|
Re: اخي الصديق الفنان عثمان النو. هذه المجموعة خصم على رصيدك (Re: عزيز)
|
لن يضيف عثمان النو جديدا عبر هذه الاصوات.. وبعد يعيد تدريبهم ويبدل بعض الأضوات وإن نجح في ذلك سينقلنا الي ثنائيات وثلاثيات المديح المتكررة.... وحاليا الفرق مائة سنة صوتية وأدائية بين رأيه وعقد الجلاد التي لن يتمكن النو من الخروج من قميصها...حتي لو نتفه زرارة زرارة..
فكل من سيجيء بهم من الشباب متأثرين بالفطرة بعقد الجلاد...وسيأدوا وفي بالهم منافسة أفراد عقد الجلاد...الا ان يحول النو باس جيتاره الي كرباج من خلفهم...أو يأتي بعجائز إعتادوا ألا يسمعوا عقد الجلاد (من نوعية البيقول ليك..ديل خربو الغناء) زمان كرومة بيغني في اب روف بلا مايكرفون تسمعو في توتي) خاتي كدي ما شايف ليه بصارة.
النجيضة: الجماعة ديل بيخوا رائعة القدال
| |
|
|
|
|
|
|
Re: اخي الصديق الفنان عثمان النو. هذه المجموعة خصم على رصيدك (Re: nazar hussien)
|
Quote: التقليد واضح لأداء العقد
فأين الجديد اخي عثمان لكي يضاف لرصيدك الكبير؟
|
عزيزنا ... سلامات امس طبعا اول يوم اجلس واسمع هذه الفرقه جيدا وجدت الفرق شاسع كبير مابين ميلاد عقد الجلاد وهذه الفرقه المتواضعهالتي تحتاج الى سنين طوال وبصمه خاصه حتى تكون لها مكانه بين الاعمال الموسيقيه في بلدنا لانها الان لاتخرج عن جلباب عقد الجلاد وغير ذلك عندما ولدت عقد الجلاد ولدت بسنونها وكانت كامله الدسم عكس هذه الفرقه نتمنى لهم النجاح والتطور اما رسالتنا الى عثمان النو نقول له لم تاتي هذه الفرقه بالجديد
| |
|
|
|
|
|
|
Re: اخي الصديق الفنان عثمان النو. هذه المجموعة خصم على رصيدك (Re: mohmmed said ahmed)
|
فعلا اداء الفرقة ضعيف جدا وحتى محاولتهم في تلقليد عقد الجلاد لم تنجح لان الاصوات التي تؤدي العمل اصوات ضعيفة جدا وغير ناضجة واكون اجحفت لو قلت انو بعد كم سنة من التدريبات والتمارين المكثفة حا ينجحو لا بالعكس القصة في حتة الاصوات دي زي الكورة اصلو الزول ما ممكن يتعلمها ... لانها في الاساس موهبة يمكن ان تصقل بالعلم ولكن ما سمعته من اعضاء هذه الفرقة لا ينبي باي موهبة يمكن ان يطورها العلم والتمارين المكثفة عثمان رجل موسيقي من طراز فريد واكيد له الحانه واعماله التي يمكن ان يخرج بها لجمهوره بصورة مغايرة ومتجددة فقط عليه ان يحسن اختيار اعضاء الفرقة التي ستنفذ له هذه الاعمال.
| |
|
|
|
|
|
|
Re: اخي الصديق الفنان عثمان النو. هذه المجموعة خصم على رصيدك (Re: الخير محمد عوض)
|
عقد الجلاد نسمة فنية لا تتكرر موش لو كان النو ولا غيرو هؤلاء ورثوا الجمال من الذين اسسوا العقد وآدائهم الرائع
الواحد ما فنان لكن بالجد كدا لمن تجي عقد الجلاد دي في الشاشة الواحد بتنفض من فوق لي تحت عثمان النو ما يغيير أي حاجة في الفرقة دي هي شوية ألحان هو حا شالها من العقد وسوف يأتون بالجديد قريباً ان شاء الله الدنيا دي ما واقفة ليها علي زول واحد بس
الصادق
| |
|
|
|
|
|
|
Re: اخي الصديق الفنان عثمان النو. هذه المجموعة خصم على رصيدك (Re: الصادق صديق سلمان)
|
الأحباب المتداخلين
عتقنا الله وإياكم من النار
كل هذه الآراء مجتمعة أكيد ستفيد أخونا الفنان عثمان النو
ونسأل الله أن يصفي القلوب وأن يعود النو لقيادة وريادة العقد لأنهما معا كالروح والجسد
الشباب الجدد في كلا الفرقتين يحتاجون لمران كثير وثقل تجربة وظهور شخصية لأصواتهم وتحرر من تبعية التقليد
عثمان النو قادر على الإبداع وهو الفنان الخلاق
وكما ذكر البعض إذا أراد عثمان الإستمرار بهذه الفرقة فعلية أن يفكر في ملودية مختلفة وتوزيع لحني مختلف وأن يرفد الفرقة بألحان مؤلفين شباب وأشعار تتناول قضايا ومواضيع أيضا مختلفة لما شكل معظم أعمال العقد
حتي تخرج الفرقة من جلباب عقد الجلاد..
وهذا لا يقلل من أن عثمان هو مؤسس العقد وكذلك مؤسس راي وأحد مؤسسين السمندل وهو صاحب إرث فني ضخم أسهم في رقي الذوق السمعي في السودان.
له ولكم الحب والتقدير والامنيات وكل عام وانتم بخير وعيد سعيد عبدالعزيز خطاب
| |
|
|
|
|
|
|
Re: اخي الصديق الفنان عثمان النو. هذه المجموعة خصم على رصيدك (Re: عزيز)
|
عزو
تحياتى وجعلنا وجعلكم من عتقاء الشهر الكريم
حضرت اللقاء امس بمحض الصدفة. النيل الازرق بتمشى وتجى بالانترنت. لاحظت انو الاغنية الاولى بدأت بالسلام الجمهورى لدرجة انو الجمهور وقف احتراما للسلام الجمهورى وفجاءة تغيرت الاغنية لموضوع آخر لدرجة الناس اتخلعوا. ثم جاءت الاغنية مرة آخرى بجزئية لاغنية من محمد وردى. هذا شئ سيحتاج لاعادة نظر وقد يكون موضوع نقد شديد
تخريمة
هل ستحضر برنامج الاحد بلاهاى؟
| |
|
|
|
|
|
|
Re: اخي الصديق الفنان عثمان النو. هذه المجموعة خصم على رصيدك (Re: إبراهيم عبد الحليم)
|
والله يا شباب بعد التحية التجربة بتاعة فرقة راى لسة جديدة وعقد الجلاد دى تجربة ليها ذى 25 سنة واكيد موروث غنائى واستايل ونوع .. لكن دا مابنفى انو فرقة راى قدمت تجربة جيدة واصوات متناغمة واغانى جديدة ذى ست الكسرة ..........والغنية بتاعة فاضلابى ديك....وزينب ... وكان لابد انو تتغنى بالاغانى القديمة اللحنهاعثمان النو لانو تانى ما حتتغنى الاغانى دى غير هنا..........لكن بصمة النو ظاهرة فى الفرقة الجديدة ...الانضباط الموسيقى والالحان الجزيلة والاصوات المتميزة اما عقد الجلا د فبقت موسيقاها طاردة والحانا يغلب عليها التهجم الموسيقى (الارتجال) ذى الغنية بتاعة انا ما بجيب سيرة الجنوب رائعة القدال يا خ لحنوها لحن يكرهك ليها يمطمط فيها شمت ...........
| |
|
|
|
|
|
|
|