|
|
|
 Re: يدعو للاستفادة من (الاحتكاك) .. فتأمل! (Re: فايزودالقاضي)
|
عليكـ الله يا ود القاضي ده خليهو
في واحد جديد بالجوار شايفكـ عامل فيها مصحح إملا بين إنشاء وإن شاء
عليكـ الله ريحني فيهو لأني زماااااااااااان حلفت " حِلفان ترابلة " الإسم داكـ ما أسأل فيهو
بس مرارتي تخنانة وخايف عليها
صغير وجاهل ياخي :)
وحات الخوة والمدينة اللمتنا صغار تلحقني
_________
معليش يا حسين
| |
  
|
|
|
|
|
|
|
|
Re: يدعو للاستفادة من (الاحتكاك) .. فتأمل! (Re: AMNA MUKHTAR)
|
نحن غايتو احتكينا قبل كدة احتكو انتو
في العام 84 وفي مدرسة حنتوب اجريت مباراة بين فريق اساتذة حنتوب وفريق اساتذة المعهد البريطاني في مدني اتي فريق الخواجات مرتديا زي الفريق الانجليزي ومن ضمنهم كانت دامة هارت شقراء ينسدل شعرها الى منتصف ظهرها ومربوط في شكل ذيل حصان ومرتدية شورت حده كما قالت لوائح الفيفا فوق الركبة بشبر
اثارت الدامة حماس المشجعين وكبكبة مدرسيننا ولم يجرؤ احدهم على مجرد محاولة اخذ الكرة من الدامة والتي لحسن الحظ اكتفت بتمرير الباصات من منتصف الملعب ولم تحاول ان تجرب الطريق السالك الى مرمانا وغنى بعض الطلبة المطاميس (اللبن ابو لي بي ) وكذلك (ورا ورا ) بينما الغير مطاميس اكتفو بالبحلقة متمنين ان تنفرد الدامة بالمرمي في جرية لا نهائية املا في تحول اللبن الى روب
استاذنا الله يطراهو بالخير عزالدين سفيان الشهير بالصبابي وبحكم سده لخانة ثيردباك فريقنا اصابته ام راجوفة واصبح يحرش استاذ بلة بتاع الانجليزي ويقول ليهو البت بتلعب في ناحيتك غتيها انت و استاذ بة ما قصر اذ انتظر فرصة مناسبة وهاجم الشقراء الجميلة من الخلف غير آبه بصيحات الجمهور واللاعبين (لا يا بلة لالالا ) ولكن المكتولة ما بتسمع الصايحة انقشع غبار الهجمة الغادرة عن بلة في الارض ووجه الى السماء والشقراء متوهطة في منتصفه
احتك بلة احتكاكا لم يكن مفيدا لكرة القدم السودانية حيث اننا لم نسمع ببلة الا في سوح العلم مدرسا للغة الانجليزية ولم نسمع ببلة لاعبا في ليفربول او حتى فريق الاهلي مدني
التحية لاساتذتي في حنتوب عزالدين الصبابي وصلاح الركز وبلة والاخرين في تلك المباراة الذين سقطت من ذاكرتي اسماءهم
| |
|
|
|
|
|
|
| |
Hussein Mallasi
فايزودالقاضي
عمران حسن صالح
دينا خالد
محمد البشرى الخضر
AMNA MUKHTAR
محمد إبراهيم علي
محمد المرتضى حامد
أمين محمد سليمان
الصادق اسماعيل
mohmed khalail
فيس بوك
تويتر
انستقرام
يوتيوب
بنتيريست