|
|
 تجليات مهدي عبدالله....مباااالغة
|
أحد المرضى كان يرقد بالمستشفى في حالة متأخرة وكل ما كتب الدكتور له دواء رفض أهله إحضاره قائلين للدكتور: أديهو جلكوز. وعندما تكررت مطالبات الأهل رضخ الطبيب قائلا: أنا بديهو الجلكوز لكن لازم انتو بعد داك تجيبو الدواء. ومع أول نقاط درب الجلكوز توفي المريض ولكن أهله لم يحزنوا، وقالوا للطبيب: "والله زولنا دا كان داير ليهو حبة جلكوز تديهو مروة يدفر بيها الروح لي برة".
أحزاب المعارضة تعتقد أن نظام الإنقاذ يحتضر ولذلك ترفض أن تقدم له دواء المشاركة ولكن يبدو أن حزب الأمة يؤمن بنظرية الجلكوز !! لذلك قرر أن يشارك بي حبة مستشار عشان يدي النظام شوية مروة يدفر بيها الروح لي برة !! أنا شخصيا بفتكر إنو "المشاركه" بسبب السمك !!
http://www.facebook.com/abdalla007
|
|
 
|
|
|
|
|
|
|
|
Re: تجليات مهدي عبدالله....مباااالغة (Re: Afraa Sanad)
|
لجماعه .. بتاعين طشمه .. كلو يوم يجو يسكرو .. جارهم "الجلده" ! ما بيجب سكرو معاهو للقعده .. وبشرب أكتر منهم !! ويتعشي حتي يمشي بيتهم !! الجماعه لمن الموضوع كتر .. إضاايقو شديد .. سيد البيت مكان القعده .. قال ليهم الليله ما تجو .. أنا ناوي أحل ليكم مشكلة فلسطين دي الليله ! لبد للجار السقيل ..الجار جاهو كالعاد في مواعيدو .. لقي الكراسي مرصووصه في بكانها .. الحوش مرشووش .. اتفضل يا فرده!! الجماعه ديل وين ؟ قال ليهو .. اتخيل انهم قاعدين معانا!! وجاب القزاز فاااضي ويشيل ويكب لجارو .. اتخيل إنو ده وسكي ياخي .. الجار اتوهم !! لكن سيد الشي مصر إنو يشرب !! يرفعو في الكاسات فآاضيه!! ويشربو !! الجار خاف!! قال ماشي !! لا والله ما بتمشي قبل العشاء !! الحمد لله بقي فيها عشاء ! صاحبك جاب صينيه كبييره .. الصحانه فاضيه تكركب!! ده شنو يا زول .. اتخيل ياخي .. اتخيل انها مليانه بالطيبات .. الجار راسو ضرب وقال الزول ده ما شديد !! مع الاصرار .. عمل إنو أكل لمن شبع .. أها أنا ماشي ياخي .. طيب غسل يدينك ال######انات من الأكل ديل وامشي ! البلف مقفول! .. اتخيل إنو في مويه في المواسير دي!! الجار برك يغسل يدينو صاحبك سيد البيت بكل قوتو.. اداهو ليك طاآاااااخ جنس كف !!!! يازول ضاربني لي شنو ؟!!!!!! :( اتخيلني سكرت!!)
يالصادق المهدي.. سجل الانقاذ في التشريد والفصل التعسفي والذي لم يتوقف.. ثم جاءت الخصخصة لتكمل الفصل للصالح العام لأسباب سياسية! كما ان الانقاذ تسببت في خروج جماعي من السودان وافراغ البلاد من العناصر الحية سياسياً واقتصادياً حافل .. "اتخيل" انو تصريحاتك "سكرتنا" .. إستعد للكف !!!
| |
|
|
|
|
|
|
|
|
|
Re: تجليات مهدي عبدالله....مباااالغة (Re: Afraa Sanad)
|
سوداني أصييل.. ضايقوه التماسيح وما خلو ليهو غير مجموعه من المخازن ليس بسب الرأفه ولكن لانها مكتظه بالفيران!! .. المشكله أبت تتحل لا بي شرك .. لا سم فار .. ولا كديس !! ركب الطياره -كما إقترح الجار - وتووش علي اليابان .. الفيران ديل ما بتقدر عليهم إلا اليابان ! شرح مستفيض.. ركب الطياره تاني يوم بعد ما إستلم الحل الياباني في صندوق.. من المطار و جري علي المخازن .. ضغط علي الزر -حسب الارشادات- وقف بعييد يراقب .. طلع فار آلي من الصندوق !! موسيقي منو وفيهو وهاك يا بريك دانس!! فار فارين جو ماركين يتاوقو .. لحق بيهم فيران المخزن ثم فيران المخازن بي تمتها (الأعمي شايل المكسر) إتلمت تتفرج في الفار الياباني التفتيحه !! الفار واصل الرقيص وهو مارق لي بره .. إتلمو فيران الحله كلهم يكشفو !! طلع بيهم فسحه بعيده .. إتلمو فيران البلد بي تمتهم .. وهم في قمة الإندماج .... طااااااخ%$£*% إنفجر الفار الياباني التفتيحه وقتل كل الفيران معاهو !! سيد المخازن آمن باليابان مع الفيران!!.. رجع اليابان .. قال ليهم :(يا أخونا .. ما عندكم فار جبهة ؟) ..
يا ناس الفساد في السودان عايز فار ياباني شديد الانفجار !!
| |
|
|
|
|
|
|
|
|
|
Re: تجليات مهدي عبدالله....مباااالغة (Re: Afraa Sanad)
|
من مرقو الانكليز...ونحن عوتنا لي رب السما.....الانكليز ما وصلو اهلهم عديل..... شكلتنا قامت.... عبود قلبا.... القرشي مات صدفة.... قامت اكتوبر..... الشيوعين رفدوهم من البرلمان.... قامت مايو.... نميري عكليته.... قالو يدقسوهو لما اتعكلت قلبوها تلاتة ايام بس.... القذافي مسك فاروق وبابكر... والسادات رسل قوات القناة...قلبوها رجع نميري وقع فيهم كبر ما عارف العدو من الصليح... ونهى الحزب..وقع فيهم جزر ...بعد ما ضربو ليهو الانصار في ود نوباوي ,,وابا.....وكسرو شوكتهم.... مرقو الترابي والصادق والهندي.... الجبهة الوطنية .. تدريب في ليبيا.... دخول انصاص الليالي لامدرمان...يومين ما لاقين زول يشغل الاذاعة سعد بحر فاااات وين ما معروف جابوهو... دم للركب..حسن حسين عثمان محاولة فاشلة تانية.... اعدامات في وادي الحمار باتبرا(وادي الحمار دا مرشح يكون وطن بديل للرباطاب المتأثرين بسد الشريك... شفتو الحقارة دي؟)...... ضربوهم برضو.... ودم للركب برضو....المصالحة ناس جات وناس ابت تجي.... الترابي دخل القصر مع نميري...قوانين سبتمبر.. قطيع ايدين وكرعين... وجلد...وحفلات تعارف للزُناةواصدقاء الحان في الرادي والناس تسمع....محمود محمد طه..اعدام نص النهار يوم جمعة حرو يسلق البيضة....فليب غبوش ودق الجرس...انتفاضة ابريل.... سوار الدهب الجزولي.... سلموها في ساعتها.... جوطة في جوطة ما دايرين ناس الجبهة...قرنق شدّ حيلو... وعيطة وزيطة وزمبيرطة....انقلاب الانقاذ.... الترابي في راسو.... حرب الجنوب... عرس شهداء...وطهارة معارضين.....مرقو برا تاني..... جبهة الشرق... رعاة الابل والشاة والفهود الحرة......دارفور........طمع السلطة.... يلغي شعار( هي لله لا للسلطة ولا للجاه).... انشطار اصحاب سقيفة بني ساعدة.....انتصار العسكر.... اندحار الاب الروحي... وانزواه في المنشية... انتحار المشروع.... وانتصار الفتن......اليسار والابتسار نضم يدخل من الاضان دي ويمرق من التانية...اتفاقية نيفاشا... طيارات تقع وطيارات تقوم ناس تموت وناس تفوت وناس تغرق ياكلها الحوت... الصادق الميرغني...حارسين القُبب وراجين السلطة تجيهم و شيالة معاها الزوارة .... لسيدي الحسن وسيدي المهدي.....الحركة الشعبية السودان الجديد.. قلنا خير... طلعو سودانيّن جنوب وشمال ولا واحد فيهم جديد....ونحن همنا كلو القروش غيروها ام خمسة سمحة وام خمسين مالا خدرا...؟.....والرغيف خبرو شنو؟.... والخريف هجر القضارف..والصقط ليهو سنين ما سمعنا بيهو...والغريبة عائدات زراعة القمح مُدرجة في الميزانية.... الصقط البي يخلي القمح ينجض وينو؟....واحدة في التلاتة:- يا مجنون القمح.. يا مجنون الصقط.... يا مجانين نحن....... لكن باقي لي نحن اقرب للجن.....مجلس وطني وعمم وبدل وتيبان. وقروش من حقنا....ونضم كبار كبار..وناسين انو الصقط خلى البلد والقمح بلا صقط ما بينفع.....ويسوو في اريتا ميزانية السرور......والله تعبنا من الونسة.... يا ريت الانكليز يرجعو.... عشان ترتاحو حكومة على معارضة.... وترتاح معاكم حواء الطقطاقة من كل مرة لافحة التوب العلم ولو سالتها تقول ليك مرقت الانكليز بي دلوكتي دي.....واوعى يكون في زول عشمان في ربيع عربي سوداني......؟....... يا اخي طُز!.....
| |
|
|
|
|
|
|
|
|
|
Re: تجليات مهدي عبدالله....مباااالغة (Re: Afraa Sanad)
|
وقفت فتاة أمام لوري مشحون بالتيوس وسألت عن وجهة الشحنة فعلمت أنها للتصدير إلى إحدى دول الخليج. فقالت شكيتكم على الله يا ناس الحكومة تسفروا التيوس والشباب كلهم للخليج. نحن والغنم البعرسنا منو؟.
بعد أن بلغ متوسط أعمار زعماء المعارضة خمسة وسبعين سنة، كنت أعتقد أن مشكلة الشعب السوداني زي النسوان والغنم في أنه لا يجد البدائل الشابة التي تقوده.
البنات حلو مشكلتهم وأقنعوا أنفسهم بأن "راجل المرة حلو حلا". وبالأمس حل شيخ الشعبي الثمانيني مشكلة قيادة المعارضة وقال إنهم سوف يبنون عش الثورة الشعبية "قشة قشة" شباب الروح وكده.
أها كدا تم حل مشكلة عرس البنات ومشكلة قيادة الثورة الشعبية. الله يحل مشكلة الغنم.
| |
|
|
|
|
|
|
|
|
|
Re: تجليات مهدي عبدالله....مباااالغة (Re: Afraa Sanad)
|
http://sphotos-a.xx.fbcdn.net/hphotos-ash3/52...3141_989186848_n.jpg
قال الطبيب للمريض هناك احتمالان للتشخيص إما ذبحة صدرية أو زايدة دودية فقال المريض "وما العمل؟" فسأله الطبيب "عندك قروش؟" فقال "ما عندي" فقال الطبيب "ننتظر لحدي بكرة فإذا اتلحست تكون ذبحة وإذا لم تمت تكون زايدة. وبكرة إذا بقى عندك قروش نعمل ليك عملية ولو ما عندك ننتظر يومين تاني فإذا مت تكون الزايدة انفجرت ولو ما مت نعمل ليك فحوصات تاني عشان نشوفك عايش كيف..
يتجادل الاقتصاديون حول أثر خروج البترول فقال الشعب "وما العمل" فقالوا "نرفع سعر البنزين" قال الشعب "لا" فقالوا خلاص ننتظر لحدي نهاية السنة فإذا مات كل الشعب يكون خروج البترول قد أثر على الاقتصاد وإذا بقى من الشعب ناس نعمل فحوصات عشان نشوفهم عايشين كيف ! .
| |
|
|
|
|
|
|
|
|
|
Re: تجليات مهدي عبدالله....مباااالغة (Re: Afraa Sanad)
|
رأى ثعلب غرابا فوق الشجرة و في فمه قطعة لحم فقال له الثعلب ما أجمل صوتك أيها الغراب لماذا لا تغني لنا ؟
فوضع الغراب اللحم تحت جناحه و بصق على الثعلب و قال: إنت فاكرني الغراب الفارة بتاع كتاب المطالعة داك يا غبي؟؟
فقال الثعلب : لا لا أنا ما الثعلب بتاع كتاب المطالعة
فقال الغراب : طيب إنت منو ؟
فقال الثعلب : أنا ثعلب تاني بحب الغناء و الجبجبة، و من عشاق إستار أكاديمي و أليسا و هيفاء فغنى له الغراب و رقص الثعلب و قام بالتصفيق للغراب و إشتد الحماس و رقص الثعلب و الغراب مع بعض و سقطت قطعة اللحم..
فقال الثعلب : هع هع هااااااااي،، يا وهم أنا الثعلب بتاع كتاب المطالعه بس الكيزان غيروا المنهج !!
| |
|
|
|
|
|
|
|
|
|
Re: تجليات مهدي عبدالله....مباااالغة (Re: Afraa Sanad)
|
مهاجم في ناد كروي اسمه "عوض" له كل مؤهلات المهاجم الناجح "جراي وحاوار وشوات". مشكلته انه كلما واجه المرمى "عفص الكورة ووقع". احد المشجعين تخصص في الاساءة لعوض وكان يشتري تسالي وموية ويقعد جمب الخط وكلما وقع عوض هتف المشجع "امرقوا عوض -- دا مرضنا مرض".
في احدى المباريات احرز عوض ثلاثة اهداف من ثلاث طلعات فأدهش الجميع وفي الطلعة الرابعة عفص الكورة ووقع فوقف المشجع وصاح بأعلى صوته "ايوة كدة ياهو دة عوض البنعرفو" ثم صاح "امرقوا عوض -- دة مرضنا مرض"...
منتقدو الصادق المهدي يعترفون بإمكاناته لكن يخلصون الى أنه زول متردد ومتناقض يقول الشيء وعكسه. لكن الصادق ادهش المراقبين في ثلاثة تصريحات متتالية وهو يتحدث باتزان عن المعارضة السلمية المسئولة ولكنه في الرابع قال بأن الحركات المسلحة يجب أن تحتفظ بسلاحها. المراقبون هتفوا "ايوة كدة ياهو الصادق البنعرفوا ثم اكملوا".. "امرقو عوض -- دا مرضنا مرض".
| |
|
|
|
|
|
|
|
|
|
Re: تجليات مهدي عبدالله....مباااالغة (Re: د.محمد حسن)
|
وقفت فتاة أمام لوري مشحون بالتيوس وسألت عن وجهة الشحنة فعلمت أنها للتصدير إلى إحدى دول الخليج. فقالت شكيتكم على الله يا ناس الحكومة تسفروا التيوس والشباب كلهم للخليج. نحن والغنم البعرسنا منو؟.
اضحكتينا اختنا عفراء اضحك الله سنك
كلام معبر وفي الصميم
عل كبار سياسينا يرعووا ويفيقوا من هذه المهزلة والتهادن
وليه مهدي دا ما ظهر لي هسع
| |
|
|
|
|
|
|
|
|
Re: تجليات مهدي عبدالله....مباااالغة (Re: طارق ميرغني)
|
.
.. قبيل يا عفراء لمن سألتك منو ما كنت لاحظت لي اللنك بتاع الفيسبوك بتاع مهدي ....
| Quote: من مرقو الانكليز...ونحن عوتنا لي رب السما.....الانكليز ما وصلو اهلهم عديل..... شكلتنا قامت.... عبود قلبا.... القرشي مات صدفة.... قامت اكتوبر..... الشيوعين رفدوهم من البرلمان.... قامت مايو.... نميري عكليته.... قالو يدقسوهو لما اتعكلت قلبوها تلاتة ايام بس.... القذافي مسك فاروق وبابكر... والسادات رسل قوات القناة...قلبوها رجع نميري وقع فيهم كبر ما عارف العدو من الصليح... ونهى الحزب..وقع فيهم جزر ...بعد ما ضربو ليهو الانصار في ود نوباوي ,,وابا.....وكسرو شوكتهم.... مرقو الترابي والصادق والهندي.... الجبهة الوطنية .. تدريب في ليبيا.... دخول انصاص الليالي لامدرمان...يومين ما لاقين زول يشغل الاذاعة سعد بحر فاااات وين ما معروف جابوهو... دم للركب..حسن حسين عثمان محاولة فاشلة تانية.... اعدامات في وادي الحمار باتبرا(وادي الحمار دا مرشح يكون وطن بديل للرباطاب المتأثرين بسد الشريك... شفتو الحقارة دي؟)...... ضربوهم برضو.... ودم للركب برضو....المصالحة ناس جات وناس ابت تجي.... الترابي دخل القصر مع نميري...قوانين سبتمبر.. قطيع ايدين وكرعين... وجلد...وحفلات تعارف للزُناةواصدقاء الحان في الرادي والناس تسمع....محمود محمد طه..اعدام نص النهار يوم جمعة حرو يسلق البيضة....فليب غبوش ودق الجرس...انتفاضة ابريل.... سوار الدهب الجزولي.... سلموها في ساعتها.... جوطة في جوطة ما دايرين ناس الجبهة...قرنق شدّ حيلو... وعيطة وزيطة وزمبيرطة....انقلاب الانقاذ.... الترابي في راسو.... حرب الجنوب... عرس شهداء...وطهارة معارضين.....مرقو برا تاني..... جبهة الشرق... رعاة الابل والشاة والفهود الحرة......دارفور........طمع السلطة.... يلغي شعار( هي لله لا للسلطة ولا للجاه).... انشطار اصحاب سقيفة بني ساعدة.....انتصار العسكر.... اندحار الاب الروحي... وانزواه في المنشية... انتحار المشروع.... وانتصار الفتن......اليسار والابتسار نضم يدخل من الاضان دي ويمرق من التانية...اتفاقية نيفاشا... طيارات تقع وطيارات تقوم ناس تموت وناس تفوت وناس تغرق ياكلها الحوت... الصادق الميرغني...حارسين القُبب وراجين السلطة تجيهم و شيالة معاها الزوارة .... لسيدي الحسن وسيدي المهدي.....الحركة الشعبية السودان الجديد.. قلنا خير... طلعو سودانيّن جنوب وشمال ولا واحد فيهم جديد....] |
دي كده خمســة و خمســين ســـنة.... جرة واحدة ... ياخي يا مهدي شــكرا علي الإبتســامة الأديتنا ليها دي .. و شكرا يا عفراء وفعلاُ (مباااالغة)
.
| |
|
|
|
|
|
|
|
|
|
Re: تجليات مهدي عبدالله....مباااالغة (Re: Afraa Sanad)
|
بنت شـينة شناه شديدة .. كل ما تجي ماشه في الشارع الببغاء بقول ليها يا شـينه ! كل يوم بقول ليها كده استمر اسـبوع .. زعـلت ذهبت تشتكي الببغاء لسـيد الببغاء.. قـالت ليهو : الببغاء دا كل ما اجي مـاشة بـقول لي يا شـينة!! سيد الببغاء قال ليهو : تـاني با بن ال###### لو لحقت قلت ليها كدا بقتلك ! ح أدخل في القفص معاك كديس جعان !! تاني يوم جات ماشة عاين ليها لحدي ما مشت وقال ليها ، يا (هناية) انتي ، قالت ليهو : مالك؟ قال ليها : يعني ما عارفة ؟!
الشعب يشتكي من عدم الشرعيه والديموقراطيه .. الحكومه عملت "إنتخابات" فاز البشير ! الشعب قبل اسابيع - بخروج المواطنين في تظاهرات - قال للحكومه "يا هنايه" ردت الحكومه بالعين الحمراء : مالك ؟ قال ليها : يعني ما عارفة ؟!
| |
|
|
|
|
|
|
|
|
|
Re: تجليات مهدي عبدالله....مباااالغة (Re: Afraa Sanad)
|
جماعة طاشين شبكة كانوا يجلسون في عشرة ونسة. فجأة انتبهوا الى صدور رائحة كريهة وبدأوا في البحث عن المصدر وفتشوا تحت العناقريب والمطبخ ثم بدأوا في تفتيش الأطفال دون أن يجدوا المصدر. التفت أحدهم إلى رفيقه الذى كان يفتش معه وقال له: "يا زول إنت عملت إسهال في هدومك؟" فرد عليه: "أيوه لكن بتسألني ليه؟".
ظلت الحكومة تبحث عن سبب غلاء الأسعار وفتشت عن التجار الجشعين ثم الدولار ثم السماسرة وبعد ذلك سألت ناس الضرائب والجمارك: صحي انتو بتشيلو ضريبة القيمة المضافة في السلعة الواحدة 3 مرات فقالوا "أيوة لكن بتسألوا ليه؟
| |
|
|
|
|
|
|
| |
Afraa Sanad
Mohamed Yassin Khalifa
حبيب نورة
خالد الأيوبي
د.محمد حسن
فيس بوك
تويتر
انستقرام
يوتيوب
بنتيريست