|
|
 نادية أحمد بابكر..ناهد حسن..
|
ياخ ديل مثالات بي صورة مرييييحة..
بعيدا عن نطيط العيون الملازم لي شخصية الممثل السوداني..
وبعيدا عن عقلية الممثل السوداني الممكن يقبل على المخرج بعد نهاية المشهد عشان يسألو أها سمممعت صاح؟
أجدني أرتاح لي الزولتين ديل ولي طريقة تمثيلهم ولي التطور في اﻷداء والتعتيق في طريقة تقديم الدور..
ممثلات بي قامة وطن ما لاقيات التقييم الصاح والمسلسلات واﻷفلام والسيناريوهات لي تفجير طاقاتهن..
كما لا أخفي إعجابي بي سمية عبد اللطيف زمان..والكوميدية تهاني قبل هجرتها وهجرها للتمثيل..
وفي الخاطر المعتزلة سلوى درويش..
وفي الخاطر الغائبة تحية زروق..
الغريبة فائزة عمسيب حاسي بيها واقفة فييي حتتا. .نفس نمطية اﻷداء..هند راشد نفس طريقة الصوت واﻷدوار. .
تماضر شاهدت ليها عمل بعد عودتها من الغربة في دور أم وما كانت مقنعة بالنسبة لي وما حسيت بي إستفادتها من الغربة أو إمكن تماضر تكون ركزت على تقديم فنون تانية أبعدتها عن التمثيل..
رابحة برضو إتلبست دور واحد وما عايزة تمرق منو..وإن كانت ممثلة قديرة..
الجيل الجديد من الممثلات أتيحت ليهو مساحة مقدرة من الحرية للأسف ما إستفادو منها وحصروها في لبس اﻹسكيرت الضييق والبلوزة البودي..مع المحافظة على نطيط العيون..
إخلاص نورالدين كانت ماشة حلو..بس كتتترت المحلبية. .
برافو نادية وناهد..متكيييف منكم انا ياخ..
تخريمة..
هي نافذة لتسليط الضوء على ممثلات السودان ما لهن وما عليهن..
|
|
  
|
|
|
|
عمر الفاروق
فيس بوك
تويتر
انستقرام
يوتيوب
بنتيريست