كتب الكاتب الفاتح جبرا المتوفرة بمعرض الدوحة
|
|
 Re: الــــــــــ 10 بوستات الاكثر نفوذا فى البورد !! روااابط
|
رأيت أن أساعد في كشف الكركبة كما رآها الخبير "كيكي"!.
بإسم الله نبدأ... والتنمير غير مهم... كل العشرة بوستات مهمات بنفس القدر من الأهمية والصاح "النفوذية" كما أن كاتب البوست غير معني في حد ذاته/ا بهذا التقييم بل البوست بعنوانه وسائقه وركابه وعفشهم.
والهدف هو لم البوستات النافذة في حتة واحدة عشان خاطر "النفوذية" وربما عشان نشوف "الكركبة" القال عليها الخبير كيكي حا تبدأ من وين وكيف؟. لأن حتة "النفوذية" دي خطيرة جدآ وآيدولوجيا جدآ وغميسة جدآ جدآ... وهناك مؤشرات واضحة لمستوى عال من التنشنة في اللحظة دي وستتضح أكثر فأكثر بقية اليوم دا واليومين الجايين إن شاء الله : ). وربنا يكضب الشينة.
---
مافي زول إفتكر أنو البوست دا مجاراة للموضة وبس ... ولو الزول إفتكر كدا برضو عنده حق... بس لا... أنا شكلي جادي جدآ في محاولة قراءة الحاجة دي ... أي قراءة سايكلوجية الزول النافذ حسب التقديرات والزول العايز ينفذ حسب الهوشة وما بينهما الزول "اللابد" (من أخطر الكائنات) والصراع الذي يمكن أن ينشب بين هذه الأطراف الثلاثة المتناطحة في باحة السلطة الرمزية والثروة الرمزية برضو، في عالم البورد... ودا كلما في الحكاية!.
---
ملاحظة أخيرة: أو هو إعتذار لمن قد يتحسس شوية من قراءة زول زيي قد يحسب بعيد بعض الشيء من الأحداث البوردية ويعيش في عالم البرزخ... الكلام دا ما صحيح على علاته أدعي أنني متابع البورد بدرجة ممتازة وأحيانآ حاضر بشكل أو آخر بالذات في الآونة الأخيرة لدرجة بقت عندي فيها مباديء شلة : ).
|
|
 
|
|
|
|
|
|
|
|
Re: الــــــــــ 10 بوستات الاكثر نفوذا فى البورد !! روااابط (Re: Rawia)
|
المعيار هو المعيار بوستات تتناسخ بلا اي معنى او هدف صميم
يعني وقتنا هنا بيضيع ( سلفقة ) يا جمال الدين انت من اجمل الكتاب
هنا يشاركك او تشارك محمد الرتضى في جمال وقيمة المفردة فلا
تضيع وقتك سدىٌ ياحبيب الحكمة بالمضمون فما مضمون اجمل او
اقبح عشرة نساء او رجال , الجمال الحقيقي في المعنى والمضمون .
لو تذكرون المعيار فهاهو المعيار طل مرة اخرى ولو اننا ظلمنا بوست المعيار
اذ كان ذا مضمون حقيقي ومس العصب بالجد
..............................................................................................حجر.
| |
|
|
|
|
|
|
|
|
Re: الــــــــــ 10 بوستات الاكثر نفوذا فى البورد !! روااابط (Re: محمد جمال الدين)
|
الصديق العزيز الرفاعي عبدالعاطي حجر :
Quote: المعيار هو المعيار بوستات تتناسخ بلا اي معنى او هدف صميم
يعني وقتنا هنا بيضيع ( سلفقة ) يا جمال الدين انت من اجمل الكتاب
هنا يشاركك او تشارك محمد الرتضى في جمال وقيمة المفردة فلا
تضيع وقتك سدىٌ ياحبيب الحكمة بالمضمون فما مضمون اجمل او
اقبح عشرة نساء او رجال , الجمال الحقيقي في المعنى والمضمون .
لو تذكرون المعيار فهاهو المعيار طل مرة اخرى ولو اننا ظلمنا بوست المعيار
اذ كان ذا مضمون حقيقي ومس العصب بالجد |
شكرآ لهذه المجاملة الجميلة.
مع أنني لا أحسبني أضيع وقتي... المشاركة مع صحابي هنا من أمثالك هي أغلى عندي من الدنيا. ثم أن الموضوع ذا شجون... فقط ربما كان الوقت ضدنا بعض الأحيان.
قصة "النفوذ" هذه تذكرني بسايكولوجية الزول السوداني على وجه العموم وهو في الأساس زول "راعي" من حيث الخلفية التي تشكل تجربته العقلية والنفسية والجمالية وحتى لو كان يقيم في قلب المدينة منذ ألف عام... والرعاة أحرار في مخيلتهم الذاتية وربما في جغرافيتهم وأشد بأسآ وعزة بالنفس وميلآ لفرض نفوذهم بالقوة على الآخرين مقارنة بالمزارعين والصناع الأصيلين!. وذاك هو السر!.
تحياتي يا صديقي وكم نتابع جهدك المضنى هناك وهناك لك المجد.
محمد جمال
| |
|
|
|
|
|
|
|
|
|
Re: الــــــــــ 10 بوستات الاكثر نفوذا فى البورد !! روااابط (Re: محمد جمال الدين)
|
كان عندي إحساس خفي إنو أحاول أكتشف لنفسي شنو "النفاذ" من الأعماق!.... وبس... ومن وحي هذا الرشح العظيم!.
وعليه هذا البوست ليس من شأنه القدح في بوستات الآخرين ولا رؤاهم ولا ينبغي ولا يستقيم وما كويس.
... عارف مافي زول قال كدا... دا مجرد ردع ذاتي.
---
ممكن ننسى الحتة الأخيرة دي لطفآ... لأنو أنا ذاتي ما واضح لي كويس... مجرد إحساس وبس!.
| |
|
|
|
|
|
|
|
|
|
Re: الــــــــــ 10 بوستات الاكثر نفوذا فى البورد !! روااابط (Re: محمد جمال الدين)
|
Quote: ممكن أجي نتشارك بمعنى أدق أنحل معاك هنا يامحمد؟؟
____________
مشتاقين والله عالم وشاهد |
يا بختكم ده النحيل ولا بلاش
Quote: "راوية" رواية حكاية قصة عجيبة كلو واحد : ). ولا ما كدا!.
---
معليش كتبت اسمك "رواية" ربما سقطت من اللا وعي!. |
لا لا ما كلو واحد ولا حاجة بطل بطبطه واعترف ورينا حاولت كم مرة لحد ما جبتها صاح
( روعة )..أكيد ده واحده من محاولاتك الخمستاشر
قال ال 10 بوستات الأكثر نفوذا في البورد قال
| |
|
|
|
|
|
|
|
|
|
Re: الــــــــــ 10 بوستات الاكثر نفوذا فى البورد !! روااابط (Re: bakri abdalla)
|
النفوذ مسئولية جسيمة!
حاجة مختلفة جدآ... اسمحو لي أحكي ليكم قصة... أنا شكلي بالطريقة دي حا أبقى زي عمنا العزيز شوقي بدري له المجد والمعزة... إن شاء الله أبقى.
القصة:
في مرة من عدة مرات تم إعتقالي بواسطة جهاز الأمن السوداني كوني أحد الناشطين "طالب بالخرطوم" معارض للنظام "طبعآ"... قال لي "عبد الغفار الشريف الضو" ضابط شهير بعد أن ضربني براحه يده عدة مرات على وجهي (نحن نعلم أنك من أكثر الناس شغبآ) ... بالناس يعني طلاب جامعة الخرطوم في تلك اللحظة وبالشغب يعني ال"نفوذ" بلغة هذه الأيام (في وجهة نظره كممثل للحكومة) تلك الأيام (لا أعلم أين هو الآن؟).
هناك المزيد لدى بوست الفنان عمر دفع الله المجاور:
صورة لرباطى ومؤسس لبيوت الاشباح في العشرية الاولى للانقاذ .
المهم: الزول "عبد الغفار" وكان للتو زميلي بالكلية "الإقتصاد جامعة الخرطوم" قسم العلوم الإدارية... ضربني في حضور كل من: د. عبد المنعم مختار، عامر بشارة، د. زهير حامد بابكر (آنها كان مدير مطابع جامعة الخرطوم للنشر) و إسماعيل الوسيلة إضافة إلى رجل "عايز أخبارو هسه من العارفين" وهو الفذ في زمانه فايز عقارب؟... هنا مرة رويت بعض الشذرات:
بعض ذكرياتي وذاكرتي بالوثائق!
الخلاصة أن أتهمني جهاز الأمن ممثلآ في عبد الغفار بالشغب "النفوذ" وذكر أنني رقم 4 من حيث شذوذ الأفاق في الجامعة العظيمة ربمتها وعليه تعرضت للإعتقال والتعذيب "كانت مسئولية صعبة"... غير أن عبد الغفار وأثناء ما كان يضربني ويشتمنى كان يردد (والله العظيم ما أقول لكم إلا الحق، وفي حضور الناس، قلت بأسمائهم أعلاه) يردد: " نحن شايفنك كل يوم مع البنات طالع مع دي ومجكس دي وتعمل الدايرو مع دي وديك نحن هبشناك تهبشنا ليه؟". (ذاك كان السؤال) وكان يردده ويضربني براحة يده على وجهي.
...... أنا بحكي القصة دي هسه ليه؟.
أعتقد أن ناس "عبد الغفار" نجحوا في أن يجعلوا "النفوذ" من شاكلة ما يرجونه للشعب!. وأنا شوية حزين زيكم كلكم.
محمد جمال
---
مافي زول من ناس بوستات ال "10" إتحسس... الرؤية أجمل في المستقبل... فصبرآ. وأنا لم أكن طالع مع دي ونازل مع دي.. لقد كنا زميلاتي في الكلية وبينهن الآن وزيرة في الحزب الحاكم ووزيرات أعظم في دنيانا التي نحترم...ولو... فالحجة غريبة و ال "بارقينق" فادح ولا أخلاقي!...
| |
|
|
|
|
|
|
| |
محمد جمال الدين
Rawia
الرفاعي عبدالعاطي حجر
bakri abdalla
معاوية الأرباب
فيس بوك
تويتر
انستقرام
يوتيوب
بنتيريست