كتب الكاتب الفاتح جبرا المتوفرة بمعرض الدوحة
|
|
 HELP3: النجدة النجدة النجدة...
|
معليش يا شباب... جننتكم... لكن المسألة اعتبروها brainstorming...
إليكم المشكلة... عندي DB من جدول واحد... (تتذكروا الdata) ديييييييييييك... اها حولتها لي CSV وبقيت اشتغل مرات في Excel، ومرات في Access، حسب الشي العايزه اعمله.... الtable فيه حوالي (بالصلاة ع النبي) 460000 row... برضهم حُمى خفيفه ...
الtable بتكون من
userID, ResourceID, DateofAdding, Tag
انا عايزه اعرف منو الusers النزلو نفس الResourceID ونفس الtag... اها قمته كتبته SQL Query... على اساس انه يكون في two select statements... اها الaccess نفسه بقوم لما اشغلها... وراسه بلف، وبتبقى حالته صعبة... وفي النهاية ما بعمل اي شي.... النجدة بالله
select a.userID from table1 as a
where a.userID in
select userid from table1 where a.resourceID=resourceID and a.tag=tag and a.userID<>userID
قصّرته!؟
|
|
  
|
|
|
|
|
|
|
|
Re: HELP3: النجدة النجدة النجدة... (Re: smart_ana2001)
|
عاد يا اسمارت ياختي ما بسالك 
أديتيني إحساس إنك نوع الأستاذات البتجضضضم دييك ..
غايتو يا مريومة تبقي مرا ما تسوي كلام إسمارت ده ياكي المجضضضمة مجضضضمة ..
وعيدكم سعيد..
تخريمة :
برضو كلام ود القرشي ده سمح ما ترموهو بس عايز شوية تركيز عشان تترتب الداتا بي طريقة تقرير نتيجتو واضحة لأنو الداتا حقتك كبيرة ومحتمل انها تحتاج قرووب باي ..بس السيلف جوين هو الأسلم في هكذا حالات ..غايتو لو ما اخوكم ميكانيكي زي ما بتقول زولة صحبتنا كنت حليتا ليكم ..
| |
|
|
|
|
|
|
|
|
|
Re: HELP3: النجدة النجدة النجدة... (Re: Mohamed Yassin Khalifa)
|
عمو كوستاوي.. انت بتقترح استخدم SQL server بدل Access؟ للأسف ما عندي.... انا كل المحتاجاه اني اطلّع النتائج دي، وبعداك ما حأعاين ليها زاتو البيانات دي...
محمد قرشي... انت ياخ موش طبيب؟
مشكلتي ما في الquery... لانه الself join او two select statements ممكن يحلوا الشغلانه.. المشكلة انه access بتعب شديد بسبب حجم الdata.... حاولت اعملها بالself join قام access جاته الحمّى تاني!
سمارت ازيك... رجعت للexcel بناءاً على نصيحتك... واول function شغلته ومشيت نمته، الصباح كان انتهى... بعداك الامور مشت smoothly ما عدا المرحلة الاخيرة... الvLook طلع لي في بعض النتائج Not Applicable... ده من شنو ان شاء الله؟
عمر الفاروق، ما شايفني اخدته الحل بتاع أبلة الناظره؟ خفته من الجضّيم والله...
| |
|
|
|
|
|
|
|
|
|
Re: HELP3: النجدة النجدة النجدة... (Re: مريم بنت الحسين)
|
عمر الفاروق ، كل سنة و انت طيب.
انا زولة مسكينة يا اخي. بس دي الطريقة اللي دايما بكتب بيها انا عملتا شنو.
احنا تيم كبير جداً في الشغل و بنستعمل داتا كتيرة في مشاريعنا، عشان كده لازم نكون بنعرف نتعامل مع الديتا بصورة كويسه. و لازم نوثق عملنا شنو في الديتا. عشان الزول البيجي بعدي يفهم الحاصل.
مريم
الvlookup مفروض تقرا من العمود I&G . مفروض تخليها تقرا كل الديتا في العمودين. انا خليتها تقرا لحدي صف 191 بس لكن ممكن تزيديها ذي ما عاوزه
Go to cell (G2) and write : =VLOOKUP(F2,$I$2:$J$1000,2,FALSE)
| |
|
|
|
|
|
|
|
|
 Re: HELP3: النجدة النجدة النجدة... (Re: صديق الموج)
|
كويس أول حاجه الحمد لله إن المشكله إتحلت ..
Quote:
مشكلتي ما في الquery... لانه الself join او two select statements ممكن يحلوا الشغلانه.. المشكلة انه access بتعب شديد بسبب حجم الdata.... حاولت اعملها بالself join قام access جاته الحمّى تاني!
|
الـ two select statements حوسبيا متطلبات أكتر من الـ self join
علشان كده نصحتك بيها ما دام الجهاز ما إستجاب للـ Query الأولى
Quote:
عمو كوستاوي.. انت بتقترح استخدم SQL server بدل Access؟ للأسف ما عندي
|
ممكن تنزلي من النت SQLServer Express
مجانية للإستخدام الشخصي
و حتنفع فيها الـ self join بإذن الله بلا مشاكل
مادام الأكسل قدر يشتغلها معناها المشكله مافي قدرات جهازك
البرنامج ده فعلا أكثر من رائع كـ DBMS
Quote:
محمد قرشي... انت ياخ موش طبيب؟ |
آآآآآي طبيب
لكن عندي ماجستير في علوم الكومبيوتر
و MCTS في Database Development
و MCITP في Database Administration
| |
|
|
|
|
|
|
|
|
|
Re: HELP3: النجدة النجدة النجدة... (Re: محمد قرشي عباس)
|
عمو صدّيق الموج، الله يسألني كان فهمته حاجه غير اني عذّبتكم... خخخخخ... الله كريم بس :D....
محمد يس الخليفة... رطانة والله يا خوي، صدقت..
محمد اينشتاين (طبعا قصدي على الصورة)... يعني عايز تقول لي انك you had to go through six years in med school to realize that you are into CS؟... بالمناسبة، pure CS is not "in"any more... يمكن في السودان باعتبارات السوق، يكون ماشي... ما فكّرته تستفيد من دراستك في الطب مع حبّك للCS؟ في تخصصات فيها blend جميل جداً... مثلاً عندك bio-informatics، وعندك في جوانب في الAI كتيرة بتدرس الظواهر البيولوجية وبتستخلص منها حلول... الخلاصة...
غايته ما عارفه، لكن في شي في الdata بتاعتي دي... عملتها بالاكسل.. لكن اشتغل الليل كله عشان يخلص! غايته فضلت لي حاجه واحده، حأعملها وارسل الشغل للمشرف بكره..
سمارت... ظبّطها، وحسي شغاله في اخر جزئية، ليها خمسة ساعات.. شكلي حأخليها للصباح... :(
في حل يا جماعه جاني من فاعل خير، باستخدام indexes... والبجد الحل تمام.. لانه الindex بسرّع الوصول للtable الاصلي... طبعا ده للداتا بتاعت access...
| |
|
|
|
|
|
|
|
|
|
Re: HELP3: النجدة النجدة النجدة... (Re: عمر الفاروق)
|
الأخت مريم, إذا فهمت سؤالك جيد, فأنا أرى إذا إستخدمت ال Order By فيمكن أن يحل لك المشكلة مثلا:
Select userID, ResourceID, Tag from YourTableName Order By ResourceID, Tag
فالأوردر باي من المفروض أن يرتب البيانات على حسب الكيز المرفقة
وإذا حبيتي تحذفي القيم المتكررة يمكن أن تستخدمي Distinct
معليش لي سنين طويلة من قواعد البيانات لكن هذا من ما أتذكر
| |
|
|
|
|
|
|
|
|
|
Re: HELP3: النجدة النجدة النجدة... (Re: aosman)
|
غايتو يا عثمانو وحسب عرفتي الأوردر باي بتستخدم في الترتيب حسب عمود معيين ..وممكن في حالتك دي نوعا ما تكون فكرتك صاح بإفتراض إنك ح تخليها تشوف كل اليوزرز اللي بيشتركو في سورس ID واحد ..طبعا حركتك دي تحايل لكن برضو ما ح تظبط لأنو ممكن يكون الSource ID ما بيساوي ال Tag ID ودي ح تعمل مشكلة في المتطلب بتاع مريم ..(أظظظن كده غايتو ..انا ميكانيكي فما تعتمدو كلامي ده كتييير :) )
عن نفسي ما قادر اتخييل إنو كل الحلول المكتوبة أعلاه عملية خصوصاً وإنو مفروض الحاجات دي تتقدم في تقرير ..عليه يا مريم يخييل لي القصة دي لو اتعملت في شكل Report ويتعمل فيهو Group By بي الSource ID و ال Tag ID وتحتهم تعرضي كل يوزر وتاريخو بتكون ليك العملية أوضح وأرييح وبتخدم أكتر..
مشكلتك ولأني ما قادر استوعب إحتمالات الداتا العندك عاملة كيف وهل فيها ال ال Tag ID و الSource ID محدودة ولا قييم كتيييرة !!؟ لأنو لو طلعو قييم كتييرة وبناء على عدد ال 460000 ريكورد فده بيدي إحتمالية إنو الأوت بوت يكون كبييير جداً والنتيجة بتكون ما عملية وما مفيدة ..التقرير مهمتو يسهل ويبسط المخرجات مش يعقدا!!! تاني برجع واقول ليك انا ما عارف طبيعة المعلومات العايزاها لكن في حالتك دي انا شايف إنو مفروض يكون التقرير بيوضح فقط عدد اليوزرز البيستخدمو الSource ID و ال Tag الواحد ..وفي الحالة دي تستخدمي الCount مع ال Group By وتطلع ليك النتيجة ارييح وأسهل
يعني كمثال يقول ليك الSource ID و ال Tag رقم 111 و 2222 استخدموهو 1000 يوزر وال الSource ID و ال Tag رقم 555 و 777 استخدموهو 90000 يوزر وهكذا دواليب ..
اقول قولي هذا وأحسب أنه تنظير لا يمت لما تطلبينه بصلة ولكنها فقط شوبااار وممحاولة لإثبات إننا غير الكورة والغنا ممكن نشارك
| |
|
|
|
|
|
|
|
|
|
Re: HELP3: النجدة النجدة النجدة... (Re: عمر الفاروق)
|
بختك يا بت الحسين
محبتك وسط الجماعة مولعه .. في الضلمة تضوي ...ما دايرا ليها فانوس
والعيال طلعت بسم الله وما شاء الله عليهم .... كلهم ابالسه يملو العين صلاة النبي عليهم راس راس والله ما فيكم زولا هين
وده شهادة بتاعة زول ماجستير في Software ......ما تشوفو الشيبة ده.... وتقولو عمنا ده ...ما ناقش حنانو
اما انت يا صديق الموج ... خليت موجا يتلاطم فقعتنا ضحك والله .. اكيد شارب ليك .ممممممم....كباية شاي بي لبن
والله الواحد حقوا يلمكم يعمل بيكم فريق بتاع هاكينق .. يلاعب بيهو في الدوري الانجليزي الممتاز
| |
|
|
|
|
|
|
|
|
|
Re: HELP3: النجدة النجدة النجدة... (Re: محمد مصطفي مجذوب)
|
| Quote: الSource ID ما بيساوي ال Tag ID |
الأخ عمر الفاروق, على حسب فهمي لموضوع الأخت مريم, هي لا تطلب السورس آي دي يتساوى مع التاق أي دي, إنما السورس أدي ليوسر معين يكون مساوي للسوري أي دي بتاع يوسر آخر وفي نفس الوقت التاق أي دي للمستخدم الأول يكون مساوي للتاق أي دي للمستخدم الثاني. بالنسبة لإستخدام القروب بي أنا إتفق معاك يمكن أن تستخدمها, خاصة في حالة أنها تريد عدم ضم بعد الحالات.
ولك تقديري وشكري
| |
|
|
|
|
|
|
|
|
|
Re: HELP3: النجدة النجدة النجدة... (Re: aosman)
|
يا سوما شكلو كلامي ما وقع ليك ..
انا ما قصدت يتساوو الإتنين في نفس القيمة انا قصدت ليك إنو فكرتك الإنت عايز تعملا عملية ترتيب تخلي مريم تبدا تشوف مننن الركورد رقم واحد وتنزل لي تحت مثلاً من الريكورد رقم واحد لحدي الريكورد رقم 100 ديل بيكونو أكيد بي نفس السورس ID ثم بعد داك من 101 لحدددي 400 مثلاً بيكون البعدهم وبي سورس ID مختلف ..مش دي نظريتك؟ غايتو انا فهمتك كده ..
انا لمن قلت كلامي الأول ليك كان في بالي إنها عملية مرهقققة لأنو الداتا كبيييرة شديد (460000) ودي حاجة صعبة للمتابعة مش؟
تسلم يا مان..
| |
|
|
|
|
|
|
|
|
|
Re: HELP3: النجدة النجدة النجدة... (Re: عمر الفاروق)
|
انقروا شنو! بعد 12 ساعة من الشغل، جيت لقيت Excel خلّص ... وطلع لي النتائج...
يا aosman، معليش انا ما عارفه انت سيدة ولا سيد... انا سعيدة انه البوست ده احي الذكرى مع الdatabase... واداني فرصة اتداخل معاك... فعلاً فكرته كان ممكن تكون عمليه... لكن حجم البيانات اكبر من انه يخليني استفيد من القصة دي... كلام الميكانيكي ده صحيح... انا محتاجه اعرف الناس العملوا نفس الtag لنفس الresource... وفعلا يا الفاروق، الناتج كبير.. لانه عدد الresources بيساوي 250000، بالقديم!... وكل resource عندهم 4 tags.... اتخيلتو! والحركة دي لthree different systems... يعني عندي تلاته ملفات من النوع ده! لحُسن الحظ خلصته الجزء ده... لكن لسه عندي تحليل اخير عايزه اعمله.... حأكتب ليكم عنه بعد شويه، بس اتأكد من رأي المشرف شنو...
استاذنا محمد مجذوب (ما حأكبرك زي عمو صدّيق الموج)... طبعا هم الناس دي كلها قرّبوا يدقوني... ده البوست التالت بنفس الجقلبة والجوطه... ما شايف الفاروق قال لي اعمليها بي يدّك!.. سمارت زهجت منّي وقالت لي رسليهم لي... أما الكرهني بالجد، اللابتوب بتاعي... قال لي ووووووب علينا!
حكمة اليوم (يا قول Player)، الفاروق ده ما بتاع كوره واغاني ساي....
راجعه ليكم بعد شويه..
| |
|
|
|
|
|
|
|
|
|
Re: HELP3: النجدة النجدة النجدة... (Re: مريم بنت الحسين)
|
| Quote: ما شايف الفاروق قال لي اعمليها بي يدّك!.. |
الحالة انا كتبت ليك كلامي ده وانا ما عارف إنو كتبتي قبال كده بوستين بي نفس الخصوص..
ياخ انا لو كنت عارف دي المرة التالتة ما كان إتداخلت في الموضوع من أساااسو
تخريمة :
الحكمة عننندددك لكن ..
| |
|
|
|
|
|
|
|
|
|
Re: HELP3: النجدة النجدة النجدة... (Re: عمر الفاروق)
|
الأخت مريم حمد الله على السلامة الزمن ده كان بودي القمر برجع, هههههههههههههه بس نقول ليكي مبروك, شكرك رجعتيني إلي ايام مضت
Quote: انا ما قصدت يتساوو الإتنين في نفس القيمة انا قصدت ليك إنو فكرتك الإنت عايز تعملا عملية ترتيب تخلي مريم تبدا تشوف مننن الركورد رقم واحد وتنزل لي تحت مثلاً من الريكورد رقم واحد لحدي الريكورد رقم 100 ديل بيكونو أكيد بي نفس السورس ID ثم بعد داك من 101 لحدددي 400 مثلاً بيكون البعدهم وبي سورس ID مختلف ..مش دي نظريتك؟ غايتو انا فهمتك كده ..
انا لمن قلت كلامي الأول ليك كان في بالي إنها عملية مرهقققة لأنو الداتا كبيييرة شديد (460000) ودي حاجة صعبة للمتابعة مش؟ |
الأخ عمر الفاروق, كده خلينا نتاقش حبة, عشان نرجع لي أيام زمان شوية, طبعا بخصوص تساوي الإتنين نفس القيمة , كتابتك في الأول كانت فيها خطأ بسيط, لكن بعد الشرح فهمت بأن فاهم القصد بطريقة صحيحة. بخصوص الترتيب ما أظن مريم سوف تتابع الركورذ بالعين المجردة, على حسب طلبها هل تريد تجميعهم فقط, وكما أظن عندها خطوة تانية بعد ذلك أو معالجات أخرى, تخيل هنالك خمسين ألف ركوردذ فيها تساوي, هل يمكن لها أن تتابع الخمسين ألف بالعين المجردة؟ وشكرا
| |
|
|
|
|
|
|
|
|
|
Re: HELP3: النجدة النجدة النجدة... (Re: aosman)
|
أخونا ابو العثامين :
عن نفسي بشوف فائدة ال Order By تستخدم فقط للترتيب في حالة العرض وهي دائماً بتكون واحدة من اواااخر الجمل البتتكتب في ال SQL Statement وده دليل إنها وبعد ما تعمل كللل شغلك العايزو فممكن ترتبو للعرض..الOrder By مريحة في التريب التنازلي والتصاعدي بإستخدام ال Desc ومجرد ترتيب البيانات ما بيفيدك في إنو ينقلك لي مرحلة تانية لأنو هو مجرد كاشينق وفيووينق للداتا @ ال Run Time ..غايتو انا فاهما كده وممكن يكون فهمي مغلوط ..ودائماً الزول بيستخدم ال Order By على مستوى ال Query لمن يكون في الغالب عايز يشوف أول عشرة ريكوردز هو محتاج ليهم عشان يعرف الحاصل فيهم شنو من تغييرات ويقدر يبني على اساسهم ..وانا هنا بتكلم ليك على مستوى البروجرامر اللي قاعد يعمل ديبقينق لي Issue معيين عشان كده بتقوم دايماً لمن تكون شغال على مستوى الجداول وانت جوة الداتا بيز بتكتب ال Select Statement متبوعة بي الOrder By عشان تكفيك شر البحييت والفتييش الدراقينق والسحب لي تحت عشان تشوف الريكوردز الجديدة ..
عموماً كلامي يا حبوب طلام عام برضو للفائدة إن وجدت والقصة انا عارفا مجوبكة وبرضو كلامي كلام ميكانيكية لا يعتد به لكن زييي ما قلت ليك دي فرصة لقيتا اتجدع في مريم دي شوية بدل الكورة والغنا الزحمتهم بيها طييلة تواجدي في هذا البمبر العامر بمبر بكري ..
عموماً أييي شغل مع داتا كبييرة شدييد كده كونك تشتغل في ال Back End ما بيديك Results صحيحة ودقيقة ومريحة ..عشان كده انا اقترحت لي مريم إنو شغلها ده لااازم يكون بيعتمد على حاجتين الأول هو ال Back End البيعتمد على كتابة Query معقدة كانت أم بسيطة ويقوم يتشايلو معاها ال Front End المتمثل في طريقة عرض سهلة ومفهومة ومرييحة في الشوف تتمثل في تقرير ..
الأهم في قصة مريم دي والأخطر في نفس الوقت إنها ما مستخدمة Relational DB والشغلانة كلها جدول واااحد وده بيخلي نوعاً ما شغل ال Query بيشبه للحد البعييد الشغل اليدوي وبيديك إحساس إنو ماف أييي فايدة عملتا ليك ال DB وبيكتر ليك من الحلول والإحتماليات لتنفيذ المتطلبات بي طرق مختلفة ..وده اللي خلاها بالمناسبة تلجأ لي اإكسل كخيار بديل انا عن نفسي بشوفو وبكل صراحة في الوقت الحالي وبعد بديت افهما إنو هو الأنسب لي إنها تواصل بيهو شغلها ..
تخريمة :
غايتو يا مريم بعد بدت تقع لي فكرتك انا بتراجع وبقول ليك باري إسمارت وكملي معاها ..شغلها مرتب ومفيد أكتر في حالتك من الدخول في قصة ال DB
| |
|
|
|
|
|
|
|
|
|
Re: HELP3: النجدة النجدة النجدة... (Re: عمر الفاروق)
|
يا عمر... انا لما اتزنق بجي لسمارت.... الداتا بتاعتي| مخزناها Text file (comma separated value) وده format بشتغل مع Excel and Access... بالنسبة لي Access اسهل عشان بستخدم SQL وساهله بالنسبة لي، على عكس Excel المحتاج خبرة... يعني مثلاً، واحده من الحاجات الكنت عايزاها اني اطلع عدد الناس الماعملته tag ... او عدد الناس الاستخدمت tag معين مثل "temp"... اها زي دي، select statement راسها عديل بتطلعها لي... هي ممكن بي Excel بس اسرع واسهل بي Access... برضه من ناحية تحمّل البرنامج للdata لاحظته انه Excel أحسن من Access في كده...
اها ركزوا معاي على المطلوبات الجديدة... أول هام، عايزين نطلع الtop ten tags... (دي يا aosman ممكن نستخدم فيها الorderby)..
تاني هام، نستخدم القائمة دي عشان نعمل chart... عن عدد الusers الاستخدموا الtags دي مع الزمن....
العايز بي Excel يكتب والعايز بي Access يكتب...
أمشي ألايق ملاح التقلية ده وارجع ليكم...
| |
|
|
|
|
|
|
|
|
|
Re: HELP3: النجدة النجدة النجدة... (Re: مريم بنت الحسين)
|
سلام مريم
شايف الشباب ما شاء الله ما قصروا معاك ..
بس انت ليه مصرة تستخدمي الAccess او Excel
يعني ليه ما تعملي import لل csv فايل لي DB Program زي ال MySQL مثلا
وخصوصا انتي عندك كمية ما ساهلة من ال Data ..وفي الحالة دي ممكن تغيرى في ال Statements وتشوفي النتيجة خلال ثواني
| |
|
|
|
|
|
|
|
|
|
Re: HELP3: النجدة النجدة النجدة... (Re: Mustafa Satti)
|
بعيداً عن الموضوع يا مريم رجعتني لي أيام الجامعة وكان عندي عدد شهري ثابت (ملصق حائطي) إسمو التفاحة بينتظروهو بي فارق الصبر كنت بنزل فيهو لستة مشهورة غسمها ال Top Ten وهي عبارة عن لستة تحوي ضهب الكلية بتاعتنا بي القاب ..
تخريمة :
من جااابت ليها جارت ومخططات فطوااالي أعرفي إنك فقدتيني..جننني وجن الجارتات دي..بتعمل لي أرتكاريا في الضمير..
| |
|
|
|
|
|
|
|
|
|
Re: HELP3: النجدة النجدة النجدة... (Re: عمر الفاروق)
|
الأخت مريم,
كما ذكر لك الأخ مصطفى كان من الأفضل أن تحولي البيانات إلي قاعدة بيانات أخرى مثل MySql, SQL Server, or Orace
بخصوص ال Top ten tags إذا كنت بتستخدمي قاعدة بيانات آخرى غير Access and Excel يمكن أن تتحصلي عليهم بإستخدام query من ما يلي:
Microsoft SQL Server
SELECT TOP 10 column FROM table
PostgreSQL and MySQL
SELECT column FROM table
LIMIT 10
Oracle
SELECT column FROM table
WHERE ROWNUM <= 10
Sybase
SET rowcount 10
SELECT column FROM table
Firebird
SELECT FIRST 10 column
FROM table
| |
|
|
|
|
|
|
|
|
|
Re: HELP3: النجدة النجدة النجدة... (Re: محمد مصطفي مجذوب)
|
حبيبنا سمي المصطفى
سلام وكلام
نندهك انت دا في عمرك .. قلت لي ماجستير سوفتوير راسو عديييل .. تلحقني وتنجدني
نحن ناس ربنا يخلي الخواجة .. ما تقيف قدامنا حاجة .. إلا يرطن فيها حاجة
نلقاها جاااهزة ونكوجنها .. امسك لي وأقطع ليك ومقلوبها .. تحياتي
| |
|
|
|
|
|
|
|
|
|
Re: HELP3: النجدة النجدة النجدة... (Re: singawi)
|
ملاواتك ممتعه يا سنجاوي ضحكتني الله يضحك سنك قول آمين
وحاتك يا غالي زمان 1971-1975 في جامعة الخرطوم بنو بين الاقتصاد والاداب اوضه قدر الليله وبكره ... وقفلوها .. مشينا نشمشر .. واحد غشانا وقال لينا ده السفره الجديده بنوها للاساتذه ..
ونحن كنا عصابة في البركس نخلط في الميدان الشرقي والغربي لامن الساعة حداشر تجي نودي الخلطات للداخلية ونرجع نشوف قرايتنا لامن الاذان يقرب بأذن . اها بعد الليل يمسي والعين تغبي تب ..نرجع البركس ونغير ليك السفره الفي البركس ونقعد نرمرم شيتا باسطة ... وشيتا لين ..وشيتا بواقي اسبيشال
يا زول لامن صدقنا الزول القال لينا سفرة الاساتذه .. بيتنا النية وقلنا دي بقي بتكون مستوي تاني وجيناها ليك ليها قريب النباه الاول كسرنا الشباك ودخلنا .. لقينا ليك الاوضه مليانة سلوك ولمبات وبوردات وهيصه ما بعدها...
الغفرا قاموا زكونا ليك .. وعمك لي شقاوتو واحد فيهم عرفني ليك ... تاني يوم نهزوني ليك من المدرج ودوغري مستعدلا مارش علي مكتب المدير قالوا شنو بوظ الكمبيوتر .. انا ذاتي اتخلعت عشان ديك اول مره اسمع بالكمبيوتر اللاهو لا شيتا بشربوا لا بياكلو
وحات سيدي وسيدك عجاجي ربط ...وجبارتي بقت بي عمي عبدالله الطيب الله يرحمو ويغفر ليهو .. اكان ما كدي ..كان السووها فيني الله وخلقوا يتفرجوا فيها
لمن قلت ليهم شنو يعني (كمبيوتر) ... قالوا لي انت بتاع اداب تنطم خالص ...ده بس اكان ما مهندس واللا ماسك يكهرب الحله كلها ما تمش بي جمبو ..
يا زول المهم بروفسير عبدالله الطيب الله يرحموا قال لي ناس الرياضيات .. سمح مادام عندو حب استطلاع ... والبروف طبعا صدق انو انا نطيت الشباك حب استطلاع مش جاي اشمشم زي الكديسه كايسين المآكل ...... قال ادوهو كتاب يرفع بيهو جهلو بدل ما يبقي حرامي يكسرالشبابيك ..
اها ومن ديك وعييييييك ...
لامن ناس الخارجية ودوني ليك السويد .... عمك بدا يعوس في البروقرامنق من سنة 1979 في استكهولم من زمن ناس شيخ باسكال وانت ماشي
| |
|
|
|
|
|
|
|
|
|
Re: HELP3: النجدة النجدة النجدة... (Re: محمد مصطفي مجذوب)
|
aosman
الف شكر، أنا كنت موقفه شغل عشان بتي عيانه، كتبته ليكم الموضوع ومشيت ما جربته اي حلول.. حأجرب واجي اوريكم الحاصل
يا استاذ محمد مجذوب، اعتقد حتكون زاملته والدي، كان في آداب الخرطوم برضه وفي نفس الفترة تقريبا وبعد رجع من البعثة سنة 1983 اشتغل في مدرسة العلوم الادارية، كان مشهور بأحمد كرنداش ( معناها قلم رصاص بالروسي وعندها قصة)... عليك الله شوف حكمة دكتور عبدالله الطيب!
سنجاوي ازيك ده كلام فاضي ساي، ما تفتكرنا خطيرين كده...
| |
|
|
|
|
|
|
|
|
|
Re: HELP3: النجدة النجدة النجدة... (Re: محمد مصطفي مجذوب)
|
aosman
الف شكر، أنا كنت موقفه شغل عشان بتي عيانه، كتبته ليكم الموضوع ومشيت ما جربته اي حلول.. حأجرب واجي اوريكم الحاصل
يا استاذ محمد مجذوب، اعتقد حتكون زاملته والدي، كان في آداب الخرطوم برضه وفي نفس الفترة تقريبا وبعد رجع من البعثة سنة 1983 اشتغل في مدرسة العلوم الادارية، كان مشهور بأحمد كرنداش ( معناها قلم رصاص بالروسي وعندها قصة)... عليك الله شوف حكمة دكتور عبدالله الطيب!
سنجاوي ازيك ده كلام فاضي ساي، ما تفتكرنا خطيرين كده...
| |
|
|
|
|
|
|
|
|
|
Re: HELP3: النجدة النجدة النجدة... (Re: مريم بنت الحسين)
|
سؤال سغمبروتي يا مريم ..تقريباً المتوقعو منك لما قلتي عايزة التوب 10 تاقز فإنتي بتقصدي الأكثر إستخداماً مش؟ باقي لي كده فالموضوع بيكون مختلف ..حسب البعرفو Top 10 بتجيب أول عشرة ريكوردز بغض النظر عن عدد مرات إستخدامها..فلو بس عايزاهو يجيب أول عشرة من الداتا بيز فأتوقع عثمان صاح ..لكن غير كده فالكويري ح يختلف ولا شنو با عمك سومانو ؟ :)
| |
|
|
|
|
|
|
|
|
|
Re: HELP3: النجدة النجدة النجدة... (Re: مريم بنت الحسين)
|
عمر الفاروق، والله فاهم الموضوع تمام ما شاء الله عليك فعلا انا قصدي على الtop most used tags.... عشان كده قلت اننا حنحتاج نعمل order by...
انا يا دوب لقيت فرقه اقعد في الكومبيوتر، وناوية اشتغل فيها حسي... وبرجع ليكم...
مشكورين والله ما قصرتو
| |
|
|
|
|
|
|
|
|
|
Re: HELP3: النجدة النجدة النجدة... (Re: عمر الفاروق)
|
انا كتبته الorder by عشان انبه aosman ليها، لانك شايفك شرحته عنها فوق... بس فعلا زي ما قلته....
اها يا شباب... الtop ten طلعوا حلااااتهم... عايزين نعمل الchart....
بالمناسبة، انا شغاله في كومبيوتر تاني الليلة، واكتشفته انه المشكلة كانت في كومبيوتري... خلاص مسكين ودّر... هدا الquery بشتغل زي الطلقة...
اها، الchart، عمر الفاروق، معانا ولا مع الخيّانة؟
| |
|
|
|
|
|
|
|
|
|
Re: HELP3: النجدة النجدة النجدة... (Re: مريم بنت الحسين)
|
مريــــــــم:
| Quote: اها، الchart، عمر الفاروق، معانا ولا مع الخيّانة؟ |
انا كده كفاي يا قول المرا الخشت صندوق وشالت الصرفة الأولى
دي حاجات الناس الإسمات وكده ..غايتو انا ناديني لو قالوا ليك اكتبي كويري واعملي جارت لي ال Top Ten للأغاني :)
| |
|
|
|
|
|
|
| |
مريم بنت الحسين
Kostawi
محمد قرشي عباس
smart_ana2001
عمر الفاروق
Mohamed Yassin Khalifa
صديق الموج
aosman
محمد مصطفي مجذوب
Mustafa Satti
فيس بوك
تويتر
انستقرام
يوتيوب
بنتيريست