|
|
|
 Re: لو ممكن المساعدة في هذا البوست؟؟ (Re: سيف النصر محي الدين)
|
احم احم...
الGRE شخصيا ???
ده تانى اصعب امتحان انا اخته فى حياتى....
لكن ده كان قبل 10 سنوات. كنت لى اسبوع فى امريكا....و كان مفروض اخده فى خلال ايام عشان احصل اقدم للجامعة.
طيب..الجزء بتاع الفكابرلى اصعب جزء فى الامتحان.
انا الزمن داك قررت اذاكر للجزئين الاخرين و فتحت للفكابرلى. و عملت كل الاجابات اللى ما عرفتها(و كانوا كتار) C . (دى احسن طريقى عشوائية للاجابة. على الاقل ممكن تطمنئن جزء من الاجابات اكيد صح)
الان لو عاوز تقرا للامتحان ح اوصيك انك تقرا الاجزاء الاخرى كويس جدا و كمان ما تهمل الفيربال. حاول مر على الكلمات الى بتمر كتير فى الامتحان. بس ابدا من بدرى. يعنى لو بتذاكر ساعتين فى اليوم...من اليوم اضيف ليك ذى ساعة كده ذاكر فيها شوية كلمات.
لو عندك زمن و قروش ادخل الكورس بتاع كابلن. انا بعرف طلبة جو من السودان و دخلوا الكورس و جابوا نتائج سمحة جدا.
| |
 
|
|
|
|
|
|
|
|
Re: لو ممكن المساعدة في هذا البوست؟؟ (Re: smart_ana2001)
|
قبل حوالى سنة جاتنى فكرة شريرة انى اعمل دكتوراة. قدمتا لبروفسر معين فى جامعة محترمة جدا. اتفقنا على البحث ح يكون فى شنو. لما بديت فى الاجراءات ناس مكتب القبول قالوا لازم امتحن ال GRE تانى. يا جماعة انا already عندى ماجستير و خبرة 8 سنوات. السكرتيرة اصرت انه بس a box a need to check و عشان انا كسلانه لحدى الان ما اخدتا الامتحان. و شملى ح ابيع موضوع الدكتوراة.
بالتوفيق يا دكتور
| |
|
|
|
|
|
|
|
|
 Re: لو ممكن المساعدة في هذا البوست؟؟ (Re: smart_ana2001)
|
عشان تتجنبوا إمتحانات زي دي
أخدوا الجنسية
بالرغم من إني إستمتعت بمذاكرته هو والسات
لكن ما امتحنته (إنتفت حاجتي ليهو بالجنسية)
وكانت عادة جميلة اول سنين لي في امريكا
كنت لازم اقضي اربعة ساعات في المكتبة كل يوم
وفي ايام الاجازة بقعد لغاية ماتقفل المكتبة
قدمت لوظائف وذاكرت وإمتحنت الـ Civil test
وإمتحنت الامتحان الاول لرخصة التدريس في الولاية
وبمساعدة موظفين متخصصين عملت الريزومي بتاعتي
______
كلمتك يادكتور ؟؟
يومداك فتنت عليك
لوووول
من غير ما اقصد والله :
| |
|
|
|
|
|
|
|
|
|
Re: لو ممكن المساعدة في هذا البوست؟؟ (Re: Rawia)
|
راوية...مشتاقين...مشتاقين...مشتاقين.
كل سنة وانت طيبة. السنة الجاية كل امانيك محققة.
امتحان ال GRE ده ما ليه دخل بالجنسية. حتى الامركان لازم يمتحنوه عشان الواحد يبدا دراسات عليا بعد الباكلارويس. و اغلب الجامعات بتطلبه. فى جامعات بسيطة جدا جدا ما بتطالب بيه فى القبول للدراسات العليا.
اللى ممكن يعفوك منه لو كنت امريكى هو ال TOEFL
| |
|
|
|
|
|
|
|
|
|
Re: لو ممكن المساعدة في هذا البوست؟؟ (Re: smart_ana2001)
|
سلامات يا اسمارتي و شكرا على النصائح الثمينة. الكورس ما عندي ليهو طريقة و انا عموما افضل الاعتماد
على الانترنت و الكتب. اليوتيوب فيهو حاجات كتيرة مفيدة و في برضو كورسات اونلاين ما بتحتاج مشورة
و روحة و جية. بالنسبة لل GRE فهو عندو مدة صلاحية خمسة سنوات عشان كده يمكن طالبوك بيهو
و حقو تتوكلي و تمشي في مسألة الدكتوارة دي لأنها ذات تأثير عجيب على الجميع و بتديك اهمية لا قبلها
و لا بعدها مهما كان مجالها و المكان الحصلتي عليها منو.
| |
|
|
|
|
|
|
|
|
Re: لو ممكن المساعدة في هذا البوست؟؟ (Re: سيف النصر محي الدين)
|
سيف النصر
كل سنة وانت طيب و الجاية على امنياتك
الامتحان ما صعب و فيه حتة بتعاعت كلمات و جزء تحليلي
الرياضيات التي تستخدم فيه هي حساب المثلثات و الجبرة يعني ما صعب
احسن حاجة انك تحل عينة من الامتحان لأن الاسئلة تكاد تكون مكررة لانه امتحان قياسي معياري
ممكن تشتري الكتاب و CD, او تستلفهم مجانا من المكتبة العامة في مدينتك و دي الاحسن في رايي لانك ستجد عدد من النسخ لسنوات مختلفة و بالتالي تتعرض لاكبر عدد من نوعية الاسئلة المحتملة.
مرات ممكن يقبلوا ليك ال M CAT بدل عن ال GRE لكن اسالهم اولا, و عموما GRE اسهل من ال MCAT
الحكاية بس عايزة تمكن من اللغة الانجليزية شوية و التحكم الجيد في الزمن.
انا اخدته لما كنت في السودان مرة واحدة و نجحت فيه, و بناء عليه حصلت على قبول للدكتوراة و جيت امريكا, لكني لم اواصل في الدراسة و غالبا ما حا اضطر اخده مرة تانية السنة دي.
فعالية الامتحان سنتين و ليس لديه اي علاقة بالجنسية لانه امتحان لقياس قدرات الخريج التحليلية و المعرفية للدخول في برنامج دراسات عليا و يجلس له الامريكان زيهم وزي الاجانب
| |
|
|
|
|
|
|
|
|
|
Re: لو ممكن المساعدة في هذا البوست؟؟ (Re: سيف النصر محي الدين)
|
يا أبو السيوف الإمتحان ده ما صعب.. بس محتاج شوية إعداد ليهو!
اجع ناس KAPLAN ديل وسجل معاهم. هم عندهم Financial Aid وممكن الدراسة الإعدادية دي تطلع ليك مجاناً.. أو بترابة قروش تدفعها بالتقصيد. صدقني الواحد لامن يمشي المكتبة العامة ويتسلف الكتاب الماكن داك وجواهو الـ CDs بـ يتخلع. ولكن بعد دراسة مكثقة وشوية صبر.. والنجاح مكفول بأذن الله!
أعقلها وتوكل...
____________
الإمتحان ده ماشي بيهو وين؟
| |
|
|
|
|
|
|
|
|
|
Re: لو ممكن المساعدة في هذا البوست؟؟ (Re: Mohamed Yassin Khalifa)
|
سلامات اخ بدر الدين
ال GRE مدته خمس سنوات. التوفل هو اللي مدته سنتين بس.
الامتحان اتغير العام الماضي. اي كتاب قبل سنة 2011 بقي ما مفيد جداً.
الامتحان ما فيه نجاح و سقوط، بس الجامعات بتحدد اسكور معين للقبول في برامجها
و يا دكتور سيف اسمع كلام بدر الدين و شوف المكتبة. بس ذي ما قلت ليك الامتحان اتغير
او اسمع كلام محمد ياسين خليفة و ادخل الوركس في كابلن. بالمناسبة عندهم كتاب و سيديهات ممكن تشتريها من غير الكورس.
الموضوع بيعتمد علي الزمن
أحسن حاجه تعملها أشوف ليك امتحان كامل و تقعد ليه بالساعة( يعني اظبط الساعة و حله كانه امتحان جد)
صحح لروحك و شوف ح تجيب كم و محتاج قراية اكتر في اي جزء. لو لقيت الموضوع مستحمي^_^ اتوكل و سجل في كابلن
| |
|
|
|
|
|
|
|
|
|
Re: لو ممكن المساعدة في هذا البوست؟؟ (Re: smart_ana2001)
|
الماجستير MBA قدمت ليهو في تلاتة جامعات
زول فيهم جاب سيرة الجي دي مافي
واحدة منهم سكول اوف بيزنس Katz
في جامعة بيت
_________
سمارتي كترت مشتاقين دي حتخلني اقوم اتنحرر هسسسة دي
واساهر بيك الليلة
لاني من يومداااااك كنت عاوزة اتصل لولا زحمة رمضان
بالمناسبة بعدك الفريق اصبح خلا
إنت ومريوم ...
تعالوا ياخ
إنصبنا عين والله
| |
|
|
|
|
|
|
|
|
|
Re: لو ممكن المساعدة في هذا البوست؟؟ (Re: Rawia)
|
سلام يا دكتور سيف وكويس إنك فتحت هذه النافذة عن الـ GRE وياريت ولو غيرت العنوان وفتحتو بالعربي
علشان الناس تستفيد ونوريها التكتيكات لهذا الإمتحان العجيب.
يا د. سيف نحن كمهندسين ما عندنا مشكلة في القسمين الرياضيات والمنطق، علشان كدا بنركز عليهما جداً
وبنبيع الإنجليزي، وأمسك في كلام أختي سمارت دي وقوي وكلنا عملنا زيها قفلنا الرياضيات والمنطق،
والإنجليزي بس دورنا حرف واحد، والغريبة كل السودانيين إتفقوا على تدوير حرف الـ C فقط، وبالمناسبة
يا سمارت وبالمناسبة يا سمارت التكتيك دا وريتو ليك أنا نسيتيني وللأ شنو يا فردة، وحتى كتاب الـ GRE
هديتو ليك كان مفروض في هذه السانحة تشكريني شوية 
وبالمناسبة يا سمارت وبقية الشباب إمتحان الـ GRE ما كل الجامعات تطالب به في ناس بتزوغ منو، بتمشي
جامعات ما بتأخد هذا الإمتحان، وبرضو أظن لو الجامعة عملت فيها الماستر وجيت تعمل فيها الدكتوراة
في نفس الجامعة ما بتطالبك بيهو.
ويا أبو البدور يا صديقي الـ GRE دا إمتحان الخريجين وما ممكن تستعيض عنه بأي إمتحان تاني ولو أمريكي
أو غير أمريكي.
وبالمناسبة يا د. سيف أقل إسكور في أي قسم من أقسام الـ GRE هو 250 يعني ما عندو زيرو إطلاقاً، بصححو
بطريقة الكيرف، وعلشان كل الناس بتجلبط في الإنجليزي ما منو خوف ونحن كسوادنيين أشطر بألف مرة من
دول العالم أجمع في الرياضيات والمنطق، وأشكر ليكم نفسي كان الادفايزر بتاعي بروفيسور تايواني، قال
لي: إنت أشطر طالب في الرياضيات أنا درستو في دول العالم وهو راجل عجوز ورئيس قسم الهندسة المدنية
في جامعتي لأكتر من 30 سنة.
| |
|
|
|
|
|
|
|
|
|
Re: لو ممكن المساعدة في هذا البوست؟؟ (Re: النذير حجازي)
|
من ناحية مشتاقين يا راوية بالجد مشتاقين.
لكن و الله مشغغغغغغغولة الايام دي. عندي حجات في يدي اول ما تخلص بجيكم راجعة ان شاء الله
اضربي طوالي يا اخي.بتونس معاك و لما انعس بنوم اخليك بتنتكلمي.
عن الامتحان، مطالبين بيه طلبة العلوم و الهندسة. ما اظن يطلبوه من ناس بيزنس.
النذير و الله موضوع الكتاب ده متذكراه طشاش طشاش.
بتكون اديتني كتاب. ^_^
تعرف ال GRE ده ما في اسغل منه غير امتحان المهندسين المدنيين في كلفورنيا.
في بروفيسر سوداني في جامعة من أحسن الجامعات في امريكا سالته مرة عن سر ان اغلب الطلبة صينيين و هنود.
كان رده ان الجماعة ديل بيحفظوا الدكشنري للامتحان ده. عشان كده بيجيبوا نمر سمحة شديد.
| |
|
|
|
|
|
|
|
|
|
Re: لو ممكن المساعدة في هذا البوست؟؟ (Re: smart_ana2001)
|
و فاتني يا جماعة ان اشكر اخوي النذير حجازي.
شكرًا يا النذير.
بالمناسبة انا و النذير ده اصحاب من سنة 1997
و كنا و معانا نفرين تانية احدهم معانا هنا في البورد بنتفاكر طوال اليوم في مستقبلنا اللي كان شكله مظلم جداً الزمن داك
و النذير كان نفسه يمشي امريكا. ( و انا برضو "اظن")
ياااااه كانت ايام
| |
|
|
|
|
|
|
|
|
|
Re: لو ممكن المساعدة في هذا البوست؟؟ (Re: smart_ana2001)
|
يا الله يا سمارت ياخي، كانت أيام جميلة والله، ضحكنا فيها كتير وإنبسطنا شديد
ولمتنا ملايين المواضيع المشتركة، متذكرة موضوع فكرة شراء خلاطة خرسانة
وإيجار عدة المباني وأفكار كتيرة ومنها حب السفر، والغريبة يا سمارت معظمنا
جينا أمريكا حتى تالتنا دا وزميلنا في المنبر جاني شمارو إنو في نيوجرسي، كنا
شباب طموح والله، وعليك الله سلمي لي على أبو السوس وقولي ليها مشتاقين شديد
والله، وماذا فعل بك الزمااان.
يا سمارت شكلو كدا كتابي ما وصلتك، رسلتو ليك في السودان مع واحد من أولاد
مدني وكان الكتاب مطبوع من إنتاج سلسلة البارون، غايتو خيرها في غيرها وربنا يعوضني
في كتابي ، وناس مدني ديل غايتو الله يدينا خيرهم
ويا د. سيف إشتري كتاب من إنتاج سلسلة البارون فهي ممتازة معه سي دي فيها
إمتحانات قديمة مفيدة جداً، طبعاً الإمتحان بالكمبيوتر.
| |
|
|
|
|
|
|
|
|
|
Re: لو ممكن المساعدة في هذا البوست؟؟ (Re: النذير حجازي)
|
الاخت اسمارت
كل سنة وانت طيبة و القابلات روابح
Quote: سلامات اخ بدر الدين
ال GRE مدته خمس سنوات. التوفل هو اللي مدته سنتين بس.
الامتحان اتغير العام الماضي. اي كتاب قبل سنة 2011 بقي ما مفيد جداً.
الامتحان ما فيه نجاح و سقوط، بس الجامعات بتحدد اسكور معين للقبول في برامجها |
يا اسمارت, اي عائق يجتازه الانسان يسمى نجاح!
انا كنت قدمت جامعة يو سي ديفسUC Davis و طلبوا مني ان اجتاز امتحان ال جي ار اي وفق اسكور محدد, و انا جبت ليهم اكثر كثير من العايزنو. و الجامعة كانت و لا تزال واحدة من الجامعات المتقدمة جدا في امريكا, و في الزراعة تعتبر الجامعة الاولي عالميا.
الامتحان لايستطيعون تغير كلية, لانه امتحان معياري. زي كيلو الدهب حايكون كيلو دهب في اي مكان و الاتغير هو انهم مشو في اتجاهات اكثر تخصص, مثلا, لما امتحنت انا سنة ١٩٩٥ كانو يعاملون البيولوجي كعلم واحد, الان الجامعات تطلب منك ان تجلس ل جي ار اي في الفسيولوجي او البيولوجيا الجزيئية و هكذا, لكن الخطة العامة للامتحان هي هي. بس بدل الجلوس لامتحان على الورق الان يستعملون الكمبيوتر
بنك الاسئلة بيعملوا ليهو تحديث مع تطور المناهج و المعرفة.
حساب المثلثات ياهو حساب المثلثات, و الاسئلة عن الزوايا و المعادلات بتاعت حساب المثلثات و اللوغريثمات و حبة جبر. و برضو قطعة مطالعة و عليها اسئلة حول الفهم و الاستيعاب و ايضا معاني كلمات حسب السياق.
و يعطوك اجوبة تختار ما ترى انه الاصح.
| |
|
|
|
|
|
|
|
|
|
Re: لو ممكن المساعدة في هذا البوست؟؟ (Re: بدر الدين احمد موسى)
|
سلامات اخ بدر الدين
و كل سنة و انت و الاسرة بألف خير.
مداخلتي شكلها ( ظاهريا) انها غلاط. لكن انا أبدا ما كان قصدي أغالط. :)
ديفس فعلا من اعرق الجامعات الامريكية. و زملاء لي كتار جداً درسوا فيها.
عن تغيير الامتحان، كلامك صح عن الجزء بتاع الماث. دي الفورمات الجديدة:
Verbal Reasoning — Measures your ability to analyze and evaluate written material and synthesize information obtained from it, analyze relationships among component parts of sentences and recognize relationships among words and concepts.
Quantitative Reasoning — Measures problem-solving ability, focusing on basic concepts of arithmetic, algebra, geometry and data analysis.
Analytical Writing — Measures critical thinking and analytical writing skills, specifically your ability to articulate and support complex ideas clearly and effectively.
الامتحان بقي فيه جزء كتابة. و مهم الزول يستعمل كتاب جديد. لان الامتحان ده ( ذي اي امتحان تاني) المعرفة ذاتها مهمة جداً طبعا، لكن في تركس لو الزول استعملها بترفع الاسكور بتاعه.
و عشان جزء بتاع الكتابة ده اقترحت لأخونا سيف انه يدخل الكورس بتاع كابلن. علي الاقل ح يلقي زول يصحح ليه الكتابة بصورة كويسه.
| |
|
|
|
|
|
|
|
|
|
Re: لو ممكن المساعدة في هذا البوست؟؟ (Re: smart_ana2001)
|
Quote: ممكن تشتري الكتاب و CD, او تستلفهم مجانا من المكتبة العامة في مدينتك و دي الاحسن
في رايي لانك ستجد عدد من النسخ لسنوات مختلفة و بالتالي تتعرض لاكبر عدد من نوعية الاسئلة المحتملة. |
سلامات يا بدر و كل سنة و انت و الاولاد بخير
فعلا استلفت كتب من المكتبة العامة عندنا هنا بس للأسف ما لقيت السي دي بس وعدوني انهم يحاولوا يوفروه ، ياخ ناس المكتبة العامة ديل أنا ما عارف بيختاروهم كيف!!
ديل اظرف و الطف ناس في امريكا و مستعدين يساعدوك لي اخر مدى بدون تأفف او ضيق او حركات زي حركات ناس الخدمة المدنية في
السودان و السعودية و هلمجرا، تجربتي مع الناس ديل في اكتر من ولاية و اكتر من كاونتي و برضو نفس الروح هي هي.
| |
|
|
|
|
|
|
|
|
|
Re: لو ممكن المساعدة في هذا البوست؟؟ (Re: سيف النصر محي الدين)
|
سلامات يا محمد ياسين
| Quote: الإمتحان ده ماشي بيهو وين؟ |
بفكر ضمن خيارات أخرى انو اقدم لبرنامج Master of public health يا اكتفي بيهو و افتش لي وظيفة على أساسو
او استخدمو كعامل اضافي يساعد في الحصول على Residency after successfully passing the UMSLE exams
| |
|
|
|
|
|
|
|
|
|
Re: لو ممكن المساعدة في هذا البوست؟؟ (Re: سيف النصر محي الدين)
|
سلام يا شباب،
أود أن أنويه بأنه يوجد نوعين من إمتحان الـ GRE
الأول الأشهر وهو الـ General Test
والآخر هو الـ Subject Test
ميزة الأول هو أنك تستطيع دخول الإمتحان متى ما كنت جاهز
والآخر هو أظن مرتين أو ثلاثة مرات في العام يعني بتاريخ محدد
وغير متوفر طول العام.
وأود أن أنوه أيضاً بأن الـ GRE General Test قد تغيرت أقسامه
عن السابق وأظنهم قد لغوا باب المنطق واستعاضوا عنه بقسم من أقسام اللغة الإنجليزية
ولذا لا أحبذ بمن يريد أخذ هذا الإمتحان باستعارة الكتاب من المكتبات العامة لأنه يحدث به تغيرات
ولذا يُفضل شراء آخر نسخة من التحضير للإمتحان وهي في حدود 35 دولار معه السي دي
للتمارين والإمتحانات القديمة.
يا د. سيف تخيل إمتحان الـ GRE دا بالرغم من إنو بخوف إلا أنه عايز قوة قلب
ويا زول شوت ساي وما تخاف أنا شخصياً ما لاقاني واحد أو واحدة جلس على
الإمتحان جاب إسكور ضعيف لم يقبل به في الجامعات.
وبرضو يا د. سيف كداخل جديد في مجال الدراسات العليا في أمريكا أحب أن أوضح
لك بعض الحقائق:
1) جامعات الـ States Universities رخصية جداً حداً مقارنة مع الجامعات الخاصة،
وهي مرغوبة، ولتقليل رسوم الدراسة أنظر في جامعات الولاية التي تقيم فيها عن
شروط الـ In State Student وغالباً في معظم الولايات أن تكون مقيم بالولاية
لمدة أكثر من عام والإثبات هو رخصة السياقة أو أوراق السيارة أو الحساب في البنك
أو ملف الضرائب، فهي تخفض الرسوم إلى ما يقارب من 80% من قيمة الرسوم
في حالة كونك Out of State طبعاً دا كلو بعتمد على كونك حاصل على القرين كارد
أو الجنسية من عدم حصولك على أحداهما، ففي حالة عدم حصولك على الجنسية أو
القرين كارد فلن تُخفض لك الرسوم، وأيضاً مُطالب بالجلوس لإمتحان التوفل، أما
إذا ما كنت حاصل على القرين كارد أو الجنسية فأنت تعتبر Domestic Student وليس
International Student فيجب عليك إختيار الفورم أولاً بناءً على نوع إقامتك في الولايات
المتحدة.
2. لطلبة الماجستير والدكتوراة توجد الـ assistantship للطلاب وهو إعفاء كامل أو جزئي
من رسوم الدراسة + مرتب شهري أكثر من 800 دولار فيعتمد على الجامعة لجميع الطلاب
المحليين أو العالميين فلا فرق أو تمييز بينهما، ولكن هذه المساعدة المالية عادة في معظم
الجامعات تبدأ بعد إكمال الطالب للسمستر الأول وإحراز نتيجة مقدارها على الأقل 3.0
أي B في كل مادة أما في حالة حصول الطالب بتقدير C أو أقل فعادةً يُفصل من الجامعة
في معظم الجامعات الحكومية.
3. إذا ما كان الطالب حاصل على القرين كارد أو الجنسية، فيمكنه ملء فور الـ Student Financial Aid
قبل القبول في الجامعة بمراحل، ودا قرض لذيذ جداً ومريح جداً وعسللي جداً وأنا بحبو جداً هاهاها،
وترجعوا بالتقسيط بعد التخرج والعمل في مجالك، أما إذا ما واصلت الدراسة فيؤجل لك، أيضاً وطبعاً التقسيط
مريح جداً، ويجب التنويه بأنه في حالة عمل الخريج Bankruptcy لا يُعفى من دين القرض الطُلابي،
ولكن في حالة الوفاة أو الإعاقة التامة فتعفيه الحكومة عنه حتى وإن كان مقدار القرض أكثر من مليون دولار،
ولكن قبل ملء فورم التقديم يجب على الطلاب الذكور المتقدمين للقرض من التسجيل في الخدمة الإلزامية
أو Selective Service ويمكن الحصول على الفورم عن طريق الإنترنت أو البوستة، أما إذا ما كان
المتقدم عمره أكثر من 26 عاماً فهو أيضاً ملزماً بالتقديم مع إثبات من تأشيرة الدخول وشهادة الميلاد،
بأنه قد دخل الولايات المتحدة الامريكية وعمره أكثر من 26 عاماً وبدورهم سيرسلون لك خطاب إعفاء
من الخدمة فيجب الإحتفاظ به، فعدة جهات حكومية تطالب به ولاسيما عند التقديم للجنسية الأمريكية،
أيضاً يسألون عنه ويُرفض من لم يتقدم للخدمة الوطنية من الجنسية الأمريكية والقروض الحكومية، وحتى
بعض الوظائف الحكومية
| |
|
|
|
|
|
|
|
|
|
Re: لو ممكن المساعدة في هذا البوست؟؟ (Re: النذير حجازي)
|
شكرا يا نذير على الدعم و المعلومات العظيمة.
بالنسبة للامتحان ناس الجامعة مركزين على القدرة الكتابية لدى المتقدمين عشان كده الجزء بتاع الكتابة بشقيه
(Issue and Argument Essay) مهم جدا و لازم الاسكور فيهم يكون جيد. كل موضوع فيه اعلى درجة 6
و اقلها 2 رغم انهم قالوا ممكن لو كنت زفت خالص نديك 1 او صفر عديل . دي حتة عايزة ممارسة و جهد شوية.
| |
|
|
|
|
|
|
|
|
|
Re: لو ممكن المساعدة في هذا البوست؟؟ (Re: سيف النصر محي الدين)
|
سلام يا د. سيف، من مداخلتك الآخيرة قد تبين لي بأن الـ GRE قد تغير تماماً عن السابق،
فأنا قد أمتحنته من قبل أكثر من 12 سنة، ولقد كان معظمه رياضيات ومنطق رياضي، وقسم
الإنجليزي ضئيل جداً وهو عبارة عن حصيلة كلمات طوييييييييييييييييييييييييلة ######ييييييييييييفة
وغير مفهومة، وأظن بأن الطلاب الحديثي التخرج قد يفيدونك أكثرنا مننا، وشكلو كدا
الموضوع دا صعبوا شديد وحتى طريقة الإسكور قد تغيرت تماماً عن السابق، وأخشي
ما أخشاه ألا توجد إمتحانات قديمة لهذا النوع يمكنك مراجعتها، ولكن على العموم الدراسة
في أمريكا أسهل بكثير من الدراسة في أي جامعة في العالم لكن عايزة مثابرة وقوة قلب،
وأمنياتنا ليك بالتوفيق وما تنسى السلتيف سيرفس فهو مهم فيجب عليك التسجيل فوراً،
لأنو لو ما سجلت حياتك في أمريكا ح تتعرقل شوية.
| |
|
|
|
|
|
|
|
|
|
Re: لو ممكن المساعدة في هذا البوست؟؟ (Re: النذير حجازي)
|
Quote: ياخ ناس المكتبة العامة ديل أنا ما عارف بيختاروهم كيف!!
ديل اظرف و الطف ناس في امريكا و مستعدين يساعدوك لي اخر مدى بدون تأفف او ضيق او حركات زي حركات ناس الخدمة المدنية في
السودان و السعودية و هلمجرا، تجربتي مع الناس ديل في اكتر من ولاية و اكتر من كاونتي و برضو نفس الروح هي هي. |
سيف النصر
اعيادك سعادة
يا سيف, انا زمان, لما واحد يقول لي "قريت مكتبات" بعتبره ضيع زمنه زينا (ناس الزراعة ههههه), لكن لما جيت امريكا آمنت عديل كدة!
غير الظرافة و طول البال, ياخ المعرفة الموسوعية بتحيرك عديل كدة!
تسأل واحد منهم عن كتاب, يمشي يوقفك قدام الرفوف و يبدا يكلمك عن الكتاب دا فيه ايه, و يقارنوا بالتاني و التالت و ينصحك بواحد رابع! و بعد شوية تشوف نفس الشخص بعمل نفس الحاجة مع زول تاني, و في مجال مختلف تماما!
ياخ لا يمكن تقوم معرفة بلا ناس المكتبات ديل!
ان شاء الله يبدأ السودانيين في التفكير بانشاء مكتبات عامة في الاحياء و القرى.
ال CD يا سيف تقريبا يحتوى على الامتحانات التجريبية, و لو صبرت ناس المكتبة ممكن يجيبوهو ليك, لانهم عندهم نظم بتاعت استلاف عبر المكتبات و في النهاية ممكن يشتروه و يسلفوك ليهو!
اسمع, بدل الماستر في الصحة العامة, اعمل دكتوراة عديل, و الفرق بكون سنة واحدة. و عموما الامريكان يفضلون طلاب الدكتوراة على طلاب الماجستير.
| |
|
|
|
|
|
|
| |
سيف النصر محي الدين
smart_ana2001
Rawia
بدر الدين احمد موسى
Mohamed Yassin Khalifa
النذير حجازي
فيس بوك
تويتر
انستقرام
يوتيوب
بنتيريست