كتب الكاتب الفاتح جبرا المتوفرة بمعرض الدوحة
|
|
 شهادة بحق قنصلية السودان بجدة
|
من لا يشكر الناس لايشكر الله
والله في ضابط جوازات جاء الصباح وفي موعده والحقيقة فان كل الموظفين على تمام الساعة 8 كانو متواجدين، الضابط دا قبل ما يقعد على الكرسي سلم علينا وبابتسامة كمان ودي حقيقة اول مرة تقابلني .
الاجراءات في صف ورقم ولو كانت اوراقك مكتملة فما عليك الا الانتظار لتسليم معاملتك وفي زمن قياسي.
شكراً لهم
الموضوع هذا بعيد عن السياسة يا جماعة ، ودي تجربتي معاهم في الاجراءات اما الحاجات التانية زي الجمعيات وغيرها فما عندي دخل فيها.
|
|
 
|
|
|
|
|
|
|
|
Re: شهادة بحق قنصلية السودان بجدة (Re: محمد عمر الفكي)
|
Quote: من لا يشكر الناس لايشكر الله
والله في ضابط جوازات جاء الصباح وفي موعده والحقيقة فان كل الموظفين على تمام الساعة 8 كانو متواجدين، الضابط دا قبل ما يقعد على الكرسي سلم علينا وبابتسامة كمان ودي حقيقة اول مرة تقابلني . |
فعلا من لا يشكر الناس لا يشكر الله
تحياتي ود الفكي
انت لو جيت الرياض تقول شنو
كلهم على قلب رجل واحد
في حسن الاستقبال وانجاز المعاملات
تشكراتي
| |
|
|
|
|
|
|
|
|
|
Re: شهادة بحق قنصلية السودان بجدة (Re: ود الباوقة)
|
اول حاجة مبروك زواج البنت يا شيخ عمر ، لانه ما قابلتك لما جيت الرياض ما قايلك عجوز للدرجة دي  فتحين ابعد من العرضات والصوقريات ما تقوم تجيب لك عاضرة في عضيم ضهر بعيد عنك لانه يوم واحد ما شفت لي زولاً كبير اتوك تتوكة زي دي وتاني نفع.
ياخي والله سلام الزول دا وابتسامته ريحني في حناني، اداني احساس انه بيحترمنا.
بعد ما خلصت قلت اشكره على سرعة انجاز اوراق اضافة المولود بس للاسف زميله اخبرني انه دخل مكتب جوة عنده فيه مراجعة اوراق.
| |
|
|
|
|
|
|
|
|
|
Re: شهادة بحق قنصلية السودان بجدة (Re: محمد عمر الفكي)
|
تعرف يا ود الباوقة الايحاء العفوي واللاشعوري الوارد في الكلمة دي هو المطلع زيت ابو اهل مخي , منذ فترة ليست بالقليلة بدأت الحظ واتلمس عبارات كثيرة مشابهة تقال لا شعوريا وضمنيا وعفويا من من ينتسبون الي المؤتمر الوطني , هذه الكلمات والايحاءات العفوية واللاشعورية مغذاها مثلما تحمل كلمة " تشكراتي" من مغذي في خلاصتها النهائية تعطي الاخر شعورا راسخا بان " الدولة " السودانية حقت المؤتمر الوطني , والدولة السودانية بكل مافيها ومن فيها امرا خاصا بالمؤتمر الوطني , حتي اني في يوم ليس بالبعيد وبالتحديد ايام تلك المظاهرات و "الجِمع" كنت اجادل واحاور احد القيادات الوسيطة من المنتسبين الي المؤتمر الوطني كان ان " عصرته" في الحوار والنقاش , فاذا بي افاجأ بان يحسم حواره معي بعبارة مشابه حينما قال لي " انتو مالكم ومالنا ومال السودان " طوالي قلت ليهو كيف مالنا ومالكم ومال السودان ؟ السودان دا ما حقنا كلنا , قام قال لي حقكم شنو ؟ لو كان حقكم كان قعدتوا فيهو واشتغلتوا معانا !! قلت ليهو دا منطق وطنية عجيب اول مرة اسمع بيهو والله . اها الاحساس المتعاظم بانه السودان يخص المؤتمر الوطني احساس منتشر وسطهم منذ سنوات وكل يوم في تعاظم وهو لعمري اعلي سقف قد تصل اليه الديكتاتورية اللاشعورية .
كما وانه يا ود الباوقة انت بتشكر الان ود الفكي علي عمل موظفين سودانين المفروض فيهم انهم ما عندهم علاقة بالمؤتمر الوطني حسب المفروض يكون طبعا في الحالات دي , بتشكروا علي ياتو اساس شكرك الشخصي دا ؟ هل هو شكر حاجة بتخص المؤتمر الوطني ولا بتخص ود الباوقة ولا بتخص عموم المواطن السوداني , وليه افترضت في ود الفكي انه باعجابه بموظفين السفارة الارسلوا لخدمته كمواطن سوداني في الخارج يستوجب تقديرك لها الاعجاب والثناء عليه شكرا شخصيا لانه حسب علمي انه مواطنتك ما اقوي من مواطنته ولا انت وزير الخارجية السودانية المسؤل من الموظفين ديل ولا السفارات السودانية موفدة من قبل المؤتمر الوطني بل موفدة من الدولة السودانية اي كان علي سلطتها
مافي حاجة شخصية يا عمر بس دي ملاحظة عامة ومثالك كان الانسب للتداخل
| |
|
|
|
|
|
|
|
|
Re: شهادة بحق قنصلية السودان بجدة (Re: اساسي)
|
يا السماني
منطلق شكري هو شكر لسرعة الخدمة والتنظيم والاحترام وليس اكثر، وبعدين يا السماني ثقافة انه الموظف واجب عليه ان يخدم المواطن دي بعيدة علينا كشعوب عربية لانه والله وانا الصباح دا بطلع في شهادة الميلاد في الاحوال المدنية، مواطن سعودي لفاها مع موظف سعودي وقال له انت قاعد هنا وبتاخد راتب لخدمتي وزيادة عليها انه انا عسكري فالموظف قال له (اقول لك ماني ماخذها وروح محل ما تروح!!!!!!) لذا احببت ان اشكرهم ليس بمنطلق انهم مؤتمر وطني ولا امة ولا غيرها من منطلقات سياسية لانه الموظفين القابلتهم ما بعرفهم ولا بعرف حتى اساميهم.
تحياتي يا السماني
| |
|
|
|
|
|
|
|
|
|
Re: شهادة بحق قنصلية السودان بجدة (Re: محمد عمر الفكي)
|
يا ود الفكي من لا يشكر الناس لا يشكر الله , اعجابك وشهادة حقك لحاجة سودانية مشرفة بترفع رؤسنا كلنا مافيهو كلام ولا قول , ودا المتوقع من الناس المحترمين
انا اتكلمت في جزئية تانية خالص
تقديري يا ود الفكي
| |
|
|
|
|
|
|
|
|
|
Re: شهادة بحق قنصلية السودان بجدة (Re: اساسي)
|
Quote: تعرف يا ود الباوقة الايحاء العفوي واللاشعوري الوارد في الكلمة دي هو المطلع زيت ابو اهل مخي , منذ فترة ليست بالقليلة بدأت الحظ واتلمس عبارات كثيرة مشابهة تقال لا شعوريا وضمنيا وعفويا من من ينتسبون الي المؤتمر الوطني , هذه الكلمات والايحاءات العفوية واللاشعورية مغذاها مثلما تحمل كلمة " تشكراتي" من مغذي في خلاصتها النهائية تعطي الاخر شعورا راسخا بان " الدولة " السودانية حقت المؤتمر الوطني , والدولة السودانية بكل مافيها ومن فيها امرا خاصا بالمؤتمر الوطني , حتي اني في يوم ليس بالبعيد وبالتحديد ايام تلك المظاهرات و "الجِمع" كنت اجادل واحاور احد القيادات الوسيطة من المنتسبين الي المؤتمر الوطني كان ان " عصرته" في الحوار والنقاش , فاذا بي افاجأ بان يحسم حواره معي بعبارة مشابه حينما قال لي " انتو مالكم ومالنا ومال السودان " طوالي قلت ليهو كيف مالنا ومالكم ومال السودان ؟ السودان دا ما حقنا كلنا , قام قال لي حقكم شنو ؟ لو كان حقكم كان قعدتوا فيهو واشتغلتوا معانا !! قلت ليهو دا منطق وطنية عجيب اول مرة اسمع بيهو والله . اها الاحساس المتعاظم بانه السودان يخص المؤتمر الوطني احساس منتشر وسطهم منذ سنوات وكل يوم في تعاظم وهو لعمري اعلي سقف قد تصل اليه الديكتاتورية اللاشعورية .
كما وانه يا ود الباوقة انت بتشكر الان ود الفكي علي عمل موظفين سودانين المفروض فيهم انهم ما عندهم علاقة بالمؤتمر الوطني حسب المفروض يكون طبعا في الحالات دي , بتشكروا علي ياتو اساس شكرك الشخصي دا ؟ هل هو شكر حاجة بتخص المؤتمر الوطني ولا بتخص ود الباوقة ولا بتخص عموم المواطن السوداني , وليه افترضت في ود الفكي انه باعجابه بموظفين السفارة الارسلوا لخدمته كمواطن سوداني في الخارج يستوجب تقديرك لها الاعجاب والثناء عليه شكرا شخصيا لانه حسب علمي انه مواطنتك ما اقوي من مواطنته ولا انت وزير الخارجية السودانية المسؤل من الموظفين ديل ولا السفارات السودانية موفدة من قبل المؤتمر الوطني بل موفدة من الدولة السودانية اي كان علي سلطتها
مافي حاجة شخصية يا عمر بس دي ملاحظة عامة ومثالك كان الانسب للتداخل |
الكبير كبير يا صاحبي .
عبرت عني .
..................................................................................حجر.
| |
|
|
|
|
|
|
|
|
|
Re: شهادة بحق قنصلية السودان بجدة (Re: الرفاعي عبدالعاطي حجر)
|
Quote: انت لو جيت الرياض تقول شنو
كلهم على قلب رجل واحد |
أخي ود الباوقة, أكيد إنت لو مشيت حيستقبلوك إستقبال الفاتحين. أنا زرت سفارة الرياض مرة واحدة, وجدت معاملة لا غبار عليها, ولكل قاعدة شواذ, والله في واحد تعامل معاي تعامل بطريقة سيئة كدت أن ارد عليه بأسلوب أسوء من أسلوبه, لكن فضلت أن أقول حسبي الله ونعم الوكيل, وضبط أعصابي ونفسي تقديرا للمعاملة الطيبة التي تلقيتها من بقية أعضاء السفارة.
مشكلتنا الحقيقية أن علاقاتنا الشخصية تلعب دور كبيرا في القيام بأي إجراء سوى كان في مؤسسة حكومية أو خاصة والواسطة دائما تلعب دورا أساسيا, كمان نعير أهتمام خاص للأجانب والغرباء في معاملاتنا عكس مانعيره لأبناء جلدتنا. وهذا لا يمنع في تواجد ناس فاهمين وممتازين ويفهمون معنى التعامل الراقي كما ورد في هذا البوست, ونشكر صاحب البوست على الإشارة والإشادة بهذا النوع الجميل من التعامل.
لكم ودي وتقديري ودمت فخرا لوطننا الحبيب
| |
|
|
|
|
|
|
|
|
|
Re: شهادة بحق قنصلية السودان بجدة (Re: الرفاعي عبدالعاطي حجر)
|
أما أنا...فلا..
لم تعبر عني..
فريق العمل "مؤتمر وطني" في الغالب..
ود الباوقة يشكر محمد عمر الفكي لأنه قال كلمة شكر في "أداء"
فريق العمل ذاك... اللي هو بالضرورة "مؤتمر وطني" في الغالب..
وممكن عشان ترتاح في "كنكوجك" على قول عمر الفاروق،
تقلب الوجه الآخر للعملة...
واحد قاعد يلعن ويسب في الحكومة لأنه فريق العمل
اللي هو "مؤتمر وطني" في الغالب ،،
لم يقدم له الخدمة بالمستوى المطلوب أو حتى لم يقدمها من أساسو...
يجي ود الباوقة - ومن منطلق أنصر أخاك -...يشبكو ليك "أركز" وانعدل
وممكن يصل معاهو لمستويات زي أقيف كويس يا أفزر..ههههههه
..عادي موش؟؟؟؟.....
محمد عمر الفكي...نرجو أن نبلغ شكرنا لفريق العمل
"عبرك" وليس عبر ود الباوقة اللي هو تبع ناس الرياض..
كدا كيف؟؟؟؟
تحياتي لكم جميعاً..
..
قال "عبرت عني" قال...
| |
|
|
|
|
|
|
|
|
|
Re: شهادة بحق قنصلية السودان بجدة (Re: Mahmoud Mustafa Mahmoud)
|
الســلام عليك صاحب البوست والزوار الكــرام ...
Quote: والله في ضابط جوازات جاء الصباح وفي موعده والحقيقة فان كل الموظفين على تمام الساعة 8 كانو متواجدين، الضابط دا قبل ما يقعد على الكرسي سلم علينا وبابتسامة كمان ودي حقيقة اول مرة تقابلني .
الاجراءات في صف ورقم ولو كانت اوراقك مكتملة فما عليك الا الانتظار لتسليم معاملتك وفي زمن قياسي |
هذا هو الإسلوب الذي يجب أن يتبع في أي إدارة خدمية خاصة بالجمهور ..
وهذا ما تشير إليه نظم الجــودة الشاملة الحديثة وتهتم به ..
والتي حدثنا بها أعظم خلق الله أجمعين المصطفى الأمين عليه أفضل الصلوات وأتم التسليم
" إن الله يحب إذا عمل أحدكم عمـــلاً أن يتقنه "
فالتحية لك أخي محمد..
| |
|
|
|
|
|
|
|
|
|
Re: شهادة بحق قنصلية السودان بجدة (Re: جمال السنوسي)
|
الأخ محمد عمر
التحية لكل موظف سوداني يحترم المواطن و يقدم له الخدمة بالمستوى المطلوب.
شخصيا وجدت معاملة راقية و خدمة جيدة جدا بقنصلية السودان بجدة و ذلك خلال انجاز معاملتين تخصني ، التحية لهم من خلال هذا البوست.
| |
|
|
|
|
|
|
| |
محمد عمر الفكي
اساسي
الرفاعي عبدالعاطي حجر
aosman
Mahmoud Mustafa Mahmoud
جمال السنوسي
الحاج حمد الحاج
ادم شحوتاي
فيس بوك
تويتر
انستقرام
يوتيوب
بنتيريست