائم أبوالريش)
|
الأخ محمد أبو الريش..
السلام عليكم يا أخي..
Quote: دخلني البوست ده .... كان ممكن يمنعها بدون ما يديني علم بهذا المنع.
|
هذا البوست - كأي بوست - المفروض عنده أهداف محددة وواضحة
ليس من بينها على الإطلاق إزعاجك بالعلم بهذا المنع..
إن أحد أهم أهداف البوست هو أن يكون موقفي "معلن" تماماً
بدون أي مساحات للتفاوض حول مغزى موقفي هذا..ناهيك عن
ما ذهب إليه البعض بإعطاء أنفسهم حق الخوض في خصوصيات
محسومة عندنا في باب "وأمر أهلك"،، وغيره من أبواب فقه الأسرة..
ثم إني قصدت فيما قصدت ، إني أديك وأدي غيرك علم
عسى أن يسري موقفي بين الناس فيجد من يعمل به
أو يحفز آخر بتدارك موقف أسرته ومن يهمه أمرهم من المشاهدة
أم كباية شاي ديك وربما معاها قطعة كيك وخلفة كراع ..
Quote: مشاهدة الفلم لا تنصر فكرته .... إنما تأتي بعكس ذلك تماماً
|
أفهم من كدا إنه عشان الناس "تأتي بعكس ذلك تماماً" تقوم تشاهد؟؟
طبعاً لا أوافق يا أخي الكريم..
لأني ببساطة يمكنني أن آتي بعكس ذلك تماماً بطرق جميلة وكثيرة
أولها وأفضلها الإكثار من الصلاة على الحبيب المصطفى ، والسعي بين الناس
بشمائله ، فقد كان خلقه القرآن.. ووصفه المولى عز وجل : "وإنك لعلى خلق عظيم"..
هذا..وتقبل صادق تقديري واحترامي...
..
.
| |
|
|
|
|
|
|
Re: لن أشاهد الفيلم ولن أسمح لأولادي وأمهم بمشاهدته (Re: محمد أبوالعزائم أبوالريش)
|
Quote: راوية يا فنجرية... Quote: أم العيال هي من تقرر لنفسها
On my dead body أو at least NOT in MY house
والله صحي.. |
والله أنا كنت في صفك وأنا بقرأ في البوست لحد ما وصلت المداخلة المقتبسة فوق دي ... هي الديكتاتورية لزومها شنو ياخي...؟ انت ممكن "ما تسمح" لزوجتك بالمشاهدة فتقوم تقول ليك طالما انت شايف كده كلامك على راسي وما بقدر على زعلك ما حاشوفه.. أو تقول ليك ده رأيك وأنا بحترمه بس أنا بفضل أشوف الفيلم وأحكم عليه بنفسي.. تقوم انت تقول ليها ماشي بس لازم تعرفي اني مش رضيان... عدم الرضى ده هي أكيد ح تعرف تميله للجنبة التانية فيما بعد (في احتمال تقدم ليك طبق تشيس كيك ومعاه اون دا سايد ابتسامة عريضة..!) .. كده نقول ليك ما بنختلف معاك... لكن قصة اوفر ماي ديد بودي دي كتيرة بصراحة ما عارفاك قلتها وانت جادي ولا بتهزر.. وبعدين إيه قصة ماي هاوس دي؟ هو لو ما ست الكل أم العيال أصلا كنت حتقدر تقول بمليء فمك ماي هاوس...؟
------- ومن ناحية ثانية.. شكرا ليك ولوضاحة على المدائح... وصلى الله على الحبيب المصطفى وسلم تسليما كثيرا ..
| |
|
|
|
|
|
|
Re: لن أشاهد الفيلم ولن أسمح لأولادي وأمهم بمشاهدته (Re: rummana)
|
الصنديدة رمانة
فقط لأنك من الراسخين في البورد وفي العلم..
وعشان خاطرك حا أعمل التعديل أدناه:
Quote:
On my dead body أو at least NOT in MY house
in this particular case
|
أكتر من كدا بتكوني ضغطتي علينا شديد..
بيني وبينك كدا...راوية بت عمي دي بيننا في هزارات من شاكلة الريسيت ولم تأتي لحوار وكدا وكثير من مودة واحترام
تماماً كالذي أكنه لكم جميعاً..
تحياتي وتقديري..
..الصلاة وافرة وسريعة.. ..تغشى الذات الوريعة.. ..تفتح في الخير زريعة.. ..للسامعين وأب شريعة..
النومسوه..على المخلوق ريسوه..نبينا...
اللهم صلي عليه وآله وصحبه وسلم..
.
| |
|
|
|
|
|
|
Re: لن أشاهد الفيلم ولن أسمح لأولادي وأمهم بمشاهدته (Re: محمد أبوالعزائم أبوالريش)
|
الأخ الحبيب/محمود مصطفى محمود (إسم قائم بكلياته على إسم الحبيب المصطفى عليه أفضل الصلاة وأتم السلام) السلام عليكم ورحمة الله وبركاته
سلم الجناب العالي لحبيبنا المصطفى صلى الله عليه وسلم وسلمت يداك وأنت تذود عن حمى الحبيب المصطفى
|أبصم على ماقلت وقاله المناضل أساسي ودي مسألة مادائره نقاش ذاتو لكن الواحد برضو برجع وبخت هامش بتاع مناورة للمثقاتية وكده، وبقول إنه الزوجة كائن مستقل في كل شيئ لكن فيما لايتعارض وقيمنا وقد كفانا المناضل أساسي مؤونة ذلك. لكن غايتو الواحد دائر يتخيل النصف الفارغ من الإناء: تخيل إنه الواحد قاعد في البيت وجات مرتو جبط جبط وصلت اللابتوب ولا فتحت ليها قناة بيعرض فيها الفيلم ده أو أي مادة خارجة عن الأدب والذوق السوداني (خليك من الدين والإسلام) ، أها كيف يجب أن تكون ردة الفعل بتاع الواحد بحسب الأضواء الكاشفة أعلاه؟؟؟؟ سؤال تعسفي رغم الإضاءة بتاعة إنه الواحد لازم يشوف عشان يقدر ينتقد ويقوم ويكون على بصيرة من أمره وماينجر وراء العوام وكده.
أنا غايتو مرتي جزاها الله خيراً مابتفتح حتى الفيديو كيليبات المسماة عربية خليك من ناس منو ديلاك ماعارف.
وقول معانا ياربي لاتمحنا ولاتبلانا
| |
|
|
|
|
|
|
Re: لن أشاهد الفيلم ولن أسمح لأولادي وأمهم بمشاهدته (Re: أبوعبيدة محمد الأمين)
|
أبوعبيدة يا حبيبنا..
حمداً لله على سلامتك..
Quote: غايتو الواحد دائر يتخيل النصف الفارغ من الإناء: تخيل إنه الواحد قاعد في البيت وجات مرتو جبط جبط وصلت اللابتوب ولا فتحت ليها قناة بيعرض فيها الفيلم ده أو أي مادة خارجة عن الأدب والذوق السوداني (خليك من الدين والإسلام) ، أها كيف يجب أن تكون ردة الفعل بتاع الواحد بحسب الأضواء الكاشفة أعلاه؟؟؟؟ سؤال تعسفي رغم الإضاءة بتاعة إنه الواحد لازم يشوف عشان يقدر ينتقد ويقوم ويكون على بصيرة من أمره وماينجر وراء العوام وكده.
|
ما تراكا جاييني بكشافاتك تحمد سيدك..ههههههههه ولو على سبيل التعسف...
Quote: أنا غايتو مرتي جزاها الله خيراً مابتفتح حتى الفيديو كيليبات المسماة عربية خليك من ناس منو ديلاك ماعارف
|
نحن البوست بتاعك بتاع "الطاؤوس وخطاب" حمونا نكتب فيهو..تقول لي هناي؟؟
كشافات ويييين مع شمس النبوة دي يا حبيب ؟؟
ما عارف يا أبوعبيدة..لكن الآية دي عليك الله أقيف فيها وادعو من تحب للوقوف عليها:
"أَفَمَنْ يَمْشِي مُكِبًّا عَلَى وَجْهِهِ أَهْدَى أَمَّنْ يَمْشِي سَوِيًّا عَلَى صِرَاطٍ مُسْتَقِيمٍ" صدق الله العظيم..
هذا مع عظيم محبتي وتقديري الذي تعلم..
..
.
| |
|
|
|
|
|
|
|