|
|
 جريمة قتل ولكن الأسوأ مابعدها
|
االحدث:
في حلتنا بالأمس الأول قتل أحد القصر قاصر آخر..المقتول من أبناء الزغاوة ..عند أخذ الجثمان من المنزل زغردن مجموعة من النسوة ال(.....) جارات القاتل والمقتول وتفوهن بأن الزغاوة يستاهلوا الموت ...النسوة أهل القتيل لم يتحملن تصرفهن فههمن بضربهن وهذا رد فعل طبيعي ...ال(.....) إعتصمن في منزلهن خوفاً بعد مافعلن ..تدخلت الشرطة وأخذوا ال(....)
التعليق:
في مهاتفة سابقة مع أحد أصدقائي كنا نتحدث عن تهتك النسيج الإجتماعي في زمن الأرزقية ..فسألته عن هل يمكن أن يعود السودان كما كان ...فرد ضاحكاً في سخرية : والله كان جابوا كل ترزية الشرق الأوسط مابيتلتق
|
|
 
|
|
|
|
|
|
|
 Re: جريمة قتل ولكن الأسوأ مابعدها (Re: محمد سليمان جاموس)
|
اللهم احقن الدماء وهدئ من روع اهل القتيل ..
من واجب عقلاء الحى ان لا يسمحوا بتحوير وتحويل موضوع الجريمة الى جهوية وقبلية , القانون يجب ان يتخذ طريقه بكل حيادية , أما موضوع رتق النسيج الاجتماعى فهو من مسئولية الدولة واجهزتها الاعلامية , المواطن العادى هو عبارة عن صنيعة لاعلام الدولة , مع الاسف الشديد توجد كثير من أدبيات النكتة السودانية مكرس للقبائلية والمناطقية و بكل وضوح وتمادى , رتق نسيج المجتمع مقرون بتوجه ولاة الامر وسياساتهم وتخطيطاتهم الاجتماعية .
| |
|
|
|
|
|
|
|
|
|
Re: جريمة قتل ولكن الأسوأ مابعدها (Re: اسماعيل عبد الله محمد)
|
أخي إسماعيل...لولا تدخل العقلاء كما سميتهم لكانت معركة حامية ا########س ..حيث وصل الإستفذاذ قمته من تلكم النسوة ال(.....) ولا علاقة لهم بأهل القاتل..
وتهتك النسيج الإجتماعي بهذا القدر هو ماصنعته الإنقاذ لربما بمنهج فرق تسد..وأجزم بأنها يروق لها إقتتال الكل لتسود هي
اللهم جنب السودان الفتن ماظهر منها ومابطن
| |
|
|
|
|
|
|
|
|
|
Re: جريمة قتل ولكن الأسوأ مابعدها (Re: Hani Arabi Mohamed)
|
الاخ محمد جاموس عيدك سعيد ومبارك
رحم الله القاتل والمقتول ,جنبنا شر الفتن ماظهر ومابطن
المشلكة اصبحت اكبر مماتتصور وان مشكلة تهتك النسيج الاجتماعى السودانى فى الخارج صارت افظع من الداخل وسودانى الخارج الذى كان يضرب بة المثل
صار علامة تعجب كبيرة فى الغرب تحديا واتمنى بان يكون الحال فى الخليج افضل حال مما هو علية الحال ومن ان اكثر الامور التى صارت مثال للتهك النسيج الاجتماعى حيث ان اصبح كل واحدا منا يحمل اخية فى الغربة مسئولية احداث الداخل بسب قبيلتة او سكنة الجغرافى فى السودان
هدى الله الجميع
مع كل الود
| |
|
|
|
|
|
|
|
|
 Re: جريمة قتل ولكن الأسوأ مابعدها (Re: محمد سليمان جاموس)
|
| Quote: تبارك...(في مهاتفة سابقة دي ما واااضحة .....والنقاش كان عن عموم السودان وليس حلة بعينها..) |
يعني داير تفهّمني انو مسألة انو الجارات يزغردن لى كتل ود الجيران دي ممكن تحصل في عموم السودان؟
مافي منطقة المهرية ولاّ الزيادية ولاّ عرب دافور والجنجويد ومناطق الإستقطاب القبلي بقيادة القبائل الرعوية؟
ولاّ خجلان من حلتكم وفعايل ناس حلتكم؟
... المهم ....
| |
|
|
|
|
|
|
|
 Re: جريمة قتل ولكن الأسوأ مابعدها (Re: محمد سليمان جاموس)
|
Quote: يا تبارك ....عندما إستشهد الدكتور خليل ..مجموعة من النسوة أطلقن الزغاريد وبالسيرة حول منزل الشهيد لربما علي نفس الوتيرة سارن ...
وياستي الجاب الخجل شنو ...منزل جاموس معروووووووووووووووف للكل أين يقع وعشان ماتزعلي (أمبدة السبيل). |
تبارك
إنتى زعلتى ولا شنو؟
________________
سلام يا جاموس ومرحب بيك فى منبر بكرى
| |
|
|
|
|
|
|
|
|
|
Re: جريمة قتل ولكن الأسوأ مابعدها (Re: الدومة ادريس حنظل)
|
مرحب بيك يا ولدنا
اولا بالتبادي:
1. تبارك is a boy
2. لمن تتكلم مع اولاد المدينة تقول ليهم "واحد من اولاد الحي كتل) و ليس (واحد من اولاد الحلةكتل).
3. كان من الاول تقولينا الشغلانة في عاصمة البلاد عشان ما يسرح تبارك بخيالو و يقول انو الشغلانة دي بتاعت اقاليم.
_______________
تبارك ليك كم سنة من السودان
غايتو ترجع ام درمان يقولو ليك الغريب ارجع لبلدك
| |
|
|
|
|
|
|
|
|
|
Re: جريمة قتل ولكن الأسوأ مابعدها (Re: محمد سليمان جاموس)
|
الأخ محمد سليمان جاموس
سلام وتحية واحترام ،،
أولاً : رحم الله القتيل فهو بين يدي الله الآن ولا تجوز عليه غير الرحمة
ثانيا : الشماتة في الموت حاجة ما جميلة بالطبع وهي عادة دخيلة على المجتمع السوداني
بصفة عامة والدارفوري بصفة خاصة يجب محاربتها بمزيد من التعليم والوعي والتوعية
بسوء هذا الفعل
ثالثاً : ياخ طريقة طرحك للموضوع نفسها ما جميلة لأنك ببساطة وصفت هؤلاء النسوة ب :
| Quote: عند أخذ الجثمان من المنزل زغردن مجموعة من النسوة ال(.....) جارات القاتل والمقتول وتفوهن بأن الزغاوة يستاهلوا الموت |
ورجعت كررتها مرة ثانية أيضاً ووصفتهن ب
| Quote: النسوة أهل القتيل لم يتحملن تصرفهن فههمن بضربهن وهذا رد فعل طبيعي ...ال(.....) إعتصمن في منزلهن خوفاً بعد مافعلن ..تدخلت الشرطة وأخذوا ال(....) |
طالما طاوعك كيبوردك لكتابة هذه الاقواس كان تتحلى بالشجاعة
وتتم النقاط وتكتب الكلمات واضحة وصريحة
يعني أنا هسي فسرتها كما يلي :
مجموعة من النسوة الشــراميط ؟
ولا ما ياهو قصدك؟
رابعاً : اصلو ما ممكن نسوة ســاي كدا وبدون أي سبب
أو مبررات قوية يقمن بالشماتة في هذا القتيل ومن قبيلته بدون ما يكون لديهن
غبن من الزغاوة (مع العلم أن الفعل مدان من جانبي مهما كانت المبررات)
يعني هســي داير تفهم السودانيين ديل انو الانقاذ كرهت الناس في شعب الله المختار
الزغاوة وعشان كدا بتمنوا ليكم ساااي كدا بس لأن الناس كرهتنا فيكم ولا شنو؟
وبعدين ما وريتنا النسوان ال (....) بنات عرب ولا لا؟
جنجويدات مثلاً؟
من أي القبائل هن؟ ومن أي اقاليم السودان هن؟
ودا عشان نقيم ونعيش معاك في الصورة ولا شنو؟
..
..
المعالجة ما بتم بأسلوبك دا وهو اسلوب لا ينبع من شخص جاهل وأمي
ناهيك عن شخص مثلك يدعي النضال والثورية
ولعملك كل كلمة من كلماتك تنضح بالجهوية والعنصرية
والعنصرية لا تعالج بعنصرية مضادة ولا رتق النسيج الاجتماعي دا
بترتق بجنس اسلوبك دا ياخ
وعليك الله لما تجي تكتب ليك حاجة اقراها كويس واعمل مشاهدة قبل نشره
بكري ابو بكر دا عمل ايقونة وتعب فيها شديد عشان الناس تستخدمها
وهي ايقونة شاهده قبل نشـــره عشان تقرأ كلامك أولاً
واذا ارضاك واتسق مع اخلاقك اسمح للباقين بقراءته
كن بخير
| |
|
|
|
|
|
|
|
|
|
Re: جريمة قتل ولكن الأسوأ مابعدها (Re: الامين موسى البشاري)
|
لعن الله النظرة القبائلية و العشائرية و المناطقية
وحقق الله النزعة السودانوية المتجذرة
وابعد الله العنصريين من كل مركز قرار
وهيأ الله للمتمدنيين الريادة و قيادة المجتمع
عصبية القبيلة يجب محاربتها بكل عزيمة واصرار يا شباب سودانيز اونلاين .
| |
|
|
|
|
|
|
|
|
|
Re: جريمة قتل ولكن الأسوأ مابعدها (Re: تبارك شيخ الدين جبريل)
|
Quote: في ناس قايلين المنبر دا جمعية أدبية تبع المسرح المدرسي ...
يبصقوا راي ليسوا على استعداد لمناقشته ويتخارجوا ...
هسى داير تفهمني انو في امبدة السبيل لو اتكتل زغاوي النسوان بيزغردن؟
|
يا تباركـ يعني الزول دا ما حيرجع يستر جنازتو دي ولا شنو؟!
| |
|
|
|
|
|
|
|
|
|
Re: جريمة قتل ولكن الأسوأ مابعدها (Re: الامين موسى البشاري)
|
Quote: ..وأجزم بأنها يروق لها إقتتال الكل لتسود هي
اللهم جنب السودان الفتن ماظهر منها ومابطن |
راقنا ذلك يا محمد سليمان
----------------
| Quote: للأسف حتى وإن اختفوا ... ستبقى آثار خرابهم بعدهم زمناً طويلاً |
نعم يا هاني ودا أسوأ ما سيحدث
| |
|
|
|
|
|
|
|
|
|
Re: جريمة قتل ولكن الأسوأ مابعدها (Re: rani)
|
Quote: لكن يالبشاري الدخلتها في الزول... يطلعها منو الاداهو باسورد للكتابة هنا.
يا عمك والله تلقي لحدي اسي مخلوع
عليكم الله براحة ناس جداد ديل رشوهم شوية شوية |
الكتابة دا تحســـبو لعب ولا شنو؟! 
..
..
__
تحياتي يا راني وأهو راجيين جاموس يحن علينا ويجينا
عشان نســـتر الجنازة دي ياخ ... والله صحي
| |
|
|
|
|
|
|
|
|
|
Re: جريمة قتل ولكن الأسوأ مابعدها (Re: تبارك شيخ الدين جبريل)
|
| Quote: ولاّ خجلان من حلتكم وفعايل ناس حلتكم؟ |
خجلان منك تبارك شيخ الدين جبريل
اياك والفتن
اللهم جنبنا ماظهر منها وما بطن
ولعن الله نار الفتنة من اوقدها
والحاجة التانية تبارك شيخ الدين جبريل
كدا حدد لينا لونك السياسي عشان نفرز الكيمان؟
ورحم الله الفقيد واسكنه فسيح جناته
| |
|
|
|
|
|
|
|
|
|
Re: جريمة قتل ولكن الأسوأ مابعدها (Re: الامين موسى البشاري)
|
| Quote: الزول دا بيتكلم عن امبدة السبيل كأنو بيتكلم عن كتم ... |
هبيبنا تبارك
كده انت اسأت لــ كتم جدا
لانو امكانية حدوث هذا الشئ في كتم لا يقل بأي شكل من الاشكان عن امكانية حدوثو في امبدا او بيت المال.
في الزمن العادي الكنا بنعرفو ما ممكن يحدث في اي مكان في السودان و لكن في الزمن الحالي لو جاتني معلومة مؤكدة انو حصلت في كتم بصدقها و لو نفس المعلومة انو حصلت في مدينة النيل برضو بصدقها.
| |
|
|
|
|
|
|
| |
اسماعيل عبد الله محمد
Hani Arabi Mohamed
ناصر فراج
تبارك شيخ الدين جبريل
Hassan Makkawi
الدومة ادريس حنظل
Mahjob Abdalla
الامين موسى البشاري
معاوية الزبير
rani
ذواليد سليمان مصطفى
وليد عبد اللطيف
فيس بوك
تويتر
انستقرام
يوتيوب
بنتيريست