|
|
 الـــــــــــــــــــــ 10 نساء الاكثر نفوذا فى البورد !! صوور ...
|
بمناسبة صدور لستة ال 100 امراة الاقوى نفوذا فى العالم
واللائى ح نورد اسماء ال 10 الاوائل منهن وصورهن هنا ...
ومن ثم سنعررج على ال 10 الاكثر نفوذا فى البورد ...
وح نجتهد نعمل بوست منفصل لل 10 رجال الاقوى نفوذا فى البورد
دا طبعا اذا كوستاوى ما سبقنا وعمل بوست كيدى للرجال ....
سمحة المهلة يا كوستاوى اركز !
(أصدرت مجلة (فوربس) لائحتها السنوية لأكثر النساء نفوذا للعام 2012، وضمت أسماء نساء يعملن في مجالات مختلفة بداية من السياسة مرورا بمجالات الفن والأزياء والإعلام والتكنولوجيا، وصولا إلى إدارة الأعمال والاستثمارات والتكنولوجيا. وتأتي البداية، حسب تقرير لـ “إيلاف”، مع مغنية البوب الأميركية ليدي غاغا التي حلت أولى بين الفنانات وفي المرتبة 26 على اللائحة. وتعتبر غاغا من أكثر الفنانات غرابة وإثارة للجدل في الأعوام الأخيرة بسبب أسلوبها المختلف في اللباس وأغانيها التي لاقت الكثير من الإنتقادات، وتبلغ ثروتها 170 مليون دولار جنتها من عروضها الموسيقية وإصدارتها الفنية، وعدد متابعيها على تويتر فاق 25 مليون شخصا. تلتها المغنية الأميركية بيونسي في المرتبة 30، وتعتبر نولز من أكثر الفنانات تأثيرا وأعلاهن أجرا، حسب ما أشارت التقارير الأخيرة، إذ يبلغ معدل أجرها العام 40 مليون دولار في السنة. يشار إلى أن السنوات الأخيرة كانت الأوفر حظا على بيونسي فهي تزوجت من المغني جاي زي وأنجبت طفلتها الأولى، وحصدت نجاحا لافتا في أعمالها الفنية وحفلاتها الموسيقية. وكان لنساء السياسة نصيبهن في لائحة فوربس، فحلت المستشارة الألمانية أنجيلا ميركل في المركز الأول)
تلتها وزيرة الخارجية الأميركية هيلاري كلينتون في المركز الثاني،
ــــــــــــــــــــــــــــــ
الصور راعينا فيها جدا صيام اخونا محمد البشرى للستوت
حاكم متهمنى بعدم صومهن !
|
|
  
|
|
|
|
|
|
|
|
Re: الـــــــــــــــــــــ 10 نساء الاكثر نفوذا فى البورد !! صوور (Re: دينا خالد)
|
والله يادينا ناس مجلة فوريس ديل مامنصفين
معقوله لسته فيها مية مره مايكون من بينهم
دينا خالد ؟؟!!
ديل ناس شنو ديل المابعرفوا دينا خالد ؟؟؟
هسه عليك الله إنتى , ولا , رئيسة ألمانيه العجوز دى ؟
كلينتون ماعندنا فيها كلام خاصة وإنتى بتعشقيها !
لكن الباقيات ديل الأفهم فيهم منك منو ؟
غايتو معليش , إنتمائك لناس العالم التالت ظلمك .
كل سنه وإنتى طيبه .
بخصوص ال 10 الأكثر نفوذا فى البورد . أنا ماعارف حتجيبى ال 8 من وين ؟
(1) دينا خالد
(2) عزاز شامى
أوعك تخرمجى
| |
|
|
|
|
|
|
|
|
|
Re: الـــــــــــــــــــــ 10 نساء الاكثر نفوذا فى البورد !! صوور (Re: كمال سالم)
|
| Quote: هسه عليك الله إنتى , ولا , رئيسة ألمانيه العجوز دى ؟ |
اختنا دينا ما فيها كلام....لكن انت يا كمال سالم اللى جبت آخرك طوالى.
بالله العُجُز بقى عيب متين???
اها و دينا دى نختها فى القائمة و لما تعجز نطردها??
القائمة ل ال{الاكثر نفوذا}.....و ليس {الاكثر سماحة}...ده اذا جاريناك و قلنا السماحة بالصغرة...
_________________________________________________
دينا عليك الله ما ختيتينى فى قائمة البورد...ساى كده مجاملة
| |
|
|
|
|
|
|
|
|
|
Re: الـــــــــــــــــــــ 10 نساء الاكثر نفوذا فى البورد !! صوور (Re: elhilayla)
|
دينا كل سنة وانت طيبة و ربنا يحقق الاماني و العفو والعافية
من بين عشر نساء العالم وين الشيخة موزة ؟؟
لكن العشر نساء البورد ابحث عن بوردابية
تفتح اي موضوع ان شالله بي نقطة تمبس
في اربع بورداب بيجو يرفعو البوست
بدون حتي ما يقرو المكتوب .....
دايره نفوذ اكتر من ده
________________________________
يا ستنا ده ما بوست يتفتح يوم الجمعة
و في اوئل شوال
| |
|
|
|
|
|
|
|
|
|
Re: الـــــــــــــــــــــ 10 نساء الاكثر نفوذا فى البورد !! صوور (Re: osman righeem)
|
ووزيرة الأمن القومي الأميركي جانيت نابوليتانو تاسعة،
اها ياشباب العاشرة دى اهم واحدة ولولا الخج كانت مفروض الاولى
شيريل ساندبرغ غ غ غ غ ,,,,, رئيسة مجلس ادارة موقع الفيس بووك
ياخ دى بتدير ليها فى اكبر محنة منذ بدء الخليقة !!!
براحه ممكن تضاف لى عجايب الدنيا السبعة ....
ـــــــــــــــــــــــ...
التاسعة دى وظيفتها مخيفة عدييل ... شرفتينا يا جانيت الى الامام الى الامام !
| |
|
|
|
|
|
|
|
|
|
Re: الـــــــــــــــــــــ 10 نساء الاكثر نفوذا فى البورد !! صوور (Re: osman righeem)
|
ودخلت إلى اللائحة 3 نساء عربيات هن
الرئيسة التنفيذية لبنك الكويت الوطني شيخة البحر في المركز الـ85،
ووزيرة التجارة الإماراتية الشيخة لبنى القاسمي في المركز الـ92،
ورئيسة هيئة المتاحف القطرية الشيخة ميساء آل ثاني في المركز 100.
شيخة البحر اقوى سيدة اعمال عربية من الكويت
الدكتورة لبنى بنت السيخ خالد بن سلطان القاسمى
تقول ان تجربتى جزء من نجاح المراة الاماراتية ...
ميساء ال ثانى من قطر
ــــــــــــــــ
العربيات الاكثر نفوذا كلهن من دول الخليج لاحظتوا ؟؟
الدول الاكثر تحررا فى الشام والمغرب العربى صفر ...
دى مسابقة سنو الماحللللللوة دى ؟
| |
|
|
|
|
|
|
|
|
|
Re: الـــــــــــــــــــــ 10 نساء الاكثر نفوذا فى البورد !! صوور (Re: osman righeem)
|
وقالت مويرا فوربس رئيسة وناشرة "فوربس ومان" إن
"هذا النفوذ الذي تمارسه النساء يؤثر بوسائل مختلفة للغاية ولأهداف مختلفة تماما،
وجميعهن لديهن تأثيرات مختلفة تماما على المجتمع العالمي".
أما بين المشاهير فكانت مقدمة البرامج الأميركية أوبرا وينفري في مركز الصدارة
(وقد احتلت المركز 11 على لائحة أكثر النساء نفوذاً)،
فيما كانت ليدي غاغا ثانية (وفي في المركز 14 على لائحة النساء الأكثر نفوذاً في العالم".
وحلت بيونسي في المركز الـ32
وجنيفر لوبيز في المركز الـ38
أما المغنية شاكيرا ففي المركز ال40،
وأنجلينا جولي الـ60.
جاءت ملكة بريطانيا اليزابيث الثانية في المرتبة السادسة والعشرين،
وكانت أيضا الأكبر سنا ضمن القائمة عن 86 عاما
بينما كانت ليدي غاغا الأصغر سنا عن 26 عاما واحتلت المرتبة الرابعة عشرة.
ـــــــــــــــــــــــــــــــــ
نتعرف عليهن شوية الاخيرات ديل عشان نتفرغ لقائمة البورد
وهى ستكون بنفس المعايير
الدكرتها مويرا فوربس رئيسة وناشرة "فوربس ومان" وقالت إن
"هذا النفوذ الذي تمارسه النساء يؤثر بوسائل مختلفة للغاية ولأهداف مختلفة تماما،
وجميعهن لديهن تأثيرات مختلفة تماما على مجتمع البورد".
| |
|
|
|
|
|
|
|
|
|
Re: الـــــــــــــــــــــ 10 نساء الاكثر نفوذا فى البورد !! صوور (Re: دينا خالد)
|
الملكة اليزابيث احتلت المرتبة 26 وكانت الفائزة الاكبر سنا فى اللستة 86 عاما
المغنية ليدى غاغا احتلت المرتبة ال 14 كاصغر فائزة فى اللسته 26 عاما
جنيفر لوبيز فى المركز 38 بالهدوم ...
عشان ود البشرى صايم ما بقدر يمشى يجيب صورتو الداسيها ليها ديك !
شاكيرا بالحجاب ..... جات ال 40
انجلينا جولى ال 60 شفتو الخج دا كيف ؟؟؟؟
وبيونسى فى المركز ال 32
طبعا ضراها السمار دا ... حتى اسالوا تراجى !
ــــــــــــــــــــــــــــــــــ
اها العايز يشوف بقية ال 100 الفى اللسته يقوقلها ....
لاننا سنتفرغ للعشرة نساء بتاعات البورد !
| |
|
|
|
|
|
|
|
|
|
Re: الـــــــــــــــــــــ 10 نساء الاكثر نفوذا فى البورد !! صوور (Re: دينا خالد)
|
دينا سلام يااخي
ظلمتينا بالفوربس دي ..
ومعاييرهم المحسوبة ضمن نطاق ..... عينهم على شنو
النفوذ نفوذ مؤسساتي
ونساء البورد المسكينات يناطحن ويكافحن براهن كدة
وينطوا ليهم ناس ما اعرفش ايه ومين وليه
وشئ يا مراة الزمي حدودك ... ويا حرمة ما عندك ولي ... وزي ما قال عادل امام وحاجات تاااااااااااانية
على كل عزيزتي
ما فيش نفوذ .... وفي ميل ... تدخل فيه معايير كثيرة بعضها ما عنده دخل بما يكتب
نعجبني كتابات ناضجة لنساء في البورد
انضجها وأعمقها رؤية كتابات لدينا خالد إذا كانت من النساء
(على كل اطمئني حتى لو لم تكوني فما حد بعد كدة حيتقبل غير كدة .. بل وبالصورة الموجودة في بروفايلك )
احببت جدا وافتقدت كتابات الجندرية اماني من اليمن
ومقالات هنا وهناك
كانت هنالك كتابات اعمق في فترات سابقة
ولن ادعي معرفتي باعضاء البورد لان متابعتي دون المطلوب للتقييم ... لكن بلقط للبعض
| |
|
|
|
|
|
|
|
|
|
Re: الـــــــــــــــــــــ 10 نساء الاكثر نفوذا فى البورد !! صوور (Re: haroon diyab)
|
رئيس مجلس أمناء هيئة متاحف قطر.
لعبت سعادة الشيخة المياسة بنت حمد بن خليفة آل ثاني دورا هاما في مجالات الثقافة والتعليم بالإضافة إلى دعم العديد من المنظمات المحلية والعالمية، كما عرفت سعادتها بإقامة الحوارات الدولية في العديد من المنابر مما أكسبها سمعة حب السلام والإنسانية.
تتولى سعادة الشيخة منصب رئيس هيئة متاحف قطر، وتتمثل رؤية سعادتها في أن تصبح دولة قطر دولة غنية فنيا وثقافيا، وستتحقق هذه الرؤية مع افتتاح متحف الفن الإسلامي وهو المشروع الذي تم إنجازه تحت مظلة هيئة متاحف قطر والذي يجسد رؤيتها الأشمل في ربط الماضي بالحاضر وربط الشرق بالغرب.
وقد تم تأسيس المتحف بهدف إشراك المجتمع المحلي إيمانا من سعادة الشيخة بأن المجتمعات الصحية والنشطة ترتكز على تفاعل أفراد المجتمع ومشاركتهم، ولذا تم إنشاء المتحف ليكون مكانا مفتوحا للجميع.
أتمت سعادة الشيخة المياسة المرحلتين الإبتدائية والثانوية بالدوحة، وحازت على درجة البكالوريوس في العلوم السياسية والآداب من جامعة ديوك بالولايات المتحدة الأمريكية.
وقد كانت سعادتها نشطة في العديد من اللجان والجماعات والاتحادات الطلابية، ومنحتها تجاربها الغنية الفرصة لصقل مهاراتها القيادية وإدراك أهمية التعلم على مدى الحياة.
وبالإضافة إلى أنشطتها الثقافية، تتولى سعادة الشيخة المياسة منصب رئيس مجلس إدارة منظمة أيادي الخير نحو آسيا (روتا) وهي منظمة خيرية غير حكومية.
| |
|
|
|
|
|
|
|
|
|
Re: الـــــــــــــــــــــ 10 نساء الاكثر نفوذا فى البورد !! صوور (Re: محمد أبوالعزائم أبوالريش)
|
Quote: يا دندون بغض النظر عن اللخبطة الفي بعض الصور
شنو هي المعايير الاستندت عليها اللستة
المنصب النفوذ الثروة التأثير الجمال ... إلخ |
يا ود البشرى انت عايز اجابتى انا ولا الناس النظموا الجايزة
غايتو دا كلام ناس الجايزة
Quote: وقالت مويرا فوربس رئيسة وناشرة "فوربس ومان" إن
"هذا النفوذ الذي تمارسه النساء يؤثر بوسائل مختلفة للغاية ولأهداف مختلفة تماما،
وجميعهن لديهن تأثيرات مختلفة تماما على المجتمع العالمي".
|
فهمت حاجة ؟؟؟
كلو عملتو ليك مختلفة مختلفة مختلفة !!
لكن حسب عرفتى انا انو هم لخصوها فى النفوذ وهم بقصدوا ديل كلهم
التاثير على جماهير كبيرة ، يعنى مؤيدنهم او معجبيهم ملايين ،
وايضا يحظون بالمال والتاثير ومن ثم الشهرة !! كلو
ــــــــــــــــــــــــــ
انا حالتى قلت ود البشرى اتظلم فى البوست دا
لانو ما ح يقدر يشوف ...
| |
|
|
|
|
|
|
|
|
|
Re: الـــــــــــــــــــــ 10 نساء الاكثر نفوذا فى البورد !! صوور (Re: دينا خالد)
|
الرابعة مشترك
عزاز شامى .... قبل الكبر والشنا واللسته ...
نجمة افلت ... نتطلع لسطوعها من جديد ....
الرابعة مشترك ...
النجمه الساطعة التى يتمنى البعض افولها ودخولها للستة ولكن هيهات ...
امنننننننننننننننننننننننننننه مختاااااااار
نجمة بلا منازع ... وصاحبة نفوذ واسع ...
ــــــــــــــــــــــــــــ
البتكلم بتضقلم !!
| |
|
|
|
|
|
|
|
|
|
Re: الـــــــــــــــــــــ 10 نساء الاكثر نفوذا فى البورد !! صوور (Re: دينا خالد)
|
Quote: السادسة مشترك ( مخجوج ومشروط بوصول الاى فون )
اسمارت انااااااااااااا |
دينا كل سنه وانتى طيبة
بارك الله فيك
وشكرا بالجد شكرا
بوستك مرقنى حبة كدى لى بره
يعنى بالعربي كده ضحكتينى
فشكرا تانى
__________________________________
اها مع هكذا حال منحك د. الدكتوراة الفخرية فى افشاء المرح الادبى
من جائزة غادة للكتاب الشباب
ما بلقى لى بيها فرقة فى ما قبل الاشتراك فى الاول
يعنى تجيبينى كده فوق لى الحبيبة الطال غيابها دومة
قبل ما تجاوبى صدقينى دومة ما عندها مانع
وقبل ما تجاوبى تانى الهدية اخطر من هدية اسمارت انا
| |
|
|
|
|
|
|
|
|
|
Re: الـــــــــــــــــــــ 10 نساء الاكثر نفوذا فى البورد !! صوور (Re: فايزودالقاضي)
|
دندون يا بتاعت المغارز انت....
يختي النساء الاكثر نفوذا دي فيها ثلاثه اقوال:
اولا على مستوى بكري ابوبكر:
1)
2)
3)
.
.
.
10)....
على مستوى الجماهير:
1)
2)
3)
.
.
.
.10)....
على مستوى الشلليات(شلل جلابه/شلل هامش/شلل احزاب/شلل اضان حمراء...على قول خالد كودي) :
1)
2)
3)
.
.
.
.
10)......
اها نبدأ من وين يا غاليه اختاري.......
انا بقول نبدأ ببكري ابوبكر.....في ناس لو عطست بيشعلق لهم بوستاتهم فوق ايه رايك؟!
(هههههههههههههههههههههههههههه)
والي ان اعود
التحيه للقامات
د.احسان فقيري
استاذه سناء الصباغ
استاذه بثينه تروس
استاذه زينب بدر الدين
و الراحله منيره ضيف الله
والغائبه الحاضره ليلي اكول
واول سيده عضوة منبر تحتل منصب وزيره هي (ليليان رزق)
واول سيده ترأس حزب هي عضوة المنبر هميمه او هاله عبد الحليم
وثاني سيده تراس حزب هي نور تاور كافي
واول سيده تؤسس حزب هي آمنه مختار.
واول مدونه من داخل السودان تقحم الكاميرا في عالم التوثيق هي نجلاء سيد احمد.(من خارج السودان طبعا هنالك اخريات)
وحقيقة القائمه تطول.....بس خلونا نبدأ التوثيق لانفسنا كنساء.
| |
|
|
|
|
|
|
|
|
|
Re: الـــــــــــــــــــــ 10 نساء الاكثر نفوذا فى البورد !! صوور (Re: osman righeem)
|
Quote: يا دينا.
صورة المحامية نانسي جريس دي أتحشرت كيف وسط الصور؟
|
دي الخج الما خمج
والله لو زي ناس دينق ديل كان اتغرطسنا الضحى
بعدين يا كمال سالم يقولوا ليك ال10 (نساء) تقول عزاز ودينا
اركز
ثم تريث
بعدين يا دينا لحدي جية دينق تاني
صورة الهندية الزغيرونة دي باقي لي ممثلة امريكية
او بتشبه ممثلة امريكية
بعدين مع صورك دي دينا الا الستوت ده نصومه جمع تاخير بعد الحج
| |
|
|
|
|
|
|
|
|
|
Re: الـــــــــــــــــــــ 10 نساء الاكثر نفوذا فى البورد !! صوور (Re: osman righeem)
|
Quote: يا دينا.
صورة المحامية نانسي جريس دي أتحشرت كيف وسط الصور؟
|
دي الخج الما خمج
والله لو زي ناس دينق ديل كان اتغرطسنا الضحى
بعدين يا كمال سالم يقولوا ليك ال10 (نساء) تقول عزاز ودينا
اركز
ثم تريث
بعدين يا دينا لحدي جية دينق تاني
صورة الهندية الزغيرونة دي باقي لي ممثلة امريكية
او بتشبه ممثلة امريكية
بعدين مع صورك دي دينا الا الستوت ده نصومه جمع تاخير بعد الحج
| |
|
|
|
|
|
|
|
|
|
Re: الـــــــــــــــــــــ 10 نساء الاكثر نفوذا فى البورد !! صوور (Re: خالد عبد الله محمود)
|
الجكس !
منورين والله ..
خالد محمود ، احمد موسى ، فايزنا ود القاضى ، زكريا جوزيف
الفاتح ميرغنى ، الشايقى ، الحليلة ، القردابى ، كمال سالم
سيف النصر محى الدين (ماشين كويس فى حفظ الاسم) ...
محمد المسلمى ، الراقى عبد الله الحبيب ، عثمان رغيم ، عمران محمد صالح
نتشارط ؟ ياها لما صغيرة !
العوض المسلمى ، وكل اصدقائى الجميلين
الامين بشارى الاسرائيلين ما بناباهم لكن زولتك دى ابعدها العالم من 100
ذوات النفوذ ...هارون دياب يا فنان
منورات الجكس من الضفة الاخرى
وضاحة ، سمارت انا ، امينة عيسى ، اقبال المرضى ، محاسن زين العابدين
نفسسسك اطلع ولد لييه ياخ ؟؟ لوووب
ووووووووووووووووووووو
الفائزة الاولى شخصيا ؟؟
مرحبا مرحبا المراة ذات النفوذ الاعلى والصمود ...
نحن ما سائلين فى عشرة بكرى
خلى يبلهم يشرب مويتهن ... لوووووووب يا بكور ,
| |
|
|
|
|
|
|
|
|
|
Re: الـــــــــــــــــــــ 10 نساء الاكثر نفوذا فى البورد !! صوور (Re: دينا خالد)
|
سلام دينا خالد والضيوف
بوست ممتع كعادة بوستات دينا خالد
بالنسبة لي سونيا غاندي على ما اعلم هي ايطالية الاصل
وحصلت على الجنسية الهندية بعد خمسة عشر سنة
من زواجها براجيف غاندي ابن الزعيمة الهندية أنديرا غاندي
والصورة فعلاً حقتها وان كانت بتشبه Reese Witherspoon نجمة الفيلم Legally Blonde
ودي صورة تانية ليها وهي صغيرة
| |
|
|
|
|
|
|
|
|
|
Re: الـــــــــــــــــــــ 10 نساء الاكثر نفوذا فى البورد !! صوور (Re: Bashasha)
|
امنة مختار، اليوم فقط، في الصفحة الاولي لوحدها، احرزت اكثر من 12,000 نقرة!
الاساس المعمول بيهو في العالم كلو هو عدد النقرات، مش امزجة الجلابة والجلابيات!
قنا ليكم عدد محدود جدا هو الديزل الكاري، قطر بضاعة هذا الفضاء!
المجد لعصابة الاربعة، تراجي، امنة، محمد سليمان، دينق!
ديل الساس او ديل الراس، او غصبا عن انف اي جلابي متلجج، او جلابية، او لوعجبكم... عييييييييييك!
يا بكري ابوبكر اعمل حسابك شديد، لي عصابة الاربعة!!!!!!!
| |
|
|
|
|
|
|
|
|
 Re: الـــــــــــــــــــــ 10 نساء الاكثر نفوذا فى البورد !! صوور (Re: Bashasha)
|
قائمتك مخجوجة يا دندون ..(كما توقعت ) ..:)
الأكثر نفوذا فى البورد وعلى أرض الواقع ..
هى قريبتك / هالة عبد الحليم - أول إمراة فى تاريخ السودان تترأس تنظيما سياسيا .
وبعدين نسيتي نفسك ليه ؟
إنتى من النوع الكان قح ساكت ، زوار بوستو يكونوا بالألاف .
وللا إنتي قاصدة تعززي الشكوك بتاعة (دينا خالد راجل وللا مرة ) ...:)..
أو تتواضعي ساكت ، من باب شكر نفسه إبليس .
................
غايتو ضحكني الغلاط حول صاحبة الصورة : هل هى ريس ويزرسبورن وللا سونيا غاندي .
وما عجيتنى صورة أوبرا بالتوب ..مش عشان التوب ..(عشان طريقة لبس التوب مع الحجاب بتاعة الكوزات ).....:)
وكمان عكستني صورتى مع صورة عزاز شامي ..
لأن المفروض تكون لابسة النضارة هى أنا ..:)
_________
شكرا يا أمير على الترشيح ..
لكن أهو الناس بتتسلى .
| |
|
|
|
|
|
|
|
|
|
Re: الـــــــــــــــــــــ 10 نساء الاكثر نفوذا فى البورد !! صوور (Re: AMNA MUKHTAR)
|
مبروك المراكز العشرة الأوائل 00 وكم نتمنى النتوفيق والمزيد من الابداع
اضافة لما ذكر تعجبني كتابات كل من :
تماضر شيخ الدين هذه المبدعة ذات كاريزما خاصة وكتاباتها شيقة جدا
اشراقة مصطفى قلم يزيل الاكتئاب ويجدد الخلايا
أماني الجندرية تحملك الى عوالم رائعة جداً
شيري اقرا لها ومن ثم اذهب لتنام بهدوء
الدكتورة مهيرة جرعة تستحق أن يتناولها الإنسان في اليوم ثلاث مرات حتى يقف الوطن على قدميه
والدكتورة ندى تكتب بانفاس قوية ومؤثرة
بت قضيم إقرأ لها ودع الصيدليات والأدوية المسكنة والمضادات الحيوية جانباً
نجلاء سيد احمد إمراة قوية تحرضك على ان تهتف ضد الظلم حتى ولو كنت نائماً
رمانه قلم يجبرك على متابعته ويرفع روحك المعنوية حتى ولو كنت في حضيض اليأس
روزمين الصياد 00 لا ادري اين اختفت 00 إمراة كانها تحمل عصا موسى !!!
وسوما الجنيد 00 إمراة معجونة بكل طمي السودان
واقلام كثيرة بعضها غاب
وبعضها مازال صامداً
التحية لكل من منحنا الابداع
وجعل لحياتنا الف معنى ومعنى ومعنى
| |
|
|
|
|
|
|
|
|
|
Re: الـــــــــــــــــــــ 10 نساء الاكثر نفوذا فى البورد !! صوور (Re: دينا خالد)
|
Quote:
المجد لعصابة الاربعة، تراجي، امنة، محمد سليمان، دينق! |
والمجد لله فى الاعالى ! او تبت لله ...
لكن بعيدا عن خصوماتك بالله فى انفذ من ديل ؟
بالاضافة لى بشاشا نمره 1
2/ محمد سليمان ،
3/ خالد كودى
4/ دينق
نفتح فرص للشباب
5/ طلال عفيفى
6/ عمر عشارى
7 / عمر الفاروق ... لووووووووب خج لما بهناك ...
نرجع للكوامر
8 / اساسى
9 / الموصلى
10 / مشترك
محسن خالد (فقد درجاته عشان الغياب الاطول من اللازم )
تبارك (فقد درجاته عشان الشكل )
هيثم طه ....( فقد درجات عشان اشترك متاخر وماعندو مكتبه )
ـــــــــــــــــــــــــــــــــــــــــــــ
الانفذ من ديل كلهم والاب الروحى والفخرى للجايزه هو قيقااااااااااااااااااااااااااااااااراوى !
| |
|
|
|
|
|
|
|
|
|
Re: الـــــــــــــــــــــ 10 نساء الاكثر نفوذا فى البورد !! صوور (Re: دينا خالد)
|
Quote: امنا الحبيبة (دوما ) .......
المرأة ذات النفوذ المزدوج .... |
Quote: ذات النفوذ الاوسع وبلا منازع
الاستاذة تراجى مصطفى ..... |
Quote: عزاز شامى .... قبل الكبر والشنا واللسته ...
نجمة افلت ... نتطلع لسطوعها من جديد .... |
Quote: راوية العباسى ى ى ى ى ى (مشروط بوصول المعلوم )
نجمة ساطعة ومتالقة على الدوام .... |
Quote: الانسانة الرائعة جدا
ومكانها الثالثة لولا الخج والتزوير
صاحبة الملكات الفريدة واللسان السليط
تيسير عوووووووووضااااااااااا |
مريم صحبتى....الناس كلهم ختوا ليهم قدمة سمحة قدام اساميهم...شىء نجوم افلة و شىء نجوم ساطعة...الا انا وانتى...انا كمان قالوا على عديل كده...."مخجوجه".
دينا خالد......اصبرى @_@
وضاحة.....من ناحية...رفع المعنويات...ما قصرت دينا....رفعتها. لكن كمان كانت تقولى لى كلمتين سمحات مع اللقب ده !!!
سهام المجمر....دينا دى ما تقولى ليها كده....اصلا هى ملكلكة...و لو لقت رشوة اسمح بتطلعنى من اللسته من غير ما تتلفت حتى.
| |
|
|
|
|
|
|
|
|
|
Re: الـــــــــــــــــــــ 10 نساء الاكثر نفوذا فى البورد !! صوور (Re: دينا خالد)
|
يا زوله تطلعيني من اللسته دي حسسسسسي دي... اصلي ما ببيت فيها لي بكره.... ورقتي تصلني في بيتي هنا بالله يا دينا...
الشفيفه الرفيفة مريم الحسين، ست بيت خطيرة وطباخة درجة أولى، ومصاقرة العيال تطبق فيهم نظريات شرق غرب... رائعة حين تنداح، تدهشك لما تقرأ لها... ولما ما تقرأ برضو... تناقش بانسيابيه وتعقل... الله يرحمها ويغفر ليها
يا سيدات، في خانة العاشرة معروضة للبيع في ebay... المزاد مفتوح بي 5 جنيه استرليني (حسي امين سالم يجي يغالطنا فيه كمان!)
| |
|
|
|
|
|
|
|
|
|
Re: الـــــــــــــــــــــ 10 نساء الاكثر نفوذا فى البورد !! صوور (Re: دينا خالد)
|
Quote: حتى بالامارة .. فهو لم يطرد من سودانفوراووول بعد !
فما سر سحر هذا الولد
|
مش في اللول يد وهو العضوية وبعدين يكرب وهو .. ويرسموهو .. ويجرسوا بي ديك يا السيرة ليييي عند باب الباشا حيث(اليتامى، وأبناء السبيل، وشماشة الاسافير)؟
-------
اذا عرف السبب بطل العجب
ابتفة ما متفرول اصلاً
الا كان القصة داخلا الخج ......
ؤ آية الله العظمى بقى يجامل!
نفوذ بي وين مع الشوطين ... المتربصين
وابتفة دا نسااااااي
| |
|
|
|
|
|
|
|
|
|
Re: الـــــــــــــــــــــ 10 نساء الاكثر نفوذا فى البورد !! صوور (Re: قيقراوي)
|
البروكسيات خشم بيووووت يا بتنا المعجبة بتعليقات تراجى وامونه !!
انتى قايلاها الاولى من فراغ ؟؟؟ ولاامونة التانية من فراغات ؟
----------------
يتربن في عزك (البروكسيات) يا أمنا دندنة بت خالد و يجيبن تيمان تيمان الاداكم بالملعقة يدينا بالكوريك :-)
ممكن اعمل نسخة جديدة من مداخلتي ؟
معجبة والله ....
و معجبة مرفوعة لـ القوة تريليون ... كيفتني مداخلاتهم لـ الدين ... يا أيها الفراغ الممتلئ تلجاًمُكسراً و برد ^__^
----------------
الخميرة كتيرة يا امنا... كدا العجينة بتبوظ ^___^
| |
|
|
|
|
|
|
|
|
|
Re: الـــــــــــــــــــــ 10 نساء الاكثر نفوذا فى البورد !! صوور (Re: رشا احمد)
|
يا قيقا ... نحن طبعا ما بنسمع بى عضوية الفوراوول الا بعد يطردوهم
لووووووووووووب فما سمعنا بالطرده قلنا قاعد لسه ..
يا بتنا ... اعصابك ياخ امكن تجى فى اللسته بعد 20 سنة المافى شنو؟؟
امونه وتراجى ديل بودنك التوج ... وهن قاعدااااات فى بيوتهن...
حاسبى امامك مطبات !
ـــــــــــــــــــــــــ
تاج الملك ... غايتو ما بكون فى زول وصفك كدا من ما ولدوك سردب بس !
| |
|
|
|
|
|
|
|
|
|
Re: الـــــــــــــــــــــ 10 نساء الاكثر نفوذا فى البورد !! صوور (Re: دينا خالد)
|
مريم يا مريومة بت ام الحسين
ما تحردى ساى ,,, تابيها مملحة تاكليها حافة وبعدين
تجى مجلبطة خشمك ....
وبعدين نبقى فى انتى ذاتك منو وجيتى من وين ..
وكلام المعصورين داك ...
ياجماعة وليد صاحبى لو جا لقا نفسو برا اللستة دى
بمسكها معاى تار ابا بكر( بضم البا فى بكر) الصديق !
لذا لزم التنويه انو لابعدا شبهة المحسوبية والخج عننا
ابعدنا الاصحاب ...
ــــــــــــــــــــــ
ونسيت ليك عمك محمد امين سليمان كيف!!!! حولاااااا
لكن اللستة ضيقة نسوى شنو 10 بس !
| |
|
|
|
|
|
|
| |
دينا خالد
كمال سالم
smart_ana2001
امينة عيسى
Egbal Elmardi
سيف النصر محي الدين
محمد المسلمي
Deng
Abd Alla Elhabib
elhilayla
osman righeem
Al-Shaygi
عمران حسن صالح
.jpg)
العوض المسلمي
وصال عالم
الامين موسى البشاري
محاسن زين العابدين
محمد البشرى الخضر
haroon diyab
وضاحة
محمد أبوالعزائم أبوالريش
ALGARADABI
Siham Elmugammar
Zakaria Joseph
الفاتح ميرغني
فايزودالقاضي
Tragie Mustafa
Ahmed musa
خالد عبد الله محمود
حافظ انقابو
Osama Mohammed
سفيان بشير نابرى
القلب النابض
قيقراوي
مصطفى عبيد
Afraa Sanad
البشير دفع الله
مريم بنت الحسين
rummana
Bashasha
AMNA MUKHTAR
ابوحراز
رشا احمد
عمر عبد الله فضل المولى
Yassir Tayfour
فيس بوك
تويتر
انستقرام
يوتيوب
بنتيريست