|
|
|
 Re: مجانين وكفّار وأولاد حرام (Re: حبيب نورة)
|
يا هناية !! أنتي أفتراضية وأفكارك مشتتة وترتيبك فوضجي وأنا علبة هندسة ما تصنع مني خط مستقيم .
يجمعنا أننا نحمل نفس الهوية (مجانين و كُفــــّار وكمان أولاد حرام !!)
أتي بتمدي علي زمن منفلت وطائش وأنا بجابد في تاريخ ممزق نتيجة لي عوامل بيلوغرافيا سجمانة!
النيل يمصمص في صفق الليمون قرفان من ضفافو والقمرة فاتحة كرعيها لي أي ثعلوق في الشوارع
كاتبة علي يافطة كانت تعلقها علي صدرها (مومس عمومي) !! تماماً زي زمني ده يا أولاد الكـــلب .
زمااااااااان كان السماء بيت أحرار . هسة النجوم مرقت للريبا والتلاف، خلت الأنارة وقبّلت علي الجرارة وممارسة الدعارة،
بإعتبارها صنفاً من صنوفِ التجارةِ البكماء ساعدت كثيراً في هذا التضخّم البشري وملاجئ الأيتام . ثم ثانياً يا هناية ذكرتيني دفاتري القديمة
قبل ما تهجم عليها عوامل التعرية وتصيبها أعراض أنيميا السافنا الفقيرة !كانت الأحلام تفتح ناصية الكضب المباح،
والواقع يردد ساخراً : الجاااااااك !!كانت كضباً كاضب هي التعليق الوحيد الذي نسمعهُ عقِب كل قولٍ نتفوّه به، وحتي لو كنا صادقين
لن نصدّق أنفسنا لأننا كنا نمارس عادات سرية دائماً ما تعقبها حالات حملٍ كاذبة، ولا ننجب إلا أولاد لذينة .
كنا أتنين !بعد ما ضهورنا أتكسرت من قعدة الضل . هو أتوكل علي شنطة هاند باق غبشاء وفكّ البيرق بي كراع خدراء نفس لون السفنجة.
قطعت وضوهو مضيفة طيارة الساعة أربعة حزن حسب توقيت الرحيل المحلي
مهموم مصنقر في كنبة شكــرن ! والمضيفة نامت بي الباقي ونزل قبل المطار في محطة غربة !
قهر وفراق اهل ! أنا! أنا إنشاء الله ولدكم وتعقروا عليه . أمانة ما ولادة الهنا . بقيت كابتن الفريق في دافوري الكوتشينة!
ولبست الفنيلة نمرة عشرة في ماراثون دفار الألزامية العالمي .أركض وأغني " يا أخواتي البنات الجري ده ما حقّي .. حقي المشنقة والمدفع أب ثكلي " !
عالم أفتراضي قبيح من غير زول يشاركك الوقوف في صف البول جمب عمود السينما الوطنية، ومدارس الكمبوني وحائط المبكي المقابل لكلوزيوم .
عالم أفتراضي ود حرام ! زيك كده ومشاويرك مافيها الشايل معاك هم الشيرنغ وصحن البوش . طُوبي لكلِ الجوعي والرمتالة وأولاد الحرام وطُوبي لسيد اللبن .
في مدينةٍ بتاع الركشة قد لا يترقّي ليصبح سائقاً في حافلة ركاب، لن يسعفه الحظ، ولكنه يستطيع بمنتهي السهولة أن يصبح وزيراً للمواصلات ! الحال أغلف والنيل عقَر من سنة حفرو البحر .
يا هناية يا أفتراضية أنتي غبشـــــة لكن حقتي .
البقرة التي يملكها صاحبها تدر من اللبن أكثر من البقرة التي تملكها الحكومة !
آيــة ماركسية كنا بنصلي بيها فريضة العشم أيام تصوفنا الشيوعي !
أيام كنا فيها حيران في خلاوي أنبياءنا (لينين وماركس وخروتشوف )
أيام كنا نصنع فيها من ثلوج موسكو كعبةً بيضاء !ونختلف و لكن مذاهبنا كلها في حضرة (كامي وسارتر وكولن ولسون ) . هسة!! هسة انا حاسي أني براي . عارٍ تماماً من دلاقينك يا بلد .
وآآآآآآآآه من كونك تشعر أنو اللمة الكبيرة دي كلها حواليك ولا تسوي شئ !
المجموعة (فاي) دي لو بقت صغيرة واللا كان كبيرة برضو بتفضل المجموعة فاي آآآآآه
زولي كان بديني الترجمة الفورية لي أيي لوَّايـــــــــــة !بعرف أني بتوحم علي صحن فول !هسة بقي يغير ( الآي بي أدريس) كل يوم ويحرق
في باندويث محطات القطاري والسفن . وهانية الكانت أفتراضية !
قالت لي ما بطلع معاك الا بعد صلاة العشاء . يعني لو الأمام بتاعكم ده عايز يثبت لينا إنو حافظ سورة البقرة
أرجع تاني لي وجعي الأفتراضي ؟؟؟وهويتي الأفتراضية ؟؟؟؟
مجنون وكافر و كمان ود حرام ؟؟؟؟
 من مكتبتي
| |
  
|
|
|
|
|
|
|
 Re: مجانين وكفّار وأولاد حرام (Re: منال)
|
| Quote: في مدينةٍ بتاع الركشة قد لا يترقّي ليصبح سائقاً في حافلة ركاب، لن يسعفه الحظ، ولكنه يستطيع بمنتهي السهولة أن يصبح وزيراً للمواصلات ! الحال أغلف والنيل عقَر من سنة حفرو البحر . |
يا أخي أرفق بنا ..
ووجعتا قلب الوجع يا حبيبا .
| |
|
|
|
|
|
|
|
|
|
Re: مجانين وكفّار وأولاد حرام (Re: فتحي الصديق)
|
Quote: يا أخي أرفق بنا ..
ووجعتا قلب الوجع يا حبيبا . |
ترانا كلنا موجعين وواطيين الجمر من زمن اللدايات لغاية البراكين المشتعلة
وحالنا بقي للخلا والشدر
فتحي الصديق
الحال من بعضه
أرقد عافية يا جميل
| |
|
|
|
|
|
|
|
|
|
Re: مجانين وكفّار وأولاد حرام (Re: منال)
|
Quote: قرأتك ياحبيبو ,, مرتان
الأولى لأستوعب
والثانية لأستمتع
اما الثالثة ,,, فأنت فايت حد الروعة ,,, |
العزيزة الإستثنائية منال
ما أسعدني بالإطلالة السكرية
طاعمة ومسكّرة ونسبة الكوليسترول فيها حدّها سابع سماء
تسلمي يا قلب
وشكرن كتيرن !
| |
|
|
|
|
|
|
|
|
|
Re: مجانين وكفّار وأولاد حرام (Re: فايزودالقاضي)
|
| Quote: في مدينةٍ بتاع الركشة قد لا يترقّي ليصبح سائقاً في حافلة ركاب، لن يسعفه الحظ، ولكنه يستطيع بمنتهي السهولة أن يصبح وزيراً للمواصلات ! الحال أغلف والنيل عقَر من سنة حفرو البحر . |
جايي اعلق واتعلق بي هنا بس
فتحي سبقني
احسن اتلب بتحت الباب
واقول ليك
سلام
يا حبيبو الحباب (بلغة فيسل هليل)
دمت بخير
| |
|
|
|
|
|
|
|
|
|
Re: مجانين وكفّار وأولاد حرام (Re: Abdlaziz Eisa)
|
| Quote: أدفن دقن وأرمي قدام ورا ميطي :) |
غايتو ود حرام دي انا ما متأكد منها
لكن علي بالطلاق مجنون وجن كلكي لابس كاكي
هو ات مجنون الليلة على الحرام عرفتك مجنون من يوم كتبت
سلطة عليا لايقوة ..........
.
.
يس .... متعة ما بعدها متعة
الله اديك العافية
| |
|
|
|
|
|
|
|
|
|
Re: مجانين وكفّار وأولاد حرام (Re: عبدالله ود البوش)
|
Quote: غايتو ود حرام دي انا ما متأكد منها
لكن علي بالطلاق مجنون وجن كلكي لابس كاكي
هو ات مجنون الليلة على الحرام عرفتك مجنون من يوم كتبت
سلطة عليا لايقوة ..........
.
.
يس .... متعة ما بعدها متعة |
ود البوش يا جميل
كلو وحاتك بس الهم الردوم وسوء المنقلب في دولة الأحلام الغبشاء
فاااا الموضوع ما خطير
لكن قطع شك داير ليه مباصرة
الله يسهلا ساكت
شكرن كتيرن
| |
|
|
|
|
|
|
|
|
 Re: مجانين وكفّار وأولاد حرام (Re: Abdlaziz Eisa)
|
Quote: جايي اعلق واتعلق بي هنا بس
فتحي سبقني
احسن اتلب بتحت الباب
واقول ليك
سلام
يا حبيبو الحباب (بلغة فيسل هليل) |
هسه يا عزيز ما لقيت غير سيرة فيسل هليل عشان تجيبها لينا في هذا البوست الطاهر ؟ ههههههههههههههههه
لكن بنصحك بالدخول مباشرةً
عشان بعد شوية الجوة جوة والبرة برة
من دخل دار أب صلعة فهو آمن ومن دخل دار بت جيراننا الحلفاوية القشة ما تعتّر ليه
| |
|
|
|
|
|
|
|
|
 Re: مجانين وكفّار وأولاد حرام (Re: الزنجي)
|
Quote: مجانين وكفُار ... دي جائز
لكن اولاد حرام دي مؤكده |
الزنجي صديقي الذي لم ألتقه منذ تلك الجلسة الساحرة علي ضفاف بحيرة الشارقة الساحرة
انت دحين أكلت معانا المشويات في قهوة الفنانين واللا أنا الزهايمر أمرو أستفحل في دقنوسي ؟
عموما طوبي لأولاد الحرام وطوبي لست الشاي
| |
|
|
|
|
|
|
|
|
|
Re: مجانين وكفّار وأولاد حرام (Re: حبيب نورة)
|
هسة انا حاسي أني براي . عارٍ تماماً من دلاقينك يا بلد .
وآآآآآآآآه من كونك تشعر أنو اللمة الكبيرة دي كلها حواليك ولا تسوي شئ !
لا تعليق
سوى الدهشة
لك ربيع العمر
وخريفه
وخرفه زاتو
| |
|
|
|
|
|
|
|
|
|
Re: مجانين وكفّار وأولاد حرام (Re: سلمى الشيخ سلامة)
|
Quote: هسه يا عزيز ما لقيت غير سيرة فيسل هليل عشان تجيبها لينا في هذا البوست الطاهر ؟ ههههههههههههههههه
لكن بنصحك بالدخول مباشرةً
عشان بعد شوية الجوة جوة والبرة برة
من دخل دار أب صلعة فهو آمن ومن دخل دار بت جيراننا الحلفاوية القشة ما تعتّر ليه |
قلت أكتب
وأضرع في مشيي خطوة خطوة..
جكيت وجريت
سريالي انفكّ
وألواني ديك والخلعة
بكيت وبكيت
خليت دمعة فوق دمعة..
وتقول لي أدخل جوة الضلمة
الجوة دار ابوصلعة..
شاعر مطبوع ومترجم ومبطن بطان الجن..
| |
|
|
|
|
|
|
|
|
|
Re: مجانين وكفّار وأولاد حرام (Re: Abdlaziz Eisa)
|
Quote: قلت أكتب
وأضرع في مشيي خطوة خطوة..
جكيت وجريت
سريالي انفكّ
وألواني ديك والخلعة
بكيت وبكيت
خليت دمعة فوق دمعة..
وتقول لي أدخل جوة الضلمة
الجوة دار ابوصلعة..
شاعر مطبوع ومترجم ومبطن بطان الجن.. |
يا عزيز
طالما الشغلانة جابت ليها شعر مطبوع من شاعري سنغافوري معاصر
نحن ما عندي حل إلا نسوق معانا البوست ده للربع الجاي
وانا عفشي تقيل وما عارف أشيل شنو وأخلي شنو
لكن أعتبرو عبر يا صديق
بس جيب من جوه
| |
|
|
|
|
|
|
|
|
|
Re: مجانين وكفّار وأولاد حرام (Re: تولوس)
|
Quote: دي سجارة عاهرة الخلتك تستبيح النهار وتضاجع القمرا في باحة السوق الشعبي
|
يا تولوس ياخ مش ممكن تكون مريسة ؟
مالك طوالي جاري للراحات ههههههههههههههههههههههههه
أخبارك يا مان
| |
|
|
|
|
|
|
|
|
|
Re: مجانين وكفّار وأولاد حرام (Re: هشام عباس)
|
Quote: رائع كالعادة
لم ادخل لك بوستا وخرجت مخذولا
تسلم البطن الجابتك يا اخى |
تسلم يا هشام وربنا يجبر بي خاطرك
والله يقدرنا إننا دايماً نسعدك
مبسوط منك يا صديقي
الله يخليك لي
| |
|
|
|
|
|
|
|
|
|
Re: مجانين وكفّار وأولاد حرام (Re: معروف حمدين)
|
Quote: حبيبنا
يامن بخل علينا بكلمة وداع
كل سنة وأنت طيب
ــــــــــ
أعتاد المكان تغيير جلده بعد كل رمضان
لتجديد نوعية الشواطين، وقد عاد بحلة بهية |
يا عم معروف وحاتك أنا قلت أتخارج من ديار آل نهيان عشان ألحق لي صيام يومين في دولة
خليفة المسلمين سيدنا مرسي عليه السلام
عشان كده اللخمة حصلت
أما بخصوص شياطين ما بعد العبادات ف خلوهم لينا في حرزِ أمين
وأنا لراجعون :)
| |
|
|
|
|
|
|
|
|
|
Re: مجانين وكفّار وأولاد حرام (Re: حبيب نورة)
|
حبيبا
كالعادة "بالنسبة لي وبتكون انت ناسي" بقراك زي مليون مرة وفي كل مرة بلقي لي معني جديد ضاع مني في القبلها ....و استمر في الاعادة طمعا في معني جديد ولا تخيب ظني ابدا ... لك كثير من المعزة ولقلمك الاحترام
لا تفوت لا تموت
| |
|
|
|
|
|
|
|
|
 Re: مجانين وكفّار وأولاد حرام (Re: جميلة ابراهيم السيد)
|
Quote: حبيبا
كالعادة "بالنسبة لي وبتكون انت ناسي" بقراك زي مليون مرة وفي كل مرة بلقي لي معني جديد ضاع مني في القبلها ....و استمر في الاعادة طمعا في معني جديد ولا تخيب ظني ابدا ... لك كثير من المعزة ولقلمك الاحترام
لا تفوت لا تموت |
بالفعل أنتِ جميلة
وأنا كذلك قرأت هذه المداخلة من عِلٍ
كنت كمن يمتّع عينيه وهو علي صهوةِ شرفةٍ تطل علي البحر وكأني بكِ كنتِ تكتبين بالأزرق الساحر
مداداً وروحاً وعطرا . هيت لي كل هذا الجمال
أشكرك ومرحب بك في المنبر
تشرفت بكِ وكانت سعادتي وما زالت
شكرن كتيرن!
| |
|
|
|
|
|
|
| |
حبيب نورة
محمد عبد الماجد الصايم
فتحي الصديق
خضر حسين خليل
فايزودالقاضي
Abdlaziz Eisa
عبدالله ود البوش
الزنجي
سلمى الشيخ سلامة
تولوس
عمران حسن صالح
عمار محمد ادريس
هشام عباس
محمد أبوالعزائم أبوالريش
معروف حمدين
جميلة ابراهيم السيد
فيس بوك
تويتر
انستقرام
يوتيوب
بنتيريست