|
الـــــــــــــ 10 نساء الأقل نفوذاً في المنبر ..أما الرجال فعيييييك .
|
طبعاً ديل القدر ما نقزن وكتبن بتلقى مداخلتن ما فاتت العشرة مداخلات بيكون عندها فيها 7 تلاتة منهن Up وإتنين شكراً للمرور وإتنين في شكل نقطة وواحدة سأعود ..
تتصدر القائمة تماضر الخنساء ..وتنافسها بقوة عفراء سند .. غايتو للضمان انا إتجوعلت وكتبت ليكم إتنين الراجل يجي يتم ال 8 ..
أما الرجال الأقل نفوذاً فديل من النوع البتلقا عدد الردود صفر وعدد القراءات 17 بيكون هو عندو فيها 16 قراءة بيخش عشان يتأكد إنو معقول ماف زول رد عليهو؟ وبيكون مشكك في بورد بكري وإحتماليات تهكير الموقع .. والنوع ده غالباً مع كل قراية لي إسمو بتمشي تعاين لي تاريخ تسجيله عشان تتأكد الزول ده معانا ولا جاي صدفة ..ومعظم بوستاته لما زول يحكي ليك بيها وتقول تمشي تقراها بتكتشف إنو مشت الأرشيف ولما تحاول ترد عليها تكتشف إنو إنت بترد على موضوع في الربع التالت من سنة 2011 .. ديل النصيحة القائمة تطوووول ..بجيكم ليها كان ربنا مد في الاجال..
تخريمة : هذا البوست برعاية زيوت مارينا ..
|
|
|
|
|
|
|
|
Re: الـــــــــــــ 10 نساء الأقل نفوذاً في المنبر ..أما الرجال فعيييي (Re: عمر الفاروق)
|
Quote: أما الرجال الأقل نفوذاً فديل من النوع البتلقا عدد الردود صفر وعدد القراءات 17 بيكون هو عندو فيها 16 قراءة بيخش عشان يتأكد إنو معقول ماف زول رد عليهو؟ وبيكون مشكك في بورد بكري وإحتماليات تهكير الموقع .. والنوع ده غالباً مع كل قراية لي إسمو بتمشي تعاين لي تاريخ تسجيله عشان تتأكد الزول ده معانا ولا جاي صدفة ..ومعظم بوستاته لما زول يحكي ليك بيها وتقول تمشي تقراها بتكتشف إنو مشت الأرشيف ولما تحاول ترد عليها تكتشف إنو إنت بترد على موضوع في الربع التالت من سنة 2011 .. ديل النصيحة القائمة تطوووول ..بجيكم ليها كان ربنا مد في الاجال.. |
يا عُمر الفاروق ... سلام ياخ ...
وعالم المنتديات الإلكترونية عالم غريب والمعيار فيه غير دقيق ... قد يكتب عضو موضوع جميل ومهم وباستطاعته إدارة الحوار بمستوى عالي .. ولكن لا يجد حظه من التفاعل .. والعكس صحيح ...
والحاجة المُخجلة والمؤسفة في كثير من الأحيان إذا كان صاحب الموضوع (أنثى) تجد الأعمى شايل المكسّر من الذكور وآخر لطافة وظرافة وانحياز مع دول عدم الانحياز ذاتو .. وكسّير تلج وعييييك ...
كما أنّ للشلليات دور كبير في حركة البوستات .. وأيضاً التفاعل كرد للجميل .. بمعنى تجد العضو شايل قروشو في جيبو وماشي يواجب الواجبو ...
الانتماء السياسي والاجتماعي عموماً أيضاً له دور في تفاعل الأعضاء مع بعضهم ...
ــــــــ معليش طلعت ليك برّة الخط الرئيسي ولكن لم أخرج مما اقتبسته لك ...
| |
|
|
|
|
|
|
Re: الـــــــــــــ 10 نساء الأقل نفوذاً في المنبر ..أما الرجال فعيييي (Re: عمر الفاروق)
|
Quote: المحير أكتر يا صبري مرات تلقى موضوع قاعد في وش الناس عشرومية يوم وزووول هببو ماف..فججججأأأتتتن كده تخش زولة ترد أو زول يعقب وبعد داك وررررورررر البوست يصل خمسة صفحات .. غايتو البوستات دي توفيق من رب العالمين .. :) |
ياخي لقيتك خطييييييييييييير
ــــــــــ حلوة (وررررورررر ) دي اتخيلت أيّ زول سايق عربيتو أو موترو ودايس الأبنص لمّا بكى ذاتو والنوع الركب عربيتو بسرعة حتى الزراير زررها في الإشارة التانية
| |
|
|
|
|
|
|
Re: الـــــــــــــ 10 نساء الأقل نفوذاً في المنبر ..أما الرجال فعيييي (Re: عمر الفاروق)
|
Quote: وضاحة عليك الله سلفيني صورة لانو الاصل حقي ماحينفعني في الحالة دي |
وهو يا السجمانة ورمدانة وضاحة كان بتسلف كان مشت إتسلفت من عمو قوقل؟؟ صدقيني لو سلفتك الأصل حقها برضو ما ح تكون عملت شي وللضمان كده باقي لي لو انتي سلمتيها أصلك بتخدميها أكتر ..
تخريمة : شوفتي من بوردابي يجيك مهجووم ويقول ليك قابلت ليكم عضوة المنبر الجميييلة فلانة ..طواااالي أعرفي إنو موضوعا مستحمي ..
| |
|
|
|
|
|
|
Re: الـــــــــــــ 10 نساء الأقل نفوذاً في المنبر ..أما الرجال فعيييي (Re: عمر الفاروق)
|
والله يا رجال سودانيز أتاريكم قايلين العالم بيدور حول المنبر ده...عليك أمان الله يا عمر أنا بمر علي إسبوع ما بشوف وشكم ده وما حصل كتبت حاجة ورجعت رفعتها إلا لتوضيح فكرة حتي الردود نادرا ما اعملها..ياخ أنا عندي حياة كاملة برة البورد ده وهي تحتوي علي زوج وأطفال وعمل ودراسة وعلاقات إجتماعية و عمل عام وطبخ وغسيل عدة وزيارات طبيب وكم شكلة مع العيال وأبوهم،،،مبروك عليكم تاثيركم فدنياواتنا كثر يا ود أمي ..
بعيدا عن موضوع البوست ياخ أنا والله إنت وود البشري و ود الصايم وود القاضي وود الموج بريدكم في الله وكان عندي راي فيكم انكم زي أولاد الجيران الزمان ديك البجو يتلموا في الراكوبة ويشربوا شاي الضحي ويحكوا ليك مغامراتهم وخيباتهم لكن أظنك غير ..عموما No hard feeling يا زميل
| |
|
|
|
|
|
|
Re: الـــــــــــــ 10 نساء الأقل نفوذاً في المنبر ..أما الرجال فعيييي (Re: محمد مصطفي مجذوب)
|
Quote: ياخ أنا والله إنت وود البشري و ود الصايم وود القاضي وود الموج بريدكم في الله وكان عندي راي فيكم انكم زي أولاد الجيران الزمان ديك البجو يتلموا في الراكوبة ويشربوا شاي الضحي ويحكوا ليك مغامراتهم وخيباتهم لكن أظنك غير |
عرفة يا سند.. وواحدة من أهم مميزات ود الحلة بيخرمج مع بت جيرانهم وبشاغلا برضك مش؟ يا زولة بتبقا كارثة لو اي زول طلع ما عندو حياة غير البورد أو بمبر بكري ده .. عموماً انا نفسي قصييير في جنس المشاغلات دي وأي زول ما بيستحملا طوالي بتخارج من الموضوع..فدحيين يا جماعة تم حذف عفراء سند من اللستة والله يبارك لينا في تماضر نششيلا وش القباحة مع إني مقتنع إنها إختيار صادف أهله
تخريمة : ما اتوفقتي أبداً يا عفراء تختيني في اللستة ديك غايتو
| |
|
|
|
|
|
|
Re: الـــــــــــــ 10 نساء الأقل نفوذاً في المنبر ..أما الرجال فعيييي (Re: عمر الفاروق)
|
حبييبا لنورة:
Quote: غايتو في واحدات كده نافعاهن أساميهن الظريفة |
صديق مقرب زول لذيذ جداً وما جادي في حياتو ..شاءت الصدف ######رية الأقدار يبقا مساعد تدريس في واحدة من جامعات السودان وشهدت معاهو تصحيح كراسات إمتحانات .. والله يا حبيب نورا كان بيمسك الكراس كدااا ويقرا الإسم يلقاهو ليك مثلا اسيا بشارة.. يقوم يقول بي صوت عالي اسيا؟؟؟ اااسسسيا؟؟؟ وطاااخ يديها ليك 7 من 30 .. البعدو يلقاها ليك نيرمين عبد العزيز ..يقوم يقول ليك ياااااااه نيرمييييييين ياااااا ..حبيييبي انااااا.. وتاااح يرشها ليك بي 28 من 30 ..
| |
|
|
|
|
|
|
Re: الـــــــــــــ 10 نساء الأقل نفوذاً في المنبر ..أما الرجال فعيييي (Re: Afraa Sanad)
|
Quote: بعيدا عن موضوع البوست ياخ أنا والله إنت وود البشري و ود الصايم وود القاضي وود الموج بريدكم في الله وكان عندي راي فيكم انكم زي أولاد الجيران الزمان ديك البجو يتلموا في الراكوبة ويشربوا شاي الضحي ويحكوا ليك مغامراتهم وخيباتهم لكن أظنك غير |
شكرا عفراء على حسن الظن وسعيد باخوتك وافتخر بيها ... بس ضغطتي على شديد لمن ختيتيني مع الموج وعزاى انه جاء بعدي في الترتيب ..
تحياتي واحترامي
يافاروق بالله عفراء دي زيد نفوذها شوية ..
| |
|
|
|
|
|
|
Re: الـــــــــــــ 10 نساء الأقل نفوذاً في المنبر ..أما الرجال فعيييي (Re: منال)
|
منال يا منال يا حرف ال H
عيدك مبارك ياخ ..ومتوحشيييين خرمجاتك العاطفية النصييحة :).. بالنسبة للصورة وحسب علمي إنها طلعت في الأول على أساس إنها لي بت علي عبد الله صالح..وانتشرت في النت بي صورة غريييبة ..شويتين وقالوا حفيدتو ..واخر حاجة طلعت إنها ما عندها علاقة بي سبأ ونبأ وإنها صورة ملفوحة .. هذا والله أعلم ..
تخريمة: ياخ طوولنا من بوحك الإستثنائي ..بوووحي ألليللللا وبي الجمبة موووحي ألليللا ..
| |
|
|
|
|
|
|
Re: الـــــــــــــ 10 نساء الأقل نفوذاً في المنبر ..أما الرجال فعيييي (Re: عمر الفاروق)
|
معاوية المدير.. لكن لقيتك أبدددداً ما مواكب.. ياخ نكتة التوفيق دي دووور فيها بوست هنا يقول يا غربتي وبقت مصطلح مشهووور ..فما تفتكر إنها جات هنا صدفة :) ...
محمد المصطفى المجذوب: ياخ إسمك ده في حلاة مقدم برامج حولااااا :)..
يا قردابي: بالله وري عفراء دي إنها كييف ضييعت قصة إنها تبقى مع القمم ..والحظ مرة واااحدة ما بجييك مرتين لو ضيعتو فاتك ويين تلقاهو وييين ..:)
| |
|
|
|
|
|
|
Re: الـــــــــــــ 10 نساء الأقل نفوذاً في المنبر ..أما الرجال فعيييي (Re: اساسي)
|
على حسب معيار الفاروووغ
Quote: طبعاً ديل القدر ما نقزن وكتبن بتلقى مداخلتن ما فاتت العشرة مداخلات بيكون عندها فيها 7 تلاتة منهن Up وإتنين شكراً للمرور وإتنين في شكل نقطة وواحدة سأعود .. |
دقست يا اساسي في اسمارت و رحاب خليفة الاتنين المعيار بتاع عمر ما بنطبق عليهن فبوستاتهم تعج بالمتداخلين والمداخلات وردودهن عليها
| |
|
|
|
|
|
|
Re: الـــــــــــــ 10 نساء الأقل نفوذاً في المنبر ..أما الرجال فعيييي (Re: اساسي)
|
وكت مافي زول عجبو واللا هبب كلامي الفوق ده ... وكيتا علي ..فلان و خدمة لوجه الله ....النوريكم تعرفوا الصورة صورة منو كيف
1. ممكن تسألوا الزول واللا الزوله الرسل واللا اللصق الصورة بالتي هي احسن يوريكم الصورة صورة منو 2. اكان الناس مكرت علي الناس في برامج تنكت الداسيهو الزول في عينو جوه . واحد من البرامج ده اسمو تايني اي Tiny Eye 2. قوقلو تايني اي ...تلقوهو في http://www.tineye.com/ 3. تروحوا ناقلين ال ULR بتاع الصورة و تلصقوهو في ال Search في تايني اي وتشيلوا القاتحه وتدعو لي عمكم زي لمح البصر البرنامج بعمل باك تريس وينكت ليك تاريخ صورة الزول واللا الزولة اكان دايرين من يوم ولدو صاحب الصورة وكمان اكان اتشطرتو شوية يلقط ليكم صورو محل ما تكون في الفيس بوك .. في تويتر .. عن ناس شيخ قوقل باختصار كدي .....شقيق ما تقبل
عشان تاني مافيكم زول يقول اعمانا ديل ما ناقشين
| |
|
|
|
|
|
|
Re: الـــــــــــــ 10 نساء الأقل نفوذاً في المنبر ..أما الرجال فعيييي (Re: محمد مصطفي مجذوب)
|
Quote: لكن يا باشمهندس من الغريب عدم استنكارك لبقية القوائم ابتداء من تماضر حمزة , يعني متفق مع الفاروغ في تصنيفه ولو ضمنيا بمداخلتك اعلاه |
اساسي ياخي انت مكشوف حال بشكل :) وبعد ما تماضر قرت كلامك اجابتي (نو كومنت No Comment) لووووووول لكن الشاعرة تماضر الخنساء اكثر نفوذا من البوردابية تماضر الخنساء
عمر الفاروغ ناولني زيت المارينا خلي اتمسح كان اتملص من اساسي وتماضر ديل :)
| |
|
|
|
|
|
|
Re: الـــــــــــــ 10 نساء الأقل نفوذاً في المنبر ..أما الرجال فعيييي (Re: عمر الفاروق)
|
غايتو يا ود الفاروق دا من انفذ البوستات في البورد هذه الأيام النافذة ..
--------------- و يا أساسي انا زاتي معترفة بـ اللانفوذية ( الأبدية إن شاء الله في البورد و نواحي أخر) بتاعتي و رضيانة تختوني في آخر القائمة ... و انت كمان ما تبالغ .. هو انا بوستات ما عندي انفذ بي ياتو نافذة .. بعدين ما بتجي .. نفوذ في الريل لايف و هنا ( ابتسامة من الضرس العاشر لـ الرابع عشر و ثقة حدها السماء ) >>>>> الأخيرة دي من بعد إذن الاستثنائية
| |
|
|
|
|
|
|
Re: الـــــــــــــ 10 نساء الأقل نفوذاً في المنبر ..أما الرجال فعيييي (Re: AMNA MUKHTAR)
|
Quote: لكن بيني وبينك كلامك صاح خصوووصاً في قصة إسمارت ورحاب دي |
و الله يا عمر الفاروق و اساسي...لما دينا خالد شخصيا تقول نافذين....معناها نافذين...و انفذ ناس كمان.
بعين يا اساسي....ما تتكلم ساى يا اخى... ال اى فون ده انا عملتا ليه اربعة بوستات فى عين العدو....لو قايلو بوست واحد...تكون كمان قاعد ساى فى البورد ده. ما تزعلوا انت و صحبك عمر ساى....انفذ منكم انتو الاتنين
| |
|
|
|
|
|
|
Re: الـــــــــــــ 10 نساء الأقل نفوذاً في المنبر ..أما الرجال فعيييي (Re: عمر الفاروق)
|
إسمارت يا إنتي .. انا شي واااحد خلاني اتأكد من عدم نفوذك غير كلام دينا ده ماف ..دينا ما بتحرج زول ..وأييي زول جاها ماري في البوست حقها نفذتو ..باقي هي زولة نفااااذا ..ياخ دي قالت العشرة النفاذات وكتبت العشرومية النافذات ..والغريبة معاها القلم وبعد كده كتبت على روحا شقية .. بالنسة لي انا واساسي فالنصييييحة نحن أنفذ منك بي تلاتة شهور ضوئية مع ملاحظة إنو نحن رجال وإنتي مرا ..يعني لو كنتي مثلاً إسمارت هو كان بننفذ منك بي زي اربعة قرون ضوئية .. والله مش تدفعي 250 بليون دولار ..لو دفعتي خممممسممميية ألف جنيه ما تلحقينا يا قول العربي ..
العربي بيتكلم مع صحبو قال ليهو انا عندي خمسة مليار..داك قال ليهو بس؟؟؟ ياخ انا عندي مييييية ألف ..
| |
|
|
|
|
|
|
|