|
HELP: مطلوب مساعدة يا شباب
|
عندي ملفات كبيرة فيها datasets مطلعاها من Delicious وCiteULike... واحد منهم عبارة عن ملف XML ضخم، حاولت اعمل فيه حاجه نهائي ما نفع... حاولت اقسمه، ما نفع، حاولت افتحه بي برنامج بفتح ملفات كبيرة ما نفع... التاني ملف text برضه كبير جداً... نزلته برنامج TextPad، بس ما حل لي المشكلة... محتاجه افتح الملفات دي ولازم أحلل الdata الفيهم عشان اقدر امشي لقدام في بحثي...
النجدة!
|
|
|
|
|
|
|
|
Re: HELP: مطلوب مساعدة يا شباب (Re: الرشيد محمد الخير)
|
يا فرانكلي... والله الtool بتاعتك فتحت جزء من الملف، لكن برضه ما جزء هيّن وكافي جداً... ألف ألف شكر....
الرشيد، طريقتك دي راقت لي لاني فعلا محتاجه to run statistical analysis على الdata... بس المشكلة انه Excel ما بتحمّل يفتح الملف لانه كبير جداً... كدي حأجرب تاني... كان نفعت، تكون خدمتني خدمة العُمر...
| |
|
|
|
|
|
|
Re: HELP: مطلوب مساعدة يا شباب (Re: الرشيد محمد الخير)
|
مريم .. بعد ما موضوعك المذكور أعلاه يتحل .. أشرحى لينا ال statistic دى الواحد ممكن يقراها كيف ؟! اخوكم مزنوق زنقه لا يعلم مداها الا هو مع انواع الفاريابل والكونفدانس انتيرفال والبى فاليو والاستاتستيك تيست والاناليسس .. انااا لله ياخى .. دى مسألة مستحيلة تقريبا .. واخوكم فى الحساب حدو العمليات التلاته.. الضرب والضرح والجمع , مع شوية قسمة شويه !!!
| |
|
|
|
|
|
|
Re: HELP: مطلوب مساعدة يا شباب (Re: محمد حيدر المشرف)
|
محمد المشرّف .. مرحب بيك والله في بوست النجدة ده... وما شاء الله والله الشباب ما قصّروا ....
بالنسبة للإحصاء، انا شغلانتي كلها عبارة عن عد سااااكت... عد الله والرسول ده زاااتو احصاء ... :).... لكن بالنسبة لمشكلتك، الاحصاء البتتكلم عنه ده الapplied statistics... دي بدوها للتخصصات الانسانية .. ناس اقتصاد وادارة وعلم اجتماع (وقرايبهم)... احنا بدرسوها الاحصاء العضم زاتها... وانا من الجامعة فارقته البرنامج ده وكرّهني عيشتي ... طبعا اصلا البرامج بتاعت SPSS بتعمل ليك العمليات دي... لكن دلالات الحاجات دي احصائيا شنو....؟ الله يعلم...
غايته اكتب موضوع بحثك شنو، يمكن اقدر اساعدك في تحديد انواع الvariables... وممكن يقراه حد يقدر يساعدك اكتر منّي...
| |
|
|
|
|
|
|
Re: HELP: مطلوب مساعدة يا شباب (Re: الرشيد محمد الخير)
|
برنامج بتاع التحويل يا الرشيد البرنامج الوحيد القدر يفتح الXML file، لانه كبير جداً... والاحلى من كده كمان انه البرنامج حوّل لي الملف لDatabase... وطبعا بالنسبة لي أحسن كتير من Excel.... الله يبارك فيك ويديك العافية مشكور والهل ما قصّرته... ان ما قادره اصدّق انه المشكلة اتحلّت... انا من أمس شغاله خبيز.. طبعا اصلا انا لما اتوتر بقعد اطبخ... وبما انه العيد خلاص، عملته خبيز ...
ألف ألف شكر
| |
|
|
|
|
|
|
Re: HELP: مطلوب مساعدة يا شباب (Re: Mustafa Satti)
|
عاد يا مصطفى ساتي، الله يفتحها عليك محل ما تقبّل، ويرزقك العايزه ويديك لمن يرضيك.... بركة الأيام المباركة دي...
البرنامج الأولاني حل لي مشكلة الtext file... ودي كانت عويصة والله... جنني جن الملف ده وقرّبت ايأس منّه... لكن حسي ماشه الموقع اجيب زيادة data
| |
|
|
|
|
|
|
Re: HELP: مطلوب مساعدة يا شباب (Re: مريم بنت الحسين)
|
ألحقوني....
البوست ده لسه ما انتهى....
متذكرين الملف بتاع هو Unix text file ("\n" line endings) text file with pipe ("|") delimiters... فتحتها بي البرنامج بتاع 010 Editor.. وظهر لي كلام شختم بكتم.. ما عرفته زاتو اتصرف معاه كيف :(... اعمل شنو! انا عايزه الملف ده احوله لexcel file ... هل في طريقة اعمل كده؟ يعني الdelimiter ده بفصل كل column عن بعضهم، ما في حل للقصة دي ... بس عشان نكون واضحين، في فوق السبعتاشر مليون entry.... وبشكلها الحالي ده انا ما قادره اتصرف فيها اي تصرف...
النجدة!
| |
|
|
|
|
|
|
Re: HELP: مطلوب مساعدة يا شباب (Re: مريم بنت الحسين)
|
ال 17 مليون ديل فى 17 مليون سطر ???
لو بتعرفى VBP ...اكتبى كود خليه يفتح ال text file يقرا الدتا و يختها ليك فى 17 فايل بتاعين اكسل (الفايل بيشيل مليون row). او ممكن يختها اليك فى جدول بتاع Access . لو فى طريقة رسلى لى سطر واحد من ال data فى اكسل فايل بس عشان اشوف شكلها كيف
| |
|
|
|
|
|
|
Re: HELP: مطلوب مساعدة يا شباب (Re: smart_ana2001)
|
17 مليون سطر يا سمارط! ايوه بعرف VBA، لكن الملف نفسه "اعور"، وما اعتقد كود VBA يقدر عليه، لاحظي انه ما ملف text عادي، اصلا فتحه ساي جنني... بعدين لو لقيت شي جاهز أحسن كتير، الملح ده عيبيه لي!.. دي داتا بتاعت CiteULike من سنة 2007، أنا مستغربة زاتي انها شويه كده ليه! لما امشي الكومبيوتر بخت ليك سطر هنا.. مبدئيا، كل سطر بتكون من رقم متسلسل، ولينك والtag المستخدم، ولو في اكتر من tag، يتكرر نفس السطر مع تغير الtag.
النجدة!
| |
|
|
|
|
|
|
Re: HELP: مطلوب مساعدة يا شباب (Re: مريم بنت الحسين)
|
خلاص يا شباب.. حليتها براي
حوّلت الملف ل.csv... وبعداك فتحت من Excel، الذي فتحه مشكورا وبكل سهولة رغم انه ملف سمين.... بعداك من Excel اخترت خيار Text to Columns... وحددته الdelimiter على اساس انه الpipe ... |... وبث! وررردلوب اتحول الملف...
وشكر الله سعيكم... ونردها ليكم دايما في الحلوة....
| |
|
|
|
|
|
|
Re: HELP: مطلوب مساعدة يا شباب (Re: مريم بنت الحسين)
|
انحنا طبعاً تواجدنا هنا للفرجة والاعجاب بزملائنا the trouble shooter وكنت على يقين ان احدهم سيجد الحل ،،
الغريب في الموضوع ان الرشيد بكل هذا المجهود رقم مشاركاته (صفر) في المنبر !!! يكون مستخدم واحد من برامجه دي في اخفاء الداتا ولا منبر بكري دا بقى مسكون؟؟؟؟؟ ههههههه
د. بت الحسين الحكاية دي عايزة كرامة شكلها كدا ماكانت بسيطة!!!
| |
|
|
|
|
|
|
Re: HELP: مطلوب مساعدة يا شباب (Re: عبد اللطيف بكري أحمد)
|
Quote: عاد يا مصطفى ساتي، الله يفتحها عليك محل ما تقبّل، ويرزقك العايزه ويديك لمن يرضيك.... بركة الأيام المباركة دي...
|
اللهم آمين. اللهم آمين ..اجمل دعوة سمعتها في الشهر المبارك ... وربنا ما يوقف لا فايل ولا ديتابيس لا غيرو في طريقك ..آممممين
| |
|
|
|
|
|
|
|