|
|
|
 Re: الف حمد الله على السلامه محمد حسن محمد المهدى (فول) ... (Re: محمد عبدالرحمن)
|
أبشري ، أبشري نحن لسع في الخلا مرابطين
ونحن عقاب عهود ، أنصار مع مهاجرين
ونحن سهارى ما بنعرف غمضة العين
ونحن فداك ، نذود عنك بقالنا سنين
حالفين بيك قسم ، غالي وعزيز ويمين
مانضوق راحة ، لانشوف زوجة لا والدين
ولاندفن رؤوسنا على الرمال خايفين
حتى نودي من أشلانا ، أعلامك على القصرين
وحتى نسوي للقصفوك مقبرتين
زي ماصنع تارا ، علي الألف ألفين
وحتى نكسر السد ، وينقسم نصين
ويكون عيدنا الكبيـــر، في مقرن النيلين
وما بنساك ، وما بنساك عشان يطراك في الأزمان
قريـــــــب منك ، قرابة الحدقة للإنسان
وجايل فيك ، جولة الدم علي الوردان
وقيمتك عنده ، زي قيمتك معاه زمان
بعيشك هضبة ، بتشارف تلال قيسان
ويحياك موية في دارفور، تبل عطشان
ويديّم فيك من سنار، ترع خزان
ويدفق خيره بي عند الرهد بستان
ويقول للدندر الغاضب ، كفاك قيسان
ويسهر لي وليداتك ، يعشي الحاري والجيعان
| |
 
|
|
|
|
|
|
|
|
Re: الف حمد الله على السلامه محمد حسن محمد المهدى (فول) ... (Re: عبد الحي علي موسى)
|
Quote: وفي وش المكن رقدوا التقول نايمين
سيييييييييييفك للفقر قلام. |
هسع قومي ، سوي السيرة جري النم ..
خلينا النهشك فيك ونملاك دم ..
ندفنلك شقوقك ، شورعضام ولحم ..
ندفق ليك نحيراً لا وقف لا جم ..
نشبع فيك صقور، وضباع ، وطير، ورخم ..
لامن ترضي ضيفك .. ودورهناك انتم .
كيفن عاد ؛ كيفن عاد بتــــعادينا ..
وشوفي عزيمة للحمل ، الوقف راجينا ..
شوفينا بنتر، ولا بنكف الشينه ..
شوفينا بندكدك ، ولا ما هامينا ..
شوفينا بنبشر فيك ، طوال إيدينا ..
ولا نغطي بالطين والعجين إضنينا.
حبابك ياعبدالحى ...وشكرا كتير لمرورك ...
| |
|
|
|
|
|
|
| |
محمد عبدالرحمن
عبد الحي علي موسى
Yassir Tayfour
عبدالكريم الامين احمد
Abdlaziz Eisa
الصادق الزين
فيس بوك
تويتر
انستقرام
يوتيوب
بنتيريست