|
|
|
 Re: يعني بوجعك شديد ولا شنو؟! (Re: الامين موسى البشاري)
|
النكتة تقول:
في بدايات الانقاذ وفي عز هوسها بالجهاد والدفاع الشعبي
قاموا أجبروا قيادات الخدمة المدنية على التدريب العسكري
ودخلوهم دورة دفاع شعبي
اعمامك ديل ناس كبار من مساعد مدير ولااااااااا فووووووق
الجماعة اتوكلوا على الحي الذي لا يموت ومشوا المعسكر
عاد يسووا شنو الله غالب
يا التدريب او المعاش والشارع طوالي
في المعسكر وفي أول يوم وقوفهم ليك إدارة كااااااربة لمدة 6 ساعات
وقدامهم عسكري ولد صغيروووووووووون كدا
ويلا قعد يسب ويشتم ليك فيهم
أنت يا كهنة أقيف كويس
انا في حياتي دي بكره حاجتين بس
المستجد والكلـــــب 
يا زول العسكري دا ما ترك ليهم صفحة يرقدوا بيها
نبذ واساءات للطيش
أها في عمكـ من القيادات ديل خلاص وصلت معاهو الحد
عمك دا عندو سكري والعسكري موقفوا 6 ساعات
قام قال للعسكري: يا ولدي ياخ دا كلام شنو
ياخ أنا عمري 55 سنة وعندي بكالريوس ليهو 25 سنة
وبرضو عندي ماجستير
قام العسكري قاطع عمك دا وقال ليهو: يا عمك يعني البتاع دا بوجعك شديد ولا شنو؟ 
| |
  
|
|
|
|
|
|
|
|
Re: يعني بوجعك شديد ولا شنو؟! (Re: احمد خليل)
|
Quote: تحياتى
ماجستير دى عاجباهو الكلمة ,,بدل التقسيط الراجينو ماطوالى كان يدهوا الدكتوراه ولا دى محجوزة ليجامعة تانية!! |
بطل حقد يا احمد خليل ياخ!
أنت داير تكتلو ولا شنو؟ 
| |
|
|
|
|
|
|
|
|
|
Re: يعني بوجعك شديد ولا شنو؟! (Re: صبري طه)
|
ماجتسير في الشريعة الاسلامية، أمس قريت الخبر في الشروق في الموجز الإخباري.
شكلها رسالة الماجستير بعنوان (أبعاد الدغمسة العلمانية وتأثيراتها على الشريعة الإسلامية، سودانيز أونلاين مثالاً)
| |
|
|
|
|
|
|
|
|
|
Re: يعني بوجعك شديد ولا شنو؟! (Re: نادر)
|
Quote: ماجتسير في الشريعة الاسلامية، أمس قريت الخبر في الشروق في الموجز الإخباري.
شكلها رسالة الماجستير بعنوان (أبعاد الدغمسة العلمانية وتأثيراتها على الشريعة الإسلامية، سودانيز أونلاين مثالاً) |
شكلو ماجستير مخجوج يا نادر .. والله صحي
| |
|
|
|
|
|
|
| |
الامين موسى البشاري
احمد خليل
فيس بوك
تويتر
انستقرام
يوتيوب
بنتيريست