|
|
|
 Re: ما هو سر لعب جميع مباريات الفريق القومي باستاد الهلال؟! (Re: محمد عمر جبريل)
|
معلومة زي شنو الغايبة عنك؟؟
ياخ إسترسل سايوقول الحمار مدفون في النيل في الجهة الغربية ..
أكيد إقامة مباريات في إستاد بعينه ما عندها معلومة محددة لكنه جانب نفسي..
إستاد الهلال ملموم أكتر ووضعية جلوس الجماهير بتدي اللعيبة شئ من الطمانينة وبيوحي بي عدد جماهير كبييرة قياساً بحضور الجماهير..
وفي جانب تاني ما يحسسكم كمريخاب لكن مازدا بقا زول واعي وتجرد من الميول وبقا عارف إنو معظم لاعبي المنتخب هم من لاعبي الهلال ..وعليه ديل أخبر بي الملعب من غيرهم وحافظنو شبر شبر وديبتساعدهم كتييير في اداء المباراة بصورة تضمن الفوز ..
يعني لو مازدا خت الرحمن في قلبو ولعب بي المعز وسيف مساوي ومعاوية فداسي ونزار حامد ومهند وكاريكا وهيثم مصطفى إضافة لي بلة جابر وقلق والعجب فأظن ده بيكون سبب كافي إنو يلعبوها في الهلال ..
| |
  
|
|
|
|
|
|
|
 Re: ما هو سر لعب جميع مباريات الفريق القومي باستاد الهلال؟! (Re: عمر الفاروق)
|
Quote: معلومة زي شنو الغايبة عنك؟؟
ياخ إسترسل سايوقول الحمار مدفون في النيل في الجهة الغربية ..
أكيد إقامة مباريات في إستاد بعينه ما عندها معلومة محددة لكنه جانب نفسي..
إستاد الهلال ملموم أكتر ووضعية جلوس الجماهير بتدي اللعيبة شئ من الطمانينة وبيوحي بي عدد جماهير كبييرة قياساً بحضور الجماهير..
وفي جانب تاني ما يحسسكم كمريخاب لكن مازدا بقا زول واعي وتجرد من الميول وبقا عارف إنو معظم لاعبي المنتخب هم من لاعبي الهلال ..وعليه ديل أخبر بي الملعب من غيرهم وحافظنو شبر شبر وديبتساعدهم كتييير في اداء المباراة بصورة تضمن الفوز ..
يعني لو مازدا خت الرحمن في قلبو ولعب بي المعز وسيف مساوي ومعاوية فداسي ونزار حامد ومهند وكاريكا وهيثم مصطفى إضافة لي بلة جابر وقلق والعجب فأظن ده بيكون سبب كافي إنو يلعبوها في الهلال .. |
عمر .. سلامات وعوافي
لمن قت تكون في معلومة غايبة افترضت - برااااي كدا - إنو في قرار من الاتحاد العام أو توجيه
بعدم لعب مباريات المنتخب في استاد المريخ .. لأحداث ربما لا أذكرها أو لا أعرفها
باقي الكلام القلتو دا بتاع وضعية جلوس الجماهير ومازدا .. مااااااا واقع لي والله
بالمناسبة الجميلة دي ... (مناسبة دخولك البوست بتاعي دا بما إنك مصنف بتخش بوستات الجكس)
مرة بتناقش مع أخونا تمبس رد الله غربته عن المنبر قال لي عمر الفاروق اخترع ، ابتكر ، نجر سمها ما شئت
مقولة فلان أدى فلان باص خلعو ..
فااااا شنو بس حبيت ممكن أعرف الكلام دا صاح وللا ما صاح ؟
| |
|
|
|
|
|
|
|
|
|
Re: ما هو سر لعب جميع مباريات الفريق القومي باستاد الهلال؟! (Re: محمد عمر جبريل)
|
أي مشاجرة نشبت بين أفراد الفريق القومي في معسكر أو تدريب
كان سببها هيثم مصطفى
خميرة عكننة .. حتى مع الفريق القومي !!
المنتخب أكبر بكثير من هيثم أو من أي فرد آخر
يجب أن تراعى المصلحة العامة في أماكن إجراء مباريات المنتخب
مع الأخذ في الإعتبار كل العوامل مثلا:
- سعة الإستداد
- مواقف العربات
- البنية التحتية (والفوقية) للاستاد
-
-
- إلخ
ولكن أن تقام مباريات الفريق القومي لأن اللاعبين يشعرون بارتياح أكبر في هذا الاستاد أو ذاك
فهو فعلا ما يستحق المراجعة !
| |
|
|
|
|
|
|
|
|
|
Re: ما هو سر لعب جميع مباريات الفريق القومي باستاد الهلال؟! (Re: محمد عمر جبريل)
|
لعل المسألة ليست سوي (قانونية الملعب) ومطابقتها لمواصفات الاتحاد الدولي .. .. وقد (سمعت) قديما
ان ملعب المريخ به مخالفة للمقاييس الدولية اما في الطول او العرض لا اذكر .. وان ملعبي الخرطوم والهلال
قاما علي مقاييس صحيحه ..
هذا لا يعني ان ملعب المريخ مستبعد من المباريات الدولية وقد جرت فيه مثلا مباراة مصر والجزائر ..
وطبعا هي مباراة لم يكن السودان احد اطرافها ..
عمر علي حسن
| |
|
|
|
|
|
|
|
|
|
Re: ما هو سر لعب جميع مباريات الفريق القومي باستاد الهلال؟! (Re: عمر علي حسن)
|
Quote: لعل المسألة ليست سوي (قانونية الملعب) ومطابقتها لمواصفات الاتحاد الدولي .. .. وقد (سمعت) قديما
ان ملعب المريخ به مخالفة للمقاييس الدولية اما في الطول او العرض لا اذكر .. وان ملعبي الخرطوم والهلال
قاما علي مقاييس صحيحه ..
هذا لا يعني ان ملعب المريخ مستبعد من المباريات الدولية وقد جرت فيه مثلا مباراة مصر والجزائر ..
وطبعا هي مباراة لم يكن السودان احد اطرافها ..
عمر علي حسن |
سلامات يا ريس وكيف حالك
حديثك أعلاه به تناقض يا ريس .. كيف يكون الاستاد غير مطابق لمواصفات الاتحاد الدولي وتقام عليه مباراة فاصلة
كمباراة مصر والجزائر ؟؟ ماذا عن بقية مباريات الاتحاد الافريقي التي تقام على استاد المريخ؟
بما أنك بكل تأكيد أكثر دراية مني فهل تذكر أي مباراة للفريق القومي أقيمت في استاد المريخ ؟؟
تحياتي
| |
|
|
|
|
|
|
|
|
|
Re: ما هو سر لعب جميع مباريات الفريق القومي باستاد الهلال؟! (Re: عمر علي حسن)
|
محمد يا عمر..
أسة إنت سؤالك ده سؤال زول مخلوع ولا سؤال زول عندو توثيق وحقوق ملكية ﻷول من إستخدم الخلعة؟
غايتو للضمانن كده كل البقدر اقولوا ليك في القصة دي إنو أغنية شوفتك يا حبيبي قربت روحي تطلع عشان بتخلع..كتبت في باصات هيثم مصطفى..
بالنسبة لي تبريراتك فمعليش انا زول قلبي أسود وبفترض إنك مشجع شفت برضو فبالله قصة إتحاد عام ومعايير وحننك العاضي ده مشيهو في الناس القلبها أبيض..
بالمناسبة ما فهمت قصة مواقف السيارات دي!!!يعني عايز تقنعني إنو إستاد المريخ من الجهات الشرقية والشمالية والجنوبية فيهو مواقف سيارات؟؟
| |
|
|
|
|
|
|
|
|
|
Re: ما هو سر لعب جميع مباريات الفريق القومي باستاد الهلال؟! (Re: عمر الفاروق)
|
على الأقل حركة العربات سلسة أكتر .. ما بالضرورة تكون مواقف زي الشايفها في استاد الملز جمبكم
بعدين ياخ الفريق القومي دا المفروض شوية الناس تعاين لمصلحتو .. الفكرة ما هلال ومريخ وانتصار للنادي الإنت بتشجعو يا عمر
ابدا والله .. الفكرة .. مراعاة لحضور أكبر عدد من المشجعين والمناصرين
الفكرة دعم ومؤازرة الفريق القومي باستاد يمتلئ بالحناجر الداوية والتشجيع المتواصل حتى ينتصر الفريق ويصعد اكثر في التصفيات الأفريقية أو العالمية
لكن نعمل شنو نحن لقصر النظر المصاحب (معظم) الرشاشات
بعدين ما أهو .. الفريق القومي بلعب في استادكم مننننن عرفنا الكورة عمل شنو ؟
أوووعا تقول لي صعد النهائي مرتين .. أوكي
* السؤال ساي كدا داير استوسق من الحتة دي الكلمة دي إنت ألفتها زي ما قال أخونا تمبس ؟
يعني من بنات أفكــارك ؟
| |
|
|
|
|
|
|
|
|
|
Re: ما هو سر لعب جميع مباريات الفريق القومي باستاد الهلال؟! (Re: محمد عمر جبريل)
|
| Quote: سلامات يا ريس وكيف حالك |
تحياتي اخي محمد عمر وحالي والحمد لله يغني عن سؤالي
لاتعول كثيرا علي تعليقي فهذه معلومة كما ذكرت سمعتها عند انشاء الاستادات ولا اذكر تفصيلها بالضبط
ولا يمنع هذا من لعب المباريات الدوليه في ستاد المريخ .. وايضا لا اذكر ان كان السودان قد لعب مباراة
رسمية بالمريخ ام لا .. وكثير من الملاعب المهمة بالعالم به نقص في الطول او زيادة في العرض بما يخل
بمطابقته للمقاييس الدولية .. ومع ذلك تجري به المباريات الدوليه
تحياتي
عمر علي حسن
| |
|
|
|
|
|
|
|
|
 Re: ما هو سر لعب جميع مباريات الفريق القومي باستاد الهلال؟! (Re: عمر الفاروق)
|
يا محمد عمر جبريل شكرا انو اتلاقينا تاني في السودان واشكرك على تكبد المشاق واردها ليك في حتة كويسة جدا
واهو ربنا ارد غربتي تدريجيا وشكرا للدعوات البوردية السمحة دي .
..
بالنسبة لي قصة الميدان دي .. انا ما عارف حساسيتكم عالية ليييه .. كدا كوصيفاب في كل ما يتعلق بالهلال ؟؟
يعني نحن كهلالاب والله ما عندنا اي مشكلة بتاعت اي حتة يلعب فيها الهلال .. لكن انتو ماشاء الله لما الهلال دا كان ما خسر اي مباراة في ملعبو ... إلا التعادل .. طلعتو لينا قصة الحمــــار .. المدفون ..
ولما هيثم مصطفى قبل كم سنة كان بوزرع فيها بالمنقلة والفيرنيه .. سودتو لينا البورد ضد هيثم ومن وقتها ولحدت الآن وشايف هيثم بقى عالمي .. يعني كور المنتخب تتحول لي استاد الهلال هيثم السبب .. كيلو الطماطم يبقى بي عشرين الف . هيثم .. عربية تنقلب في طريق مدني الخرطوم ... هيثم .. الكهربة تقطع . هيثم .. 
طبعا ما متذكر قلت ليك متين نجرات عمر الفاروق دي .. لكن اعتقد انو قبل كدا دخلت في جدل معاك او مع مريخابي متعصب في تمريرة بتاعت هيثم مصطفى لي بشــة .. قام بشة اتجهجه من التمريرة وما كان متوقع انو تكون بالطريقة دي .. وما كان من الرشيد الا وقال هيثم مصطفى (خلع) بشة بالباص دا .. وكان قبلها بي ايام عمر استخدم نفس العبارة بتاعت الخلعة دي .. يعني انا عملت هاي لايت على التعليق بس
بعدين بالمناسبة..
يعني وما تزعل مني .. عمر الفاروق كرياضي زول بتابع دار الرياضة امدرمان ودار الرياضة امدرمان فيهو تحاك كل القفشات الكروية والمصطلحات البتم توزيعه لعموم الرياضيين في السودان .. لانو ناس الدارا عميقين جدا  ودا طبعا ما بينقص من دور عمر في انو يخترع مصطلحات تتصدر من هنا لي الصحف الرياضية او المعلقين الرياضيين .. زي ما بيحصل كتير وبتتنقل مصطلحات من هنا يستخدمها الكثير من الصحفيين ..
اما من ناحية الميدان والاستاد .. فحسب معرفتي او كما عرفت سابقا انو الميدان القانوني جدا لاقامة المباريات وتتوفر فيه المقاييس العالمية من ناحية الملعب والتراك المحيط بيهو .. فهو استاد الموردة .. لكن انظر لحال استاد الموردة والحال فيهو .. يغنيك عن السؤال ..
بالنسبة لي في حضور المباريات .. ما حصل حضرت كورة واستمتعت بيها داخل السودان في اي من الاستادات .. فانا لي عادة بايخه جدا اني بحب اقعد خلف مرمى الخصم عشان اتابع الكورة وهي داخله الشبكة ..
استمتعت بمباريات كرة القدم داخل الاستاد فقك في استاد الملك فهد الدولي بالرياض السعودية .. فهو بخلاف انو تحفه معمارية فخمة جدا يمكنك من مشاهدة المباراة من اي زاوية انت فيها وكأنك داخل الميدان مع اللعيبة ..
الحاجة المهمة اني لعبت في جميع استادات العاصمة الهلال المريخ الموردة دار الرياضة إلخ .. وكل ميدان صادفتني فيه عيوب كلاعب .. جديرة بي انو تمنع ممارسة كرة القدم داخله
| |
|
|
|
|
|
|
|
|
|
Re: ما هو سر لعب جميع مباريات الفريق القومي باستاد الهلال؟! (Re: tmbis)
|
يا هلا يا تمبس ..
يا صديقي دا واجب والواجب لا أشكر عليه .. وحبابك في أي مكان وأي زمان ،
نحن حساسيتنا ما زايدة يا علاء لكن المنطق بقول - وبحياد تام - إنو استاد المريخ أفخم وأجمل وبستوعب عدد أكبر من الجمهور
مقارنة بأي استاد تاتي في السودان .. وكمان مشرّف أكتر لمن تشوفو في التلفزيون فـااااا ما عارف ليه الإصرار على لعب مبارايات الفريق القومي في استاد الهلال !!
والمصيبة الأكبر لو كان فعلا الحاجة دي بتتحدد بواسطة لاعب أو مدرب من غير مراعاة مصلحة الفريق القومي .. الما عندو وجيع دا ..
بصراحة ومن غير حساسية أنا أفتكر الموضوع دا عندو علاقة بالقروش .. أيوة .. الشرتيت الوااااحد دا
أي استاد تقام فيه مبارة أفتكر عندو نصيب من دخل المباراة ودا راجع للحال المايل في خزينة الهلال والشيكات الطايرة
وعدم حياد الاتحاد العام في التعامل مع الهلال والمريخ لا يتناطح عليه عنزان ودا في اعتقادي السبب الرئيسي في إنو مباريات الفريق القومي تكون حصرية في استاد الهلال
وكأن هناك إتفاقية لدعم خزينة الهلال عن طريق حصر جميع المباريات للفريق القومي لتلعب باستاده وإلا زي ما ذكرت بنفسك جميع الاستادات بها وعليها من الملاحظات
| |
|
|
|
|
|
|
|
|
|
Re: ما هو سر لعب جميع مباريات الفريق القومي باستاد الهلال؟! (Re: محمد عبد الماجد الصايم)
|
| Quote: البـــول فيهو بقـروش!! |
معقولة بس يا عمر انت ناقش موضوع (البلوز) دا وميت بيهو ؟؟
ياخ في ناس بيجو داخلين الاستاد دا (ماسكين نار ) .. وفي واحدين لما هيثم يضرب ليهو باص بيني لي سادومبا الواحد (بعمله) في كرعينو قبال ما يدفع .. يعني بعمله (بلاش )
زي ود الصايم الشايل قربتو دا .. والله بعمله ليكم في الاستاد حقاره ساكت وبيديكم شيك علي بياض
...
معقولة يا عمر جبريل بووول تقرحو فوقو الناس .. وعايزين يودو ليكم الكور الاستاد ...
وشابكني ميزانيتكم .. ونديكم شيك .. ونصلح ليكم نفسياتكم ..
اتاري ميزانيتكم تامنها بوووووول يا عمر
| |
|
|
|
|
|
|
|
|
|
Re: ما هو سر لعب جميع مباريات الفريق القومي باستاد الهلال؟! (Re: محمد عبد الماجد الصايم)
|
Quote: أها .. والنجيضة: أبيت أديهم (البـلوز) زاتو!
شلتو معاي لحدي شـارع الترعة في الحاج يوسف
قلت .. أسمّد واطاتنا أسـحن!! |
.. والله فعلا عمر بي كدا ليهو حق ..
ياخ دي حسادة عجيبة جدا ..
اسمع يا معلم ..
إنت بولته درجة اولى ولا مصاطب جانبية .. واللا مقصورة رئيسية ..؟
لانو واحد فردتنا حسسع دي قالي . بول .. لي بوول بفرق .. وكل ناس عندهم طريقة بول محددة وسعر محدد ..
غايتو يا عمر اعفي لينـا .. لكن موضوع البول دا اصلو ما بنخليهو ليك ..
تبولو ساااكت وما جايبين للدنيا خبر
| |
|
|
|
|
|
|
|
|
|
Re: ما هو سر لعب جميع مباريات الفريق القومي باستاد الهلال؟! (Re: tmbis)
|
Quote: شلتو معاي لحدي شـارع الترعة في الحاج يوسف
قلت .. أسمّد واطاتنا أسـحن!! |
.. القاليك منو البول بسمــد يا معلم .. البول فوقو نترات الصوديوم وثاني اكسيد المنجنيز وبرمنجانات البوتاسيوم .. وفوقو فوسفات برضو
اها ..
انت عايز تسمد بي شنو يا معلم ودا شنو الاشيلو معاك في كيس دا ..؟
انت (خرمته) في حتات تانية والا شنـو ..؟
شكلك دفعته حق حاجتين .. عشان كدا شلته عدتك معاك في كيسك ..
اه يا معفـن ..
| |
|
|
|
|
|
|
|
|
|
Re: ما هو سر لعب جميع مباريات الفريق القومي باستاد الهلال؟! (Re: tmbis)
|
والله يا علاء الموضوع أكبر من ميزانية المريخ ...
الموضوع أعلاه ظاهرة اجتاحت كل الجوامع في العاصمة .. وكمان قال ليك الموضوع بطرحوهو في مناقصة .. عطاء !!
تلقى الواحد فاتح مكتب أنيق جدا في قلب العاصمة وجايب سكرتيرة زي الفل .. وهو شغال (راسي عليهو عطاء نظافة حمامات الجامع الكبير)
لكن لو جيت متضايق شديد وما عندك حق الدخول ماااا بتوقفو معاك
بالذات في استاد المريخ .. لمن يكون الهلال مرشوش .. بتظهر حالات زي دي بصورة هستيرية شديد
فحركة إنو يدفّعو أي زول حق الدخول ما منطقية من ناحية إنسانية بحتة
| |
|
|
|
|
|
|
|
|
|
Re: ما هو سر لعب جميع مباريات الفريق القومي باستاد الهلال؟! (Re: عمر الفاروق)
|
| Quote: إنت إيفوسا لمن كان بيلعب في المريخ وزنقتو البولندا حرير فكاها وين؟؟؟ |
مسيحي لا يدخل مساجد المسلمين وباي ديفولت كدا لا يدخل الحمامات بمساجدهم :)
والله يا عمر موضوع شفتنتك ما ناكرينو لكن الحادثة أعلاه ما سمعت بيها قبل كدا والله
الحاجة التانية .. حتى الآن ما زول جاوب على السؤال .. ليه كل مباريات الفريق القومي بتتلعب في استاد الهلال
| |
|
|
|
|
|
|
|
|
|
Re: ما هو سر لعب جميع مباريات الفريق القومي باستاد الهلال؟! (Re: محمد عبد الماجد الصايم)
|
محمد يا عمر:
أول حاجة نتفق ..انا جاوبتك في أووول مداخلة مش؟؟
كونك ما قبلت إجابتي دي حاجة تانية لكن جاوبناك ..
وإجابات جادة والله ما إستهتار..
لكن وبما إنك ترفض الإجابات دي فده عندو معنى واااحد ..إنك عندك إجابة محددة عارفا وعليه ما كان في داعي تجي تسأل مش؟
بالنسبة لي حادثة إيفوسا فيا حبوب الراجل إتزنق اثناء التمرين ..فطوااالي مشى عمل رمية تماس وكده ..
بالمناسبة ولحدددي ما إتشطب من المريخ كان إسمو إيبولا ...:)
طبعا جبناهو الجامعة المجانية دي بعد داك وعلمناهو الزول مفروض يعمل شنو في الحالات دي..
| |
|
|
|
|
|
|
| |
محمد عمر جبريل
عمر الفاروق
عبد العظيم احمد
Hani Arabi Mohamed
tmbis
محمد عبد الماجد الصايم
محمد عبدالرحمن
فيس بوك
تويتر
انستقرام
يوتيوب
بنتيريست