|
كتب الكاتب الفاتح جبرا المتوفرة بمعرض الدوحة
|
|
 Re: مكتب الخطوط السعودية في مطار الخرطوم المليون الشلتوها مني ما تنفعك (Re: ود الباوقة)
|
حجزت لزوجتي وابنائها بالخطوط السعودية الرياض الخرطوم في 2- 8-2012
والعودة في 28-8-2012
الحجز عملتو قبل 8 شهور تقريبا من مكتب الطيار بالرياض
وحجزت انا ومحمد ابني في يوم 14-8 والعودة في نفس تاريخ رجوع اولادي
اي في يوم 28-8-
محمد مضاف مع والدته في الجواز وحيث انه هناك متسع من الوقت لاستخراج جواز منفصل له
ذهبت الى السفارة ولكن للاسف لاتوجد جوازات جديدة حتى موعد سفرنا بيوم واحد
حيث قمت بتعديل حجزه ليسافر مع والدته
وبقينا في الرجعة من الخرطوم
| |
 
|
|
|
|
|
|
|
|
Re: مكتب الخطوط السعودية في مطار الخرطوم المليون الشلتوها مني ما تنفعك (Re: ود الباوقة)
|
المهم عشان المخارجة كلمت الاخ ( خ ) موظف بالخطوط
وهو بدوره كلم زميله ( م ) وقال ليهو خليهو يجيني على طول
المهم في صالة المغادرة قابلت ( م ) وعرفته بنفسى وانني قد اتيت اليه
من طرف فلان
قال لي مافي مشكلة بس في فرق سعر حوالي مليون ج
معقولة انا جاي طالع ومعاي مليون ج
قلت ليهو اديك ريالات بسعر الصرف
رفض
قال لي عليك بالذهاب الى بنك النيلين في صالة القدوم
وهي مسافة ليست بالقريبة
علما بان الزمن المتبقي لاقلاع الطائرة حوالي ساعة واحدة
او اقل ..
| |
|
|
|
|
|
|
|
|
|
Re: مكتب الخطوط السعودية في مطار الخرطوم المليون الشلتوها مني ما تنفعك (Re: ود الباوقة)
|
المهم ذهبت الى البنك وفكيت القروش وجبت المليون وجيتو
سلمتها ليهو واداني رقم وقال لي وديهو لموظفة الحجز
مشيت حتى ما لقيت طريقة من كثر الاحتياطي المكنكشين في الكاونتر
والطائرة لم يتبق لها من الاقلاع غير نصف ساعة
في هذا الاثناء جاء المشرف على الصالة وقال يا جماعة خلاص الطائرة قفلت
راجعونا بكرة في المكتب الرئيسي قالها كما يقولها كومسنجية باصات الدامر
في موقف شندي
| |
|
|
|
|
|
|
|
|
|
Re: مكتب الخطوط السعودية في مطار الخرطوم المليون الشلتوها مني ما تنفعك (Re: ود الباوقة)
|
انتماءك للمؤتمر الوطني لم يشقع ليك
لو كان الطيارة حق السودان كان ركبوك التونسية مجاني كمان حتى ولو في اتجاه تلودي
ولكن هذا الطيار سعودي الجنسية والطيارة حقتهم
وانت وكت عمدك قروش سعودية مارق بيها مالك
انتو اصلوا ما بفتشوكم ولا بتمرقوا ساي دون ديكلاريشن
غالب الله
Quote: المهم عشان المخارجة كلمت الاخ ( خ ) موظف بالخطوط
وهو بدوره كلم زميله ( م ) وقال ليهو خليهو يجيني على طول
المهم في صالة المغادرة قابلت ( م ) وعرفته بنفسى وانني قد اتيت اليه
من طرف فلان
قال لي مافي مشكلة بس في فرق سعر حوالي مليون ج
معقولة انا جاي طالع ومعاي مليون ج
قلت ليهو اديك ريالات بسعر الصرف
|
ود الباوقة قلت اتداخل اولا قبلما ناس صديق الموج ما يرشوك هم عايزين حاجة زي دي لغاية العيد الجاي
| |
|
|
|
|
|
|
|
|
 Re: مكتب الخطوط السعودية في مطار الخرطوم المليون الشلتوها مني ما تنفعك (Re: ود الباوقة)
|
Quote:
يا معلم .. مشتري فواكه مجففه بـ 13 ألف
وغالبكـ تشتري تذاكر فيرست كلاس بـ 3 آلاف!!
|
دا كلام ود الصايم إلانا علقت عليهو..وواضح جداً اننا بنهزر معاك
البخلي كلام ود الصايم هزار وكلامي هبوط شنو؟
انا علقت انو الفواكة المجففة دي بوبار وشبهت ركوب الدرجة السياحية بانو زي ركوب الدفار(وسيلة قديمة كانت تستخدم للتنقل)
اها وريني انت فهمت شنو بالظبط؟
| |
|
|
|
|
|
|
|
|
|
Re: مكتب الخطوط السعودية في مطار الخرطوم المليون الشلتوها مني ما تنفعك (Re: ود الباوقة)
|
Quote: غايتو لما انتهينا من التلاتل دي الطيارة كان باقي ليها
10 دقائق[/QUOTE
هي النص ساعة لسة كان باقي فيها 10 دقااائق!! و الله ذكرتني مسلسل كابتن ماجد لمن كنا شفع .. المباراة بتكون مدورة 5 حلقات !(:
--------------------------
يا زول و الله ربنا لطف .. والله كان يكون محمد الي وقتنا هذا في السودان!
بالله شفت الناس كيف متلهفة في المطار و جارية من السودان زي الجارية من الجحيم!؟
| |
|
|
|
|
|
|
|
|
|
Re: مكتب الخطوط السعودية في مطار الخرطوم المليون الشلتوها مني ما تنفعك (Re: Dr.Elsadig Abdalla)
|
Quote: مشيت حتى ما لقيت طريقة من كثر الاحتياطي المكنكشين في الكاونتر
والطائرة لم يتبق لها من الاقلاع غير نصف ساعة
في هذا الاثناء جاء المشرف على الصالة وقال يا جماعة خلاص الطائرة قفلت
راجعونا بكرة في المكتب الرئيسي قالها كما يقولها كومسنجية باصات الدامر |
ود الباوقة
حمدا لله على السلامة
وكالعادة مكيفات المطار وشاشاتها مطفية.
تأشيرة الخروج هذه من مخلفات الماضي التى ما زال ربعنا يصرون عليها لزوم الجباية ويسمونها إستيفاء !!!
لست مكلفا بتوزيع الجباية على مصارفها وكان من الممكن إستخدام رقم الجواز او الرقم الوطني او رقم الكمبيوتر الخاص بالجواز لتسديد كل الجبايات دفعة واحدة في المصارف او عبر الشبكة الإلكترونية او الصراف الآلي لنودع تلك الحظيرة التى تسمى جوزات المغتربين الى الأبد .
فهذا الجهازالذي يجثم على ظهر المغترب لنصف قرن لم يقدم شيئا يستحق الزيارة سوى الأعباء فوق الأعباء وأخيرا يتحول الى بحيرة فسيحة يدخلها كل من يشاء وصار المغترب قطرة في محيط يكابد الصفوف على مدى إجازته.
ما هو الغرض من تأشيرة الخروج ولماذا نصر عليها علما أن جل شعوب العالم ودعتها .
لماذا لا نمنح التأشيرة في المطار وفي حالة حظرك أمنيا او ماليا فقط تذهب للجهات المختصة لتسوة ذلك ؟؟؟
تحياتي
| |
|
|
|
|
|
|
|
| |
Zomrawi Alweli
صديق الموج
ابوحراز
محمد عبد الماجد الصايم
البشير دفع الله
رشا سالم
Dr.Elsadig Abdalla
الصادق يحيى عبدالله
saif massad ali
وضاحة
فيس بوك
تويتر
انستقرام
يوتيوب
بنتيريست