التناقض الذي يعيشه بنو ( شوعان ) تناقض مريع .. فالشيوعية انتهت وماتت في بلادها ولا زال أصحابنا مستمسكون بها .. في آخر جلسة للاتحاد السوفيتي 1991 أعضاء مجلس السوفيت الأعلى رفعوا الفراش بتاع الشيوعية وأعلنوا تفكيك الاتحاد السوفيتي .. الجماعة ضربوا الدافي والاتحاد قلبوهو نادي ثقافي .. والعامل الذي قام بإنزال لافتة الاتحاد السوفيتي من المبنى لم يجد من يعطيه البقشيش .. انتهى الاتحاد السوفيتي وذهبت الشيوعية إلى غير رجعة .. ذهبت إلى مزبلة التاريخ أو إلى ذاكرة النسيان ... لا فرق! وكثير من الشوايعة في مختلف البلاد راجعوا مواقفهم .. منهم من كفر بالشيوعية واصبح إسلاميا.. ومنهم من أصبح ليبراليا علمانيا ومنهم لا زال على شيوعيته ولكن بلا لون أو طعم أو رائحة .. ومنهم من أصبح عميلا للإمبريالة .. يعني قلب الموجة بس
كثير من الشوايعة السودانيين لا زالوا متمسكين باسم ورسم وتقاليد الحزب الشيوعي الزمااااااان ديك بتاعت أجدادنا القدماء ( معاداة الدين الإسلامي بالغمتي - معاداة الحركات الإسلامية أو ما يسمونه بالإسلام السياسي - الشعارات القدييييييييييييييييييمة دييييك بتاعت زمااااان والله ذاتو نسيتها - كورال الحزب الشيوعي ^_^ والملابس الحمراء ) .. الجماعة بعد ما صلوا على نقد في لندن هتفوا في ساحة المسجد: عاش نضال الحزب الشيوعي السوداني هاهاهاهاهاهاهاهاها .. لكنها جاءت ضعيفة مبحوحة الناس نفسها قايم والبكوركوا ذاتهم ما مقتنعين بالشغلانية دي!! تخيل يصلوا على الزول في المسجد ويهتفوا في ساحة المسجد: عاش نضال الحزب الشيوعي ياخي على الاقل احترموا المسجد ده شوية احترموا مشاعر المسلمين!! احترموا المكالمة ياخ نحنا معانا زول في التلفون ^_^ ... وبعد داك: عاش نضال الطبقة العاملة ( ضعيفة وباردة جات ) وماشين في السكة نمط من سيرتك للجايين .. ماشين في السكة نمط من سيرتك للجايين .. مطوا مطوا بعد شوية اللستك ذاتو بنقطع.
انتهت الشيوعية ولا زال البعض من الشوايعة السودانيين مستمسكا بها، ولم تحدث مراجعات ولا ( إصلاحات ولا تصليحات ) الحزب الشيوعي 1945 ياهو الحزب الشيوعي 1965 ياهو الحزب الشيوعي 1985 ياهو الحزب الشيوعي 2012 .. مصيبة الشوايعة السودانيين بالذات إنو لمن الشيوعية سقطت وانتهت وغارت في 60 داهية إنو السودان كان واقع تحت حكم الكيزان .. انقلاب الكيزان 1989 وسقوط الشيوعية 1991 يعني عمر البشير ده لو كان اتأخر شويتين كده خلى البروسترويكا بتاعت غورباتشوف دي نضجت وخلى الجماعة يسقطوا براهم .. كان في نفس العهد الديموقراطي سمعنا بحل الحزب الشيوعي السوداني وتغيير اسمه إلى الحزب الديموقراطي وللا أي مصيبة زمان ..
لكن الشوايعة السودانيين لأنو شايفين نفسهم اتظلموا واتخبتوا على قفاهم كتير من نميري النحرهم عام 1971 مرورا بالكيزان 1989 الطلعوا عينهم وشتتوهم في المنافي، فالشوايعة شايفين إنو التمسك بالحزب وبالاسم ده تمسك بالقضية ووفاء لدماء ( الشهداء ) وإنهم لااااااااازم حزبهم ده يرجع تاااااااني بنفس الكيفية في ظل نظام ديموقراطي كامل الدسم حتى بعد داك يفوقوا إنو الزمن تجاوزهم وإنو هم أصبحوا منسيين في زاوية من زوايا الحياة وأنهم أصبحوا مجرد تاريخ يدرسه الباحثون في أقسام العلوم السياسية ..
حالة الشيوعي السوداني بشبهها بحالة الزول البكون صايم وخاتين ليهو قدامو صينية مدنلكة فيها صحن قراصة مظبط فقام حلل صيامو ومن شدة التعب قام نام وما صحى إلا بعد الفجر قام بقى يهاتي ويهضرب بالقراصة .. بي صحن القراصة المدنكل داك .. القراصة القراصة جيبوها ليا .. كان قريبة دايرا لا جية .. وكان بعيدة لازماها جية :) .. أها والقراصة دي يكون الناس أكلوها وهضموها ومشت في المجاري وبقت بترول ذاتو، والباقي بتاعا في الصحن مع العدة الوسـخـانة وهو كل مرة يمشي المطبخ يشمشم ويرمرم ويعاين في صحن القراصة ويقول: آآآه يا زمن وخاينة يا دنيا خاينة .. ويقعد في الحالة دي لمن يجي أذان المغرب ويختوا ليهو بدل اللقمة قراصة يقوم يكتشف إنو طعم اللقمة ألذ وإنو أصلا المهاتاة بتاعتو ديك ما كان في داعي ليها وإنو القصة دي كلها كانت شفقة ساكت وبالتالي سنخرج بمصطلح جديد بعنوان: ( شفقة الشيوعي على وزن شفقة نفيسة ).
غايتو ياخواننا أي زول بقول أنا شيوعي ده بعتبروا زول متخلف .. الناس في القرن ال 21 ياخي والشيوعية دي قامت سنة 1917 وانتهت سنة 1991 يعني في القرن العشرين ونحنا هسي في القرن ال 21 والناس طلعوا القمر والمريخ وهم لسة في : ماشين في السكة نمط من سيرتك للجايين .. وعاش نضال الطبقة العاملة هي وينها الطبقة العاملة دي بعد العولمة الاجتاحت العالم كلو والشوايعة اغتربوا في بلاد الرأسمالية وبلاد الوهابية ... وينها بالله الطبقة العاملة دي ما تغشونا وتخمونا ساكت!! غايتو أغرب حاجة ساكنين في بلاد الرأسمالية الامبريالية ومستمتعين بجوازاتها ودايرين يرجعوا الناس لعصر الشيوعية ... وساكنين في بلاد الوهابية ومستمتعين بخيراتها ومتفيئن ظلال مهبط الوحي وينبزوا في القرآن الكريم والدين الإسلامي .. أها ياخي طيب ما تمشوا تغتربوا في روسيا البيضاء وللا الحمراء وللا ( دوسوا الخدرا ) وللا عندكم مجال في أوكرانيا وللا تشيكوسلوفاكيا وللا بوخارست ذاتو ما تعملوا لينا جن بالله!
لو سألت أي شيوعي متأسلم: ما هو الفرق بين الشيوعية والإسلام ما حيعرف يجاوب .. ولو سألت أي شيوعي متأسلم شنو الفرق بين شيوعيتك وشيوعية ماركس ولينين بررررضو حيكب الزوغة، ولو قلت ليهو إنت كيف تكون مسلم وتعتنق الشيوعية .. والشيوعية تعني إنو مافي أغنياء والإسلام يقر الغنى إذا كان الغني يؤدي الزكاة .. برضو مافي تعليق ولا شيتين ولا إجابة حتى.
أما صاحبنا اللدود عاطف مكاوي ( حبيب السلفيين ) والشهير بعاطف ( مـُكاوي السلفيين ) لأنو جنو مكاواة ليهم .. عاطف صاحب مقولة: شيوعيين شيوعيين وحتى الموت شيوعيين ( لا حول ولا قوة إلا بالله لا يميتك على الشيوعية ) فصاحبنا الذي من ( حبه ) للسلفيين قاعد كل مرة يديهم هبشة، فأردنا أن نرد له الهبشة هاهنا وأن نبادله ( حبا بحب )، فلو رجعت الديموقراطية للسودان وفي أحد مؤتمرات الحزب الشيوعي يسأل عاطف مكاوي:
- ما هو الفرق بين الشيوعية والإسلام، والإجابة: لا تعليق - كيف تريدون أن تحكمونا بالشيوعية وهي سقطت في مهدها: ما عنديش حاجة أقولها - كيف تكون شيوعي في القرن 21 وهي انتهت في القرنالعشرين؟، والإجابة: ما عنديش حاجة أقولها على الإطلاق - وأي سؤال: لا تعليق لا تعليق لا تعليق .. زي ما في الفيديو ده ^___________^
لقد كتن محور حديثي ليس قوة المعتقد او الفكرة او النظرية، نعم الاسلام لم ولن يقف عند تدهور الدولة الاسلامية آنذاك ولكن ربط الشيوعية بانهيار الاتحاد السوفيتي ونهايتها عنده لم يكن من الصواب من شي، بدليل الفكر الشيوعي لازالت تنبض فيه حياة بعد زوال الاتحاد السوفيتي، هل انتهت قناعة المرحوم نقد بالشيوعية بعد زوال الاتحاد السوفيتي؟ والدليل هذا البورد الذي يعج بكمية مأهولة من الاخوان ،
08-28-2012, 06:07 PM
وليد التلب وليد التلب
تاريخ التسجيل: 04-22-2009
مجموع المشاركات: 4004
Quote: بدليل الفكر الشيوعي لازالت تنبض فيه حياة بعد زوال الاتحاد السوفيتي، هل انتهت قناعة المرحوم نقد بالشيوعية بعد زوال الاتحاد السوفيتي؟ والدليل هذا البورد الذي يعج بكمية مأهولة من الاخوان ،
أنا لم أقل أن الفكر الشيوعي قد مات أو أنه قد زال من الحياة السياسية تماما ولكن أقول أنه قد أثبت فشله وبواره وإلا فلو أنه فعلا يلبي جميع متطلبات الإنسان ولنقل السياسية والاقتصادية، فلماذا انهارت الدول التي كانت تعتنق الشيوعية عقيدة وسياسة واقتصادا؟ ولماذا توجهت نفس هذه الدول للرأسمالية الغربية التي كانت الحرب معها مستعرة أيام الحرب الباردة وكانت تنعتها بأبشع الأوصاف؟
قد يكون الفكر موجودا نعم، ولكن ما حظه من الانتشار؟ وما حظه من القبول في أول حكومة ديموقراطية؟ بل ماذا كان حظه في انتخابات 1986؟ مقعدان فقط؟؟؟
08-29-2012, 09:34 AM
محمد جلال عبدالله محمد جلال عبدالله
تاريخ التسجيل: 06-24-2011
مجموع المشاركات: 4552
لقد كتن محور حديثي ليس قوة المعتقد او الفكرة او النظرية، نعم الاسلام لم ولن يقف عند تدهور الدولة الاسلامية آنذاك ولكن ربط الشيوعية بانهيار الاتحاد السوفيتي ونهايتها عنده لم يكن من الصواب من شي، بدليل الفكر الشيوعي لازالت تنبض فيه حياة بعد زوال الاتحاد السوفيتي، هل انتهت قناعة المرحوم نقد بالشيوعية بعد زوال الاتحاد السوفيتي؟ والدليل هذا البورد الذي يعج بكمية مأهولة من الاخوان ،
يا عبدالرحمن...
أنا كلامي يتركز حول خمول الفكرة والمعتقد
دولة الروس كانت (أيقونة) الشيوعية
ولن تستطيع أن تفصل ما بين زوال (الأيقونة) واضمحلال الفكر
لأن الدولة أصلاً كات قائمة على هذا الفكر..
وبظهور البيروسترويكا والجلاسنوست تداعت الدولة
أصلاً فكرة البيروسترويكا (إعادة الهيكلة الاقتصادية) والجلاسنوست (الشفافية) كانت عبارة عن ترياق مضاد لفكرة الشيوعية.
البيروسترويكا ضربت في صميم (الدينمو) الذي يتحجج به الشيوعيون، وهو (فكرة الاقتصاد)
ولذلك هذا هو الفيصل: الشيوعية فكرة بشرية تكافح بفكرة بشرية، وفي كل يوم يتبدل فكر البشر، وتبعاً لذلك تكون نهضة وزوال الكيانات، لأن أساس أي كيان هو الاجتماع حول فكرة واحدة.
والقصة بتاعت البيروسترويكا أتاحت ضرب برج الفكرة الشيوعية، لأنها تدخلت في صميم قضايا الاقتصاد وعلاقات الانتاج وتوزيع الثروات وقضايا الملكية الفردية.
يعني أصحاب الفكرة أنفسهم هم من حكموا بكونها "لا تصلح" لأن الزاماتها أصبحت لا تتماشى مع متطلبات العصر.
صحيح الشيوعية لا زالت (بعض آثارها) موجودة، لكنها الآن تتجرع مرارة فشلها النظري والعملي... وقد ثبت فشلها المريع سواء على مستوى قبول المجتمعات لها، أو على مستوى ممارساتها ومخرجاتها.
تحياتي
09-11-2012, 07:46 AM
محمد جلال عبدالله محمد جلال عبدالله
تاريخ التسجيل: 06-24-2011
مجموع المشاركات: 4552
Quote: الكلام ده متأكد منو لانو شيوخك الوهابية ينكرون صعود الانسان للقمر وانها كذبة امريكية اقعدوا هابشوا بني شوعان ديل بدون علم وجيبوا لينا الكلام للاسلام ؟ نهاية الدولة لاتعني نهاية الفكرة
ود جلال وضيوفه السلام عليكم ورحمة الله أخونا عاطف يلعب احد الأدوار الموكلة إليه وكغيره من بني يسار يعلم تماما ان الحزب والفكر لا أرضية له ليس الآن فقط ولكن ومنذ النشأة ولكن يجب عليهم إكمال المباراة حتى النهاية كإلتزام أخلاقي . عليكم بحصد النتائج على الأرض ودعوهم يحصدوا السراب فالسماء تجود بالسراب أكثر مما تجود الأرض بالنبت الصالح . الفكر الرافضي يعيش على أنفاس الفرس وسقوط دولتهم الوشيك في سوري سيكون ضربة البداية فمنذ ظهور فكرهم لم يسودوا أكثر من بقعات محدودة وهذا دأب الجراثيم التى يستأصلها الجهاز المناعي قبل إنتشاره في الجسد. الإمام الغائب ما زال يعتقد بوجود صدام ولعل النسخة السودانية منه ( فلول الرافضة ) مازال يتابع خطابات النميري ويعتقد أنه حي . ولي الجميل تحياتي
Quote: هابشوا بني شوعان ديل بدون علم وجيبوا لينا الكلام للاسلام
أين قوله تعالى وَلْتَكُن مِّنكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنكَرِ وَأُوْلَـئِكَ هُمُ الْمُفْلِحُونَ [آل عمران : 104] هذه آية وليست من روايات ابو هريرة في البخاري رحمهم الله. أليست الشيوعية منكرا يجب النهي عنه ؟؟؟ هل يمكن ان تدلنا على كلمة واحدة كتبتها انت او احد رافضة المنبر ضد الشيوعية بعلم او بجهل ؟؟؟ ما هو جهدكم هنا غير محاربة السنة والطعن في الصحابة ؟؟؟ لمذا تطعن في الصحابة وتهادن الشيوعية وتكون خط الدفاع الأمامي عنهم وبطريقة مكشوفة وتقتر الى أدنى قواعد الحصافة ؟؟؟ وصدق شيخ الإسلام بن تيمية فالرافضة اشد على الأمة من اليهود والنصارى وهذا ما نراه في هذا المنبر وشكرا على التوثيق وكما قال أخي أمين فيبدو أنك كنت غائبا يوم درس التقية !!! لا عجب فالرافضة يحاربون أهل الإسلام ويدعون أهل الأوثان كما كانوا دوما على العون على دولة الخلافة !!! وهذا ما يفسر التناغم الشديد والتطابق بينكم وبين الشيوعيين خاصة على السلفيين . حلف متلازمة ش ي ع .
Quote: شيوخك الوهابية ينكرون صعود الانسان للقمر
نحن لا نقدس الرجال ولا نقول كلنا بذلك ولكن لو سحبنا كلامك على الفكر الشيعي فما الذي يجعلك ترفض ترهات ياسر الحبيب وعبد الحميد المهاجر ؟؟؟ الكيل بمكيالين ممتع في اللحظة ومنتن في الختام. أخبار الأسد والنمر شنو ؟؟؟ قالو بقو فيران ، ترا الكدايس حايمة !!! تحياتي
09-11-2012, 11:39 PM
abdelrahim abayazid abdelrahim abayazid
تاريخ التسجيل: 06-19-2003
مجموع المشاركات: 4521
ده بروفايل شخص جاي يناقش عدد البوستات: 2046 تاريخ التسجيل: 24-06-2011 محل الاقامة: فوق الأرض وتحت السماء : Not shown عنوان مكتبتى بسودانيزاونلاين دوت كم : FaceBook Page: Skype Name: اكلات مفضلة: كسرة بي موية بي طماطم الاسم الحقيقى: محمد أحمد جلال عبد الله التلفون: نوكيا الجامعة/المعهد: الجامعة العربية الحالة الاجتماعية: Married العنوان الدائم: الدار الآخرة الفنان المفضل: البفن الحاجة يعني؟ اللون السياسى: القائد الأعلى لقوات حفظ الطماطم من هجمات البطاطس داخل كيس الخضار النوع: Male الهوايات المفضلة: الهترشة والخزعبلة + نصب الكماين الوظيفة: بتاع كلو تاريخ الميلاد: 26/10/94 درست المرحلة الابتدائية فى ......و سنة....: درست المرحلة الثانوية فى ......و سنة....: أول مرة أعرف إنو الزول من الابتدائي بمشي الثانوي طوالي درست المرحلة المتوسطة فى ......و سنة....: ومن الثانوي بمشي المتوسط يا بكري؟؟ ^_^ شاعرك المفضل: أنا ذااااتي عدد الاطفال: 2 معلومات اضافية: إنت الدخلك هنا شنو ذاتو؟ وداير عندي شنو؟ بلا شمشرة ساكت!!! مكان العمل: مكان الميلاد فى السودان: صورتى:
09-12-2012, 03:34 AM
محمد جلال عبدالله محمد جلال عبدالله
تاريخ التسجيل: 06-24-2011
مجموع المشاركات: 4552
عدد البوستات: 2046 تاريخ التسجيل: 24-06-2011 محل الاقامة: فوق الأرض وتحت السماء عنوان مكتبتى بسودانيزاونلاين دوت كم : اكلات مفضلة: كسرة بي موية بي طماطم الاسم الحقيقى: محمد أحمد جلال عبد الله التلفون: نوكيا الجامعة/المعهد: الجامعة العربية الحالة الاجتماعية: Married العنوان الدائم: الدار الآخرة الفنان المفضل: البفن الحاجة يعني؟ اللون السياسى: القائد الأعلى لقوات حفظ الطماطم من هجمات البطاطس داخل كيس الخضار النوع: Male الهوايات المفضلة: الهترشة والخزعبلة + نصب الكماين الوظيفة: بتاع كلو تاريخ الميلاد: 26/10/94 درست المرحلة الابتدائية فى ......و سنة....: درست المرحلة الثانوية فى ......و سنة....: أول مرة أعرف إنو الزول من الابتدائي بمشي الثانوي طوالي درست المرحلة المتوسطة فى ......و سنة....: ومن الثانوي بمشي المتوسط يا بكري؟؟ ^_^ شاعرك المفضل: أنا ذااااتي عدد الاطفال: 2 معلومات اضافية: إنت الدخلك هنا شنو ذاتو؟ وداير عندي شنو؟ بلا شمشرة ساكت!!!
والقال ليك منو أنا جاي أناقش؟ يمكن أنا جاي أعاين ساكت :)
لكن برضو شكرا شكرا جزيلا ياخي على نشر بروفايلي على الملأ شكرا على الدعاية المجانية
وإذا أراد الله نشر فضيلة ** طويت أتاح لها لسان حسود لولا اشتعال النار فيما جاورت ** ما كان يعرف طيب عرف العود
09-12-2012, 05:13 AM
عماد حسين عماد حسين
تاريخ التسجيل: 06-11-2011
مجموع المشاركات: 7066
عماد حسين انت بتدافع عنه اكثر مما كتب هو ومعجب به فكلم سوا
بس هنا في ناس من خلال الموقع ده بتحاول تقدم شي مفيد في شتي المجالات من خلال النقاش وطرحها الجاد وفي ناس جاءت الموقع عشان تقضي وقت في صرف الناس لقضايا لن تخدم الوطن والشعب في شئ
09-13-2012, 01:05 AM
محمد جلال عبدالله محمد جلال عبدالله
تاريخ التسجيل: 06-24-2011
مجموع المشاركات: 4552
Quote: عماد حسين انت بتدافع عنه اكثر مما كتب هو ومعجب به فكلم سوا
بس هنا في ناس من خلال الموقع ده بتحاول تقدم شي مفيد في شتي المجالات من خلال النقاش وطرحها الجاد وفي ناس جاءت الموقع عشان تقضي وقت في صرف الناس لقضايا لن تخدم الوطن والشعب في شئ
يا عبدالرحيم
انت مش جاي تكتب وتقدم شي مفيد للناس
خلاص، خلينا نتناقش وجاوب على السؤال ده
Quote: هسع بالله يا abdelrahim abayazid حاول كدة
بس مجرد محاولة..
حاول تورينا السر شنو في التمسك بهذه الجيفة المسماة بالشيوعية، مع أن أهلها الروس ركلوها
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد جلال عبدالله
هشام عباس
عماد حسين
وليد التلب
abdelrahim abayazid
Deng
فيس بوك
تويتر
انستقرام
يوتيوب
بنتيريست