|
|
|
 Re: عيدنا عسل ... عمر إحساس وصل ... تورنتو تفرح بي مهل (Re: HAYDER GASIM)
|
وناس أتاواه ... أهل حمية وأصدقاء
الأسفار المنيعة, يلبون كل نداء يمس
شعورهم ويبتدر وطنهم, فتعالوا لأنس
جميل ونغم أصيل. تعالوا نطيب خاطرنا
الذي هردته الغربة وأطالت حسابه.
ويا الباقر موسى ... تورنتو تريد أن
تراك وجها لوجه. فقد عرفت قلمك وتود
أن تلحقه بحامله الآدمي الرفيع.
حضوركم ... ولا شك ... يشرفنا
| |
  
|
|
|
|
|
|
|
|
Re: عيدنا عسل ... عمر إحساس وصل ... تورنتو تفرح بي مهل (Re: الفاتح ميرغني)
|
Quote: أستاذنا حيدر ســلامات.. وكل عام وأنتم بخير!
أمنياتنا لكم بعيد سعيد وحفل جامع.. وفرحة مستمرة
وهنيئاً لكم بهذا الشاب الأبنوسي الفنان..
بالله عليك تبلغو ســلاماتي وأمنياتي ليهو بعيد مبارك
وأرجو أن يتصل بي لنطمئن عليه وندردش معاهو شوية!
مع خالص الود والتقدير.. |
عزيزنا الوضئ ... محمد يس خليفة
دوما وكما العهد بك, سباق لحيث يلتئم الناس ويتوافدون.
فشكرا لك يا حبيب على المرور وعلى كلماتك المشجعة.
يكفينا حضورك المعنوي وبسطك الروحي على بني وطنك
وهم يمزجون عيدهم بعود الأبنوس الجميل, ليتضوع المسك
ويشيل النوار وتسيل مشاعر الناس جداول. فلك من كل
هذا الجمال نصيب الكرام, ولك من قبل معزتنا.
وصيتك واصلة بإذنه
وعيدك كريم ... يا بني الكرام
| |
|
|
|
|
|
|
|
|
|
Re: عيدنا عسل ... عمر إحساس وصل ... تورنتو تفرح بي مهل (Re: الفاتح ميرغني)
|
Quote: أستاذنا حيدر ســلامات.. وكل عام وأنتم بخير!
أمنياتنا لكم بعيد سعيد وحفل جامع.. وفرحة مستمرة
وهنيئاً لكم بهذا الشاب الأبنوسي الفنان..
بالله عليك تبلغو ســلاماتي وأمنياتي ليهو بعيد مبارك
وأرجو أن يتصل بي لنطمئن عليه وندردش معاهو شوية!
مع خالص الود والتقدير.. |
عزيزنا الوضئ ... محمد يس خليفة
دوما وكما العهد بك, سباق لحيث يلتئم الناس ويتوافدون.
فشكرا لك يا حبيب على المرور وعلى كلماتك المشجعة.
يكفينا حضورك المعنوي وبسطك الروحي على بني وطنك
وهم يمزجون عيدهم بعود الأبنوس الجميل, ليتضوع المسك
ويشيل النوار وتسيل مشاعر الناس جداول. فلك من كل
هذا الجمال نصيب الكرام, ولك من قبل معزتنا.
وصيتك واصلة بإذنه
وعيدك كريم ... يا بني الكرام
| |
|
|
|
|
|
|
|
|
|
Re: عيدنا عسل ... عمر إحساس وصل ... تورنتو تفرح بي مهل (Re: HAYDER GASIM)
|
Quote: جعل الله ايامكم دايما عسل رايق ومصفى.
كل عام وأنتم والأسرة الكريمة وأهل كندا بألف خير.
التحايا والتهاني موصولة عبركم للفنان عمر إحساس.
محبتي |
الفاتح ميرغني ... تسلم يابا,
وتشكر على يراع يهدينا المنى.
فأنتم عسلنا ومصفانا ورحيقنا
وزهرنا بسبلاته وبتلاته وتاجه
وعطره الفواح ونداه السواح.
ليتك كنت معنا, لتزيدنا لواء ألق
ونزيدك ضلفة ألفة.
مقاربتك بين العراقي ورباط العنق البياري,
تبتلع بعض أنفاسي وتشحذني لشئ أشد, فمالك
على ياخ.
عيدك سعيد ...
... وبكره أحلى
| |
|
|
|
|
|
|
|
|
|
Re: عيدنا عسل ... عمر إحساس وصل ... تورنتو تفرح بي مهل (Re: Ali Sirelkhatim)
|
| Quote: حيدر قاسم سلامات ياخى قلنا نشاغلك شوية بمناسبة العيد وكل سنة وانتوا طيبين |
أخونا الكريم ... على سرالختم,
ياخ إنت اللي تعزم, تقول لي معزوم,
هو نحن لاقنك وييين ياخ.
ومن روشستر جكة ساكت تصل.
وطبعا نحن ككنديين عندنا غرام
مع مدن الجوار الأمريكي. وكتير
مننا تلقاهم هناك, شئ شغل وشئ
شوبنق وفسحة وصلة رحم وأصدقاء
وكده. فيم العكس ليس صحيح إلا قليلا.
فأدفر بابنا وتعال نتقالد ونحضر أمسية
ظريفة وغناءا سمحا من خشيم سيدو.
العيد مبارك عليك ... وكل سنة
| |
|
|
|
|
|
|
|
|
|
Re: عيدنا عسل ... عمر إحساس وصل ... تورنتو تفرح بي مهل (Re: HAYDER GASIM)
|
أغمض عيني ... وأرخي العنان لمجرة أحلامي بذلكم اليوم الفتي,
فأنظروا ماذا رأيت:
ناس كتار شديد ومن جهات مختلفة, لكنهم يتحابون ويعرفون بعضهم البعض.
جنس مقالدة ... ودق على لوحات الأكتاف.... والكل في فرح عظيم.
كترة تياب وطرح وموضات وجلاليب وعمم وشالات,
في إستظهار سوداني مبين.
والنغم ... لا يشيلو الهوا, فقط تشيلو القلوب والأحشاء الوقودة.
والطرب ... على قفى من يشيل.
والرقص ... تتمة الفؤآد في أقصى تداعياته.
والجمال ... وافر بمقدار ما إستحظتنا السماء.
والمشاعر ... بفيض يحتاج لمتاريس السيتي هول
والونسة ... لذيذة وندايانة بشكل ما إعتيادي.
والعشاء ... يسر القاضمين للعيش الكريم
والخدمة ... ممتازة.
وبشكل عام ... كلو زين
واللهم أجعله ... حاصل
| |
|
|
|
|
|
|
|
|
|
Re: عيدنا عسل ... عمر إحساس وصل ... تورنتو تفرح بي مهل (Re: HAYDER GASIM)
|
أغمض عيني ... وأرخي العنان لمجرة أحلامي بذلكم اليوم الفتي,
فأنظروا ماذا رأيت:
ناس كتار شديد ومن جهات مختلفة, لكنهم يتحابون ويعرفون بعضهم البعض.
جنس مقالدة ... ودق على لوحات الأكتاف.... والكل في فرح عظيم.
كترة تياب وطرح وموضات وجلاليب وعمم وشالات,
في إستظهار سوداني مبين.
والنغم ... لا يشيلو الهوا, فقط تشيلو القلوب والأحشاء الوقودة.
والطرب ... على قفى من يشيل.
والرقص ... تتمة الفؤآد في أقصى تداعياته.
والجمال ... وافر بمقدار ما إستحظتنا السماء.
والمشاعر ... بفيض يحتاج لمتاريس السيتي هول
والونسة ... لذيذة وندايانة بشكل ما إعتيادي.
والعشاء ... يسر القاضمين للعيش الكريم
والخدمة ... ممتازة.
وبشكل عام ... كلو زين
واللهم أجعله ... حاصل
| |
|
|
|
|
|
|
|
|
|
Re: عيدنا عسل ... عمر إحساس وصل ... تورنتو تفرح بي مهل (Re: omar altom)
|
Quote: حفلة موفقة يا حيدر
تحياتى الخالصة لك ولاهل تورونتو
عماد ساتى |
العزيز الوديع المهيل ... عماد ساتي,
لشخصك الكريم, ومن تنطق بإسمهم في
جالية أدمنتون ... لكم جميعا عاطر ودنا
وفخيم إحساسنا بسوداننا ونفير إجتماعنا
على مطربة المبدع عمر إحساس, فهو
سوف يكون بيننا غدا السبت في تورنتو,
وبعد داك في خاتمة الإسبوع الأول من
سبتمبر سوف بينكم في أدمنتون, وكلو خير
وطرب ونغم موصول بعمق مشاعرنا
تجاه الإبداع وفي غمرته وطن مستحق.
... فلنتداول عمر إحساس بمقدار جوعنا
لتال التراب الأسمر.
... أدام الله أيامكم وأيامنا أعيادا مليحة
| |
|
|
|
|
|
|
|
|
|
Re: عيدنا عسل ... عمر إحساس وصل ... تورنتو تفرح بي مهل (Re: HAYDER GASIM)
|
Quote: عيدكم مبارك يا حيدر
وكثر خيركم على الدعوات....
Quote: وناس هاميلتون مدعوون لإستصحاب جمالهم
بنغم رهيف وحس هفيف من على إصوله, وعبر
حنجرة الزاهي ... عمر إحساس, فرصة لا تعوض.
أبقوا لا جوة ... فبكم تعتمر الديار
وربنا يرفع القدم. |
تراجي ... النافذة ... الوليفة ... تسلمي,
وكل سنة وإنت والعيال بخير.
حضورك يشرفنا ويزيدنا ألقا وقبطة,
ويا ريت نلتقيك ... لنتشاوف ولنعمر
أفئدتنا بزاد الحبان وبأفانين اللقيا.
فكوني بيننا أيتها الأميرة الصبوح.
وأستخدمي { نفوذك } الإجتماعي ليكون
لقاءنا أكثر مشمولية وعرفانا وإحتضانا.
المردوم ... نغم ... ينتظرك لتفويج المشاعر
وتوزيع الفرح بالقسط. وعمر إحساس سيتولانا
بمقدوره على إستنطاق الإبداع وتأجيج المشاعر
وإستحضار الوطن... المافي شنو؟
مع عاطر و دي ... وتقديري
| |
|
|
|
|
|
|
|
|
|
Re: عيدنا عسل ... عمر إحساس وصل ... تورنتو تفرح بي مهل (Re: HAYDER GASIM)
|
Quote: بخخخخختكم......
وتحياتي للجميع...... |
عزيزنا ... وبشدة منقطعة النظير ... عمر عثمان التوم ... تسلم,
وببركة العيد السعيد, أنتقيك يمنا تسلم به البلاد وتنشرح صدور العباد.
بالتبادي ... عساك طيب ... وأهلك بخير, فأنتم معشر آلق بثوث العرفان حادق الطيبوبة.
ثم ... أخبارك شنو؟ ... خليتك عريس إلا ربع في آخر لقاء لنا في السودان.
ثم ... مالك ما عايز تشوف كندا ياخ ... ولو عزت ... فأنت رب المنزل.
ثم ... بختنا بحضورك ومرورك من علينا ... وأبقى طيب
... ومحبتي
| |
|
|
|
|
|
|
|
|
|
Re: عيدنا عسل ... عمر إحساس وصل ... تورنتو تفرح بي مهل (Re: Shams eldin Alsanosi)
|
Quote: سلام يا حيدر يا قاسم
ونشوفك هناك |
شكرا يا شمس ...
وكانت ليلة ... ولا كل الليالي,
ليلة الفرح الكبير وهو ينبعث من صميم وجدان الحضور,
كانت ليلة اللقيا في عظيم بساط الترحاب والأشواق الرصينة,
كانت ليلة الإفاضة بالإحساس بتأجيج المبدع عمر إحساس.
وكالعهد بهم ... يممت هاميلون وجهها شطر الناس بكرم آلق,
وكانت كيتشنر ... تغزر ناصية الفرح بطعم حضورهم المائز.
ورمتنا أتاوا بفلزة من كبدها الميمون, فطيبوا خاطرنا لأخر نيط,
فشكرا لمن حضر عبر المسافات الطويلة لعرسنا السوداني الفخيم.
وكان كل شئ زين ...
أطفالنا شاركونا بفعالية جاذبة وبحركة إبداعية لافتة وبزي الفنون
الشعبية السودانية, وعلى إيقاع سوداني ملهب للمشاعر. فكانوا
مصدر فرح وقبطة عالية.
وعمر إحساس غنى بإحساس خاص وبكرم نابل وبمزاج ناقع, فكان
الإستماع جميلا عميقا ضاربا في الصميم, وكذلك كان الرقص حافلا
مجلجلا صخابا. فتحركت كل خلية في كل جسد سوداني كان هناك. وحدنا
عمر إحساس بالغناء لكل السودان, وبالطواف على كل مكوناتنا
الجغرافية والتراثية والتاريخية, فعلت بورصة المشاعر القاصدة
للسودان أصلا وفصلا وإتحادا عضويا عظيما. غنى لدارفو
وكردفان مستصحبا الشمال والشرق والجنوب في سيمفونية
عظيمة خالدة. غنى للسلام والوحدة وإنتقى دررا من عظيمات
أغنيات أهل السودان... فكان فرحا كبيرا وكان إلتحاما عضوضا
يزكي الوجدان السوداني ويحتشده بزاد كبير.
فشكرا لجالية تورنتو على هذه الإستفاضة المائزة, وعلى الخدمة
الطيبة و على الفرح مبذولا بيننا .
وشكرا ... للمبدع عمر إحساس, على النغم والطرب والطراية
المليحة لتراثنا العزيز ولغنانا الجميل.
| |
|
|
|
|
|
|
|
|
|
Re: عيدنا عسل ... عمر إحساس وصل ... تورنتو تفرح بي مهل (Re: Shams eldin Alsanosi)
|
Quote: سلام يا حيدر يا قاسم
ونشوفك هناك |
شكرا يا شمس ...
وكانت ليلة ... ولا كل الليالي,
ليلة الفرح الكبير وهو ينبعث من صميم وجدان الحضور,
كانت ليلة اللقيا في عظيم بساط الترحاب والأشواق الرصينة,
كانت ليلة الإفاضة بالإحساس بتأجيج المبدع عمر إحساس.
وكالعهد بهم ... يممت هاميلون وجهها شطر الناس بكرم آلق,
وكانت كيتشنر ... تغزر ناصية الفرح بطعم حضورهم المائز.
ورمتنا أتاوا بفلزة من كبدها الميمون, فطيبوا خاطرنا لأخر نيط,
فشكرا لمن حضر عبر المسافات الطويلة لعرسنا السوداني الفخيم.
وكان كل شئ زين ...
أطفالنا شاركونا بفعالية جاذبة وبحركة إبداعية لافتة وبزي الفنون
الشعبية السودانية, وعلى إيقاع سوداني ملهب للمشاعر. فكانوا
مصدر فرح وقبطة عالية.
وعمر إحساس غنى بإحساس خاص وبكرم نابل وبمزاج ناقع, فكان
الإستماع جميلا عميقا ضاربا في الصميم, وكذلك كان الرقص حافلا
مجلجلا صخابا. فتحركت كل خلية في كل جسد سوداني كان هناك. وحدنا
عمر إحساس بالغناء لكل السودان, وبالطواف على كل مكوناتنا
الجغرافية والتراثية والتاريخية, فعلت بورصة المشاعر القاصدة
للسودان أصلا وفصلا وإتحادا عضويا عظيما. غنى لدارفو
وكردفان مستصحبا الشمال والشرق والجنوب في سيمفونية
عظيمة خالدة. غنى للسلام والوحدة وإنتقى دررا من عظيمات
أغنيات أهل السودان... فكان فرحا كبيرا وكان إلتحاما عضوضا
يزكي الوجدان السوداني ويحتشده بزاد كبير.
فشكرا لجالية تورنتو على هذه الإستفاضة المائزة, وعلى الخدمة
الطيبة و على الفرح مبذولا بيننا .
وشكرا ... للمبدع عمر إحساس, على النغم والطرب والطراية
المليحة لتراثنا العزيز ولغنانا الجميل.
| |
|
|
|
|
|
|
|
|
|
Re: عيدنا عسل ... عمر إحساس وصل ... تورنتو تفرح بي مهل (Re: HAYDER GASIM)
|
... وكانت بيننا ... تراجي,
وبكامل موفورها في أن نكون لحمة سودانية عضوض.
فطربت ... ورقصت ... ورقصت آخرين ... وجالت في عرصات
المسرح بطلاقة هي معهوداتها العظام.
فشكرا لها ... وهي تطرب وتوزع الطرب.
وشكرا لها ... وهي تزدلف الغناء لمواجع الوطن.
وشكرا لها ... وهي تهدي الناس رسالة بسيطة في جدوى
إستقطاب وتفعيل الحياة ... وعلى أي مستوى جمعي كان.
فلمثلها ... تنزع القبعات ... وهكذا فعلنا ... ونفعل
| |
|
|
|
|
|
|
|
|
|
Re: عيدنا عسل ... عمر إحساس وصل ... تورنتو تفرح بي مهل (Re: ابوعبيدة النعمان)
|
يا سلام يا حيدر
كان يوما سودانيه اصيلا حميما وبسيطا وعامر بالمشاعر العميقه.
اكرمتنا تورنتو واهلها وكان نستحق كرمهم كما يبدو.
وفاض عمر ابداع وطربا وتطريبا ومشاعر سودانيه خالصه بعطاء سوداني اصيل.
حقيقه انا عائده الآن بعد ويمين من الفرح المتواصل
فبعد حفلتكم العامره كانت هنالد جلسه مختصره بآل الميرم عرفه حفيدة علي دينار
فتمتعنا بانغام عمر و السمري وطيبات مشويات عرفه وعثمان فيا بختنا بكم يا اهل تورنتو.
ويا حبيب خلينا ننجم في عظامنا دي شويه بعدين نقوم للحكي و الصور عن جمال اليوم.
شكرا حيدر قاسم
وشكرا مدام حيدر قاسم آسويه اللطيفه
وشكرا عادل الوسيله وعمار رئيس الجاليه و اسماعيل الظل ملتزم بالبوفيه واكله الطاعم.
ويا ابو عبيده النعمان نصف عمرك فاتك.
الا انكرب لحفلة 01/09/2012 بكتشنر يوم نوباوي عامر بالتراث وحنحته قرض برضو.
وبعدها هاملتون يوم 02/09/2012 حيتحفونا وليد عبد الحميد و الهام عبد الخالق فما تخيل غناء الرفاق ده يفوتك.
| |
|
|
|
|
|
|
|
|
|
Re: عيدنا عسل ... عمر إحساس وصل ... تورنتو تفرح بي مهل (Re: Tragie Mustafa)
|
Quote: الاخ حيدر تحياتي
انا جديد بالمدينة و لم اتمكن من الحضور
لكن انشاءاله لو في واحدة تانية قريب .. معاكم..
....
الاخ المحترم شمس
يعني كتلتها برااااااااك و ما عزمتنا .. الفيك اتعرفت |
أخونا الكريم ... أبوعبيدة النعمان ... تسلم,
ما قالوا { الجديد شديد } فليييه طلعت كيشة كدا .... هههههه
يعنى معقول عمر إحساس في البلد وخبر قدر الليلة وبكرة
ما إطقش أضانك.
عموما .... كل من لم يحضر فقد فاتته ليلة عظيمة مليحة
فواحة, مستطردة بالفرح الطبيعى ينثال من عصب الناس
ومن صميم وجدانهم. ولا أبالغ أن قلت أن هذه كانت أحلى
حفلة أحضرا في كندا منذ قدومي في مطلع التسعينات.
فعشان ده ما إحصل تاني ... رسل لي عنوانك الإلكتروني
في الماسنجر الداخلي لسودانيزأولاين, وسوف أقوم بدوري
بإرساله لي ناس ا لجالية , وحا تضمن كدا وصول أي مادة
إعلامية من طرف الجالية... ده ما بيعنى إنك تخلي شمس
الدين ... لازم أول ما تلم فيهو تعضيهو في رقبتو. ياخ ده
فوت عليك سانحة ذهبية وليلة من سلال الجنة.
لكن كدي شوف البدائل اللي طرحتا ليك أختنا تراجي, ففيها
مساحة للفرح ولإزكاء المشاعر وسط حضور وطرب سوداني
سمح كريم.
مرحب بيك يا نعمان في تورنتو, وإن شاء الله تصيب سدادا.
| |
|
|
|
|
|
|
|
|
|
Re: عيدنا عسل ... عمر إحساس وصل ... تورنتو تفرح بي مهل (Re: Tragie Mustafa)
|
Quote: الاخ حيدر تحياتي
انا جديد بالمدينة و لم اتمكن من الحضور
لكن انشاءاله لو في واحدة تانية قريب .. معاكم..
....
الاخ المحترم شمس
يعني كتلتها برااااااااك و ما عزمتنا .. الفيك اتعرفت |
أخونا الكريم ... أبوعبيدة النعمان ... تسلم,
ما قالوا { الجديد شديد } فليييه طلعت كيشة كدا .... هههههه
يعنى معقول عمر إحساس في البلد وخبر قدر الليلة وبكرة
ما إطقش أضانك.
عموما .... كل من لم يحضر فقد فاتته ليلة عظيمة مليحة
فواحة, مستطردة بالفرح الطبيعى ينثال من عصب الناس
ومن صميم وجدانهم. ولا أبالغ أن قلت أن هذه كانت أحلى
حفلة أحضرا في كندا منذ قدومي في مطلع التسعينات.
فعشان ده ما إحصل تاني ... رسل لي عنوانك الإلكتروني
في الماسنجر الداخلي لسودانيزأولاين, وسوف أقوم بدوري
بإرساله لي ناس ا لجالية , وحا تضمن كدا وصول أي مادة
إعلامية من طرف الجالية... ده ما بيعنى إنك تخلي شمس
الدين ... لازم أول ما تلم فيهو تعضيهو في رقبتو. ياخ ده
فوت عليك سانحة ذهبية وليلة من سلال الجنة.
لكن كدي شوف البدائل اللي طرحتا ليك أختنا تراجي, ففيها
مساحة للفرح ولإزكاء المشاعر وسط حضور وطرب سوداني
سمح كريم.
مرحب بيك يا نعمان في تورنتو, وإن شاء الله تصيب سدادا.
| |
|
|
|
|
|
|
|
|
|
Re: عيدنا عسل ... عمر إحساس وصل ... تورنتو تفرح بي مهل (Re: omar altom)
|
Quote:
يا سلام يا حيدر
كان يوما سودانيه اصيلا حميما وبسيطا وعامر بالمشاعر العميقه.
اكرمتنا تورنتو واهلها وكان نستحق كرمهم كما يبدو.
وفاض عمر ابداع وطربا وتطريبا ومشاعر سودانيه خالصه بعطاء سوداني اصيل.
حقيقه انا عائده الآن بعد ويمين من الفرح المتواصل
فبعد حفلتكم العامره كانت هنالد جلسه مختصره بآل الميرم عرفه حفيدة علي دينار
فتمتعنا بانغام عمر و السمري وطيبات مشويات عرفه وعثمان فيا بختنا بكم يا اهل تورنتو.
ويا حبيب خلينا ننجم في عظامنا دي شويه بعدين نقوم للحكي و الصور عن جمال اليوم.
شكرا حيدر قاسم
وشكرا مدام حيدر قاسم آسويه اللطيفه
وشكرا عادل الوسيله وعمار رئيس الجاليه و اسماعيل الظل ملتزم بالبوفيه واكله الطاعم.
ويا ابو عبيده النعمان نصف عمرك فاتك.
|
الغالية ... تراجي ... تسلمي,
يا زولة أخدي راحتك وإنجمي طب, الكلام ملحوق ... بس أنا مشروق
وفرحان شديد بتلك الأمسية الرائعة وبذلكم الفنان المتواضع المجيد.
ثم ... أقدر عاليا إشادتك بمن أشدت ... ولو قدر لي أن أضيف فسوف
تطول القائمة ... لكني كثير الشكر والإمتنان لكل الناس الذين وقفوا
على التحضير للحفل, خاصة تينكم النساء اللائي طبخن وأعددن
الطعام بتجرد وصمت وبلا مقابل ... اللهم إلا تشكرات الناس وحمدهم
لبطنهم. وكذلك الذين قاموا بجهد النظافة وتسليم القاعة كما إستلموها,
فهؤلاء هم الجنود الذين في عرفنا التاريخي مجهولين. لكنهم في صميم
إعترافنا وتقديرنا لهم ... فشكرا د. عمار وشكرا عادل الوسيلة وشكرا
لكل من توفر لعونكم وأجركم عند الله بليغ.
أما أخونا إسماعيل , مدير أحوال مطبخ الحفلة, فهو للعلم طواااالي كده,
يتوفر لخدمة الناس بكامل الهمة والإبتسام وصباحة معروضه الإنساني
المبين ... فإسماعيل طينة خاصة ... نضيييفه, وربنا يخليو لأسرتو
وأهلو ولينا ... وإنا به لظافرين غانمين.
وبالطبع الشكر موصول لكل من حضر وشرفنا على بساط الفرح
والمودة والطرب والأنس السوداني الوقيد.
يقصر الكلام حين الحديث عن من جعل يومنا جميلا مفعولا بعذوبة.
فالقومة ليك ... يا عمر إحساس.
ثم ... أفرح لفرحكم في اليوم التاني ... برغم إنكم كتلتوها براااكم, لكن
إنشاء الله نفعتكم, وشكلها كدا, بس مبارك حسن كان على الهبشة ...
فبالله بطلوا { فئوية } ... وخلوا الفرح يعم ... أوبسسس.
كتشنر في البال ... ولي في حضور فعالية جبال النوبة عشم كبير,
بس رخصة القيادة بتاعتي معلقة, وأرقب فاعليي الخير ... إلا
شمس الدين ... كفاية العملو في النعمان ... ههههه.
يتقد الشكر شمعة .. ويبقى الود دمعة, دي ما عارف جبتها من وييين؟
| |
|
|
|
|
|
|
|
|
|
Re: عيدنا عسل ... عمر إحساس وصل ... تورنتو تفرح بي مهل (Re: HAYDER GASIM)
|
Quote: يااااا اخانا الاكبر
انت من زمن العرس؟؟؟؟
البنية هسة قررررربت تمشي المدرسة
جهز الولد الصغير.......................................
هنيئا لكم عمر اجساس
وكندا in my mind
محبتي |
عزيزنا ... عمر عثمان التوم ... تطيب,
ومبرووووكة البنية وتربى في حنكم وأحضانكم
العامرة بالمحبة... والعريس جااااهز ... بس خلو
العروس تقرا ... ههههه
عمر إحساس فنان رائع ومتميز, ويا ريت لو تلقو
فيهو فرقة ... فحا يبسطكم شديييييد.
لكندا 1800 كليومتر حدود مشتركة مع أمريكا,
فمن أي قدم { ليهو رافع } ... مرحب بيك.
سلم لي على أهلك بي غادي ...
| |
|
|
|
|
|
|
|
|
|
Re: عيدنا عسل ... عمر إحساس وصل ... تورنتو تفرح بي مهل (Re: HAYDER GASIM)
|
العزيز حيدر
لك التحايا النواضر
نعم و حقآ كانت ليلة و لا الف ليلة اسعدت اهل تورنتو و ما حولها
كان الحضور بهيآ أنيقآ جميلآ
و كان عمر احساس عند حسن ظننا به
فرقص الجميع طربآ ولم يستثنى منهم احد حتى دكتور النور الذى اعتدنا ان نراه فى الكراسى الخلفية
جاء اخونا ياسر طيفور بكامل اناقته و قام اخونا ماجد بالتوثيق الكامل للحفلة بكاميرته التى لا تفارقه
و جاءت اخبار المدينة كما عودتنا دائمآ برعاية محررها سعيد شاهين لتنقل الحفل الى كل الذين لم تساعدهم الظروف لحضور هذا الكرنقال
و كان حسين شنقراى فى الموعد يملأ المكان نشاطآ و حيوية و كم كنت سعيدآ بمقابلة صديقى دكتور سامى مصطفى فى ذلك اليوم
و الشكر أجزله للاخ الحارث و الذى وفر لى وسيلة الوصول الى مكان الاحتفال بعد ان استولى ابنائى على السيارة
اما مقدمة البرنامج اختنا سحر فقد كانت شعلة من النشاط و حركة دؤوبة تحرك فى الجمهور و تشارك الجميع فلها الشكر اولآ و أخيرآ
ورقصت تراجى و لم يتوقف الهاشمى و سمعنا صوت السمرى مع ادم و تعالت اصوات الزغاريد
و ختامآ اقول بان اهلنا من غربنا الحبيب قد اسعدونا برقصاتهم الجميلة و التحية لاطفالنا الذين شاركوهم فى ذلك و التجلة لمن
كان خلفهم يعلمهم و يدربهم ليجعلوا ذلك ممكنآ
الكلام كتير و الحضور كان مشرفآ و الشكر للجميع
| |
|
|
|
|
|
|
|
|
|
Re: عيدنا عسل ... عمر إحساس وصل ... تورنتو تفرح بي مهل (Re: حيدر بشير)
|
Quote: نعم و حقآ كانت ليلة و لا الف ليلة اسعدت اهل تورنتو و ما حولها
كان الحضور بهيآ أنيقآ جميلآ |
سميي ... ورفيق الجوال ... مع الإستعصام بعروة السودان وثقى ,
وأخي في الله والمهجر والهم ... حيدر بشير ... تسلم ... وبشدة.
حا آخد مداخلتك الجميلة واحدة واحدة, لأوفيها حقها والذي هو
مستطرد في مبناها ومعناها ...
فنعم ... كانت ليلة ولا كل الليالي ... ليلة أشبعتنا صحوا وتغريدا وجعلتنا
نسأل بقوة ... يا الشمس إنت وين ... حتى ألقت شمس ذلكم اليوم أهداب
إستظاهرها للفجر, والذي أظنه خجل من ندانا الليلي الغسوغ. فأهدانا
براحا إضافيا لنقتفي خواص الطبيعة, ونصل بيوتنا وننوم بفرح, في فاصل
ضيق بين يوم إنتهى ... وآخر إبتدا.
... وللحديث بقية
| |
|
|
|
|
|
|
|
|
|
Re: عيدنا عسل ... عمر إحساس وصل ... تورنتو تفرح بي مهل (Re: HAYDER GASIM)
|
هنيئاً لكم اهل تورنتو الكرام - ان تستمعوا الى صاحب الكلمات الشجية و الألحان الآثرة - الاستاذ عمر احساس
سلام حيدر قاسم و كل عام و انتم بخير .. ربنا يحقق الامنيات و مؤنة عام من الأفراح
سلامات حيدر بشير .. يعني البركة في عمر احساس الخلاك تظهر و في محمد زكريا من قبل - عساك طيب يا زول يا طيب و عيدكم سعيد
تراجي العيد عندك عاد ما خليتي طرب من هاملتون لتورنتو هههههه.. كانت برهة قصيرة لكن اللمة كانت حلوة و الونسة احلى معاك و مع الزميل ابو قصي
و زوجتة السيدة اروى و الاستاذة رقية وراق و العروسة الحلوة و زوجها و في حضور الأهل و الجيران و الاحباب في مدينة هاملتون الجميلة على انغام الجميلة
نانسي عجاج .. و عيدكم سعيد
| |
|
|
|
|
|
|
|
|
|
Re: عيدنا عسل ... عمر إحساس وصل ... تورنتو تفرح بي مهل (Re: سناء عبد السيد)
|
أها يا حباني القراء ... دي صور من ما بعد الحفلة, وأخريات لقطات من رحلة اليوم التاني,
وصور الحفلة ليست بطرفي وما عندي كاميرا زاتو ولا إسمارت فون. لكن عشمان الناس
الصوروا الحفلة يتكرموا وينزلوها لينا, ده لو كان عندهم حساب في سودانيزأونلاين, والما
عندو حساب إرسل لي الصور والفيديوهات على عنواني الإلكتروني أدناه:
[email protected]
الفي الصورة ديل ... وعدا زوجتي آسيا وفناني المفضل عمر إحساس, وأصغر بت في
الصورة, هم أسرة الرائع عبدالعظيم جوجوي , السكرتير الثقافي لجالية أونتاريو, ومعاهو
عديلو وزوجته.
| |
|
|
|
|
|
|
|
|
|
Re: عيدنا عسل ... عمر إحساس وصل ... تورنتو تفرح بي مهل (Re: HAYDER GASIM)
|
وبعض أطفالنا ... حاول إختراق المجال الإسفيري لكمبيوتر عمر إحساس,
بشغف برئ وبعيون مركزة وبفرح غير مستتر, مهابشة حلوة وسماح أحلى
من صاحب الشأن الرفيع, عمر إحساس... يعنى لا نهرهم لا قال ليهم الجهاز
ببوظ ولا يحزنون ... فأطفالنا هم أطفاله وفي كامل حبه وسماحته.
تسلم ... أيها النبيل ... الأصيل
| |
|
|
|
|
|
|
|
|
|
Re: عيدنا عسل ... عمر إحساس وصل ... تورنتو تفرح بي مهل (Re: HAYDER GASIM)
|
Quote: هنيئاً لكم اهل تورنتو الكرام - ان تستمعوا الى صاحب الكلمات الشجية و الألحان الآثرة - الاستاذ عمر احساس
سلام حيدر قاسم و كل عام و انتم بخير .. ربنا يحقق الامنيات و مؤنة عام من الأفراح
سلامات حيدر بشير .. يعني البركة في عمر احساس الخلاك تظهر و في محمد زكريا من قبل - عساك طيب يا زول يا طيب و عيدكم سعيد
تراجي العيد عندك عاد ما خليتي طرب من هاملتون لتورنتو هههههه.. كانت برهة قصيرة لكن اللمة كانت حلوة و الونسة احلى معاك و مع الزميل ابو قصي
و زوجتة السيدة اروى و الاستاذة رقية وراق و العروسة الحلوة و زوجها و في حضور الأهل و الجيران و الاحباب في مدينة هاملتون الجميلة على انغام الجميلة
نانسي عجاج .. و عيدكم سعيد |
العزيزة ... سناء عبدالسيد ... تسلمي,
ونشعر بشعورك القبيط حينما تنثال أفراحنا ... هكذا.
فلك منا ألف تحية, ولك خلجة عالية من دفق مشاعرنا الصدوق, ولك
تقديرنا الوريف في مشروع أخوتنا السودانية الفارعة العضوض.
وأنتظر تراجي لتكلمة ... البقية
مع وافر تقديرنا ... وفرحنا بك
| |
|
|
|
|
|
|
|
|
|
Re: عيدنا عسل ... عمر إحساس وصل ... تورنتو تفرح بي مهل (Re: HAYDER GASIM)
|
ورجعنالك ... يا حيدر بشير,
Quote: فرقص الجميع طربآ ولم يستثنى منهم احد حتى دكتور النور الذى اعتدنا ان نراه فى الكراسى الخلفية
جاء اخونا ياسر طيفور بكامل اناقته و قام اخونا ماجد بالتوثيق الكامل للحفلة بكاميرته التى لا تفارقه
و جاءت اخبار المدينة كما عودتنا دائمآ برعاية محررها سعيد شاهين لتنقل الحفل الى كل الذين لم تساعدهم الظروف لحضور هذا الكرنقال
و كان حسين شنقراى فى الموعد يملأ المكان نشاطآ و حيوية و كم كنت سعيدآ بمقابلة صديقى دكتور سامى مصطفى فى ذلك اليوم
و الشكر أجزله للاخ الحارث و الذى وفر لى وسيلة الوصول الى مكان الاحتفال بعد ان استولى ابنائى على السيارة |
عال العال ... والتحية لكل من ذكرت ولكل من له تشكرت, فأنت حامد بطبعك, شاكر ما جلت الخدمة,
وافر ما عنيت ... وسفير لما إعتنيت. فيا هم ديل أولادنا ... في الحارة تلقاهم, وفي الباردة يضووا, وفي
كل شأن من حياتنا لنا نسخة ناصعة من النساء والرجال القوامين.
فأبقى طيب ومبسوط, بحكم بختك الإنساني الوليف وبطبعك الآدمي الشريف.
وعليك الله ما تسافر قبلما نتلاقى ... شان نبل شوق ونودعك بإتقان تستحقه.
| |
|
|
|
|
|
|
|
|
|
Re: عيدنا عسل ... عمر إحساس وصل ... تورنتو تفرح بي مهل (Re: Amira Osman)
|
سلامات حيدر بشير .. يعني البركة في عمر احساس الخلاك تظهر و في محمد زكريا من قبل - عساك طيب يا زول يا طيب و عيدكم سعيد
العزيزة سناء
تحية طيبة و شوق ما عنده حدود و كل سنة و انت و من معك بألف خير و ربنا يحقق الأمانى
بالجد يا سناء كانت ليلة جميلة و قد افتقدناك و حتى ود اهلك دكتور ياسر برضو ما ظهر
اظهرى شوية فى الجالية خلينا نشوفك قبل ما نسافر من البلد دى و نخليكم لى بردكم الشديد دا
أخونا حيدر تسلم على الصور الجميلة و التى توثق لهذه الليلة الفريدة و شايف مهاب و مزن اولاد ماجد مزينين الصورة
و بهذه المناسبة يا ريت اخونا ماجد خالد يرفد البوست دا بمجموعة من الصور و لقطات من الفيديو و الذى قام بتصويره
ان شاء الله سأتصل عليه ليرسلها لك على الاى ميل
و دم بخير مع خالص التحايا
| |
|
|
|
|
|
|
|
|
|
Re: عيدنا عسل ... عمر إحساس وصل ... تورنتو تفرح بي مهل (Re: HAYDER GASIM)
|
Quote: العيد عندكم..
و قول لاسيا البركة في الشوفه |
أميرة عوض ... يا حلييييييلك , وكيف الحي بيك
لا يمكن أن نكون آخر مرة إتلاقينا قبل كم وعشرين سنة,
كده عيب طالما نحن أحياء, فأنت مدعوة لعبور الأطلنطي
وتسجيل واحد زيارة لركن كبير مترامي الأطراف من
إمبراطوريتكم العجوز... ول كما ن وصفوا لينا بيتكم بي
وين ... فنحن غالبا ما نعبر إلى الشرق من بوابة هيثرو.
تحياتي للأسرة الكريمة... وعيدكم برضو ... سعيد
| |
|
|
|
|
|
|
|
|
|
Re: عيدنا عسل ... عمر إحساس وصل ... تورنتو تفرح بي مهل (Re: HAYDER GASIM)
|
معليش يا جماعة ... الصورة قبل هذه المداخلة, هي جزء
من ألبوم رحلة عمر إحساس, لكني لم أفلح في وضعها
بالحجم المناسب وطلعت صغيرة ومعولقة برغم جمال
الناس الفيها. وده كلو من بكري أبوبكر, لأن مدخوره
للخدمة التصويرية ضعيف جدا. وكان جبت ليك صورة
في حجم كستبانة ... إقول ليك كبيرة ... كبير الله ياخ.
عموما ... حاولت { طق طق } لتحميل الصور وكانت
عاليه النتيجة ... فيا أهل المعرفة ... أفتونا.
... وفي كل الأحوال سوف يظل فرحنا بعمر إحساس
شامخا ... متقدا.
... ولي قدام
| |
|
|
|
|
|
|
|
|
|
Re: عيدنا عسل ... عمر إحساس وصل ... تورنتو تفرح بي مهل (Re: HAYDER GASIM)
|
Quote: العزيزة سناء
تحية طيبة و شوق ما عنده حدود و كل سنة و انت و من معك بألف خير و ربنا يحقق الأمانى
بالجد يا سناء كانت ليلة جميلة و قد افتقدناك و حتى ود اهلك دكتور ياسر برضو ما ظهر
اظهرى شوية فى الجالية خلينا نشوفك قبل ما نسافر من البلد دى و نخليكم لى بردكم الشديد دا |
و يحقق امنياتك و اماني الجميع يا حيدر .. الشوف ليكم كتير يعلم الله .. و ان شاءالله الجايات اكتر من الرايحات.. ماشي وين سايبنا؟البرد ده خلاص بقينا ماخدين عليه و اي محلة سخانة ما حنقدر نعيش فيها تاني ههههه .. ان شاءالله حنرتب للقاء يجمع البورداب في القريب العاجل
| |
|
|
|
|
|
|
|
|
|
Re: عيدنا عسل ... عمر إحساس وصل ... تورنتو تفرح بي مهل (Re: HAYDER GASIM)
|
Quote: يوم الأحد 2/09/2012
موعدكم مع الغناء والطرب الرفيع في حفلنا الساهر الكبير بمدينة هاملتون
يحييه
المطربة الرائعة إلهام عبدالخالق
والموسيقار الكبير وليد عبدالحميد وفرقته
يكتمل الطرب بمصاحبة DJ
و مجموعة من أغاني و موسيقى
Hip Hop, Pop and R&B
هنالك فقرات ترفيهية أخرى يقدمها شباب هاملتون و يتضمن ذلك شريط فيديو قصير .
تباع المأكولات الشهية و المشروبات بأسعار رمزية
المكان
Hamilton Germania Banquet Hall
863 King St. E Hamilton, ON
7:00 مساء
التذاكر
20 للأسرة مع الأبناء دون 18
10 للأفراد 18 سنة فما فوق
نسأل الله ان يجعل ايامنا كلها أعيادا
وكل عام وانتم بخير
--
Abdulazeem Alizerig
Chairman
Sudanese League of Hamilton
C: 289.775.3435
T: 905.574.8578
|
| |
|
|
|
|
|
|
|
|
|
Re: عيدنا عسل ... عمر إحساس وصل ... تورنتو تفرح بي مهل (Re: HAYDER GASIM)
|
أما حفلة كتشنر ... فهي مساء اليوم السبت الموافق الأول من سبتمبر 2012
والعنوان:
Victoria Hill Community .Centre
10 Chapin Dr
طبعا العشرة قبال إسم الشارع, بس أبت تجي عديل
فإن شاء الله أخي أبوعبيدة , تصل بالسلامة,
أنا ... في إنتظار فاعل خير لأكون هناك, فرخصة
القيادة عندي ما تزال معلقة ,وتعلقت معها أحلامي بقضاء
عطلة آخر الإسبوع { الطويل } مع أهلي السودانيين في
كتشنر وهاملتون .
... ولي قدام
| |
|
|
|
|
|
|
| |
HAYDER GASIM
Mohamed Yassin Khalifa
الفاتح ميرغني
Ali Sirelkhatim
Mustafa Muckhtar
Tragie Mustafa
omar altom
Shams eldin Alsanosi
ابوعبيدة النعمان
سناء عبد السيد
فيس بوك
تويتر
انستقرام
يوتيوب
بنتيريست