كتب الكاتب الفاتح جبرا المتوفرة بمعرض الدوحة
|
اسباب منع عربات الأمجاد من دخول مطار الخرطوم
|
وانا في طريق العودة للمطار حاولت استئجار أمجاد للذهاب للمطار في الرابعة فجرا تفاجأءت بسائق الأمجاد يقول لي انهم ممنوعون من دخول مطار الخرطوم فقلت له يا راااااااااجل قول كلام تاني ديل بيسمحوا لهكر وزباله كل الطيارات تفوت وتمرق أنتو يمنعوكم لية؟ لكن الطيران المدني يمكن لديه سبب مقنع وانا ما عارف او يمكن للأسباب التالية او إحداها 1/ الامجادات ممكن تعمل تتنوس للطائرات 2/ لا تحتمل إدارة الطيران المدني ان تتقذي عينها من روية الامجادات الخرفانه تمرح في ساحاتها 3/ إدارة الطيران المدني متامرة مع اصحاب التكاسي ( نظرية المؤامرة ) 4/ لا احد من منسوبي الطيران المدني يمتلك أمجادا ( نظام حسادة ساكت كدة ) 5/ جميع سائقي الأمجاد غير مهندمين مما يؤذي مرتادي المطار من الأجانب والسواح 6/ الأمجاد مؤنث ولهذا فهي عورة يجب ان تقر في منازلها عكس التاكسي المذكر 7/ ليس كل ما ذكر أعلاة صحيحا والنجيضة انو رجاله كدة ساكت مانعين الأمجاد من دخول المطار
شوف عيني ناس كتار جارين عفشهم من بوابة المطار في شارع افريقيا حتي صالة المغادرة عشان حظهم الشين ما لقوا غير أمجاد تأتي بهم للمطار
|
|
|
|
|
|
|
|
Re: اسباب منع عربات الأمجاد من دخول مطار الخرطوم (Re: بشير أحمد)
|
القرار جديد وبدأ خلال الأيام السابقة. اشاعات عن ان سائقي تاكسي المطار لهم دور في القرار. الحيثيات أن سائقي أمجاد لا يكتفون بالتوصيل إلى المطار لكنهم يأخذون مشاوير من المطار بحيث يؤثرون على إيراد تاكسي المطار. . . . منطقياً أفهم أن المشاوير من المطار قاصرة على السيارات المسجلة في المطار
لكن أن يتم منع المشاوير الواردةإلى المطار فشيء غريب.
وطبعاً كلو سوط جديد على ظهر المواطن لأن المشوار بالتاكسي حيكون أغلى ذهاباً وإياباً
| |
|
|
|
|
|
|
Re: اسباب منع عربات الأمجاد من دخول مطار الخرطوم (Re: Hani Arabi Mohamed)
|
تاكسي المطار تركب معاه اصلو ما بقول ليك المشوار بي كم اقول ليك الساهلة ؛اول ماتصل النقة بتحصل ؛ بعدين هو ذاتو قديم من زمن حفرو البحر التقول شغال بي حطب؛ اكان قلنا وقفوه صلحوه ؛يقولو ليك من وين ياحسرة اللي جاي زي اللي رايح؛
بعدين المستثمر بتاع المواقف المدفوعة ده ياكل نيم ويحلّي بي قرض ولاّ كيف؟
___________
تحياتي؛؛
| |
|
|
|
|
|
|
Re: اسباب منع عربات الأمجاد من دخول مطار الخرطوم (Re: محمد عبد الماجد الصايم)
|
ممكن واحد يوضح لينا مشكورا عن اصل كلمة امجاد ومتى دخلت قاموس المواصلات السودانى
الا انى اتوقع انها صنيعة كيزانية استفاد منها احد شفوت المشروع الحضارى وطلقها فينا
اولا هذه الكائنات ساهمت بقوة مع ربيبتها الركشات فى فوضى السير والمرور الحاصل عندنا الان ولصغر حجمهما الاثنان يعتقد سائقوها بانه يمكن تنفيذ كل اشكال المناورات بهما تماما مثل عربات التصادم فى ملاهى الاطفال , وثانيا لاعدادها الضخمة فانها ساهمت بفاعلية فى اذدحام الطرق برغم تواضع سعتها الاركابيه , اما موضوع السلامه فيستحسن عدم الخوض فيه ونحن نتكلم عن مواضيع ذات علاقه بالسير والمرور بالسودان. انا ايضا رجعت من مطار الخرطوم يوم السيت الماضى ولاحظت كيف يقوم المسافرون بجر امتعتهم من شارع افريقيا لصالة المغادرة فى منظر بائس يذيدنا جهلا وتخلفا على ما نحن فيه
كان الاجدر بادارة مرور المطار للمحافظة على حقوق اصحاب تاكسى المطار ان تراقب الامجاد التى تخرج من المطار وتفرض عليهم عقوبات ان وجد معهم ركاب كما يحدث بمطار جدة ولكن منعهم من الدخول بالركاب الى داخل المطار يدل على عشوائتهم وفضاوة اكياسهم تحت شعار الباب البجيب الريح سدوا واستريح
التحايا لصاحب البوست والزوار الكرام
| |
|
|
|
|
|
|
Re: اسباب منع عربات الأمجاد من دخول مطار الخرطوم (Re: احمد التجانى احمد)
|
Quote: ع عربات الأمجاد من دخول مطار الخرطوم Author: احمد التجانى احمد ممكن واحد يوضح لينا مشكورا عن اصل كلمة امجاد ومتى دخلت قاموس المواصلات السودانى
|
كلمة امجاد هي الاسم الرمزي لـ "الهيئة الخيرية لدعم القوات المسلحة"
واطلق على هذا النوع من السيارات لأن أمجاد هي أول من أدخلها إلى البلاد ووزعت بداية على أسر الشهداء والجرحى، ثم قام آخرون بإدخال نفس السيارات لكنها احتفظت باسم امجاد
| |
|
|
|
|
|
|
Re: اسباب منع عربات الأمجاد من دخول مطار الخرطوم (Re: بشير أحمد)
|
يا جماعة كلام الزبير دا مليون في المية صاح .. والمسالة دي حصلت معاي مرتين لما مشيت السودان ورجعت تاني يوم في رمضان .. أول مرة اخدت امجاد من قدام البيت واتوجهته لي مطار الخرطوم صالة الوصول لمستودعات البضائع لآني كان نسيت لي اغراض .. لما داخلين على الصالة .. لقيت واحد (ملكي) واقف وما ليهو علاقة ب ياي جهاز شرطي ولا الطيران وما عارفو دا من ناس وووين .. اشر لي بتاع الامجاد بي انو ياخد قوس ويخارج نفسو الحتة دي ممنوع دخوله .. سالت بتاع الامجاد . الزول دا منو الواقف هنا دا وبغير في اتجاه السير .. لانو الصالة من هنا بعيدة جدا .. قالي والله ما عارفنهم ديل منو لكن كل يوم بجيك واحد يعمل معاك حركة .. استغربته من رد بتاع الامجاد ومن الناس البتجي تعمل حركات .. ما كان عندي زمن اضيعو في اي حاجة لاني في ظرف بتاع عزاء والناس مالية البيت .. اتضطريت امشي صالة الحجز بي رجولي واتذكر اني اخدت لي جريه علشان ما تقفل المستودعات لانو كان آخر الاسبوع وكان قفلت تاني إلا يوم الاحد بعدما طلعته من سخافة الزول المفترض يطابق لي الارقام بتاعت القطعة المفقودة ورقم (التاغ) الشايلو في يدي .. دي براها حاجة مضحكة .. الزول دا عشان يطابق الرقم شبكني ليك الليلة الخميس .. الليلة الخميس .. قلت ليهو عاين انت عايز شنو بالضبط كدا ... ؟ يعني انا وضعي شنو مع الخميس دا عشان نكون واضحين .. قالي ياخ مشي امورك .. قلت ليهو لو ما مشيت اموري برنامجك شنو يعني ..؟ قعد يضحك .. قالي لا يااخ ما تفهمني غلط .. قلت ليهو لالا فهمتك غلط .. انا عندي كرتونة فيها حاجات مهمة وبي كلامك دا حسع دي بقت مهمة جدا .. لانو ح اضيف عليها تاخيرك لي .. ومحاولتك بتاعت اني اصلح ليك خميسك .. وعشان تخارج نفسك من الحتة الجعانة دي .. انا خميسي ببدا بكره .. شوف لي طريقة للبرنامج دا .. عامل جيبك الكبير دا .. جا داخل المشرف في وقتها ولقاني بنجض في السفقة دي .. بي صوت عالي جدا .. صاحبي بتاع الخميس .. قال كلام كتير جدا ا ليهو اي علاقة بي اي حاجة .. المشرف طلع بي هنا .. الزول دا اداني اي ورقة قدامو فيها رقم وقالي اتخارج الله يرضى عليك .. مشيت شلته كرتونتي وجيت راجع ليهو تاااني .. قلت ليهو امسك دي صلح بيها خميسك .. لكن خليك زول محترم وود ناس .. المرة التانية .. لما جيت مسافر للرجعة .. تم اعتراض الامجاد وفيها كل العفش وتغيير خط السير بتاعه المرة دي بي واسطة شرطة المرور .. وقفونا في المواقف البره جدا البتكلم عنها الزبير دي .. كانت معاي زميلة البورد .. اتنين من اخواني كانو منتظرني امام صالة المغاردة .. نزلت الشنط من الامجاد وحرستها لي الزميلة ومشيت كل المسافة ما بين المواقف دي لحدت الصالة عشان اجيب لي (ترولي) احمل فوقو العفش .. ما لقيت ولا ( ترولايه) لمحت لي واحده بعد الخطوط الاخيرة للمدخل .. طلعت جوازي واديتو لي بتاع النقل الجوي القاعد خاذوق قدام الباب .. قلت ليهو ان عايز اجيب الترولي دي لانو حاجزين اغراضي في سقط لقط .. وحسع البوردن بتاعي فاتح .. ياخ دا سمعني اسطوانة عجيبة .. مع انو رجل شاب .. طلع فيني كل اسقاطاتو النفسية .. ياخ انت فاكر نفسك شنو .. ما يحجزوك .. وانتو لو ما عملو ليكم كدا .. وحيات الخوه ان افاكر الزول دا بتكلم مع زول تاني غيري لدرجة اني عاينته بي قفاي .. لما ما لقيت زول الا انا .. قلت ليهو انت الكلام الكتير دا كلو علشاني انا ..؟ قالي ومال منو غيرك .. ياخ انا قعدته اضحك قلت ليهو اقوليك حاجة .. اها العرية ذاته ما عايزه .. وجوازي دا في جيبي .. بمشي برفع عفشي دا فوق راسي بس انت اصلو ما تزعل نفسك وما تزعل الناس المشغلنك هنا وخاتنك عشان تودع المسافرين عشان تاني ما يجو راجعين البلد دي .. بقيت افتش في العربات .. لمحت اخوي جا من بعيد وجاري العربية المكسورة فيها عجلة .. وبعافر فيها كل دقيقة تقع شنطة .. لحدت ما دخلت الصالة
| |
|
|
|
|
|
|
Re: اسباب منع عربات الأمجاد من دخول مطار الخرطوم (Re: ود الباوقة)
|
Quote: بعد كلام الشباب الفوق ديل؛ رٌش يالزبير ولا تاخدك بهم رحمة ؛ يعني لو ما لقي تكسي يشيل عفشو في نص راسو ؟ |
والله يا دكتور بشير هذا ما حصل .. انا شلت الكرتونة حقتي دي في نص راسي وطلعت لحدت الشارع لانو معاي ود اختي صغير وما بقدر يعتل وكان اهون لي اني ازحف نحو الشارع منم اني ارجع لحدت الصالة عشان افتش لي تاكسي .. عشان يطلعني
Quote: الاكلام دا الظاهر بدري شوية يا تامبا هس العربات كلها جديدة .. |
.. الكلام دا تاني يوم في رمضان .. ما اختلفنا انو العربات الان تم تجديدة يا ريس .. لكن العربات للاسف بيكون مسيطرين عليها اشخاص بحيث انك لو عايز اي عربية لابد من انك تدفع يعني حتى امكانية انك تخدم نفسك بي نفسك .. ما مدنك الشرف دا .. ياخ واحد انا رفعته عفشي في العربية وبديت اجر في العربية جا مسكة مني ولما طلعنا بره اديتو خمسين ريال سعودية .. مداها لي قالي دا شنو يا بن العم .. ورجعه لي .. طوالي شلتة ختيته في جيبي وقلت ليهو وريني عرض اكتافك
| |
|
|
|
|
|
|
Re: اسباب منع عربات الأمجاد من دخول مطار الخرطوم (Re: tmbis)
|
Quote: ياخ واحد انا رفعته عفشي في العربية وبديت اجر في العربية جا مسكة مني ولما طلعنا بره اديتو خمسين ريال |
انا غايتو الطلعو لي العفش ثلاثة لانو كنت شايل معاي حاجات كهرباء
كل واحد قشطت فيهو ( 100 ) ريال
الناس صايمة وفترانة يا تامبا
خمسين شوية شديد والله
| |
|
|
|
|
|
|
Re: اسباب منع عربات الأمجاد من دخول مطار الخرطوم (Re: ود الباوقة)
|
Quote: خمسين شوية شديد والله |
يا راجل ..؟ عارف لو حددو تعريفه محددة ماف مشكلة .. الحاجات الاعتبارية دي من عندك وانسانية ساكت ممكن تشتغله معاهم .. هنا زي ما انت شايف .. الناس الشغالين في المطار ملبسنهم يونيفورمات وطابعين عليها ما تدي الواحد اكتر من عشرة ريال .. بعدين تعال يا ود الباوقة .. الناس الفي المطار حقنا ديل بدوهم رواتب واللا شغالين بلاش بطلعو حقهم من العربات دي ..؟ يعني تبع ياتو جهه هم .. ضف لذلك .. ليه الواحد فيهم سمتعد يسمعك كلام فارغ .. وسمتعد يتجرجر معاك حتى تظن انو العفش دا حقو هو الجايبو ..؟ خمسين ريال شوية وبي حليفته يا ود الباوقة ..؟ ياخ الخمسين ريال دي هنا راتب يوم كامل من الكد والعرق والجهجههة .. ياخ ان اقلت ليك رفعته عفشي بي ضراعي .. ودفرته العربية .. وبقيت مارق .. جراها مني جر العربية .. انا افتكرتو عايز يمشي معاي عشان يرجع العربية تقولي خمسين ريال شوية ..؟
| |
|
|
|
|
|
|
Re: اسباب منع عربات الأمجاد من دخول مطار الخرطوم (Re: ود الباوقة)
|
Quote: زمن التكسي كان تكسي ... تكسي المطار كان عيشتو مفروزة ... |
ههههههههه في مره وصلت المطار وفاصلت بتاع تكسي ووصلني بحري اها نزلت لقيت الناس بتعاين لي عين غريبه اتكيفت شديد وفرحت بنفسي قلت الناس دي يازول تكون النضافه دي والريحه الرهيبه دي خلاص عملت عمايل وادهشتهم بعد نهاية السلامات وانا مبسوط ومتكيف وفرحان بنفسي شديد اختى اخدتني على جنبه كدا وقالت لي مالك جاي مغبر كدا انت جاي من وين اصلك اخخخخخ انا وانا الكنت فاكر نفسي ناير وظاهر وعامل شغل احباط احباط كان التكسي يكندكك ويغبرك الى ان تصل بيتكم تاني ما تتعمر إلا لمن ترجع محل جيت مره تانيه . . مافي تكسي نضيف في مطار الخرطوم
| |
|
|
|
|
|
|
Re: اسباب منع عربات الأمجاد من دخول مطار الخرطوم (Re: داليا الكباشى)
|
Quote: عادي جدا دخلت السيارة و بقيت السيارة أكثر من 15 دقيقة عشان الفكة .. و شاهدت أكثر من سيارة (امجاد) تقل مسافرين الى المطار صالة المغادرة.
|
هاشم طة كلامك دة معناة احد اثنين اما انت كاذب او ان القرار دة بعد ما انت لقيت فكتك لأني متأكد مما اسطر أطالب الزميل ناذر الخليفة يختف رجله لحد بوابة المطار العند شارع افريقيا وعند العمود العلي اليمين وهو داخل توجد لافتة مكتوب عليها ممنوع دخول الرقشه والامجادات كدليل علي صدق قولي رغم ان هناك زملاء اكدوا ما ذهبت الية
| |
|
|
|
|
|
|
Re: اسباب منع عربات الأمجاد من دخول مطار الخرطوم (Re: الزبير صالح الزبير)
|
Quote: منطقياً أفهم أن المشاوير من المطار قاصرة على السيارات المسجلة في المطار
لكن أن يتم منع المشاوير الواردةإلى المطار فشيء غريب.
وطبعاً كلو سوط جديد على ظهر المواطن لأن المشوار بالتاكسي حيكون أغلى ذهاباً وإياباً |
هاني عربي شكرًا علي الطله شايفك عصرت شديد علي بتاعين اصدار القرارات في السودان يا اخي ديل لو بيفهموا كان الجنوب اتفصل ما فعلوة مع الأمجاد في المطار دة فكة ساكت وهوادة في القرارات الما عندها معني
| |
|
|
|
|
|
|
Re: اسباب منع عربات الأمجاد من دخول مطار الخرطوم (Re: الزبير صالح الزبير)
|
Quote:
بالنسبة للخيارات بتاعت عمكـ الزبير فـ الإجابة: كل ما ورد صحيح!! |
محمد عبد الماجد الصائم شنو من يوم العضة ما سمعنا خبرك تاني عارف عاوز اشتكي ليك بورداب الخرطوم يا أخي دي عملية يعملوها فيني لأنو من اليوم داك المرة شابكاني انت يوم الجمعة ديك مشيت وين وفطرت مع منو. قدر ما قلتليها وحلفت أنا كنت في قندهار مع البورداب أبت تصدقني وقالت لي لو كنت معاهم لية صورك انت بس ألما جابوها كنت لابس طاقية إخفاء ولا شنو وطبعا ما عندي رد تعرف يا حبيب السودان في حاجات كتيبة ممكن تكون أحسن واجمل لو في زول عندة إحساس بالمسئولية فقط لا غير وحاتك يعينوني معتمد الخرطوم اخليها جنة في سنتين وبدون مصاريف إضافية
| |
|
|
|
|
|
|
Re: اسباب منع عربات الأمجاد من دخول مطار الخرطوم (Re: الزبير صالح الزبير)
|
الأخوة الكرام في 27/8/2012 راجع من العطلة مع لفة مدخل المطار ناس المرور وقفوا الأمجاد التي استأجرتها والتاكسي الأصفر بالأحمر واقف صف وأخذت تاكسي لغاية البوابة وطلب مني عشرة ج ؟ تصدقوا الزول طلع جدع ورجع لي خمسة ج وقال المشوار ما بستحق ؟ شوفوا أسباب منع الأمجاد شنو ووراها منو ؟ المرور ، المطار ، الولاية ، نقابة تاكسي المطار ؟؟ الشفيع
| |
|
|
|
|
|
|
Re: اسباب منع عربات الأمجاد من دخول مطار الخرطوم (Re: الزبير صالح الزبير)
|
Quote: اولا هذه الكائنات ساهمت بقوة مع ربيبتها الركشات فى فوضى السير والمرور الحاصل عندنا الان |
احمد التجاني تقديري واحترامي يشهد الله ان الأمجاد والرقشة حلت مشاكل كتيرة خاصة في الخطوط العرضية والمشاوير القصيرة رغم الربكة الحاصلة التي منشأها ومردها لسوء شوارع البلد وعدم النظام من كل السائقين لكل انواع العربات ولا تختص الا مجادات بذلك لوحدها مع العلم ان الرقشات خطورتها بالغه ويجب اصدار قرار بمنعها بعد احتساب الأضرار التي ستقع علي مالكيها وسائقيها وعمل المعالجات اللازمة
| |
|
|
|
|
|
|
Re: اسباب منع عربات الأمجاد من دخول مطار الخرطوم (Re: الزبير صالح الزبير)
|
Quote: شوف عيني ناس كتار جارين عفشهم من بوابة المطار في شارع افريقيا حتي صالة المغادرة عشان حظهم الشين ما لقوا غير أمجاد تأتي بهم للمطار |
قرار زي ده مفروض يكون في إعلان ليهو مع تحديد زمن تنفيذ وضمان أنو الناس عارفه عشان ماتتمقلب.
ما هي أمجاد منتشرة في كل شوارع الخرطوم يعني خجلانين منها ولا شنو ؟ ولا بتشوه منظر العاصمة الحضارية ؟!!
تحياتي الزبير
| |
|
|
|
|
|
|
Re: اسباب منع عربات الأمجاد من دخول مطار الخرطوم (Re: aosman)
|
Quote: ما كان عندي زمن اضيعو في اي حاجة لاني في ظرف بتاع عزاء والناس مالية البيت .. |
تمبس تقديري وتحياتي تعرف الحمد لله ألما كان عندك وقت عارف لية عشان أنا كنت واقف في مصلحه حكومية عاوز ادفع ليهم قروش المهم البت الصرافة كانت بتنق كتير مع واحدة قاعدة معاها في المكتب ودة بيخليها تتأخر في إنجاز المعاملات وقام واحد من الصف نق معاها وقال ليها يا اخت اتقي الله في اكل عيشك عارف بكل بساطة وقفت علي حيلها قفلت الشباك وقالت أنا ماشه الفطور وحسي لو انت كنت اتكلمت مع الراجل دة كان قفل ليك الشارع ومشي الفطور
| |
|
|
|
|
|
|
Re: اسباب منع عربات الأمجاد من دخول مطار الخرطوم (Re: الزبير صالح الزبير)
|
Quote: ههههههههه في مره وصلت المطار وفاصلت بتاع تكسي ووصلني بحري اها نزلت لقيت الناس بتعاين لي عين غريبه اتكيفت شديد وفرحت بنفسي قلت الناس دي يازول تكون النضافه دي والريحه الرهيبه دي خلاص عملت عمايل وادهشتهم بعد نهاية السلامات وانا مبسوط ومتكيف وفرحان بنفسي شديد اختى اخدتني على جنبه كدا وقالت لي مالك جاي مغبر كدا انت جاي من وين اصلك اخخخخخ انا وانا الكنت فاكر نفسي ناير وظاهر وعامل شغل احباط احباط كان التكسي يكندكك ويغبرك الى ان تصل بيتكم تاني ما تتعمر إلا لمن ترجع محل جيت مره تانيه . . مافي تكسي نضيف في مطار الخرطوم |
وليد عبد اللطيف تحياتي عارف امس لقيت ليك مداخلة قديمة في بوست سابق ولفت نظري الاسم لانه يطابق اسم ابن خالي وليد عبد اللطيف جواد بركية ومشيت بروفايلك لقيت المعلومات مختلفة عن معلومات قريبي تخريمة
يا اخوي البلد نظيفة لامن متريحه انت امسك في كلام أختك قوي وشوف انت كنت جاي من وين
| |
|
|
|
|
|
|
Re: اسباب منع عربات الأمجاد من دخول مطار الخرطوم (Re: aosman)
|
Quote: مفروض يمنعو المسافرين من دخول المطار ويسمح للمودعين فقط بدخول المطار... |
تحياتي
والله حكاية المودعين دي ..وبالطريقه دي ..ماتلاقيها إلا في مطار الخرطوم ..ياخ مامكن ياخ ....المدخل واحد وصغير وكل شخص مسافر لخارج السودان تلقاهو داخل بهذا الباب ...والمودعين واقفين ..وناس الالزاميه..وناس الطيران المدني وناس الشرطه وناس واقفه تتفرج ...يعني لحدي ماتصل الكاونتر روحك تطلع ....متين ينصلح الحال ؟؟؟...
معليش بره موضوع الأمجاد ..بس بعد ماتنزل من الأمجاد وتمشي المشوار من بره بتلاقي المنظر ده!!!
| |
|
|
|
|
|
|
Re: اسباب منع عربات الأمجاد من دخول مطار الخرطوم (Re: الزبير صالح الزبير)
|
Quote: شوفوا أسباب منع الأمجاد شنو ووراها منو ؟ المرور ، المطار ، الولاية ، نقابة تاكسي المطار |
الشفيع مافي اي سبب منطقي يمكن ان يكون خلف هكذا قرار بغض النظر عمن خلفة لانه نوع من القرارات العشوائية الموغلة في العشونه كان من الممكن ان يكون المنع ون وي يعني يمنع ان تحمل الأمجاد ركاب او عفش من داخل المطار ولكن العكس سببه شنو دي المشكله
| |
|
|
|
|
|
|
Re: اسباب منع عربات الأمجاد من دخول مطار الخرطوم (Re: الزبير صالح الزبير)
|
Quote: قرار زي ده مفروض يكون في إعلان ليهو مع تحديد زمن تنفيذ وضمان أنو الناس عارفه عشان ماتتمقلب.
ما هي أمجاد منتشرة في كل شوارع الخرطوم يعني خجلانين منها ولا شنو ؟ ولا بتشوه منظر العاصمة الحضارية ؟!!
تحياتي الزبير |
عبد الرحيم الأمين تقديري واحترامي صدقني قرار زي دة ما لية مبرر من الأساس لان الأمجاد دي ما ممكن تكون مرخصة من الدوله عشان ترحل من اي مكان الي اي مكان اخر الا المطار الا ان كان المطار دة عشان مذكر والامجادات مؤنث والدولة كتر خيرها بتعمل احتياطياتها وكدة خوف ان يفتنا
| |
|
|
|
|
|
|
Re: اسباب منع عربات الأمجاد من دخول مطار الخرطوم (Re: الزبير صالح الزبير)
|
Quote: والله حكاية المودعين دي ..وبالطريقه دي ..ماتلاقيها إلا في مطار الخرطوم ..ياخ مامكن ياخ ....المدخل واحد وصغير وكل شخص مسافر لخارج السودان تلقاهو داخل بهذا الباب ...والمودعين واقفين ..وناس الالزاميه..وناس الطيران المدني وناس الشرطه وناس واقفه تتفرج ...يعني لحدي ماتصل الكاونتر روحك تطلع ....متين ينصلح الحال ؟؟؟...
معليش بره موضوع الأمجاد ..بس بعد ماتنزل من الأمجاد وتمشي المشوار من بره بتلاقي المنظر ده!!! |
د الصادق عبد الله بعد ما تنتهي من حكاية المودعين دي تمشي تملا فورم ببيانات جوازك وواحد يلقاك عند باب الجوازات يراجعها معاك ويتاكد منها حتين بعد داك تمشي الجوازات والغريبة البيطلبوا المعلومات دي هم ناس الداخلية نفسهم الأنت من الأساس استخرجت الجواز من عندهم واديتهم نفس المعلومات عند استخراجه
| |
|
|
|
|
|
|
Re: اسباب منع عربات الأمجاد من دخول مطار الخرطوم (Re: الزبير صالح الزبير)
|
Quote: وواحد يلقاك عند باب الجوازات يراجعها معاك |
والله دي أغرب حاجه ..هم قايلين الناس دي كلها مابتعرف تقرا وتكتب ....
مره أنا مسافر مع الأسره وصلنا لحدي كاونتر الجوازات ...الضابط كان قاعد يتكلم مع زميلو ..المهم بعد شويه جا مسؤول الرحله يصيح مناديا ،،وينك يازول ...بسرعه ...طبعا استغربت وطوالي قلت ليهو .إنت عينك في الفيل ،تطعن في ضلو؟ماتشوف جنابو القاعد يتكلم مع زميلو ده !!! صاحبك طوالي قال لي معليش ،،بس أسرع شويه!!!! ..
يازول قصص مطار الخرطوم ده لو قعدنا نكتب من هنا لحدي بكره مابتخلص .....
أيوه ...مره برضو مسافر براي ..وبعد مادخلنا الصاله النهائيه منها والطياره( طبعا الحته دي بالذات مافيها دورات مياه للمسافرين...إلا يكون عملوها بعد سفرتي السنه الفاتت ...بس في حمامات في المنطقه القبلها بعد الجوازات محل دكان البازار) ...المهم في الحته ديك لقيت ليك واحد خواجه مسافر ترانسيت وعاوز يمشي الحمام ...المهم الزول مزنوق والجماعه بتاعين الطيران المدني ماعاوزين يتعاونوا معاهو ،،،ومعتبرين عبوره للمنطقه الخلف الجوازات مباشره دي من الصاله الداخليه خالص ،،دخول للاراضي السودانيه !!..واحد قال لزميلو ( ياخ ماتمشي معاهو وجيبو راجع )قام زميلو رد عليهو قال ليهو : والله ما أمشي معاهو ..هو زاتو يستاهل ،،القال ليه يجي بهنا منو ؟؟؟؟(والله سمع أضاني)
المهم لحدي ماركبنا البص..زولك متحير ...شكلو في النهايه يكون عملها في نفسو ......
والموضوع الاخير موضوع البص ده ذاتو ...نجيهو بعدين...
والله حقو يا الزبير تفتح بوست بعنوان (عجائب وغرائب مطار الخرطوم )..ماعاوز أسرق منك الفكره ...وكل زول يجي يورينا ماحصل له من غرائب في هذا المطار العجيب الغريب المثير الخطر .
تحياتي
| |
|
|
|
|
|
|
Re: اسباب منع عربات الأمجاد من دخول مطار الخرطوم (Re: الزبير صالح الزبير)
|
الأخ الزبير البند الأخير كل ما ذكر صحيح عدت الى اليمن يوم7/9/2012 أنا واولادي نسحب شطنا على الأرض كأننا مرحلون من بلد فيه حرب او كارثة بعد ما دفعوني مليون جنيه عدا ونقدا في هذا المسمى جهاز المغتربين السمكة تخرب من رأسها البلد عبارة عن اقطاعيات باشا المطار يمنع الامجاد رغم علمه باختفاء التكسي الاصفر من اللفة وكذلك من صابريين أو واحد من اصحاب السطوة غاوز يميز نفسه من الما عندهم عربات خاصة باشا المغتربين بيرفع الخدمات من 80 الى 110 لأن الحكاية مابتغطي مصاريقو لازم غلاء النبزيين لولدو وبنتو ومرتو ولعربيتو البيدخل بيها المطار كلو علينا وبعد ده تدخل المطار كدراي استعبادوبس ده المطار والله ما وداك لفة الكلالة او صابريين ولو افتريت عشان تشوف أهلك في دنقلا الله قال بيقولك التحية مجددا للزبير اليمن الكان فيها احدات دامية داخل العاصمة عادت لطبيعتها في ظرف ايام ودلارها نزل
| |
|
|
|
|
|
|
Re: اسباب منع عربات الأمجاد من دخول مطار الخرطوم (Re: nazar hussien)
|
Quote: والله ما أمشي معاهو ..هو زاتو يستاهل ،،القال ليه يجي بهنا منو |
دكتور الصادق مرحب بيك تعرف الاقتباس دة يؤكد بما لا يدع مجالا للشك ان البلد ليس لها وجيع ولا توجد وطنية وأزيدك من الشعر بيت انها دليل دامغ علي عدم وجود وانتفاء الرجالة والإنسانية لدي الشخصية السودانية
| |
|
|
|
|
|
|
Re: اسباب منع عربات الأمجاد من دخول مطار الخرطوم (Re: الزبير صالح الزبير)
|
الاخ الزبير , لك التحية مجددا
Quote: يشهد الله ان الأمجاد والرقشة حلت مشاكل كتيرة خاصة في الخطوط العرضية والمشاوير القصيرة رغم الربكة الحاصلة التي منشأها ومردها لسوء شوارع البلد وعدم النظام من كل السائقين لكل انواع العربات ولا تختص الا مجادات بذلك لوحدها مع العلم ان الرقشات خطورتها بالغه ويجب اصدار قرار بمنعها بعد احتساب الأضرار التي ستقع علي مالكيها وسائقيها وعمل المعالجات اللازمة |
يجب ان نلجا للميزان لنرى اى كفة ترجح الاخرى , الفوائد ام المضار , انا شخصيا ارى ان الاضرار التى لحقت جراء دخول الامجاد والركشات لقاموس السير لدينا لا تتناسب والفائدة التى جنيت منها وعلى سبيل المثال اعدد لك بعض الاضرار 1- ازدحام الطرق 2- فوضى المرور 3- الحوادث المريعه 4- بسبب الركشات والامجاد تدهورت صحة الانسان وخصوصا النساء لهجرهن رياضة المشى التى كانت تمارس سابقا لذلك زادت الاوزان والكروش 5- تركت الاعمال الجادة والمنتجة واصبح الكل يود اقتناء او قيادة الركشة او الامجاد او كما تسمى النقاطة
| |
|
|
|
|
|
|
Re: اسباب منع عربات الأمجاد من دخول مطار الخرطوم (Re: الزبير صالح الزبير)
|
Quote: أنت يا سيد البوست ما كان تركب لموزين
امجاد شنو وانت مغترب |
وضاحه يبدو انك لم تأت لحوار عارفة أنا ولمدة عشر سنوات تقريبا كنت فاكر انو ليموزين معناة العربية المرسيدس لغاية ما جيت السعودية ولقيت ليك اي تاكسي هو ليموزين والسبب في هذا الاعتقاد انو في مطار القاهرة في اول سفرية لي خارج السودان سالني مصري ( انا افتكرت معاة افراج مؤقت وهي عربات العائدون من الكويت والعراق وكانت تشتغل زي التاكسي في الخرطوم ذلك الزمان ) امام بوابة الوصول عن المكان الذي اريد الذهاب الية فقلت لية انت معاك عربية شنو فقال لي ليموزين مشيت معاة ووجدت عربيته تاكسي فعلا لكن مرسيدس ومن ديك وانا بتفكر الليموزين هو المرسيدس ما قلتي لي عملتي بوصيتي بخصوص القروش ولا لسة
| |
|
|
|
|
|
|
Re: اسباب منع عربات الأمجاد من دخول مطار الخرطوم (Re: الزبير صالح الزبير)
|
الأخ الزبير البند الأخير كل ما ذكر صحيح عدت الى اليمن يوم7/9/2012 أنا واولادي نسحب شطنا على الأرض كأننا مرحلون من بلد فيه حرب او كارثة بعد ما دفعوني مليون جنيه عدا ونقدا في هذا المسمى جهاز المغتربين السمكة تخرب من رأسها البلد عبارة عن اقطاعيات باشا المطار يمنع الامجاد رغم علمه باختفاء التكسي الاصفر من اللفة وكذلك من صابريين أو واحد من اصحاب السطوة غاوز يميز نفسه من الما عندهم عربات خاصة باشا المغتربين بيرفع الخدمات من 80 الى 110 لأن الحكاية مابتغطي مصاريقو لازم غلاء النبزيين لولدو وبنتو ومرتو ولعربيتو البيدخل بيها المطار كلو علينا وبعد ده تدخل المطار كدراي استعبادوبس ده المطار والله ما وداك لفة الكلالة او صابريين ولو افتريت عشان تشوف أهلك في دنقلا الله قال بيقولك التحية مجددا للزبير اليمن الكان فيها احدات دامية داخل العاصمة عادت لطبيعتها في ظرف ايام ودلارها نزل
| |
|
|
|
|
|
|
Re: اسباب منع عربات الأمجاد من دخول مطار الخرطوم (Re: مبارك عثمان)
|
!!!
Quote: وقال ليها يا اخت اتقي الله في اكل عيشك عارف بكل بساطة وقفت علي حيلها قفلت الشباك وقالت أنا ماشه الفطور |
طيب المشكلة شنو يال الزبير ..!!
أمكن الزول دا شاف البت ضعيفة وكملانة من لحم الدنيا وقال ليها أتق الله في اكل عيشك بمعنى أنها تهتم بي أكلها ووجباتا وهي سمعت كلامو واتذكرت أنها ما فطرت فإتقت الله وقالت ماشة تفطر ..!!
مالك حملت الأمور أكتر مما تحتمل ؟!!
| |
|
|
|
|
|
|
Re: اسباب منع عربات الأمجاد من دخول مطار الخرطوم (Re: مبارك عثمان)
|
النجيضة ياشباب ..
القرار دا ليهو فترة وإتعملت ليهو إعلانات في الجرائد وذكر في الأعلان أنو بتاع الأمجاد ينزل الزبون في راس المطار بعد داك في عربية تانية حا تودي الزبون جوة المطار مجانا ...!!
وسبب القرار ناس الامجادات بيدخلوا المطار ينزلوا الزبون وبيحتلو قبلم في إنتظار زبون طالع ..!!
بس الغلط غلط الزبير لأنو جا المطار متأخر والوكت داك ناس عربات الملح إتخارجو ..!!
أو يكون الزبير حاول يسافر بي صالة الوصول ما صالة المغادرة وبالتأكيد هناك العربات دي مافي ..!!
المهم ...
حاول تعال بدري المرة الجاية ..!!
| |
|
|
|
|
|
|
Re: اسباب منع عربات الأمجاد من دخول مطار الخرطوم (Re: الزبير صالح الزبير)
|
الزبير سلامات
قبل اسبوع تقريباً كنت راكب امجاد .. وجينا مارين بشارع المطار .. والونسة جبت الونسة ما السواق قال في واحد اشتر عمل (كتمة) مع ناس امن المطار و(كفت) منهم زول ( ام اضان) بسبب التذكرة بتاعة الباب .. عشان كدا ناس امن الطيران منعو الدخول لعربة الامجادة نهائياً .. واكد لي انو من زمان الجماعة الطيبين ديل عندهم معاهم اكشن .. وبطردوهم على طول
لو بالجد دا السبب .. يبقى البلد دي سايبة اكتر مما كنا متخيلين غايتو الله يعين
تحياتي لك وضيوفك
| |
|
|
|
|
|
|
Re: اسباب منع عربات الأمجاد من دخول مطار الخرطوم (Re: ناذر محمد الخليفة)
|
الخواجة أساسا لو ما لقى حمام ما بتفرق معاهو كتير لأنو شنطتو فيها مناديل ورقية كتيرة ..!
بس كان بدور ليهو حتة يتضارى فيها ..!!
---------------------------------------------------- أها يانادر لو كان عايز يبول ؟؟بس يقولوا ليهو أمشي على الركن داك وفي الحيطه عدل ..أو يدوهوا جركانة مويه فاضيه ..
| |
|
|
|
|
|
|
Re: اسباب منع عربات الأمجاد من دخول مطار الخرطوم (Re: Dr.Elsadig Abdalla)
|
دكتور الصادق ...
Quote: أها يانادر لو كان عايز يبول ؟؟بس يقولوا ليهو أمشي على الركن داك وفي الحيطه عدل ..أو يدوهوا جركانة مويه فاضيه .. |
وانت الصادق قالوا الخواجات البيجوا السودان ولأنو السخانة شديدة وهم طوالي في حالة شراب سوائل بيجوا من بلدم مركبين قسطرة سعة 2 لتر يسرسروا بولم علي راحتم ولمن يلقوا فرصة او حتة مناسبة يفضوا العبوهو ويركبوها تاني ..!!
| |
|
|
|
|
|
|
Re: اسباب منع عربات الأمجاد من دخول مطار الخرطوم (Re: Dr.Elsadig Abdalla)
|
Quote: لو بالجد دا السبب .. يبقى البلد دي سايبة اكتر مما كنا متخيلين |
حافظ انقابو السودان دة اي حاجة ممكنه فيه ويمكن دة فعلا يكون سبب منع الأمجاد من دخول المطار ما تستبعد تعرف السنة دي كرار التهامي اللي الناس استبشرت فيه خير لمن عينوة امين المغتربين باعتبارة مغترب سابق رفع رسوم الخدمات من 80 الي 120 جنية عشان يغطي مصاريف سفرة للبرازيل واستراليا بوهمة تفقد أحوال السودانيين المغتربيين ومافي واحد ممكن يقول لية يا اخي عيب البتعمل فيه دة
| |
|
|
|
|
|
|
|