|
كتب الكاتب الفاتح جبرا المتوفرة بمعرض الدوحة
|
|
 Re: عشرات البورد ،، وانا حالف ألأ اشوف اخرتا ،،، (Re: علي دفع الله)
|
عرفنا كل النشطاء في الاسافير طرشوا مداد يغطي عين الشمس عن الفساد والمفسدين في عهد الانقاذ،،
يعني من كثرة ترديد هذه الكلمة والصاقها بكل من هو منتمي لهذا الكيان الرخو المترهل اصبح هذا المصطلح عاااااااااادي،،
لا بل اصبح المفسدون نجوم مجتمع ،، ولهم حضور ، وذلك منذ فترة التأسيس والتسويق لهؤلاء المفسدون اثناء مرحلة التمكين ،،
يعني فساد مؤصل ،،،
ما دام هذا هو الحال عن الفساد الذي اصبح لا تخطيه عين ومعروف عن الاشخاص والمؤسسات ،،
اذن ما فائدة تناوله والكتابة عنه ،،
عشان كدى لجئا كثير من اعضاء البورد للهروب الى لوائح العشرة ،،كسرا للجمود وهروبا عن الاحباط في الساحة السياسية،،
ونواصل رحلة الهروب الى العشرات ،،
| |
 
|
|
|
|
|
|
|
|
Re: عشرات البورد ،، وانا حالف ألأ اشوف اخرتا ،،، (Re: علي دفع الله)
|
في بداية شهر يونيو مرورا بيوليو بدأت بشائر ثورة ،،
والكل في حالة ترقب وانتظار لما هو اتي ،،
تفاءل المتافئلون بعشم التغيير وقفل صفحة السنين العجاف تحت نيران تتار العصر كيزان العدم ،،
واصاب النظام الرعب وظهر رئيس نظام المؤتمر يهزوا ويشتم في خطابه البائس المعروف اعلاميا بخطاب شذاذ الافاق ،،
فرحنا بصحوة ابو الشعوب ،
كتبنا و دعمنا وتابعنا باحترام كل من خرج ومن سيخرج ،،
وفجاءة اصابهم الخفوت ،، برغم الجوع وهدر الكرامة الساكن سنين ،،
دا الشعب السوداني المعلم قاهر الطغاة ؟؟؟
في حاجة غلط ،،،
وبداء الاحباط يغشى الاشراف الاحرار
والتفاؤل يعم لصوص الزمن الاغبر،،
وكان لابد للهروب للوائح العشرة ،،،
ونواصل رحلة الهروب الى العشرات ،،،
| |
|
|
|
|
|
|
|
|
|
Re: عشرات البورد ،، وانا حالف ألأ اشوف اخرتا ،،، (Re: علي دفع الله)
|
عقدان ونيف من القتل والتشريد والنزوح والهجرة ،،،،
واصبحت الحروب العدمية تصنع لفك ازمة نزول ثيرموتر القبول لدى المواطن المغشوش ،،،
لا يهم كم من يفقد في هذه الحروب واصبح المواطن رقم وللتلميع يضاف اليه لقب شهيد ،،
ومهزلة هجليج ليست ببعيدة عن الازهان ،،
دارفور تذبح
وكل الهامش مستباح ،،
في المركز الناس يثورون ،، ويخرجون الى الشارع ،، ردة الفعل اعتقال او تفريق بالغاز المسيل للدموع ،،
وفي الهامش يطلق الرصاص الحي وينتهي المشهد بضحايا
في نيالا 12 روح ازهقت
كما في الروصيرص 4 شهداء
انسان الهامش عميل وطابور خامس وابن جزمة ،،،،
اصبح الموت والاعتقال والتشريد خبر عابر ،،
يتناولوه كل نشطاء الاسافير بجرعات مكثفة ،،
وفي نهاية المطاف ،، يصبح الشهيد او المعتقل صورة بروفايل لاحدى النشطاء ،،،
تنتهي موجة القتل وينتهي بنا المطاف الى السكون والخفوت والترقب لأنتظار موت قادم ،،
وفي تلك الاثناء يلجاء النشطاء الى اخراج قوائم العشرات ،،
وفي المقابل عشرات اخرى من مطبلي النظام ،،
ما فيش حد احسن من حد كلها تهدف الى الهروب
ويتواصل الهروب الى قوائم العشرات ،،،،
| |
|
|
|
|
|
|
|
|
|
Re: عشرات البورد ،، وانا حالف ألأ اشوف اخرتا ،،، (Re: علي دفع الله)
|
| Quote: ويتواصل الهروب الى قوائم العشرات ،،،، |
في البدء مرحب بك ايها الثائر علي دفع الله ...........مرحب بك وانت تنتقد هذه الهزائم ، وهذا الهروب نحو عالم التسلية والذي جعل المخربون الفاسدون يستحلون توهاننا في عالم الجن والسحر وتهافت التشجيع الكروى الباهت ......والتدين الكروي الجديد .....
ثم تتالت الهزائم والنكسات لتصيبنا حمي الهوس العشري الماثل .
شكرا لك واتابع
وساتابع رغم المشاغل
| |
|
|
|
|
|
|
|
|
|
Re: عشرات البورد ،، وانا حالف ألأ اشوف اخرتا ،،، (Re: ibrahim alnimma)
|
ابراهيم النعمة يا فارع ،،،
الوضع الكائن ممل وبقود للاحباط ،، لكن المؤمن بحتمية التغيير لا يحبط ، والعندو احساس القيادة لا يمل ولا يحبط ،، وشعاره دائما التواجد الرصد التخطيط،،
ولابد المناداة بسقوط الازمنة والامكنة لضمان نجاح الثورة وديموتها (ما رأيناه في تحديد الجمع والامكنة كانت عاملا سلبيا في نجاح بداية ثورتنا ) ،،
ولكن الهروب من الاحباط بالفوازير وفقاعية الطرح اسواء من الانقياد في جوغة السلطان ،،
سنواصل الهروب الى العشرات ،، وزي ما قلت انا حالف الا اشوف اخرتا ،،
احترامي يا انسان
| |
|
|
|
|
|
|
|
|
|
Re: عشرات البورد ،، وانا حالف ألأ اشوف اخرتا ،،، (Re: علي دفع الله)
|
المناصير يعتصمون ،،،
اعتصام سلمي ولكنه انتشر عبر الميديا والاسافير،،
وقلنا دي البداية وحلمنا بميادين التحرير سوف تنتشر في الشرق والغرب والوسط والجنوب،،
لانو وجعة المناصير اقل وقعا وألما من وجع الباقيين،، وامكانية تعويض نخيلهم واراضيهم مقدرو عليها لان نزوحهم ما خارج الحدود،،
وايضا ارقام شهداؤهم في كجبار بسيطة ولو اننا بنؤمن بأن تعذيب الانسان من الكبائر،، فما بالك بقتله ،
ولكن في عهد التتار الاف من الموتى لا تساوي عندهم شيء ،،
وكما اعترف رأس النظام في قناة الجزيرة (بأن شهداء دارفور عشرة الف بس) ،
انفض السامر في خيم المناصير ،، بعد الترضيات والتعويضات ،، وبلعنا لساننا وكسرنا قلمنا ،،نسينا حلمنا الذي سوف يقاد من تلكم الميادين،،
وهربنا تاني الى لوائح العشرات ،،،
ونسينا ان تراكم الاحداث ممكن يقود الى الانفجار،،
لكن بخجل وهروب لابد ان نتسلى ونهرب الى تلك القوائم العشرية ،،
ونواصل ،،،
| |
|
|
|
|
|
|
|
|
|
Re: عشرات البورد ،، وانا حالف ألأ اشوف اخرتا ،،، (Re: تيسير عووضة)
|
تيسير مرحب بيك او بيكي
لان ماشي مع الجندرين،،
اقوم بنمرة عشرة ولا بنمرة خمسمية انا حر ،،،،،،،،،،
ومن حقي امارس تواجدي بقدر ما استطيع من المشاركات ،،،واصلي ما ختيت في راسي القى اي تجاوب لاني برلوم ،،،
ومن حقك تقول لي برلوم او تتريق علي دي اصلها ما مشكلة ،،
في النهاية انا جيت هنا عشان اوصل حاجات انا حاسة بيها ومهموم بيه ومؤمن بيها ،،،
تلقى تجاوب اهلا وسهلا
ما تلقى مية اهلا وسهلا ،،
وماشين في السكة ،، وفي كل ركن بنقيف وبنرمي شمعة عشان نتش عين الضلام بالضؤ
لاني شعاري في الحياة (ان توقد شمعة خير ان تلعن الظلام)
وفوق لي دا يا سنير يا معتق سعيد بمداخلتك الخشنة
| |
|
|
|
|
|
|
|
|
|
Re: عشرات البورد ،، وانا حالف ألأ اشوف اخرتا ،،، (Re: علي دفع الله)
|
Quote: تيسير مرحب بيك او بيكي
لان ماشي مع الجندرين،،
اقوم بنمرة عشرة ولا بنمرة خمسمية انا حر ،،،،،،،،،، (1)
ومن حقي امارس تواجدي بقدر ما استطيع من المشاركات ،،،(2) واصلي ما ختيت في راسي القى اي تجاوب لاني برلوم ،،،
ومن حقك تقول لي برلوم او تتريق علي دي اصلها ما مشكلة ،،
في النهاية انا جيت هنا عشان اوصل حاجات انا حاسة بيها ومهموم بيه ومؤمن بيها ،،،
تلقى تجاوب اهلا وسهلا
ما تلقى مية اهلا وسهلا ،،
وماشين في السكة ،، وفي كل ركن بنقيف وبنرمي شمعة عشان نتش عين الضلام بالضؤ
لاني شعاري في الحياة (ان توقد شمعة خير ان تلعن الظلام) (3) و(4)
وفوق لي دا يا سنير يا معتق سعيد بمداخلتك الخشنة |
1. لا ما حر تصدق !
لما في غمرة قومتك بي نمرة عشرة دي تكون شايل قلمك الأحمر وقاعد تصحح في البوستات دا هروب ودا فقاعية تبقى نهائي ما حر ..
2. من حقك تمارس تواجدك بقدر ما تستطيع من المشاركات على ألا يكون نصف مشاركاتك دي "أو يزيد" تريقة وتنظير من قولة زي ما قاعد تعمل في البوست دا ..
3. عين الضلام دي ممكن جداً تتشا بدون ما نطقش لينا ناس تانيين أو نعفص ليهم رجلينهم بحجة "الظلام" !
4. بالمناسبة، أنت حالياً تلعن الظلام وتلعن من تعتقد أنهم قد تسببوا فيه (وبي حالتك دي الله العليم تكون من واقدي الشموع  )
تنويه:
مداخلتي السابقة ليست خشنة والحالية برضو أظن!
دي مجرد فرامل لكبح قيادتك الهوجاء هذه ..
ومرحب يا زميل
| |
|
|
|
|
|
|
|
|
Re: عشرات البورد ،، وانا حالف ألأ اشوف اخرتا ،،، (Re: تيسير عووضة)
|
تاني رجعت ليك يا تيسير
انا حر ونص وخمسة ، لاني لم اهاتر او اسيء لاي شخص ،
ومن حقي انتقد اي شيء مطروح في هذا البورد
وانت ما من حقك تضع خطوط حمراء اكتب شنو او ما كتب ما دام انا لم امس لائحة البورد
اما بخصوص قيادتي الهوجاء دا رايك وانت حر فيه تكون هوجاء تفحيط اي وصف توصفو ما بمثل لي اي حاجة
لكن انا شايف نفسي مرتب حاجاتي وعارف بعمل في شنو
ختاما نتمنى انو ما تمارسوا علينا القهر وتحديد مسارات للكتابة
وحتة انك انت قديم في المنبر دي انابحترمها وجينا بالباب ليس خلسة ورمينا السلام وفي ناس رحبوا يبقى كدى عدانا العيب
ولا كان منتظرين ناخد منك خطة طريق عشان نلتزم بيها ونمشي عليها
ختاما اتمنى ان تكون عنصر ايجابي لكل جديد لانو الجديد مع القديم بوصل لنهاية الطريق
وفوق لي دا كلو
كامل احترامي يا زميل
| |
|
|
|
|
|
|
|
|
|
Re: عشرات البورد ،، وانا حالف ألأ اشوف اخرتا ،،، (Re: عبد اللطيف بكري أحمد)
|
Quote: أحلق شنبي نص لو الزول دا ماكان هنا قبال كدا!!
يازول قول بسم الله!! ههههههه |
يا لطيف ..
Quote: وشكلك لم تتوقع أن تكون المُخاشنة (كما وصفتها) من أنثى ...
الأخت تيسير أنثى وليست ذكر ...
ــــــــ
وليس الذكر كالأنثي |
أنثى في عينك
أنا هنا امرأة
أنثى دي في بيوتنا ولمن بداخلها
في المنابر وأماكن العمل والدراسة امرأة
حيث الرجل = المرأة
(هسي يجيك صبري طه المابيغباني ويقول: وما الفرق بين الأنثى والمرأة؟ )
يا زميل ..
Quote: انا حر ونص وخمسة ، لاني لم اهاتر او اسيء لاي شخص ،
ومن حقي انتقد اي شيء مطروح في هذا البورد
وانت ما من حقك تضع خطوط حمراء اكتب شنو او ما كتب ما دام انا لم امس لائحة البورد
اما بخصوص قيادتي الهوجاء دا رايك وانت حر فيه تكون هوجاء تفحيط اي وصف توصفو ما بمثل لي اي حاجة
لكن انا شايف نفسي مرتب حاجاتي وعارف بعمل في شنو |
لأ هاترت وأسئت لي كوم بتاع أشخاص
ومن حقك تنتقد
لكن ما من حقك تحدد ياتو بوستات فقاعية وياتا المليانة مالم تمس هذه البوستات لائحة البورد يا قولك
| Quote: ختاما نتمنى انو ما تمارسوا علينا القهر وتحديد مسارات للكتابة |
الكلام دا اقنع بيهو روحك أول وطبقو على روحك بعدين تعال أملانا نقة وتنظير وحقوق أقليات
شابك ليك الناس من قولة تيت فقاعية الطرح والهروب والتسلية ويشيل ويحدد للناس يقيفوا وين ويكتبوا شنو ويقول ما هاترتا
يازول خليك في حالك وحال القضية السامية الجاي عشانا لو إنت فعلاً جاد بشأنها
واصل قتالك ولا تشغل نفسك بمن هربوا من المعركة "يا قولك"
مين عارف .. يمكن يجي النصر يكون على يدك !
| |
|
|
|
|
|
|
|
|
|
Re: عشرات البورد ،، وانا حالف ألأ اشوف اخرتا ،،، (Re: تيسير عووضة)
|
Quote: الكلام دا اقنع بيهو روحك أول وطبقو على روحك بعدين تعال أملانا نقة وتنظير وحقوق أقليات
|
غايتو عالم فلاحتها في البرالمة بس!!
ههههههه
=====
إلى الزميل : لا تأخذنك بهم شفقة ، مردغ ظهروهم بسياط من لهب كل من فتح بوستاً للعشرة أو
ذكر من ضمن العشرة ،،
عليكم بهم فإنهم دونك قد تخطونا في كل عشراتهم وأعاقونا بعثراتهم وهزأونا أيما تهزيء!!
عليك بهم ونحن عضد من لا عضد له ، فأنا بإسمي ونيابة عن (البدون) أعدك بصرة من دنانير الذهب
وقنطارين من الحنطة أوالشعير أيها تعينك على المسير ، ولك أن تبدأ بتيسير الله بمن شئت
فهم في الجرم سواسية !!
=========
سؤال قبل الإنطلاقة :
إنت زعلان منهم مالك؟؟ أحنا المفروض ياخ ننفقع بالتجاهل حقهم دا!!!
=======
عليك الله (بنهظر معاك ساي) خليك رئيف بكل عبد لطيف!!
دا كلو كوم وعشرة ود مساعد كوم تاني هههههه
| |
|
|
|
|
|
|
|
|
|
Re: عشرات البورد ،، وانا حالف ألأ اشوف اخرتا ،،، (Re: صبري طه)
|
الاخ صبري طه
الاخ عبد اللطيف
سعيد بتواجدكم وترحابكم ،
الاخت تيسير
حيلك شوية ، انتقد اي شيء مطروح في هذا البورد وبقولها ليك للمرة المليار ما تعملي وصية على الاسافير المفتوحة ،
انا اتناولت الموضوع البراه مناسب واكتب فيه ، شايفك مصرة على الفوقية بتاعنك دي ،يا ريت تختي الكورة واطة بدل التعالي الانتي فيه دا،
في ناس في البورد انتقدوا القراءن كلام الله ، خلي حتة بوستات لي فيها رأي ،
انتي مالك مجقلبة كدى ، خليك كول وخلينا نكمل الفكرة بدل المتاريس البتعملي فيها دي ،
اقول فقاعية هوائية فاضبة اوصف زي ما اوصف دا من وجهة نظري ، انا على ثقة في ناس بتفقوا معاي وفي ناس بختلفوا وفي كل الاحوال انا دا اصلو ما بضايقني ، ولكني ما يؤلم هو تحديد المسارات وقلم الرقيب والخطوط الحمراء،
اكتبي انتقدي اوصفيني زي ما تريدي بس لا تحجري علي ولا تضعي لي خطوط حمراء او اكتب في دا وما تكتب في دا
ويا ريت نبداء بداياتنا بصورة حميمية ، وانا لمن جيت هنا ما جيت ازعل او يزعل مني اي واحد بقدر ما استعطت ،
اتمناك بخير مع كامل الاحترام
البرلوم / علي دفع الله
| |
|
|
|
|
|
|
|
|
|
Re: عشرات البورد ،، وانا حالف ألأ اشوف اخرتا ،،، (Re: ود الباوقة)
|
تحياتي للذين مروا ،، رحبوا او اضافوا او هاتروا
وبجيكم واحد واحد
لكن اكثر ما المني مداخلة ود الباوقة البائسة لكن ليس بعد الكوزنة عيب
اما البقية لهم الشكر ولو عندي حبة دهشةمن كلام حافظ انقابو العامل فيها انطون اسافير وعامل فيها دمو خفيف برجع ليك
وتاكدوا لا زال البوست يحبو ومصيرو يكتمل ويمشي ، لان فكرة البوست ضد الهروب فلابد من المواصلة ،
فلا تشفقوا علي سأواصل برغم المتاريس
احترامي ومودتي
| |
|
|
|
|
|
|
|
|
|
Re: عشرات البورد ،، وانا حالف ألأ اشوف اخرتا ،،، (Re: منال)
|
مرحبتين الاخ/علي
تحية طيبة
غايتو نقتكم انت والاستاذة تيسير دي انا مافهمت منهااية حاجة
هوشنو بالضبط ..انتو الاتنين بتمارسوا في نفس الشئ
انت بتنتقد سلوك ..وده حقك
وهي بتنتقد سلوكك وده برضو حقها
وسيدالحنك او المنطق يكسب .. طالماكلاكما ملتزمان بحدود ادب
الاختلاف ومافي شئ شخصي....
لكن انا معاك ومزعجاني جدا حكاية شهادة الميلاد
البقى يطلعها المنبر دي..
ياريت تواصل في طرحك ...
ما نطلع من يومنا ده كيت
| |
|
|
|
|
|
|
|
|
|
Re: عشرات البورد ،، وانا حالف ألأ اشوف اخرتا ،،، (Re: osama fadlalla)
|
وانا بقرا في البوست دا .. طوالي اتخيلت .. عارفين اتخيلت شنو؟؟؟
اتخيلت انو لمن يجيك ضيف في البيت .. تقعدوا في الصالون
وتجيب ليهو موية .. وتتتونس معاهو حبة حبتين .. وتقوم
تمشي عشان تجيب ليهو بارد او قهوة.. تجي تلقاهو شغل
التلفزيون وولع كل اللمبات وشغل المسجل وقلع هدوموا
وراقد في الكنبة وبقلب في القنوات بالريموت ..
ومرات تلقاه استغل التلفون الثابت في مكالمة طويلة يمكن
دوليه ولمن تجي يقول ليك خفض صوت التلفزيون ..
____________
مع انو لي نصف عام او زيادة شوية هنا
برحب بيك ايما ترحيب وابقى داخل يا عمك
لكن براحتك لانك خشيت وفكيت الباب ضرب
ضربة شديدة صحت ليك تايسا وحبيب كل الجكس
غايتو انشاء الله يكون مهداوي وقيقراوي مافشين
اتمنى لك بوست موفق
وامنياتي لك بعدم البلع
حاول تكسب الناس
وخليك ناعم شوية معاهم
صدقني الناس الخشو ليك ديل
اجدع ناس في البورد دا
ما تلاويهم
| |
|
|
|
|
|
|
|
|
|
Re: عشرات البورد ،، وانا حالف ألأ اشوف اخرتا ،،، (Re: ود الباوقة)
|
لست ادري لماذا تاخذ الناس هذا الموقع كانو صالون خاصتهم "انقابو" هذا الموقع له لوائح وله قوانين تحكمه ....وربما ولجه شخص له تجارب جمة في الحوار كحالة اخونا علي دفع ، وقد يلجه شخص اكثر خبراته في النت هي تصفح الايميل .......ولو بالغ خالص بيكون عندو شوية اصحاب كروين في الفيس بوك .
الاخ علي واضح انو زول مكرب جداً لغوياً وموضوعياً وكمان تتسم كل مداخلته بالثقة العالية في نفسه "self awareness and self actualization وتبدو هذه العلامات واضحة في اصراره علي معرفة ماذا يود ان يقول .......فلماذا التطاول بخاصية التواجد السابق له في المنتدى ."السنيرة"......فحسب ما اعتقد انه كاتب في سودانيز اون لاين ولكن في صفحة المقالات .......فهونو علي انفسكم شوية والرجل ابدى استعداد لمناقشة افكاره ورؤاه ........فالرجاء ان تتركو حكاية برلمته هذه جانباً .............وتصوبو اقلامكم نحو افكاره فهذا اجدى لكم ولنا وله ولجميع القراء
| |
|
|
|
|
|
|
|
|
|
Re: عشرات البورد ،، وانا حالف ألأ اشوف اخرتا ،،، (Re: ibrahim alnimma)
|
للرجل طرح وروي يود توصيلها وهذا حقة ومن اجل هذا سعي للحصول علي حق الكتابة بالمنبر العام
أتفهم سبب خلعة الكثيرون
ولكن للرجل ما يود ان يقوله فدعوة وشأنه
حبيب نوره قلت جريت علي المكتبة( big like ) والله دي ما سبقك عليها زول
توقع اتصالي قريب عشان نخلص القديم الإتفقنا علية مع تقديري
| |
|
|
|
|
|
|
|
|
|
Re: عشرات البورد ،، وانا حالف ألأ اشوف اخرتا ،،، (Re: قاسم المهداوى)
|
الأخ علي دفع الله
تحياتي وبعد
يا أخوي كل سنير وقدامو سنير.. الأقدمية وحدها لاتعني شئيا مالم تقترن بالقدرةعلي العطاء والإثراء ، إحترام الآخر والأيمان بمبدأ الرأي والرأي الآخر وحرية التعبير المنضبطة.. عندنا في العلوم السياسية -والعلوم الإدارية مبدأ -غ########ة-إسمه seniority vs merit - أيهما أفضل ومقدم علي الآخر? وفي رأي وفي هذا المقام- العطاء والكفاءة الفكرية ونصاعة الحجة مقدم علي ماسواه.. أطرح ما عندك ومارس حقك في الإختلاف والإتفاق مع ما يكتب من دون شخصنة أو تجريح لأحد فلا أحد هنا يمتلك حصانة ولا كتابة فوق النقد وفعلا بعض مظاهر الهوجة العشرية تستدعي النقد - ورب بورديا له من العمر الإسفيري عشر سنوات - مثلا -ولم نراه الإنافخ كير يحرق الثياب وينتن الأجواء ورب بورادبي لم يتعدي عمره المنبر سوي بضعة أشهر كان فيها حامل مسك ونسمة أمل ورسول إنسانية وصاحب قضية نقي ...
| |
|
|
|
|
|
|
|
|
|
Re: عشرات البورد ،، وانا حالف ألأ اشوف اخرتا ،،، (Re: قاسم المهداوى)
|
| Quote: غايتو انشاء الله يكون مهداوي وقيقراوي مافشين |
لا وحياتك يا انقا قاعديييييييييييييين ليوم الدين
(هل تعلم نحن والاخ قيقيا رااااوى مواليد منطقة واحدة اوليس فى هذه المصادفة (دى ) وتلك الميلاد اقصوصة )
دا من باب التعارف العام للاخ صاحب البوست ،،، ولا كـــــيف يا حبيب نورة ؟؟؟
ثم ماذا بعد :
يا جماعة ادونا معاكم فرقة ندلى فيها بدلونا ربما ناتى من هذا الجب الساحق العمق بشى قد يروى بعض العطاشا هنا !!!
برضو ولا كــــــــــيف ؟؟
قلت لى حالف تشوف آخرة السناريو ؟؟؟ مع منو ؟؟؟ ولى شنو ؟؟؟ وفى شنو ؟؟؟
اقول ليك حاجة
انتا لجان ثورية لا سمح الله ( الكتاب الاخضر ) ليه ؟؟؟ لانو قذافى قال ما يذكرو اسماء اللاعبين فقط الارقام ،، النمر يعنى ؟؟
وانت النمر بتعمل ليك حساسية ( الارقام ) يبقى نفهم شنو ؟؟؟ معكوس قذافى شكلا ومضمونا يساوى ايضا قذافى
حابب اسلم عليك فى الاول واقول ليك مرحبا بيك هنا فى هذا الحوش الاسمو المنبر العام
والانسان قلنا حر فى التعبير والتعبد والاعتقاد والاعتناق ولا عندك وجهة نظر اخرى فى الحريات ال 18 ديل ؟؟؟ دا سؤال
فى شكل موزة
ايضا حتى نعود
واحد من اصحاب بوستات ال 10
قاسم المهداوى
| |
|
|
|
|
|
|
|
|
|
Re: عشرات البورد ،، وانا حالف ألأ اشوف اخرتا ،،، (Re: ماضي ابو العزائم)
|
سلام حار لكل الناس ومرحب يا على
يا جماعة ويا رهط القدماء خليكم فير (شنو يا بت عووضة انت زاتك قايمة بى نمرة عشرة )
اتذكروا انو معظم القادمين الجدد هم من المتابعين لسودانيز اولاين دى يمكن بيتصفحهوها كل يوم
وبعرفوا اولها من اخرها وكل ناسها وشللياتها... يعنى لما يجيهم الباسووورد بيكونوا بقوا من القدماء
الاخ على لغته و دفترتو للباب هو حر فيها
زى ما قال ...
اربأ بكم ان تحرفوا مسار بوستو الاول يااااخ
يا حبيبها لنورا هو قيقا هيمسلف و معه اخوه الكاشف ودالمشرف هيمسلف برضو ما عندو مكتبة
خلى مطاعنتك للبرلوم ... ما ااابتشبهك
ادو الزول فرصة
وبعدين لو صنيتو شوية واضح انو على معارض وعشموا فى سوانيز ودورها كبير ( مع تحفظات منى ده ما مكانها هسه)
وده تحليلو لموضوع بوستات العشرة
فى ناس كتيرة محبطة من حالة تذبذب "المد الثورى" الحاصله
خلو بالكم طويل شوية يا معارضة على ده ممكن يكون اضافة للصفوف
يعنى معقول انتو وود الباوقة فى خندق وااااحد :)
يعدين يا انقابو يا اخوى حقو يعنى شوية كدى تتذكر زنقاتك
الاولى والحالية والقادمة والقبل يومين
يعنى مافى داعى تشرب الاخ على من نفس الكاس بى زاتو بى صفاتو
والا شنو؟؟؟
الشىء شنو جامعة الخرطوم؟؟!!!...
| |
|
|
|
|
|
|
|
|
|
Re: عشرات البورد ،، وانا حالف ألأ اشوف اخرتا ،،، (Re: Siham Elmugammar)
|
Quote: سلام حار لكل الناس ومرحب يا على
يا جماعة ويا رهط القدماء خليكم فير (شنو يا بت عووضة انت زاتك قايمة بى نمرة عشرة )
اتذكروا انو معظم القادمين الجدد هم من المتابعين لسودانيز اولاين دى يمكن بيتصفحهوها كل يوم
وبعرفوا اولها من اخرها وكل ناسها وشللياتها... يعنى لما يجيهم الباسووورد بيكونوا بقوا من القدماء
الاخ على لغته و دفترتو للباب هو حر فيها
زى ما قال ...
اربأ بكم ان تحرفوا مسار بوستو الاول يااااخ
يا حبيبها لنورا هو قيقا هيمسلف و معه اخوه الكاشف ودالمشرف هيمسلف برضو ما عندو مكتبة
خلى مطاعنتك للبرلوم ... ما ااابتشبهك
ادو الزول فرصة
وبعدين لو صنيتو شوية واضح انو على معارض وعشموا فى سوانيز ودورها كبير ( مع تحفظات منى ده ما مكانها هسه)
وده تحليلو لموضوع بوستات العشرة
فى ناس كتيرة محبطة من حالة تذبذب "المد الثورى" الحاصله
خلو بالكم طويل شوية يا معارضة على ده ممكن يكون اضافة للصفوف
يعنى معقول انتو وود الباوقة فى خندق وااااحد :)
يعدين يا انقابو يا اخوى حقو يعنى شوية كدى تتذكر زنقاتك
الاولى والحالية والقادمة والقبل يومين
يعنى مافى داعى تشرب الاخ على من نفس الكاس بى زاتو بى صفاتو
والا شنو؟؟؟
الشىء شنو جامعة الخرطوم؟؟!!!... |
يا سهام المجمر
ازيك ياخ
قالوا النصيحة بتعدم الصاحب يا أختي
والله صحي ()
عجبتني حكاية حافظ انقابو دي
وعشان كدا لايكتها بيني وبين نفســـي
| |
|
|
|
|
|
|
|
|
|
Re: عشرات البورد ،، وانا حالف ألأ اشوف اخرتا ،،، (Re: حواء سليمان ابراهيم)
|
الاخ فرحان الزعلان ولو متضايق خلاص فرحان الفرحان ( على دفع الله )
لا يصح ان تتركنا وهذا البوست فى العراء كان الاجدى مراعاة فروق التوقيت
ومتابعة البوست سيما وانفعالات الفرح والزعل التى تعتريك حتى تتمكن من
تش عين الضلام بالضوء كما ذكرت ( فى زمتك لو ما غناها مصطفى كنت
عرفتها ؟؟؟؟؟؟
ثم ماذا ؟؟
1/
| Quote: وانا والعشرة والزمن طويل ،، |
شكلنا حننجلد فى طابور الصباح وعلية واجب الحيطة والحزر
ثم منو القال القيامة اول امس اعنى الجمعة الفاتت دى ما اصلا
الزمن طويل يا طويل العمر انتا
2/
| Quote: عشان كدى لجئا كثير من اعضاء البورد للهروب الى لوائح العشرة ،،كسرا للجمود وهروبا عن الاحباط في الساحة السياسية،، |
ومالو مش قالو الحرب كر وفر ولا انتا عايز كل الناس وطوال الوقت كر فقط يا سيدى فى حاجة اسمها استراحة محارب ومحاولة الخروج
من الازمة تتطلب شيئا من الفرفشة وانفشاش ورمة الغضبة الاولى فى اى شىء ولو فى ال 10 تلك الارقام التى لا تريد حتى يعاد تعبئة حزان
الوقود من جديد وبشكل محتلف عما سبق ،،، ولا كــــــــــــيف
3/
| Quote: ،، لكن المؤمن بحتمية التغيير لا يحبط ، والعندو احساس القيادة لا يمل ولا يحبط ،، وشعاره دائما التواجد الرصد التخطيط،، |
الاحباط احساس شخصى وشعور خاص اذ ليس من المعقول ان تصادر حتى احاسيسنا ومشاعرنا وقسرا ان لا نحبط ولا نمل ولو للحظة
ياخ تخ وبخ بخ بخ بخ بخ بخ بخ الخ مش فوق قلت ليك رغم انك فى الارقام معكوس قذافى الا انك جد تساوى قذافى تكعيب
4/
| Quote: ولكن الهروب من الاحباط بالفوازير وفقاعية الطرح اسواء من الانقياد في جوغة السلطان ،، |
لا والله ما شوية خالص لاكين !!! ولد دا ،،، عليك الرب امشى اشترى ليك سوط عنج وتعال اجلدنا بيهو
كدا سؤال مكرر ماذا تعنى مفردة حريه التعبير ؟؟؟ فتش ليك فى ال10 ديل بوست واحد خارج عن اطار الادب العام ؟
فعلا حتتش عين الضلام بالضوء !!!!!!
5/
| Quote: ولا كان منتظرين ناخد منك خطة طريق عشان نلتزم بيها ونمشي عليها |
يافرحان الفرحان البتعمل فيهو دا خارطة عديل لطريقة الكتابه فى المنبر بتحدد للناس تكتب فى شنو
وما تكتب فى شنو ،، ما يحس الفرد منهم باى احباط ولا يشعر باى الم و يستحمو بدون شامبو الخ
الخ ، يا عمك زى ما من حقك تكتب ايضا للاخرين ذات الحق فى الكتابه على ان لا تخرج عن اطار
الادب العام ودى اسمها حرية التعبير وليس التعيير ( راجع مفهوم حرية التعبير ) بل اعد كويس
ــــ
اقول ليك ماشى انوم ويمكن اسبوع ما اعود ليك ويمكن فجأة تلقانى فى وشك زى (فاتورة التيلفون )
ذكرنا فاتورة التيلفون لانها دوما محبطة وكمان جدا
وايضا حتى نعود
قاسم المهداوى
| |
|
|
|
|
|
|
|
|
|
Re: عشرات البورد ،، وانا حالف ألأ اشوف اخرتا ،،، (Re: قاسم المهداوى)
|
على ياعلى ,, ذكرتنى اول ماجيت هنا جديدة لاقيت هجوم عنيف من الجنسين وما زلت
اهم شئ القناعة بالكلمة البنكتبه والثقة بالنفس ,, والكلام المابعجبك تجليهو طوالى
ــــــــــــــــــــــــــــــــــــــــــ
شرشبيل رجع تانى شكلك يا اكتوبر حتكون مطره سااااااااى وجو اوربى , لوووووووووولز
| |
|
|
|
|
|
|
|
|
|
Re: عشرات البورد ،، وانا حالف ألأ اشوف اخرتا ،،، (Re: منال)
|
صباح جديد استاذة منال
الشى بالشى يذكر ونتعامل مع الاخرين بذات التقدير والاحترام
والتوقير حقيقى ما بكش ساكت ،، وعن طيب خاطر
| Quote: شايفاك خصيتنى بالرد مرتين |
فق ترتيب المداخلات كنت انا قبل الاخير وانت اخر مداخلة قبيل
حضور الاخرين ،،، مما يعنى ان الحكى والسرد موجه لمداخلتى الاخيرة
الفيها قد (لا يعجب ) على الزعلان هكذا فهمت المقصد وقد اكون مخطىء فى تقديرى
وربما يجانبنى الصواب كل حسب رؤيته لمضمون المداخلة والسياق العام للموضوع
ولا كــــــــــــيف ؟؟؟
| Quote: مداخلتى كانت موجهة لأستاذ على ولحظة كتابتها لم تخطر ببالى لا انت ولا غيرك |
ربما وما يستوجب على هو الاستشفاف وليس الغوص فى ضمائر الناس والبحث ما خلف الصدور
عموما اذا انت منزعجة بالامكان محو المداخلات وها انا افعل ايضا عن طيب خاطر ودون اى بكش
ومكرر العزر
قاسم المهداوى
| |
|
|
|
|
|
|
|
|
|
Re: عشرات البورد ،، وانا حالف ألأ اشوف اخرتا ،،، (Re: علي دفع الله)
|
قبل اكثر من عام وبعد انقضاض كتائب النظام على جنوب كردفان والنيل الازرق وفض الشراكة بين المؤتمر اللاوطني والحركة الشعبية قطاع الشمال والتي انتهت بأحتلال تلكم المنطقتين ،، تبنى الثوار الهامش جبهة ثورية مسلحة عرفت بكاودا ،، فرحنا ايما فرح ليس بأيماننا بالعمل المسلح ولكن لقفل كل خطوط التلاقي مع نظام المؤتمر وتصريحهم على الملاء بأنه من اراد اقتلاع هذا النظام (ان يقوي ضراعو كما قالها حرفيا نافع الما نافع)،،
وقفنا في خندق واحد بكل امالنا ونرسمنا احلام عراض ، وقلنا كما قالها الزعيم الراحل عبد الناصر ( ما اخذ بالقوة لا يسترد الا بالقوة)،
توالت الهزائم في عقر دار الجبهة الثورية،،،
هللوا القتلة وصلوا على جماجم الاطفال والنساء في الكرمك في يوم العيد احتفالا بالنصر ،،
تصريحات هنا واخرى هناك ، من قادة الجبهة وقالوا وطمنوا كل من دعمهم بأن المرحلة الاتية مرحلتهم ، وهي حرب العصابات وسوف يلقنوا القتلة دروسا ،،
ومرت الايام والشهور ،،
اهالي الهامش ازدادوا نزوحا وقتلا وفقرا ،،
واهل النظام ازدادوا منعة وفرحا ،
وكل من تفائل وفرح وكتب وهلل وتمنى انزوى في انتظار بارقة اخرى كي يعودالى توازنه ،،
منهم من اختفى
ومنهم من هرب الى لوائح العشرات ،،
ونواصل ،،
| |
|
|
|
|
|
|
|
|
 Re: عشرات البورد ،، وانا حالف ألأ اشوف اخرتا ،،، (Re: قاسم المهداوى)
|
Quote:
هل هنالك صلة بالطريقة التي يفكر -يأكل - يلبس- يكتب-يحترم - يسئ- بها الشخص ومدي أقدميته أو جدته لسودانيز أون لاين |
ابراهيم حسين
اولا مرحب بيك
ثانيا بالتأكيد ليست هناك ادني علاقة بين الاثنين ولكن فيما أظن ان ( رأي شخصي ) الناس استغربت او استنكرت وهذا حقهم ان تكون اول مداخلات زميل جديد هي شجب طريقة تناولهم او نوعية الطرح وأحد الزملاء أوردها بجلاء ان ما بخطة علي دفع الله ليس الا خارطة طريق او وصاية او علي الاقل استنكار لما يكتب
علي دفع الله يبدو انه مستاء او محبط او هو يظن ( وهو بالتأكيد ) إثم في تفكيره ان رساله هذا المنبر هي فقط المعارضة او إسقاط نظام الإنقاذ علما ان هناك اعضاء مبلغ همهم في الرياضة وآخرين الإبداع الأدبي ونعم هناك الكثيرين في السياسة ولكن تظل الحقيقة وهي ان البورد عبارة عن سبورة يكتب فيها اي عضو ما شاء وعن له ولك حق التعليق والقراءة والنقد ولك أيضاً الحق في عدم المداخلة وعدم فتح بوستات اي شخص ولكن ليس عليك ان تعترض علي موضوع البوست نفسة من حيث الفكرة الا ان كانت تمس العقيدة او سباب للآخرين .
قبل سنوات افترعت بوستا اطلب فيه المساعدة حيث كانت لدي مشكله وهي في رأي كانت مشكله المشاكل حيث عجزت عائلتي عن السفر من السودان لعدم وجود حجز وكانت تأشيرة سفرهم علي وشك الانتهاء وهي مشكله اتحلت بان بادرت احدي الأخوات من اعضاء المنبر الكريمات وشمرت عن ساعد الجد وحلت الموضوع وفي نفس الوقت رزق الاخ محمد عبد الجليل وهو انسان اقل ما يوصف به انه ود بلد وجدع وفتح بوست يشارك فئة زملائه فرحته هل تصدق ان احد الأعضاء فتح بوست وأشار لهذين البوستين بانهم فارغين ومضيعة للوقت وحبر اهرق وليس من حق الاعضاء كتابة امثال هذة البوستات . بعد ان كتب ما كتب من سخف وبعد سنين طلب احد الزملاء المساعدة في الحصول علي دواء فبادر الزميل المخطرف هذا نفسة وأبدي الرغبة في المساعدة وهو ليس كيل بمكيالين فقط ولكنه عبط ######ف ولم أضيع الفرصة وأرسلت له إيميل أوضح له وجه نظري رغبة مني في عدم إثارة مثل هذة المشكلات علي صفحات المنبر العام وهل تصدق ان هذا الشخص رد علي بأنني مريض نفسيا ( أنا الطلعت مريض وليس هو )
ارجو ان اكون قد ابنت
| |
|
|
|
|
|
|
|
|
|
Re: عشرات البورد ،، وانا حالف ألأ اشوف اخرتا ،،، (Re: الزبير صالح الزبير)
|
الاخ الكريم الزبير
شكرا علي الترحيب
- ان لم يكن الاخ علي قد اثار نقطة بوستات العشرة كنت سأقوم باثارتها لانه من غير المعقول افتراع عدد من البوستات هكذا وبدون معايير.
- كيف يقاس النفوذ قليله او كثيره اسفيرا للرجال والنساء ؟
- كيف تقاس الرخرخة في هذا الفضاء الوسيع؟
- علي اساس حددت الشلاقة؟
- ولماذا الرقم عشرة بالذات؟ هل اختيار العشرة مبني علي رواسب وتصفية حساب؟
- ان هذة البوستات تعبر عن ركود بالمنبر اذا لم تكن لها المبررات التي ساقتها
- العشرة الكضابين بالمنبر- كيف يتم تحديد الكذب اذا كان الشخص مهكر او من الاصل بنت سجلت بسودانيز علي انها ولد او العكس
- بعض اصحاب السبق علي اساس اقتناء الباسورد ولم يهاجهم أحد .
- وأعيد سؤالي :هل هنالك صلة بالطريقة التي يفكر -يأكل - يلبس- يكتب-يحترم - يسئ- بها الشخص ومدي أقدميته أو جدته لسودانيز أون لاين ؟
عضو جديد خالص..نرجو الترحيييب
| |
|
|
|
|
|
|
|
|
|
Re: عشرات البورد ،، وانا حالف ألأ اشوف اخرتا ،،، (Re: ابراهيم حسين)
|
الاخ الكريم الزبير
شكرا علي الترحيب
- ان لم يكن الاخ علي قد اثار نقطة بوستات العشرة كنت سأقوم باثارتها لانه من غير المعقول افتراع عدد من البوستات هكذا وبدون معايير.
- كيف يقاس النفوذ قليله او كثيره اسفيرا للرجال والنساء ؟
- كيف تقاس الرخرخة في هذا الفضاء الوسيع؟
- علي اساس حددت الشلاقة؟
- ولماذا الرقم عشرة بالذات؟ هل اختيار العشرة مبني علي رواسب وتصفية حساب؟
- ان هذة البوستات تعبر عن ركود بالمنبر اذا لم تكن لها المبررات التي ساقتها
- العشرة الكضابين بالمنبر- كيف يتم تحديد الكذب اذا كان الشخص مهكر او من الاصل بنت سجلت بسودانيز علي انها ولد او العكس
- بعض اصحاب السبق علي اساس اقتناء الباسورد هاجموا بوستات العشرة ولم يهاجهم أحد بهذة الضراوة وحدتها اول اقل .
- وأعيد سؤالي :هل هنالك صلة بالطريقة التي يفكر -يأكل - يلبس- يكتب-يحترم - يسئ- بها الشخص ومدي أقدميته أو جدته لسودانيز أون لاين ؟
عضو جديد خالص..نرجو الترحيييب
| |
|
|
|
|
|
|
|
|
|
Re: عشرات البورد ،، وانا حالف ألأ اشوف اخرتا ،،، (Re: ابراهيم حسين)
|
الاستاذ الزبير صالح
سعيد جدا بتواصلك عبر كلامك الانيق ،، لكن يا سيدي انا شايف ظاهرة وهي ظاهرة العشرات ، ومن وجهة نظري عندي فيها رأي وبكل شجاعة جيت طرحته ،، وهذا ليس حجرا علي كل من اراد ان يطرح وجهة نظره ، وبكامل حريته ولكن توقع ان تجد شخص لم يرق له الطرح ودا عادي ،،
اما حتة كل الوقت يكون الطرح لاسقاط النظام اتمنى ذلك ، ولكن لا اعيب على من يكتب في الرياضة والفنون والاجتماعيات وفي كلو ،وانا على يقين احيانا بنحتاج لبوست بتاع مساطيل ونكات وفرفشة لانو دي الطبيعة البشرية ،،عموما اخي الزبير صدقني ما كنت اتمنى هذه البداية بس المقادير وهطتني وسطكم بهذه البداية البائسة يا ريت تقبلوها بي علاتها ،،
الاستاذ هاطف مكاوي ،
كمية وافرة من السعادة من حروفك وبيكم بتم المشوار ،،
الاستاذ الرائع محمد ابو الريش ،،
تحياتي وعميق مودتي لمرورك الرزين ،، وبيكم نسند ونتاتي ،،
خارج النص ،
لي زميل رائع في منتدى مجاور اسمو ابو الريش ، يعني بي هناك ابو الريش وكمان هنا ،،
مودتي لكم جميعا ،،
| |
|
|
|
|
|
|
|
|
|
Re: عشرات البورد ،، وانا حالف ألأ اشوف اخرتا ،،، (Re: ابراهيم حسين)
|
| Quote: علي اساس حددت الشلاقة؟ |
على هذا الاساس وانت كابراهيم حسن نموزج توضيحى للشلاقة
| Quote: ان لم يكن الاخ علي قد اثار نقطة بوستات العشرة كنت سأقوم باثارتها لانه من غير المعقول افتراع عدد من البوستات هكذا وبدون معايير |
بكرى ابو بكر عين كم هائل من المراقبين ـــ
حرية التعبير يا مراقب ؟ نستاذنك فى فتح بوست ممكن ؟؟؟
ارجو اختيار عنوان البوست ومضمون الموضوع
مع خالص شكرى وتقدرى
فى انتظار ردكم
قاسم المهداوى
مفروض تانى نعمل كدا يعنى
ــــــ
قاسم المهداوى
خارج النص
الاعضاء الجدد ديل ما عندهم موضوع غير كراهية الرقم 10
طيب نخلى العدد7 ولا 3 ؟؟؟؟
| |
|
|
|
|
|
|
|
|
|
Re: عشرات البورد ،، وانا حالف ألأ اشوف اخرتا ،،، (Re: ابراهيم حسين)
|
الخواء الحقيقي لمن تتخيل إنو واحدة من ركائز الطرح بتاع الزول القدامك "مافي" شكل الطرح حيكون عامل كيف؟
يعنى الزميل دا لو كان جا قبل الموجة العشرية دي مثلاً، كان حا يتدرع في رقبة منو عشان يحملو مسؤولية الحال المايل دا؟
موضوع السنيرة والبرلمة وعدد المداخلات دا كلو كان هزار الزميل إعتبرو خشن وأخدو جد
أها الهيلمانة الجات بعدو دي كلها مع شنو؟
بس أوعى تقولوا لي مع حرية التعبير 
| |
|
|
|
|
|
|
|
|
|
Re: عشرات البورد ،، وانا حالف ألأ اشوف اخرتا ،،، (Re: تيسير عووضة)
|
| Quote: موضوع السنيرة والبرلمة وعدد المداخلات دا كلو كان هزار الزميل إعتبرو خشن وأخدو جد |
والله يا تيسير موضوع السنيرة والبرلمة وعدد المداخلات ما اعتبرتو اي حاجة حتى ما رديت عليكي فيه ، بس رديت ليك في جزئية انو انا كيف اتناول مواضيع العشرة ،، وذكرت ليك انو انا بتناول اي حاجة تروق لي ،،
ولكن تأكدي هنا المكان ليس للزعل والحردان ،، هنا اخذ ورد وتلاقح رؤى وافكار ،،
نختلف صحيح لكن العشم في حبل مودة طوييييييييييل يربطنا عشان نكمل ،،
وانتي ما الزولة البعيدة ولا الغريبة في حاجاتي بس الاختلاف سطحي وليس عميق ،،
وفوق لي دا كلو تتصوري بسعد جدا لمن القاك متواجدة ،،
عميق المودة والاحترام يا اصيلة
| |
|
|
|
|
|
|
|
|
|
Re: عشرات البورد ،، وانا حالف ألأ اشوف اخرتا ،،، (Re: حواء سليمان ابراهيم)
|
مرحب بك يا علي دفع الله ومنور المنبر
ويبدو اننا كسبنا صوتا اصيلا منحاز للشعب.
ما تنزعج ما بوستات العشره بس هنالك الكثير الفارغ
بس ما تحزن هنالك الكثير الجاد ايضا وفي صميم قضايا الشعب.
واغلبهم ديل بيمازحوك فلا تهتم.
واصل فكرتك الممتازه....بالذات اذا انت من ناس الداخل ستعبر عن قطاعات كثيره مغيب صوتها من هنا.
| |
|
|
|
|
|
|
|
|
|
Re: عشرات البورد ،، وانا حالف ألأ اشوف اخرتا ،،، (Re: علي دفع الله)
|
انفض السامر بين شمال الوطن وجنوبه في موكب جنائزي حزين ابطاله اسلاميو النكسة ودعاة العنصرية البغيضة ،،
شعب الجنوب قرر وصوت بنسبة كبيرة للانفصال ،،
قبل فترات الانفصال النظام اطلق شعار هلامي كما شعاراته البائسة التي ازكم بها انوفنا كالمشروع الحضاري وتزكية المجتمع واسلمة المعرفة وبقية الخربطة واللوث المصطلحاتي ،،هذا الشعار الذي طرحه بعد اتفاقية نيفاشا سماه الوحدة الجاذبة ،،
هو يطرح الوحدة الجاذبة وصقور حزبه يكونوا منبر عنصري بغيض
يعني كلما بهرجوا في قنواتهم البائسة بهذا الشعار ،، تفرد الانتكاسة( انتباهة) عناوين طاردة ومحرضة،،
في نهاية المطاف انشطر الوطن ،، وكانت لحظات فرح هستيري لابناء الجنوب ، ووجوم ودهشة غضب من ابناء الشمال الموجوعين اصحاب القناعة التامة بأننا شعب سوداني وبس ،،
بعدها ظهروا الاسلاميون على حقيقتهم في خطبة القضارف المشئومة وحينما قال رئيس دولة المؤتمر (الان حصحص الحق نحن شعب عربي مسلم )،،
وبداء الاستفراد ومزيدا من الاقصاء (نطاق الزنجية كما يتوهم المستعربين هو الخطر القادم ) وبدات الوطن مزيدا من النزيف والفتيق ،،
في هذه الفترة اثبتت الطائفية وكل اليمين انهم صورة مستنسحة من هؤلاء الاسلاميون ،، سال لعابهم للسلطة لخلو بعض الوظائف الدستورية والبرلمانية ،،
وبدأ النظام الترويج لحكومته البائرة ،، اخيرا استسلم الهرمان (الصادق / الميرغني) وكان اشبال الطائفية هم طوق نجاة وعبور لاول حكومة وطنية حسب زعمهم ( ولكن لا هي وطنية ولا حكومة ) هي محاصصة وترقيع لنظام مترهل فاسد اقصائي اصغر من ان يقود وطن ،،
في كل هذه التجازبات كنا نعلو نهبط ونتمسك باي خيط للنجاة ووسط هذا الجو الضبابي كنا نتفاءل ونتفاعل بتحرك الشارع او تقدم الجبهة الثورية ،، وعندما تصل النحصلة نقطة الصفر او بداية البداية نجدهم ثانية يلجؤون لابتكار محطات للهروب المؤقت ،،
وفي هذه الاثناء نرى نشطاء الاسافير يهربون رويدا رويدا الى وجائعهم الى محطات مؤقتة ،، وهنا في هذا البورد اراهم يهربون الى قوائم العشرة،،
ونواصل ،،،
| |
|
|
|
|
|
|
|
|
|
Re: عشرات البورد ،، وانا حالف ألأ اشوف اخرتا ،،، (Re: الزبير صالح الزبير)
|
اخونا علي سلام
بدايه 100% لكن يحكي في قديم الزمان والعهده علي الراوي انو في المدارس
كان لما يجي الفصل واحد جديد وشاطر كان ناس (اربعه منو)* بنتفو ريشو في نهايه
اليوم الدراسي لا لشئ الا لانو ود شاطر ومجضمه..فياخد الفيهو النصيب
* اربعه منو=هم شباب الكنبه الاخير بكون ليهم 7 سنوات في نفس الفصل.
| |
|
|
|
|
|
|
|
|
|
Re: عشرات البورد ،، وانا حالف ألأ اشوف اخرتا ،،، (Re: الزبير صالح الزبير)
|
Quote: اتفق مع كلام قاسم مهداوي تماماً فلن نأخذ الأذن
يا اخي الزبير صدقني انت بتصنع في معركة من غير معترك ،، انا لم احجر ولم اقل اكتبوا هذا لا تكتبوا تلك انا اتناولتت ظاهرة طرح وابديت فيها رأي ، واظن دا حقي
ومنو البياخد الاذن بالطبع ؟؟ حسب كلامك مفروض الجديد يكون عندو محاذير ولا يهبش حق الكبار ،،
( أنا حالف أشوف اخرتا ) طوالي بيجيني تفكير انه انت منو عشان تحلف او لا تحلف خصوصا أنا لا أعرفك شخصيا والثاني ودة الأهم أنا لم أقراء لك من قبل ( يعني حتي اسفيريا لا اعرفك ) ولا اعرف طريقة تفكيرك وموضوعية او سخف كتاباتك فحتي الشخص الذي لم تلتقية في الواقع وتعرفه اسفيريا قد تقبل منه النقد بحكم سابق طرحه لأنك عندها ستحكم بناء علي سوابق معلومة لديك)
انا زول بسيط ونكرة بس عندي رأي ،هو الطفل بيولد ماشي،لابد من مراحل تطور يمر بيها وانا في مرحلة التطور يا ريت ايدكم معاي
ختاما يا استاذ الزبير الاسافير ليست سودانيز اون لاين فقط انا متواجد من زماااان ،،
مودتي واحترامي |
| |
|
|
|
|
|
|
|
|
|
Re: عشرات البورد ،، وانا حالف ألأ اشوف اخرتا ،،، (Re: علي دفع الله)
|
Quote: رايك شنو في الاتجاسر لدرجة طلب شطب اي بوست في عشرة من المنبر (العام) ,, ؤ بدم باااااارد!!
كدا بقى ما منبر عام ولا حاجة
|
دا تعليق بتاع زميل في بوست مجاور على ما كتبته هنا في هذا البوست ،، بصراحة شيء محزن ومقرف ومربك لكل جديد وان يأخذ حذره ووالا يقرب ما خطه هؤلاء الكبار والا تتجاسر ان تقترب منه،، يعني ممكن تكتب وتنتقد القراءن الكريم في هذا البورد ، ولكن حذرك ان تتجاسر وتقترب من هذه الوثائق المخطوطة من كبار القوم ،،دا اولا ،
ثانيا على حسب ما اورد العضو الكبير ذكر انه انا طالبت بشطب البوستات اتمنى يحاول يشوف البوست من تحت لي فوق ويشوف هل اوردت ما يفيد تلميحا او بيانا اطالب بشطب البوستات ،، وحتى ولو طالبت بذلك هل هذا تجاسر ،، والله جنس تعالى ،،،
Quote:
اغرب حاجة قال كدا نحنا بناخرو من اسقاط النظام
هو منو القال ليو نحنا جينا هنا عشان نسقط النظام دا؟
|
ودي برضو فيها نوع من التريقة السمجة ،، متى قلت انكم بتأخروني عن اسقاط النظام ، طريقة تهكمية مقرفة ،،
اما حتة انت ما داير تسقط النظام دي انت حر فيها ،، انشاء تمشي وتحارب في صفوفه انت حر ،اما عن نفسي من اول يوم لهذا النظام كل عشمي ان اكون مشارك بأي شيء في اسقاطه واخفائه لأن هذا النظام عار على كل حر وشريف بقائه واضعف الايمان ان نوصل صوتنا متى واينما وجدنا وسائط لذلك ،،
تأكد حا نتكلم في لمة عرس لمة طهور لمة عزاء تمرين كورة
في جامع في كنيسة في انداية في الشارع
في اي مكان سوف نظل نسعى بكل ما اوتينا من قوة ان نوصل رسائل مفادها التوعية وضروة الايمان بمبداء الثورة والتغيير ،فما بالكم عندما نجد موقع مقرؤ كما هذا الموقع ،
ونربي ابناؤنا من بعدنا ان يكون هدفهم هو عدم الخنوع والاستكانة وترك الوضع للقدر ،،
وهذه هي واحدة من تعليم اولادنا من صغرهم الوقوف في وجه الظلم
http://www.youtube.com/watch?v=0mRf3qtRj0M
ونحن نعلم قوة ونفاذ هذه الوسائط والاسافير في هز كبرياء هذا النظام الكرتوني بدليل حجبها داخل السودان ،،
Quote: نص الناس الهنا دي جابا الدرب ساااي يا اخي
ونحنا شخصياً -ان وجدت- جايين ساكين لي كيس
|
اي درب بنقدر نوصل فيه رسائل حبابو ، حتى لو كيس مدردقو الهوى وبقدر يحمل اهاتنا بنجري وراه ،،
ختاما نتمنى ان تكون التعليقات على اي موضوع من غير حساسية وفوقية ،كل له هدفه من دخول المنتدى والكل حر فيما يطرح ولكن لابد من احترام من ينتقد اي طرح سواء كان هذا المنتقد جديدا او عضو قديم
وفوق لي دا كلو كامل الاحترام لكل من انتقد او شجع او حتى اصابنا بعنفه اللفظي
مودتي
| |
|
|
|
|
|
|
|
|
|
Re: عشرات البورد ،، وانا حالف ألأ اشوف اخرتا ،،، (Re: علي دفع الله)
|
23 عاما والمواطن هروب عبر المطارات والمواني وقوارب العدم وصحاري الموت وعلى ابواب اسرائيل واستجداء المنظمات الاجنبية بحلم الوصول الى ارض اليانكي ،، كل احلامنا اضحت بعقد عمل مهما كانت الوظيفة في ارض
الخليج ،، وهؤلاء الاغراب كيزان السجم يلاحقونك في غربتك ابتزازا واتاوات ،، وعند التفكير للرجوع الى ارض الوطن تتمنى الف مرة قسوة الغربة وقرفها من تحرش هؤلاء المرابين عند عودتك الى ارض الوطن كما انك غريب او زائر ،،
عند الاحساس بالغبن المتراكم يفقدك لبعض حين احساس الانتماء للوطن ،، ولكن سنقولها ونرددها ان هذا الوطن هو لكل منتمي اليه من اي جهة ليس حكرا لتجار دين متسلطين في عزلة من امرهم همهم سحتهم وقتلهم وتزويرهم لمقدرات الوطن وكذبهم وافكهم باسم الدين ،،
اهدروا كرامتنا داخل وخارج الوطن ولاحقونا في كل افجاجها ولكن حان الان قبل غدا اشعال ذاكرتنا وجعلها تدور في كل نواحيهم تسجيلا وتذكيرا لهذه المظالم لان وقت الحساب قد دنى ،،
نتمنى ان ان تكون الذاكرة متقدة ،، لا نريد انعاشها بحراك او ببشريات ثورة ، لأن حتمية التغيير اتية لا محالة ،،،
نعلم جيدا لكل متبني لخط الايمان بالوقوف في وجه الجلاد تمر عليه لحظات احباط عابرة ، سواء كان في الداخل او الخارج ، ولكن نتمنى ان تكون لحظات عابرة ،، ولحظات لتجديد النشاط وليست لحظات خلق ممرات امنة للهروب المؤقتي ،،
ونواصل،،،
| |
|
|
|
|
|
|
|
|
|
Re: عشرات البورد ،، وانا حالف ألأ اشوف اخرتا ،،، (Re: علي دفع الله)
|
العنوان العريض في دولة المؤتمر الوطني هو المــوت
اما ان تموت من الحروب
او بالمرض
او بالنزوح والبحث عن اكل العيش
هذه ليست نظرة تشاؤمية ،
الحرب لا زالت تحصد العشرات في الهامش
اما ما تبقى من ارجاء الوطن فالمواطن يموت بشكل يومي من:-
الملاريا
فقر الدم
وبصورة مزعجة واصبحت ظاهرة مرض السرطان المنتشر بصورته المرعبة في الجزيرة والشمالية ،
ولا زالت امراض القرن الخامس عشر تنتشر يصورة مرعبة في الشرق امثال الدرن
ولكن اكثر ما هالني وارعبني هو الانتشار الكبير لمرض السرطان في السودان ،
ولن نجد اي تنويه من قبل قنوات المؤتمر الوطني او صحفه الصفراء
ولا حتى في الاسافير والتي فيها براح لتناول هذه الظاهرة ،
ليتنا نرى مساحات لهذا المرض اللعين ،
في جمهورية مصر وحتى في عهد الظلم لم يدفن النشطاء والمثقفين رأسهم في الرمال ،
وفتوا ابواب عراض في القنوات والصحف ومواقع التواصل الاجتماعي للوقوف لهذا الداء المهلك ،
نريد ان نرمي حجرا في بركة السكون والخفوت الرسمي ،
المجاعة عندهم فجوة غذائية
القتل عندهم جهاد
المرض عندهم ابتلاء ويجب التسليم به الا اذا هبش لحمهم الحي
الاقصاء عندهم تمكين
والبتتدرق بيه طيارة شهيد ويظل اعلامهم البائس يجبرنا على ساعات بث اجبارية لمتابعة جهاداتهم التي لم نسمع بها الا بعد موتهم،
نريد ان نجعل من كل حرف نكتبه يكتب فاصل حياة لاجيالنا ، ونجنبهم المرض والموت ،
ونواصل ،،
| |
|
|
|
|
|
|
| |
علي دفع الله
ibrahim alnimma
تيسير عووضة
حبيب نورة
osama fadlalla
حافظ انقابو
الزبير صالح الزبير
الامين موسى البشاري
قاسم المهداوى
كمال عباس
ماضي ابو العزائم
Siham Elmugammar
حواء سليمان ابراهيم
محمد إبراهيم علي
عاطف مكاوى
محمد أبوالعزائم أبوالريش
Tragie Mustafa
البشير دفع الله
Abuelgasim Mohamed
فيس بوك
تويتر
انستقرام
يوتيوب
بنتيريست