|
Re: غَزّت لي كوعها و رفعت حواجبها و عوجت الخشم وقالت لي " جُـــرع (Re: يحي قباني)
|
Quote: قومي يا بت غزي لي كوعك و ارفعي الحاجب و بعوجة خشم قولي لي ... هي محظوظة عملنا "جُــرعة " و وقعت لي الاودة الصغيرة ... |
أولاً مرحب بيك يا يحى في الحوش الماهل ده ....
من البداية كنت بقرا بإهتمام ويدي على قلبي ، قلت الزول ده بعد الإجتهاد والحرص في التربية ، لامن بقى مرجع للتانيين ...آخرتا تبقى جرعة ....لاكين ربك ستر ...يا خي ربنا يحفظ ليك بتك دي وبالله قول ليها واصلي في نفس الخط ...أصلو ما تتنازلي ...كلامنا ده سمح ..وهو في النهاية بطاقتنا الشخصية وشفرتنا الداخلية ...يعني شغال جوة وبرة ...
التحية موصولة لي أم الوليدات ...باقي لي دورها كبير في حتة تعليم الأولاد لغتهم الأم ...مش كدة ؟
شكري وسلامي للجميع ..
| |
|
|
|
|
|
|
Re: غَزّت لي كوعها و رفعت حواجبها و عوجت الخشم وقالت لي " جُـــرع (Re: يحي قباني)
|
Quote: اتخيلت المنظر وشكلها وهي بتقول الكلمة دي وضحكت لمن دموعي سالت ..ربنا يحفظها يارب هي واخوانا وتحياتي لامها وليك قباني
نحن عندنا البقولوا ماشين يقطعوا شعرهم بمعني الحلاقة وحيشيلوا البص بمعني يركبوا البص وما الي ذلك من ترجمة حرفية اشبه بترجمة معامل انيس عبيد الزمان في الافلام الاجنبية |
I
جميلة وهي جميلة شفتي فلهمة البنية !!!
انتي ما عارفاها وشايفاها
غايته قل البيضحكك يا جميلة
ربنا يحفظهم جميعا
| |
|
|
|
|
|
|
Re: غَزّت لي كوعها و رفعت حواجبها و عوجت الخشم وقالت لي " جُـــرع (Re: محمد مصطفي مجذوب)
|
Quote: والله ما بعد حداثة جرعة دي برضو مجهودك مقدر
يا زول ليك أمان الله أخوك مدرس ما قدرت على الجرابيع الأجانب ديل كل كلو!
استوصوا بفلذات أكبادكـم الأعاجـم خيرا يا قـــوم! |
العزيز آدم صيام ... والله زي ما قلت الشغلة ماها هينة ...
لكن لو الناس ما بدت من هم صغار و ثابرت ...من غير استسهال و مباراتهم في اللغة حقة البلد الجبناهم فوقها ...القصة بتروح شمار في مرقة ...
يا رجل انا و امهم اتغابينا معرفة الانجليزي من هم اطفال و ممنوع اي انجليزي في البيت ... بحجة اننا ما بنفهم ... و اجبرناهم عي كلام العربي
غايته مقالعة و مدافسة ... ومدارس يوم الاحد ... ومسابقات قرآن ... شغلة طويييلة ...
الله يحفظهم جميعا و يقوينا يا حبيب ...
| |
|
|
|
|
|
|
Re: غَزّت لي كوعها و رفعت حواجبها و عوجت الخشم وقالت لي " جُـــرع (Re: يحي قباني)
|
Quote: الله يجازي محنك يا قباني خليتني اولول من الضحك نصاصي الليل لامن صحيت ناس الجرع العندي بي جاي ..
بجيك راجع ..ده يا ما عندنا محن بي هنا يا راجل |
حبيبنا محمد مصطفي مجذوب ...
و الله صحي " جُرع " ...والله لو تشوف الرد الاولاني لما سالتها
بثقة شديدة و رفعة كتف و استنكار ...قلتليها القصة شنو قالت ..." جُرعة " ...
قلتليها كيف كيف ؟؟؟ قال البت بتشرح لي ....انو كيف سوو ال" جُرعة " ... و كيف ديك محظوظة ....
غايته انحنا راصدين ليهم دفاتر للكلام الجنس ده .... بجيب منو و بجيك ...
تسلم علي المرور ...
| |
|
|
|
|
|
|
Re: غَزّت لي كوعها و رفعت حواجبها و عوجت الخشم وقالت لي " جُـــرع (Re: محمد عبد الماجد الصايم)
|
محمد عبد الماجد الصايم
سلام وينك يا رجل ... والله اشتهينا طلتك يا راجل
تعرف يا اخ قباني ابن عديلي والذي كان يبلغ من العمر وقتها حوالي الثامنة ذهبت امه للسودان بعد غيبة خمسة او سته اعوام. والام وهي محامية مشهورة بالفصاحة وطول اللسان والوالد اخصائي وكلاهما مهتمان اهتمام كبير بتعليم الاولاد اللغه العربية والدين الاسلامي . وكما ذكرت مدرسة سودانية يوم السبت ودراسة قرآن يوم الاحد .. ومناضمة مع الاطفال عربي تقيل. المهم في زيارتهم للسودان في مرة من المرات خرج الولد وشقيقته والتي تصغره بثلاث اعوام للشارع إلا ان الولد قفل راجعا بسرعه جنونية وهو يكاد يموت من الضحك . فإنزعت امه وسألته مالك يا ولد . فرد عليها قائلا ( يا ماما انا شفت .. (Big هُومار Pulling very fast واحد تربيز) فطار قلب الام علي ابنتها التي مازالت بالخارج فقفزت صارخة هلعا لاعتقادها ان حمارا لسبب ما انعقد حبله حول ترابيزة وهو يرفس للفكاك منها... فاذا بها تفاجاء أن كل مافي الامر ان هنا عربة كارو تحمل بعض البرسيم وإن الحصان يحاول تناول بعضا منه
| |
|
|
|
|
|
|
Re: غَزّت لي كوعها و رفعت حواجبها و عوجت الخشم وقالت لي " جُـــرع (Re: يحي قباني)
|
Quote: تعرف يا اخ قباني ابن عديلي والذي كان يبلغ من العمر وقتها حوالي الثامنة ذهبت امه للسودان بعد غيبة خمسة او سته اعوام. والام وهي محامية مشهورة بالفصاحة وطول اللسان والوالد اخصائي وكلاهما مهتمان اهتمام كبير بتعليم الاولاد اللغه العربية والدين الاسلامي . وكما ذكرت مدرسة سودانية يوم السبت ودراسة قرآن يوم الاحد .. ومناضمة مع الاطفال عربي تقيل. المهم في زيارتهم للسودان في مرة من المرات خرج الولد وشقيقته والتي تصغره بثلاث اعوام للشارع إلا ان الولد قفل راجعا بسرعه جنونية وهو يكاد يموت من الضحك . فإنزعت امه وسألته مالك يا ولد . فرد عليها قائلا ( يا ماما انا شفت .. (Big هُومار Pulling very fast واحد تربيز) فطار قلب الام علي ابنتها التي مازالت بالخارج فقفزت صارخة هلعا لاعتقادها ان حمارا لسبب ما انعقد حبله حول ترابيزة وهو يرفس للفكاك منها... فاذا بها تفاجاء أن كل مافي الامر ان هنا عربة كارو تحمل بعض البرسيم وإن الحصان يحاول تناول بعضا منه |
الحبيب محمد مصطفي ... الله يحفظهم جميع ياخي ... الهجرة متطلباتها و مسئولياتها جِسام ... ودايرة مثابرة و طولة نفس مع الاولاد ... ولو بس الواحد غفلت عينه شوية اللغة و الدين و العادات بالراحة بتنسرق منهم ...
اها النديك واحدة تانية ...
ولدي الكبير ...اصغر من صاحبتنا حقة الجرعة دي طوالي ... مشى مع امه السودان و كان عمره 3-4 سنين كده ... كان الدنيا عيد ضحية ... اها يوم العيد الصباح لابس نضيييف الولد ... والجماعة مشغولين من كرشة لي كمونية ... وهو جاري في اخر البرنده و يكورك " وصوته غليد من يومه " ... يكورك العصفورة ... its a BIRD ... وجاري زي الساكي ليهو حاجة !!! و امه بي هناك و خالاتو ... ماشايفين اي طيرة حايمة لامن شفقو علي الولد ... مشي خالو عليهو ...لقاها ليك ضبانة من ضبابين السودان المُكان اللونهم اخضر علي ازرق ...وكانت راكة ليها في زي مية كرشة في زقاقات ابروف ...وتقيييلة ما قادرة تطير وصاحبنا محاصرها و شابكها Birdi >>> its a bird
| |
|
|
|
|
|
|
Re: غَزّت لي كوعها و رفعت حواجبها و عوجت الخشم وقالت لي " جُـــرع (Re: يحي قباني)
|
Quote: مرحب قبانى فى المنبر
بداية البوست كانت مزعجة ومخيفة ولكن النهاية مريحة
مريحة شديد يديكم العافية ونحى جهودك فى الحفاظ على سودانيتهم
|
شكرًا علي الترحيب اخوي عادل ....
ومعليش علي البداية المزعجة ... القصد نجيبكم و نسمع كلامكم السمح
الله يقدرنا و يقدر كل الطيور المهاجرة علي الحفاظ علي الوليدات ....
مهمة ماها هينة أبدا
تحياتي يا ملك ....
| |
|
|
|
|
|
|
Re: غَزّت لي كوعها و رفعت حواجبها و عوجت الخشم وقالت لي " جُـــرع (Re: يحي قباني)
|
عزيز يحيى
تحياتى بالله كتر لينا من الجرعات دى ..
الغريبة فى العيد مر بى ظرف مشابه مشيت مع أحد الأصدقاء لترحيل إبنته لسكنها مع زميلتين لها الشقة فيها ثلاث غرف، غرفتين لكل حمام منفل متصل بالغرفة ، وغرفة وحيدة حمامها غير متصل بها (غرفة بتنا)، لا الأم لا الأبو قالوا حاجة وأخوك إتصدر للموضوع وفتح تحقيق ليه وعشان شنو، وإنتى شوفتى الشقة قبل اليوم .. البت قالت لا هى ولا زميلاتها شافوها لكن إتفقوا على كده بالتلفون (ما عارف عملوا جرعو ولا لا). المهم إتأكد إنها ما ماخدة على خاطرها.
أما بنيتك باين عليها طولت شوية من السودان فدايرا ليها زيارة وجرعة من ناس غادى تذكرنى بولدى الذى يذكر ويؤنث كما يحلو له وفجأة يجى يقول ليك انا (ذاتى) ..... بتطلع من وين ما بتعرف .. هى جرعة مخزونة من جرعات إرتشفها من زيارات السودان
ولا زلت أقف أحياناً وأتسأل هل الغربه فى بلاد العجم كانت قراراً صائباً لمصلحة أولادنا أم جنينا عليهم ؟ حملناهم مسؤوليات جسام .. بانهم مختلفون عن المجتمع الذى يعيشونه ، وضرورة الإعتزاز بالأصل والثقافة والعقيدة .. أمور تشربنا بها فى وطن المنشأ وسهلة علينا التمسك بها فى وطن الغربة خاصة وإن معظم إحتلاطنا الإجتماعى ببعضنا. بينما صغارنا فى المدرسة والجامعة وخارجها يعيشون فى خضم وتفاصيل مجتمع بلد الغربة .. لكم يدهشنى هؤلاء الصغار وأعتز وأكبر من مواقفهم .. رغم القلق !
ويزداد القلق وأنأ أنظر بعيداً للأحفاد والأحفاد .. الهوية .. الأصل .. العربى .. الناريخ .. العقيدة هل سيكون لهم جرعة وجرعات منها .... ؟!! تقديرى
| |
|
|
|
|
|
|
Re: غَزّت لي كوعها و رفعت حواجبها و عوجت الخشم وقالت لي " جُـــرع (Re: نادر الفضلى)
|
Quote: عزيز يحيى
تحياتى بالله كتر لينا من الجرعات دى ..
الغريبة فى العيد مر بى ظرف مشابه مشيت مع أحد الأصدقاء لترحيل إبنته لسكنها مع زميلتين لها الشقة فيها ثلاث غرف، غرفتين لكل حمام منفل متصل بالغرفة ، وغرفة وحيدة حمامها غير متصل بها (غرفة بتنا)، لا الأم لا الأبو قالوا حاجة وأخوك إتصدر للموضوع وفتح تحقيق ليه وعشان شنو، وإنتى شوفتى الشقة قبل اليوم .. البت قالت لا هى ولا زميلاتها شافوها لكن إتفقوا على كده بالتلفون (ما عارف عملوا جرعو ولا لا). المهم إتأكد إنها ما ماخدة على خاطرها.
أما بنيتك باين عليها طولت شوية من السودان فدايرا ليها زيارة وجرعة من ناس غادى تذكرنى بولدى الذى يذكر ويؤنث كما يحلو له وفجأة يجى يقول ليك انا (ذاتى) ..... بتطلع من وين ما بتعرف .. هى جرعة مخزونة من جرعات إرتشفها من زيارات السودان
ولا زلت أقف أحياناً وأتسأل هل الغربه فى بلاد العجم كانت قراراً صائباً لمصلحة أولادنا أم جنينا عليهم ؟ حملناهم مسؤوليات جسام .. بانهم مختلفون عن المجتمع الذى يعيشونه ، وضرورة الإعتزاز بالأصل والثقافة والعقيدة .. أمور تشربنا بها فى وطن المنشأ وسهلة علينا التمسك بها فى وطن الغربة خاصة وإن معظم إحتلاطنا الإجتماعى ببعضنا. بينما صغارنا فى المدرسة والجامعة وخارجها يعيشون فى خضم وتفاصيل مجتمع بلد الغربة .. لكم يدهشنى هؤلاء الصغار وأعتز وأكبر من مواقفهم .. رغم القلق !
ويزداد القلق وأنأ أنظر بعيداً للأحفاد والأحفاد .. الهوية .. الأصل .. العربى .. الناريخ .. العقيدة هل سيكون لهم جرعة وجرعات منها .... ؟!! تقديرى |
ود الفضلي يا حبيب ...
شكرا علي المرور يا قريبي ...
والله يا نادر حكاية جنينا عليهم م لا ...ده موضوع ما هين نجاوبو كده ...
اعداد السودانيين الهاجرت الي الغرب فى اعتقادى 90% او اكتر هاجرو في 89 و جاي ... بسبب الطغمة الحاكمة في السودان ...
يعني الانا جاي ليهو ...اننا نعتبر حديثي الهجرة مقارنة بالشعوب الاخري ...وتجربتنا يا داب بدت تظهر ... وتقييمها بسرعة غير مفيد ...
الاهم في مسألة تربية الاولاد في بلاد الغرب ...هو المثابرة و عدم الملل من متابعتهم ... وللاسف مرات كتيرة الجري ورا اكل العيش خلي كثير من الاسر تغفل ...
والثمن كان غالي جدا ... انا بفتكر الجهد المبذول من البيت لازم يكون مضاعف و مستمر ... ويبدأ من الصغر ... لغاية ما يوصلو بر الامان ...
في امثلة رائعة جدا لشباب من اولادنا الان يشرفو كل السودان ...تعليم و ثقافة ... وحاجة تفتح النفس ...
بجيك راجع يا نادر ...
| |
|
|
|
|
|
|
Re: غَزّت لي كوعها و رفعت حواجبها و عوجت الخشم وقالت لي " جُـــرع (Re: يحي قباني)
|
Quote: ده واجب علي الوالدين في كل مكان بما فيها السودان. العولمه ما خلت شئ وكلو بقي واحد |
محمد هاشم ابوزيد يا جميل ...
اتفق معك تماما في انو العالم بقي اصغر من قرية ...
وبالفعل جونا ناس مؤخرا هنا ... وعمرهم ما عاشو في الغرب ... وحكايتهم بايظة وجاهزة للضياع ...
بالذات مجموعات من الخليج ... يعنى الاولاد ناسين اللغة من هناك .. و اضف اليها شوية خمج .... والاهل لما جو بالاول فرحانين علس اساس الشفع جاهزين
...شوية و المسالة بقت ليهم حارة شديد ... بس الله يستر علينا و عليهم
شكرا للتفاعل مع الموضوع يا ملك ...
| |
|
|
|
|
|
|
|