|
Re: فكرة من زول زكي وشكلو مفلّس (الأمين البشاري) مطلوب حضورك (Re: صبري طه)
|
يا عريس انا ما فاهم حاجة فيا ريت تفهمنا الموضوع شنو والبشاري علاقتو شنو بالموضوع دا؟ هل هو صاحب الفكرة ولا اول زبون؟ بعدين زكي دا منو؟ ذكي وليس زكي ثالثاً عندنا زراعة الطير قرب يكملها فدايرين لينا (همبول) نغزو في نص الزراعة دي فما في طريقة تدونا فيكتور فالديز دا ؟ غايتو يا البشاري لو ثبتت لك اي علاقة بالموضوع دا فشيل شيلتك ......................... بنجضك
| |
|
|
|
|
|
|
Re: فكرة من زول زكي وشكلو مفلّس (الأمين البشاري) مطلوب حضورك (Re: محمد عمر الفكي)
|
Quote: يا عريس انا ما فاهم حاجة فيا ريت تفهمنا الموضوع شنو والبشاري علاقتو شنو بالموضوع دا؟ هل هو صاحب الفكرة ولا اول زبون؟ |
لا صاحب الفكرة ولا أوّل زبون .. لكن بفهم في الحاجات دي ... وننتظر ونرى إن لم يأتِ سأقوم بالشرح ...
Quote: بعدين زكي دا منو؟ ذكي وليس زكي |
تُشكر للتصحيح ... وأنا قصدتها بالدارجي (بس ما تقول لي قاعد تنطقها بالذال) كضّاب كضّاب (غايتو إلاّ تكون شهادة عربية)
Quote: ثالثاً عندنا زراعة الطير قرب يكملها فدايرين لينا (همبول) نغزو في نص الزراعة دي فما في طريقة تدونا فيكتور فالديز دا ؟ |
يوم الأربعاء الجايي في مطرة
| |
|
|
|
|
|
|
Re: فكرة من زول زكي وشكلو مفلّس (الأمين البشاري) مطلوب حضورك (Re: صبري طه)
|
قصدك خبرة يعني؟
Quote: تُشكر للتصحيح ... وأنا قصدتها بالدارجي (بس ما تقول لي قاعد تنطقها بالذال) كضّاب كضّاب (غايتو إلاّ تكون شهادة عربية) |
ما عارف زين زلا زال لكن لساني دا لما اقولها بلقاه فرق سنوني اها دي ياتا فيهن؟ المطرة الجاية ربنا يستر ما تكون في قون برشلونة بس ما بقيتو تلاتة عشان نقول لك (محمول الله يعينو )
| |
|
|
|
|
|
|
Re: فكرة من زول زكي وشكلو مفلّس (الأمين البشاري) مطلوب حضورك (Re: محمد عمر الفكي)
|
بالحيل
Quote: ما عارف زين زلا زال لكن لساني دا لما اقولها بلقاه فرق سنوني اها دي ياتا فيهن؟ |
طيّب في الحالة دي لمّا تنطقها بتكون بتلوك في لُبانة ولاّ لا ؟!
Quote: المطرة الجاية ربنا يستر ما تكون في قون برشلونة بس |
أسأل المتعودين على السيرة في المطر
Quote: ما بقيتو تلاتة عشان نقول لك (محمول الله يعينو ) |
أها عشان دي بالذات حقو الواحد يعمل رايح من الولادة
| |
|
|
|
|
|
|
Re: فكرة من زول زكي وشكلو مفلّس (الأمين البشاري) مطلوب حضورك (Re: محمد البشرى الخضر)
|
Quote: ليها علاقة بالقوقل آد يا صبري ؟ |
بالفعل ...
وقد تمّ وضع إعلان قوقل أدسنس في مكان الموضوع .. والذكاء في إيهام الزائر بأنّ الإعلان هو موضوع ويوجد رد عليه حسب ما موضّح بالرقم (1) الموجود أسفل تبويبة مُشاركات مما يجعله يضغط على الإعلان لقراءته وقراءة الرد ... وبهذا يزيد عدد النقرات على الإعلانات مما يعني زيادة الأرباح ...
ولك ودّي ،،،
| |
|
|
|
|
|
|
|