|
|
 رسالة لطارق الامين ما تنسى مدرسة السجانة الجديدة
|
الشاب المجتهد طارق الامين وفرقته الظريفة الله يخضر ضراعكم فى مجهوداتك وعملك الطوعى الجميل فى اعادة تأهيل المدارس و وددت ان اذكرك بمدرستنا الإبتدائية اكيد ما نسيتا مدرسة السجانة الجديدة المزدوجة بنين ياريت برنامج عديل المدارس يمر عليها وتديها نظرة عن قرب الله يجعل عملك فى ميزان حسناتك انت وفرقتك الجميلة /red]
|
|
 
|
|
|
|
|
|
|
 Re: رسالة لطارق الامين ما تنسى مدرسة السجانة الجديدة (Re: أبو ساندرا)
|
انا وطارق الأمين من دفعة بداية السبعينات واتذكر دكان عثمان والناظر فى ذلك الزمن هو المرحوم ابراهيم فريينى واتذكر استاذ عبد الحفيظ واستاذ عبد الخالق واستاذ عبد المنعم وغيرهم والغفير كان اسمه محمد نور
رحم الله من توفوا ومتع الله من عاشو بالصحة والعافية
فى كل اجازة اذهب الى السودان دائما اقوم بجولة حول المدرسة وازور بعض الاصدقاء الذين يسكنون جوارها
وتحية كل الدفعة التى تخرجت معى من المدرسة طبعا كان يوجد بالمدرسة نهرين رهد ودندر المدرسة
| |
|
|
|
|
|
|
|
|
|
Re: رسالة لطارق الامين ما تنسى مدرسة السجانة الجديدة (Re: جمال السنوسي)
|
السنوسي
كان اسمها اولي برنده
___________
يا مصطفي اول حاجه كانت الف و باء بعدين دندر و رهد
الف كانت تبع وزارة التربيه و التعليم و علي ايامنا كان الناظر هو حسن عبدالمنعم يونس و بعده محمد علي قائممقام ثم فريني
باء كانت تبع المجلس البلدي و ناظرها علي عوض الله الشايقي
________
في آخر زياره لي للسودان وجدتها اطلال مهجوره
| |
|
|
|
|
|
|
|
|
|
Re: رسالة لطارق الامين ما تنسى مدرسة السجانة الجديدة (Re: ابراهيم عدلان)
|
تحية للجميع
انا من زمن المرحوم ابراهيم فرينى ولمن دخلنا المدرسة كان فى فصول مبنية بالطوب الجديد وفصول مبنية بالطوب القديم واعتقد انه سنة اولى وسادسة اتبنت بالطوب الجديد انا البرندات كانت موجودة فى دندر المواجهة الباب الرئيسى للمدرسة
وعلى ما اذكر استاذ بدرالدين كان رجل رسام جدا وله رسومات على جدار الفصول رسالة
| |
|
|
|
|
|
|
|
|
|
Re: رسالة لطارق الامين ما تنسى مدرسة السجانة الجديدة (Re: مصطفى توفيق)
|
يا الله
ذكرتونا ايام الشباب
كنت اعمل مدرساً في مطلع السبيعنات في الديم شرق المزدوجة
وكمدرسين زمان كانت لنا علاقات مع جميع المدرسين في المنطقة
كنا نذهب الي مدرسة السجانة الجديدة
واذكر كان عندهم ميدان للكرة الطائرة وكنا نقيم مباريات بين المدارس في الدورة المدرسية
مر على هذه المدرسة مدراء ( ناظر ) من اعظم معلمي السودان اولهم حسن عبدالمنعم يونس
و بعده قائممقام كان رطاني من ابناء صاي واخيراً جاء ابراهيم فريري وليس فريني توفوا جميعاً
رحمة الله عليهم
ومن المدرسين اذكر ميسرة وعبدالله هارون الرطاني وكمال شقلبان وعبدالمنعم النص وكمال الفك
وعبدالعظيم كننه وعزالدين
الله يرحم زمان وايام زمان ومدرسي زمان وسودان زمان
| |
|
|
|
|
|
|
|
|
Re: رسالة لطارق الامين ما تنسى مدرسة السجانة الجديدة (Re: حمزاوي)
|
يا جماعة
مصطفى الظاهر انت بعدنا
لانه الفصول دي اتبنت ونحن في المدرسة من سنة اولى برنده
بتذكر التاليين من المدرسين
أستاذ عبد الحفيظ رياضيات سادس
أستاذ عز الدين رياضيات حتى رابعة
أستاذ بدر الدين ( يكنب بالشمال ( رسام وخطاط جدا
أستاذ عبد الله لفى عربية ودين
أستاذ معاوية علوم
الناظر حسن عبد المنعم ثم فريري ( فريني) والشلن بتاع كل شهر بالعصاية
| |
|
|
|
|
|
|
|
|
|
Re: رسالة لطارق الامين ما تنسى مدرسة السجانة الجديدة (Re: جمال السنوسي)
|
أستاذ عبد الحفيظ رياضيات سادس
أستاذ عز الدين رياضيات حتى رابعة
أستاذ بدر الدين ( يكنب بالشمال ( رسام وخطاط جدا
أستاذ عبد الله لفى عربية ودين
أستاذ معاوية علوم
الناظر حسن عبد المنعم ثم فريري ( فريني) والشلن بتاع كل شهر بالعصاية
صح يا ود السنوسى انا لحقت الاساتذة المذكورين وكمان فى استاذ عبد الخالق واستاذ شمس الدين واستاذ عبد الرافع اااا
| |
|
|
|
|
|
|
|
|
|
Re: رسالة لطارق الامين ما تنسى مدرسة السجانة الجديدة (Re: ديامي)
|
يا سلام استاذ البدرى الرجل الرسام الفنان ؟ نسا الله العلى العظيم ان يشفيه ويعافيه ويتم عليه بالعافية فقد علمنا كيف نرسم ونلون وكنا نصنع الاشكال بطين الصلصال وكانت له رسومات كثيرة على جدران المدرسة اتمنى ان تكون موجودة الى الان
شفاه الله وعافاه من كل سؤ ا
| |
|
|
|
|
|
|
|
|
 Re: رسالة لطارق الامين ما تنسى مدرسة السجانة الجديدة (Re: مصطفى توفيق)
|
مصطفي توفيق
ياجليل يارايق
يادفعه
واناشيد وايام
دكان عثمان دكان طلب
دندر رهد عم محمد نور
خالتو ست النسا سلطتا السودا ونيتا البيضا
الصادق زنقد عادل شروم
الرعد النجم الاحمر
المرا ست الطعميه الطاعمه ودقاقه
فريني الفطور
فريري المدير
شلن الشهر
جلد الخروف
حلاوات نبق فضيم ودقه قونقوليس
دكان اليماني(وين دكان اليماني ياخ)
سلامات ليك والضيفان
انسي كيف؟
انسي وين؟
انسي بس
بجي بجي بجيمصطفي توفيق ياجليل يارايق يادفعه واناشيد وايام دكان عثمان دكان طلب دندر رهد عم محمد نور خالتو ست النسا سلطتا السودا ونيتا البيضا الصادق زنقد عادل شروم الرعد النجم الاحمر المرا ست الطعميه الطاعمه ودقاقه فريني الفطور فريري المدير شلن الشهر جلد الخروف حلاوات نبق فضيم ودقه قونقوليس دكان اليماني(وين دكان اليماني ياخ) سلامات ليك والضيفان انسي كيف؟ انسي وين؟ انسي بس بجي بجي بجي
| |
|
|
|
|
|
|
|
|
|
Re: رسالة لطارق الامين ما تنسى مدرسة السجانة الجديدة (Re: طارق الأمين)
|
شوف عمك دا عامل ود معانا
Quote:
ما أن تذكر مدرسة السجانة الجديدة
حتى أرى وبعيون دامعة ، قامة مديدة و ممشوقة
الأستاذ الناظر حسن عبدالمنعم يونس
و أرى عم فتحي
وشفع ضاجين بالحركة امام دكان عثمان |
شفع ضاجين بالبتاع ديل نحن يا عمو
خارج عمك دا عشان نتفاهم يادفعه
جمال خلي
بجي بجي بجي
| |
|
|
|
|
|
|
|
|
|
Re: رسالة لطارق الامين ما تنسى مدرسة السجانة الجديدة (Re: طارق الأمين)
|
يا سلااااام
صباح الخير مدرستي
صباح الخير و النور
اليك اشتقت في أمسي
وزاد اليوم تفكيري
حسن عبدالمنعم... القامة السامقة
كان ناظر مدرسة بمكنة رئيس جمهورية
استاذ حضري... والجلد في الاقدام العارية بطريقة الفلقة في التسميع
استاذ على الشايقي.... لغة عربية
ثم الناظر الذي خلف حسن عبد المنعم,,, الرطاني الذي كان يتحدث العربية بصعوبة (ويدرسهارغم انفها)
استاذ محمود ... جغرافيا
استاذ فتح الرحمن.... لغة عربية
من الطلبة
جميل
ميرغني الزنجي
علي ابراهيم
صاحبي أحمد محمد الحسن
حسيب أحمد سعد
متوكل جبريل موسي (أخو طارق جبريل)
النور طلسم (جاري و أنا جارو)
حافظ و أخية التاج الذي كان يلحن الاناشيد لأن شقيقة فردة من ثنائي ديم القنا
ومالو الحبيب صدا وجفا
وفارق ديومنا الوالفا
ما كنا بنريدو و كفا
ودمعاتنا ديمة بنزرفا (الديامة طبعاً بكاييين من زمااان)
أكييييد لي عودة
| |
|
|
|
|
|
|
|
|
|
Re: رسالة لطارق الامين ما تنسى مدرسة السجانة الجديدة (Re: ALGARADABI)
|
يا سلام يا طارق الأمين يا دفعة يا جميل
تتذكر الجمعية الادبية يوم الخميس كان بيقودها الاستاذ عبد المنعم حامد
انت نسيت دكان المرضى الفاتح على ميدان الكورة ؟ ذكرتى فطور ست النسا وسلطة الاسود اللذيذة - الداندرمة بتاعةالكيس بطعم الفراولة والعرديب والكركدى وقراصة النبق وحلاوة حلى
الدورة المدرسية كانت دائما مدرستنا تشيل الكاس بتذكر المرحوم مطر كان من اللعيبة المميزين - كأس التشجير والفلاحة ايضا من نصيب مدرستنا
انا غيتو كنت بلحن بعض الاناشيد : اشرقت شمس الضحى فى السماء فى السماء - دجاجى يلقط الحبة ويجرى وهو فرحانه ..............
من اولاد الدفعة مجدى عبدالله وعمر الياس ونور الدين وتاج الدين الساكنين جنب دكان عثمان محمد شايقية وابو القاسم كوكو و حاتم البعيو و طارق وقيع الله - الذاكرة بقت خربانة
استاذ عبد الحفيظ الرجل الصارم فى الجلد لو كتب ليك قابلنى فى الكراس يا ويلك وسواد ليلك اكيد حتنجلد
طلائع مايو واللبسة الخضرا اللون
الله يمتعك بالصحةوالعافية يا طارق الامين يا دفعة ، الغريبة برضه جينا اتلمينا فى فرع القاهرة زمن الدنيا بخيرها
بالله رد جميل لمدرستنا مرَ عليها بعديل المدارس وخليها تبرق بضؤها من جديد
انا لو كنت موجود معاك كنت ساهمت واشتركت معاك فى فرقتك الظريفة اا
| |
|
|
|
|
|
|
| |
مصطفى توفيق
Hussein Mallasi
جمال السنوسي
أبو ساندرا
ابراهيم عدلان
ALGARADABI
حسن البشاري
فيس بوك
تويتر
انستقرام
يوتيوب
بنتيريست