|
|
 مسدار الصباح ... إعداد وتأليف ونجر بشرى مبارك إدريس
|
الاخوان الاعزاء بحوش بكرى أبوبكر ( يا جماعة إنتو بكرى ده بتساعدو فى إكرام الضيوف والله ناس كتابة وزوغه ؟؟؟!!) رأيت أن أبدأ مواضيعى التى أشارك بها فى المنتديات الاخرى وحتى لايقول أحدكم (لا حول ولا قوه إلا بالله !!!) أنا مشارك فى أكثر من 20 منتدى وصلت مشاركاتى فى بعضها 6 ألف كأعلى عدد وأقل عدد 400 مساهمه حضورى يومى إلا للشديد القوى (مثلاً من البارح وأنا كاسر ركبة بى جاى !!والله المنتديات الباقية إلا أرسل ليهم المصاريف بالتحويل السريع بديلاً من مشاركاتى .
من ضمن المواضيع الادبية عندى مسدار الصباح يومياً أنجر لى مسدار فى أى ضرب من الضروب سياسة ثقافة رياضة ذكريات مواعظ مواقف حماسه وغيرها ، وحتى لا أنقل لكم من القديم رأيت أن أقطع لكم أخدر خاصه وأنكم تبحثوا عن الجديد فى كل شىء وحتى جديد أهلى شندى مع المريخ !! إن شاء الله نحضرو يا عمر عثمان ونفرح بيهو وسعادة اللواء عمر على حسن ونردعليك بقصائد وليس مسدار واحد .
واليوم وأنا أشرب فى شاى الصباح لاحت لى هذه الخواطر والمواعظ فنظمتها فى مسدارين كل مسدار من خمسه أبيات (الحد الاعلى للمسدار خمسة والادنى أربعة ما زاد من الخمسة يكون قصيدة والله أعلم ) وألآن الى المسدار :
بعنوان مراية ربنا
مراية ربنا والله ما بتجلّى
حالاً تكشفك لو غاشى أو مندلى
اجب دعوة رسولك أسجد وأركع وصلى
ويوم يوم حرّ اللهيب لا هروب ولا بتولى
لو عملك رخيص عملك رخيص المولى ليهو يغلى
********************************************
أول شىء حسابك... صلاتك خليك فيها معلى
ترفع نسبتك نسبتك وزنك وزنك يزيد وتملى
وتفكر فى الجنان والحور الحسان والجنة فيها تحلى
مع الشهداء الكرام ورسولنا الامام وخاتم الرسل متولى
مع الشهداء الكرام ورسولنا الامام وخاتم الرسل متولى
|
|
 
|
|
|
|
بشرى مبارك ود السقاى
فيس بوك
تويتر
انستقرام
يوتيوب
بنتيريست