|
الجمعة الي قندهار
|
ندعوا بورداب الخارج وقراء سودانيز اون لاين الي لقاء بورداب الخرطوم ، علي الغداء عقب صلاة الجمعة 24 اغسطس في ( قندهار ) ..
|
|
|
|
|
|
|
|
Re: الجمعة الي قندهار (Re: Ahmed musa)
|
كل عام وانت بخير يالعوض وأحمد موسى ..
حضور إنشاء الله ومعاي مفاجأة عرفتوهو منو ؟!!
ناذر خليفة مدير مكتب صلاح غريبة ونائب رئيس منظمة السياحة السودانية ونائب رئيس تحرير مجلة ظلال التبلدي ..
| |
|
|
|
|
|
|
Re: الجمعة الي قندهار (Re: ناذر محمد الخليفة)
|
Quote: ناذر خليفة مدير مكتب صلاح غريبة ونائب رئيس منظمة السياحة السودانية ونائب رئيس تحرير مجلة ظلال التبلدي .. |
كل سنة والجميع بخير وعافية
----------- ياناذر حبوبته معاهوا والابراهه
| |
|
|
|
|
|
|
Re: الجمعة الي قندهار (Re: ناذر محمد الخليفة)
|
Quote: ناذر خليفة مدير مكتب صلاح غريبة ونائب رئيس منظمة السياحة السودانية ونائب رئيس تحرير مجلة ظلال التبلدي .. |
الخرطوم- سوق ليبيا وبالعكس
العفش داخل البص على مسئولية صاحبه
_____________
تقبل الله يا ناذر
| |
|
|
|
|
|
|
Re: الجمعة الي قندهار (Re: عماد حسين)
|
والله يا عماد في صفات كتيرة مفروض أكتبا زايد كمية من النواب لكن بس تواضعا مني ما كتبتها زي نائب رئيس بورداب القاهرة ونائب رئيس بورداب القاهرة ونائب رئيس منتدى السياحة والأثار ونائب رئيس جمعية كردفان الحضارة وإييييييييك !!!
يا خي من شدة الهنا الأنا فيهو دا سنوني كلها وقعت فجأة وقاموا بدلا نوائب . دا غير لقيت روحي مرشح في الحلة نائب في المجلس التشريعي وغايتو ..!!
بس البوص صلاح غريبة علمنا التواضع وحاجات زي دي ما بنقولا هنا ..
المسلمي ومزمل خيري والباقين ..!!
بالله لمن تحمرو الشية ما تنسوا انو حبيبنا صلاح غريبة عندو مرارة ومبادئ قرحة وارتفاع في الضغط فالشية بالله لا زم تكون خالي بهارات وخالي شطة وتوابل وخالي ملح وخالي زيت ..!!
يعني زي أجدادنا القدماء جيبوا اللحمة وغزغزوها في العصايات واشووها في نار مووقدة في اثناء بتلفوا فيها وتتونسوا ..!!
| |
|
|
|
|
|
|
Re: الجمعة الي قندهار (Re: العوض المسلمي)
|
Quote: ناذر خليفة مدير مكتب صلاح غريبة ونائب رئيس منظمة السياحة السودانية ونائب رئيس تحرير مجلة ظلال التبلدي .. ----------- ياناذر حبوبته معاهوا والابراهه |
كااااااك لا لا لا دى قويه
بعدين الصور يا قوم ما تنسوا بالله :)
| |
|
|
|
|
|
|
Re: الجمعة الي قندهار (Re: العوض المسلمي)
|
محمد عادل أول حاجة كل عام وأنت بخير ..
Quote: انا اتخذت قرار بمقاطعة كل مناشط بورداب الخرطوم |
تاني حاجة قرارك ما بناباهو .. لكن في حاجة اعرفا ..
مشية قندهار دي ما نشاط .. نحن ماشين ناكل ..!! عارف ناكل يعني شنو ؟! ماشين نضبح حمل ونشويهو ونمنجرو مع البصل والشطة وخلطة الزبادي بالسفن أب ..!!
من متين الأكل بقى نشاط ..!! هو يا والله الأكل بيخلي الزول يرخم وينعس وداير ينوم ..
فتعال مطمن وقرارك جو جيبك .. بس المشكلة إنك تجي وتخلي خشمك يتنشط !! وتعلن في أثناء ما نحن بناكل دعمك للمعتقلين وتطالب بي تحرير حلايب وتطالب بي الحوار مع الحركة الشعبية قطاع الشمال ..!!
يعني لو داير تنشط خشمك أفتحو بس لمن نقعد في الصينية عشان الشية والكبدة غير كدة ما تفتحوا نهائي ..!!
يلا منتظرينك ...!
| |
|
|
|
|
|
|
Re: الجمعة الي قندهار (Re: ناذر محمد الخليفة)
|
التحيه لكل الثوار معتقلى المنبر
خالد خليل بحر فتحى البحيرى محمد حسن عالم بوشى مروة التجانى بكرى العجمى فيصل شبو احمد عبدالله معتصم مصطفى الجبلابى التحيه لتلك النخله الشامخه نجلاء سيداحمد التحيه لبخارى الامين
| |
|
|
|
|
|
|
Re: الجمعة الي قندهار (Re: صديق الموج)
|
!!!!!
Quote: امشى اسال الاسباط قول ليهو محمد عادل حمدل ليك السلامه وين
|
كلي نظر والحمد لله ..!!
طيب يا خي اسأل الأسباط قول ليهو ناذر حمدل ليك السلامة وين ..!!
| |
|
|
|
|
|
|
Re: الجمعة الي قندهار (Re: وليد محمد المبارك)
|
اهو فرجت والحمدلله يا محمد عادل ..!!
هسي ضرب لي فردتي علي كدايس سواق الحافلة الهايس القبل كدة كتبت عنو في كم بوست .. (علي دا بالمناسبة فردتي صاقعة كان مختفي من يوم الوقفة وظهر لي بعد فطور اخر رمضان سألتو قال لي كان مربوط !!.. بس ما وراني كانوا رابطينو وين !!) ،
المهم .. قال لي أجهز نفسي يوم الجمعة لي رحلة كاربة لي جبل اولياء .. ماشين مع فردنا أولاد الحلة شايلين معانا ساوند سيستم وأورقن وفنانين وفنانات وبتاعات ودنيا حلوة وحاجات زي دي ..!!
حاولت أعتذر لكن لقيت روحي اساسي وما في طريقة ، قلت لي روحي يا أبو النيز أنت طالع من رمضان ومعدتك ما بتستحمل الشية وكبدة الجمل النية !!.. لازم (ننشط) المعدة بي أكلات ما تكون تقيلة عليها .. والبلطي في جبل اولياء اليومين ديل مع الفيضان ما شاء الله .. زي البسبوسة !! يمين ترفع البلطاية كدة تحشرا كلها بي راسا جو خشمك !!
تفتح خشمك تلقى الشوك كلو إتنفش طالع براهو زي ابو القنفد لمن يشعر بالخطر ..!!
بس ما تسألني تققول لي : طيب الراس مشى وين ..!!
غير كدة لقيت قندهار بعيدة خلاص .. قلت جبل اولياء اقرب !!
المهم يا شباب .. ما مشكلة لو أنا مافي جاييكم صلاح غريبة إنشاء الله ..!!
| |
|
|
|
|
|
|
Re: الجمعة الي قندهار (Re: حافظ انقابو)
|
هههههههه كل سنة وإنت طيب يا ود الموج ..
Quote: اخوانك يقولوا ليك انزل تقوم تجدع ليهم البايظ!!! |
يوماتي في سيرتك أنا وصلاح غريبة .. الزول دا بيحبك جدا جدا وبيعتبرك مثلو الاعلى ..
طواااااااالي ضاربك كمثل ..!!
الزول دا بيضربك كمثل ضرب نضيف ..!!
صدق أنا لمن شعرت بالغيرة ..!!
| |
|
|
|
|
|
|
Re: الجمعة الي قندهار (Re: حافظ انقابو)
|
دكتور والي الدين كيفك ..
يا زول حمدلا على سلامة الوصول .. غنتوا البلد دي كلكم سقتوا أولادكم وطشيتو منها وأغتربتو وعامليني غفير عليها ..!!
هو إنتو بعد ما خليتوها تاني أحرسا ليكم في شنو ومن منو .. !! بالغتو ..
Quote: بتجيبو الهوا لي نفسكم براكم هسع لو جوكم ناس النظام العام علي حس البتاعات دي |
ناس النظام العام هينين وبيتفاهموا أعمل حسابك من ناس الهيئة بي هناك .. ديل أتجاهم واحد . خليك حريف يا دوك ..!!
| |
|
|
|
|
|
|
Re: الجمعة الي قندهار (Re: ناذر محمد الخليفة)
|
Quote: الجمعة 24 اغسطس في ( قندهار ) .. |
يا ود المسلمي نحن طالعين في اليوم داااك لي جمعة لحس الكوع2 وانت شابكنا لحمة في قندهار ؟؟
غايتو صلاح غراب مما جاء الخرطوم اي حاجة حا تبوظ!!
صلاح غراب ده زول شووووووم ,
| |
|
|
|
|
|
|
Re: الجمعة الي قندهار (Re: حافظ انقابو)
|
وانا جاي انشاء الله ومعاي طبعا
حبوبتي ومفاجاة الموسم
معاي عضوة قديمة
سهام موسى ستجي معاي
فمرحب بها
وبعد انتهاء الغداء سنقوم بتكوين
بورداب الخرطوم ( جناح التغيير )
| |
|
|
|
|
|
|
Re: الجمعة الي قندهار (Re: احمد محمد بشير)
|
طبعا ومؤكد انا جاااااااااي
ومعاي حبوبتي
ومعاي المرة دي مفاجة العمر
بعد غيبة
جاياكم الاخت سهام موسى
في ثوب جديد
وانشاء الله في الجلسة دي حنكون
بورداب الخرطوم ( التغيير )
صلاح غريبة - رئيس اللجنة التمهيدية لبورداب الخرطوم ( التغيير )
| |
|
|
|
|
|
|
Re: الجمعة الي قندهار (Re: صلاح غريبة)
|
Quote: الحبيب العوض خاطرك على راسنا ولكن لايشرفنى بان اتواجد فى مكان مع شخص يرفض حتى ان يكون هناك تضامن مع زملاء كانو معتقليين فى سجون هذا النظام |
محمد عادل يا الحبيب بالمناسبة انا كنت من الحاضرين والحصل ده سوء تفاهم انا من لحظتها فهمت وجهة نظر ناذر هو ما قال انا ضد التضامن ولا حتى قال هو معاه هو قال حاجة محددة وانا بتفق معاه فيها انو من حق اي زول يعمل اي حاجة كشخص لكن ليس من حق اي زول يتكلم باسم مجموعة والمجموعة دي قاعدة وما فوضته يا محمد انا متابع نشاطك السياسي وعارف حبك للديمقراطية والمؤسسات وحتى تحديك السافر لقيادات حزبك لاجلها دي وجهة نظر ناذر الوضحها ليك وانا بااكد عليها لاهميتك بيننا وانا(كاحمد موسى) ما كبورداب بتضامن معاك لاجل زملائي وزملائك اها ... جاي ؟؟؟ ولا نرمي البتاع بتاع بدرالدين داك يا كسبنا جيتك يا كسبنا حريتنا :)
| |
|
|
|
|
|
|
Re: الجمعة الي قندهار (Re: Ahmed musa)
|
Quote: يا كسبنا جيتك يا كسبنا حريتنا :) |
انا من زمان قاعد أفتش على معنى يجسد كلمة إنتهازى والحمد لله وجدتها وكمان من زول قانونى .. كسبنا حريتنا (الضمير راجع ليك براك يا احمد موســى ) شفت كيف
________ وبرضو كل عام وانت بخير والتبريكات لكاتم الحريات وصحبه الميامين ناس العشرة
| |
|
|
|
|
|
|
Re: الجمعة الي قندهار (Re: ناذر محمد الخليفة)
|
غايتو المرة دي عينا انشرطت عديل يا بورداب الخرطوم وجابت ليها شماتة ..!!
وهسي يجي سيف مساعد يقول : ما قلت ليكم جهاز الأمن هو الفرتق بورداب الخرطوم ..!!
كبورداب ما قادرين نتفق في لماتنا .. معقولة كمان ماشين ناكل وبرضو ما قادرين نتفق ..!!
يا خي الطقتنا دي ما عين ..!! دي راس الخيمة عديل ..!!
يا بدر الدين ويا أحمد موسى عليكم الله بطلوا تحانيس .. محمد عادل دا ما عندو علاقة بالعمل العام ولا حصل أشتغل شغل مؤسسي عشان كدة يا أحمد موسى كلامك وكلامي الأبن محمد عادل داير ليهو 10 سنوات ضوئية عشان يفهم الحاصل حواليو شنو ..!!
الداير يجي يجي والمادير عنو ما يجي ..!!
يا محمد عادل أنا شخصيا ما جايي .. خلاص تعال أتسمم ..!!
| |
|
|
|
|
|
|
Re: الجمعة الي قندهار (Re: ناذر محمد الخليفة)
|
Quote: ما كان العشم يا محمد عادل ... |
بدالردالين اسحق في حال كونه في خطر ..!! :) تضامنوا مع بدرالدين اسحق ...
ـــــــــ بدرالدين انا ده كله هين خوفي يقوم يعز البتاع ويجي تكون البتاعة راحت شمار في عز محمد عادل ليها
| |
|
|
|
|
|
|
Re: الجمعة الي قندهار (Re: Waly Eldin Elfakey)
|
الزبير سمبوسة شنو ياخي ..!! إنت قايل روحك في دمشق ولا شنو ؟!!
Quote: شنو يا ناذر البلفوها دي ؟ اوع تقول لي سمبوسه |
البلد دي فيها حاجات كتيرة بتتلف وتخلي راسك يلف معاها ... إنت بس تعال قندهار ..!!
دكتور والي الدين ..
Quote: مبروك يا ناذر منصب اخر ليك |
فعلا مع صلاح غريبة مش هاتأدر تغمض عينيك .!!
من كترة نوائب الدهر ومناصبها مع صلاح غريبة لمن عدد المناصب غتلخبط علي ..!!
لحدي قبل ما أنوم أمبارح كانو سبعطاشر ما بين نائب رئيس ونائب امين عام وهسي صحيت من النوم لقيت عندك واحد تمنطاشراوي !!
| |
|
|
|
|
|
|
الجمعة الي قندهار (Re: ناذر محمد الخليفة)
|
محمد عادل بطل حركات ، انت عارف ناذر قصده شنو ، وما محتاج نكرر كلام احمد موسي وشوف بعد مناشداتنا ليك اهو ضيعت علي ناذر عضة ما بتتعوض ، يعني هسي ناذر اكبر مضرر من كلامك ده :) المهم سيكون الغائب هو الخاسر :))
| |
|
|
|
|
|
|
Re: الجمعة الي قندهار (Re: العوض المسلمي)
|
العوض ..
Quote: سيكون الغائب هو الخاسر :)) |
الله لا جاب الخسارة ..!!
محمد عادل حا يجي في حالة غياب ناذر وناذر غايب ماشي الجبل مع علي كدايس ...!!
انا ما جايي لكن يا العوض رسل لي نصيبي لأنو لو وصيت محمد عادل حا يجيب لي العُضام والشحم ..!!
وما مشكلة ببادلك بي تلاتة سمكات بلطي ونص كيلو بيض سمك تحمروا نظام كافيار ينفعوك بالليل ...!!
| |
|
|
|
|
|
|
Re: الجمعة الي قندهار (Re: ناذر محمد الخليفة)
|
اها قول جبت ليك اللحمة ! مع العلم انه اللحمة وقتما تبرد ما بتكون حلوة ولو سخنتها بتكون انتهيت منها زاتوووو ! اها شرابنا الابيض الحلال داااااك البظبطوا ليك منو يا ناذر ؟
| |
|
|
|
|
|
|
Re: الجمعة الي قندهار (Re: العوض المسلمي)
|
!!!
Quote: اها شرابنا الابيض الحلال داااااك البظبطوا ليك منو يا ناذر ؟ |
شرابكم دا مع الجبل والبحر والبلطي ما بينفع معاي ..!!
صحبي علي كدايس جايب لي معاهو شرابو الابيض .......... !!
| |
|
|
|
|
|
|
Re: الجمعة الي قندهار (Re: ناذر محمد الخليفة)
|
Quote: صحبي علي كدايس جايب لي معاهو شرابو الابيض .......... !! |
ناذر الخليفة شراب ابيض وسمك بياض وفي بحر ابيض بس غايتو ناقصكم الجاز الابيض
الزبير صالح الزبير صاحب ناذر الخليفة نائب منو داك كدة
| |
|
|
|
|
|
|
Re: الجمعة الي قندهار (Re: العوض المسلمي)
|
Quote: وما مشكلة ببادلك بي تلاتة سمكات بلطي ونص كيلو بيض سمك تحمروا نظام كافيار ينفعوك بالليل ...!! |
ناذر ..في الأثر ...المؤمن أخو المؤمن لايبع على بيعه ولا ....إلخ الأثر أها لو العوض رفض ... أو إتاخر في الرد ... أو إتردد ... كلمني وتبقى نقطة لقاءنا (أبوحمامة) المغيرب ... نتبادل المصالح وكل زول يمشي من سُكات ... (إستبينا) ..؟!!!
| |
|
|
|
|
|
|
Re: الجمعة الي قندهار (Re: العوض المسلمي)
|
Quote: وما مشكلة ببادلك بي تلاتة سمكات بلطي ونص كيلو بيض سمك تحمروا نظام كافيار ينفعوك بالليل ...!! |
ناذر ..في الأثر ...المؤمن أخو المؤمن لايبع على بيعه ولا ....إلخ الأثر أها لو العوض رفض ... أو إتاخر في الرد ... أو إتردد ... كلمني وتبقى نقطة لقاءنا (أبوحمامة) المغيرب ... نتبادل المصالح وكل زول يمشي من سُكات ... (إستبينا) ..؟!!!
| |
|
|
|
|
|
|
Re: الجمعة الي قندهار (Re: ABUHUSSEIN)
|
برجاء من الآن. إن اتى غريبة كعضو من المنبر فله ما لنا من حق وعليه ما علينا. ولكن برجاء ألا يستفزّني بأي من أحاديثه عن تشكيل ولجان. أنا جاي أسلّم عليكم ونتشارك عيش وملح وأمشي. ما جاي لزيادة استفزاز :)
| |
|
|
|
|
|
|
Re: الجمعة الي قندهار (Re: Hani Arabi Mohamed)
|
تصدقوا ..؟!! بديت أشم ريحة الشية وبيلاوز لي صحن سلطة دكوة وشطة مباشرة ...وبصل (أخضر) مجدّع في صينية يكون ده جنون اللحمة ..؟!!
ــــــــــــــ ياريس ياخ قنهار دي ما منشط إجتماعي ماتكرمنا بعنوان رئيسي زي يومين ينوبك ثواب
| |
|
|
|
|
|
|
Re: الجمعة الي قندهار (Re: Hani Arabi Mohamed)
|
اها يا بدرالدين ...
انا بايعت صلاح غريبة .. لكن بشرط يطرد نازر الخليفة ويعين محمد عادل
ولو نازر رفض الإقالة.. يركبوا طيارة جبل اولياء..
ثم ثانيا..
الدعوة والعضة دي باسم منو ؟؟؟(حنين مركب مكنة نازر) وياتو جسم دا البقدم الدعوة..
هل هم البورداب الأحرار..
ولا قروب المسلمي..
ولا جماح صلاح غريبة
ولا جناح نازر المؤسسية
| |
|
|
|
|
|
|
Re: الجمعة الي قندهار (Re: محمد عادل)
|
Quote:
Quote: البورداب الأحرار..
لم تصلهم اى دعوه |
هذه هي العوجة وتلكم هي الإقصائية التي لا نحبذها بل ونمقتها فنحن (أحرار) ...في أراءنا وطعامنا ومن نتضامن معهم*
ـــــــــــ نتضامن معهم دي أضافتها غرعية الغمز واللمز بالحزب
محمد عادل ... (الأحرار) ديل منو ..؟!!!
| |
|
|
|
|
|
|
Re: الجمعة الي قندهار (Re: Ahmed musa)
|
Quote: الحضور سيكون كبيراومتنوعا |
كدا بالهداوة عشان بكره ما يجينا عنوان بوست ( جمعة قندهار فاشلة )
اها يا للعوض ..
الحضور سيكون كبير بمعنى ( كم هو العدد المطلوب ليكون الحضور كبيراً) ؟ هل اذا حضرت بوردابية واحدة والباقى بورداب ( هل يشكل ذلك التنوع المقصود .. ولا العدد المطلوب من البوردابيات كم ؟ دا كلو عشان نحدد لينا معيار ( كمي ) و ( كيفي ) لقياس نجاح / فشل هذه العضــة
| |
|
|
|
|
|
|
Re: الجمعة الي قندهار (Re: Ahmed musa)
|
سفيان نابري قلت شننو ؟!!
ما سامعنك كويس علي صوتك شوية ..!!!
ما دام ما كتبت أقتراحك ولا في واحد سألك منو أقترح بصياغة الاقتراح وتقديمه لصلاح غريبة للنظر فيه ..!!
| |
|
|
|
|
|
|
Re: الجمعة الي قندهار (Re: بدر الدين اسحاق احمد)
|
العوض ..
Quote: اها يا ناذر موضوع السمك والكافيار ده خليه بهد يجي ودالقريش من الدويم :) |
ما دام فيها ود القريش أجلناهو تب ..
سفيان :
Quote: الناس دي مركوه في الشيه شديد لا شنو؟؟ |
هي لكن اقتراحك الماقلتو دا أكيد ما فيهو شية ولا سمك .. ناوي تودينا ناكل تبش بالشطة في توتي ولا شنو ؟!!
خليك مستشار لي نائب صلاح غريبة ومعاك المهندس محمد الشيخ .. الزول دا جايي من بورتسودان هسي بيكون دخل القضارف ..!!
Quote: إنتو الزول دا ناذر محمد الخليفة مش قال ماشى جبل اولياء متين جيت راجع ؟
|
ناس جبل أولياء ناس علي كدايس قرروا ياجلوا جبل أولياء ويجوا معاي قندهار معاهم الفنان فتحي الفتيحاب عندو غنية حا يغنيها بالمناسبة دي إسمها : الليلة جينا كية للمابينا ...!!
| |
|
|
|
|
|
|
Re: الجمعة الي قندهار (Re: ناذر محمد الخليفة)
|
Quote: هل اذا حضرت بوردابية واحدة والباقى بورداب ( هل يشكل ذلك التنوع المقصود .. |
فى حاله واحده فقط يابدر الدين إذا كانت تلك البوردابيه هى ( دينا خالد ) . وإذا تم ذلك فسوف يكون النصاب قد إكتمل واللقاء من أنجح اللقاءات على الإطلاق . ولا داعى لوجود ناذر أو محمد عادل أو حتى شيخ العوض نفسه . . وحينها سوف نكون بطرفكم أنا وود الصائم وربما آخرون . وسنغنى ما أحلى الجمعه فى قندهار .
سلام ياحلوين وكل سنه وإنتو طيبين وبالهناء والشفاء .
| |
|
|
|
|
|
|
Re: الجمعة الي قندهار (Re: العوض المسلمي)
|
يا شباب يا منشقين..
السيد مدير ادارة الهجرة .. ورئيس بورداب الخرطوم المرتقب ..
يعدكم بان يعمل جاهدا لتخصيص بعضا من وقته المزدحم بالبرامج والتسجيلات ..
وذلك لكي يتمكن من مشاركتكم .. في جمعة قندهار..
ولكن يقول حاول مرارا وتكرار..بالنائب نازر .. ولم ينجح ..
ولذا يطالبكم.. بوصف دقيق لمنطقة قندهار .. ويا حبذا ..لو نزلتوا كروكي..
حتي لا تضيعوا فرصة مقابلة المهندس صلاح غريبة وجها لوجهه ..
| |
|
|
|
|
|
|
Re: الجمعة الي قندهار (Re: ahmed haneen)
|
يجمع هذا المكان -وأعني سوق قندهار أو سوق الناقة - كل المفارقات ... فتجد فيه الغني والفقير .. الصغير والكبير ... العامل والعاطل، كلهم توجهوا صوب هذا المكان من أجل الاستمتاع بوجبة لا تنسى من الشواء الطازج والذي يتم تجهيزه وشواه أمام عينيك وحسب الطريقة التي تريدها. مختلف أنواع البشر تراهم في هذا المكان، وسيارات يبدو عليها الترف وهي تربض أمام محلات الشواء المنتشرة في منطقة السوق.يقع سوق الناقة أو قندهار كما أطلق عليه حديثاً غرب مدينة أم درمان، حوالي 40 كيلو متر من مدينة الخرطوم. وقد أكتسب السوق شهرة واسعة حيث يؤمه مختلف الناس من كافة المناطق خاصة نهاية الأسبوع أو في فترات الإجازات الرسمية.. وبعضهم يجد قندهار مكاناً مفضلاً لتنظيم رحلة مع بعض الأصدقاء لتزجية الوقت والاستمتاع بالشواء الممتعة. لم تقف شهرة السوق عند حدود السودانيين، بل تعدى ذلك للأجانب الذين يزورون السودان بانتظام. في إحدى المرات سألني احد الأجانب الذين زاروا السودان لفترة فيما إذا كنت زرت سوق الناقة.. استغربت من معرفة هذا الرجل عن السوق وخباياه وأسراره المختلفة كما حكي لي. يبدو أن للسوق سحر خاص يجذب الناس إليه من كل مكان
| |
|
|
|
|
|
|
Re: الجمعة الي قندهار (Re: عصام الدين نصر ابراهيم)
|
ذو اليد ..
Quote: نص جديد غناء ناذر خليفة
|
المرة الفاتت النص كان بي مناسبة وداع شول بالله المرة دي أحرص النص يكون بمناسبة أستقبال صلاح غريبة ..!!
العوض ..
صدق ما بيدقع أي شي ولا حتة كباية شاي أو قهوة أو جنزبيل نظبط بيها راسنا دا ..!!
يا ذو اليد ياخي إنشالله كباية فاضية انا بملاها من عندي ..!!
| |
|
|
|
|
|
|
|