|
|
 طيارة الخطوط السودانية بتسافر بالدس
|
امس كنت في استقبال شقيقتي بمطار الرياض
مفروض الطائرة تصل حوالي واحدة ونصف صباحا
ذهبت للمطار الساعة الثانية عشر والنصف
اتجهت للوحة لمعرفة قدوم الطائرة
اشاهد كل خطوط الطيران القادمة المعلنة
طائرنا الميمون اسمه ما موجود
( انا اسمي مكتوب)
طلعت لصالة المغادرة
وجدت بني سودان
حمدت الله انه في سفرية لاني خفت انها تكون من الخرطوم
محل الرئيس بنوم والطيارة بتقوم ما قامت
سالت احد بني جلدتي
( السودانية جات؟)
قال لي : والله ما عارف
وبدينا رحلة التخمين
اتجهت الى اخر
اسمع السودانية جات
والله ما عارف لكن قالوا لينا ادخلوا يعني جاية
وهكذا حتى الساعة الثانية صباح حيث اخبرنا احدهم بانها قالوا بتجي تلاتة
وانتظرنا خحتى الثالثة
خلال هذه المدة كلها
طائرنا الميمون اسمو ما مكتوب في اللوحة الاليكترونية الجميلة الفيها كل الطائرات القادمة بشعاراتها المختلفة
قلت يمكن يذيعوها في العشرة الاوائل
والى ان حطت الطائرة السودانية بمطار الرياض
ما في حتى اذاعة ليها بالمكرفن
بديت افكر
لا كتبوها
لاذاعوها
تكون مالها ياربي ؟
|
|
 
|
|
|
|
|
|
|
|
Re: طيارة الخطوط السودانية بتسافر بالدس (Re: د.محمد حسن)
|
| Quote: امس كنت في استقبال شقيقتي بمطار الرياض |
لو انت عاملها الحجز حرام عليك.... ولو هي الحجزت، فقد باءت بإثم مبين
والله استغرب جداً على الذين يسافرون على هذه الخطوط....
قاطعوها يرحمكم الله حتى يقلعوا عن هذه الطائرات ويرجعوا عن هذا التخبط
| |
|
|
|
|
|
|
|
|
|
Re: طيارة الخطوط السودانية بتسافر بالدس (Re: د.محمد حسن)
|
يا دكتور الحكومة دي ما حكومتي ولا عندي بيها الشغلة ولكن إحقاقا للحق ،الملام هنا مطار الرياض، طيارة تصل لمطارهم وما يعلنو عنها ؟ دا قصور استعلاماتي،
اسع وحياتك لو الطيارة مشت توف لبرج المملكة دحين ما كانو بعرفو جهتها وين؟ عدم احترام للمسافر السوداني لا اكتر ولا اقل،
طيارتنا عارفنها رماد وسجم لكن اذا رضو انها تنزل في مطاراتهم المفروض كمان ما يجهجهو الركاب والمستقبلين ذي حالتك كدا
| |
|
|
|
|
|
|
|
|
Re: طيارة الخطوط السودانية بتسافر بالدس (Re: Abdulrahman Gorashi)
|
د. محمد سلام
في مرة من ذات المرات زمن الزمن الجميل انا والسيدة حرمنا قادمين من استكهولم للخرطوم بعد غربة كام سنة شايل عرض من اسكانيا لسودانير والمرحوم محرم مصطفي هاشم من ناس سودانير وناس المجلس كانوا في انتظاري علي احر من الجمر واخر تلفونات الزول ده ...والزول .. الي اخر الايه. وفي ذلك الزمن كان يفرض علينا السفر بالخطوط السودانية عند اول نقطة يتقاطع فيها خط سفر الدبلوماسيين مع الطائر الميمون. يازول تذكرتنا كانت من القاهره للخرطوم عليها. سألت مدير المحطة انذاك يا زول طيارتك بكرة كيف ... قال ما قبال الساعة 17:35 وتم كلامو ما تشيل هم نحن عندنا تعليمات سيادتك من الخرطوم وانت من العين للاضان ده وهكذا.
يازول السيدة حرمنا علي الرغم من انها بسم الله وماشاء الله عليها قالت مدام الطيارة بتجي خمسة ونص قامت ليك بالساعة 11:00 ووقعت ليك الكوافير وقالت ده فرصة تتكوفر ليك في القاهره وتمشي الخرطوم آخر شياكة.
اخوك مشي يجرر كرعينو في ميدان التحرير يقتل في الوقت. حوالي الساعة 11:30 كرعيني الشقية جابني ليك قدام مكتب سودان طير قلت الندخل علي الناس نطايبهم..
يا زول المدير اول ما شافني ليك ... طير عيونو وقال لي سيادتك انت ما مشيت المطار لي هسع ؟
قلت ليهو ليك علي المدام تتخارج من الكوافير ونمشي علي المطار اصلوا طيارتكم بدري عليها .. المدير قاطعني ونفسوا قايم وقال لي ... لا الليله ..الطيارة جات بدري ....وهسع هي في المطار علي وشك......
قلت وشك شنو يا زول ... انا شايل عرض لي سودانير ... ومربوط بي زمن واكان لطيارة ده فاتتنا والله ... إلا تلم عفشك وتتوكل معانا علي الخرطوم
وحاتي عندك ... انا ومدير سودان طير نكتنا ليك ام العيال من جوه الكوافير من تحت السشوار والشعر منفوش ....يهتف موية ... والست دسترت عديل وجاتها ليك هستريا ودموعها واقعه مطر .. والمدير يسوي ليها حقك علينا وهي تداعي الحقنة ... الماعارف شنو والما عارف شنو .
عموما ناس سودانير طير ... ختفونا ليك بي عربيه تذمر ولا حسني مبارك في زمنوا... وجري علي مطار القاهرة .. تخيل الساعة 12:00 وشوارع القاهره كيف ...
الطيارة عبت ..وقفلوا الابواب ... وبركنوها ليك ... والركاب المساكين محشورين في الطيارة وناس تكورك وناس تسب مفتكرين انو الرئيس مؤخرين ليهو الطيارة ... لغاية ما احنا وصلنا المطار... وحشرونا ليك حشر في الطيارة
صدق او لا تصدق المضيفات ..بقت شغلتهم واقعين فوق شعر ام العيال شئ تجفيف وشئ تمشيط ....وهي تتنخج ...وانا ... مافي داعي اقول .... المهم ... بهدله من اللي بالك عليهو
ومن ديك وحياتي عندك وعييك السيدة حرمنا قالت هي طلقانة بالتلاته تاني اكان قالوا ليها نوديك الحج بي سودانير .. اما فحلفت طلاق تلاته اكان توديني من الخارجية ....للصحافه زلط ما اعتبا
| |
|
|
|
|
|
|
| |
د.محمد حسن
عصام علي أحمد
james
Hani Arabi Mohamed
حمد عبد الغفار عمر
Dania Elmaki
محمد مصطفي مجذوب
فيس بوك
تويتر
انستقرام
يوتيوب
بنتيريست